News

កំពង់ស្ពឺ៖ ប្រធានសមាគមលើកកម្ពស់ស្ករត្នោតកំពង់ស្ពឺ បានប្រាប់ឱ្យដឹងថា នៅឆ្នាំ២០២៥នេះ សមាគមទទួលបានការបញ្ជាទិញស្ករត្នោត ប្រភេទស្ករម្សៅសរីរាង្គពីក្រុមហ៊ុនដៃគូកើនឡើងខ្ពស់ បើប្រៀបធៀបនិងឆ្នាំ២០២៤។ លោក សំ សារឿន ប្រធានសមាគមលើកកម្ពស់ស្ករត្នោតកំពង់ស្ពឺ បានឱ្យដឹងថា ឆ្នាំ២០២៥នេះ មានក្រុមហ៊ុនចំនួនបួនបានបញ្ជាការទិញប្រភេទស្ករម្សៅសរីរាង្គចំនួន១៥៧តោន កើនឡើងជាង១២៤ភាគរយ បើប្រៀបធៀបនិងរយៈពេលដូចគ្នាឆ្នាំ២០២៤ មានចំនួន៧០តោន។ បើតាមប្រធានសមាគមខាងលើ បានឱ្យដឹងថា ក្រុមហ៊ុនបួន ដែលបញ្ជាការទិញស្ករម្សៅ រួមមាន ក្រុមហ៊ុន ខនហ្វីរេល, ក្រុមហ៊ុនហ្វាមលីង, ក្រុមហ៊ុន ហះស៊ែត (ក្រុមហ៊ុនកូរ៉េ )និងក្រុមហ៊ុន ផ្លាថេសិន ហើយនៅក្នុងបរិមាណស្ករម្សៅសរុបទាំង១៥៧តោន មានប្រមាណ២០ភាគរយលក់នៅក្នុងស្រុក និង៨០ភាគរយផ្សេងទៀតនាំចេញទៅចែកចាយនៅលើទីផ្សារពិភពលោក រួមមានទីផ្សារនៅអឺរ៉ុប ជប៉ុន និងសហរដ្ឋអាម៉េរិក។ លោក សំ សារឿន បានបញ្ជាក់ថា «ប្រភេទស្ករម្សៅសរីរាង្គ និងស្ករត្នោតម៉ាកសម្គាល់ភូមិសាស្ត្រទំនិញ ក្នុងមួយតោនកសិករអាចលក់ថ្លៃជាងប្រាំពីរលានរៀល ហើយនៅក្នុងមួយរដូវសម្រាប់កសិករឡើងត្នោតតិចជាងគេ បានចំណូលជាង២៥០០ដុល្លារ ហើយដោយឡែកអ្នកឡើងត្នោតចាប់ពី១៥ដើមឡើងទៅ អាចរកប្រាក់ចំណូលបានដល់៦០០០ដុល្លារ»។ ទាក់ទងនិងស្ករត្នោតកំពង់ស្ពឺ,សមាគមលើកកម្ពស់ស្ករត្នោតកំពង់ស្ពឺមានចក្ខុវិស័យរបស់ខ្លួន ចង់ឃើញប្រជាកសិករ ដែលជាអ្នកប្រកបរបរឡើងត្នោតមានជីវភាពល្អប្រសើរ តាមរយៈសមាគមជួយផ្សព្វផ្សាយ រកទីផ្សារជូនប្រជាកសិករ ការពារផលិតផលរបស់អ្នកឡើងត្នោត និងចុះបង្រៀនផ្នែកបច្ចេកទេស ការកត់ត្រាទិញ […]

ភ្នំពេញ៖ ក្រុមហ៊ុនក្នុងស្រុកមួយ ដែលបង្កើតឡើងដោយកូនខ្មែរ គ្រោងបោះទុនវិនិយោគប្រមាណ ១,៥លានដុល្លារ ដើម្បីបង្កើតរោងចក្រកែច្នៃគ្រាប់ស្វាយចន្ទីខ្មែរ ដែលមានទីតាំងស្ថិតនៅស្រុកចម្ការលើ ខេត្តកំពង់ចាម នឹងបើកដំណើរការជាផ្លូវការនៅក្នុងខែកញ្ញា ឆ្នាំ២០២៥។ យោងតាមលោកឧកញ៉ា ឡាង ទីលាង អគ្គនាយកក្រុមហ៊ុន ធីអេល អាហ្គ្រីហ្វូដ​ (TL Agri Foods Import Export) បានបញ្ជាក់ថា រោងចក្រកែច្នៃគ្រាប់ស្វាយចន្ទីរបស់លោក ត្រូវបានសាងសង់ឡើងនៅលើផ្ទៃដីប្រមាណជាពីរហិតា ដែលគ្រោងនឹងបើកឱ្យដំណើរជាផ្លូវការនៅក្នុងខែកញ្ញា ឆ្នាំ២០២៥ ខាងមុខនេះ។ បច្ចុប្បន្ន រោងចក្របាននិងកំពុងដំណើរការដំឡើងគ្រឿងចក្របច្ចេកវិទ្យាទំនើបចុងក្រោយ ដែលមានសមត្ថភាពបកគ្រាប់ស្វាយចន្ទីខ្មែរ៥០តោនក្នុងមួយថ្ងៃ ដើម្បីផ្គត់ផ្គង់លក់ក្នុងស្រុក និងនាំចេញទៅកាន់ពិភពលោក។ លោកឧកញ៉ា ឡាង ទីលាង លើកឡើងថា ក្រុមហ៊ុនមានចម្ការដាំដុះស្វាយចន្ទីដោយខ្លួនឯងនៅលើផ្ទៃដីប្រមាណ ១០ ហិតា ហើយក្រៅពីនេះក៏និងមានការប្រមូលទិញគ្រាប់ស្វាយចន្ទីបន្ថែមពីប្រជាពលរដ្ឋហើយ រោងចក្រកែច្នៃគ្រាប់ស្វាយចន្ទីមួយនេះ គ្រោងនាំចេញគ្រាប់ស្វាយចន្ទី ទៅកាន់ទីផ្សារអន្តរជាតិមួយចំនួនដូចជា ទីផ្សារប្រទេសចិន ជប៉ុន អាម៉េរិក កូរ៉េ និងអឺរ៉ុប ជាដើម។ គោលបំណងសំខាន់ៗរបស់រោងចក្រកែច្នៃគ្រាប់ស្វាយចន្ទីខ្មែរ គឺទី១ ជួយរក្សាតម្លៃឱ្យមានស្ថិរភាព ព្រោះរោងចក្រកែច្នៃគ្រាប់ស្វាយចន្ទីអាចជួយទិញគ្រាប់ស្វាយចន្ទីពីកសិករដោយផ្ទាល់ តម្លៃក៏មានស្ថិរភាពជាងមុន កសិករមិនចាំបាច់ពឹងផ្អែកលើឈ្មួញកណ្ដាល […]

ខេត្តកំពង់ធំ៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាល និងសហការីបានចូលរួមអមដំណើរឯកឧត្តម វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ធំ អញ្ជើញចុះសួរសុខទុក្ខប្រជាកសិករដែលកំពុងប្រកបរបរក្នុងវិស័យវារីវប្បកម្ម។ ឯកឧត្តមឧបនាយករដ្ឋមន្ត្រីអញ្ជើញចុះបំពេញបេសកកម្ម ក្នុងគោលបំណង ដើម្បីជំរុញវិស័យវារីវប្បកម្មតាមរយៈការជំរុញលើកទឹកចិត្ត និងការលើកកម្ពស់ផលិតកម្មវារីវប្បកម្មក្នុងស្រុក ព្រមទាំង​ការអនុវត្ត​សេដ្ឋកិច្ច​មូលដ្ឋាន នៅស្រុកស្ទោង ខេត្តកំពង់ធំ នៅព្រឹកថ្ងៃទី២៣ ខែសីហា ឆ្នាំ២០២៥។ ក្រោយមក​ទៀត នៅរសៀលថ្ងៃទី២៣ ខែសីហា ឆ្នាំ២០២៥ដដែលនេះ ឯកឧត្តមបណ្ឌិត កៅ ថាច និងសហការីក៏បានអញ្ជើញចុះត្រួតពិនិត្យសន្និធិស្រូវអង្ករ សកម្មភាពប្រមូលទិញស្រូវសម្រាប់បម្រើឲ្យការកិនកែច្នៃអង្ករនាំចេញនិងលក់ក្នុងស្រុក ព្រមទាំងផែនការទិញបន្តរបស់រោងម៉ាស៊ីនកិនស្រូវ ងួន ហុង, រោងម៉ាស៊ីនកិនស្រូវ ១៦៨៨ និង​រោងម៉ាស៊ីនកិនស្រូវ ហុង អេង ។ បេសកកម្មនេះ គឺដើម្បីពិនិត្យមើលការប្រើប្រាស់ឥណទានក្រោមកម្មវិធីហិរញ្ញប្បទានពិសេសរបស់រាជរដ្ឋាភិបាលដើម្បីលើកស្ទួយផលិតផលកសិកម្ម រកទីផ្សារ និងរក្សាលំនឹងថ្លៃកសិផល។ កម្មវិធីហិរញ្ញប្បទានពិសេសរបស់រាជរដ្ឋាភិបាលនេះ គឺផ្តល់អត្រាការប្រាក់សមរម្យ៥ភាគរយ ក្នុងមួយឆ្នាំ និងទទួលយកសន្និធិស្រូវអង្ករជាទ្រព្យធានាបំណុល និងជាមូលដ្ឋានកំណត់ទំហំឥណទាន ដែលទទួលបានរហូត៧០ភាគរយនៃតម្លៃសន្និធិ។ ដើមរដូវឆ្នាំនេះ កត្តាអាកាសធាតុអំណោយផលបាននាំឱ្យការប្រមូលផលស្រូវបានចាប់ផ្តើមលឿនជាងឆ្នាំមុនៗ ពោលគឺចាប់តាំងពីចុងខែកក្កដា ហើយបរិមាណប្រមូលផលកើនឡើងកាន់តែច្រើន នៅចុងខែសីហានេះ។ […]

ខេត្តបាត់ដំបង៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកនៃធនាគារអភិវឌ្ឍន៍ជនបទ និងកសិកម្ម បានស្នើម្ចាស់រោងម៉ាស៊ីនកិនស្រូវ និង​ក្រុមហ៊ុននាំចេញអង្ករ ជុំវិញ​​ខេត្តពោធិ៍សាត់ បាត់ដំបង និងបន្ទាយមានជ័យ សូមបន្តប្រមូលទិញស្រូវឲ្យអស់លទ្ធភាពពីប្រជាកសិករបានកាន់តែច្រើន និងជាប្រចាំថ្ងៃ ដើម្បីជួយសម្រួលដល់ជីវភាពកសិករ។ ការស្នើរបស់ឯកឧត្តមបណ្ឌិត កៅ ថាច បែបនេះ ធ្វើឡើងកាលពីព្រឹកថ្ងៃទី២៣ ខែសីហា​ ឆ្នាំ២០២៥ ក្នុងឱកាសអញ្ជើញចូលរួមជាអធិបតីភាពក្នុងកិច្ចប្រជុំជាមួយតំណាងម្ចាស់រោងម៉ាស៊ីន និងក្រុមហ៊ុននាំចេញអង្ករ ដែលបានអញ្ញើញមកពី ខេត្តពោធិ៍សាត់ បាត់ដំបង និងបន្ទាយមានជ័យ។ គោលបំណងនៃកិច្ចជុំនេះ គឺដើម្បីពិភាក្សាស្វែងរកដំណោះស្រាយ ដាក់ទិសដៅ និងពិនិត្យតាមដានវាយតម្លៃ ដោយផ្តោតលើ៖ ១)-អំពីស្ថានភាពតម្លៃស្រូវសើម ដែលដឹកមកលក់ដល់រោងម៉ាស៊ីនមានការធ្លាក់ចុះក្នុងរដូវប្រមូលផលធំនេះ ដូចជាប្រភេទ OM ៥៤៥១/IR, សែនក្រអូប, ស្រូវស្រងែ ធៀបនឹងឆ្នាំមុន​ ២)-អំពីបញ្ហាប្រឈមរបស់រោងម៉ាស៊ីនកិនស្រូវ ក្នុងស្ថានភាពភាពប្រមូលទិញស្រូវពីកសិករ ក្នុងរដូវប្រមូលផលថ្មីមកដល់ និងបញ្ហាសន្និធិស្តុកស្រូវ-អង្ករសល់ពីឆ្នាំចាស់ ដែលមិនទាន់បានបញ្ចេញអស់ ៣)-អំពីស្ថានភាពការនាំចេញអង្ករ ទៅទីផ្សារអន្តរជាតិ និងភាពមិនទាន់ច្បាស់លាស់ចំពោះការបញ្ជាទិញអង្ករពីកម្ពុជា ពីទីផ្សារអន្តរជាតិ ៤)-អំពីនិន្នាការទីផ្សារអង្ករអន្តរជាតិ និង​អំពីបញ្ហាប្រឈមនានា ពាក់ព័ន្ធវិស័យស្រូវអង្ករ និងសំណូមពរនានា។ ក្នុងឱកាសនេះ ឯកឧត្តមប្រតិភូ […]

យ៉ាំងហ្គោន៖ តាមរយៈទិន្នន័យផ្លូវការបង្ហាញថា ប្រទេសភូមា បាននាំចេញផលិតផលនេសាទជាង១៥០០០តោន ទៅកាន់ទីផ្សារប្រទេសចិន ក្នុងរយៈពេលពីរឆ្នាំចុងក្រោយនេះ។ ទីភ្នាក់ងារព័ត៌មានស៊ីនហួរ បានរាយការណ៍ពីទីក្រុងយ៉ាំងហ្គោន ប្រទេសភូមា នៅថ្ងៃទី១៧ ខែសីហាថា ស្ថានីយ៍វិទ្យុ និងទូរទស្សន៍ភូមា ដែលគ្រប់គ្រងដោយរដ្ឋ បានរាយការណ៍ថា ភូមាបាននាំចេញផលិតផលនេសាទជាង១៥០០០តោន ទៅកាន់ប្រទេសចិន ដោយគិតចាប់ពីខែកញ្ញា ឆ្នាំ២០២៣ ដល់ខែសីហា ឆ្នាំ២០២៥នេះ។ របាយការណ៍ដដែល បាននិយាយថា ការនាំចេញ រួមមានផលិតផលនេសាទ ដែលចាប់បានទឹកធម្មជាតិចំនួន១៤០​ ០០០តោន ដែលមានតម្លៃទឹកប្រាក់ជាង១៩៥លានដុល្លារ និងផលិតផលជលផលជាង៥ ០០០តោន ដែលមានតម្លៃទឹកប្រាក់១៣លានដុល្លារអាមេរិក។ គួរបញ្ជាក់ថា បើយោងតាមរបាយការណ៍នាពេលកន្លងមករបស់កម្មវិធីអភិវឌ្ឍន៍អង្គការសហប្រជាជាតិ (UNDP) បានរាយការណ៍ថា ប្រទេសភូមា កំពុងប្រឈមមុខនឹងវិបត្តិយ៉ាងធ្ងន់ធ្ងរ ដែលបណ្តាលមកពីការដួលរលំសេដ្ឋកិច្ច ជម្លោះកាន់តែខ្លាំង និងគ្រោះថ្នាក់អាកាសធាតុដ៏ស្មុគស្មាញ។ ក្នុងវិបត្តិនយោបាយរាប់ឆ្នាំរបស់ភូមា កំពុងបង្ហាញជារូបភាពដ៏ក្រៀមក្រំនៃប្រជាជាតិមួយ ដែលកំពុងស្ថិតក្នុងស្ថានភាពស្រពិចស្រពិល ជាមួយនឹងចំនួនប្រជាជនជិតពាក់កណ្តាលកំពុងរស់នៅក្រោមបន្ទាត់នៃភាពក្រីក្រ ខណៈសេវាកម្មសំខាន់ៗបានដួលរលំ និងសេដ្ឋកិច្ចស្ថិតក្នុងស្ថានភាពលំបាក។ ទន្ទឹមនឹងនេះ គេព្យាករណ៍ថា វិបត្តិ​​នឹង​កាន់តែ​អាក្រក់ទៅៗ ​នៅប៉ុន្មាន​ឆ្នាំ​ខាង​មុខទៀត ដោយសារមើលមិនឃើញពីដំណោះស្រាយ​នយោបាយណាមួយឱ្យបានច្បាស់លាស់នោះទេ៕​ ដោយ ជិន ម៉ាដេប៉ូ  

ហាណូយ៖ ក្រុមហ៊ុនឯកជនរបស់វៀតណាមមួយ បានអនុវត្តការប្រមូលផលស្រូវ ដោយផ្ទាល់ជាលើកដំបូងនៅលើផ្ទៃដីស្រែរបស់ប្រទេសគុយបា ដើម្បីជួយសម្រាលការខ្វះខាតស្បៀងអាហារធ្ងន់ធ្ងរនៅក្នុងប្រទេស។ ទីភ្នាក់ងារព័ត៌មានរបស់បារាំង អាអេហ្វប៉េ បានរាយការណ៍ពីទីក្រុងហាណូយ នាដើមសប្តាហ៍នេះ បានឱ្យដឹងថា រដ្ឋាភិបាលគុយបា បានសម្រេចផ្តល់ដីស្រែទំហំ១ ០០០ហិកតា នៅទីក្រុង ឡូស ប៉ាឡាស៊ីអូស (Los Palacios) ដែលមានចម្ងាយ១១៨គីឡូម៉ែត្រភាគខាងលិចនៃទីក្រុង ឡាហាវ៉ាន ដល់ក្រុមហ៊ុន អាហ្គ្រី វ៉ាម (Agri VAM) របស់ប្រទេសវៀតណាម។ ទោះបីជាកន្លងមកវៀតណាមបានជួយផ្នែកបច្ចេកទេសដល់ប្រទេសគុយបា លើការដាំដុះដំណាំស្រូវក៏ដោយ ប៉ុន្តែនេះជាលើកទីមួយហើយ ដែលក្រុមហ៊ុនឯកជនរបស់វៀតណាម បានធ្វើការដាំដុះស្រូវដោយខ្លួនឯង នៅលើទឹកដីប្រទេសគុយបា។ យោងតាមមជ្ឈមណ្ឌលសម្រាប់ការសិក្សាសេដ្ឋកិច្ចគុយបា របស់សាកលវិទ្យាល័យ ឡាហាវ៉ាន បានឱ្យដឹងថា រដ្ឋាភិបាលគុយបា បានសម្រេចកែប្រែដូច្នេះ បន្ទាប់ពីទិន្នផលកសិកម្មរួមរបស់ប្រទេសគុយបា បានធ្លាក់ចុះចំនួន៥២ភាគរយ ចន្លោះឆ្នាំ២០១៨ និងឆ្នាំ២០២៣។ លើសពីនេះទៅទៀត ផលិតកម្មស្រូវសរុបរបស់ប្រទេសគុយបា បានធ្លាក់ចុះពី៣០០០០តោនក្នុងឆ្នាំ ២០១៨ មកនៅត្រឹម៥៥០០០តោន ក្នុងឆ្នាំ២០២១ ចំពេលមានការរាតត្បាតនៃជំងឺកូវីដ-១៩។ ប៉ុន្តេ អាជ្ញាធរ​គុយបា​និយាយ​ថា មកដល់ពេលនេះទិន្នផលស្រូវ​កំពុង​ស្ទុះ​ងើប​ឡើង​វិញ​ជាបណ្ដើរៗហើយ។ តំណាងក្រុមហ៊ុន អាហ្គ្រី វ៉ាម […]

ភ្នំពេញ៖ ក្រុមហ៊ុនសាជីវកម្មសហគមន៍កសិកម្មកម្ពុជា (CACC)ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុនអេមរុរ៉ាយស៍នៅស្រុកកោះញែក ខេត្តមណ្ឌលគិរី កាលពីថ្ងៃទី១៩ ខែសីហា ឆ្នាំ២០២៥នេះ បានប្រារព្ធពិធីចុះហត្ថលេខាលើកិច្ចសន្យាកសិកម្មផលិតកម្ម ជាមួយសហគមន៏កសិកម្មចំនួន៦ និងក្រុមផលិតរបស់គម្រោងអេមស៍ចំនួន ១៨ ក្រុម។ នៅក្នុងនោះមានកិច្ចសន្យាផលិតស្រូវសរីរាង្គប្រភេទប្រកាន់រដូវសរុបចំនួន ៤.០៧៦ តោន លើផ្ទៃដីផលិតសរុបចំនួន ៤.១៩៧ ហិកតា សមាជិកសរុបចំនួន ១.៣៦៤ គ្រួសារ និងប្រភេទពូជស្រូវសែនក្រអូបសរុបចំនួន ១.០០០ តោន លើផ្ទៃដីផលិតសរុបចំនួន ៣៩៦.៨៥ ហ.ត ស្មើនឹង ៥៧២ គ្រួសារ ដែលសរុបស្មើនឹង ៥.០៧៦ តោន និងមានកសិករចូលរួមផលិត ២.១១៦ គ្រួសារ និងមានបងប្អូនជនជាតិភាគតិច ប្រមាណ ៧០%នៃអ្នកផលិតសរុប។ ពិធីចុះកិច្ចសន្យាទិញលក់នេះ រៀបចំឡើង មានការ​​ចូលរួមពីលោកបណ្ឌិត ចាយ ជីម ប្រធាននាយកដ្ឋានកសិ-ឧស្សាហកម្មនៃក្រសួងកសិកម្ម លោកបណ្ឌិតសុង ឃាង ប្រធានមន្ទីរកសិកម្មរុក្ខាប្រមាញ់ និងនេសាទខេត្តមណ្ឌលគិរី, លោក មូល សារិទ្ធ អនុប្រធានមន្ទីរពាណិជ្ជកម្មខេត្ត មណ្ឌលគិរី, លោក […]

ភ្នំពេញ៖ ក្រុមក្រុមហ៊ុន​ ស៊ីធី រ៉ាយស៍​ អ៊ីមផត​ អិចផត​ ខូ​ អិលធីឌីប្តេជ្ញាថា នឹងបន្តការទិញស្រូវពីប្រជាកសិករឱ្យបានទូលំទូលាយ និងសកម្មជានិច្ច ប្រជាកសិករមាន​សភាព​សប្បាយចិត្ត ព្រោះអាចលក់ស្រូវបាន ទោះបីតម្លៃស្រូវនៅធ្លាក់ចុះក៏ដោយ។ ការប្តេជ្ញាចិត្តនេះធ្វើ​ឡើង ខណៈដែលកាលពីថ្ងៃទី ២១ សីហា ២០២៥នេះ ប្រជាកសិករមាន​សភាព​សប្បាយចិត្ត ព្រោះអាចលក់ស្រូវបាន ទោះបីតម្លៃស្រូវនៅធ្លាក់ចុះក៏ដោយ។ ពេលគាត់ឃើញស្រូវក្នុងរោងម៉ាស៊ីនពាស​ពេញទៅដោយគំនរនិង​ស្ទះ​គ្រប់​កន្លែង​គាត់មានអារម្មណ៍អរគុណដល់ម្ចាស់រោងម៉ាស៊ីន ដែលនៅតែបន្តទិញស្រូវរបស់ខ្លួន និងកសិករផ្សេងៗដទៃទៀត។​ ទន្ទឹមនោះ ក្រុមហ៊ុន​ ស៊ីធី រ៉ាយស៍​ អ៊ីមផត​ អិចផត​ ខូ​ អិលធីឌី City Rice Import Export Co., Ltd​(រោងម៉ាស៊ីនកិនស្រូវ ឡាយសែ​) បានបន្តប្រមូលទិញស្រូវពីប្រជាកសិករ នៅតំបន់ជិតខាង និងតាមរយៈការដឹកជញ្ជូនដោយឡានបែន។ ជាមួយគ្នានេះ ក្រុមហ៊ុនក៏មានការសហការជាមួយឈ្មួញកណ្ដាល ដើម្បីទិញស្រូវតាមវាលនៅតំបន់ឆ្ងាយផងដែរ។សំរាប់​ថ្ងៃ​នេះ​ក្រុមហ៊ុន​ប្រមូលបានជាង ១០០ឡានបែន ស្មើនឹង ១,០០០ តោនស្រូវសើម និងទិញតាមរយៈឈ្មួញកណ្ដាលប្រមាណ ៣០ឡាន ស្មើនឹង ១,២០០ តោន។ ទោះបីជាលើសកម្រិតបន្តិច […]

រដ្ឋខេកថ័កឃី៖ សមាគមសណ្តែកសៀងអាម៉េរិក កាលពីថ្ងៃទី២០ ខែសីហា ឆ្នាំ២០២៥ បានជំរុញឱ្យរដ្ឋាភិបាលសហរដ្ឋអាម៉េរិកធានាកិច្ចព្រមព្រៀងជាមួយប្រទេសចិន ដើម្បីបើកទីផ្សារដ៏សំខាន់នេះឡើងវិញ សម្រាប់នាំចេញសណ្តែកសៀងរបស់ខ្លួន ដោយសង្កត់ធ្ងន់ថា កសិករដាំសណ្តែកសៀងរបស់សហរដ្ឋអាម៉េរិក មិនអាចរស់បានទេដោយសារជម្លោះពាណិជ្ជកម្មដ៏យូរ ជាមួយប្រទេសចិន។ ប្រធានសមាគមសណ្តែកសៀងអាម៉េរិក ដែលជាកសិករដាំសណ្តែកសៀង នៅក្នុងរដ្ឋ ខេនថ័កឃី (Kentucky) បាននិយាយនៅក្នុងលិខិតមួយផ្ញើទៅកាន់រដ្ឋបាលរបស់លោកប្រធានាធិបតី ដួណាល់ ត្រាំ (Donald Trump) ដោយលើកឡើងថា «កសិករដាំសណ្តែកសៀងអាម៉េរិកកំពុងតែឈរនៅមាត់ជ្រោះនៃវិបត្តិពាណិជ្ជកម្ម និងហិរញ្ញវត្ថុ»។ លោកបាននិយាយទៀតថា «កសិករដាំសណ្តែកសៀងកំពុងមានបញ្ហាផ្នែកហិរញ្ញវត្ថុយ៉ាងខ្លាំង។ តម្លៃនៅតែបន្តធ្លាក់ចុះ ហើយក្នុងពេលជាមួយគ្នានេះ កសិកររបស់យើងកំពុងចំណាយកាន់តែច្រើនសម្រាប់តម្លៃស្តុក និងតម្លៃឧបករណ៍។ កសិករដាំសណ្តែកសៀងរបស់សហរដ្ឋអាម៉េរិក មិនអាចរស់ក្នុងជម្លោះពាណិជ្ជកម្មដ៏យូរជាមួយអតិថិជនធំបំផុតរបស់យើងបានទេ»។ ជាប្រវត្តិសាស្ត្រ ប្រទេសចិនបាននាំចូលសណ្តែកសៀងអាម៉េរិកច្រើនជាង៦០ភាគរយនៃការផ្គត់ផ្គង់សណ្តែកសៀងរបស់ពិភពលោក ដោយសហរដ្ឋអាម៉េរិកធ្លាប់ធ្វើជាប្រភពសណ្តែកសៀងដ៏ធំបំផុតរបស់ចិន។  ប៉ុន្តែពន្ធសងសឹកឥឡូវនេះធ្វើឱ្យសណ្តែកសៀងរបស់សហរដ្ឋអាម៉េរិកមានតម្លៃថ្លៃជាងការផ្គត់ផ្គង់នៅអាម៉េរិកខាងត្បូង ជាង២០ភាគរយ ហើយប្រទេសចិនបានងាកទៅរកប្រភពសណ្តែកសៀងពីប្រទេសប្រេស៊ីល ដែលបានពង្រីកផលិតកម្មដើម្បីបំពេញតម្រូវការនាំចេញទៅកាន់ទីផ្សារក្រៅប្រទេស។ លោកប្រធានសមាគមសណ្តែកសៀងអាម៉េរិក បាននិយាយទៀតថា ប្រទេសចិនមិនបានបញ្ជាទិញសណ្តែកសៀងរបស់សហរដ្ឋអាម៉េរិកសោះតែម្តង ដែលក្នុងរយៈប៉ុន្មានខែខាងមុខនេះ គឺជាពេលជិតដល់រដូវយើងប្រមូលផល។ លើសពីនេះ នៅពេលចូលដល់រដូវប្រមូល ហើយយើងនៅតែគ្មានកិច្ចព្រមព្រៀងជាមួយប្រទេសចិន ដើម្បីបញ្ជាទិញសណ្តែកសៀងទេនោះ នឹងបង្កផលប៉ះពាល់កាន់តែអាក្រក់ទៅលើកសិករដាំសណ្តែកសៀងរបស់សហរដ្ឋអាម៉េរិក។ សមាគមសណ្តែកសៀងអាម៉េរិកក៏បានចេញផ្សាយក្រដាសសមួយ ដែលបង្ហាញពីផលវិបាកផ្នែកហិរញ្ញវត្ថុនៃការបាត់បង់ចំណែកទីផ្សាររយៈពេលវែងនៅក្នុងប្រទេសចិន។  យោងតាមរបាយការណ៍បានឱ្យដឹងថា ប្រទេសចិន គឺជាអ្នកទិញសណ្តែកសៀងកំពូលរបស់សហរដ្ឋអាម៉េរិក។ […]

រាជធានីភ្នំពេញ៖ លោកជំទាវ  វ៉ា សុជិន ប្រធានសមាគមអ្នកផលិត និងនាំចេញសំបុកត្រចៀកកាំកម្ពុជា មានមោទនភាពនៅពេលឃើញមន្ត្រីជំនាញខាងគយចិន បង្ហាញឈ្មោះប្រទេសកម្ពុជាថា នឹងអាចនាំចេញផលិតផលធ្វើពីសម្បុកត្រចៀកកាំនិងផលិតផលកែច្នៃចេញពីទឹកមាត់ត្រចៀកកាំ ដោយផ្ទាល់ទៅកាន់ប្រទេសចិននៅពេលខាងមុខដ៏ខ្លីនេះ។ ប្រធានសមាគមបានសម្តែងចិត្តត្រេកអរ និងមានមោទនភាពបែបនេះ បន្ទាប់ពីដឹកនាំសមាជិក  ជាអ្នកកែច្នៃសម្បុក និងអ្នកមានផ្ទះអភិរក្សសត្វត្រចៀកកាំ  បានទៅចូលរួមការតាំងពិព័រណ៍សម្បុកត្រចៀកកាំ  និងកិច្ចប្រជុំជាមួយប្រធានសមាគមសមាជិកតំណាងប្រទេសចិន ម៉ាឡេស៊ី ឥណ្ឌូណេស៊ី កម្ពុជា ថៃ និងប្រទេសវៀតណាម ដែលរៀបចំឡើងនៅក្រុងកូឡាំពួ ប្រទេសម៉ាឡេស៊ី កាលថ្មីៗកន្លងមកនេះ។ លោកជំទាវប្រធានសមាគម បានមានប្រសាសន៍ថា «ខ្ញុំបានដើរចូលរួមក្នុងវិស័យកែច្នៃសម្បុកត្រចៀកកាំ និងទឹកមាត់ត្រចៀកកាំ អស់រយៈពេលជាង១៥ឆ្នាំកន្លងមកមិនដែលធ្លាប់បានឃើញឈ្មោះប្រទេសកម្ពុជាមានក្នុងបញ្ជីឈ្មោះរបស់មន្ត្រីជំនាញគយចិនសម្រាប់ការនាំចេញផលិតផលកែច្នៃពីត្រចៀកកាំនោះទេ។ ទើបតែចូលរួមកម្មវិធីនៅខែសីហា ឆ្នាំ២០២៥នេះទេ បានឃើញមន្ត្រីជំនាញគយចិនធ្វើការបង្ហាញតាមរយៈវីដេអូពីចម្ងាយ បាននិយាយថា ផលិតផលកែច្នៃពីទឹកមាត់ត្រចៀកកាំនឹងអាចនាំចេញទៅចិនបានផ្ទាល់»។ បើតាមប្រធានសមាគមអ្នកផលិត និងនាំចេញសម្បុកត្រចៀកកាំកម្ពុជា បានឱ្យដឹងថា ប្រទេសកម្ពុជាមាននៅក្នុងបញ្ជីឈ្មោះប្រទេសសម្រាប់អ្នកនាំចេញសម្បុកត្រចៀកាំរបស់មន្ត្រីជំនាញគយចិន គឺដោយសារតែរាជរដ្ឋាភិបាលកម្ពុជា តាមរយៈក្រសួងកសិកម្ម រុក្ខាប្រមាញ់ និងនេសាទ រួមនិងមន្ត្រីជំនាញពាក់ព័ន្ធបានខិតខំយកចិត្តទុកជំរុញការនាំចេញផលិតផលត្រចៀកកាំរបស់កម្ពុជាទៅកាន់ប្រទេសចិនឱ្យបានកាន់តែច្រើន។ កម្ពុជា គឺជាដៃគូពាណិជ្ជកម្មដ៏សំខាន់របស់ចិននៅក្នុងតំបន់ ហើយរាល់កិច្ចសហប្រតិបត្តិការពាណិជ្ជកម្មរវាងប្រទេសទាំងពីរបានអនុវត្តតាមគោលការណ៍នៃអន្តរកម្ម។ រដ្ឋាភិបាលចិនតែងតែជួយលើកទឹកចិត្ត និងគាំទ្រការអភិវឌ្ឍសេដ្ឋកិច្ចរបស់កម្ពុជា ហើយការនាំចេញនៅផលិតផលត្រចៀកកាំ  ក៏ជាផ្នែកមួយនៃកិច្ចសហប្រតិបត្តិការដ៏សំខាន់។ ម្យ៉ាងទៀត កិច្ចសហប្រតិបត្តិការនេះមិនត្រឹមតែបានផ្តល់ជូនឱកាសទីផ្សារដល់ផលិតផលកម្ពុជាប៉ុណ្ណោះទេ ប៉ុន្តែថែមទាំងជួយលើកកម្ពស់ការអភិវឌ្ឍសេដ្ឋកិច្ច និងសង្គមកម្ពុជាផងដែរ៕ […]