ប៉េកាំង៖ ដោយសារគោលនយោបាយពន្ធគយសូន្យថ្មីរបស់ចិនសម្រាប់ប្រទេសអាហ្វ្រិក ដែលមានទំនាក់ទំនងការទូត វបានធ្វើឱ្យផលិតផលរបស់ប្រទេសក្នុងទ្វីបអាហ្វ្រិកសម្រុកចូលទីផ្សារចិន ក្នុងថ្ងៃឈប់សម្រាកទិវា ខែឧសភា ដែលជាការបើកឱកាសថ្មីៗ សម្រាប់ពាណិជ្ជកម្មទ្វេភាគី។
នៅពាក់កណ្តាលអធ្រាត្រ នៃថ្ងៃទី១ ខែឧសភា ផ្លែប៉ោមចំនួន២៤តោន មកពីប្រទេសអាហ្វ្រិកខាងត្បូង ត្រូវបានមន្ត្រីគយចិន ប្រចាំនៅទីក្រុង ហ្សេនចេន (Shenzhen) ខេត្តក្វាងទុង (Guangdong) ភាគខាងត្បូងប្រទេសចិន បានអនុញ្ញាតឱ្យចូលទីផ្សារយ៉ាងឆាប់រហ័ស បន្ទាប់ពីបានចាប់ផ្តើមអនុវត្តអត្រាពន្ធសូន្យ សម្រាប់ប្រទេសទាំង៥៣ នៅក្នុងទ្វីបអាហ្វ្រិក ដែលមានទំនាក់ទំនងការទូតជាមួយប្រទេសចិន។
ការពង្រីកគោលនយោបាយចុងក្រោយនេះ បានធ្វើឡើងខណៈពេលប្រទេសចិន ដែលជាដៃគូពាណិជ្ជកម្មធំជាងគេរបស់បណ្តាប្រទេសក្នុងទ្វីបអាហ្វ្រិក ក្នុងរយៈពេល១៧ឆ្នាំជាប់ៗគ្នា បានលុបចោលពន្ធគយ១០០ភាគរយ សម្រាប់ការនាំចូលពីប្រទេសអភិវឌ្ឍន៍តិចតួចចំនួន៣៣ ដែលមានទំនាក់ទំនងការទូតជាមួយប្រទេចិន ចាប់តាំងពីថ្ងៃទី១ ខែធ្នូ ឆ្នាំ២០២៤។
សម្រាប់ផ្លែប៉ោមរបស់ប្រទេសអាហ្រ្វិកខាងត្បូង ដែលនាំចូលទីផ្សារទូទាំងប្រទេសចិន ទទួលបានអត្រាពន្ធធ្លាក់ចុះពី១០ភាគរយ ទៅសូន្យភាគរយ ដែលធ្វើឱ្យការប្រកួតប្រជែងរបស់ខ្លួនកាន់តែខ្លាំងនៅក្នុងទីផ្សារប្រទេសចិន។
ដូចគ្នានេះដែរ នៅទីក្រុងក្វាងចូវ ដែលជារដ្ឋធានីរបស់ខេត្តក្វាងទុង មន្ត្រីគយបានអនុញ្ញាតឱ្យដឹកជញ្ជូនផ្លែប័រស្រស់របស់ប្រទេសកេនយ៉ា ជាង៦ ៩០០គីឡូក្រាម នៅពាក់កណ្តាលអធ្រាត្រ នៅថ្ងៃទី១ ខែឧសភា។ នៅចុងបញ្ចប់ ផ្លែប័រទាំងនេះ បានទៅដល់លើតុរបស់អ្នកបរិភោគ នៅតំបន់ភាគខាងត្បូងប្រទេសចិន។
មុនពេលផ្លាស់ប្តូរគោលនយោបាយ ផ្លែប័រស្រស់ៗរបស់ប្រទេសកេនយ៉ា ប្រឈមមុខនឹងជាប់ពន្ធប្រាំពីរភាគរយ។ ពន្ធសូន្យមានន័យថា ផ្លែប័រកេនយ៉ា អាចប្រកួតប្រជែងកាន់តែខ្លាំង និងការចំណាយទាប ដែលជាការកើនឡើងពិតប្រាកដសម្រាប់ប្រជាជនចិន។ ការទទួលបានផ្លែប័រស្រស់ៗរបស់ប្រទេសកេនយ៉ា ជិតពេញមួយឆ្នាំ ធ្វើឱ្យវាក្លាយជាផ្លែឈើពេញនិយមយ៉ាងខ្លាំង ក្នុងចំណោមប្រជាជនចិន។
ក្រៅពីផ្លែប៉ោមអាហ្វ្រិកខាងត្បូង និងផ្លែប័រកេនយ៉ា ទ្វីបអាហ្វ្រិកបាននិងកំពុងនាំចេញផលិតផលជាច្រើនប្រភេទទៅកាន់ប្រទេសចិន រាប់ចាប់ពីម្នាស់ ម្ទេសក្រៀមរវ៉ាន់ដា សាច់ខពពែម៉ាដាកាស្កា សាប៊ូខ្មៅហ្គាណា និងផ្កាកុលាបទុយនេស៊ី រហូតដល់គ្រាប់ពូជអាកាស្យ៉ារបស់ប្រទេសនីហ្សេរីយ៉ា។
ទិន្នន័យផ្លូវការបានបង្ហាញពីកម្លាំងចលករដ៏ខ្លាំងក្លានេះ។ នៅឆ្នាំ២០២៥ ពាណិជ្ជកម្មរបស់ចិនជាមួយបណ្តាប្រទេសអាហ្វ្រិកចំនួន៥៣នេះ បានកើនឡើងដល់កម្រិតខ្ពស់បំផុត គឺក្នុងទឹកប្រាក់ជា៣៤៨ពាន់លានដុល្លារ។ នៅត្រីមាសទី១ ឆ្នាំ២០២៦ តួលេខនេះបានឡើងដល់៩២,១៦ពាន់លានដុល្លារ ដែលកើនឡើង២៦,៨ភាគរយ ពីមួយឆ្នាំទៅមួយឆ្នាំ។
ដោយសារគោលនយោបាយពន្ធគយសូន្យថ្មីនេះ មិនត្រឹមតែគ្របដណ្ដប់លើប្រទេសអាហ្វ្រិក ដែលមានការអភិវឌ្ឍតិចតួចប៉ុណ្ណោះទេ ប៉ុន្តែក៏គ្របដណ្ដប់លើប្រទេស ដែលមានសេដ្ឋកិច្ចរីកចម្រើនខ្លាំង នៅតំបន់អាហ្វ្រិកផងដែរ ដូចជាអាហ្វ្រិកខាងត្បូង អេហ្ស៊ីប នីហ្សេរីយ៉ា និងអាល់ហ្សេរី ដោយទំនិញមានគុណភាពល្អកាន់តែច្រើន នឹងនាំចូលទីផ្សារប្រទេសចិន។
ការនាំយកផលិតផលកាន់តែច្រើនដោយមិនបង់ពន្ធ គឺគ្រាន់ត្រឹមតែរឿងតូចតាចប៉ុណ្ណោះ។ ប្រទេសចិនបានបង្ហាញពីវិធានការគាំទ្រជាច្រើន ដើម្បីទាញយកអត្ថប្រយោជន៍យ៉ាងច្រើនរបស់គោលនយោបាយ។
ប្រធានគ្រប់គ្រងគយ ប្រចាំក្រុមហ៊ុននាំចេញនាំចូលមួយ នៅភាគខាងកើតប្រទេសចិន បានរំឭកថា ផ្លែក្រូចស្រស់របស់អេហ្ស៊ីប ដែលនាំចូលមកដល់កំពង់ផែក្រុងសៀងហៃ កំពុងជួបបញ្ចាខ្វះវិញ្ញាបនបត្របញ្ជាក់ប្រភពដើម។ ដូច្នេះសម្រាប់អ្នកនាំចូលភាគច្រើន បើគ្មានវិញ្ញាបនបត្របញ្ជាក់ដើមកំណើតឱ្យបានត្រឹមត្រូវ ទំនិញនឹត្រូវឃាត់ទុក តាមរយៈការប្រកាសរបស់គយ ប៉ុន្តែផ្លែឈើស្រស់ងាយខូចណាស់ ដូច្នេះ ក្នុងករណីឃាត់ទុក គឺរឿងគួរឱ្យព្រួយបារម្ភខ្លាំងណាស់។
ដើម្បីជួយក្រុមហ៊ុន មន្ត្រីគយរូបនេះទទួលបានអត្ថប្រយោជន៍ពន្ធគយសូន្យភ្លាមៗ និងជៀសវាងផ្លែឈើខូចដោយសារដាច់ចរន្តអគ្គិសនី និងបង់ថ្លៃស្តុក គយនៅកំពង់ផែបានណែនាំក្រុមហ៊ុនឱ្យដាក់ពាក្យសុំសេចក្តីប្រកាសបន្ថែម បូកនឹងសុវត្ថិភាពពន្ធ ដោយបញ្ចេញក្រូចអេហ្ស៊ីបជាមុនសិន និងបំពេញបែបបទនៅពេលវិញ្ញាបនបត្ររួចរាល់៕
