Tag: news

ពលរដ្ឋមួយចំនួនដែលបានជ្រើសរើសមុខរបរចិញ្ចឹមមាន់ មិនត្រឹមតែជាការងារមួយនៅក្បែរផ្ទះសម្បែងមិនចំាបាច់ចេញទៅធ្វើការក្រៅផ្ទះ និងខ្លះទៀតត្រូវចំណាកស្រុកឆ្ងាយទេ តែមុខរបរកសិកម្មបែបបុរាណមួយនេះថែមទាំងអាចជួយរកចំណូលគ្រួសារមួយផ្នែកធំផងដែរ។ ក្នុងរយៈពេលជាង២ឆ្នាំមកនេះកសិករដែលបានជ្រើសរើសមុខរបរចិញ្ចឹមមាន់ស្រុកបានលើកឡើងថាជីវភាពផ្លាស់ប្តូរមួយកម្រិត ក្នុងនេះអាចជួយជួសជុលផ្ទះ ទិញម៉ូតូ និងអាចឱ្យកូនចៅទៅរៀនមិនជួបការលំបាកដូចដែលពួកគាត់ធ្លាប់ជួបប្រទះកាលពីមុននេះទៀតផង។ អ្នកស្រី ញ៉ែម ខាត់ណារស់នៅភូមិឆាយលុក ឃុំ អូរសោម ស្រុក វាលវែង ខេត្តពោធិ៍សាត់បានលើកឡើងថា មុនចាប់មុខរបរចិញ្ចឹមមានជាអាជីពនេះគាត់ និង ស្វាមីជាអ្នកដើរស៊ីឈ្នួលគេ តាមចំការ ហើយឃើញថាជីវភាពខ្វះខាតច្រើន។កាលនោះមុខរបរស្ទើររកស៊ីព្រឹកខ្វះល្ងាចតែបន្ទាប់ពីគម្រោងរេដបូកចូលមកក្នុងអំឡុងចុងឆ្នាំ២០២២អ្នកស្រីក៏ស្ម័គ្រចិត្តចូលគម្រោងនេះ ហើយសម្រេចចិត្តជ្រើសរើសមុខរបរចិញ្ចឹមមាន់។ ស្រ្តីដែលធ្លាប់តែស៊ីឈ្នួលគេហើយបានផ្លាស់ប្តូរមុខរបរចិញ្ចឹមមាន់រូបនេះបានរំលឹកថា កាលពីកកើតដំបូងឡើយ អ្នកស្រីមិនមានអ្វីទាំងអស់គឺបានអង្គការសម្ព័ន្ធមិត្ត សត្វព្រៃជួយបណ្តុះបណ្តាលលើបច្ចេកទេសចិញ្ចឹមមាន់ ជួយរៀបចំ និងសាងសង់ទ្រុង ផ្តល់មាន់ជិត៨០ក្បាល និងផ្តល់ចំណី៦បាវ។ក្នុងរយៈពេលត្រឹមតែ៣ខែមាន់ដែលអង្គការផ្តល់ជាមេពងស្រាប់ៗនោះធ្វើឱ្យអ្នកស្រីអាចយកពងលក់ និងភ្ញាស់កូនមាន់អាចលក់បានប្រាក់ចំណូលជាបន្តបន្ទាប់ ធ្វើឱ្យអ្វីៗដែលធ្លាប់តែជួបការលំបាកអាចផ្លាស់ប្តូរមកល្អប្រសើរយ៉ាងខ្លីប៉ុណ្ណោះ។ ស្រ្តីដែលបានប្រកាន់យកមុខរបរចិញ្ចឹមមាន់តាមរយៈគម្រោងរេដបូកនេះបានប្រាប់បន្ថែមថា”គម្រោងគេអត់លែងដៃយើងទេ។គេបានជួយយើងរហូតមកដល់សព្វថ្ងៃ។ដោយសារតែការជួយនេះហើយទើបធ្វើឱ្យមុខរបរចេះតែលូតលាស់ ហើយពុំមានឧបសគ្កច្រើនរឿងមាន់ឈឺងាប់ដូចអ្នកដទៃទេ។មកដល់ពេលនេះខ្ញុំមានថវិការធ្វើផ្ទះ ទិញម៉ូតូ មានថវិការឱ្យកូនរៀន និងការចាយវាយប្រចាំថ្ងៃនេះគឺតាមរយៈការចិញ្ចឹមមាន់នេះឯង”។ ដោយឡែកលោក ភ្ញាំង ភាព អ្នកជ្រើសរើសចិញ្ចឹមមាន់មួយរូបទៀតដែលចាប់ផ្តើមចិញ្ចឹមមាន់ក្នុងអំឡូងចុងឆ្នាំ២០២២រហូតមកដល់បច្ចុប្បន្ននេះបានប្រាប់ថាការចិញ្ចឹមមាន់ក៏ជាមុខរបរមួយជួយឱ្យក្រុមគ្រួសាររបស់លោកបានផ្លាស់ប្តូរមកល្អប្រសើរជាងមុន។គាត់ធ្លាប់តែដើរស៊ីឈ្នួល និងពេលខ្លះនៅតែផ្ទះដែលគ្មានមុខរបរអ្វីសោះនោះបានជួយឱ្យលោកមានអាជីពមួយរឹងមាំគួរសម។ បុរសវ័យ២៣ឆ្នាំរូបនេះបានរៀបរាប់ថា មុខរបរនេះបានជួយឱ្យគាត់មានលំនឹងក្នុងគ្រួសារ មើលទៅវាហាក់ពុំមានអ្វីធំដុំតែនៅពេលយើងចិញ្ចឹមមានបច្ចេកទេសត្រឹមត្រូវពោលគឺមាន់មិនឈឺងាប់វាពិតជាមុខរបរមួយអាចជួយឱ្យយើងអាចរកចំណូលបានសម្រាប់ចិញ្ចឹមគ្រួសារ។ ដោយឡែកកញ្ញា ផេង សោភា អ្នកទទួលខុសត្រូវមួយរូបរបស់អង្គការសម្ព័ន្ធមិត្ត សត្វព្រៃ ដល់សមាជិកក្រុមគ្រួសារពលរដ្ឋនៅឃុំអូរសោម បានឱ្យដឹងថា ចាប់ពីខែវិច្ឆិកា ឆ្នាំ ២០២២ […]

រាជធានីភ្នំពេញ៖ លោក Liu Yong (លាវ យ៉ុង) ប្រធានសមាគមអ្នកវិនិយោគវ័យក្មេងនៅខេត្តអ៊ីនណាន ទីក្រុងឃុនមីង សាធារណរដ្ឋប្រជាមានិតចិនបានបង្ហាញការចាប់អារម្មណ៍ក្នុងការសិក្សា និងស្វែងរកអ្នកផ្គត់ផ្គង់ស្វាយចន្ទីនៅកម្ពុជាដែលមានស្រាប់ដើម្បីធ្វើការនាំចេញ។ ការលើកឡើងរបស់ប្រធានសមាគមអ្នកវិនិយោគវ័យក្មេងនៅខេត្តអ៊ីនណានេះធ្វើឡើងនៅក្នុងជំនួបពិភាក្សាជាមួយឯកឧត្តម ជា វុទ្ធី អគ្គលេខាធិការគណៈកម្មាធិការវិនិយោគកម្ពុជានៅថ្ងៃទី១១ខែមីនាឆ្នាំ២០២៥។ លោក លាវ យ៉ុង មានប្រសាសន៍លើកឡើងថានាពេលកន្លងមក បានធ្វើការស្វែងរកអ្នកផ្គត់ផ្គង់ស្វាយចន្ទីប៉ុន្តែលោកមិនស្គាល់ពីប្រភព និងបណ្តាញច្បាស់លាស់ ។ដូចនេះឆ្លៀតក្នុងឱកាសនេះ និងតាមរយៈជំនួបលើកនេះ លោកសង្ឃឹមថាឯកឧត្តមអគ្គលេខាធិការនឹងចង្អុលបង្ហាញពីប្រភពច្បាស់លាស់ដើម្បីបង្កើននូវទំនុកចិត្តរបស់លោកបន្ថែមទៀត។ ឯកឧត្តម ជា វុទ្ធី អគ្គលេខាធិការគណៈកម្មាធិការវិនិយោគកម្ពុជាបានជម្រាបជូនអំពីការគាំទ្រ និងការលើកទឹកចិត្តនានារបស់រាជរដ្ឋាភិបាលលើគម្រោងវិនិយោគក្នុងវិស័យស្វាយចន្ទីនៅកម្ពុជា ជាពិសេសគំនិតផ្ដួចផ្ដើមដ៏ខ្ពង់ខ្ពស់របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ក្នុងការបង្កើតសួនឧស្សាហកម្មស្វាយចន្ទី ដែលនឹងជួយបង្កើនភាពអំណោយផលនៃបរិយាកាសធុរកិច្ចក្នុងវិស័យអាទិភាពនេះនៅកម្ពុជា។ បន្ថែមលើសពីនេះ,ឯកឧត្តមក៏បានបង្ហាញជូនពីខ្សែច្រវាក់តម្លៃនៃឧស្សាហកម្មស្វាយចន្ទីដែលរាប់ចាប់តាំងពីផ្នែកខាងលើ (upstream) ជាពិសេស ពាក់ព័ន្ធនឹងការប្រមូលទិញ ទីលានសម្ងួត និងឃ្លាំងស្តុកទុកគ្រាប់ស្វាយចន្ទី។ ក្នុងន័យនេះ ឯកឧត្តមអគ្គលេខាធិការបានស្នើឱ្យគណៈប្រតិភូមេត្តាពិនិត្យលទ្ធភាពចូលរួមវិនិយោគក្នុងផ្នែកណាមួយនៃខ្សែច្រវាក់តម្លៃនៃឧស្សាហកម្មស្វាយចន្ទីនៅកម្ពុជា ឬក៏ពិចារណាបណ្តាក់ទុនវិនិយោគក្នុងវិស័យកផ្សេងទៀត ដូចជាការកែច្នៃកសិផល ពិសេស ស្រូវ និងការកែច្នៃជ័រកៅស៊ូសម្រាប់ផ្គត់ផ្គង់ដល់ឧស្សាហកម្មក្នុងស្រុក។ ទាក់ទងនិងវិស័យស្វាយចន្ទីនេះ, បើយោងតាមលោក អួន ស៊ីឡុត  ប្រធានសមាគមស្វាយចន្ទីកម្ពុជាធ្លាប់បានលើកឡើងថា  គម្រោងបង្កើតសួនឧស្សាហកម្មស្វាយចន្ទី ដែលរាជរដ្ឋាភិបាលគ្រោងបង្កើតក្នុងខេត្តកំពង់ធំនេះវាជារឿងល្អ សម្រាប់វិនិយោគិនទទួលបានការលើកលែង […]

ខេត្តពោធិ៍សាត់៖ មន្ត្រីជាន់ខ្ពស់ក្រសួងកសិកម្មបាន​​លើកឡើងថា ក្រោយពីបានបង្កើតជាសហគមន៍កសិកម្មទំនើបម្ទេសដំណាក់ទ្រយឹង ស្ថិតនៅភូមិប៊ុនរ៉ានីសែនជ័យដំណាក់ទ្រយឹង ឃុំពង្រិល ស្រុកភ្នំក្រវាញ ខេត្តពោធិ៍សាត់ជាផ្លូវការតាមការគ្រោងទុកនៅថ្ងៃទី៥ខែមីនា សហគមន៍ដែលមានសមាជិកចំនួន ១៨១គ្រួសារ និងមានផ្ទៃដីផលិតកម្មដំណាំម្ទេសចំនួនប្រមាណ៥២ហិកតា បានចុះកិច្ចសន្យាទិញលក់ ម្ទេសស្តង់ដាសុវត្ថិភាពចំនួន១០០០តោនសម្រាប់ផ្គត់ផ្គង់ដល់ក្រុមហ៊ុនកសិដ្ឋានគីរីទេសកាលថ្ងៃទី៦ខែមីនាឆ្នាំ២០២៥នេះ។ បើយោងតាមមន្ត្រីជាន់ខ្ពស់ក្រសួងកសិកម្ម រុក្ខាប្រមាញ់និងនេសាទឲ្យដឹងថា សហគមន៍កសិកម្មទំនើប ម្ទេសដំណាក់ទ្រយឹងមានសមាជិកសុទ្ធតែជាបងប្អូនអតីតយុទ្ធជន ដែលទទួលបានដីសម្បទានសង្គមកិច្ចពីតំបន់អភិវឌ្ឍន៍ភូមិប៊ុនរ៉ានីសែនជ័យដំណាក់ត្រយឹង នៃស្រុកភ្នំក្រវ៉ាញ់ ខេត្តពោធិ៍សាត់មួយនេះ បើមិនមានអ្វីប្រែប្រួលទេសហគមន៍គ្រោងនឹងចាប់ផ្តើមផលិតកម្មតាមកិច្ចសន្យាក្នុងអំឡុងពេល២ខែខាងមុខ និងអាចចាប់ផ្តើមប្រមូលផលដំបូងនៅមុនដំណាច់ឆ្នាំ២០២៥។ ឯកឧត្តម ឃឹម ហ្វីណង់ អនុរដ្ឋលេខាធិការនិងជាអ្នកនាំពាក្យក្រសួងកសិកម្ម រុក្ខាប្រមាញ់និងនេសាទ មានប្រសាសន៍ថាការចុះកិច្ចសន្យាទិញលក់ម្ទេសស្តង់ដាសុវត្ថិភាពចំនួន១០០០តោន រវាងសហគមន៍និងក្រុមហ៊ុនខាងលើ គ្រោងផលិតនៅពូជម្ទេសចំនួន២ប្រភេទ គឺមានម្ទេសដៃនាង និងមួយប្រភេទទៀតជាពូជម្ទេសដែលក្រុមហ៊ុនបញ្ជាទិញជាអ្នកផ្តល់ជូន ហើយនៅក្នុងដំណាក់ដំបូងៗនេះយើងជជែកគ្នាទៅលើបរិមាណផ្គត់ផ្គង់ម្ទេសដល់ក្រុមហ៊ុនសិន ដោយឡែកចំពោះតម្លៃនឹងមានការចរចារបែងចែកទៅតាមគុណភាពរបស់ម្ទេសនៅគ្រាបន្ទាប់។ ឯកឧត្តម ឃឹម ហ្វីណង់ មានប្រសាសន៍គូសបញ្ជាក់ថា “សហគមន៍កសិកម្មទំនើបទី១១នេះ ជាសហគមន៍ថ្មី ។យើងព្យាយាមផ្តល់ការគាំទ្រជូនពួកគាត់ ហើយការដាំម្ទេសតែមួយមុខសម្រាប់នៅពេលបច្ចុប្បន្ន មិនប្រាកដថាអាចជួយទ្រទ្រង់ជីវភាពពួកគាត់បានទាំងស្រុងនោះទេ ប៉ុន្តែវាជាចំណុចចាប់ផ្តើមមួយដ៏ល្អ ហើយនៅពេលខាងមុខយើងព្យាយាមបំពេញបន្ថែមនូវមុខដំណាំឬ ផលិតផលផ្សេងទៀតជូនដល់ពួកគាត់”។ គួរម្លឹកផងដែរថា នៅរសៀលថ្ងៃទី០៦ ខែមីនា ឆ្នាំ២០២៥ ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទបានអញ្ចើញជាគណៈអធិបតីក្នុងពិធីចុះកិច្ចសន្យាទិញលក់ […]

ភ្នំពេញ: ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានគូសបញ្ជាក់ថា ធនធានមនុស្សដែលមានគុណភាពខ្ពស់ និងមានសុខភាពល្អ គឺជាទ្រព្យសម្បត្តិដ៏រឹងមាំសម្រាប់ប្រទេសជាតិក្នុងការបង្កើនតម្លៃសេដ្ឋកិច្ច និងធានាបាននូវកំណើនប្រកបដោយនិរន្តរភាពរយៈពេលវែង។ ពោលគឺ មនុស្សជាកត្តាដ៏សំខាន់បំផុតមួយក្នុងចំណោមកត្តាសំខាន់ផ្សេងទៀត ដូចជា ផ្លូវ ទឹក ភ្លើង និងបច្ចេកវិទ្យា នៅក្នុងយុទ្ធសាស្ត្របញ្ចកោណ ដំណាក់កាលទី១ នៃរាជរដ្ឋាភិបាលកម្ពុជា អាណត្តិទី៧។ ឯកឧត្តមរដ្ឋមន្ត្រី បានថ្លែងបញ្ជាក់ថា ការតភ្ជាប់រវាងធនធានមនុស្ស និងហេដ្ឋារចនាសម្ព័ន្ធត្រូវតែជាក្បាលម៉ាស៊ីនដ៏សំខាន់ ដើម្បីទ្រទ្រង់ការពង្រីកពាណិជ្ជកម្ម និងការអភិវឌ្ឍរយៈពេលវែង។ កម្លាំងពលកម្មប្រកបដោយជំនាញ មានភាពសមស្រប និងភាពច្នៃប្រឌិត រួមផ្សំជាមួយបណ្តាញហេដ្ឋារចនាសម្ព័ន្ធនឹងទាក់ទាញការវិនិយោគ បង្កើនភាពប្រកួតប្រជែង និងសម្រួលពាណិជ្ជកម្មក្នុងតំបន់អាស៊ាន។ ឯកឧត្តមរដ្ឋមន្ត្រី ជឿជាក់ថា ការបន្តវិនិយោគលើមនុស្សឱ្យក្លាយជាកម្លាំងជំនាញដ៏ចាំបាច់ ដោយធ្វើការរួមគ្នាដើម្បីបណ្ដុះបណ្ដាលកម្លាំងពលកម្មដែលមានជំនាញខ្ពស់ ដែលអាចដោះស្រាយបញ្ហាប្រឈមនាពេលអនាគតនឹងជំរុញឱ្យមានវិបុលភាពយូរអង្វែងសម្រាប់អាស៊ាន (សហគមន៍តែមួយ វាសនាមួយ)។ ការគូសបញ្ជាក់នូវគន្លឹះដ៏សំខាន់នេះ គឺនៅក្នុងឱកាសដែល ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានអញ្ជើញថ្លែងសុន្ទរកថាគន្លឹះ នារសៀល ថ្ងៃទី៦ ខែមីនា ២០២៥ នៅក្នុងកិច្ចប្រជុំកំពូលធុរកិច្ចអាស៊ាន-កម្ពុជា ឆ្នាំ២០២៥ […]

ខេត្តមណ្ឌលគិរី៖ លោក សុង ឃាង ប្រធានមន្ទីរកសិកម្ម រុក្ខាប្រមាញ់និងនេសាទខេត្តមណ្ឌលគិរីបានឱ្យដឹងថាមជ្ឈមណ្ឌលអភិវឌ្ឍន៍ដំណាំតំបន់ខ្ពង់រាបស្ថិតនៅក្នុងភូមិអូរស្ពានសង្កាត់ស្ពានមានជ័យក្រុងសែនមនោរម្យខេត្តមណ្ឌលគិរីនឹងក្លាយជាកន្លែងស្រាវជ្រាវសំខាន់មួយលើពូជដំណាំប្រចាំខេត្តមណ្ឌលគិរី ក៏ដូចជានៅកម្ពុជា។ លោកបន្តថា គម្រោងសាងសង់មជ្ឈមណ្ឌលអភិវឌ្ឍន៍ដំណាំខ្ពង់រាបនេះមានគោលបំណងធំៗចំនួន២៖ទី១)-សម្រាប់បណ្តុះបណ្តាលបច្ចេកទេសទំនើប ការដាំដុះបន្លែដល់កសិករ។ទី២)-ការផលិតពូជដំណាំ, ការពិសោធន៍ពូជដំឡូងបាំងសម្រាប់កម្ពុជា ដែលកន្លងមកក្រសួងកសិកម្មបានប្រកាសថា ប្រទេសកម្ពុជាអាចដាំដំឡូងបារាំងបាន នៅក្នុងខេត្តមណ្ឌលគិរី ប៉ុន្តែនៅជួបបញ្ហាក្នុងការរកពូជដំឡូងបារាំងនេះ។ បើតាមប្រធានមន្ទីរកសិកម្មខេត្តមណ្ឌលគិរី បច្ចុប្បន្ននៅក្នុងមជ្ឈមណ្ឌលអភិវឌ្ឍន៍ដំណាំខ្ពង់រាប បានសាកល្បងពិសោធន៍លើការដាំដុះបន្លែនៅលើដីខ្សាច់ និងនៅលើស្រកីដូងទទួលបានជោគជ័យ។ លោក សុង ឃាង បានគូសបញ្ជាក់ថា “មជ្ឈមណ្ឌលអភិវឌ្ឍន៍ដំំណាំខ្ពស់រាបនេះ មានសារសំខាន់ណាស់។ វាជាកន្លែងសិក្សាស្រាវជ្រាវទៅលើពូជដំណាំ ដោយសារនៅក្នុងមជ្ឈមណ្ឌលនេះ បានបំពាក់នូវសម្ភារៈបច្ចេកទេសធ្វើពិសោធន៍ល្អៗ សម្រាប់ពិសោធន៍លើជាលិកា ឬហៅថា បង្កាត់ពូជដោយការដាំដុះដោយជាលិកា។លើសពីនេះមជ្ឈមណ្ឌល មានកន្លែងសិក្សាដាំពីជាលិកាទៅលើការដាំនៅលើទឹក ឬហៅថា Hydrophonicនិងការដាំនៅក្នុងផ្ទះសំណាញ់”។ ទាក់ទងគម្រោងខាងលើ  នៅថ្ងៃខាងមុខប្រទេសកម្ពុជាពុំចាំបាច់នាំចូលពូជដំឡូងបារាំងមកពីប្រទេសជិតខាងទៀតនោះឡើយ ពោលកម្ពុជាមានពូជដំឡូងបារាំងខ្លួនឯងហើយ បន្ទាប់ពីចំណាយពេលពិសោធន៍អស់រយៈពេល៣ឆ្នាំកន្លងមកនេះ។ លោក ភិន ផន កសិករទទួលបានការបណ្តុះបណ្តាលពីច្ចេកទេសដាំបន្លែពីមជ្ឈមណ្ឌលអភិវឌ្ឍន៍ដំណាំខ្ពង់រាប បានអះអាងថា លោកទទួលបានចំណេះជំនាញបានច្រើនទៅលើការសាកល្បងដាំស្ពៃក្តោប និងស្ពៃបូកគោនៅលើដីខ្សាច់ និងដាំនៅលើស្រកីដូង តាមរយៈអ្នកជំនាញប្រចាំនៅមជ្ឈមណ្ឌល។ លោក ភិន ផន យល់ឃើញថា ការបង្កើតនៅមជ្ឈមណ្ឌលអភិវឌ្ឍន៍ដំណាំខ្ពង់រាប នេះឡើងវាបានចូលរួមចំណែកជួយដល់កសិករដែលប្រកបមុខរបរដាំបន្លែបានច្រើន ទាក់ទងបច្ចេកទេសដាំដុះបន្លែ ហើយបើសិននៅក្នុងតំបន់មានមជ្ឈមណ្ឌលបែបនេះច្រើនកន្លែង […]

ភ្នំពេញ៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាល ទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម នឹងអញ្ជើញធ្វើជាវាគ្មិនពិភាក្សាលើប្រធានបទ ស្តីពីប្រព័ន្ធស្បៀងអាហារប្រកប​ដោយ​ចីរភាព និងបញ្ហាប្រឈមជាសកល នៅក្នុងសន្និបាតហិរញ្ញវត្ថុ​ជាសកល ដែលនឹងប្រព្រឹត្តទៅនៅថ្ងៃទី ២៦-២៨ ខែកុម្ភៈ ឆ្នាំ២០២៥ នាទីក្រុងខេបថោន សាធារណរដ្ឋអាហ្វ្រិកខាងត្បូង។ នៅក្នុងឱកាសចូលរួមសន្និបាតហិរញ្ញវត្ថុសកលនេះ ក្នុងនាមឯកឧត្តមជាប្រធានសមាគមគ្រឹះស្ថានហិរញ្ញវត្ថុអភិវឌ្ឍន៍អាស៊ី-ប៉ាស៊ីហ្វិក (ADFIAP)​ ផងដែរ ​ឯកឧត្តមនឹងចូលរួមកិច្ចប្រជុំក្រុមប្រឹក្សាភិបាល  ​ដែលជាមាជិកនៃសហព័ន្ធពិភពលោកនៃគ្រឹះស្ថានហិរញ្ញវត្ថុអភិវឌ្ឍន៍ តំណាងពីតំបន់អាស៊ី-ប៉ាស៊ីហ្វិក ព្រមទាំងមានកិច្ចប្រជុំពិភាក្សាជាច្រើន ជាមួយដៃគូអភិវឌ្ឍន៍ និងធនាគារអភិវឌ្ឍន៍ផ្សេងៗទៀត។ បន្ថែមពីលើនេះ ឯកឧត្តមបណ្ឌិតប្រតិភូ ក៏ត្រូវបានអញ្ជើញឱ្យធ្វើជាវាគ្មិនបន្ថែមមួយទៀតក្នុងនាមជាប្រធានសមាគមគ្រឹះស្ថានហិរញ្ញវត្ថុអភិវឌ្ឍន៍អាស៊ី-ប៉ាស៊ីហ្វិក​ ដោយផ្តោតលើប្រធានបទ​ «ប្រព័ន្ធហិរញ្ញវត្ថុបៃតង៖ ការដកនូវរបាំងមូលធន សម្រាប់គាំទ្រដល់សកម្មភាពអាកាសធាតុ និងការអភិវឌ្ឍ ដែលមានសហប្រធានដឹកនាំកិច្ចពិភាក្សាដោយរដ្ឋមន្រ្តីក្រសួងហិរញ្ញវត្ថុនៃប្រទេសប្រេស៊ីល​​ និងរដ្ឋមន្រ្តីក្រសួងហិរញ្ញវត្ថុនៃប្រទេសឥណ្ឌូនេស៊ី​ ដោយឯកឧត្តមគ្រោងលើកអំពីកិច្ចខិតខំរបស់ សមាគមគ្រឹះស្ថានហិរញ្ញវត្ថុអភិវឌ្ឍន៍អាស៊ី-ប៉ាស៊ីហ្វិក ក្នុងការប្រមូលផ្តុំធនាគារអភិវឌ្ឍន៍ និងស្ថាប័នហិរញ្ញវត្ថុផ្សេងទៀតមកពីតំបន់អាស៊ី និងប៉ាស៊ីហ្វិក ដើម្បីជំរុញការអភិវឌ្ឍប្រកប​ដោយចីរភាព។ ឯកឧត្តមបណ្ឌិត កៅ ថាច បានមានប្រសាសន៍បញ្ជាក់ថា តាមរយៈសន្និបាតនេះ ឯកឧត្តមបណ្ឌិតនឹងផ្សព្វផ្សាយជូនអង្គសន្និបាតហិរញ្ញវត្ថុ​សកល អំពីកិច្ចខិតខំរបស់រាជរដ្ឋាភិបាលនីតិកាលទី៧ នៃរដ្ឋសភា ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា […]

រដ្ឋធានីខេបថោន ៖ ឯកឧត្តមបណ្ឌិត កៅ ថាច អគ្គនាយកធនាគារ ARDB និងជាប្រធានសមាគមគ្រឹះស្ថានហិរញ្ញវត្ថុអភិវឌ្ឍន៍អាស៊ី-ប៉ាស៊ីហ្វិក (ADFIAP)​ ត្រូវបានអញ្ជើញឱ្យចូលរួម កិច្ចប្រជុំក្រុមប្រឹក្សាភិបាលរបស់សហព័ន្ធពិភពលោកនៃគ្រឹះស្ថានហិរញ្ញវត្ថុអភិវឌ្ឍន៍ (Board of Governors of World Federation of Development Finance Institutions – WFDFI) និងដោយមានការចូលរួមពីលោកអគ្គលេខាធិការរបស់សមាគមនៅថ្ងៃទី២៥ ខែកុម្ភ: ឆ្នាំ២០២៥នេះ។ កិច្ចប្រជុំនេះស្របពលនៃសន្និបាតហិរញ្ញវត្ថុ​ជាសកលដោយការប្រមូលផ្តុំគ្រឹះស្ថានហិរញ្ញវត្ថុអភិវឌ្ឍន៍ ប្រមាណជាង ៥​៣០​ ស្ថាប័ន មកពីជុំវិញ​ពិភពលោកជាសមាជិករបស់ WFDFI។ សហព័ន្ធពិភពលោកនៃគ្រឹះស្ថានហិរញ្ញវត្ថុអភិវឌ្ឍន៍បានបង្កើតឡើងដោយសមាគមមកពីតំបន់ផ្សេងគ្នាជុំវិញ​ពិភពលោក រួមមាន៖ ទី១. សមាគមគ្រឹះស្ថានហិរញ្ញវត្ថុអភិវឌ្ឍន៍តំបន់អាស៊ី និងប៉ាស៊ីហ្វិក – ADFIAP មានទីស្នាក់ការស្ថិតនៅរដ្ឋធានីម៉ានីល ប្រទេសហ្វីលីពីន​(៤១ ប្រទេស), ទី២. សមាគមគ្រឹះស្ថានហិរញ្ញវត្ថុអភិវឌ្ឍន៍​តំបន់ អាមេរិកឡាទីន និងខារីប៊ែន – ALIDE មានទីស្នាក់ការស្ថិតនៅរដ្ឋធានីលីម៉ា ប្រទេសប៉េរូ (២២ ប្រទេស)។ ទី៣. សមាគមគ្រឹះស្ថានហិរញ្ញវត្ថុអភិវឌ្ឍន៍តំបន់អាហ្វ្រិក – […]

ភ្នំពេញ ៖ ម្ចាស់ចំការទុរេនក្នុងស្រុកកាលពីថ្ងៃទី២៤ខែកុម្ភៈនេះបាន​​សាទរនូវវិធានការ​​ហាមឃាត់ការនាំចូលផ្លែទុរេនស្រស់ពីប្រទេសវៀតណាមនិងថៃ ក្រោយពីថ្មីៗនេះ អាជ្ញាធរគយនៃប្រទេសចិនបានរកឃើញមានផ្ទុកសារធាតុ Basic Yellow 2 ឬ Auramine O និង Cadmium។ ​​លោកស្រី ម៉ាន់ ថង ម្ចាស់ចំការនៅស្រុកទឹកឈូខេត្តកំពត បាន​​មានប្រសាសន៍ថា កសិកម្មដំណាំទុរេននៅក្នុងប្រទេស​កម្ពុជាសព្វថ្ងៃនេះ អាចផ្គត់​ផ្គង់ដល់ប្រជាជន​បរិភោគបានហើយ អាចនាំចេញទៅក្រៅប្រទេស​បាន​ថែម​​ទៀត ហើយ​បើសិន​​ជា​​ការ​​ប្រកាសរបស់​រាជរដ្ឋាភិបាលទប់ស្កាត់​មិន​​ឲ្យ​នាំចូលធុរេនជាប់រហូតនោះ ក្នុងនាម​​​​ជាម្ចាស់​ចំការមានការសប្បាយចិត្ត​និងគាំទ្រ ព្រោះអ្នកបរិភោគយើង​មានការគាំទ្រទុរេននៅក្នុងស្រុក​​ភាគច្រើន។ អ្នកស្រីជាម្ចាស់ចំការបាន​លើកឡើងថា​  ទីផ្សារនាំចូលទុរេនពីប្រទេសជិតខាងតាមរយៈឈ្មួញនោះមានតម្លៃទាប គឺ ពីចន្លោះ ៥ពាន់រៀលក្នុង ១គីឡូក្រាម ដែលមានតម្លៃថោកជាងទុរេនក្នុងស្រុកយើង ហើយទុរេនប្រទេសជិតខាងគេប្រមូលផល ២ទៅ៣ដង ក្នុង១ឆ្នាំ​​​​ ចំពោះទុរេនវិលជុំ ។ ម្ចាស់ចំការខាងលើបន្ថែមថា ​សម្រាប់កសិករយើងមិន​អាចធ្វើ​បាន​ដូចគេទេ ដោយសារតែមិន​មានបច្ចេកទេស គឺប្រមូលផលបានត្រឹមតែ១ដងក្នុង១ឆ្នាំ​​ ហើយ​តម្លៃទុរេនកម្ពុជា ​​​បើសិន​ជាមិន​មានការប្រកួតប្រជែងជាមួយនិងទុរេននាំចូលទេនោះ​គឺ កសិករយើង​អាចលក់បាន​ផលចំនេញ​​។ សូមជម្រាប់ថា យើងតាមម្ចាស់ចំការ ទុរេនកំពតក្នុងស្រុកពេញរដូវ ​បើតម្លៃបោះដុំគឺ ១៥០០០រៀល ទៅ១៨០០០រៀល  ក្នុង១គីឡូក្រាម និងតម្លៃលក់ចេញវិញចម្លោះពី២០០០០រៀលទៅ ២៥០០០រៀល ក្នុង១គីឡូក្រាម​​​ ពោលតម្លៃធុរេនកំពតមិន​ទាប់នោះទេ។ ដោយឡែករដូវកាលទុរេនកសិករមានខុសរដូវខ្លះនិងតាមរដូវកាលគឺនៅចុងខែមេសានិងដើមខែឧសភាឬនៅចុងខែមិថុនា […]

រាជធានីភ្នំពេញ៖ ប្រធានសមាគមអ្នកចិញ្ចឹមសត្វកម្ពុជាបានឱ្យដឹងថា វិស័យចិញ្ចឹមសត្វនៅក្នុងស្រុកនៅតែបន្តរក្សាបានវឌ្ឍនភាពរបស់ខ្លួនពីមួយឆ្នាំទៅមួយឆ្នាំ ពីការចិញ្ចឹមលក្ខណៈគ្រួសារទៅបែបលក្ខណៈពាណិជ្ជកម្មទំនើបដូចដូចបណ្តាប្រទេសនានា ហើយមានលទ្ធភាពផ្គត់ផ្គង់ ទីផ្សារក្នុងស្រុកយ៉ាងពេញលេញទៀងទាត់ និងមានផលិតកម្មសត្វមួយចំនួន អាចនាំ ចេញទៅក្រៅទេសទៀតផង។ ប្រធានសមាគមលើកឡើងបែបនេះកាលពីថ្ងៃទី២១ខែកុម្ភៈឆ្នាំ២០២៥ ក្នុងកិច្ចប្រជុំប្រចាំឆ្នាំនិងសិក្ខាសាលាស្តីពីដំណោះស្រាយប្រកបដោយនិរន្តរភាពលើវិស័យចិញ្ចឹមសត្វ ដែលរៀបចំនៅមជ្ឈមណ្ឌលសន្និបាតនិងពិព័រណ៍អន្តរជាតិជ្រោយចង្វារ។ លោក ស៊្រុន ពៅ ប្រធានសមាគមអ្នកចិញ្ចឹមសត្វកម្ពុជាមានប្រសាសន៍ថា តាំងពីដើមឆ្នាំ២០២៤មកនេះ វិស័យចិញ្ចឹមសត្វយើងមានដំណើរការជាវិជ្ជមានជា បណ្តើរៗ ពិសេសលើផ្នែកទីផ្សារ ដែលធ្វើឱ្យសហគ្រិនខ្មែរយើង ជាពិសេស សមាជិក សមាគមអ្នកចិញ្ចឹមសត្វកម្ពុជាដែលស្រលាញ់ពេញចិត្តវិស័យនេះមានទឹកចិត្តឡើងវិញ ហើយក៏បានជំរុញថ្នាក់ដឹកនាំសមាគមឱ្យបន្តតាមដាន និងស្វែងរកការគាំទ្រលើគោល នយោបាយ និងស្វះស្វែងចូលជួបប្រជុំពិភាក្សាការងារជាមួយក្រសួងស្ថាប័នមាន សមត្ថកិច្ចពាក់ព័ន្ធដើម្បីជួយដល់វិស័យចិញ្ចឹមសត្វ និងធានាដល់សុខុមាលភាពសង្គម។ លោកលើកឡើងថា ក្នុងនាមថ្នាក់ដឹកនាំនៃសមាគមអ្នកចិញ្ចឹមសត្វកម្ពុជាសូមសំណូមពរដល់ អ្នកដែលមានវត្តមាននៅក្នុងសិក្ខា សាលាពេលនេះ មេត្តាបន្តជួយគាំទ្រសកម្មភាពនានារបស់សមាគមជាបន្តទៀត ដើម្បីធ្វើឱ្យ សមាគមអ្នកចិញ្ចឹមសត្វកម្ពុជា ក្លាយជាចលករដ៏ខ្លាំងមួយក្នុងការលើកកម្ពស់សុខភាព សុវត្ថិភាពចំណីអាហារ សន្តិសុខស្បៀងជាតិ និងជំរុញវិស័យចិញ្ចឹមសត្វនៅកម្ពុជាឱ្យ កាន់តែរឹងមាំប្រកបដោយគុណភាព ដើម្បីចូលរួមកសាង និងពង្រឹងគ្រឹះសេដ្ឋកិច្ចជាតិ ស្របតាមគោលនយោបាយអភិវឌ្ឍន៍សេដ្ឋកិច្ចជាតិរបស់រាជរដ្ឋាភិបាល ក្រោមការដឹកនាំ ប្រកបដោយគតិបណ្ឌិតរបស់ សម្តេចមហាបវរធិបតី ហ៊ុន ម៉ាណែត នាយក រដ្ឋមន្ត្រី។ សូមជម្រាបថា វិស័យចិញ្ចឹមសត្វ គឺជាវិស័យដ៏សំខាន់មួយនៅក្នុងវិស័យកសិកម្ម […]

កំពង់ធំ៖ លោក​ ឆេង បូរ៉ា ប្រធានសហគមន៍កសិកម្មទំនើបអភិវឌ្ឍន៍ដំណាំស្រូវនៅខេត្តកំពង់ធំបាន​​លើកឡើងថា ក្រោយពីប្រជាកសិករសហការគ្នាចងក្រងសហគមន៍កសិកម្មទំនើបធ្វើឱ្យពួកគាត់ទទួលបានអត្ថប្រយោជន៍ជាច្រើនដូចជា កាត់បន្ថយចំណាយមិនចាំបាច់ មានមន្ត្រីកសិកម្មជួយណែនាំ​ និងផ្តល់បច្ចេកទេសក្នុងការដាំដុះ ហើយទទួលបានទិន្នផលច្រើនជាជាងធ្វើការដាំដុះដាច់ដោយឡែក ជាពិសេសមានទីផ្សារពិតប្រាកដ និងលក់បានចំណេញជាងពីមុន។ ការបង្ហាញក្តីសង្ឃឹមនិងក្តីសប្បាយរីករាយនេះធ្វើឡើងនៅពេល មានវត្តមានរបស់​ ឯកឧត្តមរដ្ឋមន្ត្រី​  ឌិត ទីណា បានអញ្ជើញចុះពិនិត្យការច្រូតស្រូវសែនក្រអូប០១ ដោយផ្ទាល់ នារសៀលថ្ងៃទី២២ ខែកុម្ភៈ ឆ្នាំ២០២៥នេះ។ តំណាងសហគមន៍រូបនោះបានឱ្យដឹងទៀតថា នៅក្នុងសហគមន៍របស់គាត់មានប្រព័ន្ធទឹកស្រោចស្រពគ្រប់គ្រាន់ អំណោយផលដល់ការដាំដុះទាំងរដូវប្រាំង និងរដូវវស្សា។​ នៅឆ្នាំក្រោយៗទៀត សហគមន៍នឹងបន្តកៀរគរប្រជាកសិករបន្ថែមទៀតឱ្យចូលរួមក្នុងសហគមន៍កសិកម្មទំនើប ដើម្បីពង្រឹង​ និងពង្រីកការដាំដុះដំណាំស្រូវសែនក្រអូប០១ និងពូជស្រូវក្នុងស្រុកផ្សេងៗទៀត។ សម្រាប់ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងថ្នាក់ដឹកនាំ ក្នុងឱកាសនោះដែរក៏បានអញ្ជើញចុះពិនិត្យការច្រូតស្រូវសែនក្រអូប០១ និងជួបសំណេះសំណាលជាមួយសហគមន៍កសិកម្មទំនើបអភិវឌ្ឍន៍ដំណាំស្រូវកំពង់ធំ នៅភូមិរលស់ សង្កាត់ស្រយ៉ូវ ក្រុងស្ទឹងសែន ខេត្តកំពង់ធំ។ ក្នុងដំណើរបេសកកម្មនេះ ឯកឧត្តមរដ្ឋមន្រ្តីក៏បានចុះត្រួតពិនិត្យមើលការប្រមូលផលស្រូវសែនក្រអូប០១ និងទទួលស្តាប់នូវស្ថានភាពជាក់ស្តែង​របស់សហគមន៍​។ ទន្ទឹមនឹងនេះ ឯកឧត្តមរដ្ឋមន្ត្រី ក៏បានលើកទឹកចិត្តក្នុងការសហការជាមួយមន្ត្រីជំនាញ ដើម្បីពិនិត្យលើទីតាំងដីដើម្បីត្រៀមដាំនូវពូជស្រូវចំប៉ីស៧០​។ ឯកឧត្តមរដ្ឋមន្ត្រី បានផ្តល់ជាអនុសាសន៍ណែនាំដល់សហគមន៍កសិកម្មទំនើប បន្តធ្វើការសហការដោយកសាងទំនុកចិត្តជាមួយគ្នា […]

(ភ្នំពេញ)៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម ARDB ជាប្រធានសមាគមគ្រឹះស្ថានហិរញ្ញវត្ថុអភិវឌ្ឍន៍អាស៊ី-ប៉ាស៊ីហ្វិក (ADFIAP) បានដឹកនាំក្រុមការងារអញ្ជើញចូលរួម ក្នុងសន្និបាតហិរញ្ញវត្ថុជាសកលផ្តោតលើប្រធានបទ “ការជំរុញហេដ្ឋារចនាសម្ព័ន្ធ និងហិរញ្ញវត្ថុសម្រាប់កំណើនប្រកបដោយសមធម៌ បរិយាប័ន្ន និងចីរភាព» ដែលនឹងប្រព្រឹត្តទៅនៅថ្ងៃទី ២៦-២៨ ខែកុម្ភៈ ឆ្នាំ២០២៥ នៅទីក្រុងខេបថោន សាធារណរដ្ឋអាហ្វ្រិកខាងត្បូង” ខាងក្រោមនេះជាកិច្ចសម្ភាសរបស់ ឯកឧត្តមបណ្ឌិត កៅ ថាច ជាមួយបណ្តាញព័ត៌មាន Fresh News: 1: តើអ្វីទៅជាសន្និបាតហិរញ្ញវត្ថុជាសកល (Finance in Common Summit – FiCS)? សន្និបាតហិរញ្ញវត្ថុជាសកល (FiCS) គឺជាការជួបជុំនៃថ្នាក់ដឹកនាំជាន់ខ្ពស់ និងជាបណ្តាញសកល នៃបណ្តាធនាគារអភិវឌ្ឍន៍សាធារណៈ មកពីជុំវិញពិភពលោក ដើម្បីពិនិត្យ និងរៀបចំនូវលំហូរហិរញ្ញវត្ថុឱ្យកាន់តែប្រសើរឡើង សម្រាប់ការឈានទៅមុខលើការប្តេជ្ញាចិត្ត ក្នុងការសម្រេចបាននូវគោលដៅអភិវឌ្ឍន៍ ប្រកបដោយចីរភាពឆ្នាំ ២០៣០ និងកិច្ចព្រមព្រៀងប៉ារីស ស្តីពីការប្រែប្រួលអាកាសធាតុ។ សន្និបាតហិរញ្ញវត្ថុជាសកលនេះ ជាការប្រមូលផ្តុំធនាគារអភិវឌ្ឍន៍សាធារណៈ ប្រមាណជាង ៥៣៣ ស្ថាប័ន […]

មណ្ឌលគិរី៖ កសិករដាំដំណាំម្រេចនៅក្នុងខេត្តភូមិភាគឦសាន នាឆ្នាំ២០២៥ មានទឹកចិត្តសប្បាយរីករាយគ្រប់គ្នាដោយសង្ឃឹមថា ពួកគេនឹងទទួលបានប្រាក់ចំណូលច្រើនពីការលក់កសិផលរបស់ខ្លួន ខណៈទីផ្សារម្រេចក្នុងស្រុក និងនៅក្រៅប្រទេសចាប់ផ្តើមឡើងថ្លៃវិញ។ លោក យឿន ដារ៉ា ជាម្ចាស់ចំការម្រេចឈ្មោះ តាយឿន បានប្រាប់អ្នកយកព័ត៌មានរបស់ទូរទស្សន៍អនឡាញ ARDB-TV នៅដើមសប្តាហ័នេះថា ពូជម្រេចភាគឦសានមាន៣ប្រភេទ ដែលកសិករបានដាំ គឺម្រេច ម៉ាឡេ ម្រេចយូឡិន និងម្រេចខ្មែរ។ ចំណែក ការប្រមូលផលម្រេចទាំង ៣ប្រភេទនេះ មានតាមដំណាក់របស់វា គឺចាប់ផ្ដើមពីខែវិច្ឆិកា ដល់ខែមករា ប្រមូលផលម្រេចយូឡិន។ ខែមករា ដល់ខែមេសា ប្រមូលផលម្រេចម៉ាឡេ ចំណែកម្រេចខ្មែរ ប្រមូលផលពីខែមេសា ដល់ខែមិថុនា។ កសិករដាំដំណាំម្រេច យឿន ដារ៉ា រស់នៅឃុំប៊ូសា្រ ស្រុកពេជ្រាដា ខេត្តមណ្ឌលគិរី បានរៀបរាប់ដូច្នេះថា៖ “ម្រេចខ្មែរលក់បានតម្លៃថ្លៃជាងម្រេចយូឡិន និងម្រេចម៉ាឡេ។ ឆ្នាំនេះកសិកររៀងញញឹមតិច ព្រោះម្រេចមានតម្លៃល្អ។ ដោយ​ម្រេចស្ងួត១គីឡូ លក់បានក្នុងតម្លៃ២៦០០០រៀល។ ស្រស់១គីឡូ ៨០០០ ទៅ៩000រៀល។ តម្លៃម្រេចនេះ នឹងមានការប្រែប្រែ ឬឡើងចុះទៅតាមទីផ្សារ”។ បើធៀបនឹងឆ្នាំមុន តម្លៃម្រេចឡើងលើសឆ្នាំមុនជិត១ម៉ឺនរៀលក្នុងមួយគីឡូក្រោម។ […]