តម្រូវការចេកនៅអេក្វាឌ័រលើសការផ្គត់ផ្គង់បានជំរុញឱ្យតម្លៃកើនឡើង

ដោយ ហៃ ស៊ីណា វៀងចន្ទន៍៖ ពិធីសម្ពោធជាផ្លូវការនៃការដឹកជញ្ជូនកសិផលឆ្លងកាត់ពីកម្ពុជាទៅកាន់ទីផ្សារប្រទេសចិនដោយឆ្លងកាត់ប្រទេសឡាវត្រូវបានប្រារព្ធឡើងនៅថ្ងៃទី២២ ខែមិថុនា ឆ្នាំ២០២៦ ហើយនៅទីក្រុងវៀងចន្ទន៍ប្រទេសឡាវ។ ក្នុងព្រឹត្តិការណ៍ដ៏សំខាន់នេះ ក៏គេឃើញមានមានការចូលរួមផ្ទាល់ពីសំណាក់តំណាងដៃគូវិស័យឯកជនកម្ពុជាចំនួន៣០ក្រុមហ៊ុន។ នេះជាលើកទី១ ហើយកម្ពុជាសម្រេចបានក្នុងការនាំចេញផ្លែទុរេន ទៅកាន់ទីផ្សារប្រទេសចិន តាមរយៈការដឹកជញ្ជូនពីកម្ពុជាឆ្លងកាត់ទៅកាន់ប្រទេសឡាវ។ ក្នុងថ្ងៃនេះដែរមានការនាំចេញផ្លែទុរេនចំនួនបួនកុងទីន័រតាមរយៈច្រកចេញថ្មីរបស់កម្ពុជាតាមរយៈប្រទេសឡាវ។ មន្រ្តីជាន់ខ្ពស់ក្រសួងកសិកម្ម រុក្ខាប្រមាញ់ និងនេសាទ បានឱ្យដឹងដែរថា ការដឹកជញ្ជូននេះមានការចំណេញពេលវេលាតិច ដែលធម្មតាចំណាយពេលពី១៥ទៅ២០ថ្ងៃឯណោះ។ សម្រាប់ច្រកថ្មីនេះប្រើពេលត្រឹមតែមួយសប្តាហ៍នឹងដល់ទីផ្សារប្រទេសចិនហើយ។ ដោយឡែកក្រសួងកសិកម្ម បានលើកឡើងផងថា នេះវាជាសញ្ញាណវិជ្ជមាន និងជាកាលានុវត្តភាពថ្មីស្រឡាងសម្រាប់បងប្អូនកសិករ ក៏ដូចជាម្ចាស់អាជីវកម្មក្នុងវិស័យកសិកម្មនៅកម្ពុជា ក្នុងការចាប់យកឱកាស និងពង្រីកសក្តានុពលកសិផលខ្មែរនៅលើទីផ្សារអន្តរជាតិ។ ជាមួយគ្នានេះដែរ ក្រសួងកសិកម្ម បានចាត់ទុកថា នេះជាសមិទ្ធផលដ៏ធំធេង គឺកើតចេញពីកិច្ចខិតខំប្រឹងប្រែង និងការចរចាយ៉ាងសកម្មកន្លងមកនេះ ពីសំណាក់ថ្នាក់ដឹកនាំ និងមន្ត្រីជំនាញនៃក្រសួងកសិកម្ម រុក្ខាប្រមាញ់ និងនេសាទ ជាមួយនិងក្រសួងកសិកម្ម និងបរិស្ថានឡាវ ដើម្បីបើកផ្លូវ និងសម្របសម្រួលនីតិវិធីនានា ក្នុងការបើកច្រកថ្មីសម្រាប់ការដឹកជញ្ជូនឆ្លងកាត់កសិផលខ្មែរចំនួនប្រាំមួយមុខទៅកាន់ទីផ្សារចិន ដែលរួមមានផ្លែចេក ស្វាយ អង្ករ មៀនប៉ៃលិន ម្សៅដំឡូងមី និងផ្លែទុរេន៕

ណៃពិដោ៖ មន្ត្រីជាន់ខ្ពស់របស់រដ្ឋាភិបាលភូមា បានមានប្រសាសន៍ កាលពីដើមខែមិថុនា ឆ្នាំ២០២៦នេះថា ប្រទេសភូមា និងប្រទេសបេឡារុស បានឯកភាពសហការគ្នា ដើម្បីពង្រឹងកិច្ចសហប្រតិបត្តិការផ្នែកវិស័យកសិកម្ម និងបច្ចេកវិទ្យារវាងប្រទេសទាំងពីរ។ កិច្ចព្រមព្រៀងនេះ​​ត្រូវបានធ្វើឡើងក្នុងដំណើរទស្សនកិច្ចរយៈពេលប្រាំថ្ងៃ កាលពីដើមខែកុម្ភៈ ឆ្នាំ២០២៦ របស់គណៈប្រតិភូភូមា ដឹកនាំដោយអនុរដ្ឋមន្ត្រីក្រសួងកសិកម្ម បសុសត្វ និងធារាសាស្ត្រ នៅប្រទេសបេឡារុស ដើម្បីជំរុញកិច្ចសហប្រតិបត្តិការពាណិជ្ជកម្ម និងបច្ចេកវិទ្យា។ លោកអនុរដ្ឋមន្ត្រីភូមា បានបញ្ជាក់ថា ក្នុងអំឡុងពេលលោកជួបពិភាក្សាទ្វេភាគីជាមួយមន្ត្រីកសិកម្ម និងឧស្សាហកម្មខ្នាតតូចរបស់ប្រទេសបេឡារុស ប្រទេសទាំងពីរបានយល់ព្រមពង្រីកពាណិជ្ជកម្ម និងបង្កើនការវិនិយោគ។ លោកបានបន្ថែមថា វិស័យសំខាន់ៗ ដែលភាគីទាំងពីរបានឯកភាពគ្នា រួមមាន ការនាំចេញបង្គាក្លាស្សេរបស់ភូមា កាហ្វេអារ៉ាប៊ីកា សំឡីកប្បាស និងផ្លែឈើ ដោយនាំចូលមកវិញនូវ ផលិតសាច់ និងផលិតផលទឹកដោះគោរបស់បេឡារុស។ ភាគីទាំងពីរក៏បានពិភាក្សាអំពីការបណ្តាក់ទុនរួមគ្នា ដើម្បវិនិយោគលើវិស័យកសិឧស្សាហកម្ម ក្នុងការកែច្នៃប្រេងធញ្ញជាតិ វាយនភ័ណ្ឌ ការផលិតស្ករស និងផលិតគ្រឿងចក្រកសិកម្ម។ នៅក្នុងដំណើរទស្សនកិច្ចនេះដែរ ដើម្បីសិក្សាពីដំណើរការផលិតកម្មកម្រិតខ្ពស់ គណៈប្រតិភូភូមា បានចូលរួមពិព័រណ៍ឯកទេសអន្តរជាតិ លើកទី៣៦ និងបានទស្សនារោងចក្រគ្រប់គ្រងដោយរដ្ឋ សម្រាប់កែច្នៃ ដំឡូង ស្ករស ប្រេងកាណូឡា និងរោងចក្រតម្បាញ់ផងដែរ។ ដំណើរទស្សនកិច្ចរយៈពេលប្រាំថ្ងៃនេះ […]

ដោយ ហៃ ស៊ីណា ភ្នំពេញ៖ ឥណទានសម្បទានជប៉ុនបានផ្តល់ឥណទានសម្បទាន ចំនួន១៦២,៧ លានដុល្លាr នៅថ្ងៃទី២២ ខែមិថុនា ឆ្នាំ២០២៦នេះ ដើម្បីអនុវត្តគម្រោងស្តារឡើងវិញនូវប្រព័ន្ធស្រោចស្រព និងប្រព័ន្ធរំដោះទឹកភាគនិរតីរាជធានីភ្នំពេញ។ ឯកឧត្តម ពេជ្រ វាសនា អនុរដ្ឋលេខាធិការ ក្នុងនាមតំណាងដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានអញ្ជើញចូលរួមក្នុងពិធីចុះហត្ថលេខាលើលិខិតប្តូរសារ ស្តីពីការផ្តល់ឥណទានសម្បទានជប៉ុននូវទឹកប្រាក់ចំនួន ១៦២,៧លានដុល្លារ ដើម្បីអនុវត្តគម្រោងស្តារឡើងវិញនូវប្រព័ន្ធស្រោចស្រព និងប្រព័ន្ធរំដោះទឹកភាគនិរតីរាជធានីភ្នំពេញ។ ពិធីចុះហត្ថលេខាលើលិខិតប្ដូរសារ និងឯកសារពាក់ព័ន្ធ បានប្រព្រឹត្តទៅក្រោមអធិបតីភាពដ៏ខ្ពង់ខ្ពស់ឯកឧត្តម ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ និងឯកឧត្តម អ៊ូអេណូ អាតស៊ូស៊ី (UENO Atsushi )ឯកអគ្គរាជទូតវិសាមញ្ញ និងពេញសមត្ថភាពជប៉ុនប្រចាំព្រះរាជាណាចក្រកម្ពុជា។ ការបន្តផ្ដល់ជំនួយហិរញ្ញវត្ថុនេះ ឆ្លុះបញ្ចាំងពីការប្ដេជ្ញាចិត្តដ៏មុតមាំរបស់ជប៉ុន ក្នុងការលើកកម្ពស់ការអភិវឌ្ឍសង្គម-សេដ្ឋកិច្ចរបស់កម្ពុជា និងភាពជាដៃគូយុទ្ធសាស្ត្រគ្រប់ជ្រុងជ្រោយកម្ពុជា-ជប៉ុន។ សូមបញ្ជាក់ថា គម្រោងស្ដារឡើងវិញនូវប្រព័ន្ធស្រោចស្រព និងប្រព័ន្ធរំដោះទឹកភាគនិរតីរាជភ្នំពេញ គឺមានគោលបំណងដើម្បីលើកកម្ពស់ផលិតភាពកសិកម្មនៅតំបន់ជនបទ និងកាត់បន្ថយការខូចខាតដោយគ្រោះទឹកជំនន់ តាមរយៈការស្ដារ និងការកែលម្អប្រព័ន្ធស្រោចស្រព និងប្រព័ន្ធរំដោះទឹក ដែលមានស្រាប់នៅច្រករបៀងភាគនិរតីនៃរាជធានីភ្នំពេញ៕  

ភ្នំពេញ៖ បច្ចុប្បន្ន តម្រូវការទឹកដោះគោស្រស់ផលិតក្នុងស្រុកកំពុងមានសន្ទុះកើនឡើងយ៉ាងខ្លាំង ចន្លោះពី១០ម៉ឺន ទៅ១២ម៉ឺនលីត្រក្នុងមួយថ្ងៃ ស្របពេលប្រជាពលរដ្ឋខ្មែរកាន់តែច្រើនឡើងកំពុងងាកមកគាំទ្រផលិតផលជាតិ។ ទោះជាយ៉ាងណាក៏ដោយ ការផលិតក្នុងស្រុកនាពេលបច្ចុប្បន្ន អាចផ្គត់ផ្គង់បានត្រឹមតែប្រមាណ៣១ភាគរយ នៃតម្រូវការទីផ្សារសរុបប៉ុណ្ណោះ។ ឆ្លើយតបនឹងឱកាសទីផ្សារដ៏ធំនេះ កសិដ្ឋាន “មូមូ” បាននឹងកំពុងដើរតួនាទីយ៉ាងសកម្មក្នុងការផលិតទឹកដោះគោស្រស់ផ្គត់ផ្គង់ទៅកាន់ហាងកាហ្វេ និងអ្នកស្រឡាញ់សុខភាព។ បច្ចុប្បន្ន កសិដ្ឋាននេះអាចផលិតទឹកដោះគោស្រស់បានពី៣ ០០០ទៅ ៤ ០០០លីត្រ ក្នុងមួយថ្ងៃ។ កសិដ្ឋានមូមូ កំពុងពង្រីកសង្វាក់ផលិតកម្ម ដើម្បីឈានទៅសម្រេចគោលដៅ ១២ ០០០លីត្រក្នុងមួយថ្ងៃ តាមរយៈការបង្កើនចំនួនពូជមេគោ នៅចុងឆ្នាំ២០២៦នេះ។ ការកើនឡើងនៃការផលិតនេះ ជាសញ្ញាវិជ្ជមាននៃកំណើនតម្រូវការ និងការគាំទ្ររបស់ប្រជាពលរដ្ឋខ្មែរចំពោះការប្រើប្រាស់ផលិតផលក្នុងស្រុក ទន្ទឹមនឹងការកើនឡើងនៃការយល់ដឹងពីអត្ថប្រយោជន៍នៃការទទួលទានទឹកដោះគោស្រស់ ដែលឆ្លុះបញ្ចាំងពីការផ្លាស់ប្តូរទម្លាប់នៃការរស់នៅដើម្បីសុខភាពល្អរបស់ពលរដ្ឋខ្មែរ។ ទោះបីជាការផ្គត់ផ្គង់បច្ចុប្បន្ននៅមានកម្រិត ប៉ុន្តែផែនការពង្រីកខ្លួនរបស់កសិដ្ឋានក្នុងស្រុក ជាពិសេស កសិដ្ឋានមូមូ គឺជាពន្លឺសង្ឃឹមថ្មីមួយនៃផលិតផលក្នុងស្រុក៕