Phann

ឥណ្ឌា៖ លោកស្រីបណ្ឌិត សុនីឡា​ កុមារី (Sunila Kumari) ជាស្ថាបនិក និងជានាយកប្រតិបត្តិនៃកសិដ្ឋាន ឈ្មោះ​ ដ្រាហ្គន​ ហ្វ្លរ៉ា​ (Dragonflora Farms) លោកស្រីចូលចិត្ត និងស្រលាញ់ការដាំដុះបន្លែ ផ្លែឈើ។ ក្នុងនាមជាកសិសហគ្រឹន និងជាអ្នកដឹកនាំសង្គម​ លោកស្រីបានធ្វើឱ្យសហគមន៍នៅក្នុងប្រទេសឥណ្ឌាមានការផ្លាស់ប្តូរផ្នត់គំនិតក្នុងការដាំ ផ្លែស្រកានាគ ទទួលបានផលច្រើនប្រកបដោយជោគជ័យ ។ លោកស្រី សុនីឡា មានសញ្ញាបត្របណ្ឌិតផ្នែកសាកវប្បកម្ម និងអនុបណ្ឌិតផ្នែកគ្រប់គ្រងពាណិជ្ជកម្ម អន្តរជាតិ លោកស្រីបានរួមបញ្ចូលគ្នានូវជំនាញវិទ្យាសាស្ត្រជាមួយនិងភាពប៉ិនប្រសប់នៃអាជីវកម្ម ដើម្បីលើកកម្ពស់ការធ្វើកសិកម្មប្រកបដោយនិរន្តរភាព។ តាមរយៈបទពិសោធន៍ចម្រុះ ជាង១៥ឆ្នាំ​ នៅក្នុងវិស័យអប់រំ វិស័យសាជីវកម្ម និងសហគ្រិនភាព លោកស្រីបានបង្កើតកសិដ្ឋានផ្ទាល់ខ្លួនមួយ ឈ្មោះថា កសិដ្ឋាន ដ្រាហ្គន ​ហ្វ្លរ៉ា​ (Dragonflora Farms) ដែលជា កន្លែងដាំស្រកានាគ ដ៏ធំមួយ ​កសិដ្ឋាននេះបង្កើតឡើង ដើម្បី​លើក​កម្ពស់​ការ​ដាំដុះ​រុក្ខជាតិកម្រ ជាពិសេស​​ផ្លែស្រកានាគតែម្តង។  បេសកកម្មរបស់លោកស្រី គឺគាំទ្រកសិករ ណែនាំបច្ចេកទេសកសិកម្មដល់កសិករ ឱ្យចេះធ្វើកសិកម្មប្រកបដោយភាពច្នៃប្រឌិត និងចូលរួមចំណែកដល់ការរីកលូតលាស់នៃវិស័យកសិកម្មរបស់ប្រទេសឥណ្ឌា។ ១– ដំណើរជីវិតលោកស្រីបណ្ឌិត សុនីឡា […]

បាងកក៖ ឧស្សាហកម្មនាំចេញធុរេនរបស់ប្រទេសថៃ​ កំពុងតែវិលមុខនឹងសន្ទុះចោទប្រកាន់យ៉ាងកក្រើក​​​ចំពោះទងកវើខុសច្បាប់ បន្ទាប់ពីសមាជិកសភាមួយរូប​ប្រចាំខេត្ត រ៉ាយ៉ុង បានរកឃើញផែនការទុច្ចរិត ដើម្បីយកផ្លៃទុរេនថៃ លាយជាមួយផ្លែទុរេនវៀតណាម​ រួចនាំចេញទៅកាន់ទីផ្សារប្រទេសចិន។ សមាជិកសភាថៃម្នាក់ បានរកឃើញផែនការរបស់ឈ្មួញយកផ្លែទុរេនថៃលាយបន្លំជាមួយទុរេនថោកៗរបស់វៀតណាម​ ដើម្បីបន្លំនាំចេញទៅប្រទេសចិន បានបង្កឱ្យមានការភ័យខ្លាចដល់ឧស្សាហកម្មផ្លែទុរេន និងកសិករថៃភ័យព្រួយកាន់តែខ្លាំង​ ព្រោះខ្លាចលែងមានអ្នកទិញ។ យោងតាមការចេញផ្សាយរបស់សារព័ត៌មាន​ ឌឹ​ ណេសិន​ របស់ថៃ បានឱ្យដឹងថា ការ​លាតត្រដាង​នេះ​ បាន​កើត​ឡើង​ចំ​ពេល​មាន​ការ​ធ្លាក់​ចុះ​តម្លៃ​ធូរេន​ថៃ ដោយសារ​មាន​ការ​កាត់​បន្ថយ​ការ​បញ្ជា​ទិញ​ពី​អតិថិជន​ចិន។ ភាពចម្រូងចម្រាសនេះបានផ្ទុះឡើងនៅពេលលោក ពុងសាថន ស៊នភេតណារិន (Pongsathorn Sornphetnarin) សមាជិកសភាមណ្ឌលខេត្តរ៉ាយ៉ង បានដឹកនាំក្រុមមន្ត្រីរដ្ឋាភិបាល និងមូលដ្ឋានមួយក្រុម​ ឆ្មក់ចូលឃ្លាំងស្តុកដើមឈើកៅស៊ូមួយកន្លែង​ ក្នុងស្រុកឃ្លាំង ខេត្តរ៉ាយ៉ង។ ប្រតិបត្តិការសើបឆ្មក់ចូលឆេកឆេរ​នេះ​ ​ត្រូវ​បានធ្វើឡើងភ្លាមៗតាមការ​ផ្តល់​ព័ត៌មានពីក្រុម​ស៊ើប​ការសម្ងាត់​ ​អំពីទីតាំងលួច​លាយ​ទុរេន​សម្រាប់​ការ​នាំ​ចេញ​ទៅក្រៅប្រទេស។ នៅ​ក្នុង​ឃ្លាំង​នេះ ក្រុម​អ្នក​ស៊ើបអង្កេត​បាន​រក​ឃើញទូ​កុងតឺន័រ​ចំនួន​ពីរគ្រឿង ដែលទូ​កុងតឺន័រ​មួយនោះមានសាច់ផ្លែទុរេនពេញ​ ​ដែល​គេ​សង្ស័យ​ថា ជាសាច់ផ្លែទុរេននាំចូល​មក​ពី​ប្រទេស​វៀតណាម ចំណែកទូ​មួយ​ទៀតមិនទាន់ផ្ទុកអ្វីឡើយ ប៉ុន្តែត្រូវ​គេ​រាយការណ៍​ថា ​កំពុង​រៀបចំ​ដឹក​សាច់ផ្លែទុរេនទៅកាន់​កំពង់ផែមួយ​ ដើម្បីនាំចេញទៅប្រទេសចិន។ ប្រតិបត្តិការនេះបានរកឃើញបុរសចិនម្នាក់ ដែលត្រូវបានគេស្គាល់ថា​ ជាតំណាងអ្នកនាំចូលផ្លែទុរេនពីវៀតណាម ប៉ុន្តែមិនមានឯកសារបញ្ជាក់ការនាំចូល ឬដឹកជញ្ជូននោះទេ ដោយអះអាងថា ឯកសារធ្វើឡើងនៅរោងចក្រមួយកន្លែង​ ស្ថិតនៅក្នុងខេត្តចាន់ថាបុរី របស់ប្រទេសថៃ។ ក្រោយមកនគរបាលថៃ​​​ […]

សិង្ហបុរី៖ ក្នុងគោលបំណងឆ្លើយតបតាមតម្រូវការត្រីនៅតាមទីផ្សារ ប្រទេសសិង្ហបុរី ចាប់ផ្តើមបង្កាត់ពូជត្រីទីឡាព្យាក្រហម ដែលអាចរស់រានមានជីវិតប្រសើរជាងមុន។ យោងតាមទីភ្នាក់ងារចំណីអាហារសិង្ហបុរី បានឱ្យដឹងថា គំនិតផ្តួចផ្តើមទាំងនេះ គឺនៅក្នុងផែនការវារីវប្បកម្មសិង្ហបុរី ដើម្បីបង្កើនប្រសិទ្ធភាពផលិតកម្មចំណីអាហារ។ អ្នកចិញ្ចឹមត្រីទីឡាព្យាពូជថ្មីនេះ ត្រូវចំណាយប្រាក់ប្រហែលកន្លះដុល្លារសិង្ហបុរី ក្នុងមួយក្បាល ដែលតម្លៃស្មើគ្នាកូនត្រីនាំចូលពីប្រទេសម៉ាឡេស៊ី និងឥណ្ឌូនេស៊ី។ សារព័ត៌មានសិង្ហបុរី​ បានចេញផ្សាយព្រោងព្រាតក្នុងសប្តាហ៍នេះ ដោយកស្រង់សម្តីមន្ត្រីសហព័ន្ធសហគ្រាសកសិកម្មសិង្ហបុរី ដែលបាននិយាយថា សមត្ថភាពផលិត និងចែកចាយកូនត្រីទីឡាព្យាក្រហម ដែលមានគុណភាពល្អ ត្រូវបានគេរំពឹងថា នឹងជួយកសិដ្ឋានក្នុងសិង្ហបុរី​ អាចបង្កើនបរិមាណផលិតកម្មរបស់ខ្លួន។ មជ្ឍមណ្ឌលបង្កាត់ពូជត្រីត្រីទីឡាព្យាក្រហមនេះ ទទួលបានជំនួយថវិកាពីទីភ្នាក់ងារសន្តិសុខស្បៀងសិង្ហបុរីដើម្បីភ្ញាស់ពូជត្រីថ្មី ដែលងាយស្រួលចិញ្ចឹមជាងប្រភេទត្រីមុនៗ។ នាយកប្រតិបត្តិរបស់ទីភ្នាក់ងារសន្តិសុខស្បៀង បាននិយាយថា កន្លងមក​ កសិដ្ឋានចិញ្ចឹមត្រីនៅក្នុងប្រទេសសិង្ហបុរី ធ្លាប់ប្រឈមនឹងការលំបាកដោយសារខ្វះពូជត្រីល្អ និងមានគុណភាពខ្ពស់ ដែលនាំចូលពីប្រទេសជិតខាង។ លោក​បាន​បន្ត​ទៀតថា​ «​កសិដ្ឋាន​តែង​តែ​ប្រឹងស្វែងរក​កូន​ត្រី ​ដែល​គួរ​ឲ្យ​ទុក​ចិត្ត​ និង​អាចផ្គត់ផ្គង់បានទៀតទាត។​​ កសិដ្ឋាន​ចង់ដឹង​ថា ​មេ​ពូជ​របស់កូនត្រី ​ដែលគេទិញមកចិញ្ចឹមជាប្រភេទត្រីល្អ​ និងឆាប់ធំធាត់។ ដូច្នេះបញ្ហាប្រឈមមានច្រើនណាស់ ប្រសិនបើពួកគេត្រូវនាំចូលកូនត្រី ដោយមិនដឹងថា មេបារបស់វាជាពូជអ្វី និងមានប្រភពមកពីណា”។ លោកនាយកប្រតិបត្តិរបស់ទីភ្នាក់ងារសន្តិសុខស្បៀង បានមានប្រសាសន៍ទៀតថា​ ស្ថាប័នរបស់លោកក៏​កំពុង​ពិនិត្យមើល​ពី​របៀប​ធ្វើឱ្យត្រីឆាប់លូតលាស់ធំធាត់ និង​អត្រា​រស់រាន​របស់​ត្រី​ទីឡាព្យាពូជថ្មីនេះ ។ លោកបានបន្ថែមថា ការពង្រឹងគុណភាពត្រីទីឡាព្យា […]

ទីក្រុងអូសាកា៖ ក្នុងពេលឆាប់ៗនេះ តាមកសិដ្ឋានមួយចំនួននៅក្នុងប្រទេសជប៉ុននឹងមានជំនួយការថ្មី ដែលមិនត្រូវការពេលសម្រាកទទួលទានអាហារថ្ងៃត្រង់ឡើយ។ ជំនួយការថ្មី ឬកម្មករដែកនេះ គឺជាមនុស្សយន្តកសិកម្មទើបផលិតបាន ដែលត្រូវបានបង្កើតឡើងដោយអ្នកស្រាវជ្រាវជនជាតិជប៉ុន អាចជួយធ្វើការងារនៅក្នុងកសិដ្ឋានដោយផ្ទាល់តែម្តង តាមរយៈប្រព័ន្ធបច្ចេកវិទ្យាថ្មីបង្កើតឡើងក្រុមអ្នកស្រាវជ្រាវនៃសាកលវិទ្យាល័យក្រុង​ អូសាកា​ ប្រទេសចប៉ុន។ តាមរយៈការសាលល្បង មនុស្សយន្តនេះអាចធ្វើដំណើរដោយស្វ័យប្រវត្តិ នៅតាមចន្លោះរងដាំដំណាំផ្លែស្ត្របឺរី ដោយមិនបាច់ចំណាយប្រាក់ច្រើន ដើម្បីធ្វើផ្លូវឱ្យដើរឡើយ។ យោងតាមការស្រាវជ្រាវផ្នែកវិស័យកសិកម្ម បានឱ្យដឹងថា ការរកឃើញថ្មីនេះអាចជួយដល់កសិករខ្នាតតូច ដែលកំពុងខ្វះកម្លាំងពលកម្ម។  មនុស្សយន្តថ្មីនេះ មិនសូវពឹងផ្អែកលើប្រព័ន្ធ GPS ដែលមានតម្លៃថ្លៃ ឬត្រូវដំឡើងសញ្ញាសម្គាល់ពិសេសណាមួយនៅក្នុងកសិដ្ឋានឡើយ ព្រោះមនុស្សយន្តនេះប្រើវិធីសាស្រ្តងាយៗ ដូចធ្វើត្រាប់តាមមនុស្សដែរ ហើយនៅពេលផ្លាស់ទីតាំងម្តងៗ វាចេះរក្សាគម្លាតពីថ្នាលមួយទៅថ្នាលមួយទៀត។ សម្រាប់កសិដ្ឋានខ្នាតតូច នឹងទទួលផលចំណេញច្រើនខុសប្លែកគ្នាយ៉ាងខ្លាំងពីកន្លែងកសិដ្ឋាន ឬកសិឧស្សាហកម្មខ្នាតធំ ដោយហេតុថា​ ម្ចាស់កសិដ្ឋានខ្នាតតូចមិនសូវមានលទ្ធភាពអាចកសាងហេដ្ឋារចនាសម្ព័ន្ធធំដុំឡើយ។ តើមនុស្សយន្តកសិកម្មនេះដំណើរការយ៉ាងដូចម្តេច?  នៅពេលមនុស្សយន្តត្រូវការផ្លាស់ទីតាំងពីកន្លែងមួយទៅកន្លែងមួយទៀត វាចេះរកផ្លូវទៅដល់កន្លែង ដែលបានកំណត់ទុកជាមុន។  នៅពេលវាដើរទៅជិតដល់ជួរដំណាំ វាងាកទៅរកថ្នាលដំណាំតាមបញ្ជាពីម៉ាស៊ីនស្កេនឡាស៊ែរ ដោយរក្សាចម្ងាយជាក់លាក់។ តាមរយៈមនុស្សយន្តកសិកម្មដើរដោយប្រព័ន្ធចាប់ពន្លឺ និងចំណាំជួរ (Light Detection and Ranging) ឬហៅកាត់ថា​ លីដា (LiDar) បានបង្ហាញថា មនុស្សអាចបេះផ្លែស្ត្របឺរី ពីថ្នាលខ្ពស់ៗបាន។ វិធីសាស្រ្តកែច្នៃថ្មីនេះ […]

រាជធានីភ្នំពេញ៖ ម្ចាស់អាជីវកម្មតម្បាញចេកខ្មែរបាន​​កែច្នៃពីដើមចេកចេញជាសម្ភារៈប្រើប្រាស់ច្រើនប្រភេទ មានដូចជា កាបូប កន្ត្រក ស្រោមសម្រាប់ដាក់ដបទឹក ខ្សែសម្រាប់យួរកែវកាហ្វេ និងខ្សែសម្រាប់តុបតែងលម្អគឺ កំពុងតែមានសន្ទុះគាំទ្រយ៉ាងខ្លាំងនៅលើទីផ្សារ ហើយអាចរកប្រាក់ចំណូលប្រមាណ១០០ដុល្លារ ក្នុងមួយថ្ងៃ។ អ្នកស្រី ឆាត សុឃឿប ម្ចាស់អាជីវកម្ម អនុសារតម្បាញចេកខ្មែរ មានទីតាំងនៅភូមិសំពៅលិច ឃុំភ្នំសំពៅ ស្រុកបាណន់ ខេត្តបាត់ដំបងបានរៀបរាប់ថា អាជីវកម្មដើមចេក កាប់យកផ្លែរួចមកកែច្នៃធ្វើជាសម្ភារៈប្រើប្រាស់និងគ្រឿងសម្រាប់តុងតែងលម្អ ក្នុងពេលបច្ចុប្បន្នមានសន្ទុះកើនឡើងទ្វេដងបើប្រៀបធៀបទៅនិងពេលមុនៗ ។ តួយ៉ាងខ្សែធ្វើពីស្របាចេកសម្រាប់យួរកែវកាហ្វេ និងខ្សែសម្រាប់ដាក់ដបទឹក ដែលជាផលិតផលគាំទ្រដល់បរិស្ថាន កាត់បន្ថយដល់ការប្រើប្រាស់ថង់ប្លាសិ្ទកកំពុងទទួលបានការគាំទ្រច្រើន។ អ្នកស្រីគូសបញ្ជាក់ទៀត​ថា “នៅក្នុងអាជីវកម្មលក់សម្ភារៈប្រើប្រាស់ ឬផលិតផលកែច្នៃចេញពីដើមចេករាល់ថ្ងៃនេះ យើងទទួលបានប្រាក់ចំណូលតិចតួចនៅឡើយ ដោយថ្ងៃខ្លះលក់បានក្រោម១០០ដុល្លារតែថ្ងៃខ្លះទៀតលក់បានប្រាក់លើសពី១០០ដុល្លារ ។ តែទំហំសាច់ប្រាក់នេះ វាមិនទាន់ឆ្លើយតបទៅនិងអ្វីដែលយើងចង់បាននោះទេ ប៉ុន្តែសន្ទុះនៃការគាំទ្រកើនឡើងជាបន្តបន្ទាប់ដូចសព្វថ្ងៃនេះ វាបានជំរុញឱ្យយើងមានទឹកចិត្តធ្វើវាបន្តទៀត ហើយព្យាយាមកែលម្អផលិតផលឱ្យកាន់តែមានលក្ខណៈស្តង់ដា”។  អ្នកស្រីបន្តទៀតថា បើតាមទស្សនៈយល់ឃើញរបស់ខ្ញុំ ។សម្រាប់អាជីវកម្មកែច្នៃដើមចេកធ្វើជាសម្ភារៈប្រើប្រាស់ទៅតាមប្រភេទផ្សេងៗគ្នានេះខ្ញុំគិតឃើញថាវានឹងមានការកើនឡើងបន្ថែមទៀត ព្រោះពលរដ្ឋងាកគិតដល់បរិស្ថាន ស្របពេលអាជីវកម្មរបស់យើងមានគុណតម្លៃ ទ្រទ្រង់ដល់បរិស្ថាន រួមនិងវប្បធម៌ជាតិនៅតាមតំបន់ជាដើម។ ដូចនេះនៅថ្ងៃខាងមុខសន្ទុះនៃការគាំទ្រមានការកើនឡើងបន្ថែមទៀត។ បើតាមអ្នកស្រី ឆាត សុឃឿប គឺ អាជីវកម្មកែច្នៃពីដើមចេកនេះបានចូលរួមចំណែកផ្តល់ការងារនិងប្រាក់ចំណូលដល់ពលរដ្ឋក្នុងតំបន់បានប្រមាណ២០នាក់ក្នុងពេលបច្ចុប្បន្ន ហើយផលិតផលរបស់អ្នកស្រីមានតម្លៃចាប់ពី២០០រៀលរហូតដល់៨ម៉ឺនរៀល ឬស្មើនិង២០ដុល្លារក្នុងមួយផលិតផល។ ទន្ទឹមនឹងអាជីវកម្មបាននិងកំពុងទទួលបានសន្ទុះគាំទ្រពីទីផ្សារជាបន្តបន្ទាប់ […]

ភ្នំពេញ៖ លោក យូ ចន្ទប្រសិទ្ធ អនុប្រធាននាយកដ្ឋានអភិរក្សជលផលនៃរដ្ឋបាលជលផល បានបញ្ជាក់ប្រាប់ARDB TVថា កំពង់ប្រាក់បានបង្កើតជម្រកត្រីជាង២០០​ កន្លែង ហើយក៏ជាទីជម្រកត្រីពូជដ៏មានសក្តានុពលផងដែរនៅក្នុងខេត្តពោធិ៍សាត់។ លោក យូ ចន្ទប្រសិទ្ធ បានលើកឡើងថា កំពង់ប្រាក់ វាជាជម្រកដ៏មានសារៈសំខាន់ណាស់សម្រាប់ត្រីជ្រកពួន ពេលមានព្យុះភ្លៀង ផ្គរ រន្ទះ អ្វីមួយកើតឡើង។ជម្រកនេះដែរប្រៀបដូចជាអ្នកយាមចាំជួយការពារពួកវា នៅពេលណាដែលមានការនេសាទខុសច្បាប់ វាអាចទៅសម្ងំលាក់ខ្លួនគេចរួចជីវិត។ដោយក្នុងនេះពួកវាអាចពួននៅពេលគេអូសអួនឬរាយមង ។ក្រៅពីនេះក៏ជាកន្លែងចំណីសម្រាប់ពួកវាស៊ីដោយ មានត្រីតូចៗឬប្រភេទសត្វក្នុងទឹក ដែលជាកន្លែងចំណីត្រីតាមធម្មជាតិ។ លោកបានបញ្ជាក់ឲ្យដឹងថា ក្រៅពីមានជម្រកការពារនេះតំបន់អភិរក្សត្រី មួយកន្លែងនេះ ក៏បានកិច្ចការពារយ៉ាងរឹងមាំដោយមានកងកម្លាំងការពារ២៤ម៉ោង ម្ល៉ោះហើយបច្ចុប្បន្នទីកន្លែងនេះបានក្លាយជាទីកន្លែងស្តុកត្រីដ៏សំខាន់។ដោយក្នុងនេះកំពង់ប្រាក់មាន កម្លាំងឈរជើងប្រចាំការជាប្រចាំក្នុងនោះរួមមាន មន្រ្តីជលផល អាវុធហត្ថ និងកងទ័ពជើងគោកយោធភូមិភាគ៥ជាដើម។ លោក អ៊ុក វិបុលប្រធាននាយកដ្ឋានអភិរក្សជលផលនៃរដ្ឋបានជលផលបានឱ្យដឹងថា ទីនេះក៏ជាកន្លែងអភិរក្សត្រីមេពូជ ហើយបច្ចុប្បន្ន កំពុងតែ ស្តុកត្រីចម្រុះប្រមាណជា៣០០តោន សម្រាប់បន្តពូជ ដែលមានតម្លៃសេដ្ឋកិច្ចខ្ពស់ ជាពិសេស ត្រីប្រម៉ា ត្រីកេស ត្រីគល់រាំងដែលកំពុងទទួលរងគ្រោះនិងក៏ដូចជាត្រីត្រសក់ជាដើម។ លោកបាន​អះអាងទៀត​ថា តាមការវាយតម្លៃនៅកំពង់ប្រាក់នេះ មានផលស្តុកត្រីប្រមាណជា២៥០តោន កាលពីឆ្នាំ២០២៣ ហើយ២០២៤ មានប្រមាណ ៣០០តោន ដែលមានការកើនឡើងប្រមាណជា៤០ […]

(ភ្នំពេញ)៖ ថ្នាក់ដឹកនាំ និងបុគ្គលិកនៃធនាគារអភិវឌ្ឍន៍ជនបទ និងកសិកម្ម(ARDB) នៅថ្ងៃទី២១ខែឧសភាពនេះបានចូលរួមថវិកាម្នាក់ៗ ១ម៉ឺនរៀលបន្ថែមទៀតផ្តល់ជូនមូលនិធិគន្ធបុប្ផាលើការបរិច្ចាកប្រចាំខែរបស់ថ្នាក់ដឹកនាំ និងបុគ្គលិកទាំងអស់នៃធនាគារ (ARDB)ដើម្បីចូលរួមគាំទ្រយុទ្ធនាការ ១ម៉ឺនរៀល ១ម៉ឺននាក់ ឆ្នាំ២០២៥ របស់មូលនិធិគន្ធបុប្ផាកម្ពុជា ដែលផ្ដួចផ្ដើមនិងដឹកនាំដោយលោកជំទាវបណ្ឌិត ពេជ ចន្ទមុន្នី ប្រធានកិត្តិយសនៃមូលនិធិគន្ធបុប្ផាកម្ពុជា។ ការបរិច្ចាគខាងលើនេះគឺ ឆ្លើយយតបនឹងការអំពាវនាវរបស់លោកជំទាវបណ្ឌិត ពេជ្រ ចន្ទមុន្នី អគ្គស្នងការនៃសមាគមកាយឫទ្ធិនារីកម្ពុជា អនុប្រធានសមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) និងជាអនុប្រធានកាកបាទក្រហមកម្ពុជា យុទ្ធនាការ ១ម៉ឺនរៀល ១ម៉ឺននាក់ ដែលមានរយៈពេលពេញ ១ខែមិថុនាខាងមុខ​នេះ។ យុទ្ធនាការនេះ មានគោលបំណងជំរុញចលនាកៀរគរថវិកាសប្បុរសធម៌ ឱ្យកាន់តែផុសផុល និងសកម្មបន្ថែមទៀត ក្នុងចំណោមសិស្ស, និស្សិត, យុវជន, មន្រ្តីរាជការ, ថ្នាក់ដឹកនាំ, ពាណិជ្ជករ, សាធារណជន, ភរិយាថ្នាក់ដឹកនាំ, ម្ចាស់ក្រុមហ៊ុន-សហគ្រាស, គណៈកម្មការទ្រទ្រង់មូលនិធិគន្ធបុប្ផាកម្ពុជាប្រចាំក្រសួង-ស្ថាប័ន, រដ្ឋបាលរាជធានី-ខេត្ត និងសមាជិកសមាគមឧកញ៉ាកម្ពុជា ក្នុងមហាចលនាមនុស្សធម៌របស់ជាតិ និងក្នុងស្មារតី “ខែ្មរជួយខ្មែរ”។ ការរៀបចំយុទ្ធនាការ ១ម៉ឺនរៀល ១ម៉ឺននាក់ ក្នុងខែមិថុនានេះ ជាការចូលរួមអបអរសាទរ “ទិវាកុមារអន្តរជាតិ ១ […]

ទីក្រុងម៉ានីល៖ ប្រទេសហ្វីលីពីនគ្រោងផ្អាកការនាំចូលសាច់បក្សីពីប្រទេសប្រេស៊ីលជាបណ្ដោះអាសន្ន បន្ទាប់ពីផ្ទុះជំងឺផ្តាសាយបក្សី នៅក្នុងកសិដ្ឋានចិញ្ចឹមសត្វមួយកន្លែង ដែលបណ្តាលឱ្យងាប់អស់មាន់រាប់ពាន់ក្បាល។ យោងតាមសារព័ត៌មានជាច្រើន​ បានដកស្រង់សម្តីរដ្ឋមន្ត្រីក្រសួងកសិកម្ម​ ហ្វីលីពីន ដែលបានមានប្រសាសន៍ថា ក្រសួងកសិកម្មនឹងដាក់បម្រាមនៅទូទាំងប្រទេសមិនឱ្យនាំចូលសាច់បក្សីពីប្រទេសប្រេស៊ីល ដែលជាប្រទេសផលិត និងនាំចេញផលិតផលបសុបក្សីធំជាងគេបំផុតលើពិភពលោក។ ប្រទេសចិន ម៉ិកស៊ិក ឈីលី និងអ៊ុយរូហ្គាយ បានហាមមិនឱ្យនាំចូលសាច់មាន់ បន្ទាប់ពីផ្ទុះជំងឺផ្តាសាយបក្សីនៅក្នុងប្រទេសប្រេស៊ីល ដែលបណ្តាលឱ្យងាប់មាន់អស់ជិត៧ ៤០០ក្បាល។ ចំណែកប្រទេសហ្វីលីពីន ក៏បានចេញបម្រាមមិនឱ្យនាំចូលសាច់បក្សីជាបណ្តោះអាសន្នពីបណ្តាប្រទេស ដែលមានការឆ្លងជំងឺផ្តាសាយបក្សី ដើម្បីការពារកុំកើតជំងឺឆ្លងនៅក្នុងប្រទេស។ ប្រទេសប្រេស៊ីល គឺជាអ្នកផ្គត់ផ្គង់សាច់បសុបក្សីដ៏ធំសម្រាប់ហ្វីលីពីន ជាពិសេសសម្រាប់ឧស្សាហកម្មកែច្នៃសាច់ ដែលប្រហែល៦០ភាគរយ សម្រាប់ធ្វើសាច់ក្រក និងនំប៉័ងសាច់។ ការហាមមិនឱ្យនាំចូលផលិតផលសាច់បក្សីពីប្រទេសប្រេស៊ីល អាចធ្វើឱ្យហ្វីលីពីនជួបបញ្ហាខ្លះដែរ ដូច្នេះត្រូវនាំចូលសាច់មាន់ពីប្រទេសប៉ូឡូញ រុស្ស៊ី និងអាល្លឺម៉ង់។ ចំណែកបណ្តាប្រទេសនៅក្នុងសហភាពអឺរ៉ុប និងប្រទេសចិនបានផ្អាកការនាំចូលសាច់មាន់ពីប្រទេសប្រេស៊ីល ដោយសារការផ្ទុះជំងឺផ្ដាសាយបក្សី។ ទីភ្នាក់ងារព័ត៌មានបរទេសរាយការណ៍ពីទីក្រុង ប្រាស៊ីលីយ៉ា (Brasilia) ប្រទេសប្រេស៊ីល បានឱ្យដឹងថា ក្រសួងកសិកម្មប្រេស៊ីល បានចេញសេចក្តីថ្លែងការណ៍ថា សហភាពអឺរ៉ុបបានផ្អាកការនាំចូលសាច់មាន់ពីប្រទេសប្រេស៊ីល។​ ចំណែកប្រទេសចិន ក៏បានផ្អាកការនាំចូលរយៈពេល៦០ថ្ងៃ ដោយសារខ្លាចឆ្លងជំងឺផ្តាសាយបក្សី។ យោងតាមទិន្នន័យផ្លូវការពីសមាគមអ្នកនាំចេញសាច់របស់ប្រេស៊ីល បានបង្ហាញថា កាលពីឆ្នាំ២០២៤ បណ្តាប្រទេសក្នុងសហគមន៍អឺរ៉ុបបាននាំចូលសាច់មាន់ជាង២៣១ ០០០តោន ពីប្រទេសប្រេស៊ីល។ […]

បាងកក៖ ត្រីទីឡាព្យ៉ា គឺជាប្រភេទត្រីទឹកសាប ដែលមានប្រភពដើមកំណើតមកពីទ្វីបអាហ្រិ្វកភាគខាងជើង ហើយពូជត្រីនេះឆាប់ធំ និងងាយសម្របខ្លួន ដើម្បីរស់នៅបានគ្រប់បរិស្ថានថ្មី ជាពិសេស វាស៊ីត្រីក្នុងស្រុកជាអាហារ និងបំផ្លាញប្រព័ន្ធអេកូឡូស៊ីខ្លះទៀត ដែលធ្វើឱ្យអ្នកចិញ្ចឹមត្រូវខាតបង់លុយយ៉ាងច្រើនដោយសារត្រីមួយប្រភេទនេះ។ ប្រទេសថៃ បានចាត់ទុកត្រីទីឡាព្យ៉ាខ្មៅថា ជាពូជត្រីបង្កការខូចខាតដល់ត្រីធម្មជាតិ និងប្រព័ន្ធអេកូឡូស៊ី ម្ល៉ោះហើយទើបបានជារដ្ឋាភិបាលបង្កើតគោលនយោបាយកម្ចាត់ចោលត្រីប្រភេទនេះពីទីធម្មជាតិ។ យោងតាមសារព័ត៌មាន​ដេឡេញូ របស់ថៃ បានឱ្យដឹងនាដើមសប្តាហ៍នេះថា នាយកដ្ឋានជលផលរបស់ថៃបានចាប់ផ្តើមទទួលទិញត្រីទីឡាព្យ៉ាខ្មៅ ដែលប្រជាពលរដ្ឋចាប់បានពីស្រះចិញ្ចឹមត្រី និងប្រភពទឹកធម្មជាតិរបស់កសិករ ដោយចាប់ផ្តើមក្នុងខេត្តចំនួន១០ ជាង១០ម៉ឺនគីឡូក្រាម។ លោក សុវ៉ាត់ វង់សុវ៉ាត់​ (Suwat Wongsuwat) អគ្គនាយករង និងជាអ្នកនាំពាក្យនៃនាយកដ្ឋានជលផលរបស់ថៃ បានឱ្យដឹងថា គម្រោងគ្រប់គ្រង និងលុបបំបាត់ពូជត្រីទីឡាព្យ៉ាខ្មៅ ត្រូវបានប្រកាសឱ្យអនុវត្ត ចាប់ថ្ងៃទី១៣ ខែឧសភា ក្នុងខេត្តចំនួន១០ ក្នុងចំណោមខេត្តចំនួន១៤ ដែលចូលរួមក្នុងគម្រោងនេះ រួមមានទីក្រុងបាងកក, សាមុតប្រាកាន, សាមុតសាខន, សាមុត ស៊ុងខាម ណាក់ខនប៉ាធុម ,រាជបុរី , ប្រាជួបគីរីខាន់ ,ឈុំផន ,ណាក់ខនស៊ីថាំរ៉ាតជាដើម។ លោក សុវ៉ាត់ វង់សុវ៉ាត់ បាននិយាយទៀតថា […]

ទីក្រុងហូជីមិញ៖ ផ្លែឈើរីដាំតាមផ្ទះសំណាញ់នៅក្នុងប្រទេសចិន កំពុងតែសម្រុកចូលទីផ្សារនៅក្នុងប្រទេសវៀតណាម ដោយសារលក់ក្នុងតម្លៃទាបជាងផ្លែឈើរីនាំចូលពីប្រទេសអូស្ត្រាលី ឬសហរដ្ឋអាមេរិក។ យោងតាមការចេញផ្សាយរបស់សារព័ត៌មាន វៀតណាម អេចប្រេស បានឱ្យដឹងថា ផ្លែឈើរីនាំចូលពីប្រទេសចិន មានគុណភាពល្អធម្មតាលក់ក្នុងតម្លៃ៥០០​ ០០០ដុង​ ឬស្មើនឹង១៩ដុល្លារ ក្នុងមួយគីឡូក្រាម​ ខណៈផ្លែឈើរីល្អលេខ១ ​លក់ក្នុងតម្លៃត្រឹមតែ៦លានដុង ឬស្មើនឹង២៣ដុល្លារ ក្នុងមួយគីឡូក្រាម។ ផ្ទុយទៅវិញ ផ្លែឈើរីនាំចូលពីប្រទេសអូស្ត្រាលី និងសហរដ្ឋអាម៉េរិក​ មានតម្លៃខ្ពស់ជាងជិតពីរដង ម្យ៉ាងវិញទៀត អ្វី​ដែលអ្នកចូលចិត្តទិញ​​ផ្លែ​ឈើរី​របស់​ចិន​ មកបរិភោគ គឺដោយសារផលិតផលផ្លែឈើប្រភេទនេះ ​ដាំនៅក្នុងផ្ទះសំណាញ់ ដែលមានការ​គ្រប់គ្រង​យ៉ាង​ម៉ត់ចត់ មិន​ប្រើ​ជីគីមី ឬ​សារធាតុអកម៉ូនឡើយ​។ អ្នកលក់ផ្លែឈើរីនៅក្នុងផ្សារវៀតណាម បាន​និយាយ​ថា ផ្លែ​ឈើរី​របស់​ចិន ចាប់ផ្តើមពេញនិយមនៅតាម​ទីផ្សារ​ផ្លែឈើរបស់វៀតណាម។ ផ្លែឈើរីរបស់ចិននេះ​ ក៏មាន​ទំហំ​ប្រហាក់ប្រហែលផ្លែ​ឈើរីនាំចូលពីប្រទេស​អូស្ត្រាលី ព្រមទាំងមានរសជាតិ​ផ្អែម និង​មាន​ក្លិន​ឈ្ងុយឆ្ងាញ់ថែមទៀតផង។ អ្នកលក់នៅផ្លែឈើរិមា្នក់ នៅក្នុងទីក្រុងហូជីមិញ បាននិយាយថា ផ្លែឈើរីរបស់គាត់បេះមកពីកសិដ្ឋានផ្ទះសំណាញ់​ រួចដឹកតាមយន្តហោះ មកដល់ប្រទេសវៀតណាមក្នុងរយៈពេលត្រឹមតែមួយ ឬពីរថ្ងៃប៉ុណ្ណោះ ដូច្នេះផ្លែនៅស្រស់ល្អណាស់។ ចំណែកអ្នកនាំចូលផ្លែឈើរី នៅក្នុងទីក្រុងហូជីមិញ បាន​និយាយ​ថា ក្រុមហ៊ុន​របស់​គាត់​បញ្ជា​ទិញ​ផ្លែ​ឈើ​រី​ទាំងនេះ បានត្រឹមតែ​​ប្រហែល​១០០​កេសប៉ុណ្ណោះ។ យោងតាមរបាយការណ៍ពីទីផ្សារលក់ដុំផ្នែកផលិតផលកសិកម្មរបស់វៀតណាម បានបង្ហាញថា ផ្លែឈើរីចិនដាំក្នុងផ្ទះសំណាញ់មិនទាន់ទទួលបានការអនុញ្ញាតឱ្យនាំចូលជាផ្លូវការនៅឡើយទេ ដោយសារមិនទាន់មានបរិមាណគ្រប់គ្រាន់។ […]

រាជធានីភ្នំពេញ៖ ក្នុងពិធីប្រកាសផ្សព្វផ្សាយរបាយការណ៍ថ្នាក់ជាតិស្តីពីលទ្ធផលចុងក្រោយនៃជំរឿនកសិកម្មនៅព្រះរាជាណាចក្រកម្ពុជា ឆ្នាំ២០២៣ នៅព្រឹកថ្ងៃទី១៩ ខែឧសភា ឆ្នាំ២០២៥នេះ  ឯកឧត្តម ប៊ិន ត្រឈៃ រដ្ឋមន្ត្រីក្រសួងផែនការ បានថ្លែងបញ្ជាក់ថា ស្ថានភាពគ្រួសារប្រកបមុខរបរកសិកម្មនៅកម្ពុជា មានការប្រែប្រួលរចនាសម្ព័ន្ធក្នុងវិស័យកសិកម្ម មកនៅត្រឹមអត្រា ៥៤,៥% នៅឆ្នាំ២០២៣ ខណៈដែលអត្រានេះមានប្រមាណជិត ៨២% នៅឆ្នាំ២០១៣។ ក្នុងពិធីប្រកាសផ្សព្វផ្សាយរបាយការណ៍ថ្នាក់ជាតិស្តីពីលទ្ធផលចុងក្រោយនៃជំរឿនកសិកម្មនៅព្រះរាជាណាចក្រកម្ពុជា ឆ្នាំ២០២៣ ក្រោមអធិបតីភាពដ៏ខ្ពង់ខ្ពស់ ឯកឧត្តម សុខ ចិន្តាសោភា ឧបនាយករដ្ឋមន្រ្តី និងជាតំណាងដ៏ខ្ពង់ខ្ពស់បំផុត សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដែលប្រារព្ធឡើងនៅ សណ្ឋាគារកាំបូឌីយ៉ាណា។ លទ្ធផលចុងក្រោយនៃជំរឿនកសិកម្មនៅព្រះរាជាណាចក្រកម្ពុជា ឆ្នាំ២០២៣ បានបង្ហាញថា គ្រួសារសរុបចំនួនជាង ៣,៤លានគ្រួសារ ក្នុងនោះបានរកឃើញគ្រួសារកាន់កាប់កសិកម្មចំនួន ១,៨៥លានគ្រួសារ ដែលត្រូវបានសម្ភាសន៍និងកត់ត្រាទិន្នន័យជំរឿនកសិកម្ម។ ចំនួនគ្រួសារកាន់កាប់កសិកម្មនៅឆ្នាំ២០២៣ មានការថយចុះចំនួនប្រមាណ ២៨ ម៉ឺន គ្រួសារ ស្មើនឹង ១៣% បើប្រៀបធៀបនឹងលទ្ធផលនៃជំរឿនកសិកម្មនៅ ឆ្នាំ២០១៣។ ស្ថានភាពគ្រួសារប្រកបមុខរបរកសិកម្មនៅកម្ពុជា មានការប្រែប្រួលរចនាសម្ព័ន្ធក្នុងវិស័យកសិកម្ម មកនៅត្រឹមអត្រា ៥៤,៥% […]

រាជធានីភ្នំពេញ៖ ឧកញ៉ា តែ តាំងប៉ ប្រធានសម្ព័ន្ធសមាគមសហគ្រាសធុនតូច និងមធ្យមកម្ពុជា បានឱ្យដឹងថា ក្នុងពេលបច្ចុប្បន្ននេះសហគ្រាសក្នុងស្រុកបានប្រើប្រាស់បច្ចេកវិទ្យាឌីជីថលសម្រាប់ធ្វើអាជីវកម្មនៅមានចំនួនតិចតួចនៅឡើយ។ ការលើកឡើងរបស់ប្រធានសម្ព័ន្ធសមាគមសហគ្រាសធុនតូច និងមធ្យមកម្ពុជា គឺបន្ទាប់ពីរាជរដ្ឋាភិបាល តាមរយៈមជ្ឈមណ្ឌលបណ្តុះធុរកិច្ចតេជោ និងមូលនិធិអភិវឌ្ឍន៍ជំនាញ បានរៀបចំវគ្គចាប់យកឌីជីថលទី៥ ជំនាន់ទី២កាលកន្លងទៅថ្មីៗនេះ។ ឧកញ៉ា តែ តាំងប៉ មានប្រសាសន៍ថា បញ្ហាប្រឈមរបស់សហគ្រាសធុនតូច និងមធ្យមក្នុងពេលបច្ចុប្បន្ននេះ គឺរឿងបច្ចេកវិទ្យាឌីជីថល ដោយសារគេដឹងហើយសហគ្រាសធុនតូច និងមធ្យមក្នុងស្រុកមានសមត្ថភាពចេះប្រើឌីជីថលនៅមានកម្រិត។ ដូច្នេះត្រូវជំរុញឱ្យម្ចាស់សហគ្រាសចេះប្រើបច្ចេកវិទ្យាឌីជីថល តាមរយៈការរៀបចំសិក្ខាសាលាបណ្តុះបណ្តាល ជួយរហូតឱ្យគាត់ឈានដល់ចេះប្រើប្រាស់បច្ចេកវិទ្យាឌីជីថល។ ឧកញ៉ាបន្តទៀតថា បញ្ហាកង្វះការយល់ដឹងពីការប្រើប្រាស់ឌីជីលនេះ ប្រសិនបើគ្មានជួយជំរុញម្ចាស់សហគ្រាសក្នុងស្រុកនោះទេ គឺមិនអាចភ្ជាប់ពួគាត់ ទៅក្នុងសម័យទំនើបរបស់ពិភពលោកបានទេ។ បើតាមប្រធានសម្ព័ន្ធសមាគមសហគ្រាសធុនតូចនិងមធ្យមកម្ពុជា ថាសព្វថ្ងៃនេះកម្ពុជាមានធនធានមនុស្សដែលចេះប្រើប្រាស់បច្ចេកវិទ្យាឌីជីថលនៅមានកម្រិត មិនដូចទៅនិងបណ្តាប្រទេសផ្សេងនោះទេ។ គេចេញពីសាលាមកគេចេះប្រើទាំងអស់នៅបច្ចេកវិទ្យាជឿនលឿន តែនៅកម្ពុជា សម្រាប់ម្ចាស់សហគ្រាសចេះប្រើប្រាស់នៅកម្រិតទាប។ លោក គី សុខគីម នាយកប្រតិបត្តិនៃមូលនិធិអភិវឌ្ឍន៍ជំនាញ ហៅកាត់ថា SDF បានឱ្យដឹងថា រាជរដ្ឋាភិបាលបង្កើតមូលនិធិអភិវឌ្ឍន៍ជំនាញនេះឡើងដើម្បីជួយដល់វិស័យឯកជន សម្រាប់បណ្តុះបណ្តាលធនធានមនុស្សឱ្យត្រូវនិងតម្រូវការជាក់ស្តែង ក៏ដូចជាដើម្បីជួយដល់យុវជនមានចំណេះជំនាញច្បាស់លាស់ត្រូវនិងតម្រូវការជាក់ស្តែង មានលទ្ធភាពកាន់តែខ្ពស់ក្នុងការស្វែងរកការងារបានកាន់តែប្រសើរ  និងទទួលបានប្រាក់ខែខ្ពស់។ លោកបានមានប្រសាសន៍ថា “គិតមកទល់ពេលនេះ យើងបានចូលរួមជួយដល់វិស័យឯកជនតាមរយៈការបណ្តុះបណ្តាលដល់យុវជន ដែលមិនទាន់មានការងារធ្វើ ក៏ដូចអ្នកមានការងារធ្វើស្រាប់ […]