ស្រុកល្វាឯម,ខេត្តកណ្តាល: នៅព្រឹកថ្ងៃទី២៥ខែតុលាឆ្នាំ២០២៥មេះ ឯកឧត្ដមអគ្គបណ្ឌិតសភាចារ្យ អូន ព័ន្ធមុនីរ័ត្ន ប្រធានក្រុមការងារគណបក្សចុះមូលដ្ឋានខេត្តកណ្ដាល និង ជាប្រធានក្រុមការងារគណបក្សចុះមូលដ្ឋានក្រុងអរិយក្សត្រ ស្រុកខ្សាច់កណ្ដាល ស្រុកល្វាឯម ស្រុកកៀនស្វាយ ស្រុកមុខកំពូល និង ស្រុកពញាឮ បានអញ្ជើញក្នុងពិធីប្រគល់ម៉ូតូ ៦៣គ្រឿង ដល់សិស្សនិទ្ទេស A និងថវិកាជូនសិស្សនិទ្ទេស B, C និងលោកគ្រូ អ្នកគ្រូបង្រៀនថ្នាក់ទី១២ ដែលស្ថិតនៅទីស្នាក់ការគណបក្ស ក្នុងស្រុកល្វាឯម ខេត្តកណ្តាល។
ឯកឧត្តមបណ្ឌិត កៅ ថាច ប្រធានក្រុមចលនាយុវជនរបស់ក្រុមការងារគណបក្សចុះមូលដ្ឋាន ស្រុកខ្សាច់កណ្តាលខេត្តក ណ្តាលក៏បានអញ្ជើញចូលរួមអមដំណើរ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី ក្នុងពិធីប្រគល់ម៉ូតូ ៦៣គ្រឿង ដល់សិស្សនិទ្ទេស A និងថវិកាជូនសិស្សនិទ្ទេស B, C និងលោកគ្រូ អ្នកគ្រូបង្រៀនថ្នាក់ទី១២។
នៅក្នុងពិធីនេះដែរក៏មានអញ្ជើញចូលរួមពី ឯកឧត្តម គួច ចំរើន ប្រធានគណៈកម្មការគណបក្សខេត្ត និងជាភិបាលនៃគណៈអភិបាលខេត្តកណ្តាល ក្រុមការងារគណបក្សចុះមូលដ្ឋានក្រុង ស្រុក-ឃុំឯកឧត្តមប្រធាន អនុប្រធា គណៈកម្មាធិកា រគណបក្សខេត្ត តំណាងគណៈកម្មាធិ ការគណបក្សក្រុង ស្រុកទាំង៥ គណៈអចិន្ត្រៃយ៍គណបក្សស្រុក និងប្រធានគណបក្សឃុំទាំង១០ ក្នុងស្រុកល្វាឯម, លោកគ្រូ អ្នកគ្រូបង្រៀនថ្នាក់ទី១២ និងអាណាព្យាបាលសិស្ស ៣៥៤ រូប សិស្សនិទ្ទេស A B C ១,៤៤៤ រូប សរុបចំនួន ១,៩៣៣នាក់។
បន្ទាប់ពីបានស្តាប់របាយការណ៍របស់ឯកឧត្តម គួច ចំរើន អភិបាលខេត្តរួចមក ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន បានមានប្រសាសន៍សម្តែងនូវការកោតសរសើរដល់ក្មួយៗ អាណាព្យាបាល លោកគ្រូ អ្នកគ្រូទាំងអស់ ដែលបានបង្ហាត់បង្រៀនកន្លងមក រហូតទទួលបានលទ្ធផលនិទ្ទេស A ជាពិសេសនៅខេត្តកណ្តាលជាខេត្តមួយដែលជាប់ចំណាត់ថ្នាក់លេខ២ បន្ទាប់ពីរាជធានីភ្នំពេញ។
ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន បានថ្លែងបញ្ជាក់ថា ឥឡូវប្អូនៗ និងក្មួយៗដែលជាប់និទ្ទA B C នឹងទទួលបានអាហារូបករណ៍តាមបណ្តាសកលវិទ្យាល័យនិងអ្នកនិទ្ទេស E អាចចូលរៀនតាមជំនាញ។ ប៉ុន្តែប្អូនៗត្រូវចាំថា ការសិក្សារបស់ប្អូនគឺជាការវិនិយោគ មិនត្រឹមតែដើម្បីកសាងជីវិតប៉ុណ្ណោះទេ ប៉ុន្តែជាឱកាសកាន់តែប្រសើរ ដើម្បីក្លាយជាមូលធនមនុស្សដ៏ល្អ សម្រាប់ចូលរួមចំណែលជាមួយនិងរាជរដ្ឋាភិបាលក្នុងការអភិវឌ្ឍន៍ប្រទេសជាតិយើងឲ្យកាន់តែរីកចម្រើនបន្ថែមទៀត។
ក្រោយបញ្ចប់ពិធីសំណេះសំណាលរួចមក
ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ក៏បានអញ្ជើញក្នុងពិធីប្រគល់ម៉ូតូ ៦៣គ្រឿងដល់សិស្សនិទ្ទេស A ក្នុងម្នាក់១គ្រឿង និងផ្តល់ជូនថវិកាលើកទឹកចិត្តមួយចំនួន ជូនដល់សិស្សនិទ្ទេស B, C និងលោកគ្រូ អ្នកគ្រូបង្រៀនថ្នាក់ទី១២ផងដែរ៕
