All Program

អ្នកស្រី វង់ ចំរើន ជាកសិកររស់នៅភូមិស្វាយប្រទាល ស្រុកស្អាង ខេត្តកណ្ដាល កំពុងធ្វើការសាកល្បងពិសោធន៍ដំាដំណាំស្លឹក នៅក្នុងគម្រោងផ្ទះបន្លែសុវត្ថិភាពថ្មី ដែលមិនមានយកស្បៃហ៊ុមព័ន្ធជុំវិញ ឬ បិទជិត។ កសិកររូបនេះ បានរៀបរាប់ថា “ផ្ទះបន្លែសុវត្ថិភាពគឺ គម្រោងមាសបៃតងបានឱ្យខ្ញុំធ្វើការដកស្រង់ថា តើការការពារសត្វ ការលូតលាស់របស់ដំណាំ ហើយបន្លែយើងមានសុវតិ្ថភាពបានកម្រិតណា ដោយគេឱ្យខ្ញុំធ្វើស្ដង់ដាពិសោធន៍រោងថ្មី សាកល្បងក្នុងផ្ទះសំណាញ់ថ្មីនេះ វាធន់នឹងបម្រែបម្រួលអាកាសធាតុកម្រិតណា” ។ អ្នកស្រី វង់ ចំរើន បានពិសោធន៍ផ្ទះបន្លែសុវត្ថិភាព អស់រយៈពេល ១ខែហើយ ដោយឃើញថាដំណាំរបស់អ្នកស្រីទទួលបានផលល្អ មិនមានសត្វល្អិតមកបំផ្លាញដំណាំនោះទេ។ ជុំវិញផលលំបាក អ្នកស្រី ពុំទាន់អាចបញ្ជាក់ប្រាប់បាននោះទេ ព្រោះបច្ចុប្បន្នកំពុងស្ថិតនៅក្នុងការសាកល្បងពិសោធន៍នៅឡើយ។ មុននឹងក្លាយជាគ្រោងផ្ទះដំាដំណាំសុវត្ថិភាពមួយនេះ អ្នកស្រី និងគម្រោងមាសបៃតង បានចំណាយថវិកាអស់ប្រមាណ ៣ ៦០០ដុល្លារអាមេរិក ដោយក្នុងនោះកសិករត្រូវចេញជាបដិភាគ ៥០០ដុល្លារអាមេរិក។ អ្នកស្រី វង់ ចំរើន បានបញ្ជាក់ថា គម្រោងមាសបៃតង បានឱ្យគាត់ពិសោធន៍ទៅលើដំណាំស្លឹក ដំណាំផ្លែ ដំណាំមើម និងដំណាំផ្កា តែបច្ចុប្បន្នទើបតែបានសាកល្បងដាំដំណាំស្លឹកនោះទេ។ នៅកម្ពុជាផ្ទះបន្លែសុវត្ថិភាព ទើបតែសាងសង់បានចំនួន ៩រោងប៉ុណ្ណោះគឺមាន […]

បើទោះបីជាបច្ចុប្បន្នការបរិភោគត្រីទីឡាព្យាមិនសូវមានការពេញនិយមដូចទៅនឹងត្រីក្នុងស្រុកផ្សេងទៀត ប៉ុន្តែសង្កេតឃើញថាការចិញ្ចឹមត្រីប្រភេទមួយនេះ មានការចាប់ផ្តើមកើនឡើងជាសន្សឹមៗតាមកសិដ្ឋានភ្ញាស់កូនត្រីនៅតាមបណ្តាខេត្តមួយចំនួនក្នុងប្រទេសកម្ពុជា។ យោងតាម ប្រធានគណៈកម្មការប្រតិបត្តិសមាគមវារីវប្បករកម្ពុជា បានឱ្យដឹងថា បច្ចុប្បន្ននេះត្រីទីឡាព្យា លក់នៅលើទីផ្សារទូទៅមានពលរដ្ឋនិយមបរិភោគមានចំនួនតិចតួច ហើយលក់បានគឺនៅតាមកន្លែងរោងចក្រដែលមានកម្មករធ្វើការច្រើន និងមាននៅតាមកសិដ្ឋានចិញ្ចឹមត្រីទីឡាព្យា ដែលអនុវត្តតាមបែបបច្ចេកទេស។ ទន្ទឹមនឹងត្រីទីឡាព្យាលក់នៅលើទីផ្សារមិនទាន់មានការគំាំទ្រច្រើន ប៉ុន្តែនៅការចិញ្ចឹមត្រីប្រភេទមួយនេះនៅតាមបណ្តាខេត្តមួយចំនួនឃើញថាប្រជាពលរដ្ឋបានចាប់ផ្តើមចិញ្ចឹម។ លោក ឡែមផូ វរិទ្ធិ បានអះអាងថា “បើតាមខ្ញុំសាកសួរនៅខាងកសិដ្ឋានភ្ញាស់កូនត្រីទីឡាព្យាក្នុងស្រុកបានប្រាប់មកថាការកម្ម៉ង់កូនត្រីទីឡាព្យាយកទៅចិញ្ចឹមគឺមានការកើនឡើង ដែលនៅក្នុងនោះមានដូចជានៅ ខេត្តសៀមរាប បាត់ដំបង ខេត្តបន្ទាយមានជ័យ និងខេត្តកំពង់ចាម។ ពិសេសខេត្តនៅជាប់ព្រំដែន ពេលប្រជាពលរដ្ឋទទួលបានព័ត៌មានពីបងប្អូនរបស់ខ្លួនធ្វើការនៅប្រទេសថៃ ពេលមកលេងស្រុកកំណើតម្តងៗថា ហូបត្រីទីឡាព្យាឆ្ងាញ់ ហើយល្អសម្រាប់សុខភាព មិនដូចទៅនឹងពាក្យចចាមអារាមដែលថាបរិភោគត្រីទីឡាព្យាធ្វើឱ្យប៉ះពាល់សុខភាពដូចកាលពីមុននោះទេ” ។ លោក អ៊ឹង គឹមលី ម្ចាស់កសិដ្ឋានភ្ញាស់កូនត្រីនៅខេត្តបាត់ដំបង មួយកន្លែងបានឱ្យដឹងថានៅក្នុងរយៈពេលកន្លងមកនេះ ការផលិតកូនត្រីចែកចាយនៅលើទីផ្សារនៅមានចំនួនតិចតួច ប៉ុន្តែចាប់ពីឆ្នំា២០២៤ទៅ លោកមានផែនការផលិតត្រីទីឡាព្យាក៏ដូចកូនត្រីពូជផ្សេងបានជាង១លាន ទៅ ២លានកូន ហើយក្រៅពីភ្ញាស់ លោកនឹងធ្វើការចិញ្ចឹមត្រីទីឡាព្យាផ្ទាល់ខ្លួនផងសម្រាប់ផ្គត់ផ្គង់ទីផ្សារ ខណៈតម្លៃនៅលើទីផ្សារក្នុងតំបន់ពេលខ្លះត្រីទីឡាព្យា១គីឡូក្រាមអាចបានថ្លៃពី៨ពាន់ ទៅ១ម៉ឺនរៀល។ លោកបណ្ឌិត ង៉ោ ប៉េងប៊ុន ព្រឹទ្ធបុរសនៃមហាវិទ្យាល័យជលផល និង វារីវប្បកម្មនៃសកលវិទ្យាល័យភូមិន្ទកសិកម្មយល់ឃើញថា ពលរដ្ឋមិនសូវនិយមបរិភោគត្រីទីឡាព្យា ដោយសារប្រទេសកម្ពុជាជាប្រទេសមួយសំបូរទៅដោយត្រីទឹកសាបច្រើនជាងគេ សឹងតែនៅលើពិភពលោក ហើយប្រពៃណីជនខ្មែរតាមទម្លាប់ចាស់គឺពឹងទៅលើត្រីធម្មជាតិ។ តែមកដល់សម័យកាលថ្មីពលរដ្ឋ […]

  មន្ត្រីជាន់ខ្ពស់នៃអគ្គនាយកដ្ឋានកសិកម្ម នៃក្រសួងកសិកម្ម រុក្ខាប្រមាញ់នេសាទបានលើកឡើងថាជារៀងរាល់ឆ្នំា អគ្គនាយកដ្ឋានកសិកម្ម ទទួលបន្ទុកផលិតគ្រាប់ពូជបន្លែបម្រុង ចំនួន៥០តោន និងគិតជាសាច់ប្រាក់ចំនួន ៥០តោន។ ឯកឧត្តម ងិន ឆាយ អគ្គនាយកដ្ឋានកសិកម្ម នៃក្រសួងកសិកម្ម រុក្ខាប្រមាញ់ និងនេសាទបានលើកឡើងនៅក្នុងវេទិកាប្រព័ន្ធស្បៀងបម្រុងកម្ពុជាថ្មីៗនេះថា ចំពោះបន្លែយើងមាន ផែនការផលិតឱ្យបានច្រើននូវប្រភេទគ្រាប់ពូជបន្លែ ស្វាយលម្អងដែលយើងហៅថាប្រភេទពូជ OPV ។ យើងមិនផលិតប្រភេទគ្រាប់ពូជ ហៃព្រីតទេ ដោយសារតែគ្រាប់ពូជហៃព្រិតនេះ វាមានបញ្ហានៅពេលយកវាទៅប្រើប្រាស់ ជូនកាលបើសិនជាយើងមិនមានការថែទំាឱ្យបានដិតដល់ ពូជហៃព្រីតមួយចំនួនផ្សេងទៀតវាមិនធន់ជាមួយសមាធាតុចង្រៃ ឬ មិនធន់ជាមួយអាកាសធាតុនៅក្នុងប្រទេសកម្ពុជា អាចធ្វើឱ្យមានបញ្ហា។ ចំណែកពូជស្វាយលម្អ ឬ ហៅថា OPV នេះវាមានភាពធន់ អាចសម្របសម្រួលជាមួយនឹងអាកាសធាតុនៅកម្ពុជារួចជាស្រេច ហើយប្រជាជនបើចង់រក្សាពូជនេះទុកដំាដុះបន្តគាត់អាចរក្សាទុកបានដោយពុំចាំបាច់ផលិតគ្រាប់ពូជាជារៀងរាល់ឆ្នំានោះទេ។ ឯកឧត្តមបណ្ឌិត វង់ សណ្តាប់ រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុមានប្រសាសន៍ថា គិតដល់ត្រឹម ថ្ងៃទី៣០ ខែតុលា ឆ្នំា២០២៣ ដោយមានការតម្រង់ទិសពី ឯកឧត្តម អគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី លេខាធិការដ្ឋាន ប្រព័ន្ធស្បៀងបម្រុងកម្ពុជា បានដឹកនាំកិច្ចសហការជាមួយអគ្គនាយកដ្ឋានកសិកម្ម រដ្ឋបាលថ្នាក់ក្រោមជាតិ […]

អង្ករសរុបចំនួន ៣៥០០តោន ដែលនាំចូលពីកម្ពុជាត្រូវបានគេរាយការណ៍ថាបានចូលដល់ទឹកដីប្រទេសឥណ្ឌូនេស៊ី ហើយកាលពីថ្ងៃទី០២ ខែវិច្ឆិកា តាមច្រក Tanjung Emas ហើយការនាំចូលអង្ករពីកម្ពុជាលើកដំបូងនេះ គឺកើតចេញពីលទ្ធផលនៃជំនួបរវាងឯកឧត្តមប្រធានាធិបតី Joko Widodoជាមួយនឹង សម្តេចធិបតី ហ៊ុនម៉ាណែតនាយករដ្ឋមន្ត្រីកម្ពុជា កាលពីថ្ងៃទី០៤ ខែកញ្ញា ឆ្នំា២០២៣។ នេះបើយោងតាមសារព័ត៌មាន CNBC របស់ឥណ្ឌូនេស៊ី។ ប្រភពខាងលើបញ្ជាក់ថា ក្នុងបរិមាណអង្ករកម្ពុជាសរុប ៣៥០០តោន ដាក់នៅកុងទីន័រចំនួន ១៤០ ហើយនៅក្នុងមួយកុងទីន័រផ្ទុកអង្ករចំនួន ២៥ តោន។ ពាក់ព័ន្ធនឹងការនាំចេញអង្ករទៅប្រទេសឥណ្ឌូនេស៊ីនេះ បើយោងតាមមន្ត្រីជាន់ខ្ពស់ក្រសួងពាណិជ្ជកម្មថា ជើងទី១ បានដឹកទៅដល់ប្រទេសឥណ្ឌូនេស៊ីហើយចំនួន៣៥០០តោន ជើងទី០២ បានចេញដំណើរទៅកាលពីថ្ងៃទី២៩ ខែតុលា ឆ្នំា២០២៣ ចំនួន ៣ ០០០តោន និងជើងទី០៣ ចំនួន ៣៥០០តោន បានចេញដំណើរនៅថ្ងៃទី០៥ ខែវិច្ឆិកា ឆ្នំា២០២៣ កន្លងមកនេះ។ នៅក្នុងរយៈពេល ១០ ខែនៃឆ្នាំ២០២៣ ព្រះរាជាណាចក្រកម្ពុជាសម្រេចបានការនាំចេញអង្ករជាង ៥២ម៉ឺន តោន ដែលក្នុងនោះទីផ្សារថ្មីចំនួន០១ ត្រូវបានកើតឡើង គឺទីផ្សារប្រទេសឥណ្ឌូនេស៊ី […]

វិស័យកសិកម្ម ត្រូវបានរំពឹងថា នឹងបន្តមានកំណើនល្អក្នុងរង្វង់ ១,១ភាគរយ នៅឆ្នាំ២០២៤ បើធៀបនឹង ឆ្នាំ២០២៣ មានចំនួន ០,៩ភាគរយ ដោយពឹងផ្អែកលើនិន្នាការល្អនៃអនុវិស័យដំណាំ និងការបន្តងើបឡើងវិញនៃអនុវិស័យនេសាទ ខណៈដែលអនុវិស័យ ចិញ្ចឹមសត្វនៅបន្តមានស្ថិរភាព។ នេះបើយោងតាមសេចក្ដីព្រាងច្បាប់ហិរញ្ញវត្ថុសម្រាប់គ្រប់គ្រងឆ្នាំ២០២៤ ដែលចេញដោយក្រសួងសេដ្ឋកិច្ច និងហិរញ្ញវត្ថុ។ ការព្យាករកំណើនក្នុងរង្វង់ ១,១ភាគរយនេះ ចូលរួមគាំទ្រពីអនុវិស័យដំណាំបន្តនិន្នាការល្អ ដោយសារការរំពឹងទុកនូវកំណើននៃ ផលិតកម្ម ដែលជំរុញដោយកិច្ចព្រមព្រៀងពាណិជ្ជកម្មសេរីផ្សេងៗរួមមាន “កិច្ចព្រមព្រៀងពាណិជ្ជកម្មសេរីកម្ពុជា-ចិន, កិច្ចព្រមព្រៀងពាណិជ្ជកម្មសេរីកម្ពុជា-កូរ៉េ និង កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (RCEP)។ បន្ថែមពីនេះ ក៏នឹងបង្កើតការរវិនិយោគរបស់រាជរដ្ឋាភិបាលតាមរយៈការបន្តផ្ដល់ការលើកទឹកចិត្តផ្នែកពន្ធ សម្រាប់ការនាំចូលវត្ថុធាតុដើមកសិកម្ម និងការផ្តល់ហិរញ្ញប្បទានក្នុងការជំរុញផលិតកម្មក្នុងស្រុកផងដែរ។ ប្រភពដដែលបានបញ្ជាក់ថា សម្រាប់អនុវិស័យចិញ្ចឹមសត្វនៅបន្តរក្សាបានស្ថិរភាព ដោយសារការរំពឹងទុកនូវការកើនឡើងនៃផលិតកម្ម ដែលជំរុញដោយតម្រូវការក្នុងស្រុកសម្រាប់បម្រើការបន្តងើបឡើងវិញនៃវិស័យទេសចរណ៍ គួបផ្សំនឹងវិធានការអន្តរាគមន៍របស់រាជរដ្ឋាភិបាល និងការអនុវត្តគម្រោងរបស់ដៃគូអភិវឌ្ឍនានា។ ចំពោះអនុវិស័យនេសាទនឹងបន្តងើបឡើងវិញ ក្រោមការរំពឹងទុកនូវកំណើនផលចាប់ត្រីទឹកសាប ដែលបន្តស្តារឡើងវិញ ដោយការដាក់ចេញនូវគោលនយោបាយបង្ក្រាបបទល្មើសនេសាទ គួបផ្សំនឹងការងើបឡើងបណ្ដើរៗដូចជា៖ ផលិតកម្ម វារីវប្បកម្ម ព្រមទាំងការជួយជ្រោមជ្រែងពីរាជរដ្ឋាភិបាល តាមរយៈការដោះស្រាយបញ្ហាប្រឈមជារចនាសម្ព័ន្ធ ការគាំទ្រផ្នែកហិរញ្ញប្បទាន ការផ្សព្វផ្សាយបច្ចេកទេស និងការប្រើប្រាស់ពូជត្រីប្រកបដោយប្រសិទ្ធភាពខ្ពស់ និងគុណភាព។ យោងតាមសៀវភៅគោលនយោបាយជាតិអភិវឌ្ឍន៍វិស័យកសិកម្ម ឆ្នាំ២០២២-២០៣០ បានឱ្យដឹងថា រដ្ឋាភិបាល បានរៀបចំដើម្បីឱ្យសម្រេចបាននូវចក្ខុវិស័យរយៈពេលវែង […]

ដើម្បីឈានទៅដល់ការលុបបំបាត់ភាពអត់ឃ្លានទំាងស្រុងនៅកម្ពុជាត្រឹមឆ្នំា ២០២៥ ខាងមុខនេះ រាជរដ្ឋាភិបាលបានដាក់ចេញនូវគោលនយោបាយសំខាន់ៗចំនួន៥ចំណុច ហើយទន្ទឹមនឹងនេះរាជរដ្ឋាភិបាលក៏មានមហិច្ឆិតាកែទម្រង់វិស័យកសិកម្មដើម្បីធានាស្ថិរភាពស្បៀងនៅក្នុងប្រទេស និងជំរុញការនាំចេញផលិតកសិកម្ម ទៅកាន់ទីផ្សារអន្តរជាតិ។ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី ក្រសួងសេដ្ឋកិច្ចនិងហិរញ្ញវត្ថុ និងជាប្រធានគណៈកម្មាធិការគ្រប់គ្រងប្រព័ន្ធស្បៀងបម្រុងកម្ពុជា មានប្រ សាសន៍នៅក្នុងវេទិការស្តីពីប្រព័ន្ធស្បៀងបម្រុងកម្ពុជា ដើម្បីប្រកាសដាក់ឱ្យអនុវត្តនីតិវិធីរួម សម្រាប់ប្រព័ន្ធស្បៀងបម្រុងកម្ពុជាកាលថ្ងៃទី០២ ខែវិច្ឆិកាឆ្នំា២០២៣ ថា “រាជរដ្ឋាភិបាល បានប្តេជ្ញាចិត្តក្នុងការលុបបំបាត់ភាពអត់ឃ្លាននៅកម្ពុជា នៅត្រឹមឆ្នំា២០២៥ តាមរយៈការដាក់ចេញនូវគោនយោបាយ និងយុទ្ធសាស្ត្រជាច្រើនរួមមាន៖ ១) គោលនយោបាយជំរុញការផលិតស្រូវ និងការនាំចេញអង្ករ ២) គោលនយោបាយជាតិអភិវឌ្ឍវិស័យកសិកម្ម ឆ្នំា២០២២-២០៣០ ៣) យុទ្ធសាស្ត្រជាតិស្តីពីសន្តិសុខស្បៀង និងអាហារូបត្ថម្ភជាដើម ៤) សំដៅលើកកម្ពស់ផលិតភាព និងធ្វើពិពិធកម្មកសិកម្ម ៥) ពង្រឹងសន្តិសុខ និងសុវត្ថិភាពស្បៀង ដើម្បីកាត់បន្ថយភាពក្រីក្រឱ្យបានរហ័ស។ ទន្ទឹមនិងនេះ រាជរដ្ឋាភិបាលក៏មានមហិច្ឆតា ក្នុងការកែទម្រង់វិស័យកសិកម្ម ឱ្យវិវត្តឈានឡើងកាន់តែប្រសើរ ដើម្បីធានាស្ថិរភាពស្បៀងនៅក្នុងប្រទេស និងជំរុញការនាំចេញផលិតកសិកម្ម ទៅកាន់ទីផ្សារអន្តរជាតិ”។ បន្ថែមលើនេះ រាជរដ្ឋាភិបាលក៏បានគិតគូរ និងយកចិត្តទុកដាក់ខ្ពស់ ចំពោះការបម្រុងស្បៀងសម្រាប់ជួយប្រជាពលរដ្ឋក្រីក្រ និងងាយរងគ្រោះដែលអាចត្រូវការស្បៀង ជាពិសេសនៅពេលមានគ្រោះមហន្តរាយ ឬគ្រោះធម្មជាតិកើតឡើង។ ក្នុងន័យនេះមុនពេលប្រព័ន្ធស្បៀងបម្រុងកម្ពុជា […]

ផ្អែកទៅលើស្ថានភាពនៃការជួញដូរអង្ករសរីរាង្គមានភាពល្អប្រសើនៅឆ្នំា២០២២ អេមរុ រាយស៍ដែលជាក្រុមហ៊ុនកែច្នៃនាំចេញអង្ករសរីរាង្គឈានមុខនៅក្នុងស្រុកមួយ បានបង្ហាញក្តីរំពឹងរបស់ខ្លួនថានឹងអាចនាំចេញអង្ករទៅទីផ្សារគោលដៅរបស់ខ្លួនបានប្រមាណ១២០០០តោនក្នុងឆ្នំា២០២៣នេះ ពោលគឺមានកំណើនប្រហាក់ប្រហែលនឹងឆ្នំា២០២២។ ឧកញ៉ា សុង សារ៉ន អគ្គនាយកក្រុមហ៊ុន អេម រុរាយស៍ បានឱ្យដឹងថា ស្ថានភាពការជួញដូរ អង្ករសរីរាង្គនៅឆ្នំា២០២២ កន្លងមកមានភាពល្អប្រសើខ្លំាង ធ្វើឱ្យក្រុមហ៊ុនអាចនាំចេញអង្ករសរីរាង្គកើនឡើងប្រហែល ៣៥% បើប្រៀបធៀបទៅនឹងឆ្នំា២០២១ ហើយដោយឡែកនៅឆ្នំា២០២៣ នេះ ក្រុមហ៊ុនរំពឹងថាអាចរក្សាបានកំណើនប្រហែលនឹងឆ្នំា២០២២។ បើតាម ឧកញ៉ា សុង សារ៉ន កាលឆ្នំា២០២១ អេមរុ រាយស៍ បានធ្វើការនាំចេញអង្ករសរីរាង្គមានជាង៧ ០០០តោន ឆ្នំា២០២២ មានចំនួន ១២ ០០០តោន ហើយក្នុងឆ្នំា២០២៣ នេះរំពឹងថានាំចេញអង្ករបានប្រហាក់ប្រហែលនឹងឆ្នំា២០២២ ចំនួន១២ ០០០តោនដែរ។ ឧកញ៉ា សុង សារ៉ន មានប្រសាសន៍ថា “បច្ចុប្បន្ននេះយើងបានបង្កើតទីផ្សារបន្ថែមសម្រាប់អង្ករនៅសហរដ្ឋអាមេរិក។ ដូច្នេះយើងមានក្តីរំពឹងថានៅឆ្នំា២០២៤ ការនាំចេញអង្ករសរីរាង្គរបស់យើងនឹងមានការកើនឡើងប្រមាណ១៥% តាមរយៈទីផ្សារថ្មីដែលក្រុមហ៊ុនទើបទទួលបាននេះ”។ ឧកញ៉ាលើកឡើងថា ស្របពេលក្រុមហ៊ុនអេម រុរាយស៍ បន្តរក្សាបានការនាំចេញអង្ករមានកំណើនល្អ បច្ចុប្បន្នក្រុមហ៊ុនមានទីផ្សារនៅក្នុងដៃនៅខាងក្រៅប្រទេសមានប្រមាណ៣០កន្លែង ក្នុងនោះមាននៅខាងសហគមន៍អឺរ៉ុប សរដ្ឋអាមេរិក ហុងកុង សិង្ហបូរី […]

រដ្ឋាភិបាលអូស្ត្រាលី រួមនិងតំណាងក្រសួងកសិកម្ម រដ្ឋបាលជលផល អាជ្ញាធរមូលដ្ឋាន និងប្រជាជនក្នុងខេត្តសៀមរាបថ្មីៗកន្លងមកនេះ បានរៀបចំកម្មវិធីបើកសម្ពោធនៅជណ្តើរត្រីភូមិស្លែង ក្នុងស្រុកក្រឡាញ់ ខេត្តសៀមរាប ក្នុងគោលបំណងដើម្បីធ្វើឱ្យប្រសើឡើងនូវការផ្លាស់ទីរបស់ត្រី និងតភ្ជាប់ឡើងវិញនូវផ្លូវទឹកដែលល្អ រវាងបឹងទន្លេសាប និងសហគមន៍មូលដ្ឋាននៅតាមដងទន្លេ និងផ្លូវនេសាទ។ យោងតាមសារព័ត៌មាន ស៊ីស៊ី ថាមស៍ ជណ្តើរត្រីផ្តល់អត្ថប្រយោជន៍ដល់បរិស្ថាន និងប្រជាជន ដោយសារជណ្តើរត្រីនេះ អាចឱ្យត្រីធ្វើការផ្លាស់ទីដោយសេរី និងទទួលបានប្រភពអាហារ និងកន្លែងសម្រាប់ពងកូន ទន្ទឹមនឹងការរក្សាបាននូវការផ្គត់ផ្គង់ត្រីសម្រាប់ជលផលក្នុងស្រុក។ ជណ្តើរត្រីនេះគេបានសិក្សាឃើញថា អាចជំរុញសេដ្ឋកិច្ចក្នុងតំបន់ ក៏ដូចជាលើកកម្ពស់ជីវភាពរស់នៅរបស់ប្រជាជនដែលពឹងផ្អែកលើវា។ លោក ចាស្ទីន វ៉ាយអេត ឯកអគ្គរដ្ឋទូតអូស្ត្រាលីប្រចាំកម្ពុជា បានមានប្រសាសន៍ថា “ជណ្តើរត្រីភូមិស្លែងនេះ ត្រូវបានគេរំពឹងថានឹងជួយបង្កើនប្រាក់ចំណូលពីការនេសាទដល់ចំនួន ៥០០០ គ្រួសារ និងជួយអភិរក្សប្រភេទត្រីនានាក្នុងស្រុកជាង ១០០ ប្រភេទ ដែលធ្វើឱ្យវាក្លាយជាជំហានដ៏សំខាន់ឆ្ពោះទៅកាន់អនាគតប្រកបដោយនិរន្តរភាពសម្រាប់ការនេសាទ និងសហគមន៍នេសាទរបស់កម្ពុជា” ។ សាស្ត្រាចារ្យ Wendy Umberger នាយកប្រតិបត្តិ ACIAR បានមានប្រសាសន៍ថា “ចាប់តាំងពីឆ្នាំ ២០០៦ មក ACIAR បន្តផ្តល់មូលនិធិដល់ការស្រាវជ្រាវដើម្បីការពារស្តុកត្រីទន្លេមេគង្គ ដោយភ្ជាប់ក្រុមអ្នកស្រាវជ្រាវអូស្ត្រាលីសំខាន់ៗជាមួយសមភាគីរបស់ពួកគេនៅក្នុងប្រទេសកម្ពុជា ដើម្បីដោះស្រាយបញ្ហាប្រឈមនានាទាក់ទងនឹងសន្តិសុខស្បៀង និងថាមពល”។ […]

អង្ករម៉ាកសមូហភាព SKO ដែលផលិតចេញពូជស្រូវសែនក្រអូបនៅក្នុងឆ្នំា២០២៣ បានឈ្នះ ពានរង្វាន់មាស នៅក្នុងកម្មវិធី វាយតម្លៃគុណភាព រសជាតិ ប្រភេទអង្គរសគ្រាប់វែងចិន -អាស៊ាន លើកទី១ រៀបចំដោយ វិទ្យាស្ថានវិទ្យាសាស្ត្រនៃបណ្ឌិតសភាវិទ្យាសាស្ត្រកសិកម្ម ខេត្ត Guangxi និងមណ្ឌលគ្រប់គ្រងពូជនៃតំបន់ស្វយ័ត Guangxi Zhuang របស់ប្រទេសចិននាថ្ងៃទី ២៨ ខែតុលាឆ្នំា២០២៣។នេះបើយោងតាមសហព័ន្ធស្រូវអង្ករកម្ពុជា។ លទ្ធផលពីកិច្ចការប្រកួតនៅក្នុងចំណោមសំណាកអង្ករនៃពូជស្រូវសរុប ចំនួន៦១ ដែលក្នុងនោះចំនួន១២ប្រភេទ មកពីប្រទេសអាស៊ាន ចំនួន៥ប្រទេស និងចំនួន៤៩ប្រភេទ មកពីតំបន់ស្វយ័ត និងខេត្តដែលដំាដុះស្រូវនៅក្នុងប្រទេសចិន។ អង្ករម៉ាក សមូហភាព SKO ដែលមានពូជស្រូវសែនក្រអូប ត្រូវបានទទួលស្គាល់ដោយគណៈកម្មាធិការប្រកួត ជាពូជស្រូវល្អ និងមានរសជាតិឆ្ងាញ់ ព្រមទំាងឈ្នះពានរង្វាន់មាស ក្នុងចំណោមពានរង្វាន់មាសរបស់ពូជស្រូវរបស់ប្រទេសផ្សេងទៀត។ សហព័ន្ធស្រូវអង្ករកម្ពុជា សូមថ្លែងអំណរគុណដល់ប្រជាកសិករទំាងអស់ដែលបានខិតខំយកចិត្តទុកដាក់ដំាដុះ ថែទំា និងផ្តល់នូវគ្រាប់ស្រូវដែលផលិតចេញជាអង្ករមានគុណភាព ឱជារស និងគ្រាប់អង្ករល្អ ដែលនាំឱ្យទទួលបាននូវពានរង្វាន់មាសនៅពេលនេះ។ ដូចនេះប្រជាកសិករ ទំាងអស់សូមមេត្តាខិតខំបន្តនូវការងារដំាដុះដែលប្រកបដោយគុណភាព និងមោទនភាពនេះជាបន្តទៀត។ ការទទួលបាននូវពានរង្វាន់មាសនេះនឹងជួយឱ្យតម្លៃអង្ករសែនក្រអូបមានការទទួលស្គាល់កាន់តែច្រើនឡើង និងមានទីផ្សារកាន់តែធំទូលាយថែមទៀត។ សហព័ន្ធស្រូវអង្ករកម្ពុជា បានបញ្ជាក់ថា ពូជស្រូវសែនក្រអូបជាពូជស្រូវមិនប្រកាន់រដូវ ដែលបានដំាដុះដោយប្រជាកសិករតំាងពីពាក់កណ្តាលទស្សវត្ស៩០ ដើម្បីឆ្លើយតបទៅកាន់ទីផ្សារ […]

នៅក្នុងរយៈពេល១០ខែឆ្នំា២០២៣នេះ ការនាំចេញកសិផលទៅក្រៅប្រទេសដែលអគ្គនាយកដ្ឋានកសិកម្ម ទទួលបានផ្អែកលើប្រព័ន្ធទិន្នន័យគ្រឹះភូតគាមអនាម័យជាតិ (National Phytosanitary Database) មានបរិមាណសរុបជាង ៦លាន ២៧ម៉ឺន តោន ក្នុងនោះអង្ករមានជិត៥៣ម៉ឺនតោន ស្រូវមានចំនួន ១លាន ៩៩ម៉ឺនតោន និងកសិផលក្រៅពីស្រូវ អង្ករមានចំនួនជាង ៣លាន៧៤ម៉ឺនតោន ទៅកាន់ទិសដៅ៧៤ប្រទេស ។ យោងតាមរបាយការណ៍របស់អគ្គនាយកដ្ឋានកសិកម្ម នៃក្រសួងកសិកម្ម រុក្ខាប្រមាញ់ និងនេសាទបានឱ្យដឹងថា ក្នុងរយៈពេល១០ខែឆ្នំា២០២៣នេះ មានការប៉ាន់ស្មានតម្លៃគិតជាទឹកប្រាក់ ដែលទទួលបានពីការនាំចេញកសិផលសរុប មានចំនួនជាង ៣ ៥១៦លានដុល្លារអាមេរិក ដែលក្នុងនោះតម្លៃពីការនាំចេញអង្ករមានចំនួនជាង ៤៥៨លានដុល្លារអាមេរិក តម្លៃពីការនាំចេញស្រូវមានជាង ៧០៨ លានដុល្លារអាមេរិក និងតម្លៃការនាំចេញកសិផលក្រៅពីស្រូវ អង្ករមានជាង២ ៣៥០លានដុល្លារអាមេរិក។ របាយការណ៍ដដែលគូសបញ្ជាក់ថា “ការនាំចេញកសិផលក្នុងរយៈពេល១០ខែ ឆ្នំា២០២៣នេះ នៅតែបន្តថយចុះ ចំនួន៨% បើប្រៀបធៀបនឹងរយៈពេលដូចគ្នាឆ្នំា២០២២នេះ គឺដោយសារ (១) បញ្ហាជម្លោះក្នុងតំបន់ វិបត្តិសង្គ្រាម វិបត្តិសេដ្ឋកិច្ចបានធ្វើឱ្យប្រទេសកំពុងអភិវឌ្ឍន៍ជាច្រើន ជាពិសេសប្រទេសដែលនាំចូលទំនិញ បង្ហាញពីសញ្ញានៃការថយចុះសកម្មភាពសេដ្ឋកិច្ច បណ្តាលឱ្យមានផលប៉ះពាល់ដល់បណ្តាប្រទេសដែលពឹងផ្អែកជាចម្បងលើការនាំចេញដូចជាប្រទេសកម្ពុជាជាដើម។ (២) សកម្មភាពការដោះដូរពាណិជ្ជកម្មតាមច្រករបៀង បណ្តាលឱ្យការនាំចេញទំនិញដោយមិនប្រើវិញ្ញាបនបត្រភូតគាមអនាម័យនៅមានបរិមាណច្រើន ជាហេតុបង្កដល់ការកត់ត្រាទិន្នន័យនាំចេញមិនបានគ្រប់ជ្រុងជ្រោយ។ […]

ការនាំចេញផ្លែមៀនស្រស់របស់កម្ពុជាទៅកាន់ប្រទេសចិន ចាប់ពីខែមករា ដល់ថ្ងៃទី២៧ ខែតុលា ឆ្នាំ២០២៣មានប្រមាណជាង១ម៉ឺន១ពាន់តោន។ នេះបើតាមមន្ត្រីអ្នកនំាពាក្យក្រសួងកសិកម្ម រុក្ខាប្រមាញ់ និងនេសាទ។ យោងតាមបណ្តាញទំនាក់ទំនងសង្គមរបស់ កញ្ញា អ៊ឹម រចនា អនុរដ្ឋលេខាធិការ និងជាអ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ ថ្មីៗនេះបានឱ្យដឹងថា ក្រៅពីការនាំចេញមៀនស្រស់ទៅកាន់ទីផ្សារប្រទេសចិន សហគ្រាសនៅកម្ពុជាកំពុងកែច្នៃផ្លែមៀនស្រស់របស់ខ្មែរ ទៅជាដំណាប់មៀន ផ្លែមៀនកំប៉ុង ទឹកមៀនកៀប និងស្រាមៀន ដែលមានដាក់លក់នៅតាមផ្សារទំនើបនានានៅក្នុងប្រទេស។ ក្រសួងកសិកម្ម រុក្ខាប្រមាញ់ និងនេសាទ បន្តលើកទឹកចិត្ត និងគាំទ្រសហគ្រាសទាំងអស់ចំពោះកិច្ចខិតខំប្រឹងប្រែងនៅក្នុងការកែច្នៃផលិតផលកសិកម្មខ្មែរឱ្យមានតម្លៃបន្ថែមខ្ពស់ ហើយក្រសួងនឹងសហការជាមួយភាគីពាក់ព័ន្ធដើម្បីផ្សព្វផ្សាយ និងរុញផលិតផលដែលមានគុណភាពទាំងអស់នេះ ទៅកាន់ទីផ្សារពិភពលោក។ ឯកឧត្តម សួស ស៊ីយ៉ាត ប្រធានក្រុមប្រឹក្សាភិបាល សហគមន៍មៀនប៉ៃលិន យល់ឃើញថា បរិមាណនៃការនំាចេញផ្លែមៀនស្រស់ទៅប្រទេសចិន ប្រមាណជាង១ម៉ឺនតោននៅក្នុងរយៈជិត១០ខែឆ្នំា២០២៣នេះ វាជាចំនួនមួយមិនជាច្រើន ដូចការចង់បានរបស់កសិកនោះទេ។ ឯកឧត្តមបញ្ជាក់ថា “តម្លៃមៀនប៉ៃលិនបើតាមការបញ្ជាទិញរបស់ក្រុមហ៊ុននាំចេញជាមួយនឺងកសិករ កាលពីខែសីហា កញ្ញា នៅពេលកន្លងមកឃើញថា កសិករអាចលក់បានថ្លៃ ៣ ៦០០រៀល ហើយនៅខែវិច្ឆិកា ធ្នូ រហូតដល់ខែមករា និងកុម្ភៈឆ្នំា២០២៤ មៀនប៉ៃលិនអាចលក់បានថ្លៃ៤ […]

នៅក្នុងរយៈពេល២ឬ៣ឆ្នំាចុងក្រោយនេះមានការវាយតម្លៃថាប្រជាកសិករដំាដំឡូងមីនៅតាមបណ្តាខេត្តបាននឹងកំពុងអនុវត្ត ធ្វើការដាំដុះតាមបែបបច្ចេកទេសមានចំនួនកើនឡើងច្រើន ហើយទទួលបានទិន្នផលខ្ពស់ជាងការដំាដុះតាមបែបប្រពៃណី ហើយនៅក្នុងឆ្នំា២០២៣នេះផងដែរ តម្លៃដំឡូងមីកសិករអាចលក់បានថ្លៃផងដែរ។ បើតាមអនុប្រធានសមាគមន៍ កសិករដំឡូងមីខ្មែរ បានឱ្យដឹងថា ការការដំាដុះដំឡូងមីរបស់ប្រជាកសិករនៅប៉ុន្មានឆ្នំាចុងក្រោយនេះសង្កេតឃើញមានការកើនឡើងច្រើន ហើយទិន្នផលដែលកសិករទទួលបានក៏មានចំនួនច្រើន បើប្រៀបធៀបទៅនឹងពេលមុន ដែលកសិករអនុវត្តដាំដុះបែបប្រពៃណី។ តួយ៉ាងនៅឆ្នំា២០២២និង២០២៣ ទិន្នផលទទួលបានច្រើន នៅពេលដែលប្រជាកសិករងាកចេញពីការដំាដុះតាមបែបទំនៀមទម្លាប់ប្រពៃណី មកដំាដុះតាមបែបបច្ចេកទេស។ លោក ឈៀង សុខវណ្ណនី មានប្រសាសន៍ថា “នៅក្នុងចំណោមសមាជិកជាង ២ ០០០ នាក់ដែលបាននឹងកំពុងធ្វើការទំនាក់ទំនងព័ត៌មាននៅក្នុងគ្រូបតេឡេក្រាមជាមួយគ្នាទៅវិញទៅមក រាល់ថ្ងៃនេះគឺមានប្រហែល៦០% នៃចំនួនសមាជិកសរុប ពួកគាត់មានការយល់ដឹងច្រើនពីការដំាដុះដំឡូងមីតាមបច្ចេកទេស ហើយបានធ្វើការចែករំលែកចំណេះដឹងបន្តទៅប្រជាកសិករនៅតាមតំបន់ផ្សេងទៀត ដែលមិនទាន់មានស្មាតហ្វូនក្នុងការទទួលបានព័ត៌មានពីបច្ចេកទេស។ ពោលនៅក្នុងរយៈពេល៣ឆ្នំាចុងក្រោយនេះប្រជាកសិករនៅតាមតំបន់មានការយល់ដឹងពីបច្ចេកទេសដំាដុះ និងប្រើប្រាស់ជីធម្មជាតិលើដំណំាដំឡូងមីបានច្រើន លើសពីនេះសមាគមន៍លើកទឹកចិត្តដល់កសិករងាកមកចាប់ផ្តើមដំាដំឡូងមីនៅចុងរដូវវស្សា តាមរយៈពូជស្រាលឆាប់បានផល”។ បើតាមអនុប្រធានសមាគមន៍ ខាងលើទាក់ទនឹងបច្ចេកទេសដំដុះដំឡូងមី ដែលកសិករកំពុងអនុវត្តទៅលើការងារ៖ ១) យល់ដឹងពីបច្ចេកទេស មើលទីតំាងភូមិសាស្ត្រ បើទីតំាងមិនអាចដំានៅរដូវវស្សាមិនបាន កសិករដំានៅចុងរដូវវស្សា ជាមួយនឹងពូជដាំក្នុងរយៈពេលខ្លីឆាប់បានប្រមូលផល។ ២) យល់ដឹងពីបច្ចេកទេសរៀបចំដី កសិករភ្ជួរដីប្រើប្រាស់ត្រាក់ទ័រ ផាល៣លើកទី១ និងលើកទី២ ភ្ជួរឬសាបដីដោយត្រាក់ទ័រផាល៧ ហើយបាចជីសរីរាង្គពី១៥០ទៅ២០០គីឡូក្រាមសម្រាប់ដីក្នុងមួយហិកតា ឬ អាចប្រើជីគីមីលាយតិចតួចទៀតបើសិនអាចមុនលើករងដំាដុះ។ ៣) យល់ដឹងពីបច្ចេកទេសត្រូវជ្រើសរសើដើមពូជដំឡូងមី ដូចជាពូជ ធុនទៅនឹងជំងឺ […]