លទ្ធផលដំណើរទស្សនកិច្ចតំណាងសមាគមបណ្តាញកសិករតេជោនៅវៀតណាម

608548493_1171822631738397_2460587379731190103_n

ភ្នំពេញ៖ លោក ណុប នុន​ អនុប្រធានសមាគមបណ្តាញកសិករតេជា ក្នុងវិស័យបន្លែផ្លែឈើ និងសត្វ ក្នុងកសិដ្ឋាន បាន​​បញ្ចប់ដំណើរទស្សនកិច្ចនៅប្រទេសវៀតណាម ដែលចាប់ផ្តើមពីថ្ងៃទី១៣ ខែមករា ឆ្នាំ២០២៦ ដល់ថ្ងៃទី១៧ ខែមករា ឆ្នាំ២២០២៦។

លោកបានរៀបរាប់ថា កាលពីថ្ងៃទី១៣ ខែមករា ឆ្នាំ ២០២៦ ការមកដល់របស់ក្រុមការងារសមាគមនៅក្រុងដាឡាត​ ហើយត្រូវបានទទួលស្វាគមន៍យ៉ាងចិត្តទុកដាក់ និងប្រកបដោយគុណតម្លៃខ្ពស់បំផុត​នៅព្រលានយន្តហោះរហូត​ ហើយញាំអាហារពេលល្ងាចរហូតដល់សណ្ឋាគារ​ របស់ក្រុមហ៊ុន Kunyu Greenhouse Engineering Co., Ltd.។

ក្នុងដំណើរទស្សនកិច្ចនេះដែរ លោក ណុប នុន បានទទួលការស្វាគមន៍របស់ក្រុមការងាររបស់ក្រុមហ៊ុន Kunyu និងបានពិភាគ្សាការងារជាច្រើនពាក់ព័ន្ធនឹងសក្តានុពលទីផ្សារកសិកម្ម​ និងឪកាសវិនិយោគនៅកម្ពុជា និងជាពិសេសកិច្ចសហការណ៍រវាងក្រុមហ៊ុនសំណង់ផ្ទះសំណាញ់ និងសមាគមបណ្តាញកសិករតេជា ដើម្បីសម្រេចបានប្រសិទ្ធភាពថ្លៃដើមកសិកម្ម​ គុណភាព និងសុវត្ថិភាពនៃបន្លែ ផ្លែឈើសម្រាប់ការប្រើប្រាស់ផ្ទាល់ និងការកែច្នៃ វិចខ្ចប់ និងរក្សាទុកផ្សេងៗ។

នៅថ្ងៃទី១៤ ខែមករា ឆ្នាំ២០២៦  ក្រុមការងាររបស់ក្រុមហ៊ុន Kunyu Greenhouse Engineering Co., Ltd, នាំភ្ញៀវទៅពិនិត្យមើលម៉ូដែលផ្ទះសំណាញ់របស់កសិករវៀតណាម។

ក្នងដំណើរទស្សនកិច្ចនេះ ក៏មានកិច្ចពិភាគ្សាអំពីតម្រូវការគ្រឿងបង្គំសំណង់ផ្ទះសំណាញ់  ឧបករណ៍សម្ភារៈប្រើប្រាស់  ដូចជា​​​ផ្លាស្ទិក ផ្លាស្ទិក Isolan សំណាញ់ការពារកំដៅថ្ងៃ (សំណាញ់ខ្មៅ) ដែក និងស័ង្កសីជាវត្ថុធាតុដើមសម្រាប់ពត់ធ្វើឧបករណ៍សាងសង់ផ្ទះសំណាញ់ និងម៉ាស៊ីនពត់ជាដើម។

ក្រៅពីនេះយើងបានពិភាគ្សាអំពិកិច្ចសហកាណ៍ និងការផ្ទេរបច្ចេកទេសដាំដុះ និងការសាងសង់ផ្ទះសំណាញ់ ដែលយើងចាត់ទុកក្រុមហ៊ុន Kunyu ជារាមច្បងក្នុងការផ្ទេរចំណេះដឹង និងបទពិសោធន៍បច្ចេកទេសសាងសងម៉ូដែលផ្ទះសំណាញ់នីមួយៗ តាមតម្រូវការជាក់ស្តែងនៃចម្ការដំណាំ ដូចជាដំណាំផ្កា Chrysanthemum ផ្កាអរគីដេ ប៉េងប៉ោះ   ម្ទេសហាវ៉ៃ ជាដើម។

លើសពីនេះក្រុមហ៊ុន  ​PANHULIC  ដែលជាក្រុមហ៊ុនដាំផ្កាជប៉ុន ​និងវៀតណាម បានបង្ហាញអំពីការយកចិត្តទុកដាក់ចំពោះទស្សនកិច្ចពិនិត្យមើលការដាំដុះ និងបច្ចេកទេសធ្វើផ្ទះសំណាញ់តាមម៉ូដែលផ្សេងៗគ្នា​ ដែលម៉ូដែលខ្លះអាចប្រើប្រាស់ត្រាក់ទ័រខ្នាត 50HP ភ្ជួររាស់បានទៀតផង។

ការប្រមូលផលដំណាំប៉េងបោះ​ប្រចាំឆ្នាំ​ លើផ្ទៃដី១០០០ម៉ែត្រការ៉េ បានចន្លោះពី២៥តោន ទៅ​៣០​តោន។

ការប្រមួលផលពីម្ទេសហាវ៉ៃ ក្នុងមួយដើមបានពី៦គីឡូក្រាម​ ទៅ៧គីឡូ​ក្រម ក្នុងមួយឆ្នាំ។ ​ផ្កា Chrysanthemum​ របស់ក្រុមហ៊ុន  PANHULIC មានច្រើនពណ៌សម្រាប់ការធ្វើការនាំចេញទៅប្រទេសជប៉ុន និងដាក់លក់នៅ​ទីផ្សារក្នុងស្រុក។

ផ្កាអរគីដេរ គ្រប់ពណ៌ដាក់ដាំក្នុងផ្ទះសំណាញ់ទំនើប​ មានឧបករណ៍សិនសឺរសម្រាប់រក្សាស្ថេរភាពសីតុណ្ហភាពក្នុងផ្ទះសំណាញ់វៃឆ្លាត ហើយប្រមូលវិចខ្ចប់ដាក់លក់នៅលើទីផ្សារក្នុងស្រុក។​

នៅថ្ងៃទី១៥ ខែមករា ឆ្នាំ២០២៦ ក្រុមការងាររបស់ក្រុមហ៊ុន Kunyu បានដឹកនាំក្រុមការងារសហគមន៍តាសីសាមគ្គី ទៅកាន់ក្រុមហ៊ុន Langfarm Center ជាក្រុមហ៊ុនលក់រាយផលិតផលផ្លែឈើ និងប្រភេទដំណាប់ផ្សេងៗ​ ហើយក៏ជាមជ្ឈមណ្ឌលទេសចរណ៍ផងដែរ។ ក្រោយមកក្រុមការងារ KUNYU បាននាំក្រុមការងារសមាគមបណ្តាញកសិករតេជា ទៅកាន់ក្រុមហ៊ុន LangBiangFarm ដែលជាក្រុមហ៊ុនដាំស្រ្តប៊ីរី ដាំដំណាំលើទឹក ប៉េងប៉ោះ ស្រ្តប៊ឺរី និងជាកសិដ្ឋានមានលក់កាហ្វេ​ លក់កូនស្រ្តប៊ឺរី និងលក់ដំណាំផ្កានិងប្រទាលលម្អរផ្សេងៗ នៅតាមគន្លាក់នៃជើងភ្នំក៏អាចចាត់ទុកជាតំបន់ទេសចរណ៍ផងដែរ។

ផលិតផលផ្លែឈើគ្រប់មុខ និងដំណាប់ផ្លែឈើគ្រប់ប្រភេទ ត្រូវបានដាក់លក់នៅលើទីផ្សារលក់រាយ​នៅក្រុមហ៊ុន Langfarm ដែលជាតំបន់ទេសចរណ៍សំខាន់នៅក្នុងតំបន់ដាឡាត។​ក្រុមហ៊ុន LangBiangFarm​ ជាក្រុមហ៊ុនដាំបន្លែលើទឹក ស្ត្រប៊ឺរី​ និងប៉េងប៉ោះស្ត្រប៊ឺរី​ ដំណាំលម្អ​ និងប្រទាលលម្អ​ បូករួមទាំងដាក់លក់កាហ្វេតាមគន្លាក់ភ្នំ ជាតំបន់ទេសចរណ៍សក្តានុពល។

ថ្ងៃទី១៦ ខែមករា ឆ្នាំ២០២៦ នៅហូជីមិញក្រុមការងារសមាគមបណ្តាញកសិករតេជា ត្រូវបានរៀបចំដោយអង្គការ CTEP (Cambodian Team for Education Program organization) ឱ្យបានជួបជាមួយលោកបណ្ឌិត ចាន់ យ៉ាង (Chang Yang) អគ្គនាយកក្រុមហ៊ុន BIOTECHNOLOGY & ENGINEERING CO. LTD and Chunghwa Protein Co., Ltd. ក្រុមហ៊ុននេះមានសក្តានុពលក្នុងការផលិតថ្នាំការពារ និងកម្ចាត់សត្វល្អិត ទាំងទម្រង់គីមី និងជីវសាស្រ្ត ជាក្រុមហ៊ុនសាខា របស់ក្រុមហ៊ុននៅតៃវ៉ាន់។

លោកបានបង្ហាញអំពីច្រវ៉ាក់ផលិតកម្មនៅក្នុងរោងចក្រផលិតថ្នាំគីមី និងជីវសាស្រ្តរបស់លោក ដោយបង្ហាញពីផលិតផល និងផលប្រយោជន៍នៃផលិតផលនីមួយៗ។

លោកបានផ្តល់បច្ចេកទេសកសិកម្មដល់សហគមន៍តាសី និងគាំទ្រសកម្មភាពសមាគមបណ្តាញកសិករតេជោ នៅកម្ពុជា ដើម្បីជំរុញ និងលើកកម្ពស់ជីវភាពកសិករ និងអាជីវកម្មកសិកម្ម ព្រមទាំងជំរុញឱ្យមានសុវត្ថិភាពលើស្តុកម្ហូបអាហារនៅកម្ពុជាផងដែរ ដោយជំរុញឱ្យមានការផ្លាស់ប្តូរអ្នកបច្ចេកទេសកសិកម្មទៅតៃវ៉ាន់ និងការសិក្សាស្រាវជ្រាវរបស់អ្នកបច្ចេកទេសកសិកម្ម មកកម្ពុជា។

ផ្តល់អាហារូបករណ៍ដល់និស្សិតសិក្សាភាសាចិនរយៈពេលពី៣ខែ ទៅ១ឆ្នាំ កម្រិតបរិញ្ញាបត្រជំនាញកសិកម្ម និងពាណិជ្ជកម្មកសិកម្ម និងកម្រិតបរិញ្ញាបត្រជាន់ខ្ពស់ដល់និស្សិតកម្ពុជាពីពីរទៅបីនាក់ក្នុងមួយកម្រិត ក្នុងមួយឆ្នាំ អគ្គនាយកតំណាងតៃវ៉ាន់ បានទទួលស្វាគមន៍យ៉ាងយកចិត្តទុកដាក់និងកក់ក្តៅបំផុតព្រមទាំងបើកចំហរផ្តល់ឪកាសដល់សមាគមបណ្តាញកសិករតេជាឱ្យទទួលបាននូវកិច្ចសហប្រតិបត្តិការជាមួយក្រុមហ៊ុនតៃវ៉ាន់ ដោយផ្ទាល់ ឬតាមរយៈកិច្ចសម្របសម្រួលរបស់អង្គការ CTEP ដោយមានតំណាងតៃវ៉ាន់ប្រចាំនៅក្រុងហូជីមិញ ជាអ្នកសម្របសម្រួលបន្ថែមលើកិច្ចការសហប្រតិបត្តិការផ្សេងៗ៕


image_2026-11-18_16-01-01
កូរ៉េខាងត្បូងគ្រោងវិនិយោគ១៦៣លានដុល្លារ សាងសង់រោងចក្រផលិតអាហារនៅវៀតណាម

ហាណូយ៖ ក្រុមហ៊ុនផលិតចំណីអាហារដ៏ធំ របស់កូរ៉េខាងត្បូង កាលពីសប្ដាហ៍មុន បានប្រកាសផែនការសាងសង់រោងចក្រផលិតចំណីមួយ ដែលមានទុនវិនិយោគ១៦៣លានដុល្លារ នៅទីក្រុងបាក់និញ (Bac Ninh) ភាគខាងជើងប្រទេសវៀតណាម ដើម្បីពង្រីកសមត្ថភាពផលិត សម្រាប់ផ្គត់ផ្គង់ទីផ្សារក្នុងតំបន់អាស៊ាន និងនាំចេញទៅកាន់ទ្វីបអឺរ៉ុប។ ក្រុមហ៊ុនផលិតចំណីអាហាររបស់កូរ៉េឈ្មោះសាមយ៉ាង ហ្វូដស៍ (Samyang Foods) គឺជាអ្នកផលិតមីកញ្ចប់ដ៏ពេញនិយមម៉ាក ប៊ុលដាក់ (Buldak) នឹងមានសមត្ថភាពដំឡើងខ្សែសង្វាក់ផលិតកម្មរហូតដល់៨ខ្សែ ហើយនឹងក្លាយជាមូលដ្ឋានផលិតកម្មនៅក្រៅប្រទេស ដែលគ្រោងនឹងចាប់ផ្តើមប្រតិបត្តិការនៅចុងឆ្នាំ២០២៦។ យោងតាមការលើកឡើងរបស់ក្រុមហ៊ុន បានឱ្យដឹងថា ការវិនិយោគនេះនឹងកាត់បន្ថយការពឹងផ្អែកលើតំបន់ផលិតកម្មតែមួយ ចំពេលមានភាពមិនប្រាកដប្រជាផ្នែកសេដ្ឋកិច្ច និងភូមិសាស្ត្រនយោបាយជាសកល។ក្រុមហ៊ុនបានជ្រើសរើសយកប្រទេសវៀតណាម ដោយសារថ្លៃដើមផលិតកម្មមានការប្រកួតប្រជែងល្អ ជាពិសេសមានវត្ថុធាតុដើមសំខាន់ៗ ដូចជាម្សៅស្រូវសាលី និងប្រេងដូង។ ក្រុមហ៊ុនក៏បានលើកឡើងពីបណ្តាញដឹកជញ្ជូនដ៏មានអំណោយផល ទីតាំងភូមិសាស្ត្រល្អ ដែលអាចឱ្យរោងចក្រនេះផ្គត់ផ្គង់ផលិតផលទៅកាន់ទីផ្សារអាស៊ាន និងអឺរ៉ុបបានយ៉ាងមានប្រសិទ្ធភាព។ ក្រុមហ៊ុន សាមយ៉ាង បានបន្ថែមថា ថ្លៃដើមវិនិយោគ ការចំណាយសម្រាប់ប្រតិបត្តិការ និងនីតិវិធីសាងសង់នៅប្រទេសវៀតណាម មានលក្ខណៈប្រកួតប្រជែងជាងនៅសហរដ្ឋអាមេរិក និងអឺរ៉ុប។ ដើម្បីអនុវត្តគម្រោងនេះ ក្រុមប្រឹក្សាភិបាលរបស់ក្រុមហ៊ុនបានអនុម័តការវិនិយោគទឹកប្រាក់ចំនួន៩៨លានដុល្លារ ដែលគ្រោងនឹងដំណើរការក្រោមឈ្មោះ សាមយ៉ាង ហ្វូដស៍ បាក់និញ អិលអិលស៊ី (Samyang Foods Bac Ninh […]

sean-catching-big-jeff-head-coho-salmon-1024x563
អង្គការការពារសុខមាលភាពត្រី នៅអាម៉េរិក ដាក់ឱ្យប្រើស្តង់ដារថ្មីសម្រាប់ត្រីសាម៉ុន

វ៉ាស៊ីនតោន៖​ អង្គការការពារសុខមាលភាពត្រី នៅទីក្រុងវ៉ាស៊ីនតោន សហរដ្ឋអាម៉េរិក បានដាក់ឱ្យប្រើប្រាស់ស្តង់ដារថ្មី ស្តីពីសុខុមាលភាពសត្វ ដែលកំណត់ជាក់លាក់សម្រាប់ពូជត្រីសាម៉ុងមួយប្រភេទ ក្រោមវិញ្ញាបនបត្របញ្ជាក់សតង់ដារសម្រាប់វិស័យវារីវប្បកម្ម។ អង្គការផ្តល់វិញ្ញាបនបត្របែបមនុស្សធម៌អន្តរជាតិ (Certified Humane International) ដែលជាអង្គការ នៅតំបន់អាមេរិកឡាទីន និងអាស៊ី បានវាយតម្លៃលើដំណាក់កាលផ្សេងៗនៃដំណើរការផលិតកម្ម រួមមាន ការសម្លាប់​ និងការគ្រប់គ្រងត្រីក្នុងអំឡុងពេលចិញ្ចឹម ការដឹកជញ្ជូន និងនីតិវិធីនៃការប្រមូលផល។ គោលបំណងចម្បង គឺដើម្បីកំណត់លក្ខខណ្ឌតម្រូវ ដែលជួយណែនាំក្នុងការគ្រប់គ្រង និងវាយតម្លៃស្ថានភាពសុខុមាលភាពរបស់ពូជសត្វត្រី​សាលមុន ម្ស៉ាង​​ មានឈ្មោះថា កូហូ (Coho)។ ស្តង់ដារថ្មីនេះ បានគិតគូរពីលក្ខណៈពិសេស និងអត្តសញ្ញាណជីវសាស្ត្ររបស់ត្រីសាលមុន​ កូហូ ដែលខុសពីស្តង់ដារទូទៅសម្រាប់ត្រីសាម៉ុនផ្សេងទៀត ដែលធ្លាប់ត្រូវបានកំណត់នាពេលកន្លងមក។ យោងតាមអ្នកជំនាញផ្នែកវារីវប្បកម្ម បានបញ្ជាក់ថា ឯកសារស្រាវជ្រាវបែបវិទ្យាសាស្ត្រមួយចំនួនទាក់ទងនឹងពូជត្រី កូហូ គឺផ្អែកលើការសិក្សាអំពីត្រីសាម៉ុន ក្នុងមហាសមុទ្រអាត្លង់ទិក ដែលកំណត់លក្ខណៈវិនិច្ឆ័យផ្តោតលើលក្ខណៈជាក់លាក់របស់ប្រភេទសត្វនីមួយៗ។ ការរៀបចំស្តង់ដារនេះ ក៏បានយកតាមបទពិសោធន៍ជាក់ស្តែងពីក្រុមហ៊ុន ចិញ្ចឹមត្រីប្រភេទនេះនៅប្រទេស ឈីលី ផងដែរ។ ប្រទេសឈីលី គឺជាប្រទេស ដែលផលិតត្រីសាម៉ុន កូហូ ប្រមាណ៩០ភាគរយនៃផលិតកម្មសរុបនៅទូទាំងពិភពលោក ហើយកំពុងជំរុញយ៉ាងសកម្មឱ្យត្រីប្រភេទនេះមានអត្តសញ្ញាណជាផលិតផលជាតិរបស់ខ្លួន ដើម្បីបង្កើតភាពខុសប្លែកពីត្រីសាម៉ុន ក្នុងមហាសមុទ្រអាត្លង់ទិក។ […]

9759815658021f9f1b8fcc03bb0b8a57
ល្បិចលួចស្រូវរបស់សមាជិក្រុមសាមគ្គី នៅកូរ៉េខាងជើង គឺលួចស្រូវខ្លួនឯង

ព្យុងយ៉ាង៖ កសិករនៅក្នុងក្រុមសាមគ្គីរបស់កូរ៉េខាងជើងលួចស្រូវខ្លួនរបស់ខ្លួនឯង ព្រោះខ្វះអង្ករច្រកឆ្នាំង។ ចំណែកកម្មាភិបាលរាយការណ៍ថា ស្រូវទុំពេកជ្រុះអស់។ កម្មករកសិកម្មកូរ៉េខាងជើងបានលួចស្រូវរបស់ខ្លួន​​ នៅពេលប្រមូលផលស្រូវប្រចាំ ឆ្នាំ២០២៦ ដោយលួចទម្លាក់កណ្ដាប់ស្រូវដឹកលើរទេះគោ តាមផ្លូវដឹកទៅទៅកាន់ទីលានបោកបែនរបស់ក្រុមសាមគ្គី។ សេចក្ដីរាយការណ៍របស់សារព័ត៌មាន  ដេលី​ អេនខេ​ (Daily NK) បានលើកឡើងថា អ្នកសមគំនិតលួច បានដើរពីក្រោយរទេះដឹកកណ្ដាប់ ហើយរើសទុកជារបស់ផ្ទាល់ខ្លួន។ ករណីនេះ បានកើតឡើងកាលពីថ្ងៃទី២៤ ខែតុលា ឆ្នាំ២០២៦​ នៅអ្នកបើករទេះគោកដឹកស្រូវម្នាក់ បានធ្វើឱ្យកណ្ដាប់ស្រូវមួយធ្លាក់តាមផ្លូវ ហើយលេខាបក្សភូមិ​បានឃើញសកម្មភាពនេះ។ សារព័ត៌មានដដែលនេះ បានសរសេរថា ទង្វើប្រព្រឹត្តបែបនេះបង្ហាញពីស្ថានភាពខ្វះខាតស្បៀងអាហារកាន់តែធ្ងន់ធ្ងរនៅតាមកក្រុមសាមគ្គីរបស់ប្រទេសកូរ៉េខាងជើង។ អ្នកបររទេះគោត្រូវរងចោទប្រកាន់ថា ប៉ុនប៉ងលួចកណ្ដាប់ស្រូវ ហើយត្រូវគណៈចាត់តាំងនាំខ្លួនទៅឌធ្ចើស្វ័យទិទៀននៅក្នុងអង្គប្រជុំរិះគន់ជាសាធារណៈ។ អង្គប្រជុំប្រភេទនេះតម្រូវឱ្យសមាជិកក្រុមសាមគ្គីសារភាពកំហុសរបស់ខ្លួន និងទទួលរងការរិះគន់បន្ទោសពីសំណាក់សមមិត្តនៅក្នុងក្រុមសាមគ្គី។ ការបង្កបង្កើនផលដំណាំនៅកូរ៉េខាងជើង​ កសិករប្រើគោរឱ្យអូសរទេសះ ដើម្បីដឹកជញ្ជូនដំណាំ ដោយសារខ្វះគ្រឿងយន្តកសិកម្ម។ សូម្បីតែត្រាក់ទ័រ​របស់រដ្ឋខ្លះ ត្រូវទុកចោលឱ្យពុក ដោយសារក្រុមសាមគ្គីខ្វះប្រេង។ ទោះជាយ៉ាងណា ការដឹកកណ្ដាប់ស្រូវតាមរទេះគោជ្រុះតាមផ្លូវ បានផ្តល់ឱកាសដល់សមាជិកក្រុមសាមគ្គី អាចលួចណ្ឌាប់ស្រូវខ្លួនង ហើយកម្មាភិបាលប្រចាំក្រុមសាមគ្គី​ រាយការណ៍ថា «ទិន្នផលស្រុវជ្រុះអស់ »។ តាមសេចក្តីរាយការណ៍ កម្មករកសិកម្មមួយចំនួនបានរៀបចំផែនការជាមុន និងបែងចែកតួនាទីគ្នាសម្រាប់លួច នៅមុនពេលប្រមូលផលស្រូវម្ដងៗ។ ដូចករណីនេះ អ្នកបររទេះគោលួចទម្លាក់កណ្ដាប់ស្រូវ […]

photo_2026-11-18_15-23-17
ត្រីទីឡាព្យ៉ាអាចញ៉ាំឆៅដូចត្រីសាលម៉ុនបាន តែ​អាស្រ័យលើការចិញ្ចឹម និងកែច្នៃ

ដោយ អៀវ ឈាងនី ភ្នំពេញ៖ ការញ៉ាំត្រីទីឡាព្យ៉ាឆៅ​ អាចធ្វើឡើងទៅបាន គឺអាស្រ័យទៅលើការចិញ្ចឹម និងការ​កែច្នៃ ជាពិសេស​វិធីសាស្ត្រក្នុងការសម្អាតប្រភេទពួកបាក់តេរី និងការចិញ្ចឹមត្រូវឆ្លងកាត់ការអនុវត្តតាមគោលការណ៍រីវប្បកម្មល្អ ដែលគិតតាំងពីការជ្រើសរើសពូជ ការគ្រប់គ្រងគុណភាពទឹក ការផ្ដល់ចំណី កាត់បន្ថយការប្រើប្រាស់នូវប្រភេទថ្នាំមួយចំនួន ដែលមិនប៉ះពាល់សុខភាពដល់អ្នកបរិភោគ។​ ការញ៉ាំត្រីទីឡាព្យ៉ាឆៅ អាចមានហានិភ័យដល់សុខភាព ប្រសិនបើត្រីនោះ មិនបានចិញ្ចឹម និងកែច្នៃតាមស្តង់ដារអនាម័យត្រឹមត្រូវសម្រាប់ការហូបឆៅ។ លោក កែន ចិន្តា ប្រធានការិយាល័យគាំទ្រវារីវប្បកម្មនៃធនគារអភិវឌ្ឍន៍ធនបទ និងកសិកម្ម ARDB បានប្រាប់ទូរទស្សន៍កសិករ TVថា ចំពោះការហូបឆៅ អាស្រ័យទៅលើការកែច្នៃ ។ បើសិនជាប្រជាពលរដ្ឋ មិនមាននូវវិធីសាស្ត្រក្នុងការសម្អាតប្រភេទពួកបាក់តេរី ឬក៏ពួកប៉ារ៉ាសិតមួយចំនួនចេញពីសាច់ទេ គឺវាមិនមានសុវត្ថិភាពការទទួលទាននោះទេ។ លោក កែន ចិន្តា បានមានប្រសាសន៍បន្តថា ការកែច្នៃហូបត្រីទីឡាព្យ៉ាឆៅបាន គឺកសិដ្ឋានដែលផលិត ឬក៏ចិញ្ចឹមនោះ ត្រូវឆ្លងកាត់ការអនុវត្តតាមគោលការណ៍ GAQP បានន័យថា ការអនុវត្តវារីវប្បកម្មល្អ ដែលគិតតាំងពីការជ្រើសរើសពូជ ការគ្រប់គ្រងគុណភាពទឹក ការផ្ដល់ចំណី កាត់បន្ថយការប្រើប្រាស់នូវប្រភេទថ្នាំមួយចំនួន ដែលមិនប៉ះពាល់សុខភាពដល់អ្នកបរិភោគ។ គួរបញ្ជាក់ថា មួយរយៈចុងក្រោយនេះ ឃើញថាប្រជាជនកម្ពុជាយើងមួយចំនួន និយមបរិភោគត្រីទីឡាព្យ៉ាឆៅ […]

កាលវិភាគផ្សព្វផ្សាយ