News

ម៉ានីល៖ យោងតាមអង្គការស្បៀងអាហារ និងកសិកម្មរបស់អង្គការសហប្រជាជាតិ បានឱ្យដឹងថា ប្រទេសហ្វីលីពីន អាចតោងជាប់ចំណាត់ថ្នាក់របស់ខ្លួនយ៉ាងប្រផិតប្រផោយបំផុត ជាអ្នកនាំចេញផ្លែចេកធំជាងគេលំដាប់ទី៣ របស់ពិភពលោក ចំពេលមានការប្រកួតប្រជែងកាន់តែខ្លាំង ដោយសារមានអ្នកដាំចេកកាន់តែច្រើននៅទ្វីបអាមេរិកខាងត្បូង។ អង្គការស្បៀងអាហារ និងកសិកម្ម បានចេញផ្សាយនាពេលថ្មីៗនេះនូវរបាយការណ៍ត្រួតពិនិត្យទីផ្សារសកលរបស់ខ្លួន សម្រាប់ឆ្នាំ២០២៤ ដែលក្នុងនោះមានប្រទេសក្វាតេម៉ាឡា មិនអាចវ៉ាដាច់ប្រទេសហ្វីលីពីន ដែលជាប្រទេសនាំចេញចេកធំជាងគេទី៣របស់ពិភពលោក។ កាលពីដើមឆ្នាំ២០២៥នេះ អង្គការស្បៀងអាហារ និងកសិកម្ម បានប៉ាន់ប្រមាណថា ប្រទេសក្វាតេម៉ាឡា អាចនឹងវ៉ាដាច់ប្រទេសហ្វីលីពីន ទាក់ទងនឹងបរិមាណផ្លែចេកដែលបាននាំចេញកាលពីឆ្នាំមុន។ ទោះបីជាយ៉ាងណាក៏ដោយ តាមរយៈតួលេខនាំចេញផ្លែចេកពេញមួយឆ្នាំ​ បានបង្ហាញថា ប្រទេសហ្វីលីពីន អាចបន្តឈរជើងបាននៅចំណាត់ថ្នាក់៣ ដោយសារបាននាំចេញផ្លែចេកលើសប្រទេសក្វាតេម៉ាឡា ចំនួន១០០ ០០០តោនប៉ុណ្ណោះ។ អង្គការស្បៀងអាហារ និងកសិកម្មរបស់អង្គការសហប្រជាជាតិ បាននិយាយទៀតថា ប្រទេសហ្វីលីពីនបាននាំចេញផ្លែចេកចំនួន២,៣លានតោនកាលពីឆ្នាំ២០២៤ ដោយនាំមុខប្រទេសក្វាតេម៉ាឡាចំនួន២,២លានតោន។ លើសពីនេះ តាមរបាយការណ៍ដដែល បានបង្ហាញថា ចំណែកប្រទេសកូឡុំប៊ី ក៏បាននាំចេញផ្លែចេកចំនួន២,២លានតោនដែរ កាលពីឆ្នាំ២០២៤ ដែលបង្ហាញពីការប្រកួតប្រជែងកាន់តែខ្លាំងក្នុងចំណោមអ្នកផលិត និងអ្នកនាំចេញផ្លែចេករបស់ពិភពលោក។ ក្នងរយៈពេលជាច្រើនឆ្នាំកន្លងមកនេះ ប្រទេសហ្វីលីពីន បាននឹងកំពុងប្រឹងប្រែង ដើម្បីរក្សាចំណាត់ថ្នាក់របស់ខ្លួននៅក្នុងទីផ្សារផ្លែចេករបស់ពិភពលោក ដែលកាលពីឆ្នាំ២០២៣ បានធ្លាក់មកនៅចំណាត់ថ្នាក់លេខ៣ បន្ទាប់ពីប្រទេសក្វាតេម៉ាឡា វ៉ាយកចំណាត់ថ្នាក់លេខ២។ ចំណែកនៅឆ្នាំ២០២៤ ប្រទេសកូស្តារីកា […]

ភ្នំពេញ៖ ឯកឧត្តម សំរិទ្ធ សាកុរា អនុរដ្ឋលេខាធិការក្រសួងពាណិជ្ជកម្ម និងជាអនុប្រធានក្រុមការងារបច្ចេកទេស ដើម្បីសិក្សាស្រាវជ្រាវ និងរៀបចំសេចក្តីព្រាងគោលនយោបាយម្រេចកម្ពុជាថ្មីៗនេះបានផ្សព្វផ្សាយថ្នាក់តំបន់លើកទី២ ស្តីពីដំណើរការសិក្សា ប្រមូលព័ត៌មាននិងទិន្នន័យ ឱកាស និងបញ្ហាប្រឈម ក្នុងគោលបំណងបង្កើតគោលនយោបាយម្រេចកម្ពុជា។ ការផ្សព្វផ្សាយនេះ ត្រូវបានរៀបចំដោយរដ្ឋបាលខេត្តមណ្ឌលគិរី មន្ទីរពាណិជ្ជកម្មខេត្ត និងរដ្ឋបាលស្រុកពេជ្រាដា ដោយមានការអញ្ជើញចូលរួមពីតំណាងអភិបាលនៃគណៈអភិបាលខេត្ដមណ្ឌលគិរី តំណាងក្រសួងកសិកម្ម រុក្ខាប្រមាញ់ និងនេសាទ មន្ទីរក្រោមឱវាទរបស់ខេត្ត សមាគមសហព័ន្ធម្រេច និងគ្រឿងទេសកម្ពុជា ព្រមទាំងតំណាងសមាគមម្រេច អ្នកដាំដុះ ពាណិជ្ជករ និងក្រុមហ៊ុនកែច្នៃម្រេច ក្នុងខេត្តទាំងបី រួមមាន មណ្ឌលគិរី រតនគិរី  និងខេត្តព្រះវិហារ។ មន្រ្តីជាន់ខ្ពស់ក្រសួងពាណិជ្ជកម្ម​បញ្ជាក់ថា គោលបំណងបន្តផ្សព្វផ្សាយពីដំណើរការនៃការចាប់ផ្តើមរៀបចំគោលនយោបាយម្រេចកម្ពុជា និងប្រមូលធាតុចូល អនុសាសន៍តម្រង់ទិសបន្ថែម ដើម្បីឱ្យការរៀបចំគោលនយោបាយនេះ មានលក្ខណៈកាន់តែស៊ីជម្រៅ និងគ្រប់ជ្រុងជ្រោយ ដែលនឹងឆ្លើយតបតាមតម្រូវការទីផ្សារក្នុងស្រុក និងអន្តរជាតិ។ លើសពីនេះចំណុចសំខាន់នៃការរៀបចំគោលនយោបាយម្រេចកម្ពុជា ដែលនឹងក្លាយទៅជាផែនទីបង្ហាញផ្លូវដ៏សំខាន់ក្នុងការកំណត់ទិសដៅឱ្យបានច្បាស់លាស់សម្រាប់កម្ពុជា ដើម្បីទាញយកអត្ថប្រយោជន៍ពីផលិតកម្មម្រេច តាមរយៈការបង្កើតតម្លៃបន្ថែមនៅក្នុងខ្សែច្រវាក់ និងជួយបង្កើនប្រាក់ចំណូលកសិករនៅតាមទីជនបទ ជាពិសេស សំដៅជំរុញការនាំចេញម្រេចកម្ពុជាទៅកាន់ទីផ្សារអន្តរជាតិ។ សម្រាប់គោលនយោបាយជាតិម្រេចនេះ គឺមានលក្ខណៈមិនខុសគ្នា​​ពីគោលនយោបាយជាតិស្តីពីស្វាយចន្ទី​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ ប៉ុន្មានឡើយ។ ពោលគឺគោលនយោបាយទាំងនេះ បង្កើតឡើងដើម្បីបង្កើនទិន្នផលដំណាំ កាត់បន្ថយថ្លៃដើម […]

ត្បូងឃ្មុំ៖ បន្ទាប់ពីទទួលបានការបង្ហាត់បង្ហាញអំពីការដាំបន្លែសុវត្ថិភាពនៅក្នុងផ្ទះសំណាញ់ និងការធ្វើទីផ្សារពីខាងសហគមន៍តាសីសាមគ្គី នៅស្រុកថ្មគោល ខេត្តបាត់ដំបងរួចមក ម្ចាស់កសិដ្ឋានត្រសក់ផ្អែមត្បូងឃ្មុំ ដែលបានសាកល្បងដាំបន្លែស្លឹក និងបន្លែផ្លែ នៅខែកញ្ញា ឆ្នាំ២០២២ មានគម្រោងបង្កើនការដាំបន្លែក្នុងផ្ទះសំណាញ់ចំនួនប្រាំបីខ្នងថែមទៀត ដើម្បីឆ្លើយតបទៅនិងតម្រូវការទីផ្សារក្នុងតំបន់។ លោក លីម ផេង ម្ចាស់កសិដ្ឋានត្រសក់ផ្អែមត្បូងឃ្មុំ មានទីតាំងនៅស្រុកពញាក្រែក ខេត្តត្បូងឃ្មុំ បានឱ្យដឹងថា ក្នុងការដាំបន្លែសុវត្ថិភាពក្នុងផ្ទះសំណាញ់អស់រយៈពេលជិតបីឆ្នាំមកនេះ លោកកាន់តែមានទំនុកចិត្តខ្ពស់នៅក្នុងមុខរបរ នៅពេលការលក់បន្លែក្នុងផ្ទះសំណាញ់លក់បានតម្លៃសមរម្យនៅលើទីផ្សារ។ លោកបញ្ជាក់ថា «សព្វថ្ងៃកសិដ្ឋានខ្ញុំ មានផ្ទះសំណាញ់ចំនួន១២ខ្នង ក្នុងនោះមានដាំត្រសក់ផ្នែកចំនួនបីខ្នង, ដាំប៉េងបោះ និងម្ទេសចំនួនបីខ្នង និងផ្ទះសំណាញ់ប្រាំមួយខ្នងផ្សេងទៀតដាំបន្លែស្លឹក ហើយពេលខាងមុខនេះ ខ្ញុំមានគម្រោងពង្រីកផ្ទះសំណាញ់ដាំបន្លែថែមចំនួនប្រាំបីខ្នងទៀ ឱ្យគ្រប់២០ខ្នង ដែលនៅពេលសព្វថ្ងៃនេះយើងកំពុងតែធ្វើការទំនាក់ទំនងជាមួយខាងធនាគារអភិវឌ្ឍន៍ជនបទ និងកសិកម្មផងដែរ ដើម្បីស្នើសុំឥណទានដើម្បីសាងសង់ផ្ទះសំណាញ់បន្ថែម ព្រោះការដាំដុះបន្លែនៅតាមទីវាល កាលណាមានភ្លៀងញឹកញាប់ធ្វើឱ្យដំណាំលូតលាស់មិនល្អ ជាក់ស្តែងដូចដំណាំម្ទេសចិន ដែលខ្ញុំបានដាំកន្លងមកនេះ មានការជ្រុះស្លឹក ហើយការលូតលាស់មិនល្អ ដូចទៅការដាំនៅក្នុងផ្ទះសំណាញ់ ឬនៅរដូវប្រាំង»។ បើតាមលោក លីម ផេង គោលបំណងដែលឱ្យរូបលោកចង់សាងសង់ផ្ទះសំណាញ់ឱ្យគ្រប់២០ខ្នងនៅពេលខាងមុខនេះ ដោយសារលោកមើលឃើញតម្រូវការបន្លែនៅខាងខេត្តត្បូងឃ្មុំ លក់ទៅឱ្យឈ្មួញកណ្តាល គឺមិនទាន់គ្រប់ទៅនិងការចង់បាននៃទីផ្សារ។ ដូចនេះការសាងសង់ផ្ទះសំណាញ់ថែមនេះអាចឆ្លើយតបទៅតម្រូវពពួកបន្លែស្លឹកក្នុងមួយថ្ងៃបាន២០០គីឡូក្រាម ហើយប្រភេទប៉េងបោះ២០គីឡូក្រាម និងម្ទេសបានយ៉ាងតិច៣០គីឡូក្រាមនៅក្នុងមួយថ្ងៃ ដើម្បីឱ្យឈ្មួញយកទៅចែកចាយលក់បន្តនៅតាមតំបន់ផ្សេងៗ។ លោកបន្តថា […]

ហ្សាកាតា៖ មន្ត្រីជាន់ខ្ពស់ប្រទេសឥណ្ឌូណេស៊ី កាលពីសប្តាហ៍មុន បានប្រកាសថា រដ្ឋាភិបាលឥណ្ឌូណេស៊ី គ្រោងនឹងនាំចូលគោយកទឹកដោះពីបរទេសប្រមាណមួយលានក្បាល ក្នុងផែនការបង្កើតលទ្ធភាពផ្គត់ផ្គង់ទឹកដោះគោដល់ប្រជាជនខ្លួនឯងឱ្យបានគ្រប់គ្រាន់ នៅត្រឹមឆ្នាំ២០២៩។ ទីភ្នាក់ងារព័ត៌មាន ស៊ីនហួរបស់ចិន បានរាយការណ៍ពីទីក្រុងហ្សាកាតា ប្រទេសឥណ្ឌូនេស៊ី នៅដើមសប្តាហ៍នេះបានឱ្យដឹងថា លោក អាគុង សូកាន់ដា  (Agung Sukanda) អគ្គនាយកទីភ្នាក់ងារបសុសត្វ និងសុខមាលភាពសត្វ នៃក្រសួងកសិកម្មឥណ្ឌូណេស៊ី បានបង្ហាញថា រដ្ឋាភិបាលឥណ្ឌូណេស៊ី មានគោលបំណងផលិតទឹកដោះគោឱ្យបានគ្រប់គ្រាន់ដោយខ្លួនឯង នៅត្រឹមឆ្នាំ២០២៩ ហើយគ្រោងនឹងនាំចូលគោយកទឹកដោះគោចំនួនមួយលានក្បាល ក្នុងរយៈពេលប្រាំឆ្នាំខាងមុខ។ ​រដ្ឋាភិបាលឥណ្ឌូនេស៊ី បានបញ្ចូលផែនការបង្កើនផលិតកម្មទឹកដោះគោជាតិ នៅក្នុងផែនការយុទ្ធសាស្ត្រជាតិ និងបានរៀបចំផែនការមេសម្រាប់ធ្វើលទ្ធកម្មទឹកដោះគោស្រស់ ចន្លោះពីឆ្នាំ២០២៥ ដល់ឆ្នាំ២០២៩។ ប្រទេសឥណ្ឌូនេស៊ីត្រូវការនាំចូលគោយកទឹកដោះគោចំនួនមួយលានក្បាល ពីបរទេសដើម្បីសម្រេចបាននូវគោលដៅផលិតទឹកដោះគោក្នុងស្រុក។ ក្រៅពីការនាំចូលគោទឹកដោះគោ ក្រសួងកសិកម្មឥណ្ឌូណេស៊ីក៏កំពុងជំរុញការបង្កើនផលិតកម្មទឹកដោះគោ រួមទាំងគោយកទឹកដោះ តាមរយៈកម្មវិធីបង្កាត់ពូជសិប្បនិម្មិតផងដែរ។ ទន្ទឹមនឹងនេះ រដ្ឋាភិបាលឥណ្ឌូណេស៊ី ក៏បានលើកទឹកចិត្តដល់កសិករក្នុងស្រុក ត្រូវខិតខំចិញ្ចឹមសត្វគោយកទឹកដោះប្រសើរជាងការនាំចូលពីបរទេស ដើម្បីលើកកម្ពស់គុណភាពផលិតទឹកដោះក្នុងប្រទេស។ ឧស្សាហកម្មទឹកដោះគោរបស់ឥណ្ឌូនេស៊ីកំពុងមានការកើនឡើងគួរឱ្យកត់សម្គាល់ ដែលនាំឱ្យមានការកើនឡើងនៃតម្រូវការក្នុងស្រុក និងបង្កើតបានជាគំនិតផ្តួចផ្តើមជាយុទ្ធសាស្ត្ររបស់រដ្ឋាភិបាលឥណ្ឌូណេស៊ី ទោះបីជាបញ្ហាប្រឈមខ្លះៗក៏ដោយ ដូចជាការពឹងផ្អែកលើការនាំចូលទឹកដោះគោ និងផលិតកម្មក្នុងស្រុកនៅមានកម្រិតទាបក៏ដោយ។ តម្រូវការទឹកដោះគោសម្រាប់មនុស្សម្នាក់របស់ឥណ្ឌូនេស៊ីមានកម្រិតទាបនៅឡើយ បើប្រៀបធៀបនឹងបណ្តាប្រទេសនៅក្នុងតំបន់អាស៊ីអាគ្នេយ៍ផ្សេងទៀត ប៉ុន្តែត្រូវបានគេព្យាករណ៍ថា នៅពេលខាងមុខនេះនឹងមានការកើនឡើងជាបន្តបន្ទាប់ ហើយប្រទេសឥណ្ឌូណេស៊ីកំពុងខិតខំប្រឹងប្រែងពង្រឹងសមត្ថភាពផលិតកម្មក្នុងស្រុក […]

វៀងច័ន្ទន៍៖ រដ្ឋាភិបាលឡាវ បានអនុម័តលើគោលនយោបាយអាទិភាពសំខាន់ៗ និងផែនការសកម្មភាពរបស់ខ្លួន ដើម្បីដោះស្រាយបញ្ហាប្រឈមធំៗ និងជំរុញកំណើនសេដ្ឋកិច្ចឡាវ បន្ទាប់ពីមានការរីកចម្រើនដ៏រឹងមាំ នៅក្នុងឆមាសទីមួយ នៃឆ្នាំ២០២៥នេះ។ សារព័ត៌មានវៀងច័ន្ទន៍ ថែមស៍ របស់ឡាវ បានចេញផ្សាយថា កិច្ចប្រជុំគណៈរដ្ឋមន្ត្រីឡាវ ដែលមានវត្តមានអភិបាលខេត្ត និងតំណាងមកពីស្ថាប័នរដ្ឋសំខាន់ៗ ក្រោមអធិបតីនាយករដ្ឋមន្ត្រីឡាវ លោក សុនិសៃ ស៊ីផាន់ដន (Sonexay Siphandone) បានកត់សម្គាល់ថា សេដ្ឋកិច្ចឡាវបានកើនឡើងចំនួន៤,៥ ភាគរយ នៅក្នុងឆមាសទីមួយ នៃឆ្នាំ២០២៥។ កិច្ចប្រជុំពេញអង្គរបស់គណៈរដ្ឋមន្ត្រីឡាវ ក៏បានលើកឡើងថា កំណើននេះបានមកពីវិស័យសំខាន់ៗ រួមមាន សេវាកម្ម កសិកម្ម រុក្ខាប្រមាញ់ ការអភិវឌ្ឍហេដ្ឋារចនាសម្ព័ន្ធ និងការនាំចេញផលិតផលទៅកាន់ទីផ្សារក្រៅប្រទេស។ ទិន្នផលស្រូវប្រាំងរបសើឡាវ បានកើនឡើងដល់៤២៣ ៨០០តោន ឬស្មើនឹង៩៤ភាគរយនៃផែនការគ្រោងទុក សម្រាប់ឆ្នាំ២០២៥ ខណៈការនាំចេញកសិផល និងរុក្ខាប្រមាញ់ ទទួលបានប្រាក់ចំណូលជាង១,១២ពាន់លានដុល្លារ ឬស្មើនឹង៧៥ភាគរយនៃផែនការគ្រោងទុក។ ចំណែកការប្រមូលចំណូលរដ្ឋ បានកើនឡើងដល់៣៧,៧៥៨ពាន់លានគីប ឬស្មើនឹង៣,៩៧ពាន់លានដុល្លារ ត្រូវជា៥៥ភាគរយនៃផែនការឆ្នាំ២០២៥ ខណៈការចំណាយមានចំនួន២៨,២២៣ពាន់លានគីប ឬស្មើនឹង២,៩៧ពាន់លានដុល្លារ ត្រូវជា៣៩ភាគរយនៃផែនការសម្រាប់ឆ្នាំ២០២៥នេះ។ រដ្ឋាភិបាលឡាវ បានផ្តល់អាទិភាពចំពោះការចំណាយលើប្រាក់បៀវត្សរ៍ និងប្រាក់បំណាច់សម្រាប់មន្ត្រីរដ្ឋការ […]

ក្រចេះ៖ ក្រូចថ្លុងកោះទ្រង់ បន្ទាប់បានក្លាយជាម៉ាកសម្គាល់ភូមិសាស្ត្រទំនិញនៅខែមិថុនា ឆ្នាំ២០១៨រួចមក ប្រជាកសិកររស់នៅលើកោះមួយនេះ បានងាកមកផ្តោតការយកចិត្តទុកដាក់លើការថែទាំ និងដាំដុះបន្ថែម មានកាន់តែច្រើននៅក្នុងគ្រួសារ រហូតមកដល់ឆ្នាំ២០២៥ បានក្លាយជាមុខរបរស្នូលកាន់តែសំខាន់សម្រាប់កសិករ តាមរយៈការទទួលបានប្រាក់ចំណូលសមរម្យ បើប្រៀបធៀបទៅនិងមុខរបរផ្សេងទៀត នាពេលសព្វថ្ងៃនេះ។ លោក នង ស៊ីណេ ប្រជាកសិកររស់នៅលើកោះទ្រង់បានដាំក្រូចថ្លុងចំនួន៧០ដើម បានឱ្យដឹងថា បន្ទាប់ពីចាប់ផ្តើមដាំក្រូចថ្លុងចំនួន៧០ដើមនៅឆ្នាំ២០១៦ រហូតមកទល់សព្វថ្ងៃនេះ បានជួយឱ្យក្រុមគ្រួសារមានប្រាក់ចំណូលសមរម្យ។ ជាក់ស្តែងកាលឆ្នាំ២០២៤ ក្រៅពីកាត់ចំណាយផ្សេងៗហើយ លោក នង ស៊ីណេ ទទួលបានចំណូលពីការដាំក្រូចថ្លុងប្រមាណ១០លានរៀល។ លោកបានបញ្ជាក់ថា «កាលឆ្នាំ២០២៤ ខ្ញុំប្រមូលផលផ្លែក្រូចថ្លុងបានចំនួន៣ ០០០ផ្លែ បើគិតជាចំណូលបានប្រហែល២០លានរៀល ក្រោយពីកាត់ចំណាយផ្សេងៗហើយ នៅសល់ចំណូល១០លានរៀលសម្រាប់ផ្គត់ផ្គង់គ្រួសារ ហើយរំពឹងថា នៅឆ្នាំ២០២៥នេះ នឹងទទួលបានប្រាក់ចំណូលខ្ពស់ជាងឆ្នាំ២០២៤»។ បើតាមលោក នង ស៊ីណេ ចូលមកដល់ខែកក្កដា ឆ្នាំ២០២៥នេះ ក្រូចថ្លុងរបស់លោកចាប់ផ្តើមប្រមូលផលបានបណ្តើរៗ និងលក់បានថ្លៃ៦០០០រៀលក្នុងមួយផ្លែសម្រាប់ប្រភេទផ្លែលេខ១ ។ ចំណែក គ្រួសារអ្នកស្រី គិត សុខហ៊ាង  បានឱ្យដឹងថា ការប្រមូលផលផ្លែក្រូចថ្លុង ក៏ដូចជាប្រាក់ចំណូលទទួលបានពីមុខរបរដាំក្រូចថ្លុងក្នុងរយៈពេលបីឆ្នាំកន្លងមកនេះ មានការកើនឡើងសន្សឹមៗពីមួយឆ្នាំទៅមួយឆ្នាំ។ ជាក់ស្តែងកាលឆ្នាំ២០២៣ បានចំណូលពីការលក់ផ្លែក្រូចថ្លុងមួយលានរៀល, […]

ទីក្រុងម៉ុមបៃ៖ នាថ្ងៃទី១៨ ខែកក្កដា ឆ្នាំ២០២៥ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម បានចូលរួមជាអធិបតីក្នុងពិធីចុះអនុស្សរណៈយោគយល់គ្នារវាងធនាគារអភិវឌ្ឍន៍ជនបទ និងកសិកម្ម (ARDB) និងធនាគារជាតិអភិវឌ្ឍន៍ជនបទ និងកសិកម្មប្រទេសឥណ្ឌា (National Bank for Agriculture and Rural Development – NABARD) ដែលជាធនាគារអភិវឌ្ឍន៍ឥណ្ឌាផ្តោតលើការផ្តល់ហិរញ្ញប្បទានអភិវឌ្ឍន៍នៅតំបន់ជនបទ។ អនុស្សរណៈយោគយល់នេះ ធ្វើឡើងនៅទីក្រុងម៉ុមបៃ ប្រទេសឥណ្ឌា ក្នុងគោលបំណងពង្រីកកិច្ចសហប្រតិបត្តិការរវាងធនាគារអភិវឌ្ឍន៍នៃប្រទេសកម្ពុជា និងធនាគារអភិវឌ្ឍន៍នៃប្រទេសឥណ្ឌា ក្រោមទម្រង់ការបង្កើតជាថ្នាលសម្រាប់ការចែករំលែកឧត្តមានុវត្តន៍លើនវានុវត្តន៍ហិរញ្ញប្បទានកសិកម្ម ជាពិសេសការធ្វើឌីជីថលូបនីយកម្មទៅក្នុងការផ្តល់ហិរញ្ញប្បទានខ្សែច្រវាក់ផលិតកម្មកសិកម្ម និងកសិ-ឧស្សាហកម្ម។ លើសពីនេះទៅទៀត  អនុស្សរណៈយោគយល់នេះនឹងសហការលើការជំរុញសកម្មភាពនៃសមាគមគ្រឹះស្ថានហិរញ្ញវត្ថុអភិវឌ្ឍន៍តំបន់អាស៊ី និងប៉ាស៊ីហ្វិក (ADFIAP) សំដៅចូលរួមការអភិវឌ្ឍក្នុងតំបន់ប្រកបដោយចីរភាព។ ក្នុងដំណើរទស្សនកិច្ចនៅប្រទេសឥណ្ឌានេះដែរ ដោយមានការសម្របសម្រួលពីធនាគារជាតិអភិវឌ្ឍន៍កសិកម្ម និងជនបទឥណ្ឌា នាថ្ងៃទី១៩ ខែកក្កដា ឆ្នាំ២០២៥ ឯកឧត្តមបណ្ឌិត កៅ ថាច បានដឹកនាំគណៈប្រតិភូធនាគារ ARDB បំពេញទស្សនកិច្ចសិក្សានៅកសិដ្ឋាន សាយ៉ាទ្រី ដែលជាកសិដ្ឋានដ៏ធំមួយក្នុងប្រទេសឥណ្ឌា ផ្តោតលើការធ្វើសមាហរណកម្មនៃខ្សែច្រវាក់តម្លៃផលិតកម្មបន្លែ និងផ្លែឈើ ដើម្បីដកស្រង់បទពិសោធន៍ និងបច្ចេកទេសកសិកម្មផងដែរ។ […]

ម៉ានីល៖ សាកលវិទ្យាល័យអាស៊ី និងប៉ាស៊ីហ្វិក សម្រាប់ស្បៀងអាហារ និងកសិកម្មប្រទេសហ្វីលីពីន បានប្រកាសថា វិស័យកសិកម្មរបស់ខ្លួនអាចរក្សាបាននិរន្តរភាពនៃនិន្នាការល្អឡើងវិញនៅឆ្នាំ២០២៥នេះ ដោយត្រូវបានរំពឹងថា នឹងកើនឡើងចន្លោះពី១,៥ភាគរយ ទៅ២,៥ភាគរយ ដែលបង្ហាញពីដំណើរការដ៏រឹងមាំនៃការដំាដំណាំ និងឧស្សាហកម្មបសុបក្សី។ នាយិកាប្រតិបត្តិនៃសាកលវិទ្យាល័យអាស៊ី និងប៉ាស៊ីហ្វិក សម្រាប់អាហារ និងកសិកម្ម លោកស្រី ម៉ារី អាណែត ដាកុល (Marie Annette Dacul) បានមានប្រសាសន៍ថា តម្លៃបន្ថែមសរុបរបស់វិស័យកសិកម្ម និងនេសាទ អាចស្ទុះងើបឡើងវិញ បន្ទាប់ពីបានធ្លាក់ចុះចំនួន១,៥ភាគរយ កាលពីឆ្នាំ២០២៤។ លោកស្រីនាយិកាប្រតិបត្តិ បានបញ្ជាក់ដូច្នេះនៅក្នុងសន្និសិទបង្ហាញលទ្ធផលពាក់កណ្តាលឆ្នាំ របស់មជ្ឈមណ្ឌលពាណិជ្ជកម្មស្បៀងអាហារ និងកសិកម្ម ដោយលើកឡើងថា ក្តីសង្ឃឹមដែលអាចប៉ាន់ស្មានបាននៅពេលនេះ គឺកើតចេញពីការវិនិយោគលើការស្រាវជ្រាវ និងការអភិវឌ្ឍន៍ដំណាំ និងឧបករណ៍ឌីជីថលរបស់ប្រទេសហ្វីលីពីន។ លោកស្រីបានបន្ថែមថា ទោះបីជាយ៉ាងណាក៏ដោយ បញ្ហាជាប្រព័ន្ធ​មានដូចជាករណីកសិករឈានចូលដល់វ័យចំណាស់ កសិដ្ឋានចាប់ផ្តើមទ្រុឌទ្រោម និងខ្សែសង្វាក់តម្លៃមិនទាន់បានអភិវឌ្ឍនៅឡើយ គឺនៅតែជាកត្តាកំណត់ចំពោះសក្តានុពលរីកចម្រើន។ កំណើននាពេលអនាគតនឹងនៅតែពឹងផ្អែកយ៉ាងខ្លាំងលើការដោះស្រាយភាពរាំងស្ទះដោយសាររចនាសម្ព័ន្ធជាមូលដ្ឋានទាំងនេះ។ លោក​ស្រី​បាន​មានប្រសាសន៍​ថា ការដាំដំណាំ ការចិញ្ចឹមបសុបក្សី និង​អាជីវកម្ម និង​សេវាកម្ម​ផ្នែកវិស័យកសិកម្ម​ នឹង​ដើរ​តួនាទី​ជា​កត្តា​ជំរុញ​សម្រាប់​កំណើនកសិ​សេដ្ឋកិច្ច ដែលត្រូវបាន​រំពឹង​ទុក​នៅក្នុង​ឆ្នាំ២០២៥​នេះ។ យោងតាមមជ្ឈមណ្ឌលសម្រាប់អាជីវកម្មស្បៀងអាហារ និងកសិកម្ម របស់សាកលវិទ្យាល័យ​អាស៊ី […]

(ភ្នំពេញ)៖  លោក ហេង ពិសិទ្ធ ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តត្បូងឃ្មុំ បាន​​ឲ្យដឹងថា ទូកុងតឺន័រដំបូងផ្ទុកផ្លែទុរេនរបស់ប្រទេសកម្ពុជា ដែលមានទម្ងន់ជាង១៧​តោន ត្រូវបានវេចខ្ចប់តាមស្ទង់ដារនាំចេញទៅកាន់ទីផ្សារប្រទេសចិន ជាផ្លូវការហើយ នៅព្រឹកថ្ងៃទី១៧ ខែកក្កដា ឆ្នាំ២០២៥។ លោកបាន​​ឲ្យដឹងថា ការនាំចេញផ្លែទុរេនរបស់កម្ពុជាទៅលក់នៅលើទីផ្សាររបស់ប្រទេសចិន បានធ្វើឡើងដោយក្រុមហ៊ុន អេច អេហ្វ ហ្រ្វូត ឯ.ក (HF FRUIT LTD.) សហការជាមួយក្រុមហ៊ុននៅប្រទេសចិន បន្ទាប់ពីក្រុមហ៊ុនបានសម្ពោធជាផ្លូវការ កាលពីថ្ងៃទី១ ខែឧសភា ឆ្នាំ២០២៥ ស្ថិតនៅក្នុងភូមិចាន់ទូង ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ ដើម្បីវេចខ្ចប់ផ្លែទុរេន នាំចេញទៅទីផ្សាប្រទេសចិន។ លោកប្រធានមន្ទីរបានបន្ថែមទៀតថា នេះគឺជាលើកទី១ហើយ ដែលយើងទទួលបានការវិនិយោគពីក្រុមហ៊ុន អេចអេហ្វ ហ្រ្វូត ឯ.ក (HF FRUIT LTD.) ដែលបានធ្វើការវិនិយោគលើដំណាំទុរេននេះ។ ជាក់ស្តែងកាលពីមុន កសិករ ដែលដាំដុះដំណាំទុរេននេះ ពុំទាន់មានទីផ្សារទូលំទូលាយនៅឡើយ ដោយគ្រាន់តែផ្គត់ផ្គង់ទីផ្សារក្នុងស្រុក និងនាំចេញទៅកាន់ប្រទេសថៃ។ ប៉ុន្តែ ពេលនេះយើងមានទីតាំងរោងចក្រ […]

បាត់ដំបង៖ ទុរេន គឺជាដំណាំឈើហូបផ្លែ ដែលផ្លែមានតម្លៃខ្ពស់កំពុងផ្តល់ប្រាក់ចំណូលច្រើនគួរសមដល់ប្រជាកសិករ ដែលក្នុងគ្រួសារខ្លះ ក្នុងមួយរដូវប្រមូលផលផ្លែទុរេនអាចរកចំណូលបានប្រាក់ជិតមួយម៉ឺនដុល្លារ និងខ្លះទៀតអាចរកប្រាក់ចំណូលរហូតដល់ខ្ទង់ជាងមួយសែនដុល្លារ ដោយជួយគ្រួសារពួកគាត់មានជីវភាពធូរធាជាងមុន។ ក្នុងរដូវប្រមូលផលទុរេនឈានដល់ម្តងៗ ចាប់ពីខែឧសភា ដល់កក្កដា ម្ចាស់ចម្ការទុរេនចាប់ផ្តើមសប្បាយចិត្តជាមួយនឹងការបេះផ្លែទុរេន លក់ជូនអតិថិជនរបស់ខ្លួន ក្នុងតម្លៃជិត២០ ០០០រៀល និងខ្លះជាង២០ ០០០រៀលក្នុងមួយគីឡូក្រាម ធ្វើឱ្យពួកគាត់អាចរកប្រាក់ចំណូលចូលផ្ទះយ៉ាងកាក់កប។ នៅឆ្នាំ២០២៤នេះ ប្រជាពលរដ្ឋដាំទុរេនមិនថានៅខេត្តបាត់ដំបង កំពត កោះកុង កំពង់ចាម និងបណ្តាលខេត្តមួយចំនួននៅក្នុងប្រទេសកម្ពុជា បាននាំយកផ្លែទុុរេនរបស់ខ្លួនមកលក់តាមទីផ្សារ ដោយទទួលបានការគាំទ្រយ៉ាងខ្លាំងពីសំណាក់ពលរដ្ឋកម្ពុជា ដែលគេជឿជាក់ថា ពុំមានសារជាតិគីមី ដូចទុរេននាំចូលពីប្រទេសជិតខាងកម្ពុជា ដូចជាប្រទេសថៃ ឬវៀតណាមនោះឡើយ។ នៅក្នុងពិធីតាំងពីព័រណ៍ផ្លែឈើ នាទីរួមខេត្តបាត់ដំបង ដែលមានរយៈពេលប្រាំពីរថ្ងៃ ចាប់ពីថ្ងៃទី២៧ ខែមិថុនា ដល់ថ្ងៃទី៣ ខែកក្កដា ឆ្នាំ២០២៥ នៅបរិវេណទីធ្លាមុខសាលាខេត្តបាត់ដំបងនោះ លោក ប្រាក់ ឆែ ជាប្រជាពលរដ្ឋរស់នៅភូមិ​ស្រែរែក ឃុំស៊ុង ស្រុកសំឡូត ខេត្តបាត់ដំបង កំពុងអង្គុយលក់ផ្លែទុរេន នៅក្នុងពិធីពិព័រណ៍ព្រឹត្តិការណផ្លែឈើនេះ បានប្រាប់ឱ្យដឹងថា ក្នុងការដាំទុរេនចំនួនបីហិកតាកន្លះ ដែលមានដើមទុរេនសរុបចំនួន៥៤០ដើម ដែលក្នុងនេះ ដើមទុរេនចាប់ផ្តើមហុចផលមានចំនួនត្រឹមតែ៣០០ដើមប៉ុណ្ណោះ។ ក្នុងឆ្នាំ២០២៤កន្លងមកនេះ […]

ហាណូយ៖ យោងតាមអនុរដ្ឋមន្ត្រីក្រសួងកសិកម្ម និងបរិស្ថានរបស់វៀតណាម​ បានឱ្យដឹងថា វិស័យកសិកម្មវៀតណាម បានរក្សាគន្លងអភិវឌ្ឍន៍វិជ្ជមានក្នុងឆមាសទីមួយនៃឆ្នាំ២០២៥ ទោះបីជាបរិបទសកល និងក្នុងស្រុកមានភាពស្មុគស្មាញក៏ដោយ ព្រោះក្រសួងបានអនុវត្តយ៉ាងសកម្មនូវដំណោះស្រាយ ដែលអាចបត់បែនបាន និងឆាប់រហ័ស ដើម្បីដោះស្រាយបញ្ហាប្រឈម ជំរុញផលិតកម្ម ស្ថិរភាពទីផ្សារ និងជំរុញការនាំចេញ។ គោលដៅវិស័យកសិកម្មរបស់វៀតណាម គឺដើម្បីសម្រេចបាននូវអត្រាកំណើនបួនភាគរយនៅឆ្នាំ២០២៥ ជាមួយនឹងចំណូលពីការនាំចេញប្រមាណ៦៤ ទៅ៦៥ពាន់លានដុល្លារ។ ចំណែកការនាំចេញសរុបសម្រាប់ឆមាសទីមួយនៃឆ្នាំ២០២៥នេះ មានចំនួន៣៣,៨៤ពាន់លានដុល្លារ គឺកើនឡើងចំនួន១៥,៥ភាគរយ​ បើធៀបនឹងឆ្នាំ២០២៤។ គួរកត់សម្គាល់ថា ទំហំពាណិជ្ជកម្មវៀតណាម បានកើនដល់ទំហំទឹកប្រាក់ចំនួន៩,៨៣ពាន់លានដុល្លារ គឺកើនឡើងចំនួន១៦,៥ភាគរយ ដែលឆ្លុះបញ្ចាំងពីការកើនឡើងនៃការប្រកួតប្រជែងរបស់វៀតណាមក្នុងទីផ្សារកសិកម្មអន្តរជាតិ។ លោកអនុរដ្ឋមន្ត្រីបានបញ្ជាក់ថា រដ្ឋាភិបាលវៀតណាម​បានដាក់គោលដៅនាំចេញរបស់ខ្លួន ឱ្យកើនដល់ទំហំទឹកប្រាក់៧០ពាន់លានដុល្លារ ក្នុងឆ្នាំ២០២៥។ ត្រឹមឆមាសទីមួយនៃឆ្នាំ២០២៤ បង្ហាញឱ្យឃើញថា ផលិតកម្មស្រូវមានស្ថិរភាព និងមានផលិតសរុបចំនួន២២,៧លានតោន ដោយថយចុះពីចំនួន៤៣,៥លានតោន។ ចំណែកការនាំចេញអង្កររបស់វៀតណាមបានកើនដល់ ៩,១៨លានតោន។ អនុរដ្ឋមន្ត្រីរូបនេះ បានសង្កត់ធ្ងន់លើការផ្លាស់ប្តូរយ៉ាងសំខាន់ក្នុងរចនាសម្ព័ន្ធនៃទីផ្សារនាំចេញ ដែលកាលពីឆ្នាំ២០២៤ សហរដ្ឋអាម៉េរិក និងប្រទេសចិន ចំណែកទីផ្សារនាំចេញស្ទើរតែស្មើគ្នា ដោយអាម៉េរិកមានចំនួន២១,៨ភាគរយ និងចិន​មានចំនួន២១,៦ភាករយ។ ទោះបីជាយ៉ាងណាក៏ដោយ ទីផ្សារអាម៉េរិកបានកើនដល់៧,១៤ពាន់លានដុល្លារ ឬស្មើនឹង២១,១ ក្នុងរយៈពេលប្រាំមួយដំបូងនៃឆ្នាំ២០២៥នេះ ខណៈពេលទីផ្សាររបស់ប្រទេសចិន បានធ្លាក់ចុះមកត្រឹម៥​​,៩៤ពាន់លានដុល្លារ ឬស្មើនឹង១៧,៦ភាគរយ។ ការនាំចេញទៅកាន់ប្រទេសជប៉ុនបានកើនឡើងចំនួន៧,២ភាគរយ […]

វ៉ាស៊ីនតោន៖ ទីភ្នាក់ងារព័ត៌មានបរទេស បានរាយការណ៍ពីទីក្រុងវ៉ាស៊ីនតោន សហរដ្ឋអាម៉េរិកថា នៅថ្ងៃទី១៥ ខែកក្កដា ឆ្នាំ២០២៥នេះថា ក្រសួងពាណិជ្ជកម្មអាម៉េរិក បានចេញសេចក្តីប្រកាសស្តីពីការអនុវត្តពន្ធប្រឆាំងការលក់បង្ខូចថ្លៃលើទំនិញផ្លែប៉េងប៉ោះស្រស់ នាំចូលពីប្រទេសម៉ិកស៊ិក ក្នុងអត្រា១៧,០៩ភាគរយ ដោយមានប្រសិទ្ធភាពអនុវត្តភ្លាមៗ ដែលជាវិធានការមួយស្របទៅនឹងគោលនយោបាយពាណិជ្ជកម្ម និងគោលការណ៍ណែនាំរបស់លោកប្រធានាធិបតី ដូណាល់ ត្រាំ។ បច្ចុប្បន្នប្រទេសម៉ិកស៊ិក គឺជាអ្នកនាំចេញប៉េងប៉ោះដ៏ធំបំផុតទៅកាន់សហរដ្ឋអាម៉េរិក ហើយក្រសួងពាណិជ្ជកម្មអាម៉េរិក បាននិយាយថា ការដាក់ពន្ធប្រឆាំងនឹងការលក់បង្ខូចថ្លៃត្រូវបានគណនាដើម្បីវាស់ស្ទង់ភាគរយនៃផ្លែប៉េងប៉ោះម៉ិកស៊ិក ដែលលក់នៅលើទីផ្សារអាម៉េរិក ក្នុងតម្លៃមិនយុត្តិធម៌។ កាលពីក្នុងខែមេសា ឆ្នាំ២០២៥ រដ្ឋបាលរបស់លោក ដូណាល់ ត្រាំ បានលុបចោលកិច្ចព្រមព្រៀងជាមួយប្រទេសម៉ិកស៊ិក ស្តីពីការលើកលែងពន្ធលើការនាំចូលផ្លែប៉េងប៉ោះ ដែលមានតាំងតែពីឆ្នាំ២០១៩មកនោះវិញ។ ទោះបីជាយ៉ាងណាក៏ដោយ រដ្ឋបាលរបស់លោក ដូណាល់ ត្រាំ ពេលដំបូងគ្រោងដំឡើងអត្រាពន្ធលើប្រទេសម៉ិកស៊ិកក្នុងកម្រិត២០,១៩ភាគរយ ដូច្នេះអត្រាថ្មី ដែលយកពន្ធបដិការនាំចូលផ្លែប៉េងប៉ោះ ត្រឹម១៧,០៩ភាគរយ ទើបតែប្រកាសនេះ គឺជាការកាត់បន្ថយ។ សហរដ្ឋអាម៉េរិកទើបតែបានជូនដំណឹងដល់ប្រទេសម៉ិកស៊ិកថា ខ្លួននឹងដំឡើងពន្ធបដិការលើផលិតផលនាំចូលពីប្រទេសម៉ិកស៊ិកទាំងអស់ ដល់៣០ភាគរយ ដោយគិតចាប់ពីថ្ងៃទី១ ខែសីហា ឆ្នាំ២០២៥នេះតទៅ ប្រសិនបើប្រទេសទាំងពីរមិនអាចចុះកិច្ចព្រមព្រៀងថ្មីណាមួយនោះទេ។ គួរបញ្ជាក់ថា លោកប្រធានាធិបតី ដូណាល់ ត្រាំ បានផ្ញើលិខិតទៅកាន់ដៃគូពាណិជ្ជកម្មក្នុងសប្តាហ៍កន្លងមក ដើម្បីជូនដំណឹងដល់ពួកគេអំពី អត្រាពន្ធដែលសហរដ្ឋអាម៉េរិកគ្រោងនឹងកំណត់។ចំពោះប្រទេសដែលបរាជ័យក្នុងការឈានដល់កិច្ចព្រមព្រៀងពាណិជ្ជកម្មជាមួយ […]