អន្តរជាតិ

បាងកក៖ តម្លៃផ្លែស្វាយថៃលក់នៅតាមផ្សារក្នុងខេត្ត និងនៅក្នុងទីក្រុងបាងកកប្រទេសថៃ បានធ្លាក់ថ្លៃយ៉ាងគំហុក រហូតធ្វើឱ្យកសិករ ​និង​អាជីវករ​លក់ដុំ លក់រាយ​ច្រើន​លើសលប់​ប្រឈម​នឹង​ការ​ខាតបង់អស់ចុងអស់ដើម​​ដោយសារ​គ្មានអ្នកទិញ ប៉ុន្តែរដូវប្រមូលផលផ្លែស្វាយបានចូលមកដល់ពេញបន្ទុក។ យោងតាមសារព័ត៌មាន បាងកកប៉ុស្តិ៍របស់ថៃ បានឱ្យដឹងថា តម្លៃផ្លែស្វាយល្អលេខ១របស់ថៃ បានធ្លាក់ចុះមកត្រឹមតែ២០បាត ឬស្មើនឹង០,៦១ដុល្លារ ក្នុងមួយគីឡូក្រាម ដែលជាតម្លៃទាបបំផុតក្នុងរយៈពេលជាច្រើនឆ្នាំកន្លងមកនេះ ដែលបង្កឱ្យមានការព្រួយបារម្ភយ៉ាងខ្លាំងក្នុងចំណោមអ្នកលក់ និងកសិករអ្នកដាំ។ អ្នកលក់ផ្លែស្វាយនៅតាមផ្សារ បាននិយាយរអ៊ូរទាំថា ការផ្គត់ផ្គង់ជន់ជោរ៍លើសលប់ ដែលធ្វើឱ្យអ្នកផ្លែស្វាយជាច្រើនបង្ខំចិត្តឱ្យលក់ផ្លែដោយបញ្ចុះតម្លៃយ៉ាងទាបបំផុត ឬបោះចោលតែម្តង។  ចំណែកអ្នក​លក់​ដុំវិញ ក៏​ជួប​ការ​លំបាកផង​ដែរ ដោយ​សារមាន​ផ្លែ​ស្វាយច្រើន​ខុស​ធម្មតា​ ដែល​គេដឹកយកមក​ពី​ចម្ការនៅតាមទីជនបទ។ នាយកដ្ឋានពាណិជ្ជកម្មផ្ទៃក្នុងរបស់ថៃ បានបញ្ជាក់ថា ជាមធ្យមនៅក្នុងរដូវប្រមូលផលឆ្នាំ២០២៥នេះ តម្លៃផ្លៃស្វាយនៅតាមចម្ការបានការធ្លាក់ចុះតម្លៃ២៥ភាគរយ ដែលជាការធ្លាក់ចុះតម្លៃដ៏ច្រើនបំផុតក្នុងរយៈពេលជាង១០ឆ្នាំកន្លងមកនេះ។ ចំណែកក្រុមហ៊ុនកែច្នៃនាំចេញផ្លែស្វាយកំពុងតែពន្យារការនាំចេញរបស់ខ្លួន ដោយសារមានបញ្ហាជុំវិញអត្រាពន្ធខ្ពស់ពេករបស់អាម៉េរិក ដែលបង្ខំឱ្យរោងចក្រកែច្នៃផ្លែស្វាយបញ្ឈប់ប្រតិបត្តិការ។  រីឯជាលទ្ធផលចុងក្រោយបង្អស់ អ្នកបរិភោគក្នុងស្រុកក៏លែងសូវត្រូវការទៀត​ ធ្វើឱ្យផ្លែស្វាយកាន់តែគ្មានទីផ្សារ ដូច្នេះមានតែបោះចោលតែម្តង។ កាលពីដើមឧសភា ឆ្នាំ២០២៥នេះ រដ្ឋាភិបាលថៃបានប្រកាសពីវិធានការបន្ទាន់មួយចំនួន ដូចជាជួយទិញផ្លែស្វាយដោយផ្ទាល់ដៃពីកសិករ ព្រមទាំងជួយពន្លឿនការដឹកជញ្ជូន និងគាំទ្រដល់ការទិញផ្លែស្វាយសម្រាប់ចែកតាមសាលារៀន និងចែកក្មុងកម្មវិធីសម្បុរសធម៌ផ្សេង។ រីឯវិធានការខ្លះទៀត រួមមានការចូលដោយមិនគិតថ្លៃសម្រាប់រថយន្តដឹកផ្លែឈើ តាមផ្លូវគោក ផ្លូវដឹក និងការឧបត្ថម្ភធនសម្រាប់ការដឹកជញ្ជូនផ្លែស្វាយដាក់ក្នុងទូកកជាដើម។ ប៉ុន្តែវិធានការទាំងអស់នេះមិនមានប្រសិទ្ធភាពឡើយ ព្រោះមិនដឹងដឹកទៅណា ហើយគ្មាននរណាទិញ។ ទោះបីជាមានការជំរុញជាសាធារណៈពីនាយករដ្ឋមន្ត្រីថៃ […]

យ៉ាំងហ្គោន៖ សមាគមអ្នកដាំ និងផលិតជ័រកៅស៊ូមីយ៉ាន់ម៉ា បាននិយាយថា ប្រទេសមីយ៉ាន់ម៉ា មានគោលបំណងនាំចេញផលិតផលជ័រកៅស៊ូប្រមាណ៣៥0,000-៣៨0,000 តោន ក្នុងឆ្នាំ២០២៥ -២០២៦។ ទីភ្នាក់ងារព័ត៌មានស៊ីនហួរ របស់ចិន បានរាយការណ៍ពីទីក្រុងយ៉ាំងហ្គោន ប្រទេសមីយ៉ាន់ម៉ា នាដើមសប្តាហ៍នេះឱ្យដឹងថា ប្រទេសមីយ៉ាន់ម៉ា បាននាំចេញជ័រកៅស៊ូប្រហែល៣០ម៉ឺនតោន តាំងឆ្នាំ២០២៤ និងដើមឆ្នាំ២០២៥ ដែលរកបានប្រាក់ចំណូលសម្រាប់ប្រទេសជិត៥០០លានដុល្លារ។ ក្នុងនេះ ការ​នាំ​ចេញ​ជ័រកៅស៊ូទៅ​កាន់ទីផ្សារប្រទេស​ចិន ​មាន​បរិមាណ​ខ្ពស់​បំផុត​ គឺ៧៥ភាគរយ តាម​ពី​ក្រោយ​ដោយប្រទេសម៉ាឡេស៊ី ឥណ្ឌូនេស៊ី វៀតណាម ឥណ្ឌា និងប្រទេសជប៉ុន។ បច្ចុប្បន្ននេះ ប្រទេសមីយ៉ាន់ម៉ាមានផ្ទៃដីដាំដើមកៅស៊ូប្រមាណជាងពីរលានហិកតា  ដោយរដ្ឋមនជាប្រភពផលិតកម្មធំជាងគេ។ គួរបញ្ចាក់ថា សម្រាប់ផលិតផលកសិកម្ម ដូចជាអង្ករ សណ្តែក និងពោត ជាផលិតផលសំខាន់ជាងគេ សម្រាប់ការនាំចេញដ៏សំខាន់ផ្នែកវិស័យកសិកម្មរបស់ប្រទេសមីយ៉ាន់ម៉ា។ ចំណែកផ្លែឈើ និងបន្លែ ល្ង  ស្លឹកតែក្រៀម  ស្ករស និងផលិតផលកសិកម្មផ្សេងទៀត ក៏ត្រូវបាននាំចេញក្រៅប្រទេស ដើម្បីរកចំណូលចូលជាតិ ដែលហែកហួរដោយសង្គ្រាមផ្ទៃក្នុង។ ជាមួយគ្នានេះប្រទេស មីយ៉ាន់ម៉ា ភាគច្រើននាំចេញកសិផលទៅកាន់ប្រទេសចិន  សិង្ហបុរី បង់ក្លាដេស ម៉ាឡេស៊ី ហ្វីលីពីន ស្រីលង្ការ […]

សិង្ហបុរី៖ កសិដ្ឋានមួយរបស់ប្រទេសសិង្ហបុរី ដែលដាំដុះបន្លែចំនួន១៤ប្រភេទ គឺនៅតែឈរជើងនៅក្នុងទីផ្សារនៅឡើយ បន្ទាប់ពីដំណើការបានបីឆ្នាំកន្លងមក។ កសិដ្ឋាននេះ បានជំរុញអាជីវកម្មរបស់ខ្លួនប្រហែល៤០ភាគរយពីការលក់ដោយផ្ទាល់ដល់អតិថិជន បើប្រៀបធៀបទៅនឹងឆ្នាំមុន ហើយក្រុមហ៊ុនកំពុងបង្កើនការលក់របស់ខ្លួនបន្ថែមទៀត។ នាយកប្រតិបត្តិក្រុមហ៊ុនបានឱ្យដឹងថា កសិដ្ឋាននេះមានគោលបំណងសហការជាមួយកសិដ្ឋានផ្សេងទៀត និងទីផ្សារបន្លែជាច្រើនប្រភេទដើម្បីផ្គត់ផ្គង់តាមសណ្ឋាគារ។ ហើយការរៀបចំនេះនឹងផ្តល់ឱកាសឱ្យកសិដ្ឋានសម្រេចបាននូវការបញ្ជាទិញកាន់តែច្រើនពីអតិថិជនរបស់ពួកគេ។ នាយកប្រតិបត្តិក្រុមហ៊ុន បានបញ្ជាក់ថា៖ “ប្រសិនបើកសិដ្ឋានក្នុងស្រុកក៏អាចលក់ផលិតផលទៅឱ្យក្រុមសណ្ឋាគារទាំងនេះជាសមូហភាពដែរ ខ្ញុំជឿថា វានឹងអាចជួយយើងបង្កើនការលក់របស់យើងរហូតដល់៣០ភាគរយទៅ៤០ភាគរយ”។ សិង្ហបុរីបាននិងកំពុងធ្វើការយ៉ាងសកម្មដើម្បីបង្កើនផលិតកម្មកសិកម្មរបស់ខ្លួន និងពង្រឹងសន្តិសុខស្បៀងសម្រាប់ប្រទេសជាតិ ក្នុងករណីមានការរំខានដល់ខ្សែសង្វាក់ផ្គត់ផ្គង់ម្ហូបអាហារ។ ទោះជាយ៉ាងណាក៏ដោយ ដោយសារផលិតក្នុងស្រុកតែងតែមានតម្លៃខ្ពស់ជាងផលិតផលនាំចូល កសិករសិង្ហបុរីកំពុងសម្លឹងមើលមធ្យោបាយថ្មីដើម្បីទាក់ទាញអ្នកទិញ រួមទាំងការធ្វើពិពិធកម្មផលិតផលរបស់ពួកគេឱ្យទទួលបានចំណែកទីផ្សារកាន់តែធំ។ ដោយឡែកនៅឯកសិដ្ឋានចិញ្ចឹមត្រីវិញ ការលក់ត្រីបានធ្លាក់ចុះ២០ភាគរយនៅឆ្នាំនេះ។ ហើយនាយកគ្រប់គ្រង និងជាស្ថាបនិកក្រុមហ៊ុន បាននិយាយថា ខ្លួនកំពុងមើលឃើញថា ទីផ្សារហាក់ដូចជាមិនសូវល្អ ហើយប្រជាជនចំណាយតិច និងព្រួយបារម្ភអំពីសុវត្ថិភាពការងារ។ កសិដ្ឋានចិញ្ចឹមត្រីក្នុងផ្ទះនេះមានធុងជាច្រើន ដែលអាចផ្ទុកត្រីតូចៗបានរហូតដល់៣​ ០០០ក្បាល។ កសិដ្ឋាននេះបានទទួលការគាំទ្រពីមូលនិធិផលិតភាពកសិកម្មរបស់ទីភ្នាក់ងារស្បៀងអាហារសិង្ហបុរី ដើម្បីបង្កើតទម្លាប់ចិញ្ចឹមត្រីនៅក្នុងធុង បំពាក់ប្រព័ន្ធវារីវប្បកម្មកែច្នៃឡើងវិញ ដែលមានសមត្ថភាពសម្អាតដោយខ្លួនឯង និងអាចចិញ្ចឹមត្រីនៅក្នុងធុងបានច្រើនក្បាលទៀតផង៕

ទីក្រុងតូក្យូ៖ រដ្ឋមន្ត្រីក្រសួងកសិកម្មប្រទេសជប៉ុន លោក ស៊ីនជីរ៉ូ កូអ៊ីហ្សូមី (Shinjiro Koizumi) បាននិយាយថា ប្រទេសជប៉ុននឹងបញ្ចេញស្រូវបម្រុងចំនួន២០ម៉ឺនតោនទៀត ពីស្តុកទុកសម្រាប់គ្រាអាសន្នរបស់ប្រទេស ដើម្បីដោះស្រាយការឡើងថ្លៃទ្វេដង ចាប់តាំងពីឆ្នាំមុន។ លោកបានមានប្រសាសន៍ថា ក្នុងចំណោមការបញ្ចេញស្តុកថ្មីនេះ ស្រូថចំនួន១០ម៉ឺនតោននៃទិន្នផលស្រូវប្រមូលផលឆ្នាំ២០២១ នឹងត្រូវលក់មុនគេទៅកាន់អ្នកលក់រាយគ្រប់ទំហំ និងអ្នកលក់អង្ករក្នុងស្រុក ដែលមានសមត្ថភាពកិនគ្រប់គ្រាន់។ បន្តមកទៀត នឹងដល់ពេលបញ្ចេញស្តុកស្រូវប្រមូលទិន្នផល កាលពីឆ្នាំ២០២០។ ការឡើងថ្លៃអង្ករបានក្លាយទៅជាកង្វល់ដ៏ធំមួយសម្រាប់អ្នកទទួលបាន និងអ្នកធ្វើគោលនយោបាយនៅមុនការបោះឆ្នោតសំខាន់ៗនៅទីក្រុងតូក្យូ និងនៅទូទាំងប្រទេស។ អ្នក​ទទួលទាន​បាន​ឈរតម្រង់ជួរ ​ដើម្បី​ទិញ​ស្រូវ​ស្តុក​ទុកទម្ងន់ប្រាំគីឡូក្រាមក្នុងមួយបាវ ​តម្លៃ២០០០យ៉េន ឫស្មើប្រមាណ ១៣,៨២ដុល្លារ​ ចាប់តាំងពីការចាប់ផ្តើមដាក់តាំងលក់ កាលពីជាងមួយបប្តាហ៍មុន។ លោក ស៊ីនជីរ៉ូ កូអ៊ីហ្សូមី បានមានប្រសាសន៍ក្នុងសន្និសីទកាសែតថា “យើងចង់បន្តឆ្លើយតបដោយមិនបង្អង់យូរ ដើម្បីឱ្យស្រូវស្តុកទុក អាចបានទៅដល់អ្នកបរិភោគយ៉ាងឆាប់រហ័ស និងក្នុងតម្លៃទាប។ យើងមិនបណ្តោយឱ្យតម្លៃឡើងថ្លៃវិញ និងប្រាក់ឈ្នួលនៅក្នុងសេដ្ឋកិច្ចជប៉ុនទាំងមូលដួលរលំនោះទេ។ ប្រសិនបើវាប្រាកដជារឿងរបស់អង្ករ នោះខ្ញុំជឿថា យើងត្រូវតែដោះស្រាយបញ្ហាបែបនេះឱ្យបានទាន់ពេលវេលា”។​​ ចាប់តាំងពីខែមីនា រហូតមកដល់ពេលនេះ ប្រទេសជប៉ុនបានបញ្ចេញស្រូវប្រហែល៦០ម៉ឺនតោន ពីបរិមាណស្រូវស្តុកទុកបម្រុងគ្រាអាសន្នប្រហែល៩០ម៉ឺនតោន។ ប្រហែលស្រូវពាក់កណ្តាលត្រូវបានលក់ដោយផ្ទាល់ទៅឱ្យអ្នកលក់រាយ ក្នុងរយៈពេលពីរសប្តាហ៍ចុងក្រោយនេះ ក្រោមគោលការណ៍ចែកចាយថ្មីរបស់រដ្ឋមន្ត្រីក្រសួងកសិកម្មប្រទេសជប៉ុន។ ទិន្នន័យកាលពីដើមសប្តាហ៍នេះ បានបង្ហាញថា តម្លៃស្រូវក្នុងផ្សារទំនើបជាមធ្យមបានធ្លាក់ចុះក្នុងសប្តាហ៍ទីពីរជាប់ៗគ្នា មកនៅត្រឹម៤ […]

ទីក្រុងហាណូយ៖ ការដំឡើងពន្ធគយទៅវិញទៅមក និងសេចក្តីសម្រេចរបស់រដ្ឋបាលគ្រប់គ្រងមហាសមុទ្រ និងបរិយាកាសជាតិរបស់សហរដ្ឋអាម៉េរិក នាពេលថ្មីៗនេះកំពុងបង្ហាញពីឧបសគ្គយ៉ាងស្មុគស្មាញសម្រាប់អ្នកនាំចេញត្រីធូណាវៀតណាម​ ចូលទៅក្នុងទីផ្សារសហរដ្ឋអាម៉េរិក ដូច្នេះឧស្សាហកម្មនេះកំពុងស្វែងរកគោលដៅនាំចេញថ្មីផ្សេងទៀត។ បច្ចុប្បន្ន សហរដ្ឋអាម៉េរិក គឺជាទីផ្សារធំសម្រាប់ផលិតផលត្រីធូណានៅវៀតណាម។ ការនាំចេញត្រីធូណា ទៅកាន់សហរដ្ឋអាម៉េរិក​ ទទួលបានប្រាក់ចំណូឡចំនួនសរុប៣៨៨៨លានដុល្លារ​ក្នុងឆ្នាំ២០២៤ ដែលស្មើនឹង៣៨ភាគរយ នៃប្រាក់ចំណូលនាំចេញត្រីធូណាសរុបរបស់ប្រទេសវៀតណាម។ ការនាំចេញត្រីធូណាទៅកាន់សហរដ្ឋអាម៉រិក មានការកើនឡើងក្នុងរយៈពេលបួនខែដំបូងនៃដើមឆ្នាំ២០២៥ ដោយកើនឡើង១១ភាគរយពីមួយឆ្នាំទៅមួយឆ្នាំ គិតជាទឹកប្រាក់ចំនួន១២៤លានដុល្លារ។ ទោះបីជាយ៉ាង​ណា​ក៏​ដោយ អ្នក​នាំ​ចេញ​របស់វៀតណាម​កំពុង​​ព្រួយ​បារម្ភ​កាន់តែខ្លាំងឡើងៗ ចំពោះការដំឡើងពន្ធគយទៅវិញទៅមក ឧស្សាហកម្មនេះបានទទួលដំណឺងមិនល្អពីរដ្ឋបាលគ្រប់គ្រងមហាសមុទ្រ និងបរិយាកាសជាតិនៃក្រសួងពាណិជ្ជកម្មអាម៉េរិក។ នាពេលថ្មីៗកន្លងមកនេះ រដ្ឋបាលគ្រប់គ្រងមហាសមុទ្រ និងបរិយាកាសជាតិ បានចេញសេចក្តីសម្រេចបឋមមួយ ដែលអះអាងថា វិធានការអភិរក្ស និងគ្រប់គ្រងថនិកសត្វសមុទ្ររបស់វៀតណាម មិនទាន់ឆ្លើយតបនឹងវិធីនេសាទរបស់សហរដ្ឋអាម៉េរិកទេ។ អាហារសមុទ្រវៀតណាម រួមទាំងត្រីធូណា នឹងត្រូវហាមមិនឱ្យចូលទីផ្សារសហរដ្ឋអាម៉េរិក នៅថ្ងៃទី១ ខែមករា ឆ្នាំ២០២៦ ប្រសិនបើវៀតណាមមិនគោរពតាមលក្ខខណ្ឌរបស់រដ្ឋបាលគ្រប់គ្រងមហាសមុទ្រ និងបរិយាកាសជាតិ។ សេចក្តីសម្រេចនេះ រួមជាមួយនឹងភាពមិនប្រាកដប្រជានៃពន្ធគយផងនោះ កំពុងតែបង្កផលប៉ះពាល់ស្រេចទៅហើយលើពាណិជ្ជកម្មត្រីធូណារបស់វៀតណាមជាមួយសហរដ្ឋអាម៉េរិក។ ទោះបីជាការនាំចេញទៅកាន់ទីផ្សារអាម៉េរិកបានកើនឡើង១៥ភាគរយពីមួយឆ្នាំទៅមួយឆ្នាំក៏ដោយ ប៉ុន្តែបើគិតត្រឹមខែមេសា ឆ្នាំ២០២៥​ អត្រាកំណើនបានថយចុះមកនៅត្រឹម១១ភាគរយ​ប៉ុណ្ណោះ។ ដូច្នេះវិស័យត្រីធូណាកំពុងប្រឹងប្រែងផ្លាស់ប្តូរទីផ្សារថ្មីរបស់ខ្លួន មានដូចជាប្រទេសអង់គ្លេស រុស្ស៊ី និងបណ្តាប្រទេសក្នុងតំបន់មជ្ឈិមបូព៌ា​ ​ដើម្បីនាំ​ចេញ​ត្រីធូណា​។ ក្នុងឆ្នាំ២០២៤ បណ្តាប្រទេសក្នុងតំបន់មជ្ឈឹមបូព៌ា គឺជាទីផ្សារត្រីធូណាធំជាងគេទីបួនរបស់វៀតណាម បន្ទាប់ពីសហរដ្ឋអាម៉េរិក […]

ខេត្តប៉េណាង៖ មនុស្សរាប់ពាន់នាក់ក្នុងប្រទេសម៉ាឡេស៊ី បានសម្រុកធ្វើដំណើរទៅកាន់​ខេត្តប៉េណាំង ស្ថិតនៅភាគពាយព្យទីក្រុងកូឡាឡាំពួរ ដើម្បីភ្លក្សរសជាតិផ្លែទុរេន ដោយឥតគិតថ្លៃ នៅឯការប្រកួតគុណភាពស្តេចទុរេនក្នុងស្រុក។ សារព័ត៌មាន ឌឹ ស្តា​ របស់ម៉ាឡេស៊ី បានធ្វើសេចក្តីរាយការណ៍ថា​​ កាលពីថ្ងៃទី៨​ ខែមិថុនា ឆ្នាំ២០២៥ ផ្លែទុរេនស្រស់ជាង១ ៨០០គីឡូក្រាម ត្រូវបានរៀបចំជូនដល់ភ្ញៀវទេសចរមកកម្សាន្ត និងមកភ្លក្សរាសជាតិ នៅក្នុងពិធីតាំងពិព័រណ៍ប្រកួតគុណភាពផ្លែទុរេន ដោយមានកសិករ និងអាជីវករ៥០នាក់ រងចាំទទួលភ្ញៀវ។ ភ្ញៀវម្នាក់បាននិយាយថា ប្រសិន​បើ​គេ​ទិញ​ទុរេន​កូនកាត់ ឬផ្លែទុរេនលេខ១ ​នៅ​កន្លែង​ផ្សេងពីកន្លែងតាំងពិព័រណ៌ តម្លៃ​នឹង​អាច​លើស​ពី៣០រីងគីត ឬស្មើនឹង៧ដុល្លារ​ ក្នុង​មួយ​ផ្លែ​។ ចំណែកភ្ញៀវខ្លះបានសម្តែងនូវក្តីរំភើបរីករាយចំពោះការទទួលទានទុរេនដោយឥតគិតថ្លៃ នៅក្នុងពិធីតាំងពិព័រណ៍នេះ ដែលមានមនុស្សតម្រង់ជួរយ៉ាងវែង ដើម្បីរងចាំភ្លក្សរសជាតិផ្លែទុរេន។ ប្រធានចៅក្រមដាក់ពន្ទុផ្លែទុរេន បានមានប្រសាសន៍ថា ការវិនិច្ឆ័យគឺផ្តោតលើទំហំផ្លែ លើពូជ បរិមាណសាច់ និងរសជាតិផ្អែមល្ហែមជាដើម។ ចំណែកមន្ត្រីក្រសួងកសិកម្មរបស់ម៉ាឡេស៊ី ប្រចាំខេត្តប៉េណាំង បានគូសបញ្ជាក់ថា ផ្លែទុរេនខ្លះយកមកពីតំបន់មួយចំនួនមានរសជាតិឆ្ងាញ់ប្លែកពីគេ មានគុណភាពល្អលើសគេតែម្តង។ លោកបានបញ្ជាក់ថា អ្នកឈ្នះត្រូវបានបែងចែកជាបីចំណាត់ថ្នាក់។ លេខ១ ទទួលបានថវិកាចំនួន១ ០០០រីងគីត ឬស្មើនឹង២៣៦ដុល្លារ លេខ២ ទទួលបាន៦០០រីងគីត ឬស្មើនឹង១៤២ដុល្លារ ចំណែកលេខ៣ […]

ទីក្រុងហាណូយ៖ សហភាពអឺរ៉ុបបានរឹតបន្តឹងការត្រួតពិនិត្យសុវត្ថិភាពលើផលិតផលចំណីអាហារនាំចេញរបស់វៀតណាម ដោយនៅក្នុងឆ្នាំ២០២៤ បានចេញការព្រមានចំនួន១៣០ដង អំពីសំណល់ថ្នាំសម្លាប់សត្វល្អិតច្រើនពេក និងមានផ្ទុកមេរោគថែមទៀត។ យោងតាមបណ្តាញព័ត៌មានរបស់វៀតណាម​ បានចេញផ្សាយជាបន្តបន្ទាប់ថា ការនាំចេញកសិផលរបស់វៀតណាមទៅកាន់ទីផ្សារក្នុងទ្វីបអឺរ៉ប បានទទួលរងការព្រមានចំនួន១៣០ដងដោយសារតែសំណល់ថ្នាំសម្លាប់សត្វល្អិតច្រើនពេក និងការបំពានស្តង់ដាសុវត្ថិភាពចំណីអាហារ មិនមានអនុលោមភាព និងជាប់សង្ស័យថា​ មានការក្លែងបន្លំវិញ្ញាបនបត្រទទួលស្គាល់គុណភាពផលិតផល។ បណ្តាប្រទេសជាសមាជិកសហភាពអឺរ៉ុប គឺជាទីផ្សារនាំចេញកសិផលដ៏ធំរបស់វៀតណាម ដោយក្នុងឆ្នាំ២០២៤ ទទួលបានប្រាក់ចំណូលប្រមាណ៧,៥ពាន់លានដុល្លារ ឬស្មើនឹង១២ភាគរយ នៃតម្លៃនាំចេញកសិផលសរុបរបស់វៀតណាម។ ទោះបីជាយ៉ាងណាក៏ដោយ ការរឹតបន្តឹងកាន់តែខ្លាំងរហូតមានការព្រមានអំពីសុវត្ថិភាព និងការរំលោភបទប្បញ្ញត្តិនៃការនាំចូលរបស់កសិផលវៀតណាម កំពុងបង្កផលប៉ះពាល់ដល់ទំនាក់ទំនងពាណិជ្ជកម្មជាមួយសហភាពអឺរ៉ុប។ ក្នុងសន្និសីទបន្ទាន់មួយ ដើម្បីពង្រឹងអនុលោមភាពតាមបទបញ្ញត្តិស្តីសុវត្ថិភាពចំណីអាហាររបស់សហភាពអ៉រ៉ុប មន្ត្រីជាន់ខ្ពស់នៃក្រសួងកសិកម្ម និងអភិវឌ្ឍន៍ជនបទរបស់វៀតណាម បានបញ្ជាក់ថា ចាប់តាំងពីដើមឆ្នាំ២០២៤ សហភាពអឺរ៉ុបបានចេញការព្រមានចំនួន១៣០ដង ទាក់ទងនឹងការនាំចេញកសិផល និងផលិតផលចំណីអាហាររបស់វៀតណាម។ ក្នុងរយៈពេលពីរឆ្នាំចុងក្រោយនេះ សហភាពអឺរ៉ុបបានរឹតបន្តឹងកាន់តែខ្លាំងឡើងចំពោះសំណល់ថ្នាំសម្លាប់សត្វល្អិត និងសំណល់ឪសថសត្វ នៅក្នុងកសិផលនាំចេញរបស់វៀតណាម។  នៅឆ្នាំ២០២៣ វៀតណាមបានទទួលរងការព្រមានចំពោះសំណល់គីមីនៅលើផលិតផល​កសិកម្ម​ និងចំណីអាហារមានចំនួន៣៨ដង ប៉ុន្តែនៅឆ្នាំ២០២៤ បានទទួករងការព្រមានកាន់តែច្រើនឡើង។ គិតត្រឹមក្នុងរយៈពេលពីរខែដំបូងនៃឆ្នាំ២០២៤ ក្រសួងកសិកម្ម និងអភិវឌ្ឍន៍ជនបទរបស់វៀតណាមបានទទួលលិខិតព្រមានពីសហភាពអឺរ៉ុបចំនួនប្រាំដង ដែលបង្ហាញពីរការព្រួយបារម្ភប៉ះពាល់ដល់កិច្ចព្រមព្រៀងពាណិជ្ជកម្មនាពេលអនាគត។ លើសពីការព្រួយបារម្ភអំពីសំណល់ថ្នាំសម្លាប់សត្វល្អិត សហភាពអឺរ៉ុបក៏បានដាក់សញ្ញាព្រមានលើផលិតផលកសិកម្មរបស់វៀតណាម អំពីរោគអតិសុខុមប្រាណ ជាតិផ្សិតពុល សារធាតុបន្ថែមចំណីអាហារ សារធាតុពុលក្នុងអាហារកែច្នៃ និងអាហារសមុទ្រ និងការបំពុលបរិស្ថានលើសពីកម្រិតអនុញ្ញាត។ អាហារសមុទ្រវៀតណាម […]

ទីក្រុងដាវ៉ៅ៖ ក្រសួងកសិកម្មហ្វីលីពីន បានប្រកាសថា​​ បន្ទាប់ពីទទួលបានជោគជ័យនៅក្នុងទីផ្សារប្រទេសចិន ឥឡូវនេះផ្លែទុរេនស្រស់របស់ប្រទេសហ្វីលីពីន ទទួលបានការអនុញ្ញាតនាំចេញទៅកាន់ទីផ្សារក្នុងប្រទេសអេហ្ស៊ីប​​ នាតំបន់មជ្ឈឹមបូព៌ា។ ប្រធានផ្នែកត្រួតពិនិត្យគុណភាពផលិតផលកសិកម្ម ប្រចាំកំពង់ផែទីក្រុងដាវ៉ៅ ប្រទេសហ្វីលីពីន បានមានប្រសាសន៍ថា ការនាំចេញផ្លែទុរេនស្រស់នេះមិនទាន់បានកំណត់ពេលច្បាស់លាស់នៅឡើយទេ ដោយសាររដូវប្រមូលផលផ្លែទុរេន ឆ្នាំ២០២៥នេះ នឹងចាប់ផ្តើមពីខែកក្កដា ដល់សីហា។ ប៉ុន្តែជាការល្អ ដែលអេហ្សីបបានយល់ព្រមឱ្យបញ្ជូនផ្លែទុរេនស្រស់ហ្វីលីពីនទៅកាន់ប្រទេសរបស់ខ្លួន។ ដើម្បីជួយសម្រួលដល់ការដឹកជញ្ជូន អ្នកនាំចេញផ្លែទុរេនហ្វីលីពីន ត្រូវតែធានាថា អ្នកនាំចូលទៅប្រទេសអេហ្ស៊ីបត្រូវទទួលបានលិខិតអនុញ្ញាតនាំចូលពីអាជ្ញាធររបស់អេហ្ស៊ីប។ លោកស្រីប្រធានផ្នែកត្រួតពិនិត្យ​ បាននិយាយទៀតថា តម្រូវការផ្នែភូតគាមអនាម័យត្រូវបានអនុលោមតាមទំាងអស់ ហើយអាជ្ញាធរកំពង់ផែទីក្រុងដាវ៉ៅ ប្រទេសហ្វីលីពីន នឹងចេញវិញ្ញាបនបត្រភូតគាមអនាម័យ ដើម្បីបញ្ជាក់ថា ផ្លែទុរេនស្រស់ មិនមានសត្វល្អិតឡើយ។ ដូច្នេះការនាំចេញទៅកាន់ទីផ្សារអេហ្ស៊ីប នឹងដំណើរការក្រោយពេលបញ្ចប់ការបំពេញលក្ខខណ្ឌខាងលើនេះ។ កាលពីថ្ងៃទី១៨ ខែឧសភា ឆ្នាំ២០២៥ យោងតាមអត្ថបទចេញផ្សាយលើគេហទំព័រមួយ​ ដែលលក់ផលិតផលកសិកម្មជុំវិញពិភពលោក បានឱ្យដឹងថា ផ្លែទុរេនស្រស់នាំចេញពីប្រទេសហ្វីលីពីន ត្រូវសម្អាតមេរោគយ៉ាងត្រឹមត្រូវសម្រាប់ការនាំចេញទៅកាន់ប្រទេសអេហ្ស៊ីប ស្របតាមកិច្ចព្រមព្រៀងស្តីពីការត្រួតពិនិត្យបច្ចេកទេសអស់រយៈពេលជិតពីរឆ្នាំ និងក្រោមការសម្របសម្រួលទ្វេភាគីរវាងភ្នាក់ងារត្រួតពិនិត្យភូតគាមអនាម័យរបស់ហ្វីលីពីន និងអេហ្សីប។ ដំណើរការត្រួតពិនិត្យភូតគាមអនាម័យនេះ បានចាប់ផ្តើមតាំងពីក្នុងខែមិថុនា ឆ្នាំ២០២៣ នៅពេលប្រទេសហ្វីលីពីនដាក់ពាក្យស្នើសុំជាផ្លូវការសម្រាប់នាំចូលផ្លែទុរេនស្រស់ទៅកាន់ទីផ្សារអេហ្សីប។  ចាប់តាំងពីពេលនោះមក អាជ្ញាធរនៃប្រទេសទាំងពីរបានសហការគ្នាដោះស្រាយតាមតម្រូវការសម្រាប់វិភាគហានិភ័យសត្វល្អិត ស្តង់ដារអនាម័យ និងនីតិវិធីនាំចេញ ដោយស្របតាមគោលការណ៍របស់អេហ្ស៊ីប៕

វៀងចន្ទន៍៖ កាលពីសប្តាហ៍មុន ប្រទេសឡាវបានចាប់ផ្តើមនាំចេញផ្លែស្វាយស្រស់ជាលើកដំបូងចំនួន៩០តោន ទៅកាន់ប្រទេសចិន ដែលជាការកត់សម្គាល់ពីការអភិវឌ្ឍន៍ដ៏សំខាន់នៅក្នុងវិស័យពាណិជ្ជកម្មកសិកម្មរបស់ប្រទេសឡាវ។ ទីភ្នាក់ងារព័ត៌មាន ស៊ីនហួររបស់ចិន បានរាយការណ៍ពីទីក្រុងវៀងចន្ទន៍ ប្រទេសឡាវ នៅថ្ងៃទី៥ ខែមិថុនា ឆ្នាំ២០២៥ថា ការនាំចេញនេះគឺជាជំហានដ៏សំខាន់បំផុតមួយក្នុងការពង្រឹងកិច្ចសហប្រតិបត្តិការកសិកម្មរវាងឡាវ និងចិន បន្ទាប់ពីកិច្ចព្រមព្រៀងរវាងរដ្ឋាភិបាលទាំងពីរ កាលពីឆ្នាំ២០២៣ ក្នុងការនាំចេញផ្លែស្វាយស្រស់របស់ឡាវ ទៅកាន់ទីផ្សារប្រទេសចិន ដែលជាកិច្ចព្រមព្រៀងបើកទ្វារវិស័យពាណិជ្ជកម្ម និងការវិនិយោគកាន់តែទូលំទូលាយរបស់ឡាវ។ លោក ប៊ុនចាន់ ខុមប៊ុនយ៉ាស៊ីត (Bunchan Kombonyasit)​ អគ្គនាយកនៃអគ្គនាយកដ្ឋានកសិកម្មរបស់ក្រសួងកសិកម្ម និងរុក្ខាប្រមាញ់ឡាវ បានប្រាប់ថា ក្រសួងផ្តោតលើការលើកកម្ពស់ផលិតផលកសិកម្ម ដែលមានសក្តានុពលខ្ពស់ ដើម្បីកាត់បន្ថយការពឹងផ្អែកលើការនាំចូល បង្កើតការផ្លាស់ប្តូរពីបរទេស និងគាំទ្រដល់ការកែច្នៃតម្លៃបន្ថែមសម្រាប់ការនាំចេញ។ រដ្ឋាភិបាលឡាវបានកំណត់គោលដៅសម្រាប់កំណើនវិស័យកសិកម្មចំនួន៤,៣ភាគរយ នៅឆ្នាំ២០២៥នេះ ដោយមានបំណងជំរុញការរួមចំណែករបស់វិស័យកសិកម្មដល់ផលិតផលក្នុងស្រុករបស់ប្រទេ ឱ្យដល់២២,៤ភាគរយ។ គួរបញ្ជាក់ថា ប្រទេសឡាវ មានគោលបំណងលើកកម្ពស់ផលិតកម្មកសិកម្មរបស់ខ្លួនប្រកបដោយនិរន្តរភាព តាមរយៈការលើកទឹកចិត្តដល់កសិករ និងអ្នកផលិត ឱ្យប្រឹងបង្កើនគុណភាព ដើម្បីជំរុញការនាំចេញកសិផលទៅកាន់ប្រទេសចិនតាមរយៈផ្លូវដែកចិន-ឡាវ ដែលទើបតែសម្ពោធដាក់ឱ្យដំណើរការជាផ្លូវការ កាលពីឆ្នាំ២០២៤ កន្លងមក។ ប្រទេសឡាវ មានធនធានធម្មជាតិច្រើន រួមជាមួយនឹងដីមានជីវជាតិសម្រាប់ការដាំដុះដំណាំផ្សេងៗ សម្រាប់នាំចេញទៅកាន់ទីផ្សាប្រទេសចិន៕

ទីក្រុងប៉េកាំង៖ បុគ្គលិកបម្រើការនៅបណ្តាញភោជនីយដ្ឋានបែបអាមេរិកាំង នៅទីក្រុងប៉េកាំង បាននិយាយនៅដើមសប្តាហ៍នេះថា កាលពីពេលថ្មីៗនេះ ភោជនីយដ្ឋានបានចាប់ផ្តើមប្រើសាច់អូស្ត្រាលី ដែលមានតម្លៃថោកជាងសាច់គោអាម៉េរិក ដែលលែងមានអ្នកនាំចូលប្រទេសចិន ព្រោះតម្លៃពន្ធលើការនាំចូលមានអត្រាខ្ពស់ពេក។ សារព័ត៌មាន គ្លូបល ថែមស៍ របស់ចិន បានធ្វើសេចក្តីរាយការណ៍ថា អវត្តមានសាច់គោអាម៉េរិកនៅលើបញ្ជីមុខ គឺជាសញ្ញាបង្ហាញឱ្យឃើញផលប៉ះពាល់យូរអង្វែងរបស់សង្រ្គាមពាណិជ្ជកម្ម ដែលបង្កឡើងដោយសហរដ្ឋអាមេរិក ចំពោះការប្រកួតប្រជែងនៃផលិតផលអាមេរិកនៅក្នុងទីផ្សារប្រទេសចិន។ បុគ្គលិកនៅសាខាភោជនីយដ្ឋានដ៏ល្បីល្បាញមួយកន្លែង​ផ្នែកសាច់អាំងបែបអាមេរិក នៅទីក្រុងប៉េកាំង បាននិយាយថា ភោជនីយដ្ឋានបានឈប់ប្រើសាច់គោនាំចូលពីសហរដ្ឋអាមេរិក ប្រហែលមួយខែកន្លងមកហើយ ដោយសារពន្ធនាំចូលថ្លៃពេក។ បុគ្គលិករូបនេះបាននិយាយទៀតថា ក្រៅពីថ្លៃចេញចូលខ្ពស់ពេក ភោជនីយដ្ឋានក៏មិនអាចរកអ្នកផ្គត់ផ្គង់សាច់គោអាម៉េរិកបានដែរ​ ដោយសារអ្នកផ្គត់ផ្គង់សាច់គោនាំចូលពីសហរដ្ឋអាមេរិក បានប្តូរទៅលក់សាច់គោនាំចូលពីប្រទេសអូស្ត្រាលីវិញ។ សាច់គោអាម៉េរិកត្រូវបានគេចាត់ទុកថា មានគុណភាពល្អជាងគេបន្តិច ប៉ុន្តែសាច់គោនេះមិនអាចប្រកួតប្រជែងជាមួយសាច់គោអូស្ត្រាលី ដែលមានតម្លៃសមរម្យ និងមានគុណភាពល្អប្រហាក់ប្រហែលគ្នាដែរ។ យោងទូរទស្សន៍ CNBC របស់អាម៉េរិក បានឱ្យដឹងថា ក្រៅពីសាច់គោ សូម្បីតែជើងមាន់អាម៉េរិក ក៏ត្រូវមាន់នាំមកពីប្រទេសប្រេស៊ីល ឬប្រទេសរុស្ស៊ី ដណ្តើមទីផ្សារអស់ដែរ។ ​ផលិតផល​កសិកម្ម​របស់​អាម៉េរិក​បាន​និង​កំពុង​បាត់ឈ្មោះពីក្នុង​​ហាង​ទំនិញ ​និង​លែងមានឈ្មោះលើបញ្ជីមុខម្ហូបតាមភោជនីយដ្ឋាន​របស់​ចិនតែម្តង។ ចំណែកទីភ្នាក់ងារព័ត៌មាន ស៊ីនហួរ​ របស់ចិនបានរាយការណ៍ថា រដ្ឋាភិបាលអាម៉េរិកបានប្រកាសដាក់ពន្ធបន្ថែម១០ភាគរយទៀតលើផលិតផលនាំចូលពីប្រទេសចិន។ ជាការឆ្លើយតប គណៈកម្មការពន្ធគយនៃក្រុមប្រឹក្សារដ្ឋរបស់ប្រទេសចិន ធ្លាប់បាននិយាយថា ខ្លួននឹងដាក់ពន្ធបន្ថែមលើផលិតផលមួយចំនួន ដែលនាំចូលពីសហរដ្ឋអាមេរិក រួមទាំងពន្ធបន្ថែម១០ភាគរយលើសាច់គោនាំចូលពីអាម៉េរិកផងដែរ។ […]

ទីក្រុងហាណូយ៖ ក្រសួងកសិកម្ម​ និងអភិវឌ្ឍន៍ជនបទរបស់វៀតណាម បានប្រកាសកាលពីថ្ងៃទី៥ ខែមិថុនា ឆ្នាំ២០២៥ថា ក្រុមហ៊ុនវៀតណាមនឹងចុះហត្ថលេខាលើអនុស្សរណៈនៃការយោគយល់គ្នាជាមួយក្រុមហ៊ុនសហរដ្ឋអាម៉េរិក ដើម្បីទិញនាំចូលកសិផលអាម៉េរិក ដែលមានតម្លៃជាទឹកប្រាក់សរុបចំនួន២​ ០០០ពាន់លានដុល្លារ ដែលជាផ្នែកមួយនៃកិច្ចខិតខំប្រឹងប្រែងបង្កើតកិច្ចព្រមព្រៀងពាណិជ្ជកម្មថ្មីរវាងប្រទេសទាំងពីរ។ ទីភ្នាក់ងារព័ត៌មាន រ៉យទ័រ របស់អង់គ្លេស បានធ្វើសេចក្តីរាយការណ៍ថា ប្រទេស​វៀតណាម​ត្រូវទទួលរងការដំឡើង​ពន្ធ៤៦ភាគរយសម្រាប់ទំនិញនាំចូលទឹកដីសហរដ្ឋអាម៉េរិក។ ប៉ុន្តែអត្រាពន្ធថ្មីនេះត្រូវបានពន្យាពេលរហូតដល់ខែកក្កដា ឆ្នាំ២០២៥ ហើយប្រសិនបើចូលជាធរមានមែន អត្រាពន្ធថ្មីនេះ នឹងបង្កផលប៉ះពាល់យ៉ាងធ្ងន់ធ្ងរដល់ការនាំចេញរបស់វៀតណាមទៅកាន់សហរដ្ឋអាម៉េរិក។ ក្រសួងកសិកម្ម និងអភិវឌ្ឍន៍ជនបទ បានបញ្ជាក់ថា អនុស្សរណៈថ្មីនេះ គឺផ្នែកមួយនៃកិច្ចព្រមព្រៀង ដែលត្រូវបានចុះហត្ថលេខាក្នុងអំឡុងដំណើរទស្សនកិច្ចទៅកាន់សហរដ្ឋអាមេរិក ដោយគណៈប្រតិភូក្រុមហ៊ុនវៀតណាមចំនួន៥០ ដឹកនាំដោយរដ្ឋមន្ត្រីក្រសួងកសិកម្ម លោក ដូ ដុកឌុយ (Do Duc Duy) ដែលក្នុងនោះក៏មានអនុស្សរណៈនៃការយោគយល់គ្នាចំនួនប្រាំ ក្នុងទំហំទឹកប្រាក់ចំនួន៨០០លានដុល្លារ ដើម្បីទិញផលិតផលកសិកម្មរយៈពេលបីឆ្នាំ ពីរដ្ឋអាយអូវ៉ា សហរដ្ឋអាម៉េរិក។ សេចក្តីប្រកាសព័ត៌មានបានឱ្យដឹងទៀតថា អនុស្សរណៈពាក់ព័ន្ធនឹងរដ្ឋអាយអូវ៉ា គឺសម្រាប់ទិញពោត ស្រូវសាលី គ្រាប់ធញ្ញជាតិស្ងួត និងសណ្តែកសៀង ដែលដាំដុះនៅក្នុងរដ្ឋនេះ។ រដ្ឋាភិបាលវៀតណាម និងរដ្ឋាភិបាលអាម៉េរិក បាននឹងកំពុងចរចាគ្នាលើកិច្ចព្រមព្រៀងពាណិជ្ជកម្ម ដោយវៀតណាមបានសន្យាថា វៀតណាមនឹងអនុញ្ញាតឱ្យមានការនាំចូលពីសហរដ្ឋអាមេរិកបន្ថែមទៀតនូងផលិតផលកសិកម្ម ដើម្បីកាត់បន្ថយគម្លាតពាណិជ្ជកម្មរវាងប្រទេសទាំងពីរ។  កាលពីឆ្នាំ២០២៤ សហរដ្ឋអាមេរិក […]

ទីក្រុងម៉ានីល៖ ក្រសួងកសិកម្មប្រទេសហ្វីលីពីន កាលពីពេលថ្មីកន្លងមកនេះបានអនុញ្ញាតឱ្យកោះតៃវ៉ាន់ និងប្រទេសថៃ អាចនាំចូលសាច់ជ្រូក​ និងសាច់មាន់ ទៅកាន់ប្រទេសរបស់ខ្លួនក្នុងរយៈពេលបីឆ្នាំ ដើម្បីឆ្លើយតបតាមតម្រូវការក្នុងស្រុក​ និងរក្សាបាននូវស្ថិរភាពតម្លៃម្ហូបអាហារ។ លិខិតរបស់ក្រសួងកសិកម្មហ្វីលីពីន បានអនុញ្ញាតឱ្យក្រុមហ៊ុនបួនមកពីកោះតៃវ៉ាន់ និងមកពីប្រទេសថៃ មានសិទ្ធិនាំចូលសាច់ជ្រូក និងសាច់មាន់​ ចាប់ពីថ្ងៃទី១២ ខែមីនា ឆ្នាំ២០២៥ រហូតដល់ថ្ងៃទី១២ ខែមីនា ឆ្នាំ២០២៨។ ក្រុមហ៊ុនផលិតសាច់មាន់តៃវ៉ាន់ បានធានាចំពោះការយល់ព្រមពីក្រសួងកសិកម្ម ដើម្បីពង្រីកការផ្គត់ផ្គង់សាច់ មានដូចជាគ្រឿងក្នុងជ្រូក និងស្បែកជ្រូក ចំណែកក្រុមហ៊ុនរបស់ប្រទេសថៃនឹងនាំចូលសាច់មាន់ និងសាច់ទា។ យោងតាមសេចក្តីសម្រេចរបស់ក្រសួងកសិកម្ម បានឱ្យដឹងទៀតថា ក្រុមហ៊ុនផលិតសាច់នៅកោះតៃវ៉ាន់ និងថៃ ត្រូវបានអនុញ្ញាតឱ្យនាំចូលសាច់ទៅប្រទេសហ្វីលីពីន បន្ទាប់ពីបុគ្គលិកក្រសួងកសិកម្ម បានវាយតម្លៃយ៉ាងម៉ត់ចត់ ហើយបានរកឃើញថា ក្រុមហ៊ុនទាំងនេះ បានអនុលោមតាមស្តង់ដារសុវត្ថិភាពចំណីអាហារក្នុងស្រុក និងអន្តរជាតិ ក៏ដូចជានីតិវិធីប្រព័ន្ធត្រួតពិនិត្យផលិតផលសាច់ផងដែរ។ ក្រសួងកសិកម្មហ្វីលីពីន បានធ្វើបេសកកម្មត្រួតពិនិត្យក្រុមហ៊ុនផលិតសាច់ជ្រូករបស់កោះតៃវ៉ាន់ កាលពីក្នុងខែវិច្ឆិកា និងត្រួតពិនិត្យក្រុមហ៊ុនផលិតសាច់មាន់របស់ប្រទេសថៃ ក្នុងខែធ្នូ ឆ្នាំ២០២៤​ ដើម្បីធានាបានថា ការនាំចូលសាច់ជ្រូក និងសាច់មាន់ ទៅក្នុងប្រទេសហ្វីលីពីន មិនបង្កផលប៉ះពាល់ដល់សុខភាពអ្នកបរិភោគ ក៏ដូចជាមិនប៉ះពាល់ដល់ឧស្សាហកម្មបសុសត្វ និងបសុបក្សីរបស់ហ្វីលីពីន។ ក្រសួង​​កសិកម្មហ្វីលីពីន បានបញ្ជាក់ថា ការអនុវត្តវិធានការត្រួតពិនិត្យយ៉ាងម៉តចត់លើផលិតផលសត្វនាំចូលពីកោះតៃវ៉ាន់ […]