News

រាជធានីភ្នំពេញ៖ នៅព្រឹកថ្ងៃទី១៣ខែធ្នូឆ្នាំ២០២៤ ធនាគារអភិវឌ្ឍន៍ជនបទ និងកសិកម្ម (ARDB)បានចូលរួមដាក់តាំងបង្ហាញផលិតផលនិងសេវាកម្មរបស់ធនាគារ នៅព្រឹត្តិការណ៍ពិព័រណ៍ពាណិជ្ជកម្មកម្ពុជាឆ្នាំ២០២៤ នៅមជ្ឈមណ្ឌល ភីអេច ហ្គ្រេនហល បុរីប៉េងហួត បឹងស្នោ រាជធានីភ្នំពេញ។ ពិព័រណ៍ពាណិជ្ជកម្មកម្ពុជាឆ្នាំ២០២៤នេះ មានការអញ្ជើញចូលរួមជាអធិបតីភាពដ៏ខ្ពង់ខ្ពស់ របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម រួមនិងភ្ញៀវកិត្តិយសជាតិនិងអន្តរជាតិជាច្រើនកុះករ។ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្មព្រឹត្តិកាណ៍ពិព័រណ៍ពាណិជ្ជកម្មមានប្រសាសន៍ថា វត្តមានដ៏ឧត្តុងឧត្តមដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីជាសក្ខីភាពបញ្ជាក់ពីការផ្តល់នៅសារសំខាន់យកចិត្តទុកដាក់ខ្ពស់ចំពោះវិស័យពាណិជ្ជកម្មកម្ពុជា តាមរយៈយន្តការគន្លឹះមួយចំនួនដូចជាការរៀបចំព្រឹត្តិការណ៍ពិព័រណ៍ពាណិជ្ជកម្មនានាទាំងនៅក្នុងប្រទេសនិងក្រៅប្រទេស ដើម្បីជាឱកាសនាំយកមកតាំងបង្ហាញនូវផលិតផលដែលមានគុណភាពខ្ពស់ និងសេវាកម្មទំនើបរបស់កម្ពុជា ព្រមទាំងជាឱកាសផ្គូផ្គងធុរជន អាជីវករ អតិថិជនដែលជាចំណែកចូលរួមជំរុញដ៏រស់រវើករបស់ពាណិជ្ជកម្មក្នុងប្រទេសនិងជំរុញការនាំចេញទៅទីផ្សារពិភពលោក។

ភ្នំពេញ៖ ពិព័រណ៍ពាណិជ្ជកម្មកម្ពុជាឆ្នាំ២០២៤ ដែលធ្វើឡើងមានរយៈពេល៤ថ្ងៃ ចាប់ពីថ្ងៃទី១៣ដល់ថ្ងៃទី១៦ខែធ្នូនេះ បានធ្វើឱ្យម្ចាស់អាជីវកម្មកែច្នៃផលិតផលក្នុងស្រុកមានឱកាសផ្សព្វផ្សាយអំពីផលិតផលនិងសេវាងកម្មរបស់ខ្លួនបន្ថែមទៅកាន់ទីផ្សារក្នុងពេលបច្ចុប្បន្ន។ អ្នកស្រី ហោ សុគន្ធា ម្ចាស់អាជីវកម្ម “គន្ធាអង្ករធម្មជាតិ”បានឱ្យដឹងថា យើងពិតជាមានមោទនភាព ដែលមានឱកាសចូលរួមយកផលិតផលដាក់តាំងនៅក្នុងពិព័រណ៍ពេលនេះ ព្រោះមានអត្ថប្រយោជន៍ខ្លាំងសម្រាប់អ្នកកែច្នៃ អ្នកផលិត និងចែកចាយ ដាក់តាំងបង្ហាញផលិតផលសក្តានុពលរបស់ជាតិ ជូនដល់ភ្ញៀវជាតិនិងអន្តរជាតិ។ អ្នកស្រីបន្តថា  បញ្ជាក់ថា សម្រាប់អង្ករដែលយកមកដាក់តាំងពេលនេះសុទ្ធតែប្រភេទអង្ករមានស្តង់ដារសម្រាប់នាំចេញ ធ្វើយ៉ាងណាឱ្យយុវជន ក៏ដូចជាប្រជាពលរដ្ឋបានស្គាល់អំពីគុណភាពនិងការវេចខ្ចប់មុនធ្វើការនាំចេញទៅទីផ្សារបរទេស។ កាលពីមុនប្រជាពលរដ្ឋពួកគាត់ផ្តោតទៅលើអង្ករមានរសជាតិឆ្ងាញ់ ដូចជាផ្កាម្លិះ សែនក្រអូប ផ្ការរំដួល តែសព្វថ្ងៃនេះនៅពេលពលរដ្ឋបានយល់ដឹងសុខភាព ពួកគាត់បានងាកមកគាំទ្រប្រភេទអង្ករសុខភាពច្រើនបើប្រៀបធៀបទៅនិងពេលមុនៗ។ អ្នកស្រី សៀ សុគន្នី ម្ចាស់សិប្បកម្មណែមត្រី ស្រីទូចបាត់ដំបងបានឱ្យដឹងថា “ការដែលយើងមានវត្តមានដាក់តាំងពិព័រណ៍ផលិតផលនៅក្នុងពេលនេះ ធ្វើឱ្យពលរដ្ឋនៅក្នុងស្រុក ក៏ដូចជានៅក្រៅស្រុកបានស្គាល់ផលិតផលខ្មែរយើង ហើយវាធ្វើអាជីវកម្មមានទីផ្សារច្រើន ជាងអ្នកដែលមិនបានចូលដាក់តាំងបង្ហាញផលិតផល ”។ បើតាមម្ចាស់សិប្បកម្ម ណែមត្រីខាងលើ, ការចូលរួមក្នុងពិព័រណ៍ពេលនេះ គឺជាការតាំងបង្ហាញផលិតលើកទី២ របស់ខ្លួនហើយនៅក្នុងការដាក់តាំងបង្ហាញផលិតផល៤ថ្ងៃនេះ អ្នកស្រីមានការរំពឹងខ្ពស់ថា មិនត្រឹមតែលក់អស់ប៉ុណ្ណោះទេ អ្នកស្រីនឹងក្រុមការងារផ្ញើរមកដាក់បង្ហាញបន្ថែទៀត។ អ្នកស្រីលើកឡើង “ពីមុននៅពេលដែលយើងមិនបានចូលរួមយកផលិតផលដាក់តាំងបង្ហាញនៅក្នុងពិព័រណ៍ ទីផ្សាររបស់ផលិតផលរបស់យើង ចង្អៀត តែក្រោយពីបានចូលរួមជាបន្តបន្ទាប់មកឃើញថាផលិតផលរបស់យើងមានការគាំទ្រច្រើន”។ ចំណែក បុគ្គលិកទីផ្សារតំណាងក្រុមហ៊ុន Confirel […]

  ភ្នំពេញ៖ នៅប៉ុន្មានឆ្នាំចុងក្រោយនេះ គេសង្កេតឃើញថាប្រជាពលរដ្ឋក្នុងស្រុកបាន ងាកមកចាប់អារម្មណ៍ប្រកបមុខរបរចិញ្ចឹមត្រីបែបលក្ខណៈគ្រួសារច្រើនគួរឱ្យកត់សម្គាល់ ហើយផលិតផលកែច្នៃក្នុងវិស័យនេះទៀតសោធក៏បាននិងកំពុងទទួលបានគាំទ្រពីបរិភោគផងដែរនៅលើទីផ្សារក្នុងពេលបច្ចុប្បន្ន។ ផ្អែកលើបច្ចេកទេសនៃការចិញ្ចឹមត្រីមានការរីកចម្រើន, អ្នកជំនាញនៅក្នុងសមាគមវារីវប្បករកម្ពុជា លើកទឹកចិត្តដល់អ្នកដែលមានថវិកាគ្រប់គ្រាន់អាចបណ្តាក់ទុនវិនិយោគក្នុងវិស័យវារីវប្បកម្មបានដោយសារទីផ្សារក្នុងវិស័យមួយនេះនៅមានទំហំ ជួយឱ្យអ្នកវិនិយោគមានឱកាសបានប្រាក់ចំណេញច្រើន។ លោក ឡែមផូរ វរិទ្ធិ ប្រធានគណៈកម្មការប្រតិបត្តិសមាគមវារីវប្បករកម្ពុជា ក្រៅពីបានលើកទឹកចិត្តដល់ពលរដ្ឋ រួមគ្នាគាំទ្រផលិតផលក្នុងវិស័យវារីវប្បកម្ម មិនថាផលិតផលកែច្នៃ និងផលិតផលស្រស់នោះទេ។ លោក ឡែមផូរ វរិទ្ធិ បានបញ្ជាក់ថា “ទីផ្សារវារីវប្បកម្មកម្ពុជាមានទំហំធំ ហើយឱកាសទទួលបានអត្ថប្រយោជន៍នៅមានច្រើន។ ដូចនេះប្រសិនជាបងប្អូនដែលមានថវិកាគ្រប់គ្រាន់ចង់ចូលរួមវិនិយោគនៅក្នុងវិស័យនេះ សូមអញ្ចើញចូលរួម ព្រោះបច្ចុប្បន្ននេះ ការរីកចម្រើនផ្នែកបច្ចេកទេសអាចធ្វើឱ្យយើងមានប្រាក់ចំណេញច្រើនទៅលើការចិញ្ចឹម កាត់បន្ថយថ្លៃដើម ហើយការចំណេញពីអាជីវកម្មក្នុងវិស័យវារីវប្បកម្មមានភាពល្អឡើងពីមួយថ្ងៃទៅមួយថ្ងៃ”។ គួររម្លឹកផងដែរថា នៅក្នុងវិស័យវារីវប្បកម្មនាប៉ុន្មានឆ្នាំកន្លងមកនេះពិតជាបានផ្តល់ឱកាសដល់ប្រជាពលរដ្ឋក្នុងស្រុកបង្កើតជាមុខរបរចិញ្ចឹមត្រី និងកែច្នៃត្រីងៀត ដើម្បីរកប្រាក់ចំណូលផ្គត់ផ្គង់ក្រុមជីវភាពគ្រួសារ។ ជាក់ស្តែង គ្រួសារ អ្នកស្រី សុខ ឃីម ម្ចាស់សិប្បកម្ម កែច្នៃ ហេង ហ៊ត់ មានទីតាំងនៅភូមិខ្នារ សង្កាត់ជ្រាវ ខេត្តសៀមរាប បន្ទាប់ពីចាប់ផ្តើមមុខរបរនៅក្នុងវិបត្តិជំងឺកូវីដ១៩ រហូតមកដល់សព្វថ្ងៃនេះ ការផលិតត្រីងៀតមានការកើនឡើងជាបន្តបន្ទាប់។ អ្នកស្រី សុខ ឃីម បានបញ្ជាក់ថា “បច្ចុប្បន្នប្រជាពលរដ្ឋក្នុងស្រុក មានការគាំទ្រផលិតផលកែច្នៃត្រីងៀតច្រើន […]

ភ្នំពេញ៖ ផលិតផលកើតចេញពីការកែច្នៃត្រីងៀត ត្រីឆ្អើរ ប្រហុក ផ្អក ម៉ាំនិងរួមទាំង កែច្នៃកំប្លោក ធ្វើជាវត្ថុអនុស្សាវរីយ៍ត្រូវបានស្រ្តីប្រមាណជិត១០០នាក់បាននាំគ្នាកែច្នៃ ដើម្បីរកចំណូលសម្រាប់ផ្គត់ផ្គង់គ្រួសារ ដែលនេះគឺជាការងាររបស់ស្រ្តីសហគមន៍ក្រៅពីរបរនេសាទ និងការធ្វើដំណាំកសិកម្ម។ មុខរបរកែច្នៃតាមបែបចាស់បុរាណមួយបែបនេះបានទទួលការជឿទុកចិត្តពីមួយឆ្នាំទៅមួយឆ្នាំបន្តបន្ទាប់ ហើយផលិត ផលទាំងអស់នេះ បានទទួលការគាំទ្រពីអតិថិជនកាន់តែច្រើនឡើងៗដោយមិនត្រឹមតែមានរស់ជាតិឆ្ងាញ់ពិសារ ទេតែគុណភាពក៏កាន់តែល្អឡើងផងដែរ។ អ្នកស្រី រឿន ចន្ថា រស់នៅភូមិអន្លង់តាអួរ ឃុំកោះជីវាំង ស្រុកឯកភ្នំ ខេត្ត បាត់ដំបងដែលជាសមាជិកសហគមន៍មួយរូបបានលើកឡើងថា នារដូវប្រាំងប្រជាសហគមន៍រស់នៅតាមដងស្ទឹងសង្កែនេះមួយនេះនាំគ្នាដាំបន្លែដូចជាបន្លែ ស្ពៃ ត្រឡាច ត្រប់ និងដំណាំបន្លែគ្រប់មុខ។ដល់ពេលរដូវវស្សានាំគ្នាប្រកបរបរនេសាទ ដោយកែច្នៃផលិតផលដូចជា ប្រហុក ត្រីងៀត ត្រីឆ្អើរ ប្រហុក ផ្អក មាំ។សម្រាប់សិប្បកម្មត្រីវិញគឺគេធ្វើទាំងប្រាំង និង វស្សាតែម្តង។ពោលគឺរបរកសិកម្មធ្វើជាប់រហូត ដែលមុខរបរនេះតាំងតែពីដូនតាមក។ ស្រ្តីសមាជិកសហគមន៍អ្នកកែច្នៃត្រីសម្រាប់លក់លើទីផ្សាររូបនេះបានប្រាប់ថានៅសហគមន៍អ្នកស្រីមានស្រ្តីកែច្នៃសរុប៦០នាក់ ។ក្នុងចំណោមនេះជាស្រ្តីវ័យក្មេង ដែលបានប្រកបរបរពីដូនតា សម្រាប់លក់ឱ្យភ្ញៀវទេសចរ។ចំពោះចំណូលវិញក្នុងម្នាក់បានថវិការប្រមាណ២ម៉ឺនរៀលក្នុងមួយថ្ងៃ។ អ្នកស្រីរឿនចន្ថាបានប្រាប់ដែរថាចាប់តាំងតែពីបង្កើតសហគមន៍មកធ្វើឱ្យការកែច្នៃផលិតផលត្រីមានទីផ្សារល្អជាងមុនដែលក្រៅពីលក់ ក្នុង ស្រុកភូមិ សម្រាប់ភ្ញៀវទេសចរហើយ នៅអាចនាំចេញទៅលក់នៅខេត្តផ្សេង និងពិសេសក្នុងរាជធានីភ្នំពេញបានមួយចំនួនថែមទៀត។ អ្នកស្រី ឆាយ រដ្ឋ ប្រធានកែច្នៃកំប្លោក ជា វត្ថុអនុស្សាវរីយ៍នៅសហគមន៍ភូមិអន្លង់តាអួរបានប្រាប់ថា៖ក្នុងចំណោមស្រ្តី១៥នាក់ដែលបានកែច្នៃកំប្លោកសម្រាប់លក់លើទីផ្សារនេះគឺពួកគាត់អាចរកចំណូលសម្រាប់ផ្គត់ផ្គត់គ្រួសារជាបន្តបន្ទាប់។មុខរបរនេះបើទោះបីមើលទៅតិចតួចតែវាជារបរមួយទំនេរពីការងារ […]

(អង់ការ៉ា, តួកគីយ៉េ)៖ លោក កែវ ប៊ុនថេង អនុព័ន្ធពាណិជ្ជកម្មប្រចាំសាធារណរដ្ឋតួកគីយ៉េ កាលពីទី៥ ខែធ្នូ ឆ្នាំ២០២៤ បានចូលរួម និងរៀបចំតាំងបង្ហាញផលិតផលខ្មែរក្នុងទិវាអាស៊ាន (ASEAN Day) ដែលសហការរៀបចំដោយគណៈកម្មាធិការអាស៊ាន-អង់ការ៉ា និងសាកលវិទ្យាល័យ Ankara Haci Bayrum Veli នៅទីក្រុងអង់ការ៉ា សាធារណរដ្ឋតួកគីយ៉េ ដែលមានសមាសភាពចូលរួមមកពីក្រសួង-ស្ថាប័ននានា ស្ថានទូតបរទេស និស្សិត និងសាធារណៈជន ប្រមាណ ៥០០នាក់។ នៅក្នុងឱកាសនោះ លោកអនុព័ន្ធពាណិជ្ជកម្ម បានរៀបចំនូវស្តង់ពិព័រណ៌ដើម្បីតាំងបង្ហាញនូវផលិតផលសក្តានុពលរបស់កម្ពុជាមួយចំនួន រួមមាន៖ អង្ករ ម្រេច ស្វាយចន្ទី វត្ថុអនុស្សាវរីយ៍ និងគ្រឿងឧបភោគបរិភោគមួយចំនួន ជាពិសេសគឺក្រមាខ្មែរ ដែលទើបត្រូវបានចុះបញ្ជីចូលជាសម្បត្តិបេតិកណ្ឌវប្បធម៌ពិភពលោក នៅសាធារណរដ្ឋប៉ារ៉ាហ្គាយ កាលពីថ្ងៃទី៤ ខែធ្នូ ឆ្នាំ២០២៤ កន្លងមកនេះ។ ឆ្លៀតក្នុងឱកាសនោះ លោកអនុព័ន្ធពាណិជ្ជកម្ម ក៏បានពន្យល់ជូនអ្នកទស្សនាអំពីលក្ខណៈពិសេសនៃផលិតផល ការផលិតនិងការវេចខ្ចប់ និងសក្តានុពលទីផ្សាររបស់ផលិតផលកម្ពុជា ក៏ដូចជាបានចែករំលែកនូវព័ត៌មានទំនាក់ទំនងក្រុមហ៊ុន និងសហគ្រាស ផងដែរ។ ជាមួយគ្នានេះ ស្ថានទូតកម្ពុជាប្រចាំប្រទេសតួកគីយ៉េ ក៏មានការរៀបចំនូវម្ហូបចំនួន ២មុខ […]

ភ្នំពេញ៖ ឯកឧត្តម ឃឹម ហ្វីណង់ អនុរដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ នៅថ្ងៃទី០៩ ខែធ្នូ ឆ្នាំ២០២៤នេះបានថ្លែងថា វេទិកាពិគ្រោះយោបល់ប្រចាំឆ្នាំ ទូទាំងប្រទេស ស្តីពី កិច្ចអភិវឌ្ឍន៍សហគមន៍កសិកម្មទំនើបនៅកម្ពុជា ត្រូវបានរៀបចំឡើងដោយក្រសួងកសិកម្ម រុក្ខាប្រមាញ់ និនេសាទ ដោយមានវត្តមានចូលរួមពីសំណាក់ក្រុមការងារទទួលបន្ទុកគ្រប់លំដាប់ថ្នាក់របស់ក្រសួងកសិកម្ម និងបណ្តាភាគីពាក់ព័ន្ធសំខាន់ៗ ដូចជាសម្ព័ន្ធសហគមន៍កសិកម្មកម្ពុជា អង្គការដៃគូ និងសហគមន៍កសិកម្មគំរូមួយចំនួនផងដែរ។ មន្ត្រីជាន់ខ្ពស់ខាងលើ បានបន្ថែមថា បើគិតចាប់តាំងពីថ្ងៃប្រកាសដាក់ឱ្យអនុវត្តជាផ្លូវការដោយសម្តេចធិបតីនាយករដ្ឋមន្ត្រីកាលពីខែវិច្ឆិកាឆ្នាំ២០២៣ កម្មវិធីគោលនយោបាយអាទិភាពនៃ«សហគមន៍កសិកម្មទំនើប» មានអាយុកាលពេញមួយឆ្នាំហើយ។ រហូតមកដល់ពេលនេះ ក្រសួងមានសហគមន៍កសិកម្មទំនើបចំនួន៩ នៅក្នុងខេត្តចំនួន៦ សម្រាប់ដំណាំយុទ្ធសាស្ត្រ៤មុខគឺ៖ ស្រូវ បន្លែ ស្វាយចន្ទី និងម្រេច។ ក្រសួងកសិកម្ម ក៏បានសម្របសម្រួលឱ្យសហគមន៍ទាំងនេះ អាចមានលទ្ធភាពទទួលបានកម្ចីឥណទានការប្រាក់ទាប ដោយមិនតម្រូវឱ្យមានវត្ថុបញ្ចាំសរុបចំនួនជិត៤លានដុល្លារ ព្រមទាំងបានជួយតភ្ជាប់ទីផ្សារទុកជាមុន និងផ្តល់ការគាំទ្រជាប្រចាំខាងផ្នែកបច្ចេកទេស ការគ្រប់គ្រង និងការកាត់បន្ថយថ្លៃដើមផងដែរ៕

  ភ្នំពេញ៖ មជ្ឈមណ្ឌលអភិវឌ្ឍន៍ការវេចខ្ចប់កម្ពុជា ហៅកាត់ថា CPC ដែលបានដាក់ឱ្យប្រើប្រាស់ជា ផ្លូវការកាលថ្ងៃទី៦ខែធ្នូឆ្នាំ២០២៤ដោយសាកលវិទ្យាល័យភូមិន្ទកសិកម្ម  នឹងជួយឱ្យកម្ពុយជាឈានមុខនៅក្នុងវិស័យកែច្នៃម្ហូបអាហារប្រកបដោយនិរន្តរភាព ។ យោតាមសេចក្តីប្រកាសព័ត៌មានរួម របស់ រដ្ឋបាលជលផលកម្ពុជា,  EUនិងអង្គការ UNIDO បានបញ្ជាក់ថា ការដាក់ឱ្យដំណើរការនៅមជ្ឈមណ្ឌលអភិវឌ្ឍន៍ការវេចខ្ចប់កម្ពុជា គឺជាការបោះជំហានដ៏សំខាន់មួយដើម្បីលើកកម្ពស់ភាព ប្រកួតប្រជែងនិងនិរន្តរភាពរបស់ឧស្សាហកម្មម្ហូបអាហារនៅកម្ពុជា តាមរយៈការផ្តល់នូវដំណោះស្រាយផ្នែកវេចខ្ចប់បែបនវានុវត្តន៍និងនិរន្តរភាព មជ្ឈមណ្ឌលអភិវឌ្ឍន៍វេចខ្ចប់នេះមានគោលបំណងលើកកម្ពស់សន្តិសុខស្បៀង កាត់បន្ថយកាកសំណល់ និងដើម្បីឱ្យព្រះ រាជាណាចក្រកម្ពុជាឈានមុខនៅក្នុងវិស័យកែច្នៃម្ហូបអាហារប្រកបដោយនិរន្តភាព ។ សេចក្តីប្រកាសដដែលបានឱ្យដឹងទៀតថា ការវេចខ្ចប់បែបនវានុវត្តន៍ គឺមានសារៈសំខាន់យ៉ាងខ្លាំងដើម្បីឆ្លើយតបទៅនឹងបញ្ហាប្រឈមសំខាន់ៗដែលក្រុមហ៊ុន សហគ្រាសកែច្នៃម្ហូបអាហារនៅក្នុងវិស័យឯកជនជួបប្រទះ រួមមានកាកសំណល់ម្ហូបអាហារ និងការបាត់បង់ក្នុងដំណើរការកែច្នៃ និងបញ្ហាប្រឈមនៃការប្រែប្រួលអាកាសធាតុ។ ការវាយតម្លៃជាផ្លូវការលើទិដ្ឋភាពរួមនៃការវេចខ្ចប់ក្នុងវិស័យកសិពាណិជ្ជកម្ម និងម្ហូបអាហារ បានគូសបញ្ជាក់យ៉ាងច្បាស់ពីបញ្ហាប្រឈមទាំងនេះ និងកំណើននៃតម្រូវការនូវដំណោះស្រាយនៃការវេចខ្ចប់ ប្រកបដោយប្រសិទ្ធភាព។ លោកបណ្ឌិត សេតធី ស៊ីថារ៉ាម៉ា ថមប្លាធូ ប្រធានទីប្រឹក្សាបច្ចេកទេសអង្គការ UNIDO នៃគម្រោង CAPFISH- Capture ដែលអនុវត្តរួមគ្នាដោយរដ្ឋបាលជលផល (FIA) និងអង្គការ UNIDO បានលើកឡើងថា “ការបង្កើតមជ្ឈមណ្ឌលអភិវឌ្ឍន៍ការវេចខ្ចប់កម្ពុជា គឺជាការឆ្លើយតបជាយុទ្ធសាស្រ្តចំពោះបញ្ហាប្រឈមខាងលើ ផ្តល់នូវដំណោះស្រាយប្រកបដោយនវា នុវត្តន៍ដែលនឹងលើកកម្ពស់ភាពប្រកួតប្រជែងនិងនិរន្តរភាពរបស់អាជីវកម្មម្ហូបអាហារនៅក្នុងស្រុក”។ លោកបណ្ឌិតលើកឡើងថា […]

(អង់ការ៉ា, តួកគីយ៉េ)៖ លោក កែវ ប៊ុនថេង អនុព័ន្ធពាណិជ្ជកម្មប្រចាំសាធារណរដ្ឋតួកគីយ៉េ កាលពីទី៥ ខែធ្នូ ឆ្នាំ២០២៤ បានចូលរួម និងរៀបចំតាំងបង្ហាញផលិតផលខ្មែរក្នុងទិវាអាស៊ាន (ASEAN Day) ដែលសហការរៀបចំដោយគណៈកម្មាធិការអាស៊ាន-អង់ការ៉ា និងសាកលវិទ្យាល័យ Ankara Haci Bayrum Veli នៅទីក្រុងអង់ការ៉ា សាធារណរដ្ឋតួកគីយ៉េ ដែលមានសមាសភាពចូលរួមមកពីក្រសួង-ស្ថាប័ននានា ស្ថានទូតបរទេស និស្សិត និងសាធារណៈជន ប្រមាណ ៥០០នាក់។ នៅក្នុងឱកាសនោះ លោកអនុព័ន្ធពាណិជ្ជកម្ម បានរៀបចំនូវស្តង់ពិព័រណ៌ដើម្បីតាំងបង្ហាញនូវផលិតផលសក្តានុពលរបស់កម្ពុជាមួយចំនួន រួមមាន៖ អង្ករ ម្រេច ស្វាយចន្ទី វត្ថុអនុស្សាវរីយ៍ និងគ្រឿងឧបភោគបរិភោគមួយចំនួន ជាពិសេសគឺក្រមាខ្មែរ ដែលទើបត្រូវបានចុះបញ្ជីចូលជាសម្បត្តិបេតិកណ្ឌវប្បធម៌ពិភពលោក នៅសាធារណរដ្ឋប៉ារ៉ាហ្គាយ កាលពីថ្ងៃទី៤ ខែធ្នូ ឆ្នាំ២០២៤ កន្លងមកនេះ។ ឆ្លៀតក្នុងឱកាសនោះ លោកអនុព័ន្ធពាណិជ្ជកម្ម ក៏បានពន្យល់ជូនអ្នកទស្សនាអំពីលក្ខណៈពិសេសនៃផលិតផល ការផលិតនិងការវេចខ្ចប់ និងសក្តានុពលទីផ្សាររបស់ផលិតផលកម្ពុជា ក៏ដូចជាបានចែករំលែកនូវព័ត៌មានទំនាក់ទំនងក្រុមហ៊ុន និងសហគ្រាស ផងដែរ។ ជាមួយគ្នានេះ ស្ថានទូតកម្ពុជាប្រចាំប្រទេសតួកគីយ៉េ ក៏មានការរៀបចំនូវម្ហូបចំនួន ២មុខ […]

ភ្នំពេញ៖នៅក្នុងពិព័រណ៍វារីវប្បកម្មលើកទី១ឆ្នាំ២០២៤ ដែលធ្វើឡើងក្នុងរយៈពេល២ថ្ងៃចាប់ពីថ្ងៃទី ៦និងទី៧ខែធ្នូកន្លងមកនេះ ប្រធាននាយកដ្ឋានអភិវឌ្ឍន៍វារីវប្បកម្ម នៃរដ្ឋបាលជលផលនៃក្រសួងកសិកម្ម រុក្ខាប្រមាញ់និងនេសាទ បានលើកឡើងថា បច្ចុប្បន្នការអភិវឌ្ឍវារីវប្បកម្មកម្ពុជានូវជួបប្រទេះបញ្ហាជាច្រើនមានទាំងទីផ្សារពុំមានស្ថិរភាពសម្រាប់កសិករយកត្រីទៅលក់ដោយផ្ទាល់។ តែទោះជាយ៉ាងនេះក្តី មន្រ្តីជំនាញលើកឡើងថា ​​ផលវារីវប្បកម្មយើងនៅតែមានឱកាសនាំចេញទៅកាន់ទីផ្សារអន្តរជាតិ តាមរយៈការពង្រីក ខ្សែច្រវាក់ប្រភេទពូជក្នុងស្រុក ដោយពង្រឹងគុណភាពឱ្យស្របតាមស្តង់ដារអាហារ។ លោក ថាយ សុមុនី ប្រធាននាយកដ្ឋានអភិវឌ្ឍន៍វារីវប្បកម្មនៃរដ្ឋាបាលជលផល មានប្រសាសន៍ថា បច្ចុប្បន្នការអភិវឌ្ឍវារីវប្បកម្មកម្ពុជានូវជួបប្រទះបញ្ហាមួយចំនួនដូចជាទីផ្សារពុំមានស្ថិរភាពសម្រាប់កសិកម្មយកត្រីទៅលក់ដោយផ្ទាល់, អស្ថិរភាពនៃការផ្គត់ផ្គង់ត្រីនៅលើទីផ្សារឱ្យបានពេញមួយឆ្នាំ, តម្លៃផលនៃវារីវប្បកម្មនៅប្រទេសជិតខាងមានតម្លៃថោកជាង,  បច្ចេកទេសនៃការចិញ្ចឹមត្រី និងការផលិតកូនត្រីរបស់វារីវប្បករនៅមានកម្រិត, ការវិនិយោគ្នុងវិស័យវារីវប្បកម្មនៅមានទំហតូចនៅឡើយ, កន្លែងប្រមូលផ្តុំនិងចែកចាយត្រីមិនទាន់គ្រប់គ្រាន់តាមតម្រូវការ, ការចងក្រងបណ្តុះវារីវប្បករមិនទាន់បានទូលំទូលាយ, កាកែច្នៃនិងការធ្វើពិពិធកម្មផលវារីវប្បកម្មដើម្បីទទួលបានតម្លៃបន្ថែមនៅមានកម្រិត។ លោកគូសបញ្ជាក់ថា “ទោះបីជាយ៉ាងនេះក្តី, ផលវារីវប្បកម្មយើងនៅតែមានឱកាសនាំចេញទៅកាន់ទីផ្សារអន្តរជាតិ តាមរយៈការពង្រីក ខ្សែច្រវាក់ប្រភេទពូជក្នុងស្រុក ដោយពង្រឹងគុណភាពឱ្យស្របតាមស្តង់ដារអាហារ។ ដោយយល់ឃើញពីភាពចាំបាច់ ក្នុងការអភិវឌ្ឍវារីវប្បកម្មកម្ពុជា និងដើម្បីឆ្លើយតបតម្រូវការទីផ្សារអន្តរជាតិ រដ្ឋបាលជលផលបាននិងកំពុងធ្វើការរៀបចំផែនការយុទ្ធសាស្ត្រថ្មី ក្នុងការអភិវឌ្ឍវារីវប្បកម្មកម្ពុជាពីឆ្នាំ២០២៥ដល់ឆ្នាំ២០៣៤”។ លោក ថាយ សុមុនី បន្តថា  “ខ្ញុំសង្ឃឹមនិងជឿជាក់ថា ការប្រឹងប្រែងរបស់យើងទាំងអស់គ្នា នឹងធ្វើឱ្យវិស័យវារីវប្បកម្ម នឹងមានការវិវត្តន៍ស្របតាមបរិបទជាតិនិងអន្តរជាតិ ។ដូចនេះ នៅពេលដែលវិស័យវារីវប្បកម្មមានការរីកចម្រើន នឹងបានជួយដល់ប្រាក់ចំណូលដល់វារីវប្បករ ពាណិជ្ជករ អាជីវករនិងកត្តាវឌ្ឍនៈភាពការងារ តាមរយៈការនាំចេញផល ផលិតផលជលវារីវប្បកម្មទៅកាន់ទីផ្សារអន្តរជាតិ”។ នៅក្នុងឱកាសនោះផងដែរ, […]

ភ្នំពេញ៖ប្រធានសមាគមអ្នកផលិតចំណីអាហារកម្ពុជាបានឱ្យដឹងថា មានផលិតផលកែច្នៃក្នុងវិស័យកសិកម្មមួយចំនួនទទួលបានការចាប់អារម្មណ៍ចង់ធ្វើការនាំចេញទៅប្រទេសកូរ៉េ ដើម្បីយកទៅផ្គត់ផ្គង់ដល់ពលរដ្ឋនៅក្នុងតំបន់អាស៊ី ដែលបានកំពុងប្រកបកិច្ចការងារនៅប្រទេសកូរ៉េខាងត្បូង។ នៅក្នុងពិព័រណ៍ប្រព័ន្ធអេកូឡូស៊ី សហគ្រិនភាពឆ្នាំ២០២៤កាលថ្មីៗនេះ, ឯកឧត្តម មៀវ សុទ្រី ប្រធានសមាគមអ្នកផលិតចំណីអាហារកម្ពុជាបានឱ្យដឹងថា បន្ទាប់ពីតំណាងក្រុមហ៊ុនកូរ៉េ ដើរពិនិត្យមើលផលិតផលក្នុងស្រុករួចមក ភាគីខាងក្រុមហ៊ុនកូរ៉េ មានការចាប់អារម្មណ៍លើផលិតផលមានសក្តានុពលរបស់កម្ពុជាមានច្រើនដូចជា៖ទឹកត្រី, ទឹកសាអ៊ីវ, នំបញ្ចុក, គ្រាប់សណ្តែកគួ, ទឹកសៀង, ទឹកម្ទេស, ប្រហុក, ត្រីងៀត, ត្រីឆ្អើ សុទ្ធតែជាផលិតផលដែលពលរដ្ឋអាស៊ីរស់នៅប្រទេសកូរ៉េ ចូលចិត្តប្រើប្រាស់។ ឯកឧត្តមលើកឡើងថា ដោយសារតែផលិតផលខ្មែរមួយចំនួនគឺនៅបែកខ្ញែកគ្នា អត់មានការប្រមូលផ្តុំបែបនេះ នៅមិនទាន់អាចកំណត់នូវបរិមាណទំនិញដែលត្រូវនាំចេញបាននៅឡើយទេ។ បើការនាំចេញមានបរិមាណតិចតួចមិនអាចឱ្យក្រុមហ៊ុនរកប្រាក់ចំណេញទេ។ ដូចនេះទាមទារឱ្យខាងសមាគអ្នកផលិតចំណីអាហារកម្ពុជាជួយបង្កើតកន្លែងប្រមូលផ្តុំ ហើយចុះកិច្ចព្រមព្រៀងទិញលក់ក្នុងពេលឆាប់ៗ យ៉ាងហោចណាស់នៅត្រឹមចុងឆ្នាំ២០២៤ខាងមុខនេះ អាចនាំចេញផលិតផលកម្ពុជាទៅប្រទេសកូរ៉េខាងត្បូងបានមួយកុងតឺន័រ។ យោងតាមប្រធានសមាគម្មអ្នកផលិតចំណីអាហារខាងលើ កន្លងមកផលិតផលកម្ពុជាក៏ធ្លាប់បានចេញទៅកូរ៉េមួយចំនួនដែរ ប៉ុន្តែការនាំចេញកាលពីមុននេះ វាមានលក្ខណៈយួរតាមដៃតិចតួចធ្វើឱ្យតម្លៃដែលត្រូវផ្ញើរទៅប្រទេសកូរ៉េវាថ្លៃ តែបើមានការនាំចេញជាលក្ខណៈតាមកុងតឺន័រវាអាចកាត់បន្ថយការចំណាយច្រើន។ បច្ចុប្បន្នសកលភាវូបនីយកម្មនេះ ព័ត៌មានទាំងឡាយដែលទាក់ទងនិងគុណភាពម្ហូបអាហារ ឃើញថាអាជីវករក្នុងស្រុកតែងតែបានធ្វើការស្រាវជ្រាវពីប្រទេសផ្សេងៗ ហើយម្ចាស់អាជីវកម្មក្នុងស្រុកមួយចំនួន កំពុងតែប្រែខ្លួនពីអាជីវកម្មលក្ខណៈគ្រួសារទៅជាឱ្យទៅជាអាជីវកម្មលក្ខណៈពាណិជ្ជកម្ម ដោយផលិតផលមានស្តង់ដារផ្សេងៗដើម្បីឆ្លើយតបតម្រូវការរបស់ប្រទេសនៅខាងក្រៅផងដែរ។ គួរបញ្ជាក់ផងដែរថា ក្រុមហ៊ុនប្រទេសកូរ៉េមួយ ដែលបានបង្ហាញការចាប់អារម្មណ៍ចង់នាំចេញផលិតកែច្នៃក្នុងស្រុកទៅប្រទេសកូរ៉េនៅចុងឆ្នាំ២០២៤នេះ យ៉ាងហោចណាស់បានមួយកុងតឺន័រនេះ ក៏បានចុះទស្សនកិច្ច ពិនិត្យមើលផលិតនៅក្នុងក្រុមហ៊ុន អ៊ីឆេ ង៉ូវហេង ហ្វូតប្រដាក់សិន មានទីតាំងនៅខេត្តកំពត រួចរាល់ផងដែរ។ […]

ភ្នំពេញ៖ លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម នៅព្រឹកថ្ងៃអង្គារទី៣ ខែធ្នូ ឆ្នាំ២០២៤ បានអញ្ជើញជាអធិបតីក្នុងពិធីចុះអនុស្សារណៈនៃការយោគយល់គ្នារវាង ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទនិងកសិកម្ម, លោកជំទាវ តឹករ៉េត កំរង រដ្ឋលេខាធិការនៃក្រសួងពាណិជ្ជកម្មព្រមទាំងភាគីពាក់ព័ន្ធផ្សេងៗទៀត​នាទីស្តីការក្រសួងដែលមានអ្នកចូលរួមប្រមាណ ១៥០នាក់។​​ ពិធីចុះអនុស្សារណៈនៃការយោគយល់គ្នានេះធ្វើឡើងក្នុងគោលបំណងជំរុញភាពជាដៃគូតាមរយៈការភ្ជាប់កិច្ចសហប្រតិបត្តិការលើការអភិវឌ្ឍវិស័យកសិកម្ម វិស័យពាណិជ្ជកម្ម និងជំរុញការប្រើប្រាស់ផលិតផល និងសេវារបស់គូភាគីដោយផ្តោតលើការអនុវត្តច្បាប់ស្តីពីប្រតិបត្តិការដែលមានកិច្ចធានា ការផ្តល់ទិន្នន័យសន្ទស្សន៍ថ្លៃទំនិញក្នុងទីផ្សារ ការគាំទ្រការកែច្នៃផលិតផលក្នុងស្រុក និងការនាំចេញ តាមរយៈការផ្តល់ហិរញ្ញប្បទានដែលមានអត្រាការប្រាក់សមរម្យ។ នៅក្នុងឱកាសនោះ លោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម តំណាងដ៏ខ្ពង់ខ្ពស់ លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម​​បានចាត់ទុកថា ពិធីចុះហត្ថលេខាលើអនុស្សារណៈយោគយល់គ្នា រវាងក្រសួងពាណិជ្ជកម្ម និងធនាគារ ARDB ជាសក្ខីភាពនៃកិច្ចសហប្រតិបត្តិការរវាងស្ថាប័នរដ្ឋទាំងពីរដែលមានតួនាទីគាំទ្រគោលនយោបាយរបស់រាជរដ្ឋាភិបាលឱ្យមានប្រសិទ្ធភាពខ្ពស់ក្នុងវិស័យកសិកម្ម និងវិស័យពាណិជ្ជកម្ម ។ សម្រាប់ ឯកឧត្តមបណ្ឌិត កៅ ថាច ធនាគារ (ARDB) បាន​​សម្ដែងនូវអំណរគុណផងដែរ ជូនចំពោះវត្តមានរបស់ថ្នាក់ដឹកនាំមន្រ្តីរាជការក្រសួងពាណិជ្ជកម្ម,មន្រ្តីក្រសួង-ស្ថាប័នពាក់ព័ន្ធ, តំណាងដៃគូអភិវឌ្ឍន៍ ដោយចាត់ទុកថា ការចុះអនុស្សរណៈយោគយល់គ្នានៅថ្ងៃនេះ ក្នុងនាមជាធនាគារបម្រើគោលនយោបាយរបស់​រាជរដ្ឋាភិបាលធនាគារARDB​ […]

ពោធិ៍សាត់៖ ក្រោយពីបានដំាំដុះខ្ញីពូជចិនកាលពីខែមេសា នៅតំបន់អូរសោមខេត្តពោធិ៍សាត់ លោក ហ៊ុល សុធាម្ចាស់កសិដ្ឋានខ្ញីអូរសោម ចាប់ផ្តើមសាកល្បងប្រមូលផលខ្ញីដំបូងរបស់ខ្លួនបណ្តើរៗហើយ សម្រាប់ផ្គត់ផ្គង់ទៅលើទីផ្សារក្នុងស្រុកកាលពីសប្តាហ៍ទី២ខែវិច្ឆិកាកន្លងមកនេះ។ លោក ហ៊ុល សុធា បានឱ្យដឹងថា បច្ចុប្បន្នខាងកសិដ្ឋានកំពុងសាកល្បងប្រមូលផលខ្ញីជាបណ្តើរៗ ហើយបាននាំចេញទៅកាន់ទីផ្សារនៅក្នុងតំបន់សន្សឹមៗផងដែរ ក្នុងនោះផ្សារនៅខេត្តបាត់ដំបងនិងក្រុងភ្នំពេញ។ ការប្រមូលផលខ្ញីពូជចិនលើផ្ទៃដីជាង១០ហិកតានេះ ដើម្បីដកស្រង់បទពិសោធន៍ បច្ចេកទេស និងក៏ដូចជាការរក្សាទុកពូជខ្ញីដាំនៅគ្រាបន្ទាប់។ លោក ហ៊ុល សុធា លើកឡើងថា នៅពេលកន្លងមក លោកបានបញ្ជ្រាបផលិតផលខ្ញីអូសោម ចូលទីផ្សារក្នុងស្រុក នៅខាងបាត់ដំបងនិងទីផ្សារនៅភ្នំពេញមួយចំនួន សម្រាប់ចែកចាយបន្ត គេសរសើរថាគុណភាពខ្ញីដាំនៅតំបន់អូរសោមទាំងគុណភាព រសជាតិនិងភាពស្រស់របស់ខ្ញី ល្អជាងខ្ចីនាំចូលពីប្រទេសជិតខាង។ លោកបន្តថា “ការប្រមូលផលខ្ចីលើផ្ទៃដី១៣ហិកតានេះ ខ្ញុំគិតថាការផ្គត់ផ្គង់ទៅលើទីផ្សារជាចំណែកដ៏តូចមួយ ព្រោះបច្ចុប្បន្នតម្រូវការនៅក្នុងស្រុកប្រើប្រាស់ខ្ចីច្រើន ហើយនៅពេលខាងមុខនឹងមានការកាត់បន្ថយការនាំចូល ដោយសារការផលិតខ្ញីនៅក្នុងប្រទេសជិតខាង ផុតរដូវកាលប្រមូលផល។ដូចនេះបរិមាណខ្ញីដែលផលិតនៅតំបន់អូរសោមមិនអាចផ្គត់ផ្គង់ទីផ្សារក្នុងស្រុកគ្រប់នោះទេ”។ ទាក់ទងនិងទីផ្សារក្នុងស្រុកនិងទីផ្សារនៅប្រទេសជិតខាងនាពេលបច្ចុប្បន្ន, បើតាមរយៈការសិក្សារបស់លោក ហ៊ុល សុធាកន្លងមកយល់ឃើញថា ការប្រើប្រាស់ខ្ចីមានទំហំធំណាស់។ សម្រាប់ទីផ្សារក្នុងស្រុក តាមការវាយតម្លៃបឋមក្នុងមួយថ្ងៃនៅក្រុងភ្នំពេញមានតម្រូវការប្រហែល៣០តោន និងនៅទីផ្សារក្នុងខេត្តបាត់ដំបងអាចមានចន្លោះពី១០ទៅ២០តោនក្នុងមួយថ្ងៃ។ដូចនេះបើគិតជាបរិមាណនៅក្នុងមួយខែៗឬ ក្នុងមួយឆ្នាំតម្រូវការខ្ញី មានរហូតដល់រាប់រយតោនឬច្រើនជាងនេះ។ លោកគូសបញ្ជាក់ថា “នៅថ្ងៃអនាគតបើសិនខ្ញុំអាចធ្វើការពង្រីកការដាំដុះខ្ចី នៅតំបន់អូរសោមបានទូលំទូលាយ វាជួយកាត់បន្ថយការចំណាកស្រុក វាជួយរកប្រាក់ចំណូលឱ្យសេដ្ឋកិច្ចជាតិបានមួយចំនួនធំបើប្រៀបធៀបជាមួយដំណាំរួមផ្សំផ្សេងទៀត។ពិសសជាងនេះដៃគូប្រកួតប្រជែងរបស់យើងមិនមែនប្រទេសជិតខាងទេ គឺប្រទេសដែលធ្វើការដាំខ្ចីធំៗនៅជាប្រទេសចិន ឥណ្ឌានិងប្រទេសប៉ាគីស្ថានជាដើម”៕