អន្តរជាតិ

អាម៉េរិក៖ កសិកម្ម នៅតែជាឧស្សាហកម្មឈានមុខគេមួយនៅក្នុងសហរដ្ឋអាម៉េរិក ដោយបានផ្តល់ចំណីអាហារដល់ពលរដ្ឋរបស់ខ្លួនអស់ជាច្រើនសតវត្សមកហើយ និងបានក្លាយជាកន្លែងសាកល្បងសម្រាប់ការច្នៃប្រឌិតផ្នែកបច្ចេកវិទ្យាផ្សេងៗ​ នាពេលបច្ចុប្បន្ននេះ។ សព្វ​ថ្ងៃនេះ​ វិស័យ​កសិកម្ម​របស់​សហរដ្ឋ​អាម៉េរិក​កំពុងតែ​អភិវឌ្ឍ​យ៉ាង​សកម្ម និងគួរឱ្យកត់សម្គាល់ ។ បច្ចេកវិទ្យានេះបានជះឥទ្ធិពលជាវិជ្ជមានយ៉ាងខ្លាំងដល់ឧស្សាហកម្មទាំងមូល ដោយបានប្រែក្លាយទៅជាធាតុផ្សំសម្រាប់បង្កើតប្រព័ន្ធសេដ្ឋកិច្ចរបស់ប្រទេសអាម៉េរិក។ ការអភិវឌ្ឍឧស្សាហកម្មកសិកម្មរបស់សហរដ្ឋអាម៉េរិក មានកម្រិតខ្ពស់ណាស់ ដូចជាការអភិវឌ្ឍហេដ្ឋារចនាសម្ព័ន្ធផ្លូវថ្នល់ដល់ទីកន្លែងតែម្តង។ នៅគ្រប់រដ្ឋទាំងអស់ មានផ្លូវខ្វាត់ខ្វែងជាច្រើនត្រូវបានសាងសង់សម្រាប់ឧស្សាហកម្មនេះ ដោយតភ្ជាប់កសិដ្ឋានជាមួយទីក្រុងក្បែរៗ ឃ្លាំងសម្រាប់រក្សាទុកគ្រាប់ធញ្ញជាតិ បន្លែ ផ្លែឈើ និងផលិតផលបសុសត្វ ប្រព័ន្ធផ្គត់ផ្គង់ទឹក មានដូចជា​អាងស្តុកទឹក អណ្តូង ស្ថានីយ៍បូមទឹកសម្រាប់ស្រោចដំណាំ។ ចំណែកហេដ្ឋារចនាសម្ព័ន្ធថាមពលសម្រាប់វិស័យកសិកម្មក៏មានគ្រប់គ្រាន់ដែរ​​ ដូចជាបំពង់បង្ហូរឧស្ម័ន បណ្តាញថាមពលអគ្គិសនី និងថាមពលដើរដោយពន្លឺព្រះអាទិត្យ​ និងកម្លាំងខ្យល់។  ចំណែករោងចក្រសម្រាប់កែច្នៃផលិតផលសម្រេច កន្លែងលក់ទំនិញ មានដូចជាផ្សារលក់ដុំ លក់រាយ និងមន្ទីរពិសោធន៍សម្រាប់ការត្រួតពិនិត្យគុណភាពចំណីអាហារក៏មានគ្រប់គ្រាន់ដែរ។ តាមរយៈបច្ចេកវិទ្យា គ្រប់ដំណើរការផលិត​ កែច្នៃ វេចខ្ចប់ រក្សាទុក និងចែកចាយ ស្ទើរតែដំណើរការដោយស្វ័យប្រវត្តិ និងមានសារៈសំខាន់ណាស់ក្នុងការអភិវឌ្ឍវិស័យកសិកម្ម និងឧស្សាហកម្មផ្សេងទៀតនៅក្នុងសហរដ្ឋអាមេរិក។ បច្ចេកវិទ្យាអាចជួយកាត់បន្ថយកការប្រើកម្លាំងមនុស្ស ដែលសព្វថ្ងៃនេះ ឧបករណ៍ទំនើបៗជាច្រើនត្រូវបានយកទៅប្រើនៅក្នុងគ្រប់វិស័យកសិកម្ម ដូចជាឧបករណ៍ចាប់សញ្ញាផ្សេងៗ ដែលប្រមូលព័ត៌មានចាំបាច់ និងអាចដើរដោយស្វ័យប្រវត្តិសម្រាប់ការសាបព្រួស ការស្រោចទឹក ការប្រមូលផល ការគ្រប់គ្រងសត្វល្អិត ការត្រួតពិនិត្យគុណភាពដី […]

អន្តរជាតិ៖ អាហ្រ្វិកខាងត្បូងកំពុងទន្ទឹងរង់ចាំកំណើនការនាំចេញផ្លែបឺរទៅកាន់ប្រទេសចិន ក្នុងរដូវកាលខាងមុខ។ នេះ​បាន​ធ្វើ​ឡើង​បន្ទាប់​ពី​ទីផ្សារ​ចិន​បាន​បើក​ការ​នាំ​ចេញ​ផ្លែ​បឺរ​របស់​អាហ្វ្រិក​ខាង​ត្បូង។ ចាប់តាំងពីពេលនោះមក អាហ្រ្វិកខាងត្បូងបានដឹកជញ្ជូនផ្លែបឺរ ផ្ទុកក្នុងកុងតឺន័រទំហំ៤០ហ្វីតមួយគ្រឿង ដែលមានទម្ងន់សរុប២១តោន ទៅកាន់ប្រទេសចិន ក្នុងឆ្នាំ២០២៤។ ខណៈពេលដែលនេះតំណាងឱ្យត្រឹមតែ០,០៣ភាគរយនៃការនាំចេញផ្លែបឺរសរុបរបស់អាហ្រ្វិកខាងត្បូងចំនួនជាង៨ម៉ឺនតោន លោក ដេរិក ដុនគីន (Derek Donkin) នាយកប្រតិបត្តិនៃសមាគមអ្នកដាំដំណាំត្រូពិចអាហ្វ្រិកខាងត្បូងបានប្រាប់ថា ទីផ្សារចិនបង្ហាញពីឱកាសរីកចម្រើនដ៏ធំសម្រាប់អ្នកនាំចេញ និងកសិករអាហ្វ្រិកខាងត្បូង។ ចំណែកលោក ហាន បូយ៉ុម (Hans Boyum) នាយកពាណិជ្ជកម្មសម្រាប់ទ្វីបអាហ្រ្វិក ប្រចាំក្រុមហ៊ុន Westfalia Fruit ដែលជាក្រុមហ៊ុនដំបូងគេដែលនាំចេញផ្លែបឺរទៅប្រទេសកាន់ចិន បានយល់ស្របជាមួយនឹងការវាយតម្លៃរបស់លោក ដុនគីន ដែលបាននិយាយថា តម្រូវការផ្លែបឺរនៅក្នុងប្រទេសចិនត្រូវបានគេរំពឹងថា នឹងកើនឡើងជាលំដាប់ ជាពិសេសការយល់ដឹងរបស់អ្នកទទួលទានពីអត្ថប្រយោជន៍សុខភាពរបស់ផ្លែបឺរមានការកើនឡើង។ ការនាំចេញផ្លែបឺរដំបូងរបស់ក្រុមហ៊ុន Westfalia Fruit ត្រូវបានប្រើជាឧបករណ៍សម្រាប់វាស់ស្ទង់សមត្ថភាពរបស់ក្រុមហ៊ុនក្នុងការបំពេញតម្រូវការដ៏តឹងរ៉ឹងនៃពិធីការនាំចូលសម្រាប់ប្រទេសចិន ក៏ដូចជាការវាយតម្លៃការទទួលផ្លែបឺរនៅលើទីផ្សារប្រទេសចិន។ លោក បូយ៉ុម បាននិយាយថា៖’ដោយផ្អែកលើភាពជោគជ័យនៃកុងតឺន័រទីមួយ យើងមានទំនុកចិត្តក្នុងការបង្កើនការនាំចេញក្នុងឆ្នាំ២០២៥។ ទីផ្សារប្រទេសចិនកំពុងតែកើនឡើង​ ដោយសារចំណង់ចំណូលចិត្តអ្នកទទួលទានផ្លែបឺរ”។ ចំពោះបញ្ហាប្រឈមសំខាន់នាពេលបច្ចុប្បន្ន គឺផ្សព្វផ្សាយបង្កើនការយល់ដឹងដល់អ្នកទទួលទានអំពីចំណង់ចំណូលចិត្តចំពោះផ្លែបឺរ ព្រោះផ្លែបឺរនៅតែជាផលិតផលថ្មីនៅក្នុងប្រទេសចិន។ ហើយអ្នកផ្គត់ផ្គង់អាហ្រ្វិកខាងត្បូងក៏ប្រឈមនឹងការប្រកួតប្រជែងពីប្រទេសផ្សេងទៀត ដែលបានផ្គត់ផ្គង់ទីផ្សារអស់រយៈពេលជាច្រើនឆ្នាំកន្លងមកហើយ។ អាហ្រ្វិកខាងត្បូងក៏ទទួលបានទីផ្សារទៅកាន់ប្រទេសឥណ្ឌាសម្រាប់ផ្លែបឺរក្នុងឆ្នាំ២០២៤។ ទីផ្សារនេះក៏មានសក្តានុពលយ៉ាងខ្លាំងសម្រាប់អ្នកទទួលទានផ្លែបឺរដ៏ធំ។ ទោះជាយ៉ាងណាក៏ដោយ ដុនគីន […]

អន្តរជាតិ៖ សាកលវិទ្យាល័យបាអ៊ីឡាន​ (Bar-Ilan University) ក្នុងប្រទេសអ៊ីស្រាអែល បានបង្កើតគំរូបញ្ញាសិប្បនិម្មិត (AI) ដើម្បីទស្សន៍ទាយភ្លើងឆេះព្រៃ និងដំណាំកសិកម្មនានា ដែលបង្កឡើងដោយរន្ទះបាញ់ ដោយ​មាន​ភាព​សុក្រឹត​ជាង ៩០ភាគរយ ហើយ​វាក៏នឹង​ក្លាយ​ជា​ឧបករណ៍​ថ្មី​មួយ​ ដែល​ត្រូវ​បាន​ប្រើ​ដើម្បី​ទប់ទល់​នឹង​ការ​ប្រែប្រួល​អាកាសធាតុ។ ទីភ្នាក់ងារព័ត៌មានបរទេសរាយការណ៍ពីក្រុងយេរូសាឡឹម ប្រទេសអ៊ីស្រាអែល កាលពីថ្ងៃទី០១ ខែមេសា ឆ្នាំ២០២៥ ដោយបាននិយាយថា ការសិក្សាដែលត្រូវបានបោះពុម្ពផ្សាយនៅក្នុងទស្សនាវដ្តីសារគមនាគមន៍ធម្មជាតិ (Nature Communications) អាចនឹងផ្តល់សេវាព័ត៌មាន ដល់ឧតុនិយម នាយកដ្ឋានពន្លត់អគ្គិភ័យ និងអ្នករៀបចំផែនការឆ្លើយតបគ្រាអាសន្ន អាចឆ្លើយតបបានលឿន និងឆ្លាតវៃជាងនេះ ហើយវាក៏អាចជួយសង្គ្រោះជីវិតមនុស្ស និងប្រព័ន្ធអេកូឡូស៊ីផងដែរ។ បើទោះបីសកម្មភាពរបស់មនុស្សជាមូលហេតុចម្បងនៃភ្លើងឆេះព្រៃក៏ដោយ ប៉ុន្តែរន្ទះ ក៏ជាប្រភពនៃភ្លើងឆេះព្រៃដ៏ខ្លាំងក្លាបំផុត និងមិនអាចទាយទុកជាមុនបាន។ ជាពិសេសនៅតំបន់ដាច់ស្រយាល ដែលមិនធនធានពន្លត់អគ្គិភ័យគ្រប់គ្រាន់ ភ្លើងទាំងនេះអាចឆេះនៅក្រោមដីជាច្រើនថ្ងៃមុនពេលផ្ទុះឆាបឆេះឡើង បង្ក​ឱ្យ​មាន​គ្រោះអគ្គិភ័យ​ថ្នាក់​ខ្លាំង ខណៈ​ការ​ប្រែ​ប្រួល​អាកាស​ធាតុ​កាន់​តែ​អាក្រក់​ទៅៗ  ហើយ​ខ្យល់​ព្យុះ ​រន្ទះ​បាញ់កាន់​តែ​ញឹកញាប់ គួប​ផ្សំ​នឹង​លក្ខខណ្ឌ​អាកាសធាតុ​ក្តៅ និង​ស្ងួត ​ដែល​ងាយបង្កឲ្យ​ភ្លើង​ឆេះ​ព្រៃ។ គំរូឧបករណ៍បញ្ជាសិប្បនិម្មិតថ្មីនេះ ដោយប្រើរយៈពេល៧ឆ្នាំនៃការបណ្តុះបណ្តាលលើទិន្នន័យផ្កាយរណបដែលមានគុណភាពខ្ពស់ពីជុំវិញពិភពលោក។ ហានិភ័យអគ្គិភ័យនឹងត្រូវបានវាយតម្លៃដោយការវិភាគកត្តាជាច្រើន រួមទាំងការវាយប្រហារដោយរន្ទះផងដែរ។ ដង់ស៊ីតេបន្លែ គំរូអាកាសធាតុ និងសណ្ឋានដី ការរកឃើញសំខាន់មួយគឺថា ភ្លើងឆេះព្រៃដែលបង្កឡើងដោយផ្លេកបន្ទោរ មានភាពខុសគ្នាខ្លាំងពីភ្លើងឆេះព្រៃ […]

អន្តរជាតិ៖ កាលពីថ្ងៃទី៣១​ ខែមីនា​ ឆ្នាំ២០២៥ ក្រុមហ៊ុនកែច្នៃ និងវេចខ្ចប់ផលិតផលចំណីអាហារដ៏ធំរបស់ប្រទេសប្រេស៊ីល បានប្រកាសពីផែនការវិនិយោគក្នុងទំហំទឹកប្រាក់ចំនួន១០០លានដុល្លារ ដើម្បីសាងសង់រោងចក្រចំនួនពីរកន្លែងនៅក្នុងប្រទេសវៀតណាម ក្នុងគោលបំណងពង្រីកវត្តមានរបស់ខ្លួននៅក្នុងតំបន់ និងពង្រឹងជំហររបស់ខ្លួននៅក្នុងទីផ្សារពិភពលោក។ ក្រុមហ៊ុន ចេប៊ីអេស (JBS) មានប្រតិបត្តិការជាង៦០០ នៅក្នុងទ្វីបអាមេរិក អាស៊ី អឺរ៉ុប អាហ្វ្រិក និងទ្វីបអូសេអានី។  នៅសហរដ្ឋអាមេរិកក្រុមហ៊ុននេះមានបុគ្គលិកជាង៧០ ០០០នាក់។  រោងចក្រសាងសង់ថ្មីនៅក្នុងប្រទេសវៀតណាមនឹងផលិតសាច់គោ សាច់ជ្រូក ដែលភាគច្រើនជាសត្វនៅរស់នាំចូលពីប្រទេសប្រេស៊ីល ដើម្បីផ្គត់ផ្គង់ទីផ្សារវៀតណាម និងនៅទីផ្សារបណ្តាប្រទេសអាស៊ីអាគ្នេយ៍ផ្សេងទៀត។ គម្រោងនេះត្រូវបានបង្កើតឡើងជាផ្លូវការតាមរយៈអនុស្សរណៈនៃការយោគយល់គ្នាជាមួយរដ្ឋាភិបាលវៀតណាម ដែលតំណាងដោយមជ្ឈមណ្ឌលជំរុញការវិនិយោគ ព័ត៌មាន ដែលជាអ្នកគ្រប់គ្រងតំបន់ឧស្សាហកម្មពិសេស នៅក្នុងខេត្តហៃហ្វុងរបស់វៀតណាម ។  គំនិតផ្តួចផ្តើមដាក់ទុនវិនិយោគនេះ ធ្វើឡើងស្របតាមគោលដៅអភិវឌ្ឍន៍សេដ្ឋកិច្ចសង្គមរបស់ប្រទេសវៀតណាម ដើម្បីបង្កើនផលិតកម្មក្នុងស្រុក និងពង្រីកតួនាទីរបស់ខ្លួន ក្នុងពាណិជ្ជកម្មសាច់នៅលើឆាកអន្តរជាតិ។ ប្រធានក្រុមហ៊ុនបុត្រសម្ព័ន្ធរបស់​ ចេប៊ីអស​ បានកត់សម្គាល់ពីការប្តេជ្ញាចិត្តរបស់ក្រុមហ៊ុនចំពោះកំណើនប្រកបដោយនិរន្តរភាពនៅក្នុងតំបន់។  លោកបានមានប្រសាសន៍ថា “រោងចក្រថ្មីនៅក្នុងប្រទេសវៀតណាមនឹងមិនត្រឹមតែពង្រីកសមត្ថភាពផលិតកម្មរបស់យើងប៉ុណ្ណោះទេ ប៉ុន្តែតំណាងឱ្យការវិនិយោគមួយ ដែលមានគោលបំណង៖ បង្កើតតម្លៃសម្រាប់សេដ្ឋកិច្ចក្នុងស្រុក បង្កើតការងារជំនាញ និងរួមចំណែកដល់សន្តិសុខស្បៀងនៅទូទាំងអាស៊ីអាគ្នេយ៍។ យើងកំពុងវិនិយោគនាពេលអនាគត ដោយផ្តោតលើការច្នៃប្រឌិត និរន្តរភាព និងការអភិវឌ្ឍន៍”។ ដំណាក់កាលដំបូងរបស់គម្រោងវិនិយោគនេះ នឹងចាប់ផ្តើមដំណាក់កាលទី១ នៅសួនឧស្សាហកម្ម ណាមឌិញវូ​ […]

អាម៉េរិក៖ កសិកម្ម នៅតែជាឧស្សាហកម្មឈានមុខគេមួយនៅក្នុងសហរដ្ឋអាមេរិក ដោយបានផ្តល់ចំណីអាហារដល់ពលរដ្ឋរបស់ខ្លួនអស់ជាច្រើនសតវត្សមកហើយ និងបានក្លាយជាកន្លែងសាកល្បងសម្រាប់ការច្នៃប្រឌិតផ្នែកបច្ចេកវិទ្យាផ្សេងៗ​ នាពេលបច្ចុប្បន្ននេះ។ សព្វ​ថ្ងៃនេះ​ វិស័យ​កសិកម្ម​របស់​សហរដ្ឋ​អាមេរិក​កំពុងតែ​អភិវឌ្ឍ​យ៉ាង​សកម្ម និងគួរឱ្យកត់សម្គាល់ ។ បច្ចេកវិទ្យានេះបានជះឥទ្ធិពលជាវិជ្ជមានយ៉ាងខ្លាំងដល់ឧស្សាហកម្មទាំងមូល ដោយបានប្រែក្លាយទៅជាធាតុផ្សំសម្រាប់បង្កើតប្រព័ន្ធសេដ្ឋកិច្ចរបស់ប្រទេសអាម៉េរិក។ ការអភិវឌ្ឍឧស្សាហកម្មកសិកម្មរបស់សហរដ្ឋអាម៉េរិក មានកម្រិតខ្ពស់ណាស់ ដូចជាការអភិវឌ្ឍហេដ្ឋារចនាសម្ព័ន្ធផ្លូវថ្នល់កសិកម្មដល់ទីកន្លែងតែម្តង។ នៅគ្រប់រដ្ឋទាំងអស់ មានផ្លូវហាយវេខ្វាត់ខ្វែងជាច្រើនត្រូវបានសាងសង់សម្រាប់ឧស្សាហកម្មនេះ ដោយតភ្ជាប់កសិដ្ឋានជាមួយទីក្រុងក្បែរៗ ឃ្លាំងសម្រាប់រក្សាទុកគ្រាប់ធញ្ញជាតិ បន្លែ ផ្លែឈើ និងផលិតផលបសុសត្វ ប្រព័ន្ធផ្គត់ផ្គង់ទឹក មានដូចជា​អាងស្តុកទឹក អណ្តូង ស្ថានីយ៍បូមទឹកសម្រាប់ស្រោចដំណាំ។ ចំណែកហេដ្ឋារចនាសម្ព័ន្ធថាមពលសម្រាប់វិស័យកសិកម្មក៏មានគ្រប់គ្រាន់ដែរ​​ ដូចជាបំពង់បង្ហូរឧស្ម័ន បណ្តាញថាមពល និងថាមពលដើរដោយព្រះអាទិត្យ​ និងកម្លាំងខ្យល់។  ចំណែករោងចក្រសម្រាប់កែច្នៃផលិតផលសម្រេច កន្លែងលក់ទំនិញ មានដូចជារផ្សារលក់ដុំ លក់រាយ និងមន្ទីរពិសោធន៍សម្រាប់ការត្រួតពិនិត្យគុណភាពចំណីអាហារក៏មានគ្រប់គ្រាន់ដែរ។ តាមរយៈបច្ចេកវិទ្យា ស្ទើរគ្រាប់ដំណើរការផលិត​ កែច្នៃ វេចខ្ចប់ រក្សាតទុក និងចែកចាយ ស្ទើរតែដំណើរការដោយស្វ័យប្រវត្តិ និងមានសារៈសំខាន់ណាស់ក្នុងការអភិវឌ្ឍវិស័យកសិកម្ម និងឧស្សាហកម្មផ្សេងទៀតនៅក្នុងសហរដ្ឋអាមេរិក។ បច្ចេកវិទ្យាអាចជួយកាត់បន្ថយកត្តាប្រើមនុស្ស ដែលសព្វថ្ងៃនេះ ឧបករណ៍ទំនើបៗជាច្រើនត្រូវបានយកទៅប្រើនៅក្នុងគ្រប់វិស័យកសិកម្ម ដូចជាឧបករណ៍ចាប់សញ្ញាផ្សេងៗ ដែលប្រមូលព័ត៌មានចាំបាច់ និងអាចដ់រដោយស្វ័យប្រវត្តិនូវដំណើរការនៃការសាបព្រួស ការស្រោចទឹក ការប្រមូលផល ការគ្រប់គ្រងសត្វល្អិត ការត្រួតពិនិត្យគុណភាពដី […]

អន្តរជាតិ៖ ការនាំចេញផលិផលកសិកម្មរបស់អូស្ត្រាលីទៅកាន់ទីផ្សារសហរដ្ឋអាម៉េរិក​ អាចកាត់បន្ថយដោយសារការដំឡើងពន្ធ​ខ្ពស់ពេក ហើយងាកមកបង្កើនការនាំចេញទៅកាន់ទីផ្សារ នៅភូមិភាគអាស៊ីអាគ្នេយ៍វិញម្តង ដែលអាចជួយពង្រឹងសន្តិសុខសេដ្ឋកិច្ច និងភាពធន់ ព្រមទាំងពង្រឹងទំនាក់ទំនងក្នុងតំបន់ផងដែរ។ យោងតាមការចេញផ្សាយរបស់វិទ្យាស្ថានយុទ្ធសាស្ត្រនយោបាយអូស្ត្រាលី (Australian Strategic Policy Institute) បានឱ្យដឹងថា​ ការសម្រេចចិត្តរបស់រដ្ឋបាលលោក ដូណាល់ ត្រាំ ក្នុងការដំឡើងពន្ធលើការនាំចូលដែកថែប និងអាលុយមីញ៉ូមរបស់អូស្ត្រាលី កំពុងតែបង្ហាញឱ្យពីភាពរឹងមាំនៃទំនាក់ទំនងរវាងអូស្ត្រាលី និងសហរដ្ឋអាម៉េរិក  ខណៈពេលសហរដ្ឋអាម៉េរិកមិនទាន់ដាក់ពន្ធបន្ថែមលើការនាំចូលផលិតផលសាច់គោអូស្ត្រាលី និងផលិតផលកសិកម្មផ្សេងទៀត។​ ផ្ទុយទៅវិញ​​ ទំនាក់ទំនងរវាងប្រទេសទាំងពីរនេះ​នឹងមានការប្រែប្រួល​ ដោយសារសង្គ្រាមពាណិជ្ជកម្ម។ ស្ថានការណ៍មិនអាចទាយទុកមុនចំពោះគោលនយោបាយពាណិជ្ជកម្មរបស់សហរដ្ឋអាម៉េរិកមានន័យថា ឧស្សាហកម្មទាំងនេះ ដែលប្រឈមមុខនិងការកាត់ផ្តាច់ក្នុងពេលឆាប់ៗនេះ អាចធ្វើឱ្យប៉ះពាល់ដល់អ្នកផលិតធំៗរបស់អូស្ត្រាលី និងជះឥទ្ធិពលយ៉ាងខ្លាំងដល់សហគមន៍នៅតាមជនបទ ជាពិសេសសហគមន៍កសិករនៅភាគខាងជើងប្រទេសអូស្ត្រាលី​ ដែលមានផ្ទៃដីកសិកម្មធំជាងគេ។ ក្រោយការបិទបញ្ចប់សង្រ្គាមត្រជាក់ គេមិនអាចមើលរំលងចំពោះការប្រែប្រួលរបៀបរបបពិភពលោកបានទេ ដែលសហរដ្ឋអាម៉េរិក បានដើរតួជាជើងឯកខាងប្រជាធិបតេយ្យ​ និងក្រឡុកពិភពលោកតាមអំពើចិត្ត​។ ការរង្គោះរង្គើនៃប្រព័ន្ធពាណិជ្ជកម្មលើសកលលោក អាចតម្រូវឱ្យអូស្ត្រាលីវាយតម្លៃឡើងវិញនូវទម្លាប់នាំចេញផលិតផលរបស់ខ្លួន ជាពិសេសចំពោះការ​នាំ​ចេញ​ផលិតផល​កសិកម្ម ដែលសហរដ្ឋអាម៉េរិក គឺជាទីផ្សារធំទីពីរ កាលពីឆ្នាំ២០២៣-២០២៤ ផ្តល់ប្រាក់ចំណូលចំនួន៦,៨ពាន់លានដុល្លារ ពីការនាំចេញសាច់គោ សាច់ចៀម ទឹកដោះគោ និងស្រា។  ការបាត់បង់ទីផ្សារនេះនឹងផ្តល់ផលប៉ះពាល់យ៉ាងខ្លាំងដល់អាជីវកម្មកសិកម្ម និងសហគមន៍ជាច្រើននៅទូទាំងប្រទេសអូស្ត្រាលី។ ការបាត់បង់ទីផ្សារដ៏ធំមួយនេះ នឹងបង្កផលប៉ះពាល់យ៉ាងខ្លាំងដល់វិស័យកសិកម្ម និងសហគមន៍កសិកររបស់ប្រទេសអូស្ត្រាលី​ និងនាំទៅរកការមិនសប្បាយចិត្ត […]

អន្តរជាតិ៖ ដើម្បីបង្កើនលទ្ធភាពរបស់កសិករខ្នាតតូចក្នុងការទទួលបានគ្រាប់ពូជ ដែលមានគុណភាពល្អនៅក្នុងសហគមន៍ ធនាគារអភិវឌ្ឍន៍អាហ្វករិក (African Development Bank- AfDB) បានបោះទុនគាំទ្រដល់ការបង្កើតធនាគារគ្រាប់ពូជសហគម ដើម្បីរក្សាទុកពូជជាង១០០ប្រភេទ សម្រាប់ចែកចាយដល់កសិករនៅរដូវដាំដុះ។ ​ធនាគារអភិវឌ្ឍន៍អាហ្រ្វិក គ្រោងនឹងបើកដំណើរការធនាគារគ្រាប់ពូជដំណាំសហគមន៍ មានតម្លៃជាទឹកប្រាក់សរុបចំនួន៥០០លានដុល្លារ នៃគម្រោងផ្តល់ហិរញ្ញប្បទានជាទឹកប្រាក់សរុបទំហំ១០ពាន់លានដុល្លារសម្រាប់កសិករខ្នាតតូច និងសហគ្រាសធុនតូច នៅទូទាំងទ្វីបអាហ្រ្វិកទាំងមូល។ យោងតាមប្រធានធនាគារ បានឱ្យដឹងថា​ ថ្នាក់ដឹកនាំធនាគារកំពុងតែពិគ្រោះយោបល់ជាមួយក្រុមប្រឹក្សាភិបាលរបស់ខ្លួន ដើម្បីរកទីតាំងបើកការដ្ឋានសាងសង់​ឃ្លាំងស្តុកគ្រាប់ពូជនៃគម្រោងបង្កើតធនាគារគ្រាប់ពូជសហគមន៍។ ធនាគារគ្រាប់ពូជសហគមន៍នេះ​ នឹងតើតួជាគ្រឹះស្ថានហិរញ្ញវត្ថុជាច្រើនផ្នែក មានទាំងការធានាឥណទានពាណិជ្ជកម្ម ការធានារ៉ាប់រងការបាត់បង់ដំបូង យន្តការហិរញ្ញវត្ថុចម្រុះ និងការលើកទឹកចិត្តពីប្រភពដើម ដើម្បីកាត់បន្ថយថ្លៃដើមប្រតិបត្តិការខ្ពស់នៃការបម្រើសហគ្រាស តាមរយៈជំនួយផ្នែកបច្ចេកទេស។ លោកបានមានប្រសាន៍នៅក្នុងសុន្ទរកថា នៅឯសន្និសីទស្តីពីការធ្វើមាត្រដ្ឋានហិរញ្ញវត្ថុសម្រាប់កសិករខ្នាតតូចនៅទីក្រុងណៃរ៉ូប៊ី ប្រទេសកេនយ៉ា ដោយលោកអះអាងថា “យើងឈរលើគោលការបង្កើតប្រវត្តិសាស្ត្រ ដោយពង្រីកកម្រិតច្នៃប្រឌិត និងបង្កើតសម្ព័ន្ធភាពយ៉ាងទូលំទូលាយ ដើម្បីតភ្ជាប់គម្លាតហិរញ្ញប្បទាន ដែលកសិករខ្នាតតូច និងកសិឧស្សាហកម្មខ្នាតតូចកំពុងតែជួបប្រទះ”។ លោកប្រធានធនាគារអភិវឌ្ឍន៍អាហ្វ្រិក ដែលកាលពីពេលថ្មីៗកន្លងមកនេះ បានទទួលរង្វាន់កិត្តិយសជាតិខ្ពស់បំផុតរបស់ប្រទេសកេនយ៉ា បានអំពាវនាវឱ្យមានសកម្មភាពរួមថា «រួមគ្នាអនុញ្ញាតឱ្យយើងបញ្ចេញសក្តានុពលនៃវិស័យកសិកម្មនៅទ្វីបអាហ្រ្វិក។ អនុញ្ញាតឱ្យយើងធ្វើឱ្យទ្វីបអាហ្រ្វិកក្លាយជាឃ្លាំងនំប៉័ងរបស់ពិភពលោក។ ហើយរួមគ្នា អនុញ្ញាតឱ្យយើងចិញ្ចឹមប្រជាជាតិអាហ្វ្រិកប្រកបដោយមោទនភាព»។ ការប្តេជ្ញាចិត្តផ្នែកហិរញ្ញវត្ថុពីដៃគូអភិវឌ្ឍន៍នៅទ្វីបអាហ្វ្រិក បានកើនឡើងពី៣០ពាន់លានដុល្លារ ដល់ទៅ៧២ពាន់លានដុល្លារ ក្នុងរយៈពេលតិចជាងមួយឆ្នាំ ខណៈធនាគារអភិវឌ្ឍន៍អាហ្រ្វិក បានសន្យាផ្តល់ឥណទានជាទឹកប្រាក់ចំនួន១០ពាន់លានដុល្លារ។ នាពេលកន្លងមក ធនាគារអភិវឌ្ឍន៍អាហ្វ្រិក […]

អន្តរជាតិ៖ រដ្ឋាភិបាលឡាវ រួមជាមួយនឹងតំណាងមកពីសមាគមប្រជាជាតិអាស៊ីអាគ្នេយ៍ (អាស៊ាន) និងដៃគូអភិវឌ្ឍន៍ រួមគ្នាដាក់ឱ្យដំណើរការនូវក្រមប្រតិបត្តិអាស៊ាន សម្រាប់ការផ្លាស់ប្តូរទៅជាប្រព័ន្ធ កសិ-អេកូឡូស៊ី ដើម្បីពង្រឹងប្រព័ន្ធចំណីអាហារប្រកបដោយនិរន្តរភាព និងភាពបត់បែនក្នុងតំបន់។ ទីភ្នាក់ងារព័ត៌មាន AFP បានរាយការណ៍​ពី​ទីក្រុង​វៀងចន្ទន៍ ប្រទេស​ឡាវ កាលពី​ថ្ងៃ​ទី​២៤ ខែ​មីនា ថា យោង​តាម​របាយការណ៍​របស់​ក្រសួង​កសិកម្ម និង​រុក្ខា​ប្រមាញ់​ឡាវចំពោះ ការអនុវត្តនូវសេចក្តីណែនាំនេះបានចាប់ផ្តើមក្នុង​កិច្ច​ប្រជុំ​ដើម្បី​អនុវត្ត​គោល​នយោបាយ​អន្តរកាល ​កសិ-អេកូឡូស៊ី និងភ្ជាប់ជាមួយហិរញ្ញវត្ថុបៃតង ដែលនេះ​ជា​ការបោះជំហាន​ដ៏សំខាន់​មួយ​ក្នុង​ការ​លើក​កម្ពស់​វិស័យ​កសិកម្ម​នៅ​អាស៊ាន និងក៏ដូចជាត្រួសត្រាយផ្លូវសម្រាប់កសិកម្មនិរន្តរភាពបន្ថែមទៀតរបស់ប្រទេសឡាវ។ នៅក្នុងកិច្ចប្រជុំនេះអ្នកបង្កើតគោលនយោបាយ ដែលជាអ្នកដឹកនាំវិស័យឯកជន និងដៃគូអភិវឌ្ឍន៍ បានប្រមូលផ្តុំគ្នា ដើម្បីពិភាក្សាអំពីការអនុវត្ត កសិវិទ្យាក្នុងតំបន់ ដោយផ្តោតលើការចូលរួមរបស់អ្នកពាក់ព័ន្ធ និងការវិនិយោគបៃតង ដើម្បីគាំទ្រកសិករក្នុងការទទួលយកការអនុវត្តប្រកបដោយនិរន្តរភាព។ គួរបញ្ជាក់ថា ប្រទេសឡាវ កំពុងតែស្វែងរកការលើកកម្ពស់ផលិតផលកសិកម្មរបស់ខ្លួនបន្ថែមទៀត និងលើកទឹកចិត្តដល់កសិករ និងអ្នកផលិតដើម្បីបង្កើនការនាំចេញកសិផលឲ្យកាន់តែច្រើន ទៅកាន់ប្រទេសចិន តាមរយៈផ្លូវដែកចិន-ឡាវ។ ជាមួយគ្នានេះរដ្ឋាភិបាលឡាវ កំពុងលើកទឹកចិត្តកសិករ និងអ្នកផលិតឱ្យផលិត និងផ្គត់ផ្គង់ទំនិញឱ្យកាន់តែច្រើន ទៅកាន់ទីផ្សារក្នុងស្រុក និងការនាំចេញ ដើម្បីបង្កើនថវិកាជាតិ និងជួយកាត់បន្ថយអត្រាប្តូរប្រាក់បរទេសខ្ពស់៕

អន្តរជាតិ៖ រដ្ឋាភិបាល​អាមេរិក​នាំ​ចូល​ស៊ុត​ពី​កូរ៉េ​ខាង​ត្បូង និងពីប្រទេស​តួកគី ដោយសង្ឃឹម​ថា ​នឹង​ជួយ​សម្រាល​ស្ថានភាព​ស៊ុត​ឡើង​ថ្លៃ​ក្នុង​ប្រទេស ស្របពេលដែលការឆ្លងរាលដាលនៃជំងឺផ្តាសាយបក្សីកំពុងលុកលុយក្នុងប្រទេសនៅឡើយ។ ទីភ្នាក់ងារសារព័ត៌មានបរទេស បានរាយការណ៍ពីរដ្ឋធានីវ៉ាស៊ីនតោនឌីស៊ី ចុងសប្តាហ៍មុននេះ លោកស្រី ប្រក រ៉ូលីន រដ្ឋមន្ត្រីក្រសួងកសិកម្មសហរដ្ឋអាម៉េរិក បាននិយាយថា រដ្ឋាភិបាលក្រុងវ៉ាស៊ីនតោនបានចាប់ផ្តើមនាំចូលស៊ុតពីកូរ៉េខាងត្បូង និងពីតួកគី ដើម្បីកាត់បន្ថយវិបត្តិកង្វះស៊ុត ហើយ​តម្លៃ​ស៊ុត​នៅ​ក្នុង​ប្រទេស​កំពុង​កើនឡើង​ជា​បន្តបន្ទាប់ ដោយសារវិបត្តិជំងឺគ្រុនផ្តាសាយបក្សី ដែលត្រូវបានរកឃើញនៅក្នុងរដ្ឋជាច្រើន នៅសហរដ្ឋអាមេរិកក្នុងរយៈពេលប៉ុន្មានឆ្នាំកន្លងមកនេះ។ បញ្ហាកង្វះខាតស៊ុត និងស៊ុតឡើងថ្លៃនៅក្នុងទីផ្សារសហរដ្ឋអាមេរិក បានកើតឡើងដោយសារតែការឆ្លងរាតត្បាតនៃជំងឺផ្តាសាយបក្សី​ ដែលបង្ខំឱ្យអាជ្ញាធរអាមេរិកត្រូវសម្លាប់សត្វមាន់ចោលអស់ជាង៣០លានក្បាល និងបិទកសិដ្ឋានចិញ្ចឹមមាន់យកពងទ្រង់ទ្រាយធំមួយចំនួនជាបណ្តោះអាសន្នផងដែរ។ អង្គការពិភពលោកសម្រាប់សុខភាពសត្វ (OIE) បានចេញសេចក្តីថ្លែងការណ៍មួយដោយដកស្រង់ព័ត៌មានពីរដ្ឋាភិបាលសហរដ្ឋអាមេរិកថា មានការផ្ទុះឡើងនៃជំងឺផ្តាសាយបក្សី H7N9 នៅកសិដ្ឋានចិញ្ចឹមមាន់ ក្នុងរដ្ឋម៊ីសស៊ីស៊ីបពី (Mississippi) កាលពីពាក់កណ្តាលខែមីនា ឆ្នាំ២០២៥នេះ។ ទោះ​បី​យ៉ាង​ណា លោកស្រី ប្រក រ៉ូលីន បានលើកឡើងដែរថា ការ​នាំ​ចូល​ស៊ុតនឹង​ត្រូវ​បញ្ចប់ ដរាបណាជំងឺផ្តាសាយបក្សីត្រូវបានទប់ស្កាត់ ទើបការផលិតស៊ុតនៅសហរដ្ឋអាមេរិកអាចបំពេញតម្រូវការទីផ្សារបានឡើងវិញ។ កសិដ្ឋានចិញ្ចឹមមាន់ពងមានទំហំធំណាស់ដោយការចិញ្ចឹមមាន់ពងចំនួនជាង៧៤ម៉ឹន៧ពាន់ក្បាល។ ក្រសួងកសិកម្មសហរដ្ឋអាម៉េរិក និងការិយាល័យបសុសត្វក្នុងរដ្ឋម៊ីសស៊ីស៊ីបពីនៅតែបដិសេធមិនផ្តល់ការអត្ថាធិប្បាយជាផ្លូវការ អំពីស្ថានភាពបច្ចុប្បន្ន។ នេះជាលើកដំបូងចាប់តាំងពីឆ្នាំ២០១៧ ដែលមានការផ្ទុះឡើងនៃមេរោគផ្តាសាយបក្សី H7N9 នៅសហរដ្ឋអាមេរិក។ គួរបញ្ជាក់ថា រដ្ឋាភិបាលអាមេរិកនាពេលថ្មីៗនេះ បានអនុម័តថវិកាជាងមួយពាន់លានដុល្លារដើម្បីប្រើប្រាស់ប្រយុទ្ធប្រឆាំងនឹងការរាតត្បាតជំងឺផ្តាសាយបក្សី  […]

អន្តរជាតិ៖​ សត្វត្រី ប្លប ហ្វីស( Blobfish) ត្រូវបានគេចាត់ទុកថា ជាសត្វដែលមានមុខមាត់អាក្រក់បំផុតនៅក្នុងពិភពលោក​ ដោយសារវាមានមុខមាត់គួរឱ្យ ភ្ញាក់ផ្អើល​ ប៉ុន្តែត្រីនេះបានឈ្នះពានរង្វាន់ “ត្រីប្រចាំឆ្នាំ២០២៥” ពីអង្គការអភិរក្សបរិស្ថានណូវែលសេឡង់។ ក្នុងការប្រកួតប្រជែងប្រចាំឆ្នាំនេះ បានរៀបចំឡើងដោយសមាគមអភិរក្សសត្វព្រៃ និងសត្វសមុទ្រ (Mountain to Sea Conservation Trust)​ របស់ប្រទេសណូវែលសូឡង់ ក្នុងគោលបំណងលើកកម្ពស់ការយល់ដឹងអំពីសត្វទឹកសាប និងប្រភេទសត្វរស់នៅក្នុងសមុទ្រទឹកប្រៃ។ លទ្ធផលការប្រកួតនៅឆ្នាំនេះ ត្រីប្លប ហ្វីស បានឈ្នះតំណែងដ៏មានកិត្យានុភាព ដោយ​មាន​សំឡេង​ឆ្នោត​ជាង១​ ៣០០ លើ​សំឡេង​ឆ្នោត​សរុប​ជាង៥ ៥០០។ វា​ជា​ជ័យ​ជម្នះ ​ដែល​មិន​នឹក​ស្មាន​ដល់​សម្រាប់​ត្រី​មុខអាក្រក់ ដែលគេមិនចង់ឃើញពួកវាបែរជាឈ្នះ ដោយបានទទួលការចាប់អារម្មណ៍ និងក្លាយជាត្រីល្បីឈ្មោះមួយរំពេច។ កាលពីមុននេះ ត្រី ប្លប ហ្វីស ធ្លាប់ល្បីថា ជាត្រីល្បីឈ្មោះមានមុខមាត់អាក្រក់ របស់សមាគមអភិរក្សសត្វព្រៃ និងសត្វសមុទ្រ ក្នុងឆ្នាំ២០១៣ ម្តងរួចមកហើយ។ គួរបញ្ជាក់ថា ត្រី ប្លប ហ្វីស រស់នៅក្នុងបាតសមុទ្រ ហើយអាចលូតលាស់ដល់ប្រវែងប្រមាណ៣០ សង់ទីម៉ែត្រ។ គេអាចរកឃើញត្រី ប្លប […]

អាម៉េរិក៖​ មន្ត្រីគយ និងឆ្មាំការពារព្រំដែនរបស់សហរដ្ឋអាម៉េរិក ក្នុងមួយថ្ងៃៗ បានឆ្មក់ចាប់រឹបអូសពងមាន់ពងទាខុសច្បាប់​រាប់លានគ្រាប់​ ដែលក្រុមឈ្មួញបានរត់ពន្ធឆ្លងដែនចូលពីប្រទេសជិតខាង គឺសកម្មជាងការបង្ក្រាបគ្រឿងញៀនខុសច្បាប់។ យោងតាមការផ្សាយរបស់​ទូរទស្សន៍​​ CNBC បានឲ្យដឹងថា នៅក្នុងខែមីនា ដើមឆ្នាំ២០២៥នេះ ភ្នាក់ងារល្បាតតាមព្រំដែន បានរាយការណ៍ពីករណីរត់ពន្ធស៊ុតមាន់ទាដោយខុសច្បាប់ បានកើនឡើងរហូត១៥៨ភាគរយ គឺជាអត្រាកើនឡើងយ៉ាងខ្លាំង​បើធៀបនឹងរយៈពេលដូចគ្នា កាលពីក្នុងឆ្នាំ២០២៤​។ ការកើនឡើងនៃការឆ្មក់ចាប់រឹបអូសស៊ុតមាន់ទារត់ពន្ធខុសច្បាប់ទាំងអស់នេះ​ កើតឡើងនៅពេលសហរដ្ឋអាម៉េរិកកំពុងតែប្រយុទ្ធប្រឆាំងនឹងការផ្ទុះជំងឺផ្តាសាយបក្សី ដែលបានបំផ្លិចបំផ្លាញឧស្សាហកម្មបសុបក្សី និងបណ្តាលឱ្យមានការកើនឡើងនៃតម្លៃស៊ុត និងការខ្វះស៊ុតនៅក្នុងហាងមួយចំនួន។ ភ្នាក់ងារគយ និងឆ្មាំព្រំដែន​ បាននិយាយថា អ្នកធ្វើដំណើរឆ្លងដែនត្រូវបានហាមឃាត់មិនឱ្យនាំយកស៊ុតស្រស់ សាច់មាន់ឆៅ ឬសត្វស្លាបរស់ពីប្រទេសម៉ិកស៊ិក ចូលទៅក្នុងទឹកដីសហរដ្ឋអាម៉េរិកបានឡើយ ​ដោយសារខ្លាចឆ្លងជំងឺផ្តាសាយបក្សី។ ពួកមន្ត្រីបានព្រមានថា ការនាំចូលផលិតផលបុសសក្សី បើទោះបីជាមានតម្លៃថោកក៏ដោយ វាមានហានិភ័យផ្នែកសុខភាព ដែលអាចនាំឆ្លងជំងឺផ្តាសាយបក្សី និងអាចធ្វើឱ្យមានបញ្ហាកាន់តែធ្ងន់ធ្ងរ។ យោងតាមស្ថិតិរបស់ក្រសួងកសិកម្មរបស់សហរដ្ឋអាម៉េរិក បានឱ្យដឹងថា​ ការផ្ទុះឡើងនៃជំងឺផ្តាសាយបក្សីបានបង្កផលប៉ះពាល់ដល់បក្សីរាប់លានក្បាលនៅក្នុងសហរដ្ឋអាម៉េរិក ដែលធ្វើឱ្យតម្លៃស៊ុត និងសាច់បក្សីឡើងថ្លៃកប់ពពក។ តម្លៃជាមធ្យមស៊ុតមាន់ទាមួយសាក់ចំនួន១០គ្រាប់ បានកើនឡើងរហូតដល់៨,៦៤ដុល្លារ ចំណែកទីផ្សារខ្លះឡើងថ្លៃដល់១០ដុល្លារ នៅដើមខែមីនានេះ គឺឡើងថ្លៃច្រើនជាងបួនដង។ ចាប់តាំងពីស៊ុតឡើងថ្លៃ សកម្មភាពរត់ពន្ធស៊ុតឆ្លងដែនពីប្រទេសម៉ិកស៊ិក និងពីប្រទេសកាណាដា បានផ្ទុះឡើងយ៉ាងខ្លាំង ខណៈប្រទេសផ្សេងទៀត បានស្នើសុំឱ្យបង្កើនការនាំចេញស៊ុតចូលទៅក្នុងទឹកដីអាម៉េរិក រហូតក្រសួងយុត្តិធម៌អាម៉េរិក ចាប់ផ្តើមបើកការស៊ើបអង្កេតជុំវិញករណីរត់ពន្ធឆ្លងដែននេះ។ ចាប់តាំងពីផ្ទុះជំងឺផ្តាសាយបក្សី […]

សៅប៉ូឡូ៖ ក្រុមអង្គការក្រៅរដ្ឋាភិបាលនៅក្នុងប្រទេសប្រេស៊ីល កាលពីថ្ងៃទី២០ ខែមីនា​ ឆ្នាំ២០២៥ បានចាប់ផ្តើមបង្កើតមូលនិធិមួយតាមរយៈការរៃអង្គាសប្រាក់ឲ្យបានយ៉ាងហោចណាស់ចំនួន១៧៦​លានដុល្លារ​ នៅត្រឹមឆ្នាំ២០៣០ ដើម្បីបម្រុងទុកជាប្រាក់កម្ចីដល់អ្នកដាំកាកាវខ្នាតតូច​​​ អាចយកទៅជួយក្នុងការពង្រីកការដាំដុះរបស់ពួកគេ។ មូលនិធិនេះត្រូវបានផ្តួចផ្តើមឡើងដោយវិទ្យាស្ថានស្រាវជ្រាវ​ សហការជាមួយអង្គការសប្បុរសធម៌ ក្រុមតស៊ូមតិ និងអ្នកវិនិយោគ ដែលធ្លាប់ផ្តល់ប្រាក់កម្ចីលើកដំបូងចំនួនជាងបីលានដុល្លារដល់កសិករដាំដំណាំកាកាវខ្នាតតូចចំនួន១២០០នាក់​ នៅក្នុងប្រទេសប្រេស៊ីល។ អ្នកគ្រប់គ្រងសេដ្ឋកិច្ចកសិកម្ម​ប្រេស៊ីល បាននិយាយថា ជាទូទៅ​​ កសិករដាំដំណាំកាកាវខ្នាតតូចទាំងនេះ តែងតែជួបការលំបាកក្នុងការទទួលបានឥណទានសម្រាប់ជួយទ្រទ្រង់របរកសិកម្មដាំដុះរបស់ពួកគេ រួមទាំងខ្វះចំណេះដឹងក្នុងការបង្កើនផលិតភាពផងដែរ។ លោកបាននិយាយថា «ភាគច្រើននៃផលិតកម្មកាកាវ គឺស្ថិតនៅក្នុងដៃរបស់ផលិតករតូចតាច ហើយអ្នកផលិតទទួលបានផលប្រយោជន៍តូចតាចដែរ ដោយសារពួកគេមិនមានលទ្ធភាពវិនិយោគបន្ថែម ហើយពួកគេថែមទាំងមិនមានលទ្ធភាពទទួលបានជំនួយផ្នែកបច្ចេកទេស​ទាល់តែសោះ»។ ក្រុមអ្នកជំនាញផ្នែកដំណាំកាកាវ បានលើកឡើងថា ការចាប់ផ្តើមបង្កើតមូលនិធិសម្រាប់ជួយកសិករតូចតាចនេះ គឺធ្វើឡើងក្នុងពេលវេលាដ៏លំបាកសម្រាប់ឧស្សាហកម្មនេះ ដោយសារតែប្រទេសផលិតកាកាវធំជាងគេលើពិភពលោក​ មានដូចជាប្រទេសកូតឌីវ័រ និងប្រទេសហ្គាណា បានទទួលរងការខាតបង់ដំណាំកាកាវនេះយ៉ាងធ្ងន់ធ្ងរដោយសារតែអាកាសធាតុមិនល្អ ព្រមទាំងដំដាំសណ្ដែកសៀងមានជំងឺ ការរត់ពន្ធខុសច្បាប់ និងការកាត់បន្ថយផ្ទៃដីដាំដំណាំកាកាវ ដើម្បីរក្សាទុកដីឲ្យនៅទំនេរសម្រាប់ជីកយករ៉ែមាសដោយខុសច្បាប់ទៅវិញ។ ចំណែកប្រធានសមាគមឧស្សាហកម្មកែច្នៃកាកាវរបស់ប្រទេសប្រេស៊ីល បានមានប្រសាសន៍ថា កាលពីឆ្នាំ២០២៤ ការផលិតកាកាវរបស់ប្រទេសប្រេស៊ីលបានធ្លាក់ចុះប្រមាណ២០ភាគរយ ហើយនៅឆ្នាំ២០២៥មេះ បញ្ហាខ្វះជំនួយដល់កសិករដាំដំណាំកាកាវកំពុងក្លាយជាការប្រឈមរបស់ពួកគេ។ យោងតាមសេចក្តីថ្លែងការណ៍របស់មូលនិធិនេះ បានឱ្យដឹងថា មូលនិធិនឹងផ្តល់ប្រាក់កម្ចីដល់កសិករដាំកាកាវរយៈពេលបីឆ្នាំ ដើម្បីសងប្រាក់កម្ចីមកវិញ រួមជាមួយនឹងរយៈពេលអនុគ្រោះជាមធ្យមប្រាំមួយខែ។  ប្រាក់កម្ចីខាងលើនេះ​ ត្រូវយកទៅប្រើដើម្បីទិញជី កសាងប្រព័ន្ធធារាសាស្រ្ត និងទិញឧបករណ៍ប្រើប្រាសផ្សេងៗ ដោយគិតការប្រាក់ចំនួន១២ភាគរយក្នុងមួយឆ្នាំ។ […]