ចិន៖ វិស័យផ្លែឈើរបស់ប្រទេសចិន កំពុងប្រឈមមុខនឹងការផ្គត់ផ្គង់លើសលប់យ៉ាងច្រើនសម្បើម ដោយអ្នកដាំដុះ និងពាណិជ្ជករ បានរាយការណ៍ពីការលំបាកក្នុងការផ្លាស់ប្តូរបរិមាណ ទោះបីជាមានការកាត់បន្ថយតម្លៃយ៉ាងច្រើនក៏ដោយ។
នៅទូទាំងផ្សារបោះដុំ តូបលក់តាមដងផ្លូវ និងតំបន់ផលិតកែច្នៃ បានឱ្យដឹងថា ផ្លែឈើជាច្រើនប្រភេទ រួមមានផ្លែឈើរី ម្នាស់ ស្ត្របឺរី ទំពាំងបាយជូរ ឪឡឹក និងផ្លៃក្រូច នៅតែមិនទាន់លក់ចេញនៅឡើយដោយសារអ្នកប្រើប្រាស់កាន់តែមិនសូវចង់ទិញ។
ក្រុមផលិតករ និងពាណិជ្ជករ បានរាយការណ៍ថា ស្តុកកំពុងប្រមូលផ្លែឈើ ទោះបីជាមានការកាត់បន្ថយតម្លៃម្តងហើយម្តងទៀតក៏ដោយ។ អ្នកដាំខ្លះ បាននិយាយថា តំបន់ដែលធ្លាប់ដាំដុះក្នុងតម្លៃខ្ពស់ បែរជាទទួលបានប្រាក់ចំណេញទាប ដោយសារខ្វះការស្រូបយកពីទីផ្សារ។
កសិករម្នាក់ បាននិយាយថា “ផ្លែក្រូចពោធិសាត់ មួយឡានទម្ងន់៣៣តោន មិនមានតម្លៃស្មើនឹងទូរស័ព្ទស្មាតហ្វូនពីរគ្រឿងផង”។
ចំណែកកសិករម្នាក់ទៀត បានលើកឡើងពីសម្ពាធតម្លៃ ដែលកំពុងកើនឡើង ដោយកត់សម្គាល់ថា ការថែទាំងដើមឈើហូបផ្លែចាស់ៗចំនួន៥០០ដើម ត្រូវចំណាយលុយជាង៣០ ០០០យន់ ក្នុងមួយឆ្នាំ ឬប្រហែល៤ ២០០ដុល្លារ ហើយត្រូវការកម្មករពេញម៉ោងយ៉ាងហោចណាស់ចំនួនបីនាក់។
លោកបាននិយាយទៀតថា “យើងមិនអាចរកប្រាក់ចំណេញបានទេ សូម្បីថ្លៃដើមក៏ស្រង់មិនបានផង។ យើងនៅតែខាតលុយទេ”។
រីឯអ្នកលក់ផ្លែឈើម្នាក់ បាននិយាយថា អ្នកចូលរួមក្នុងទីផ្សារបង្ហាញថា រដូវកាលបច្ចុប្បន្នបានកំណត់តម្លៃ ដែលមិនធ្លាប់មានពីមុនមក។ មិនដែលមានមួយឆ្នាំបែបនេះទេ។
វីដេអូចែកចាយលើបណ្តាញសង្គម បានបង្ហាញពីផ្លែឈើតាំងតាមតូបគរលើគ្នាដោយសារលក់មិនដាច់ ដោយអ្នកលក់ម្នាក់ បាននិយាយថាផ ផ្លែឈើទាំងអស់សុទ្ធតែលក់មិនដាច់ ហើយនៅសល់ចោល គ្មាននរណាត្រូវការសោះតែម្តង។ ការប្រមូលផលផ្លែឈើនៅឆ្នាំនេះ ពិតជារញ៉េរញ៉ៃណាស់។
ការធ្លាក់ថ្លៃនេះ អាចមើលឃើញក្នុងអំឡុងពេលបុណ្យចូលឆ្នាំថ្មី ដែលជាទម្លាប់ត្រូវមានតម្រូវការផ្លែឈើច្រើនបំផុត។ ពាណិជ្ជករនៅក្នុងទីក្រុងនានា រួមទាំងទីក្រុងប៉េកាំង និងក្រុងសៀងហៃ បានរាយការណ៍ពីទីផ្សារស្ងាត់ជ្រងុំ និងការធ្លាក់ចុះតម្លៃបន្លែ។
អ្នកលក់ម្នាក់ បាននិយាយថា ទៅណាក៏គ្មាននរណានិយាយថា លក់ដូរបានល្អដែរ។ អ្នកដើរផ្សារ បាននិយាយថា ការកាត់បន្ថយការចំណាយក្នុងគ្រួសារ អសន្តិសុខការងារ និងថ្ងៃឈប់សម្រាកតិច កំពុងរួមចំណែកដល់ការកាត់បន្ថយការចំណាយដែរ៕
