News

ប៉េកាំង៖ ប្រទេសចិនត្រូវបានទទួលស្គាល់ថា ជាអ្នកផលិត និងអ្នកផឹកទឹកតែ ច្រើនជាងគេបំផុតលើពិភពលោក ដោយសារវប្បធម៌ផឹកតែបានចាក់ឫសគល់យ៉ាងជ្រៅក្នុងសង្គមចិន ជាច្រើនពាន់ឆ្នាំមកហើយ។ មិនតែប៉ុណ្ណោះ ប្រទេសចិនក៏ឈរលើគេក្នុងនាមជាដៃគូពាណិជ្ជកម្មតែ ដ៏ធំជាងគេមួយក្នុងពិភពលោក ដែលរួមចំណែកដល់កំណើនសេដ្ឋកិច្ចសកលផងដែរ។ តាមរយៈវប្បធម៌ផឹកទឹកតែ និងការដណ្តើមទីផ្សារកំពូលនេះដែរ ប្រទេសចិនបានដាក់ចេញនូវផែនការមហិច្ឆតារបស់ខ្លួន ដើម្បីធ្វើទំនើបកម្មឧស្សាហកម្មតែឱ្យទៅជាវិស័យ “ឆ្លាតវៃ” ក្នុងគោលបំណងដណ្តើមយកទីផ្សារពិភពលោក នៅឆ្នាំ២០៣០។ ក្រសួងឧស្សាហកម្ម និងបច្ចេកវិទ្យាព័ត៌មានរបស់ប្រទេសចិន រួមជាមួយភ្នាក់ងាររដ្ឋាភិបាលរបស់ចិនចំនួនបួនផ្សេងទៀត បានចេញគោលការណ៍ណែនាំ ដើម្បីលើកកម្ពស់ និងកែលម្អគុណភាព និងប្រសិទ្ធភាពនៃឧស្សាហកម្មតែ ដោយមានគោលបំណងបង្កើនទំហំនៃខ្សែសង្វាក់ឧស្សាហកម្មទាំងមូលដល់១,៥ទ្រីលានយន់ ឬស្មើជា២១៧ពាន់លានដុល្លារ​ នៅឆ្នាំ២០៣០។ ទីភ្នាក់ងារព័ត៌មានស៊ីនហួរ បានរាយការណ៍ពីទីក្រុងប៉េកាំង នាថ្មីៗមកនេះឱ្យដឹងថា ប្រទេសចិនមានគោលបំណងបង្កើតប្រព័ន្ធឧស្សាហកម្មតែដ៏ធំបំផុតមួយ ដោយក្នុងនេះមានទាំងការផ្តត់ផ្គង់ដឹកជញ្ជូនប្រកបដោយប្រសិទ្ធភាព និងឆាប់រហ័ស។ ក្រៅពីនេះនឹងរក្សាបាននូវគោលការណ៍មិនប៉ះពាល់ដល់បរិស្ថាន។ ប្រទេសចិនក៏មានគម្រោងធ្វើឱ្យមានវឌ្ឍនភាពនៅក្នុងតំបន់ផលិតតែបែបប្រពៃណីមួយចំនួន និងបានដាក់ទិសដៅឱ្យសម្រេចបាននូវការកែលម្អគួរឱ្យកត់សម្គាល់លើគុណភាព និងប្រសិទ្ធភាពនៃឧស្សាហកម្មតែក្នុងស្រុក នៅក្នុងឆ្នាំ២០២៨។ លើសពីនេះ ប្រទេសចិននឹងលើកកម្ពស់ការធ្វើទំនើបកម្មខ្សែសង្វាក់ឧស្សាហកម្មតែ ជាពិសេសក្នុងពេលដំណាលគ្នានេះក៏កំពុងពង្រីកវិសាលភាពនៃផលិតផលតែ ក៏ដូចជាគំរូនៃការប្រើប្រាស់តាមស្តង់ដាត្រឹមត្រូវ។ តាមរយៈយុទ្ធសាស្រ្តនេះបានបង្ហាញនូវការច្បាមយកទីផ្សារពិភពលោក ដោយប្រទេសចិន ចាំបាច់ណាស់ត្រូវសម្រេចឱ្យបាននូវគោលដៅជាច្រើនទៀត ក្នុងនេះ មានដូចជាពង្រឹងការច្នៃប្រឌិតវិទ្យាសាស្ត្រ និងបច្ចេកវិទ្យា ការបណ្តុះសហគ្រាសដែលផ្តោតលើទីផ្សារ និងការជំរុញការកសាងរឹងមាំលើ ឧស្សាហកម្មឯកទេស។ ក្រៅពីនេះក៏ត្រូវពង្រីកការប្រើប្រាស់វត្ថុធាតុដើមតែនៅក្នុងវិស័យអាជីវកម្មផ្សេងៗដូចជាផលិតផលគ្រួសារ មិនប្រើប្រាស់សារជាតិគីមីលាយឡំ និងការមិនបង្កផលប៉ះពាល់ដល់សុខភាពអ្នកទទួលទាន។ […]

ទីក្រុងវ៉ាសូវី៖ ក្រុមហ៊ុនផលិតជីរបស់រដ្ឋប៉ូឡូញ បានបញ្ឈប់ជាបណ្តោះអាសន្ននូវការបញ្ជាទិញថ្មី ចំពេលមានការកើនឡើងភាពតានតឹងនៅមជ្ឈិមបូព៌ា និងតម្លៃឧស្ម័នឡើងថ្លៃ។ ក្រុមហ៊ុន ហ្រ្គូប៉ា អាហ្សូទីសា (Grupa Azoty SA) គឺជាក្រុមហ៊ុនផលិតជីអាសូត និងល្បាយជីធំជាងគេទីពីរនៅក្នុងសហភាពអឺរ៉ុប ហើយការសម្រេចចិត្តរបស់ក្រុមហ៊ុននេះ បានបង្កឱ្យមានការព្រួយបារម្ភអំពីអាជីវកម្មផ្សេងទៀតអាចសម្រេចចិត្តស្រដៀងគ្នានេះដែរ។ ក្រុមហ៊ុនបានឱ្យដឹងថា ខ្លួននឹងបន្តផលិតកម្មឡើងវិញ ហើយការសម្រេចចិត្តនេះ អនុវត្តចំពោះការបញ្ជាទិញថ្មីក្នុងខែមីនា សម្រាប់តែជីអាសូតប៉ុណ្ណោះ។ បើយោងតាមសេចក្តីថ្លែងការណ៍របស់ក្រុមហ៊ុន បានលើកឡើងថា “មូលហេតុនៃការសម្រេចចិត្តនេះ គឺស្ថានភាពភូមិសាស្ត្រនយោបាយមិនស្ថិតស្ថេរនៅមជ្ឈិមបូព៌ា”។ តម្លៃឧស្ម័នធម្មជាតិនៅអឺរ៉ុប បានកើនឡើងដល់៣៤ភាគរយ នៅក្នុងវគ្គជួញដូរ កាលពីថ្ងៃទី៣ ខែមីនា ឆ្នាំ២០២៦ ធ្វើឱ្យតម្លៃឧស្ម័នបានហក់ឡើងយ៉ាងខ្លាំង ចំពេលមានភាពមិនច្បាស់លាស់ថា តើការរំខានដល់ដំណើរការនាំចេញនឹងអូសបន្លាយអស់រយៈពេលប៉ុន្មានសម្រាប់រោងចក្រផលិតឧស្ម័នដ៏ធំបំផុតរបស់ពិភពលោក នៅក្នុងប្រទេសកាតា និងបង្កផលប៉ះពាល់ដល់ការផ្គត់ផ្គង់ថាមពលសកល។ យោងតាមទីភ្នាក់ងារព័ត៌មាន ប្លូមប៊ើក (Bloomberg) បានឱ្យដឹងថា តម្លៃប្រេងឆៅបានកើនឡើងក្នុងរយៈពេលពីរថ្ងៃជាប់ៗគ្នា ខណៈពេលប្រទេសចិន ដែលជាប្រទេសនាំចូលឧស្ម័នធំជាងគេរបស់ពិភពលោក បានអំពាវនាវឱ្យភាគីជម្លោះជាមួយប្រទេសអ៊ីរ៉ង់ ធានាឱ្យមានការឆ្លងកាត់ដោយសុវត្ថិភាពនៃកប៉ាល់ឆ្លងកាត់តាមច្រកសមុទ្រ​ហ័រមូស (Hormuz)​ នៃដែនទឹកអ៊ីរ៉ង់។ សង្គ្រាមនៅប្រទេសអ៊ីរ៉ង់ បានរំខានដល់លំហូរការដឹកជញ្ជូនឆ្លងកាត់ឈូងសមុទ្រពែក្ស ដែលជាមជ្ឈមណ្ឌលដឹកជញ្ជូនជីដ៏សំខាន់ ដែលជំរុញឱ្យតម្លៃកើនឡើង នៅពេលកសិករនៅតំបន់អឌ្ឍគោលខាងជើង កំពុងរៀបចំដាក់ជីក្នុងស្រែរបស់ពួកគេ។ ទន្ទឹមនឹងនេះ ការកើនឡើងនៃតម្លៃឧស្ម័ន ក៏នឹងប៉ះពាល់ដល់អ្នកផលិតជីនៅក្នុងតំបន់ផ្សេងទៀត […]

ដោយ នៅ ស៊ីវុត្ថា បាត់ដំបង៖ ទីផ្សារដូងក្រអូបនៅក្នុងប្រទេសកម្ពុជាកំពុងមានតម្រូវការខ្ពស់គួរឱ្យកត់សម្គាល់  ព្រោះពលរដ្ឋកម្ពុជាភាគច្រើនពេញនិយម និងចូលចិត្តពិសា ដោយសារវាមានរស់ជាតិផ្អែមឆ្ងាញ់ ក្លិនក្រអូប និងអាចជួយទ្រទ្រង់ដល់សុខភាពផងដែរ។ លោក ផុន សម្បត្តិ ម្ចាស់ចម្ការដូងក្រអូបយាយណៃ ស្ថិតនៅក្នុងភូមិអូរជំាក្រោម ឃុំកំពង់ល្ពៅ ស្រុកសំឡូត ខេត្តបាត់ដំបង ប្រាប់ទូរទស្សន៍អនឡាញ ARDBថា តាមរយៈការសង្កេតជាក់ស្តែងរបស់លោក  ទីផ្សារដូងក្រអូបនៅក្នុងប្រទេសកម្ពុជា  មានកំណើនខ្ពស់ ព្រោះនៅពេលលោកបង្ហោះដូងនៅក្នុងចម្ការរបស់លោកលើបណ្តាញសង្គម មានពលរដ្ឋកម្ពុជាជាច្រើនបានទាក់ទង និងផ្ញើសារទិញជាហូរហែ។ លោកសង្កត់ធ្ងន់ទៀតថា ទំហំនៃតម្រូវការដូងក្រអូបរបស់កម្ពុជា គឺមានកម្រិតខ្ពស់ដែលធ្វើឱ្យលោកកំពុងតែពិនិត្យលទ្ធភាព និងសិក្សាពង្រីកផ្ទៃដីដំាដុះប្រមាណបីហិកតាបន្ថែមទៀត ខណៈបច្ចុប្បន្នលោកមានផ្ទៃដីដាំដុះ និងកំពុងប្រមូលផលចំនួនបីហិកតារួចហើយ។ លោកបន្ថែមថា តាមផែនការ លោក នឹងដាំដូងក្រអូប ដូចធំ ឬគេហៅថាដូចខ្មែរ ព្រោះទីផ្សារដូងធំ នៅកម្ពុជាជាពិសេសនៅក្នុងខេត្តបាត់ដំបងនេះ មានតម្រូវខ្ពស់ដូចទៅនឹងដូងក្រអូបដូចគ្នា ។ ដូងធំនេះ មានតម្រូវការទាំងដូងខ្ចី ដូងចាស់ និងដូងទុំជាដើម។ បើតាមលោក ផុន សម្បត្តិ ចំពោះការបោះដុំនៅក្នុងចម្ការ តម្លៃដូងក្រអូបនាពេលបច្ចុប្បន្ន ចន្លោះពី១ ២០០រៀល ទៅ១ ៤០០រៀល […]

ប៉េហៃ, ប្រទេសចិន៖ នារសៀលថ្ងៃទី៦ ខែមីនា ឆ្នាំ២០២៦ ឯកឧត្ដមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) បានដឹកនាំសហការីចុះទស្សនកិច្ចសិក្សាផ្ទាល់ពីខ្សែច្រវាក់ផលិតកម្មកែច្នៃដំឡូងមីរបស់ក្រុមហ៊ុនរដ្ឋចិន COFCO នៅទីក្រុងប៉េហៃ សាធារណរដ្ឋប្រជាមានិតចិន។ គោលបំណងសំខាន់នៃបេសកកម្មការនេះត្រូវបានធ្វើឡើងក្នុងគោលបំណងយុទ្ធសាស្ត្រចំនួនបីសំខាន់ៗ៖ ១. ពង្រីកទីផ្សារនាំចេញ៖ ជំរុញការនាំចេញដំឡូងមីស្ងួតពីកម្ពុជាទៅកាន់ទីផ្សារចិនឱ្យបានកាន់តែច្រើនលើសឆ្នាំមុនៗ។ ២. ពង្រឹងកិច្ចសហប្រតិបត្តិការ៖ ស្វែងយល់ពីតម្រូវការបច្ចេកទេស និងស្ដង់ដារកែច្នៃរបស់ក្រុមហ៊ុន COFCO ដែលជាអ្នកបញ្ជាទិញធំបំផុតមួយ ដើម្បីសម្រួលដល់ការផ្គត់ផ្គង់ពីកម្ពុជា។ ៣. គាំទ្រផ្នែកហិរញ្ញវត្ថុ៖ បញ្ជាក់ពីការត្រៀមខ្លួនរបស់ ARDB ក្នុងការបន្តផ្តល់ហិរញ្ញប្បទានដល់អ្នកប្រមូលទិញដំឡូងមីនៅកម្ពុជា ដើម្បីបង្កើនលទ្ធភាពប្រមូលទិញសម្រាប់នាំចេញ។ ក្នុងឱកាសនេះ ឯកឧត្ដមបណ្ឌិត កៅ ថាច ក៏បានអញ្ជើញតំណាងក្រុមហ៊ុន COFCO មកទស្សនកិច្ចនៅកម្ពុជា ដើម្បីពិនិត្យមើលសក្ដានុពលតំបន់ផលិតកម្មដំឡូងមីដោយផ្ទាល់។ ជាការឆ្លើយតប តំណាងក្រុមហ៊ុនបានយល់ព្រមនឹងពិនិត្យលទ្ធភាពមកកាន់កម្ពុជានាពេលឆាប់ៗខាងមុខនេះ។ គួរបញ្ជាក់ថា បច្ចុប្បន្នក្រុមហ៊ុន COFCO បាននិងកំពុងនាំចូលដំឡូងមីស្ងួតពីកម្ពុជាសម្រាប់ខ្សែច្រវាក់ផលិតកម្មរបស់ខ្លួន ដែលនេះជាសញ្ញាវិជ្ជមានសម្រាប់កសិករ និងអ្នកនាំចេញកម្ពុជា៕

ក្រុងណាននីង-ប្រទេសចិន៖ នៅព្រឹកថ្ងៃសៅរ៍ ទី០៧ ខែមីនា ឆ្នាំ២០២៦ ឯកឧត្ដមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយក ធនាគារអភិវឌ្ឍន៍ជនបទ និងកសិកម្ម (ARDB) បានជួបពិភាក្សាការងារជាមួយលោក Liu Shuai អនុប្រធានធនាគារចិន ប្រចាំខេត្តក្វាងស៊ី (Bank of China, Guangxi Province) ដើម្បីពិភាក្សាលើកិច្ចសហប្រតិបត្តិការហិរញ្ញវត្ថុ និងការផ្តល់សេវាធនាគារឆ្លងដែន។ ខ្លឹមសារសំខាន់នៃកិច្ចពិភាក្សាបានផ្តោតលើចំណុចយុទ្ធសាស្ត្ររួមមាន៖ 1. ការគាំទ្រឥណទានដល់ខ្សែច្រវាក់តម្លៃកសិផលនាំចេញ៖ ភាគីទាំងពីរបានពិភាក្សាលើការផ្តល់ឥណទានដើម្បីគាំទ្រដល់សហគ្រាស ក៏ដូចជាធុរកិច្ចកសិកម្មកម្ពុជា ក្នុងការត្រៀមលក្ខណៈសម្បត្តិសម្រាប់ផ្គត់ផ្គង់ និងការរៀបចំខ្សែច្រវាក់ផលិតកម្មកសិផលមកកាន់ទីផ្សារប្រទេសចិន ឱ្យកាន់តែមានប្រសិទ្ធភាព និងស្របតាមតម្រូវការទីផ្សារ។ 2. ការជំរុញការទូទាត់អន្តរជាតិ (Cross-border Settlement)៖ ពង្រឹងយន្តការទូទាត់ប្រាក់ឱ្យកាន់តែឆាប់រហ័ស និងមានតម្លៃទាប រវាងធនាគារ ARDB និងធនាគារចិន ខេត្តក្វាងស៊ី ដើម្បីសម្រួលដល់ប្រតិបត្តិការពាណិជ្ជកម្ម និងរំហូរហិរញ្ញវត្ថុរវាងប្រទេសទាំងពីរ។ ជំនួបពិភាក្សានេះ គឺជាការបន្តពង្រឹងទំនាក់ទំនងដ៏ល្អប្រសើរ និងជាការត្រួសត្រាយផ្លូវ​ឈាន​ទៅ​រក​ការ​ចុះ​អនុស្សរណៈ​យោគយល់​គ្នា​ (MoU) នៅ​ពេល​ខាង​មុខ​ ដេីម្បី​ស្វែងរកដំណោះស្រាយហិរញ្ញវត្ថុដ៏ទូលំទូលាយ ជូនដល់តួអង្គក្នុងវិស័យកសិកម្ម។ តាមរយៈកិច្ចសហការនេះ ARDB នឹងបន្តតួនាទីជាសេនាធិការរបស់រាជរដ្ឋាភិបាលកម្ពុជា […]

ណាននីង, ប្រទេសចិន៖ នាព្រឹកថ្ងៃទី៦ ខែមីនា ឆ្នាំ២០២៦ ឯកឧត្ដមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយក ធនាគារអភិវឌ្ឍន៍ជនបទ និងកសិកម្ម (ARDB) បានដឹកនាំសហការីចុះទស្សនកិច្ចសិក្សាពីគម្រោងបៃតង “Green Project” របស់ក្រុមហ៊ុន Nanning Rail Transit (NNRT) និង​គម្រោង​កសិកម្ម​ឆ្លាតវៃ​ “Smart Agriculture”​ របស់​ក្រុម​ហ៊ុន​ Guangxi Yunjing Digital Technology Co., Ltd នៅសាធារណរដ្ឋប្រជាមានិតចិន។ គោលបំណងសំខាន់នៃទស្សនកិច្ច៖ – ការដឹកជញ្ជូនកសិផលដោយមធ្យោបាយដឹកជញ្ជូនបៃតង៖ សិក្សាពីការប្រើប្រាស់ម៉ូតូ និងរថយន្តអគ្គិសនី (EV) ក្នុងការដឹកជញ្ជូនកសិផល ដើម្បីកាត់បន្ថយចំណាយ និងមិនផលប៉ះពាល់ដល់បរិស្ថាន។ – ការឆ្លើយតបនឹងការប្រែប្រួលអាកាសធាតុ៖ ជំរុញការប្រើប្រាស់បច្ចេកវិទ្យាឆ្លាតវៃបៃតងក្នុងខ្សែច្រវាក់ផលិតកម្មកសិកម្ម ស្របតាមគោលការណ៍អភិវឌ្ឍន៍ដោយចីរភាព និងបៃតង។ – ការ​គ្រប់​គ្រង​កសិកម្ម​តាម​បែប​វៃឆ្លាត​ “Smart Agriculture / Agri-Tech” អំពីគម្រោងហិរញ្ញប្បទានបៃតង (Green Finance) របស់ […]

ហាណូយ៖ ធនាគារអភិវឌ្ឍន៍អាស៊ី (Asia Development Bank) និងធនាគាររដ្ឋវៀតណាម (State Bank of Vietnam) កាលពីថ្ងៃទី៣០ ខែមករា ឆ្នាំ២០២៦ បានរួមគ្នាដាក់ចេញនូវគំនិតផ្តួចផ្តើមនូវមូលនិធិចំនួនពីរលានដុល្លារ សម្រាប់ការអភិវឌ្ឍសមត្ថភាពធនាគារបៃតង ដើម្បីជួយឱ្យប្រទេសវៀតណាមពង្រីកហិរញ្ញប្បទានបៃតង និងហិរញ្ញវត្ថុអាកាសធាតុ។ បើតាមការចុះផ្សាយតាមបណ្តាញព័ត៌មានវៀតណាម​ បានឱ្យដឹងថា គំនិតផ្តួចផ្តើមនេះ គឺជាផ្នែកមួយនៃគម្រោងជំនួយផ្នែកបច្ចេកទេស ស្តីពី “ហិរញ្ញវត្ថុបរិយាបន្ន និងហិរញ្ញវត្ថុអាកាសធាតុ» ដែលផ្តល់មូលនិធិដោយរដ្ឋាភិបាលជប៉ុន តាមរយៈមូលនិធិជប៉ុនសម្រាប់អាស៊ី និងប៉ាស៊ីហ្វិក ប្រកបដោយវិបុលភាព និងភាពធន់។ ប្រភពដដែលបានបន្តថា គម្រោងនេះមានគោលបំណងពង្រឹងការអនុវត្តធនាគារបៃតង និងបង្កើនសមត្ថភាពវិស័យធនាគាររបស់ប្រទេសវៀតណាម ដើម្បីពង្រីកហិរញ្ញវត្ថុបៃតង និងហិរញ្ញវត្ថុអាកាសធាតុ ឱ្យកាន់តែទូលំទូលាយ។ ឆ្លើយតបទៅនឹងគម្រោងខាងលើនេះ វៀតណាមបានរៀបចំសិក្ខាសាលានៃការចាប់ផ្តើមអនុវត្តថវិកាពីរលានដុល្លារនេះ ដោយមានអ្នកចូលរួមជាង៨០នាក់ មកពីធនាគាររដ្ឋរបស់ប្រទេសវៀតណាម ក្រសួង និងស្ថាប័នពាក់ព័ន្ធ ដៃគូអភិវឌ្ឍន៍ ធនាគារពាណិជ្ជ និងសមាគមធុរកិច្ច។ សិក្ខាសាលានេះ បានពិភាក្សាលើប្រធានបទសំខាន់ៗ រួមមាន ការវាយតម្លៃហានិភ័យអាកាសធាតុ ផលប៉ះពាល់ម៉ាក្រូសេដ្ឋកិច្ចនៃការកំណត់តម្លៃកាបូន តួនាទីរបស់ស្ថាប័នឥណទានក្នុងការអភិវឌ្ឍទីផ្សារកាបូន និងការចេញមូលបត្របំណុលបៃតង។ តាមរយៈសិក្ខាសាលាខាងលើនេះ ក្រុមអ្នកចូលរួមក៏បានផ្លាស់ប្តូរទស្សនៈអំពីគោលនយោបាយពន្ធបៃតងរបស់វៀតណាម និងបានកំណត់ជំហានបន្ទាប់ ដើម្បីជួយវិស័យធនាគារក្នុងការជំរុញហិរញ្ញវត្ថុប្រកបដោយនិរន្តរភាព […]

វៀងច័ន្ទន៍៖ នាយករដ្ឋមន្ត្រីឡាវ លោក សូនិសៃ ស៊ីផាន់ដន (Sonexay Siphandone) បានអំពាវនាវឱ្យខិតខំប្រឹងប្រែង ដើម្បីពង្រឹងសន្តិសុខស្បៀង ព្រមទាំងធ្វើទំនើបកម្មផលិតកម្មកសិកម្ម និងកែលម្អការគ្រប់គ្រងដីធ្លី ព្រៃឈើ និងធនធានទឹក។ យោងតាមរបាយការណ៍របស់ទីភ្នាក់ងារព័ត៌មានឡាវ បានឱ្យដឹងថា កាលពីថ្ងៃទី២ ខែមីនា ឆ្នាំ២០២៦នេះ លោក សូនិសៃ ស៊ីផាន់ដន បានថ្លែងសារបែបនេះក្នុងអំឡុងកិច្ចប្រជុំមួយ ដែលធ្វើឡើងកាល ដើម្បីពិនិត្យឡើងវិញនូវវិស័យកសិកម្ម និងព្រៃឈើរបស់ឡាវ នៅឆ្នាំ២០២៥។ ថ្លែងក្នុងកិច្ចប្រជុំ នាយករដ្ឋមន្ត្រីបានសង្កត់ធ្ងន់ថា ផលិតកម្មកសិកម្មរបស់ឡាវត្រូវតែដើរតាមមាគ៌ាសេដ្ឋកិច្ច ដែលពឹងផ្អែកលើខ្លួនឯង ដោយផ្តល់អាទិភាពដល់ការពង្រឹងសមត្ថភាពក្នុងស្រុក ក្នុងការបង្កាត់ពូជរុក្ខជាតិ និងសត្វ នវានុវត្តន៍ និងធាតុចូលផលិតកម្មសំខាន់ៗ។ លោកបានអំពាវនាវឱ្យមានការយកចិត្តទុកដាក់កាន់តែខ្លាំងចំពោះការកែលម្អដី ការការពារដីស្រែ មានជីជាតិ និងការអភិវឌ្ឍតំបន់ផលិតកម្មប្រមូលផ្តុំ ដែលគាំទ្រដោយហេដ្ឋារចនាសម្ព័ន្ធសមស្រប។ ការពង្រីកផលិតកម្មក្នុងស្រុកផ្នែកចំណីសត្វ ជី ថ្នាំសម្លាប់សត្វល្អិត និងឱសថព្យាបាលសត្វ ក៏ត្រូវបានសង្កត់ធ្ងន់ផងដែរ ដើម្បីកាត់បន្ថយការពឹងផ្អែកលើការនាំចូល។ ការគ្រប់គ្រងទឹកប្រកបដោយប្រសិទ្ធភាព ត្រូវបានគូសបញ្ជាក់ថាមានសារៈសំខាន់ក្នុងការបង្កើនទិន្នផល រួមទាំងពង្រីកការដាំដុះស្រូវរដូវវស្សា និងការផ្តោតការយកចិត្តទុកដាក់កាន់តែខ្លាំងលើដំណាំរដូវប្រាំង ដែលមានតម្លៃខ្ពស់។ ការពង្រឹងផ្នែកកែច្នៃស្បៀងអាហារ ស្តង់ដារអនាម័យ ចរាចរពាណិជ្ជកម្ម ធនាគារពូជ […]

ដោយ ឡុង សារេត ភ្នំពេញ៖ ស្ថាបនិកក្រុមហ៊ុនលីលីហ្វូត លោកជំទាវឧកញ៉ាបណ្ឌិត កែវ មុំ ដែលមហាជនស្គាល់ថា ជាសហគ្រិនស្ត្រីឆ្នើមម្នាក់នៅក្នុងប្រទេស បានសង្កេតឃើញថា មកដល់ពេលបច្ចុប្បន្ននេះ ស្ត្រីគឺមានសក្តានុពលកាន់តែច្រើននៅក្នុងគ្រួសារ ក្រៅពីមានតួនាទីធ្វើជាស្ត្រីមេផ្ទះ មើលរក្សាកូនចៅ និងស្វាមី។ ពោលស្ត្រីបានចូលរួមបង្កើនប្រាក់ចំណូលនៅក្នុងសេដ្ឋកិច្ចគ្រួសារ តាមការបង្កើតអាជីវកម្មកែច្នៃផលិតផលមានកាន់តែច្រើនសម្រាប់ផ្គត់ផ្គង់តម្រូវការនៅក្នុងប្រទេស។ លោកជំទាវឧកញ៉ាបណ្ឌិត កែវ មុំ មានប្រសាសន៍ថា “ចំពោះប្រជាជនខ្មែរយើង ដែលជាស្ត្រី យើងឃើញថា ម្ចាស់អាជីវកម្មជាអ្នកលក់ដូរ ស្ត្រីធ្វើជាម្ចាស់អាជីវកម្មមានច្រើន។ ចំណែកខ្នាតឧស្សាហកម្មស្ត្រីបានចូលរួមជាច្រើននៅក្នុងដំណើរការនៃការកែច្នៃ ឬបង្កើតផលិតផលក្នុងស្រុកផ្សេងៗ ព្រោះស្ត្រីចូលចិត្តធ្វើអ្វី ដែលមានការច្នៃប្រឌិតផលិតផលមានគុណភាពល្អ ស្អាត និងមានរសជាតិឆ្ងាញ់។ ដូចនេះផ្អែកលើការកែច្នៃផលិតផលរបស់ស្ត្រី បានជំរុញឱ្យគាត់មានផែនការផលិតកាន់តែច្រើនសម្រាប់ឆ្លើយតបទៅនិងតម្រូវការនៅក្នុងប្រទេសកម្ពុជា”។ លោកជំទាវបានគូសបញ្ជាក់ថា “យើងមើលឃើញថា បច្ចុប្បន្ននៅក្នុងប្រទេសកម្ពុជា ម្ចាស់សិប្បកម្ម ម្ចាស់ឧស្សាកម្មទាំងខ្នាតតូច មធ្យមភាគច្រើនគឺជាស្ត្រី រហូតដល់ជាង៦០ភាគរយ”។ ស្ថាបនិកក្រុមហ៊ុនលីលីហ្វូត បានបន្តទៀតថា ក្រៅពីបានចាត់ទុកស្ត្រី គឺជាឆ្អឹងខ្នងនៃការរួមចំណែកសម្រាប់ផ្គត់ផ្គង់ និងជួយទ្រទ្រង់ដល់សុខភាពនៅក្នុងគ្រួសារជាច្រើន។ ស្ត្រីបច្ចុប្បន្នបាននិងកំពុងចូលរួមអភិវឌ្ឍន៍សេដ្ឋកិច្ចសង្គមជាតិបានច្រើនតាមរយៈការគិតល្អិតល្អន់ ហ្មត់ចត់ ច្បាស់លាស់ សច្ចធម៌ គុណធម៌ សុជីវធម៌។ បើតាមលោកជំទាវឧកញ៉ាបណ្ឌិត កែវ […]

គូឡាឡាំពួរ៖ រដ្ឋមន្ត្រីក្រសួងកសិកម្ម និងសន្តិសុខស្បៀង ម៉ាឡេស៊ី នៅថ្ងៃទី២៥ ខែកុម្ភៈ ឆ្នាំ២០២៦នេះ បានឱ្យដឹងថា ប្រទេសម៉ាឡេស៊ីមានស្តុកអង្ករគ្រប់គ្រាន់សម្រាប់ផ្គត់ផ្គង់តម្រូវការក្នុងស្រុកបានប្រមាណជាងប្រាំខែប៉ុណ្ណោះ នៅពេលមានគ្រោះអាសន្នកើតឡើង។ រដ្ឋមន្ត្រីក្រសួងកសិកម្ម និងសន្តិសុខស្បៀង លោក ម៉ូហាម៉ាដ សាប៊ូ (Mohamad Sabu) បានមានប្រសាសន៍ថា បច្ចុប្បន្នប្រទេសម៉ាឡេស៊ី គិតត្រឹមថ្ងៃទី៣ ខែកុម្ភៈ ឆ្នាំ២០២៦ មានស្តុកអង្ករសរុបជាងមួយលានតោន ដែលក្នុងនេះមានអង្ករស្តុកបម្រុងសម្រាប់ផ្គត់ផ្គង់តម្រូវការបន្ទាន់ចំនួន២០០ ០០០តោន និងអង្ករស្តុកសម្រាប់ធ្វើពាណិជ្ជកម្មចំនួន ៨៨៩ ២៨៥តោន។ លោកបានមានប្រសាសន៍ថា នេះបង្ហាញឱ្យឃើញថា ត្រូវវិធានការណ៍ចាំបាច់ ដើម្បីធានាឱ្យបាននូវការផ្គត់ផ្គង់ស្បៀងអាហារឱ្យបានគ្រប់គ្រាន់ក្នុងករណីមានគ្រោះមហន្តរាយ។ ចំណែកវិធានការផ្សេងទៀត រួមមានការធ្វើគម្រោងសាកល្បងដាំស្រូវលើផ្ទៃដីទំហំ៣ ០០០ហិកតា ក្នុងដំណាក់កាលចាប់ផ្តើម នៅឆ្នាំ២០២៤ តាមតំបន់គ្រប់គ្រងដោយអាជ្ញាធរអភិវឌ្ឍន៍កសិកម្ម ម៉ាឡេស៊ី។ លោករដ្ឋមន្ត្រីបានលើកឡើងថា ព្រមជាមួយគ្នានេះដែរ ក៏មានកិច្ចខិតខំប្រឹងប្រែងជាដំណាក់កាល ដើម្បីធ្វើឱ្យប្រសើរឡើងវិញនូវប្រព័ន្ធគ្រប់គ្រងទឹកក្នុងវិស័យកសិកម្ម តាមរយៈកិច្ចសហប្រតិបត្តិការជាមួយវិស័យឯកជន ដែលជាមធ្យោបាយមួយ ដើម្បីបង្កើនប្រសិទ្ធភាពក្នុងការគ្រប់គ្រងទឹក ពេលមានគ្រោះទឹកជំនន់ និងគ្រោះរាំងស្ងួត។ លោកក៏បានលើកឡើងពីគម្រោងបង្កបង្កើនផលដំណាំស្រូវ ដែលផ្តល់ការការពារសម្រាប់ក្រុមកសិករខ្នាតតូច ដែលងាយរងផលប៉ះពាល់ដោយគ្រោះមហន្តរាយ ដោយអាចទទួលបានសំណងរហូតដល់៣ ០០០រីងហ្គីត ឬប្រហែលនឹង៧៦៥ដុល្លារ ក្នុងមួយហិកតា […]

ដោយ ឡុង សារេត ភ្នំពេញ៖ នៅក្នុងរយៈពេលប៉ុន្មានឆ្នាំចុងក្រោយ ពេលវិស័យចិញ្ចឹមសត្វក្នុងស្រុកមានការរីកចម្រើន គេសង្កេតឃើញមានការកែច្នៃសាច់សត្វ ដែលចិញ្ចឹមដោយកសិករទៅជាផលិតផលផ្សេងៗគ្នា សម្រាប់ឆ្លើយតបតម្រូវទីផ្សារ។ ជាក់ស្តែងម្ចាស់ហាង រូមីនិន២៨ (RUMINANT 28) បានអះអាង អ្នកប្រើប្រាស់ក្នុងស្រុកចាប់ផ្តើមទទួលស្គាល់ និងគាំទ្រសាច់ ដែលមានគុណភាពកើនឡើងទ្វេដង បើប្រៀបធៀបទៅនិងពេលកន្លងទៅ។ លោក ប៊ី ម៉ារិន ម្ចាស់ហាងសាច់ធម្មជាតិយីហោ ខាងលើបានឱ្យដឹងថា បន្ទាប់ពីហាង រូមីនិន២៨ ចាប់ផ្តើមនៅឆ្នាំ២០២២ ដំបូងគឺមានការប្រកួតប្រជែងគ្នាខ្លាំង ដោយសារការកែច្នៃសាច់មានស្តង់ដា តម្លៃខ្ពស់ទ្វេដង បើប្រៀបធៀបទៅនិងសាច់ដាក់លក់នៅលើទីផ្សារធម្មតា។ ប៉ុន្តែបច្ចុប្បន្នអ្នកប្រើប្រាស់នៅក្នុងស្រុកចាប់ផ្តើមទទួលស្គាល់សាច់ជ្រូក ឬសាច់គោដែលមានគុណភាព និងមានតម្លៃខ្ពស់។ លោកបានអះអាងថាយ៉ាងខ្លីថា “ចូលមកដល់ចុងឆ្នាំ២០២៥ និងដើមឆ្នាំ២០២៦ ការលក់របស់ខ្ញុំបានកើនឡើងបរិមាណគុណនិងពីរ ដោយសារប្រជាពលរដ្ឋក្នុងស្រុកចាប់ផ្តើមទទួលស្គាល់គុណតម្លៃ និងគុណសម្បត្តិរបស់សាច់ រូមីនិន២៨ យើង”។ បើតាមម្ចាស់ហាងខាងលើ ក្នុងដំណាក់កាលដំបូង លោកមានការផ្គត់ផ្គង់ប្រភេទសាច់ចៀម និងសាច់ពពែ។ តែចូលមកដល់ឆ្នាំ២០២៤ លោកបានអភិវឌ្ឍន៍កែច្នៃសាច់ជ្រូក និងសាច់គោ រហូតទទួលបានម្ចាស់កសិដ្ឋានធំៗធ្វើដៃគូផ្គត់ផ្គង់សត្វ ដែលមានគុណភាព និងមានស្តង់ដា ដែលឆ្លើយតបទៅភោជនីយដ្ឋាន និងសណ្ឋាគារបាន។ លោកបានបន្តទៀតថា ពាក់ព័ន្ធនិងតម្លៃ សម្រាប់សាច់ជ្រូមានតម្លៃថ្លៃជាងសាច់ជ្រូកលក់នៅតាមផ្សារចន្លោះពី២៥ […]

សៅប៉ូឡូ៖ នៅក្នុងខែមករា ឆ្នាំ២០២៦នេះ ប្រទេសប្រេស៊ីលបាននាំចេញគ្រាប់ស្ពៅ ទៅកាន់ប្រទេសចិនជាលើកដំបូង ចាប់តាំងពីដើមឆ្នាំ២០១៤ ប៉ុន្តែនាំចេញក្នុងបរិមាណតិចតួចដោយផ្ទុកក្នុងកុងតឺន័រមួយគ្រឿង។ យោងតាមទិន្នន័យរដ្ឋាភិបាលប្រេស៊ីល បានឱ្យដឹងថា ការនាំចេញគ្រាប់ស្ពៅនេះ មានបរិមាណចំនួន២៥,៨៣តោន ឬមួយទូកុងតឺន័រ បន្ទាប់ពីក្រុមហ៊ុនពាណិជ្ជកម្មចំនួន១០ ត្រូវបានអនុញ្ញាតឱ្យនាំចេញគ្រាប់ធញ្ញជាតិទៅកាន់ប្រទេសចិន កាលពីខែវិច្ឆិកា ឆ្នាំ២០២៥។ យោងតាមកំណត់ត្រាផ្លូវការ ដែលប្រទេសចិនបានទិញគ្រាប់ស្ពៅ ប្រេស៊ីលនៅឆ្នាំ២០១៤ មានចំនួនសរុប ១,៣៧៤តោន ក្នុងមួយឆ្នាំ។ ប៉ុន្តែចាប់តាំពីពេលនោះមក មិនមានឃើញប្រទេសប្រេស៊ីលនាំចេញគ្រាប់ស្ពៅទៅប្រទេសចិនទៀតឡើយ។ ក្រុមហ៊ុននាំចេញ និងកសិករដាំគ្រាប់ស្ពៅ រំពឹងថាបរិមាណនៃការនាំចេញទៅកាន់ប្រទេសចិន នឹងកើនឡើងនាពេលខាងមុខ ស្របពេលប្រទេសប្រេស៊ីលព្យាយាមធ្វើពិពិធកម្មការផ្គត់ផ្គង់វត្ថុធាតុដើមសម្រាប់ផលិតចំណីសត្វនៅក្នុងប្រទេសចិន ដើម្បីឆ្លើយតបទៅនឹងជម្លោះពាណិជ្ជកម្មជាមួយសហរដ្ឋអាមេរិក ដែលធ្លាប់តែជាប្រទេសអ្នកផ្គត់ផ្គង់ គ្រាបប់ស្ពៅ ដ៏ច្រើនជាងគេបំផុតរបស់ចិន។ នាយកប្រតិបត្តិនៃសមាគមអ្នកដាំពោត និងស្ពៅ ប្រេស៊ីល បាននិយាយថា លោករំពឹងថា ប្រទេសចិននឹងចាប់ផ្តើមទិញគ្រាប់ស្ពៅប្រេស៊ីល បន្ទាប់ពីបានដោះស្រាយបញ្ហាភូតគាមអនាម័យរបស់ប្រទេសចិន។ លោកប្រធានសមាគមបាននិយាយដោយសំដៅទៅលើបេសកកម្មរបស់ចិន ទៅកាន់ប្រទេសប្រេស៊ីល កាលពីឆ្នាំមុន ដើម្បីស្វែងរកដំណោះស្រាយបញ្ហាអនាម័យ ព្រមទាំងជួយសម្រួលដល់ពាណិជ្ជកម្មគ្រាប់ស្ពៅ ទោះបីជាប្រេស៊ីលក៏មានតម្រូវការក្នុងស្រុកច្រើនដេរ ដោយសារតែការពង្រីកឧស្សាហកម្មផលិតមេអេតាណុល ផលិតចេញពីគ្រាប់ពោត និងគ្រាប់ស្ពៅ។ ប្រទេសប្រេស៊ីលនាំចេញគ្រាប់ស្ពៅតិចតួចណាស់ បើធៀបនឹងដំណាំសំខាន់ៗផ្សេងទៀត ដូចជាសណ្តែកសៀង និងពោត។ ប៉ុន្តែទោះជាយ៉ាងណាក៏ដោយ សម្រាប់ដំណាំបច្ចុប្បន្ន […]