អន្តរជាតិ

ទីក្រុងម៉ានីល៖ ប្រទេសហ្វីលីពីនគ្រោងផ្អាកការនាំចូលសាច់បក្សីពីប្រទេសប្រេស៊ីលជាបណ្ដោះអាសន្ន បន្ទាប់ពីផ្ទុះជំងឺផ្តាសាយបក្សី នៅក្នុងកសិដ្ឋានចិញ្ចឹមសត្វមួយកន្លែង ដែលបណ្តាលឱ្យងាប់អស់មាន់រាប់ពាន់ក្បាល។ យោងតាមសារព័ត៌មានជាច្រើន​ បានដកស្រង់សម្តីរដ្ឋមន្ត្រីក្រសួងកសិកម្ម​ ហ្វីលីពីន ដែលបានមានប្រសាសន៍ថា ក្រសួងកសិកម្មនឹងដាក់បម្រាមនៅទូទាំងប្រទេសមិនឱ្យនាំចូលសាច់បក្សីពីប្រទេសប្រេស៊ីល ដែលជាប្រទេសផលិត និងនាំចេញផលិតផលបសុបក្សីធំជាងគេបំផុតលើពិភពលោក។ ប្រទេសចិន ម៉ិកស៊ិក ឈីលី និងអ៊ុយរូហ្គាយ បានហាមមិនឱ្យនាំចូលសាច់មាន់ បន្ទាប់ពីផ្ទុះជំងឺផ្តាសាយបក្សីនៅក្នុងប្រទេសប្រេស៊ីល ដែលបណ្តាលឱ្យងាប់មាន់អស់ជិត៧ ៤០០ក្បាល។ ចំណែកប្រទេសហ្វីលីពីន ក៏បានចេញបម្រាមមិនឱ្យនាំចូលសាច់បក្សីជាបណ្តោះអាសន្នពីបណ្តាប្រទេស ដែលមានការឆ្លងជំងឺផ្តាសាយបក្សី ដើម្បីការពារកុំកើតជំងឺឆ្លងនៅក្នុងប្រទេស។ ប្រទេសប្រេស៊ីល គឺជាអ្នកផ្គត់ផ្គង់សាច់បសុបក្សីដ៏ធំសម្រាប់ហ្វីលីពីន ជាពិសេសសម្រាប់ឧស្សាហកម្មកែច្នៃសាច់ ដែលប្រហែល៦០ភាគរយ សម្រាប់ធ្វើសាច់ក្រក និងនំប៉័ងសាច់។ ការហាមមិនឱ្យនាំចូលផលិតផលសាច់បក្សីពីប្រទេសប្រេស៊ីល អាចធ្វើឱ្យហ្វីលីពីនជួបបញ្ហាខ្លះដែរ ដូច្នេះត្រូវនាំចូលសាច់មាន់ពីប្រទេសប៉ូឡូញ រុស្ស៊ី និងអាល្លឺម៉ង់។ ចំណែកបណ្តាប្រទេសនៅក្នុងសហភាពអឺរ៉ុប និងប្រទេសចិនបានផ្អាកការនាំចូលសាច់មាន់ពីប្រទេសប្រេស៊ីល ដោយសារការផ្ទុះជំងឺផ្ដាសាយបក្សី។ ទីភ្នាក់ងារព័ត៌មានបរទេសរាយការណ៍ពីទីក្រុង ប្រាស៊ីលីយ៉ា (Brasilia) ប្រទេសប្រេស៊ីល បានឱ្យដឹងថា ក្រសួងកសិកម្មប្រេស៊ីល បានចេញសេចក្តីថ្លែងការណ៍ថា សហភាពអឺរ៉ុបបានផ្អាកការនាំចូលសាច់មាន់ពីប្រទេសប្រេស៊ីល។​ ចំណែកប្រទេសចិន ក៏បានផ្អាកការនាំចូលរយៈពេល៦០ថ្ងៃ ដោយសារខ្លាចឆ្លងជំងឺផ្តាសាយបក្សី។ យោងតាមទិន្នន័យផ្លូវការពីសមាគមអ្នកនាំចេញសាច់របស់ប្រេស៊ីល បានបង្ហាញថា កាលពីឆ្នាំ២០២៤ បណ្តាប្រទេសក្នុងសហគមន៍អឺរ៉ុបបាននាំចូលសាច់មាន់ជាង២៣១ ០០០តោន ពីប្រទេសប្រេស៊ីល។ […]

បាងកក៖ ត្រីទីឡាព្យ៉ា គឺជាប្រភេទត្រីទឹកសាប ដែលមានប្រភពដើមកំណើតមកពីទ្វីបអាហ្រិ្វកភាគខាងជើង ហើយពូជត្រីនេះឆាប់ធំ និងងាយសម្របខ្លួន ដើម្បីរស់នៅបានគ្រប់បរិស្ថានថ្មី ជាពិសេស វាស៊ីត្រីក្នុងស្រុកជាអាហារ និងបំផ្លាញប្រព័ន្ធអេកូឡូស៊ីខ្លះទៀត ដែលធ្វើឱ្យអ្នកចិញ្ចឹមត្រូវខាតបង់លុយយ៉ាងច្រើនដោយសារត្រីមួយប្រភេទនេះ។ ប្រទេសថៃ បានចាត់ទុកត្រីទីឡាព្យ៉ាខ្មៅថា ជាពូជត្រីបង្កការខូចខាតដល់ត្រីធម្មជាតិ និងប្រព័ន្ធអេកូឡូស៊ី ម្ល៉ោះហើយទើបបានជារដ្ឋាភិបាលបង្កើតគោលនយោបាយកម្ចាត់ចោលត្រីប្រភេទនេះពីទីធម្មជាតិ។ យោងតាមសារព័ត៌មាន​ដេឡេញូ របស់ថៃ បានឱ្យដឹងនាដើមសប្តាហ៍នេះថា នាយកដ្ឋានជលផលរបស់ថៃបានចាប់ផ្តើមទទួលទិញត្រីទីឡាព្យ៉ាខ្មៅ ដែលប្រជាពលរដ្ឋចាប់បានពីស្រះចិញ្ចឹមត្រី និងប្រភពទឹកធម្មជាតិរបស់កសិករ ដោយចាប់ផ្តើមក្នុងខេត្តចំនួន១០ ជាង១០ម៉ឺនគីឡូក្រាម។ លោក សុវ៉ាត់ វង់សុវ៉ាត់​ (Suwat Wongsuwat) អគ្គនាយករង និងជាអ្នកនាំពាក្យនៃនាយកដ្ឋានជលផលរបស់ថៃ បានឱ្យដឹងថា គម្រោងគ្រប់គ្រង និងលុបបំបាត់ពូជត្រីទីឡាព្យ៉ាខ្មៅ ត្រូវបានប្រកាសឱ្យអនុវត្ត ចាប់ថ្ងៃទី១៣ ខែឧសភា ក្នុងខេត្តចំនួន១០ ក្នុងចំណោមខេត្តចំនួន១៤ ដែលចូលរួមក្នុងគម្រោងនេះ រួមមានទីក្រុងបាងកក, សាមុតប្រាកាន, សាមុតសាខន, សាមុត ស៊ុងខាម ណាក់ខនប៉ាធុម ,រាជបុរី , ប្រាជួបគីរីខាន់ ,ឈុំផន ,ណាក់ខនស៊ីថាំរ៉ាតជាដើម។ លោក សុវ៉ាត់ វង់សុវ៉ាត់ បាននិយាយទៀតថា […]

ទីក្រុងហូជីមិញ៖ ផ្លែឈើរីដាំតាមផ្ទះសំណាញ់នៅក្នុងប្រទេសចិន កំពុងតែសម្រុកចូលទីផ្សារនៅក្នុងប្រទេសវៀតណាម ដោយសារលក់ក្នុងតម្លៃទាបជាងផ្លែឈើរីនាំចូលពីប្រទេសអូស្ត្រាលី ឬសហរដ្ឋអាមេរិក។ យោងតាមការចេញផ្សាយរបស់សារព័ត៌មាន វៀតណាម អេចប្រេស បានឱ្យដឹងថា ផ្លែឈើរីនាំចូលពីប្រទេសចិន មានគុណភាពល្អធម្មតាលក់ក្នុងតម្លៃ៥០០​ ០០០ដុង​ ឬស្មើនឹង១៩ដុល្លារ ក្នុងមួយគីឡូក្រាម​ ខណៈផ្លែឈើរីល្អលេខ១ ​លក់ក្នុងតម្លៃត្រឹមតែ៦លានដុង ឬស្មើនឹង២៣ដុល្លារ ក្នុងមួយគីឡូក្រាម។ ផ្ទុយទៅវិញ ផ្លែឈើរីនាំចូលពីប្រទេសអូស្ត្រាលី និងសហរដ្ឋអាម៉េរិក​ មានតម្លៃខ្ពស់ជាងជិតពីរដង ម្យ៉ាងវិញទៀត អ្វី​ដែលអ្នកចូលចិត្តទិញ​​ផ្លែ​ឈើរី​របស់​ចិន​ មកបរិភោគ គឺដោយសារផលិតផលផ្លែឈើប្រភេទនេះ ​ដាំនៅក្នុងផ្ទះសំណាញ់ ដែលមានការ​គ្រប់គ្រង​យ៉ាង​ម៉ត់ចត់ មិន​ប្រើ​ជីគីមី ឬ​សារធាតុអកម៉ូនឡើយ​។ អ្នកលក់ផ្លែឈើរីនៅក្នុងផ្សារវៀតណាម បាន​និយាយ​ថា ផ្លែ​ឈើរី​របស់​ចិន ចាប់ផ្តើមពេញនិយមនៅតាម​ទីផ្សារ​ផ្លែឈើរបស់វៀតណាម។ ផ្លែឈើរីរបស់ចិននេះ​ ក៏មាន​ទំហំ​ប្រហាក់ប្រហែលផ្លែ​ឈើរីនាំចូលពីប្រទេស​អូស្ត្រាលី ព្រមទាំងមានរសជាតិ​ផ្អែម និង​មាន​ក្លិន​ឈ្ងុយឆ្ងាញ់ថែមទៀតផង។ អ្នកលក់នៅផ្លែឈើរិមា្នក់ នៅក្នុងទីក្រុងហូជីមិញ បាននិយាយថា ផ្លែឈើរីរបស់គាត់បេះមកពីកសិដ្ឋានផ្ទះសំណាញ់​ រួចដឹកតាមយន្តហោះ មកដល់ប្រទេសវៀតណាមក្នុងរយៈពេលត្រឹមតែមួយ ឬពីរថ្ងៃប៉ុណ្ណោះ ដូច្នេះផ្លែនៅស្រស់ល្អណាស់។ ចំណែកអ្នកនាំចូលផ្លែឈើរី នៅក្នុងទីក្រុងហូជីមិញ បាន​និយាយ​ថា ក្រុមហ៊ុន​របស់​គាត់​បញ្ជា​ទិញ​ផ្លែ​ឈើ​រី​ទាំងនេះ បានត្រឹមតែ​​ប្រហែល​១០០​កេសប៉ុណ្ណោះ។ យោងតាមរបាយការណ៍ពីទីផ្សារលក់ដុំផ្នែកផលិតផលកសិកម្មរបស់វៀតណាម បានបង្ហាញថា ផ្លែឈើរីចិនដាំក្នុងផ្ទះសំណាញ់មិនទាន់ទទួលបានការអនុញ្ញាតឱ្យនាំចូលជាផ្លូវការនៅឡើយទេ ដោយសារមិនទាន់មានបរិមាណគ្រប់គ្រាន់។ […]

ហ្សាការតា៖ រដ្ឋមន្ត្រីក្រសួងកសិកម្មឥណ្ឌូណេស៊ី លោក អានឌី អារ៉ាំ ស៊ូឡៃម៉ាន់​ (Andi Amran Sulaiman) បានអះអាងថា តាមរយៈអង្ករបម្រុងរបស់រដ្ឋាភិបាលកើនឡើងដល់បរិមាណ៣​,៧លានតោន បើគិតត្រឹមថ្ងៃទី១៣ ខែឧសភា ឆ្នាំ២០២៥ ប្រទេសឥណ្ឌូនេស៊ី ចាប់ផ្តើមនាំមុខគេក្នុងផលិតកម្មស្រូវ នៅអាស៊ីអាគ្នេយ៍។ សារព័ត៌មានអានតារ៉ា​​ (Antara News) របស់ឥណ្ឌូណេស៊ី បានដកស្រង់សម្តីលោករដ្ឋមន្ត្រី​ ដែលមានប្រសាសន៍អះអាងបែបនេះ​​ នៅក្នុងសេចក្តីថ្លែងការណ៍មួយ ដែលបានចេញផ្សាយ​កាលពីដើមសប្តាហ៍នេះថា “លទ្ធផលនេះ គឺដោយសារការប្រឹងប្រែងរបស់អ្នកពាក់ព័ន្ធទាំងអស់ រួមទាំងកសិករ រដ្ឋាភិបាលកណ្តាល និងរដ្ឋបាលតាមតំបន់ ក៏ដូចជាទីភ្នាក់ងារភស្តុភារជាតិផងដែរ” ។ លោករដ្ឋមន្ត្រី​បាន​បន្ថែម​ថា ផ្អែក​លើបរិមាណស្តុកស្រូវ​​របស់ជាតិ នាពេល​បច្ចុប្បន្ននេះ ប្រទេសឥណ្ឌូណេស៊ី​ អាចជា​ប្រទេស​ផលិត​អង្ករ​ច្រើន​ជាង​គេ​ក្នុង​តំបន់ ដោយទទួលបានទិន្នផលស្រូវ​លើស​ប្រទេស​ផលិត​អង្ករធំៗ ​ដូច​ជាប្រទេសថៃ និង​វៀតណាមជាដើម។ ចំណែករបាយការណ៍ផ្លូវការរបស់ក្រសួងកសិកម្មសហរដ្ឋអាមេរិកវិញ ក៏បានចាត់ទុកប្រទេសឥណ្ឌូនេស៊ី ស្ថិតនៅលំដាប់កំពូលនៃអ្នកផលិតកម្មស្រូវរបស់អាស៊ីអាគ្នេយ៍ផងដែរ។ ផ្អែកលើរបាយការណ៍របស់ក្រសួងកសិកម្មសហរដ្ឋអាមេរិក ចេញផ្សាយខែមេសា ឆ្នាំ២០២៥ បានឱ្យដឹងថា ផលិតកម្មស្រូវរបស់ប្រទេសឥណ្ឌូនេស៊ី ក្នុងរដូវដាំដុះ ឆ្នាំ២០២៤ ត្រូវបានគេរំពឹងថា នឹងកើនឡើងរហូតដល់៤៣,៦ លានតោន កើនឡើង៦០០ពាន់តោន ធៀបនឹងការព្យាករណ៍កន្លងមក […]

ប៉េកាំង៖ ក្រសួងពាណិជ្ជកម្មចិន បានប្រកាសថា ចាប់ពីថ្ងៃទី៧ ខែឧសភា ឆ្នាំ២០២៥នេះតទៅ ប្រទេសចិននឹងដាក់ពន្ធរយៈពេលប្រាំឆ្នាំ លើថ្នាំសម្លាប់សត្វល្អិត​នាំចូលពីប្រទេសឥណ្ឌា ឈ្មោះ សាយពើមេទ្រីន (Cypermethrin)​ ដើម្បីការពារផលប្រយោជន៍ក្រុមហ៊ុនក្នុងស្រុក ពីការលក់បង្ខូចតម្លៃ។ យោងតាមការចេញផ្សាយរបស់សារព័ត៌មានចិន ឈ្មោះ ក្លូបល ថែមស៍ (​Global Times) បានដកស្រង់សម្តីអ្នកជំនាញចិនម្នាក់ ដែលបាននិយាយថា វិធានការនេះបង្ហាញយ៉ាងច្បាស់ អំពីការតាំងចិត្តយ៉ាងម៉ឺងម៉ាត់របស់រដ្ឋាភិបាលចិន ដើម្បីការពារសិទ្ធិ និងផលប្រយោជន៍ស្របច្បាប់របស់ក្រុមហ៊ុនចិន ដោយត្រូវតែឆ្លើយតបចំពោះការធ្វើពាណិជ្ជកម្មអយុត្តិធម៌ពីសំណាក់ប្រទេសឥណ្ឌា។ ឆ្លើយតបទៅនឹងសំណើររបស់ឧស្សាហកម្មក្នុងស្រុក ក្រសួងពាណិជ្ជកម្មចិន បានចាប់ផ្តើមស៊ើបអង្កេតលើការលក់បង្ខូចថ្លៃចំពោះថ្នាំសម្លាប់សត្វល្អិត សាយពើមេទ្រីន ដែលនាំចូលពីប្រទេសឥណ្ឌា កាលពីថ្ងៃទី៧ ខែឧសភា ឆ្នាំ២០២៤​ ហើយបើគិតមកដល់ថ្ងៃត្រូវជាប់ពន្ធនេះ គឺមានរយៈពេលមួយឆ្នាំគត់។ ក្រសួងពាណិជ្ជកម្មចិន​ បានអះអាងនៅក្នុងសេចក្តីប្រកាសព័ត៌មានថា​ ក្នុងអំឡុងពេលស៊ើបអង្កេត ក្រសួងពិតបានប្រកាន់ខ្ជាប់យ៉ាងតឹងរ៉ឹងចំពោះច្បាប់របស់ចិន និងច្បាប់របស់អង្គការពាណិជ្ជកម្មពិភពលោក ដោយបានពិគ្រោះជាមួយភាគីពាក់ព័ន្ធយ៉ាងល្អិតល្អន់បំផុត ដើម្បីការពារសិទ្ធិរបស់អ្នកពាក់ព័ន្ធទាំងអស់ និងឈានដល់ការសន្និដ្ឋានដោយ យុត្តិធម៌ និងមិនលម្អៀង។ អ្នកនាំពាក្យដដែលនេះ បាននិយាយទៀតថា ការស៊ើបអង្កេតបានធ្វើសេចក្តីសន្និដ្ឋានថា ការនាំចូលសារធាតុ​​ សាយពើមេទ្រីន ពីប្រទេសឥណ្ឌា​ សម្រាប់លក់បង្ខូចតម្លៃ ដែលបណ្តាលឱ្យមានផលប៉ះពាល់យ៉ាងធ្ងន់ធ្ងរដល់ឧស្សាហកម្មក្នុងស្រុក។ អ្នក​នាំ​ពាក្យ​រូប​នេះ​ […]

ហ្សាការតា៖ លោក សាម ហេរ៉ូឌៀន (Sam Herodian) ទីប្រឹក្សាពិសេសផ្នែកគោលនយោបាយកសិកម្មរបស់រដ្ឋមន្ត្រីក្រសួងកសិកម្ម ឥណ្ឌូនេស៊ី បានឱ្យដឹងថា ការព្យាករណ៍ទិន្នផលស្រូវនៅឆ្នាំនេះ មានបរិមាណឡើងពី៣២លានតោន ទៅជាង៣៤លានតោន លើសពីតម្រូវការអង្ករក្នុងស្រុក ដែល​មាន​ប្រមាណ៣១លាន​តោន សម្រាប់​នាំ​ចេញ​ទៅកាន់ទីផ្សារក្រៅប្រទេស។ ទីភ្នាក់ងារ​ព័ត៌មាន​បរទេស​ រាយការណ៍​ពី​ទីក្រុង​ហ្សាការតា ប្រទេស​ឥណ្ឌូណេស៊ី នាដើមសប្តាហ៍នេះ ឱ្យដឹងថា រដ្ឋាភិបាល​ឥណ្ឌូនេស៊ី​បាន​ព្យាករណ៍​ថា ទិន្នផលស្រូវ​​អាច​នឹង​កើន​ឡើង​បន្ថែម​ទៀត បន្ទាប់ពី​មានការ​កែលម្អ​ប្រព័ន្ធ​ធារាសាស្ត្រ ក្រោមកិច្ច​សហប្រតិបត្តិការ​ជាមួយ​ក្រសួង​សាធារណការ និង​ពង្រីក​ប្រព័ន្ធ​បូម​ទឹក​ឲ្យ​បាន​លទ្ធផល​កាន់​តែ​ប្រសើរឡើងទៀត។ ក្រៅពីនេះ ការបង្កើនផលិតភាព ដោយការប្រើប្រាស់គ្រាប់ពូជស្រូវ ដែលមានគុណភាពខ្ពស់ក៏ជាផ្នែកមួយបានជំរុញដល់លក្ខខណ្ឌរីកលូតលាស់ចម្រុះរបស់ប្រទេស ឥណ្ឌូនេស៊ី ដោយបានធ្វើឱ្យទុនបម្រុងអង្កររបស់ឥណ្ឌូនេស៊ី កើនឡើងដល់កម្រិតខ្ពស់គ្រប់ពេលវេលា។ តាមការប៉ាន់ប្រមាណ ទិន្ផស្រូវនឹងកើនឡើងពី ៣,៥លានតោន​ ទៅ៤លានតោនក្នុងរយៈពេលពីរសប្តាហ៍ខាងមុខនេះ។ ទាក់ទិនក្នុង​បញ្ហា​នាំ​ចេញអង្ករនេះវិញ លោក សាម ហេរ៉ូឌៀន ទីប្រឹក្សាពិសេស បាន​និយាយ​ថា ស្រូវនៅសល់​លើស​តម្រូវការ​ក្នុង​ស្រុក ប្រទេស​ឥណ្ឌូណេស៊ី​ អាច​នឹង​ពិចារណា​លើការ​នាំ​ចេញ​អង្ករ​ទៅ​កាន់​ប្រទេស​ម៉ាឡេស៊ី ដែល​ដាក់​សំណើ​សុំនាំ​ចេញ​អង្ករ​ពី​ប្រទេស​ឥណ្ឌូនេស៊ី​ នៅ​ដំណាច់​ឆ្នាំ​នេះ។ គួរបញ្ជាក់ថា ឥណ្ឌូនេស៊ី ជាប្រទេសដ៏ធំមួយក្នុងប្រជាជាតិអាស៊ាន ត្រូវបានគេរំពឹងថា អាចផលិតស្បៀងបានច្រើន ជាពិសេសអង្ករសម្រាប់ផ្គត់ផ្គង់ទីផ្សារដ៏ធំនៅក្រៅប្រទេស។ កាលពីឆ្នាំ២០២៤ កន្លងទៅ […]

ទីក្រុងខេប៖ ឧស្សាហកម្មសាច់គោរបស់អាហ្រ្វិកខាងត្បូង បានទទួលរងគ្រោះយ៉ាងធ្ងន់ធ្ងរ បន្ទាប់ពីប្រទេសចិន បានដាក់បម្រាមឱ្យផ្អាកជាបន្ទាន់នូវការនាំចូលសាច់គោទាំងអស់ បន្ទាប់ពីរកឃើញថា មានករណីផ្ទុះជំងឺអុតក្តាម។ ការផ្លាស់ប្តូរដ៏គួរឱ្យភ្ញាក់ផ្អើលរបស់ប្រទេសចិន ​ដែលជាដៃគូពាណិជ្ជកម្មដ៏ធំបំផុតរបស់អាហ្រ្វិកខាងត្បូង ចំំពោះវិធានការហាមឃាត់បែបនេះ បើទោះបីជាមានអនុស្សរណៈនៃការយោគយល់គ្នា កាលពីឆ្នាំ២០២៤ក៏ដោយ ព្រោះកិច្ចព្រមព្រៀងអនុញ្ញាតឱ្យការនាំចេញសាច់គោពីតំបន់គ្មានជំងឺឆ្លង។ កាលពីសប្តាហ៍មុន សេវាឧស្សាហកម្មសាច់គោ បាននិយាយថា ការផ្អាកនាំចូលនេះកំពុងប៉ះពាល់ដល់ជីវភាពរបស់កសិករ ម្ចាស់សត្តឃាដ ម្ចាស់កសិដ្ឋាន និងអ្នកនាំចេញ។ សារព័ត៌មានផ្នែកកសិកម្មរបស់ប្រទេសអា្វហ្វ្រិកខាងត្បូង បានដកស្រងសម្តីរបស់នាយកប្រតិបត្តិនៃឧស្សាហកម្មសាច់គោ  ដែលបាននិយាយថា “ការវិវត្តបែបនេះ គឺជាករណីគួរឱ្យកត់សម្គាល់យ៉ាងច្បាស់ពីភាពផុយស្រួយនៃទីផ្សារនាំចេញរបស់យើង នៅពេលប្រឈមមុខនឹងការគំរាមកំហែងផ្នែកជីវសុវត្ថិភាព។  យើងគោរពពិធីសារជីវសុវត្ថិភាពរបស់ប្រទេសចិន ប៉ុន្តែផលប៉ះពាល់ផ្នែកសេដ្ឋកិច្ចដល់កសិករអាហ្រ្វិកខាងត្បូង និងខ្សែសង្វាក់តម្លៃសាច់គោកទាំងមូល គឺធ្ងន់ធ្ងរ និងគួរឱ្យខកចិត្ត។” ចំណែករដ្ឋមន្ត្រីក្រសួងកសិកម្ម បានបញ្ជាក់ពីករណីផ្ទុះជំងឺអុតក្តាមថ្មី​ នៅក្នុងកសិដ្ឋានពីរកន្លែង។​​  កសិដ្ឋានមួយទៀតត្រូវបានកំណត់អត្តសញ្ញាណតាមរយៈការស៊ើបអង្កេតជាបន្តបន្ទាប់ ហើយទោះបីជាមិនមានរោគសញ្ញា ដែលអាចមើលឃើញក៏ដោយ ប៉ុន្តែក្រោយមកមេរោគត្រូវបានរកឃើញនៅក្នុងកសិដ្ឋានជាប់គ្នានេះ។ ក្រសួងកសិកម្ម បានបង្កើនកិច្ចខិតខំប្រឹងប្រែងទប់ស្កាត់ ព្រមទាំងកោះប្រជុំបន្ទាន់ជាមួយមន្ត្រីឧស្សាហកម្ម និងបសុពេទ្យ ដើម្បីសម្របសម្រួលវិធានការត្រួតពិនិត្យ។ ការផ្អាកការនាំចូលរបស់ប្រទេសចិន គ្របដណ្តប់ទាំងស្រុងលើសាច់គោ និងផលិតផលសត្វ ដែលមានក្រចកជើង ទាំងអស់មកពីអាហ្វ្រិកខាងត្បូង។  ការហាមប្រាមនេះ គឺជាការធ្លាក់ចុះដ៏សំខាន់សម្រាប់ឧស្សាហកម្មសាច់គោក្នុងស្រុក ដែលបានបង្កើតក្តីសង្ឃឹមលើអនុស្សរណៈនៃការយោគយល់គ្នា កាលពីខែកញ្ញា ឆ្នាំ២០២៤ ដើម្បីការពារកុំឱ្យបិទការនាំចេញដោយសារករណីផ្ទុះជំងឺរាតត្បាត។ នៅក្នុងឆ្នាំ២០២៤ […]

អាមេរិក៖ រដ្ឋាភិបាលអាម៉េរិករបស់លោក ដូណាល់ ត្រាំ កំពុងតែដាក់បម្រាមហាមឃាត់ជាបណ្តោះអាសន្ននូវការនាំចូលគោ ក្របី និងសេះ តាមបណ្ដោយព្រំដែនភាគខាងត្បូង ដោយសារការរីករាលដាលយ៉ាងឆាប់រហ័សនៃមេរោគបង្កឡើងដោយសត្វរបោម។ យោងតាមការចេញផ្សាយលើបណ្តាញព័ត៌មាន បានឱ្យដឹងថា​ រដ្ឋមន្ត្រីក្រសួងកសិកម្មសហរដ្ឋអាមេរិក លោកស្រី ប្រូក រ៉ូល្លីន ​(Brooke Rollins) កាលពីថ្ងៃទី១១​ ខែឧសភា ឆ្នាំ២០២៥ បានប្រកាសអំពីការបិទព្រំដែនជាបណ្តោះអាសន្ននេះ ដើម្បីទប់ស្កាត់ការឆ្លងមេរោគបង្កឡើងរបោម​ ដែលខាំ ហើយពងដាក់សត្វគោក្របី។ លោកស្រីបានសរសេរប្រកាសនៅលើបណ្តាញសង្គមថា “ដោយសារតែការគំរាមកំហែងពីសត្វរបោម ខ្ញុំកំពុងប្រកាសពីការផ្អាកនាំចូលសត្វគោរស់ សេះ និងគោព្រៃ ឆ្លងកាត់តាមច្រកព្រំដែនភាគខាងត្បូងរបស់សហរដ្ឋអាមេរិក ដោយចាប់អនុវត្តភ្លាមៗតែម្តង។  នាពេលកន្លងមក​ សត្វល្អិតដ៏សាហាវនេះ បានលុកលុយទឹកដីអាមេរិក ហើយត្រូវចំណាយពេលអស់៣០ឆ្នាំ ដើម្បីស្តារឧស្សាហកម្មចិញ្ចឹមសត្វគោរបស់យើងឡើងវិញ។ ករណីនេះមិនអាចបណ្តោយឱ្យកើតឡើងម្តងទៀតឡើយ”។ ក្រសួងកសិកម្មសហរដ្ឋអាម៉េរិក  បាននិយាយនៅក្នុងសេចក្តីប្រកាសព័ត៌មានថា ករណីផ្ទុះជំងឺដំបូង​ ដែលបង្កឡើងដោយសត្វរបោមនៅក្នុងប្រទេសម៉ិកស៊ិក ត្រូវបានជូនដំណឹងដល់សហរដ្ឋអាមេរិក ក្នុងខែវិច្ឆិកា ឆ្នាំ២០២៤។ សេចក្តីប្រកាសព័ត៌មាននេះ​ បាននិយាយទៀតថា មេរោគនឹងកើតឡើងនៅសត្វរបោមខាំ ហើយពងដាក់ បង្កើតជាដង្កូវនៅក្នុងសាច់គោ​ ដែលបង្កគ្រោះថ្នាក់រហូតធ្វើឱ្យគោងាប់តែម្តង។ ប្រភេទសត្វ​ ដែលអាចឆ្លងមរោគប្រភេទនេះ រួមមាន សត្វឆ្កែឆ្មា គោក្របី […]

ប៉េកាំង៖ កាលពីថ្ងៃទី៩ ខែឧសភា ឆ្នាំ២០២៥ប្រទេសចិន បានចុះហត្ថលេខាលើកិច្ចព្រមព្រៀង ទិញសណ្តែកសៀង ពោត និងប្រេងឆា ពីប្រទេសអាហ្សង់ទីន មានតម្លៃទឹកប្រាក់ចំនួន៩០០លានដុល្លារ ដែលជាសញ្ញានៃការផ្លាស់ប្តូរកាន់តែឆ្ងាយពីអ្នកផ្គត់ផ្គង់របស់សហរដ្ឋអាម៉េរិក ចំពេលមានជម្លោះពាណិជ្ជកម្មរបស់លោកប្រធានាធិបតី ដូណាល់ ត្រាំ។ មន្ត្រីចិន បាននិយាយក្នុងពិធីចុះហត្ថលេខាលើកិច្ចព្រមព្រៀងនេះ ជាមួយមន្ត្រីអាហ្សង់ទីន កាលពីសប្តាហ៍មុនថា ក្រុមហ៊ុនធំរបស់ចិន នឹងនាំចេញផលិតផលកសិកម្មរបស់ប្រទេសអាហ្សង់ទីន​ ទៅកាន់ទីផ្សារក្នុងប្រទេសចិន ជំនួសការនាំចូលពីសហរដ្ឋអាម៉េរិក ដោយរបាំងពាណិជ្ជកម្មធ្ងន់ធ្ងរពេក។ សារព័ត៌មានអាហ្សង់ទីន បានរាយការណ៍ព័ត៌មាននេះថា គណៈប្រតិភូមកពីក្រុមប្រឹក្សាចិនសម្រាប់ការលើកកម្ពស់ពាណិជ្ជកម្មអន្តរជាតិ បានធ្វើទស្សនកិច្ចនៅប្រទេសអាហ្សង់ទីន កាលពីថ្ងៃទី៧ ខែឧសភា ហើយបានជួបពិភាក្សាជាមួយមន្ត្រីទទួលបន្ទុកទីផ្សារពាណិជ្ជកម្ម និងកសិកម្មអន្តរជាតិ របស់អាហ្សង់ទីនផងដែរ។ យោងតាមសេចក្តីថ្លែងការណ៍ ដែលបានចេញផ្សាយនៅលើគេហទំព័ររបស់ស្ថាប័នពាណិជ្ជកម្មរដ្ឋាភិបាល អាហ្សង់ទីន បានលើកឡើងថា គណៈប្រតិភូចិនក៏បានពិភាក្សាជាមួយតំណាងធុរកិច្ចនៅប្រទេសអាហ្សង់ទីន ដោយផ្តោតលើប្រធានបទ រួមគ្នាលើកកម្ពស់ការអភិវឌ្ឍសេដ្ឋកិច្ចទ្វេភាគី និងការពារពាណិជ្ជកម្មសេរី។ សេចក្តីថ្លែងការណ៍បាននិយាយទៀតថា ភាគីទាំងពីរបានចុះហត្ថលេខាលើអនុស្សរណៈនៃការយោគយល់គ្នា ប៉ុន្តែមិនបានផ្តល់នូវព័ត៌មានលម្អិតបន្ថែមនោះទេ។ ប្រទេស​ចិន​ គឺជា​អ្នក​ទិញ​សណ្តែកសៀង​​មិន​ទាន់​កែច្នៃ​ធំ​បំផុត​របស់​អាអាហ្សង់ទីន ព្រមទាំងទិញផលិតផលប្រេងសណ្តែកមួយចំនួនទៀត ហើយកាលពីឆ្នាំមុន ក៏បាននាំចេញពោតយ៉ាងច្រើនផងដែរ។ ចំណែករបាយការណ៍នាំចេញរបស់អាហ្សង់ទីន បានបង្ហាញថា ការលក់ស្រូវសាលីមានការកើនឡើងគួរឱ្យភ្ញាក់ផ្អើលក៏ដោយ ក៏ប្រទេសអាហ្សង់ទីន នៅត្រឹមជាអ្នកផ្គត់ផ្គង់កសិផលតិចតួចនៅឡើយ ហើយក៏មិនបាននាំចេញសណ្តែកសៀងច្រើន ទៅកាន់ទីផ្សាររបស់ចិនដែរ […]

វៀតណាម៖ អាជ្ញាធរមូលដ្ឋានរបស់វៀតណាម នៅតំបន់ខ្ពង់រាបកណ្តាល កំពុងតែស៊ើបអង្កេតករណីបុរសវៀតណាមពីរនាក់ ដែលរងការចោទប្រកាន់ពីបទរត់ពន្ធសារធាតុគីមី ប្រើសម្រាប់បន្ទុំផ្លែទុរេន និងរក្សាទុកផ្លែទុរេនឲ្យបានយូរ ដោយមានតម្លៃជាទឹកប្រាក់ជិតសរុប១០០០លានដុង ឬស្មើនឹង៣,៩លានដុល្លារ។ យោងតាមការផ្សាយរបស់សារព័ត៌មាន វៀតណាម អេក្សប្រេស (Vietnam Express) នៅថ្ងៃទី១០ ខែឧសភា ឆ្នាំ២០២៥នេះ បានធ្វើសេចក្តីរាយការណ៍ថា​ កម្លាំងមន្ត្រីនគរបាលខេត្តដាក់ឡាក់ របស់វៀតណាម បាននិយាយអំពីជនសង្ស័យឈ្មោះ ង្វៀង ថៃង្វៀង អាយុ៤២ឆ្នាំ មានស្រុកកំណើតក្នុងខេត្តទៀងយ៉ាង ត្រូវជាប់ឃុំក្នុងផ្ទះ និងឈ្មោះ ត្រាន វ៉ាន់ង៉ោ អាយុ៤៥ឆ្នាំ មានស្រុកកំណើតក្នុងខេត្តហាទិញ ត្រូវបានចាប់ខ្លួនពីបទរត់ពន្ធសារធាតុគីមីខុសច្បាប់ ចូលប្រទេសវៀតណាម។ បុរសជាប់ចោទទាំងពីរនាក់ ដែលជាជនជាតិវៀតណាមដូចគ្នាធ្លាប់បានផ្គត់ផ្គង់ និងចែកចាយសារធាតុគីមីខុសច្បាប់ បង្កគ្រោះថ្នាក់ដល់សុខភាព។​ អ្នកទាំងពីរបានទាក់ទងគ្នាតាមទូរស័ព្ទ និងតាមតេឡេក្រាម​​ ហើយបង់ប្រាក់តាមគណីធនាគារបានចំនួនជាង៨០ដងផងដែរ។ តាមរយៈការបញ្ជាទិញពីឈ្មោះ​ ​ង្វៀង ថៃង្វៀង នៅក្នុងប្រទេសវៀតណាម ឈ្មោះ ត្រាន វ៉ាន់ង៉ា បានទាក់ទងក្រុមហ៊ុនមួយ នៅក្នុងប្រទេសថែ​​​​ ដើម្បីវេចខ្ចប់ទំនិញ និងបិតស្លាកសញ្ញា រួចដឹកនាំចូលទៅក្នុងទឹកដីវៀតណាម​​ តាមច្រករបៀងនៅតាមព្រំដែន។ ក្រុមអ្នកស៊ើបអង្កេតបាននិយាយថា ជនល្មើសទាំងពីរនេះ […]

ទីក្រុងម៉ានីល៖ ការិយាល័យឧស្សាហកម្ម​សត្វ​ នៃក្រសួង​កសិកម្ម​ហ្វីលីពីន​ ​បញ្ជាក់​ពី​ការ​រក​ឃើញ​ជាលើកដំបូងនូវមេរោគ​គ្រុនផ្តាសាយ​បក្សី​ប្រភេទ A (H5N9) នៅ​ក្នុង​ខេត្តខាម៉ានីរ៉េស លើ​កោះលូសន ប្រទេសហ្វីលីពីន។ ទីភ្នាក់ងារព័ត៌មានស៊ីនហួរ របស់ចិន បានធ្វើសេចក្តីរាយការណ៍ពីទីក្រុងម៉ានីល ប្រទេសហ្វីលីពីន នៅថ្ងៃទី០៨ ខែឧសភា ឆ្នាំ២០២៥ អំពីរបាយការណ៍រកឃើញវត្តមាននៃមេរោគគ្រុនផ្តាសាយបក្សី ដែលជាប្រភេទមេរោគសាហាវមួយ កើតចេញពីសត្វទា ដែលគេបានប្រទះឃើញក្នុងអំឡុងពេលត្រួតពិនិត្យសំណាកជាប្រចាំ នៅថ្ងៃទី៣០ ខែមេសា ឆ្នាំ២០២៥។ មេរោគគ្រុនផ្តាសាយបក្សីប្រភេទ A (H5N9) គឺជាមេរោគសាហាវចំពោះបសុបក្សី ប៉ុន្តែវាមានហានិភ័យទាបចំពោះមនុស្ស។ ក្រសួងកសិកម្មហ្វីលីពីន បានអនុម័តវិធានការត្រួតពិនិត្យជំងឺជាបន្ទាន់សម្រាប់ការិយាល័យឧស្សាហកម្មសត្វនៅតាមតំបន់ បន្ទាប់ពីរកឃើញមេរោគគ្រុនផ្តាសាយបក្សី ដែលជាប្រភេទមេរោគគ្រោះថ្នាក់ធ្ងន់ធ្ងរ ក្នុងនេះរួមមានទាំងការដាក់ឱ្យនៅដាច់ពីគេ ការបំបែក ការត្រួតពិនិត្យ និងការសម្របសម្រួលជាមួយភ្នាក់ងារក្នុងស្រុក។ ក្រៅពីនេះក៏បានត្រៀម​ខ្លួន​ជា​ស្រេច​ដើម្បី​ជូន​ដំណឹង​ទៅ​ក្រសួង​សុខាភិបាល​ ក្នុងការ​តាម​ដាន​លទ្ធភាព​ដែលក្រុម​មនុស្ស​អាច​ប៉ះពាល់​នឹង​មេរោគមួយនេះ។ លើសពីនេះទៀត ការិយាល័យឧស្សាហកម្មសត្វនឹងបន្តអនុវត្តវិធានការត្រួតពិនិត្យជំងឺ  ដោយសហការជាមួយភ្នាក់ងាររដ្ឋាភិបាលក្នុងតំបន់ ជាមួយនឹងការត្រួតពិនិត្យក្នុងរង្វង់មួយគីឡូម៉ែត្រ ទៅប្រាំពីរគីឡូម៉ែត្រ ,ការសម្អាត និងសម្លាប់មេរោគយ៉ាងល្អិតល្អន់នៅតាមតំបន់ ដែលទទួលរងផលប៉ះពាល់ដើម្បីទប់ស្កាត់ការរីករាលដាលបន្ថែមទៀត។       គួរបញ្ជាក់ថា នាពេលបច្ចុប្បន្ន មានមេរោគគ្រុនផ្តាសាយបក្សី មានចំនួន៩ក្រុមត្រូវបានគេស្គាល់ មានដូចជា A (H5N1). A […]

ទីក្រុងណាននីង៖ ចិនគឺជាប្រទេសមួយ ដែលពលរដ្ឋនិយមចូលចិត្តបរិភោគផ្លែទុរេន ម្ល៉ោះហើយទើបធ្វើឱ្យបណ្តាប្រទេសអាស៊ីអាគ្នេយ៍ បានប្រជែងគ្នាក្នុងការនាំយកផ្លែទុរេនទៅកាន់ទីផ្សារប្រទេសចិន ដោយទទួលបានកម្រៃខ្ពស់ និងជាទីផ្សារស្រូបទាញ បន្ទាប់ពីរដូវប្រមូលផលទុរេន មកដល់នាពេលថ្មីៗមកនេះ។ ផ្លែទុរេនរបស់ថៃ និងវៀតណាម​ ត្រូវបានហាមឃាត់នៅតាមច្រកព្រំដែនដោយសារតែសារជាតិគីមី ដែលបង្កផលប៉ះពាល់ដល់អ្នកបរិភោគ។ ប្រទេសចិន គឺជាប្រទេសនាំចូល និងអ្នកបរិភោគទុរេន ច្រើនជាងគេលើពិភពលោក។ ​នាដើមសប្តាហ៍នេះ ទុរេនថៃ ចំនួន៦កុងតឺន័រ ទម្ងន់សរុប៩៦តោន​ ត្រូវបានភ្នាក់ងារគយចិនអនុញ្ញាតឱ្យដឹកជញ្ជូនដោយជោគជ័យទៅកាន់កំពង់ផែ លុងភីង ក្នុងទីក្រុងជីងហ្សី ភាគ​ខាង​ត្បូង​ប្រទេស​ចិន។ ផ្លែ​ទុរេន​ទាំង​នេះ​ ត្រូវ​បាន​ដឹក​ជញ្ជូន​ទៅ​ក្រុងណាននីង និងចែកចាយទៅកាន់ទីផ្សារទូទាំងប្រទេសចិន។ ការនាំចេញផ្លែទុរេនរបស់ប្រទេសថៃ ទៅកាន់ប្រទេសចិន បានប្រឈមមុខនឹងការប្រកួតប្រជែងកាន់តែខ្លាំងពីបណ្តាប្រទេសផ្សេងទៀត ជាសមាជិកអាស៊ាន ដូចជាម៉ាឡេស៊ី វៀតណាម និងឥណ្ឌូណេស៊ី។ ទីភ្នាក់ងារព័ត៌មានស៊ីនហួរ របស់ចិន បានរាយការណ៍ពីទីក្រុងណាននីង នៅថ្ងៃទី៨ ខែឧសភា ឆ្នាំ ២០២៥ថា ផ្លែទុរេន ដែលមានរសជាតិ និងក្លិនពិសេសនេះ បានក្លាយជាការពេញនិយមកាន់តែខ្លាំងឡើងក្នុងចំណោមអ្នកបរិភោគជនជាតិចិន ហើយបានក្លាយជាជម្រើសពេញនិយមបរិភោគក្នុងគ្រួសាររបស់ជនជាតិចិន។ទុរេន​មាន​សាច់​ពណ៌​លឿង​មាស និង​សាច់​ក្រាស់ គឺជាអាហារដ៏ពិសេសក្នុងមួយឆ្នាំម្តង សម្រាប់អ្នកចូលចិត្តបរិភោគផ្លែទុរេន។ នៅផ្សារទំនើបមួយក្នុងសង្កាត់យុងនីង នៃទីក្រុងណាននីង មានអតិថិជនជាច្រើនកំពុងចោមរោមទិញទុរេន។ ស្រី្តម្នាក់ឈ្មោះ វ៉ាង […]