សានទុង៖ តំបន់ផលិតគ្រាប់កៅឡាក់ធំៗ នៅក្នុងប្រទេសចិនបានចូលដល់ដំណាក់កាលដ៏សំខាន់មួយនៃការលូតលាស់ប្រចាំឆ្នាំរបស់ខ្លួនក្នុងខេត្ត សានតុង (Shandong) ភាគខាងកើតប្រទេចិន ដែលជាធម្មតាចាប់ផ្តើមដាំដុះនៅពាក់កណ្តាល ឬចុងខែមេសា ដោយរដូវប្រមូលផលនៅដើមខែកញ្ញា និងដើមខែតុលា។
ក្រុមហ៊ុននាំចេញគ្រាប់កៅឡាក់ បានដឹកជញ្ជូនទៅកាន់ប្រទេស និងតំបន់ជាង២០ រួមមានអាស៊ីអាគ្នេយ៍ មជ្ឈិមបូព៌ា សហរដ្ឋអាម៉េរិក កូរ៉េខាងត្បូង និងអឺរ៉ុប ដោយមានបរិមាណនាំចេញប្រចាំឆ្នាំលើសពី១០០កុងតឺន័រ។
យោងតាមអ្នកគ្រប់គ្រងផ្នែកលក់របស់ក្រុមហ៊ុន បានឱ្យដឹងថា ស្ថានភាពអាកាសធាតុនៅក្នុងតំបន់ដាំដុះសំខាន់ៗ ដូចជាខេត្តហឺប៉ី និងខេត្តសានតុង ជាទូទៅមានអំណោយផល ដូចកាលឆ្នាំ២០២៥ ដោយសារមានពន្លឺព្រះអាទិត្យគ្រប់គ្រាន់ និងអាកាសធាតុមានស្ថិរភាព ធ្វើឱ្យផ្លែកៅឡាក់ទុំមានជាតិផ្អែម និងមានរសជាតិឆ្ញាញ់។ ជាលទ្ធផល ទិន្នផលគ្រាប់ផ្លែកៅឡាក់ បានកើនឡើងគួរឱ្យកត់សម្គាល់ បើធៀបនឹងឆ្នាំ២០២៤ ទាំងគុណភាព និងបរិមាណ។
អ្នកគ្រប់គ្រងរូបនេះ បានចង្អុលបង្ហាញថា ទោះបីជាយ៉ាងណាក៏ដោយ តាមរយៈការកើនឡើងនៃទិន្នផលសមល្មមសម្រាប់ផ្គត់ផ្គង់ និងតម្រូវការក៏បានផ្លាស់ប្តូរផងដែរ។ ទោះបីជាតម្លៃទិញពីកសិដ្ឋាននៅរដូវប្រមូលផលនេះទទួលបានទិន្នផលខ្ពស់ជាងបន្តិច បើធៀបនឹងរយៈពេលដូចគ្នា កាលពីឆ្នាំ២០២៥ក៏ដោយ ក៏តម្រូវការរបស់អ្នកប្រើប្រាស់នៅតែមានការប្រុងប្រយ័ត្នចំពោះសុខភាព។
ទីផ្សារផ្លែកៅឡាក់កំពុងបង្ហាញពីនិន្នាការច្បាស់លាស់នៃតម្រូវការគុណភាពខ្ពស់ ធ្វើ តម្លៃឡើងខ្ពស់ដែរ ដែលធ្វើឱ្យគម្លាតតម្លៃរវាងផ្លែកៅឡាក់គុណភាពខ្ពស់ និងផ្លែកៅស្តង់ដារកាន់តែធំឡើងៗ។ ចំណែកទាក់ទងនឹងការនាំចេញវិញ ជាទូទៅតម្លៃផ្លែកៅឡាក់ចិន បានរក្សាលំនឹងកើនឡើងជាលំដាប់ ក្នុងប៉ុន្មានឆ្នាំថ្មីៗកន្លងមកនេះ។
ពាណិជ្ជករនាំចេញ បានកត់សម្គាល់ថា ឧស្សាហកម្មនេះកំពុងផ្លាស់ប្តូរបន្តិចម្តងៗពីការលក់បែបប្រពៃណីដោយនាំចេញផ្លែកៅឡាក់ទាំងសំបក ទៅជាផលិតផលកែច្នៃ ដែលមានតម្លៃបន្ថែមខ្ពស់ ដូចជាគ្រាប់កៅឡាក់កក និងជាគ្រាប់កៅឡាក់កែច្នៃជាស្រេចអាចបរិភោគបាន ដោយមានកំណើនលឿនជាងមុននៅក្នុងផលិតផលកែច្នៃ។ នេះឆ្លុះបញ្ចាំងពីគំរូនៃការប្រើប្រាស់ ដែលកំពុងវិវត្តនៅក្នុងទីផ្សារក្រៅប្រទេស។
ដោយមើលពីតម្រូវការនៅក្រៅប្រទេស ផ្លែកៅឡាក់ចិន មានការទទួលស្គាល់យ៉ាងខ្លាំងនៅក្នុងទីផ្សារជាច្រើន ដោយសារតែរសជាតិផ្អែម សាច់ហាប់ល្អ និងស្រួលបកសំបក។ ផ្លែកៅឡាក់ចិន មានប្រជាប្រិយភាព ជាពិសេសក្នុងចំណោមអ្នកប្រើប្រាស់នៅក្នុងប្រទេសជប៉ុន កូរ៉េខាងត្បូង អាស៊ីអាគ្នេយ៍ មជ្ឈិមបូព៌ា និងក្នុងចំណោមសហគមន៍ចិននៅក្រៅប្រទេស។ ដោយសារការបរិភោគអាហារ ដែលមានសុខភាពល្អ ផ្លែកៅឡាក់ គឺជាផលិតផលអាហារធម្មជាតិ និងជាអាហារសម្រន់ ដែលត្រៀមរួចជាស្រេចសម្រាប់បរិភោគ។
ទាក់ទងនឹងការប្រកួតប្រជែងក្នុងឧស្សាហកម្មវិញ ពាណិជ្ជករជឿជាក់ថា ភាពខុសគ្នាក្នុងចំណោមអ្នកនាំចេញភាគច្រើនស្ថិតនៅលើសមត្ថភាពខ្សែសង្វាក់ផ្គត់ផ្គង់ និងរចនាសម្ព័ន្ធផលិតផល។ ក្រុមហ៊ុនមានសិទ្ធិចូលទៅកាន់តំបន់ផលិតកម្មដោយផ្ទាល់ ប្រព័ន្ធផលិតកម្មស្តង់ដារ និងហេដ្ឋារចនាសម្ព័ន្ធខ្សែសង្វាក់ត្រជាក់ ដែលមានការអភិវឌ្ឍល្អ មានគុណសម្បត្តិច្បាស់លាស់ក្នុងការរក្សាគុណភាពឱ្យស៊ីសង្វាក់គ្នា និងធានាការផ្គត់ផ្គង់ពេញមួយឆ្នាំ។ លើសពីនេះ ដោយសារទីផ្សារអន្តរជាតិបង្ហាញនូវតម្រូវការកាន់តែតឹងរ៉ឹងជាងមុនលើសុវត្ថិភាពចំណីអាហារ និងការអនុលោមតាមច្បាប់ ក្រុមហ៊ុនមានបទពិសោធន៍នាំចេញ និងប្រព័ន្ធចេញវិញ្ញាបនបត្រ មានជំហរល្អប្រសើរជាងមុន ក្នុងការកសាងភាពជាដៃគូរយៈពេលវែង និងមានស្ថិរភាព។
រោងចក្រកែច្នៃ វេចខ្ចប់ផ្លែកៅឡាក់ចិន មានកន្លែងផ្ទុកត្រជាក់ចំនួនប្រាំពីរ និងផលិតផ្លែកៅឡាក់ស្រស់ប្រហែល៨ ០០០តោន ជារៀងរាល់ឆ្នាំ។ បច្ចុប្បន្នក្រុមហ៊ុននេះផ្តល់ជូននូវផ្លែកៅឡាក់ស្រស់ក្នុងសំបក គ្រាប់កៅឡាក់ និងផលិតផលវេចខ្ចប់តូចៗ ដែលអាចបរិភោគបានភ្លាម ដើម្បីបំពេញតម្រូវការរបស់អតិថិជន។ ក្រុមហ៊ុននេះ មានគោលបំណងពង្រីកបន្ថែមទៀតទៅកាន់ទីផ្សារនៅអឺរ៉ុប អាម៉េរិកខាងជើង កូរ៉េខាងត្បូង មជ្ឈិមបូព៌ា និងអាស៊ីអាគ្នេយ៍ ហើយកំពុងស្វែងរកដៃគូរយៈពេលវែង រួមទាំងអ្នកនាំចូល អ្នកលក់ដុំ បណ្តាញសេវាកម្មម្ហូបអាហារ និងផ្សារទំនើប៕
