ជាតិ

តាកែវ៖ កសិដ្ឋានហង់ ហ៊ាង បង្កាត់ពូជត្រីនៅភូមិចក ឃុំរកាក្នុង ក្រុងដូនកែវខេត្តតាកែវ បានដាក់ផែនការបង្កាត់ពូជត្រីប្រាសម្រាប់ផ្គត់ផ្គង់ទៅលើទីផ្សារក្នុងតំបន់និងក្រៅតំបន់ឱ្យកើនដល់ប្រមាណ២៥០លានកូនត្រីនៅក្នុងមួយឆ្នាំៗនាពេលអនាគត។ អ្នកស្រី ខ្លូត ស្រីនាង ម្ចាស់កសិដ្ឋាន ហង់ ហ៊ាង បានឱ្យដឹងថា នៅក្នុងផែនការអាជីវកម្ម យើងបានដាក់គោលដៅបង្កាត់ពូជត្រីប្រាលក់ចេញ សម្រាប់កូនម្សៅឬកូនទើបតែភ្ញាស់ ឱ្យបាន១០០ទៅ២០០លានកូនត្រីនៅក្នុងមួយឆ្នាំ និងកូនត្រីប្រាពូជដែលបានផ្សាំទុក គ្រោងផលិតឱ្យបាន៥០លានកូន ធ្វើជាគោលដៅដើរឆ្ពោះទៅរកការផ្គត់ផ្គង់ជាប្រចាំឆ្នាំនាពេលអនាគត។ អ្នកស្រី ខ្លូត ស្រីនាង ទទួលស្គាល់ថា “ការដាក់ផែនឬគោលដៅ ការផលិតកូនត្រីប្រាពូជប្រចាំឆ្នាំនេះមានកម្រិតខ្ពស់ គឺដើម្បីជំរុញឱ្យខ្លួនឯងឱ្យមានការខិតខំ ទោះបីក្នុងពេលបច្ចុប្បន្ននេះដើរមិនទាន់ដល់ចំណុចដែលបានកំណត់ទុកក៏ដោយ ប៉ុន្តែនៅឆ្នាំបន្តបន្ទាប់ខាងមុខទៀត សង្ឃឹមថានឹងដើរដល់គោលដៅដែលបានគ្រោងទុក”។ អ្នកស្រី បន្តថាការផលិតកូនត្រីប្រាពូជ ជាក់ស្តែងក្នុងរយៈពេល២ឆ្នាំចុងក្រោយនេះ សម្រាប់ការផ្គត់ផ្គង់កូនត្រីប្រាពូជបានចំនួន ៣លានទៅ៤លានកូនត្រី តែទោះជាយ៉ាងណាកសិដ្ឋាននឹងបង្កើនការផលិតឱ្យកើនឡើងបន្ថែមទៀតពីមួយឆ្នាំទៅមួយឆ្នាំ។ ចំណែកកូនម្ស៉ៅ ការផ្គត់ផ្គង់មានអត្រាកើនឡើងដល់៥០លានកូនត្រី ដោយសារឆ្នាំនេះមានការកំម្ម៉ង់ច្រើនពីប្រជាកសិករក្នុងស្រុក។ អ្នកស្រីបន្តថា ការដាក់គោលដៅផលិតកូនត្រីប្រាប្រចាំឆ្នាំនេះធ្វើឡើងសម្រាប់ឆ្លើយតបទាំងនៅក្នុងផែនការអាជីវកម្ម និងការកំម្ម៉ង់របស់កសិករ ព្រោះតម្រូវការទីផ្សារកូនត្រីប្រានេះខ្ពស់ ហើយនៅពេលខ្លះការផ្គត់ផ្គង់មិនគ្រប់ទៅនិងតម្រូវការទីផ្សារ ។តែទោះជាបែបនេះក្តី ក្នុងនាមជាអ្នកផលិត នឹងព្យាយាមបង្កាត់ពូជត្រី និងពង្រីកសាខា ផ្សាំកូនត្រីឱ្យបានច្រើនថែមទៀត។ បើតាមម្ចាស់កសិដ្ឋានបង្កាត់ពូជត្រីខាងលើ, ការបង្កាត់ពូជត្រីប្រាគឺមានការពិបាកនិងចំណាយពេលវេលាយូរជាងការបង្កាត់ពូជត្រីផ្សេងៗ ហើយនៅពេលផលិតបានហើយបើពុំមានការថែទាំឱ្យបានល្អនោះទេ នៅពេលណាមួយប្រឈមមុខនឹងការខាតបង់ទៅវិញ៕

ភ្នំពេញ៖ សម្តេចធិបតី ហ៊ុន ម៉ាណែត នាយករដ្ឋមន្ដ្រីកម្ពុជាកាលពីថ្ងៃទី២៣ ខែមិថុនា ឆ្នាំ២០២៥នេះបានងាកមកជំរុញឲ្យមានការប្រើប្រាស់ និងគាំទ្រផលិតផលក្នុងស្រុកជំនួសវិញ ក្នុងនោះ​​​ណែនាំឲ្យ​​ក្រសួងពាណិជ្ជកម្មគ្រប់គ្រងតម្លៃទំនិញលើទីផ្សារបញ្ចៀសការលួចតម្លើងថ្លៃ ពោលកម្ពុជាមានម្ចាស់ការឯករាជ្យមិនពឹងដង្ហើមប្រទេសជិតខាងឡើយ។ ក្នុងឱកាសអញ្ជើញជាអធិបតី​បិទកិច្ចប្រជុំគណៈកម្មាធិការកណ្តាលសហភាពសហព័ន្ធយុវជនកម្ពុជាពីខេត្តសៀមរាប សម្ដេចមហាបវរធិបតី ហ៊ុន ម៉ាណែត ក៏បានណែនាំដល់ក្រសួងពាណិជ្ជកម្ម ដែលជាសេនាធិការផ្ទាល់ជូនរាជរដ្ឋាភិបាល លើការត្រួតពិនិត្យមុខទំនិញ និងការចែកចាយនៅតាមទីផ្សារ ត្រូវយកចិត្តទុកដាក់គ្រប់គ្រងតម្លៃលក់ដូរទំនិញលើទីផ្សារ សំដៅបញ្ចៀសការឆ្លៀតឱកាសលួចតម្លើងថ្លៃមុខទំនិញមួយចំនួន ក្នុងអំឡុងពេលនេះផងដែរ។ សម្ដេចមហាបវរធិបតី ហ៊ុន ម៉ាណែត បានមានប្រសាសន៍យ៉ាងដូច្នេះថា ក្នុងពេលនេះ ខ្ញុំសូមឲ្យក្រសួងពាណិជ្ជកម្ម ត្រូវពិនិត្យមើលការគ្រប់គ្រងតម្លៃ ការគ្រប់គ្រងផ្សេងៗ កុំឲ្យមានកត្តាឆ្លៀតឱកាស (តម្លើងថ្លៃទំនិញ)។ ក្រសួងពាណិជ្ជកម្មត្រូវតាមដានឲ្យជាប់ ទាំងគុណភាព និងតម្លៃផ្សេងៗ។ ជាមួយគ្នានេះ សម្ដេចមហាបវរធិបតី ប្រមុខនៃរាជរដ្ឋាភិបាលកម្ពុជា ក៏បានអំពាវនាវដល់ប្រជាពលរដ្ឋដែលជាអ្នកលក់ដូរបន្លែ និងផ្លែឈើ កុំឆ្លៀតឱកាសតម្លើងថ្លៃទំនិញ ដោយយកចំណេញហួសប្រមាណ ដែលនាំឲ្យមានការលំបាកដល់ប្រជាពលរដ្ឋអ្នកប្រើប្រាស់ក្នុងស្រុកខ្លួនឯង ពោលត្រូវរួមគ្នា សាមគ្គីគ្នា ក្នុងអំឡុងពេលនេះ។ ប៉ុន្ដែសម្ដេចធិបតីនាយករដ្ឋមន្រ្តីនៅមាន​​ជឿជាក់ថា អាជីវករខ្មែរមិនតម្លើងថ្លៃទំនិញនៅពេលនេះឡើយសម្រាប់ វិធានការមួយចំនួនត្រូវបានរាជរដ្ឋាភិបាលកម្ពុជាដាក់ចេញបន្ដបន្ទាប់ដើម្បីឆ្លើយតបចំពោះការប្រមាថ និងគំរាមកំហែងពីក្រុមយោធាថៃ ក្នុងនោះមុខទំនិញមួយចំនួនដូចជា បន្លែ ផ្លែឈើ ភេសជ្ជៈគ្រប់ប្រភេទ ប្រេងសាំង និងឧស្ម័នគ្រប់ប្រភេទ […]

ភ្នំពេញ៖ ប្រជាកសិករមកខេត្តបាត់ដំបងជាង៣០នាក់ កាលពីសប្តាហ៍មុន បានធ្វើទស្សនកិច្ចសិក្សាស្វែងយល់ពីបច្ចេកទេសដាំដំណាំ និងអត្ថប្រយោជន៍ដាំដុះដំណាំវិលជុំ​ស្របតាមស្តង់ដាអនុវត្តកសិកម្មល្អ នៅក្នុងកសិដ្ឋានដ៏លេចធ្លោមួយកន្លែង ស្ថិតនៅក្នុងស្រុកពញាឮ ខេត្តកណ្តាល។ យោងតាមផេកហ្វេសប៊ុកផ្លូវការរបស់កសិដ្ឋានប្រសិទ្ធ បានឱ្យដឹងថា សិក្ខាកាមទាំងអស់មានចំនួន៣១នាក់ បានអញ្ជេញមកធ្វើទស្សនកិច្ចសិក្សាក្រោមការសម្របសម្រួល និងដឹកនាំដោយអង្គការមនុស្សចាស់កម្ពុជា ខេត្តបាត់ដំបង។ ក្រោយពីបានដើរមើលបច្ចេកទេសដាំនៅក្នុងផ្ទះសំណាញ់រួច ប្រជាកសិករទាំងនេះបានសម្តែងការស្ងើចសរសើរចំពោះបច្ចេទេសសម្រាប់ដំណើរការដាំដុះនៅក្នុងផ្ទះសំណាញ់របស់កសិដ្ឋាន ដើម្បីទទួលបានផលិតផលបន្លែមានគុណភាពល្អ និងមានសុវត្ថិភាពសម្រាប់ទទួលទាន។ នៅក្នុងដំណើរទស្សនកិច្ចនេះ លោកស្រី កៅ លីនដា ប្រធានកសិដ្ឋានប្រសិទ្ធ បានមានប្រសាសន៍ចែករំលែកបទពិសោធ​ និងចំណេះដឹងក្នុងការដាំដំណាំបន្លែវិលជុំក្នុងផ្ទះសំណាញ់របស់លោកស្រី ដើម្បីពួកគាត់យកទៅអនវុត្តពេលវិលត្រឡប់ទៅកាន់លំនៅឋានវិញ។ កសិដ្ឋានប្រសិទ្ធ គឺជាថ្នាលដាំបន្លែវិលជុំគ្រប់មុខសម្រាប់ផ្តល់ជូនអតិថិជន និងទីផ្សារដៃគូនានា ដោយប្រមូលផលផ្ទាល់ពីកសិដ្ឋាន ដែលដាំដុះក្នុងបរិស្ថានស្អាតស្របតាមស្តង់ដាអនុវត្តកសិកម្មល្អ (Good Agricultural Practices-GAP)  របស់ក្រសួងកសិកម្ម រុក្ខាប្រមាញ់ និងនេសាទនៃព្រះរាជាណាចក្រកម្ពុជា។ កសិដ្ឋាននេះមានទីតាំងស្ថិតនៅស្របផ្លូវជាតិលេខ៥១ ភូមិតាគោក ឃុំឃ្លាំង ស្រុកពញាឮ​ ខេត្តកណ្តាល៕

ភ្នំពេញ៖ ក្រុមហ៊ុន វីរៈប៊ុនថាំ អេចប្រេស របស់ អ្នកឧកញ៉ា សួរ វីរៈ បានបញ្ជូនរថយន្តក្រុមហ៊ុន វីរៈ ប៊ុនថាំ ជាច្រើនគ្រឿងទៅជួយដឹកផ្លែល្ពៅ ចំនួន ២០តោន របស់ប្រជាកសិករនៅខេត្តព្រះវិហារ ដែលកំពុងមានបញ្ហាកង្វះទីផ្សារ ដើម្បីយកមកលក់នៅរាជធានីភ្នំពេញ។ កាលពីពេលថ្មីៗនេះ បងប្អូនប្រជាកសិករនៅខេត្តព្រះវិហារ បាននិងកំពុងជួបបញ្ហាទីផ្សារក្នុងការលក់ផ្លែល្ពៅ ដែលជាកសិផលខ្មែរសំខាន់មួយផងដែរ។ ពាក់ព័ន្ធនឹងបញ្ហានេះ ក្រសួងកសិកម្ម រុក្ខាប្រមាញ់ និងនេសាទ និងក្រសួងពាណិជ្ជកម្ម ក្នុងនាមជាសេនាធិការរបស់រាជរដ្ឋាភិបាល ក៏បានអំពាវនាវឱ្យភាគីពាក់ព័ន្ធមេត្តារួមគ្នាជួយតាមលទ្ធភាពដល់ប្រជាកសិករ។ អ្នកឧកញ៉ា សួរ វីរៈ បានលើកឡើងលើទំព័រហ្វេសប៊ុក កាលពីថ្ងៃទី២១ ខែមិថុនា បែបនេះថា “តបតាមការស្នើរសុំរបស់ក្រសួងពាណិជ្ជកម្ម លោកបាទបានបញ្ជូនរថយន្តដឹកទំនិញ ដើម្បីជួយដល់កសិករនៅខេត្តព្រះវិហារ ដែលកំពុងជួបបញ្ហាទីផ្សារលក់ផ្លែល្ពៅចំនួន ២០តោន ទៅកាន់រាជធានីភ្នំពេញ និង ចំនួនជាច្រើនតោនបន្ថែមទៀត ក្នុងពេលឆាប់ៗនេះ។ បើប្អូនត្រូវការទិញអាចទាក់ទងបានដឹកជញ្ជូន ១២៥០ទីតាំងរបស់សាខាវីរ:ប៊ុនថាំ។ ខ្មែរជួយខ្មែរ ខ្មែរគាំទ្រផលិតផលខ្មែរ”។ ក្រោមកិច្ចសហការជាមួយក្រសួងពាណិជ្ជកម្ម ក្នុងការគាំទ្រប្រជាកសិករក្នុងខេត្តព្រះវិហារ បណ្តាផ្សារទំនើបធំៗមួយចំនួននៅកម្ពុជា ក៏បាននាំយកផ្លែល្ពៅមកដាក់លក់ក្នុងតម្លៃសមរម្យដល់បងប្អូនប្រជាពលរដ្ឋនៅរាជធានីភ្នំពេញជាពិសេសនៅផ្សារទំនើបអ៊ីអនម៉ល និងផ្សារជីពម៉ុង ក៏ដូចជាផ្សារទំនើបផ្សេងៗទៀត​៕

ភ្នំពេញ៖ កសិករដាំបន្លែ និងជាប្រធានសហគមន៍កសិកម្មទំនប “បន្លែផ្ទះសំណាញ់ត្រាំកក់”បានសម្តែងការគាំទ្រ និងពេញជាខ្លាំងចំពោះរាជរដ្ឋាភិបាលកម្ពុជា ដែលបង្កើតឱ្យមានសហគមន៍កសិកម្មទំនើបឡើង ហើយតាមរយៈវត្តមានសហគមន៍ថ្មីនេះ បានជួយឱ្យកសិករមានការផ្តាស់ប្តូរឥរិយាបទលើមុខរបរដាំបន្លែរបស់ខ្លួន ពីការដាំបន្លែតាមគ្នា ងាកមកដាំតាមផែនការ ឬដាំបន្លែឆ្លាស់គ្នាចៀសវាងជួបបញ្ហាទីផ្សារ។  លោក អ៊ុន អឿន ប្រធានសហគមន៍កសិកម្មទំនើប លើកឡើងបែបនេះនៅក្នុងឱកាសអញ្ចើញចូលរួមជាវាគ្មិនក្នុងកម្មវិធីបទសម្ភាសពិសេសរបស់ទូរទស្សន៍អនឡាញ ARDB កាលពីពេលថ្មីៗកន្លងមកនេះ។ លោកបានឱ្យដឹងថា ក្នុងនាមជាប្រធានសហគមន៍ ដែលធ្វើការផ្ទាល់ជាមួយគម្រោងដៃគូ ក៏ដូចជារាជរដ្ឋាភិបាល តាមរយៈក្រសួងកសិកម្ម រុក្ខាប្រមាញ់ និងនេសាទ ដែលបានរៀបចំបង្កើតឱ្យមានសហគមន៍កសិកម្មទំនើប បន្លែផ្ទះសំណាញ់ត្រាំកក់នេះ បង្ហាញឱ្យឃើញថា រាជរដ្ឋាភិបាលបានយកចិត្តទុកដាក់មកលើកសិករ។ លោកប្រធានសហគមន៍បានបន្តថា បន្ទាប់ពីសហគមន៍កសិកម្មកសិកម្មទំនើប បន្លែផ្ទះសំណាញ់បានដំណើរការជាផ្លូវការ យើងមើលឃើញថា មានភាពប្រសើរឡើង ដោយកសិករដាំបន្លែមិនមានផែនការច្បាស់លាស់ ដាំបន្លែតែមួយមុខដូចគ្នាជាហេតុធ្វើឱ្យមានបញ្ហាទីផ្សារកើតឡើងនៅពេលប្រមូលផល។ ប៉ុន្តែក្រោយពីមានសហគមន៍ថ្មីនេះកើតឡើង យើងសង្កេតឃើញថា ប្រជាកសិករប្រកបរបរដាំបន្លែមានការផ្លាស់ប្តូរឥរិយាបទរបស់ខ្លួន និងទទួលយកបច្ចេកទេសថ្មីៗដូចជាការដាំដំណាំឆ្លាស់, ដាំដំណាំឱ្យបានច្រើនមុខ មិនដាំតែមួយមុខៗនាំឱ្យកកស្ទះលើទីផ្សារដូចមុនទៀតឡើយ។ លោកបានបន្តថា “រាជរដ្ឋាភិបាលបង្កើតឱ្យមានសហគមន៍កសិកម្មទំនើបនេះឡើង  ខ្ញុំអបអរសាទរ និងសូមគាំទ្រទាំងស្រុងនូវលទ្ធផល ដែលរាជរដ្ឋាភិបាលសម្រេចកន្លងមក។ ការបង្កើតឱ្យមានសហគមន៍កសិកម្មទំនើប ខ្ញុំគិតថា ជាការផ្តល់លទ្ធភាពដល់សហគមន៍ទទួលបានប្រភពទុនជួយឱ្យកសិករងើបឈរឡើងដើម្បីបង្កបង្កើនផល សម្រាប់អភិវឌ្ឍន៍គ្រួសារនិងសហគមន៍ផងដែរ”។ លោកលើកឡើងថា តាមរយៈសហគមន៍កសិកម្មទំនើបថ្មីនេះ សង្ឃឹមថា ប្រជាកសិករនឹងរួមគ្នា […]

សេអ៊ូល៖​ ទោះបីជារដ្ឋាភិបាលកូរ៉េខាងត្បូង បានចំណាយលុយដើម្បីទិញអតិរេកស្រូវ ដែលកសិករផលិតបានលើសពីតម្រូវការលើទីផ្សារក៏ដោយ រដ្ឋាភិបាលកូរ៉េខាងត្បូងឥឡូវនេះកំពុងតែប្រឈមមុខនឹងការរិះគន់កាន់តែខ្លាំងឡើង នៅពេលតម្លៃស្រូវឡើងជាបន្តបន្ទាប់។ រដ្ឋាភិបាលបានព្យាយាមរក្សាស្ថិរភាពតម្លៃស្រូវនេះ ដើម្បីទប់ទល់នឹងការធ្លាក់ថ្លៃ ដែលបណ្តាលមកពីការជន់ជោរស្រូវនៅលើទីផ្សារ រដ្ឋាភិបាលបានប្រមូលទិញស្រូវមកស្តុកទុក ប៉ុន្តែការទិញរបស់រដ្ឋាភិបាលក្នុងទ្រង់ទ្រាយធំចាប់តាំងពីពេលនោះមក បាននាំឱ្យមានង្វះខាតស្រូវនៅលើទីផ្សារទៅវិញ ដែលជំរុញឱ្យតម្លៃកើនឡើង។ ខណៈពេលការអន្តរាគមន៍របស់រដ្ឋាភិបាល ដើម្បីជួយរក្សាស្ថិរភាពតម្លៃស្រូវក្នុងរដូវប្រមូលផល បរិមាណទិន្នផលស្រូវលើសពីតម្រូវការ ត្រូវបានរដ្ឋាភិបាលទិញមកស្តុកទុក ដែលផែនការនេះបណ្តាលឱ្យមានការខ្វះស្រូវនៅក្នុងបណ្តាញចែកចាយរបស់ឯកជន។ យោងតាមវិទ្យាស្ថានសេដ្ឋកិច្ចជនបទកូរ៉េ បានឱ្យដឹងថា ស្តុកស្រូវរបស់វិស័យឯកជនមានចំនួន៧១២​ ០០០តោន នៅចុងខែមេសា ឆ្នាំ២០២៥ ដោយធ្លាក់ចុះចំនួន២៣០ ០០០តោន ឬស្មើនិង២៣ភាគរយ បើធៀបនឹងឆ្នាំមុន និងមានចំនួនប្រាំបីភាគរយទាបជាងប្រវត្តិមធ្យមភាគកន្លងមក។ ក្រុមហ៊ុន​កិនស្រូវ​ឯកជន​មួយចំនួន​បាន​ដក​ស្តុក​ទុក​ហើយ ហើយ​ឥឡូវនេះ​កំពុង​ទិញ​ស្រូវ​មកវិញ​ពី​រោងម៉ាស៊ីនកិន​ស្រូវ​​ធំៗ ដែល​ដំណើរការ​ដោយ​សហព័ន្ធ​សហគមន៍​កសិកម្ម​ជាតិ​។ នៅពេលដែលតម្រូវការប្រមូលផ្តុំជុំវិញរោងម៉ាស៊ីនកិន​ស្រូវ​​ធំៗទាំងនេះ តម្លៃស្រូវកំពុងឡើងបន្តទៀត ផ្តល់ចំណេញដល់ឈ្នួញប្រមូលទិញស្តុកទុក ប៉ុន្តែកសិករមិនបានចំណេញពី អគ្គលេខាធិការសហព័ន្ធកសិករដាំស្រូវកូរ៉េ បានកត់សម្គាល់ថា “កសិករបានលក់ស្រូវទើបប្រមូលផលរួចហើយនៅចន្លោះខែតុលា ដល់ខែធ្នូ ដូច្នេះពួកគេមិនទទួលបានផលចំណេញពីការកើនឡើងថ្លៃនាពេលថ្មីៗនេះទេ។ អ្នកបានចំណេញ គឺអ្នកទិញស្រុវស្តុកទុកដូចជា​រោងម៉ាស៊ីនកិន​ស្រូវ​​ធំៗជាដើម។ ទោះបីជាមានការបញ្ចេញស្តុកស្រូវរបស់រដ្ឋាភិបាល ដើម្បីជួយបន្ធូរបន្ថយសម្ពាធកើនឡើងលើតម្លៃក៏ដោយ រដ្ឋបាលនៅតែប្រុងប្រយ័ត្ន។  រាល់សកម្មភាពបែបនេះ ប្រថុយប្រថាននឹងប្រតិកម្មពីអ្នកលក់រាយ ដែលខ្លាចការធ្លាក់ថ្លៃ និងកសិករ ដែលសង្ឃឹមថា នឹងឡើងថ្លៃក្នុងរដូវប្រមូលផលនាពេលខាងមុខ។ កាលពីខែកញ្ញា ឆ្នាំ២០២៤ មុនការប្រមូលផលចាប់ផ្តើម […]

ភ្នំពេញ​៖ ក្រោយពីមានភ្លៀងធ្លាក់​ជាបន្តបន្ទាប់នៅដើមខែមិថុនា​រហូតដល់ពេលសព្វថ្ងៃ។ ​នៅតំបន់តាមបណ្តាខេត្តមួយចំនួន​ ​កសិករ ,វារីវប្បករ​ បាននិងកំពុងចាប់ផ្តើម​ចិញ្ចឹម​ត្រីរបស់ខ្លួន​ជាប​ណ្តើរៗហើយនៅក្នុង​គ្រាដែលដំបូងៗនេះដែរគេសង្កេតឃើញ​តម្រូវការកូនត្រី​ពូជមានសន្ទុះកើនឡើង​ខ្ពស់​ ពិសេស​កូនត្រីប្រាពូជ​។​ ​អ្នកស្រី ខ្លូត ស្រីនាង ម្ចាស់កសិដ្ឋាន​ ហង់ ហ៊ាង បង្កាត់ពូជនៅ​ភូមិចក សង្កាត់រកាក្នុង ​ក្រុងដូនកែវ ខេត្តតាកែវ​ បានឱ្យដឹង​ថា ចាប់ពីខែមករារហូតដល់ខែឧសភា​កន្លងមកនេះ​មានកសិករខ្លះបានដាក់កូនត្រីចិញ្ចឹមត្រីរបស់ខ្លួន​រួចហើយ តែ​​​កសិករមួយចំនួនផ្សេងទៀត​ទាន់​មិនទាន់បានធ្វើការចាប់ផ្តើម​នោះទេ ដោយសារ​មិនមានទឹកគ្រប់គ្រាន់​ ។ ​ដូចនេះការផ្គត់ផ្គង់កូនត្រីពូជ​ដល់កសិករនៅមានចំនួន​តិចតួច​​។ ប៉ុន្តែចូលដល់ខែមិថុនា​មកនេះ បន្ទាប់ពីមានទឹកភ្លៀង​ធ្លាក់ជាបន្តបន្ទាប់​ឃើញថាកសិករ​មានការកំម៉្មង់កូនត្រីពូជ​​មានសន្ទុះកើនឡើងច្រើន​ ​​ដោយពេលខ្លះ​ការផ្គត់ផ្គង់កូនត្រីពូជ​ស៊ឹងតែមិនទាន់​ ព្រោះតម្រូវការមានច្រើនពេក​។​ ​អ្នកស្រីបន្តទៀតថា បច្ចុប្បន្ន​កសិដ្ឋានមាន​កូនត្រីពូជបានមានច្រើនប្រភេទ ដូចជាកូនត្រីអណ្តែង, កូនត្រីឆ្ពិន,​ កូនត្រីទីឡាព្យា,​ កូនត្រីក្រាញ់យក្ស និងកូនត្រីប្រា ហើយនៅក្នុងចំណោមកូនត្រីពូជទាំងនេះ​ សម្រាប់កូនត្រីប្រាមានតម្រូវការច្រើនជាងគេ។  ជាក់ស្តែង​គិតមកទល់ខែមិថុនា​ឆ្នាំ​២០២៥នេះ កសិករ​មានតម្រូវការ​កូនត្រីប្រាពូជ​ជាង​១លានកូននិងប្រភេទកូនម្សៅ​ឬ កូនត្រីទើបភ្ញាស់​បាន​​​​​ប្រហាក់ប្រហែល​១លានកូនត្រីផងដែរ​។ ​ ​បើតាម​អ្នកស្រី ខ្លូត ស្រីនាង តម្លៃកូនត្រីប្រាពូជតម្លៃរបស់វា​ផ្អែកទៅលើទំហំឬខ្នាត​របស់កូនត្រី​។ ​កូនត្រីប្រាមាន​ទំហំ​៧លីថ្លៃ​៧០រៀល ​, ទំហំ៨លីថ្លៃ​៨០រៀល និងទំហំ​១០លីថ្លៃ​ ១០០រៀល​នៅក្នុងកូនត្រីមួយក្បាល​។ អ្នកស្រីលើកឡើងថា “ការចិញ្ចឹម​ត្រី​ជាមុខរបរ​សំខាន់​សម្រាប់​កសិករ។​​​ ​ចំពោះខាងកសិដ្ឋាន​ខ្ញុំវិញ ដែលជាអ្នកផលិត​ក្រៅពីផលិតបានគ្រប់គ្រាន់ឆ្លើយតបទៅនិងទីផ្សារ​  យើងអាចចូលរួមកាត់បន្ថយការនាំចូល​កូនត្រីពូជ​មកពីខាងក្រៅបានផងដែរ”​​។ ​ […]

(ភ្នំពេញ)៖ អ្នកឧកញ៉ា ហេង ឡុង អនុប្រធានសមាគមឧកញ៉ាកម្ពុជា និងជាវិនិយោគិនខ្មែរមួយរូប ក្នុងវិស័យកសិកម្មនៅកម្ពុជា បានអំពាវនាវដល់បណ្ដាវិនិយោគិន និងអ្នកមានធនធាន សូមងាកមកវិនិយោគលើវីស័យកសិកម្មក្នុងស្រុក ដែលកំពុងមានឱកាសយ៉ាងច្រើន ជាពិសេសអាចជួយរាជរដ្ឋាភិបាល ក្នុងការបង្កើតការងារជាច្រើនដល់បងប្អូនប្រជាពលរដ្ឋ។ ការអំពាវនាវរបស់អ្នកឧកញ៉ាអនុប្រធានសមាគមឧកញ៉ាកម្ពុជា នៅក្នុងកិច្ចសម្ភាសន៍ជាមួយអ្នកសារព័ត៌មានចំនួន៤០នាក់ មកពី២២ស្ថាប័ន ដែលដឹកនាំដោយលោក ពុយ គា ប្រធានក្លឹបអ្នកកាសែតកម្ពុជា ​ ទៅចុះយកព័ត៌មាននៅស្រុកស្ទឹងត្រង់ ខេត្តកំពង់ចាម ដើម្បីផ្សព្វផ្សាយអំពីដំណាំកសិឧស្សាហ ពីថ្ងៃទី១៦ ដល់ថ្ងៃទី១៧ ខែមិថុនា ឆ្នាំ២០២៥។ នៅក្នុងដំណើរបេសកកម្មរយៈពីរថ្ងៃនេះ ក្រុមអ្នកសារបានទៅទស្សនកិច្ច និងផលិតព័ត៌មាន នៅតំបន់ចម្ការទុរេន ចម្ការចេក ចម្ការកៅស៊ូ រោងចក្រផលិតជី រោងចក្រផលិតកេសក្រដាស់ និងស្វែងយល់ទីតាំងប្រមូល និងវេចខ្ចប់ផ្លែចេកសម្រាប់នាំចេញទៅបរទេស។ អ្នកឧកញ៉ា ហេង ឡុង ក៏បានប្រកាសផ្ដល់ប្រឹក្សាអស់ពីលទ្ធភាពចំពោះអ្នកវិនិយោគទាំងឡាយណា ដែលចាប់អារម្មណ៍ចង់វិនិយោគលើវិស័យកសិកម្មនៅកម្ពុជា។ ពោលគឺអ្នកឧកញ៉ាស្ម័គ្រចិត្ត និងបើកចិត្តចែករំលែកបទពិសោធន័លើពីវិស័យកសិកម្ម ដែលអ្នកឧកញ៉ាបានប្រឡូកតាំងពីឆ្នាំ២០០៧មកម្ល៉េះ។ អ្នកឧកញ៉ា ហេង ឡុង ជាម្ចាស់ក្រុមហ៊ុនធំៗមួយចំនួនដូចជា៖ ១. ក្រុមហ៊ុន ឡុង ស្រេង អ៊ិនធើណេសិនណល […]

រាជធានីភ្នំពេញ៖ កាលពីថ្ងៃទី១៦ ខែមិថុនា ឆ្នាំ២០២៥ សហព័ន្ធស្រូវអង្ករកម្ពុជា បានប្រារព្ធខួប១០ឆ្នាំរបស់ខ្លួនពីឆ្នាំ២០១៤ ដល់២០២៤  នៅមជ្ឈមណ្ឌល ឌឹ ព្រីមៀ សែនសុខ ក្នុងរាជធានីភ្នំពេញ។ ពិធីនេះមានការអញ្ចើញចូលរួមជាអធិបតីភាពដ៏ខ្ពង់ខ្ពស់ដោយឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ នៃក្រុមប្រឹក្សាអភិវឌ្ឍន៍កម្ពុជា, ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាល ទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) ,ឯកឧត្តម ចាន់ សីហា អគ្គនាយករងធនាគារ ARDB ​រួមនិងថ្នាំដឹកនាំនិងតំណាងស្ថាប័នពាក់ព័ន្ធជាច្រើនផ្សេងទៀត បានអញ្ចើញចូលរួមជាកិត្តិយសផងដែរ។ ឧកញ៉ា ចាន់ សុឃាំង ប្រធានសហព័ន្ធស្រូវអង្ករកម្ពុជាមានប្រសាសន៍ថា នៅក្នុងរយៈពេល១០ឆ្នាំនេះ សហព័ន្ធស្រូវអង្ករកម្ពុជា មានសមាជិកសកម្មចំនួន៣០១ ក្នុងនោះរោងម៉ាស៊ីនកិនស្រូវ និងក្រុមហ៊ុននាំចេញអង្ករចំនួន៨៧, រោងម៉ាស៊ីនកិនស្រូវចំនួន១២៥, សហគមន៍ចំនួន៥៦ និងសហគ្រាសផ្សេងៗ ដែលទ្រទ្រង់ដល់វិស័យស្រូវអង្ករចំនួន៣៣។ តាមរយៈ សហគ្រាសទាំងនេះ ក្នុងរយៈពេល១០ឆ្នាំចុងក្រោយនេះ ពីឆ្នាំ២០១៤​ ដល់ឆ្នាំ២០២៤ កម្ពុជាសម្រេចបានការនាំចេញអង្ករចំនួន៦.៥៩ លានតោន ទៅកាន់១២៣គោលដៅ។ ក្នុងរយៈពេលនេះដែរ ក្រៅពីការចេញអង្ករ […]

ពោធិ៍សាត់៖ ម្ចាស់កសិដ្ឋានដាំខ្ញីពូជចិនខ្នាតពាណិជ្ជកម្មឈានមុខគេមួយកន្លែង ស្ថិតនៅឃុំអូរសោម ស្រុកវាលវែង ខេត្តពោធិ៍សាត់ នៅឆ្នាំ២០២៥នេះ បានពង្រីកផ្ទៃដីដាំដុះខ្ញីកើនដល់៦០ហិកតា ខណៈការដាំខ្ញីលើកដំបូងក្នុងឆ្នាំ២០២៤លើផ្ទៃដី១៣ហិកតាប៉ុណ្ណោះ។ ការពង្រីកផ្ទៃដីដាំខ្ញីពូជចិនក្នុងឆ្នាំទី២ នាឆ្នាំ២០២៥នេះ មានគោលបំណងដើម្បីបំពេញតម្រូវការក្នុងស្រុក ក្រោយមើលឃើញនិន្នាការរបស់ប្រជាពលរដ្ឋមានការគាំទ្រទៅលើផលិតផលរបស់កសិករក្នុងស្រុក។ លោក ហ៊ុល សុធា ម្ខាស់កសិដ្ឋានខាងលើនេះ​ បានឱ្យដឹងថា នៅពេលដាំខ្ញីក្នុងឆ្នាំដំបូងៗ៖ ទី១) អាជីវករមិនសូវឱ្យតម្លៃលើខ្ញីដែលដាំនៅអូរសោមប៉ុន្មាននោះទេ ដោយសារខ្ញីនាំចូលមានច្រើនប្រភេទ និងមានតម្លៃធូរថ្លៃជាងខ្ញីដាំនៅក្នុងស្រុក,  ទី២) គេគិតឃើញថា ខ្ញីដាំនៅអូរសោមល្អដូចជាខ្ញីនាំចូលពីខាងក្រៅដោយសារគេអត់ទាន់បានដឹងថា មានការដាំដុះខ្ញីនៅអូរសោម។ ប៉ុន្តែក្នុងពេលសព្វថ្ងៃនេះ ក្រោយពីបានសិក្សាអំពីទីផ្សារពេញមួយឆ្នាំ កសិដ្ឋានគិតថា ការគាំទ្រខ្ញីនៅឆ្នាំទី២នេះនឹងកើនឡើងខ្លាំងសម្រាប់ទីផ្សារក្នុងស្រុក ។ ម្យ៉ាងវិញទៀតពលរដ្ឋខ្មែរមួយចំនួនមានទស្សនៈជាតិនិយមទៅលើការប្រើប្រាស់ផលិតផលក្នុងស្រុក ដូចទៅនិងគោលនយោបាយរបស់ថ្នាក់ដឹកនាំបានដាក់ចេញ។ បើតាមលោក ហ៊ុល សុធា កាលឆ្នាំ២០២៤ បានដាំខ្ញីពូជចិនលើផ្ទៃដប្រាំបួនហិកតា ក្នុងចំណោមផ្ទៃដីសរុប១៣ហិកតា ដោយទទួលបានផលខ្ញីប្រមាណ៩០០តោន ហើយគិតមកទល់សព្វថ្ងៃនេះ លោកនៅមានខ្ញីសម្រាប់ផ្គត់ផ្គង់ទៅលើទីផ្សារប្រមាណ១០តោនទៀត។ លោកបញ្ជាក់ថា នៅឆ្នាំទី២នេះ លោកបានប្តូរទីតាំងដាំខ្ញីថ្មី លើផ្ទៃដី៥០ទៅ៦០ហិកតា ដោយសារទីតាំងចាស់វាមិនសូវអំណោយផលសម្រាប់ការដាំដុះ។ តែទីតាំងថ្មីនេះវាមានស្ថានដីល្អ មិនរងផលប៉ះពាល់ពីទឹកភ្លៀង ហើយដីមានសារធាតុចិញ្ចឹមគ្រប់គ្រាន់សម្រាប់ដំណាំ។ ទាក់ទងនិងទីផ្សារខ្ញីក្នុងស្រុកនាពេលកន្លងមក, លោក ហ៊ុល សុធា លើកឡើងថា […]

សៀមរាប៖ ក្នុងរយៈពេលប៉ុន្មានឆ្នាំចុងក្រោយនេះ ពោលគឺមានរយៈពេលបីទៅបួនឆ្នាំហើយ ដែលប្រទេសកម្ពុជា បានបញ្ចប់ការនាំជ្រូករស់មកលក់ក្នុងប្រទេសកម្ពុជាដូចមុនទៀតហើយ។ ជ្រូកចិញ្ចឹមនៅក្នុងប្រទេសកម្ពុជា ដែលក្នុងនេះមានទាំងការចិញ្ចឹមលក្ខណៈក្រុមហ៊ុន កសិដ្ឋានតូច-ធំ ការចិញ្ចឹមតាមលក្ខណៈឯកជន និងពិសេសពលរដ្ឋចិញ្ចឹមតាមផ្ទះសម្បែងក៏មានសន្ទុះផុលផុសជាងមុន។ ការផ្គត់ផ្គង់ជ្រូករស់ ដែលជា​ផលិតកម្មចិញ្ចឹមជ្រូកនៅកម្ពុជា អាចឆ្លើយតបតាមតម្រូវការទីផ្សារ​បាន​គ្រប់គ្រាន់។ ចំណែកគុណភាពក៏ផ្តល់ទំនុកចិត្តដល់អ្នកបរិភោគដែលជាពលរដ្ឋខ្មែរជាងមុន ខណៈការការនាំចូលជ្រូកពីប្រទេសជិតខាងកាលពីមុនមកនេះអ្នកបរិភោគតែងព្រួយបារម្ភពីបញ្ហាសារជាតិគីមី ឬជំងឺឆ្លងបង្កការប៉ះពាល់ដល់សុខភាពរបស់ពួកគាត់។ លោក ស្រ៊ុន ពៅ ប្រធានសមាគមន៍ អ្នកចិញ្ចឹមសត្វនៅកម្ពុជាបានបញ្ជាក់ប្រាប់ ARDB TV ថា​ ប្រទេសកម្ពុជាបានបញ្ចប់ការនាំសត្វជ្រូករស់ទាំងស្រុងពីប្រទេសជិតខាង។​ មកដល់ពេលនេះការចិញ្ចឹមក្នុងស្រុកផ្គត់ផ្គង់គ្រប់គ្រាន់ ហើយតម្លៃទៀតសោតសមរម្យ ដែលហេតុនេះ គេមើលឃើញថា ពលរដ្ឋកម្ពុជាចាប់ផ្តើមចិញ្ចឹមជ្រូកកាន់តែច្រើនបន្តបន្ទាប់។ ចំពោះតម្លៃជ្រូករស់លក់ក្នុងមួយគីឡូក្រាម១០ ០០០រៀល ទៅ១០ ៥០០រៀល។ ដោយឡែកតម្លៃសាច់ជ្រូកលក់តាមទីផ្សារវិញក្នុងមួយគីឡូក្រាមមានតម្លៃក្រោម២០ ០០០រៀល។ បើតាមការបញ្ជាក់ពីសំណាក់ប្រធានសមហគមន៍ចិញ្ចឹមសត្វកម្ពុជារូបនេះ បានឱ្យដឹងដែរថា តម្រូវការសាច់ជ្រូកនៅក្នុងប្រទេសកម្ពុជា មួយថ្ងៃចាប់ពី៨ ០០០ទៅ៩ ០០០ក្បាល ក្នុងមួយថ្ងៃ ហើយចំនួននេះយើងអាចផ្តត់ផ្គង់គ្រប់គ្រាន់សម្រាប់អ្នកបរិភោគ។ ​យើងមិនចាំបាច់នាំចូលពីខាងក្រៅប្រទេសឡើយ ហើយការចិញ្ចឹមទៀតសោតក៏ពលរដ្ឋកម្ពុជាអាចរកប្រាក់ចំណេញសម្រាប់ពួកគាត់ល្អប្រសើរជាងមុនដែរ។ លោក ស្រ៊ុន ពៅ បានប្រាប់ឱ្យដឹងដែរថា ក្នុងមួយឆ្នាំ ជ្រូកចិញ្ចឹមទូទាំងប្រទេសកម្ពុជានាពេលបច្ចុប្បន្នមានប្រមាណជាងបីលានក្បាល ចិញ្ចឹមនៅតាមកសិដ្ឋាន និងពលរដ្ឋចិញ្ចឹមនៅតាមផ្ទះ ហើយសាច់ក៏មានគុណភាពល្អជាងមុនដែរ។ […]

ភ្នំពេញ៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាល ទទួលបន្ទុកជាអគ្គនាយកនៃធនាគារអភិវឌ្ឍន៍ជនបទ និងកសិកម្ម ព្រមទាំងសហការី ចាប់ផ្តើមពីថ្ងៃទី១៤ ដល់ថ្ងៃទី១៥ ខែមិថុនា ឆ្នាំ២០២៥នេះ បានអញ្ជើញចុះ​ពិនិត្យមើលខ្សែ​សង្វាក់​ផលិតកម្ម​ និងសកម្មភាពនានារបស់ក្រុមហ៊ុនកែច្នៃក្នុងស្រុក នៅខេត្តចំនួនប្រាំជាប់បឹងទន្លេសាប។​​​​ ការអញ្ជើញចុះសួរសុខទុក្ ខនិងពិនិត្យមើលខ្សែ​សង្វាក់​ផលិតកម្មរបស់ ឯកឧត្តមបណ្ឌិត កៅ ថាច គឺថ្ងៃទី១ ចាប់ផ្តើមនៅ​រោងម៉ាស៊ីនកិនស្រូវ ចំនួនពីរទីតាំងក្នុងខេត្តកំពង់ចាម រួមមានរោងម៉ាស៊ីនកិនស្រូវ យូឃីម ស្ថិតនៅក្នុងស្រុកបាធាយ និងរោងម៉ាស៊ីនកិនស្រូវ សេកមាស ស្ថិតក្នុងស្រុកជើងព្រៃ។ ជាមួយគ្នានេះដែរ ឯកឧត្តមបណ្ឌិតប្រតិភូ ក៏បានចុះ​ពិនិត្យកសិដ្ឋានដាំបន្លែជាលក្ខណៈគ្រួសារពីរកន្លែងទៀត ដែល​ស្ថិត​នៅ​ក្រោម​គម្រោង​កម្ចី​ឥណទាន​ខ្នាត​តូច​របស់​ធនាគារ​ ARDB ដែលស្ថិតនៅឃ៉ុំត្រពាំងឫស្សី ខេត្តកំពង់ធំ។ ចំណែកបន្ទាប់មកទៀត នារសៀលថ្ងៃដដែល ឯកឧត្តមបណ្ឌិត កៅ ថាច ព្រមទាំងសហការី បានអញ្ជើញចុះ​ពិនិត្យទីតាំង​ផលិត​ជីកសិកម្មរបស់ក្រុមហ៊ុន Husk Ventured ដែលមានទីតាំងស្ថិតនៅភូមិបុស្សវែង​ ឃុំសាលាវិស័យ​ ស្រុកប្រាសាទបល្ល័ង្ក​ ខេត្តកំពង់ធំ​។ ក្នុង​ឱកាស​នេះ​ ឯកឧត្ដម​បណ្ឌិត​ប្រតិភូ​ ក៏​បាន​លើក​ទឹក​ចិត្ត​ឱ្យ​ក្រុម​ហ៊ុន​ខិតខំពង្រីក​ខ្សែ​ចង្វាក់​ផលិតកម្ម​របស់ខ្លួន​ ដើម្បី​ផ្គត់ផ្គង់ជីតាម​ទីផ្សារ​ក្នុង​ស្រុក​បន្ថែម​ទៀត​។ ព្រមជាមួយគ្នានេះដែរ ឯកឧត្តម​បណ្ឌិត​ […]