ស្ថានភាពដាំដុះបន្លែក្នុងផ្ទះសំណាញ់នៅស្រុកថ្មគោល ខេត្តបាត់ដំបង ហាក់មិនសូវល្អ ដោយសារអាកាសធាតុ

បាត់ដំបង៖ លោក ខែ សុដា ប្រធានមន្ទីរធនធានទឹក និងឧតុនិយម ខេត្តបាត់ដំបង បានបញ្ជាក់ថា មន្ទីរធនធានទឹកខេត្តបាត់ដំបងកំពុងបង្ហូរទឹកយ៉ាងសកម្ម ដើម្បីសង្គ្រោះស្រូវជួបផលប៉ះពាល់ពីការរាំងស្ងួត ចំនួន១៣៤ ៧៥០ហិកតា។ យោងតាមលិខិតចុះថ្ងៃទី ១៣ ខែកក្កដា ឆ្នាំ២០២៦ ផ្ញើជូនឯកឧត្តមរដ្ឋមន្ត្រីក្រសួងធនធានទឹក និងឧតុនិយម លោក ខែ សុដា បាន​បញ្ជាក់អំពីស្ថានភាពបច្ចុប្បន្នការងារបង្កបង្កើនផលស្រូវរដូវវស្សា ឆ្នាំ២០២៦ ក្នុងខេត្តបាត់ដំបង ដោយគិតត្រឹមថ្ងៃទី១៣ ខែកក្កដា ឆ្នាំ២០២៦នេះ អនុវត្តបានចំនួន ២០៩ ១៨៤ហិកតា ស្មើនឹង៤៥,៨៧ភាគរយនៃផែនការទំហំ៤៥៦ ០០០ហិកតា។ តាមការចុះពិនិត្យរបស់មន្ត្រីបច្ចេកទេសមន្ទីរធនធានទឹក និងឧតុនិយមខេត្តបាត់ដំបងឃើញថា ដំណាំស្រូវរបស់ប្រជាពលរដ្ឋដាំដុះតាំងពីខែមីនា មកម៉្លេះហើយបច្ចុប្បន្នមានជួបផលប៉ះពាល់ពីការរាំងស្ងួតចំនួន១៣៤ ៧៥០ហិកតា ហើយកំពុងសង្គ្រោះដោយប្រព័ន្ធធារាសាស្ត្របានចំនួន១១២ ៩៤៧ហិកតា ហើយកំពុងសង្គ្រោះបន្តចំនួន៣ ៤៤១ហិកតា និងនៅសល់ក្រៅប្រព័ន្ធ ភាគច្រើនតំបន់ពីរ ចំនួន១៨ ៣៦២ហិកតា ដែលមិនមានប្រភពទឹក ឬបង្ហូរចូលដល់ ដើម្បីជួយសង្គ្រោះបានទេ។ ក្នុងនោះមាននៅស្រុកសង្កែប៉ះពាល់ចំនួន១០ ៥៩៣ហិកតា និងស្រុកឯកភ្នំប៉ះពាល់ចំនួន៧ ៧៦៩ហិកតា។ សូមបញ្ជាក់ថា ស្ថានភាពបច្ចុប្បន្នសម្រាប់ប្រភពទឹកធំៗទាំងបួន ក្នុងខេត្តបាត់ដំបង […]

ដោយ ហៃ ស៊ីណា ភ្នំពេញ៖ ក្រសួងធនធានទឹក និងឧតុនិយម បានចេញសេចក្តីជូនដំណឹងនៅថ្ងៃទី១៣ ខែកក្កដា ឆ្នាំ២០២៦ថា ស្ថានភាពព្យុះទី១១ ឈ្មោះហៃសិន (Haishen) បង្កឱ្យសម្ពាធទាបនៅលើមហាសមុទ្រប៉ាស៊ីហ្វិកខាងលិច ដែលអាចមានភ្លៀងធ្លាក់ជាមួយខ្យល់កន្ត្រាក់ និងផ្គររន្ទះគ្របដណ្តប់លើផ្ទៃដី៥០ភាគរយនៅក្នុងប្រទេសកម្ពុជា។ សេចក្តីជូនដំណឹងបញ្ជាក់ថា ព្យុះទី១១ ឈ្មោះ ហៃសិន មានឥទ្ធិពលលើរបបខ្យល់មូសុងនិរតី ដែលបក់លើឈូងសមុទ្របេងហ្គាល សមុទ្រអាន់ដាម៉ាន់ សមុទ្រចិនខាងត្បូង អាងទន្លេមេគង្គ សមុទ្រកម្ពុជា និងលើព្រះរាជាណាចក្រកម្ពុជា ហើយចំណែកកម្ពុជាពុំស្ថិតនៅក្នុងគន្លងផ្លូវដើររបស់ព្យុះ ហៃសិន នេះទេ។ ចំណែកព្យុះទី៩ ឈ្មោះបាវី (Bavi)នឹងរលាយបាត់ នៅថ្ងៃទី១៥ ខែកក្កដា ឆ្នាំ២០២៦ រីឯព្យុះទី១១ ឈ្មោះ ហៃសិន នេះ នឹងបន្តមានឥទ្ធិពលរហូតដល់ថ្ងៃទី១៧ ខែកក្កដា ឆ្នាំ២០២៦។ ស្ថានភាពបែបនេះនឹងធ្វើឱ្យធាតុអាកាស ចាប់ពីថ្ងៃទី១៤ ដល់ថ្ងៃទី១៨ ខែកក្កដា ឆ្នាំ២០២៦ នៅតាមតំបន់វាលទំនាប មានដូចជាខេត្តបន្ទាយមានជ័យ បាត់ដំបង ពោធិ៍សាត់ កំពង់ឆ្នាំង សៀមរាប កំពង់ធំ កំពង់ចាម […]

ដោយ ឡុង សារេត​ បន្ទាយមានជ័យ​៖ លោក ជិន សុជា អ្នកជំនាញខាង​បង្កាត់ភ្ញាស់កូនត្រីពូជ​ និងចិញ្ចឹមត្រីសាច់នៅភូមិគំរូ ឃុំគំរូ ស្រុកថ្មពួក ខេត្តបន្ទាយមានជ័យ​ បានអះអាង​ថា ត្រីឆ្លាំង​ចិញ្ចឹមនៅក្នុងហាប៉ា ឬចិញ្ចឹមនៅក្នុងស្បៃ​មានការលូតលាស់ធំលឿន​ជាង​ការ​ដាក់ចិញ្ចឹម​នៅក្នុងស្រះ ហើយកន្លងទៅបាន​ផ្គត់ផ្គង់កូនត្រីឆ្លាំងទៅឱ្យឈ្មួញកណ្តាល​យក​ទៅ​ចែចាយបន្ត​​​ឱ្យ​កសិករ​នៅតាមតំបន់​បានមួយចំនួន​។​ លោកបានឱ្យដឹង​ថា ផ្អែកតាម​បទពិសោធន៍​ចិញ្ចឹមត្រី​របស់​ខ្លួនក្នុងមួយ​រយៈកាលកន្លងមក​​លោកចិញ្ចឹមក្នុងស្រះ និងចិញ្ចឹមក្នុងស្បៃ មានលក្ខណៈ​ខុសគ្នា​។ ការចិញ្ចឹមនៅក្នុងស្បៃត្រីធំលូតលាស់លឿនជាង​ ដោយសារ​ស្បៃ​អត់ធ្លាក់ដល់ដី​ ​មិន​ធ្វើឱ្យទឹកមានសភាពស្អុយ​។ តែពេលដាក់ចិញ្ចឹមនៅក្នុងស្រះ វាហែល​លេង​​ធ្វើឱ្យទឹកឆាប់ខូច ហើយ​លែងស៊ីចំណី​​។ បានន័យថា​​ ទឹកចាប់ផ្តើមពុល​ ដូច្នេះ​​ត្រូវ​ប្តូរ​ទឹក​ចេញ ឬប្រើអំបិលបាច​ចូលស្រះទឹក ដើម្បីកាត់បន្ថយការងាប់​ ហើយត្រីឆ្លាំងដូចគ្នា​។​ ​លោកបន្តថា ការចិញ្ចឹមត្រីនៅក្នុងហាប៉ា រយៈពេល​បួនឆ្នាំកន្លងមកនេះ ត្រីឆ្លាំង​ផលិតបាន ហើយយកកូនមកចិញ្ចឹម​ដាក់នៅក្នុងស្បៃល្អជាងការ​​ចិញ្ចឹមក្នុងស្រះ​។​ ​សម្រាប់​កសិករ​គ្មានបទពិសោធន៍​ក្នុងការចិញ្ចឹមត្រី​​ ហើយចង់ចិញ្ចឹមត្រីឆ្លាំងនេះ​ គឺគាត់គួរចិញ្ចឹមត្រីនៅក្នុងហាប៉ា​ ដើម្បីឱ្យបានជោគជ័យ​ជាមុនសិន​។ បានជោគជ័យពីការចិញ្ចឹមក្នុងស្បៃហើយ ទើបឱ្យគាត់​សាកមកចិញ្ចឹមក្នុងស្រះ​។ ​​ព្រោះចិញ្ចឹមក្នុងស្រះ ពេលត្រីលេងទឹកឱ្យខូចហើយ​វាពិបាក​កែទឹក​ឱ្យល្អវិញ​។ តែបើធ្លាប់ចិញ្ចឹមក្នុងស្បៃ​យូរៗ ទៅដឹងបច្ចេកទេសចិញ្ចឹមក្នុងស្រះ​វាងាយទេ។​ សូមជម្រាបជូនផងដែរថា លោក ជិន សុជា ចាប់ផ្តើម​សាកល្បងរៀនបង្កាត់ភ្ញាស់កូនត្រីឆ្លាំង​ នៅឆ្នាំ​២០១០​ ប៉ុន្តែមិនទទួលបាន​ជោគជ័យ​ភ្លាមនោះទេ​។ មានន័យថា​ […]

ព្រុចសែល៖ គណៈកម្មការសហភាពអឺរ៉ុប កាលពីថ្ងៃទី៩ ខែកក្កដា ឆ្នាំ២០២៦នេះ បានបើកការស៊ើបអង្កេត លើការនាំចូលទាប៉េកាំង បន្ទាប់ពីអ្នកចិញ្ចឹមទាជាច្រើនរបស់សហភាពអឺរ៉ុប បានត្អូញត្អែរពីតម្លៃលក់ទារបស់ចិនទាបយ៉ាងអយុត្តិធម៌ ដែលប៉ះពាល់ដល់ឧស្សាហកម្មរបស់ពួកគេ។ ដោយពុំបានបង្ហាញឈ្មោះរបស់ខ្លួន គណៈកម្មការនេះបានឱ្យដឹងថា អ្នកចិញ្ចឹមទាប្រាំរូបរបស់សហភាពអឺរ៉ុប បានត្អូញត្អែរថា រដ្ឋាភិបាលប្រទេសចិនកំពុងផ្តល់ឧបត្ថម្ភធន ដោយមិនស្មើភាពដល់អ្នកចិញ្ចឹមទានៅក្នុងប្រទេសចិន តាមរយៈផែនការរយៈពេលប្រាំឆ្នាំរបស់ខ្លួន សម្រាប់ការធ្វើទំនើបកម្មកសិកម្ម។ ការស៊ើបអង្កេតនេះ ត្រូវធ្វើឡើងនៅពេលមានភាពតានតឹងខ្លាំងរវាងរដ្ឋាភិបាលក្រុងប៉េកាំង និងរដ្ឋាភិបាលក្រុងប្រ៊ុចសែល ខណៈពេលសហភាពអឺរ៉ុប ព្យាយាមការពារទីផ្សាររបស់ខ្លួន ពីការនាំចូលទំនិញថោកៗពីប្រទេសចិន ដែលបានបង្កឱ្យមានការខឹងសម្បាររបស់រដ្ឋាភិបាលក្រុងប៉េកាំង ដោយសារខ្លួនមានគោលបំណងរក្សាលទ្ធភាពចូលទៅកាន់ទីផ្សារអឺរ៉ុបដែលផ្តល់ប្រាក់ចំណេញច្រើន។ បន្ទាប់ពីប្រទេសចិនបានគំរាមសងសឹកម្តងហើយម្តងទៀត ចំពោះសេចក្តីស្នើច្បាប់មួយចំនួនរបស់សហភាពអឺរ៉ុប ដែលមានគោលបំណងដាក់កម្រិតលើលទ្ធភាពទទួលបានលទ្ធកម្មសាធារណៈរបស់សហភាពអឺរ៉ុប និងដាក់លក្ខខណ្ឌតឹងរ៉ឹងលើការវិនិយោគរបស់បរទេស ដោយភាគីទាំងពីរបានចាប់ផ្តើមការចរចាកាលពីសប្តាហ៍មុន ដើម្បីបន្ធូរបន្ថយភាពតានតឹងនេះ។ ទោះជាយ៉ាងនេះក្តី វិធានការចុងក្រោយរបស់សហភាពអឺរ៉ុប ដែលកំណត់ទិសដៅលើការនាំចូលទា អាចនឹងរំខានដល់កិច្ចពិភាក្សានេះ ដោយបាននិយាយវាយប្រហារលើវិស័យកសិកម្មរបស់ប្រទេសចិន។ របាយការណ៍របស់សហភាពអឺរ៉ុប ក៏បានបញ្ជាក់ផងដែរថា បរិមាណនាំចូល និងតម្លៃលក់ទា កំពុងបង្កផលប៉ះពាល់អវិជ្ជមានលើបរិមាណ និងការកម្រិតតម្លៃ និងចំណែកទីផ្សារ ដែលកាន់កាប់ដោយឧស្សាហកម្មសហភាព ហើយនេះបានបណ្តាលឱ្យមានផលប៉ះពាល់យ៉ាងធ្ងន់ធ្ងរដល់ដំណើរការទាំងមូលរបស់វិស័យកសិកម្ម។ ការស៊ើបអង្កេតរបស់គណៈកម្មការនេះ អាចបណ្តាលឱ្យមានពន្ធប្រឆាំងនឹងការលក់បង្ខូចតម្លៃមកលើកសិករចិន ដើម្បីការពារទីផ្សារសហភាពអឺរ៉ុប។ ចំពោះពន្ធប្រឆាំងនឹងការលក់បង្អួចថ្លៃ និងពន្ធប្រឆាំងនឹងការឧបត្ថម្ភធន គឺស្ថិតក្នុងចំណោមឧបករណ៍ការពារពាណិជ្ជកម្មសំខាន់ៗរបស់សហភាពអឺរ៉ុប ដើម្បីប្រឆាំងនឹងការជំរុញដ៏ខ្លាំងក្លារបស់ចិនចូលទៅក្នុងទីផ្សាររបស់ខ្លួន។ ទោះជាយ៉ាងណាក៏ដោយ មេដឹកនាំសហភាពអឺរ៉ុប […]