News

ភ្នំពេញ៖ លោក អួន ស៊ីឡុត ប្រធានសមាគមស្វាយចន្ទីកម្ពុជា បានបញ្ជាក់ប្រាប់ ARDB TV នៅថ្ងៃទី១ ខែមេសានេះថា បច្ចុប្បន្ននេះ តម្លៃគ្រាប់ស្វាយចន្ទីបានធ្លាក់ចុះរហូតទៅ៥២០០រៀល ទៅ៥១០០រៀល ក្នុងមួយគីឡូក្រាម​ ខណៈដែលកាលខែមីនា ឆ្នាំ២០២៥ កសិករ​អាច​​លក់បាន​តម្លៃ ៥៣០០រៀលជាមធ្យម​ ប៉ុន្តែ​​​ក្នុងខែមេសានេះដោយសារតែភ្លៀងធ្លាក់ច្រើន​​ តម្លៃអាចធ្លាក់ចុះទៀត ហើយ​ខាងសមាគមកំពុងតែចរចារជាមួយក្រុមឈ្មួញឲ្យផ្អាកការនាំចេញទៅខាងប្រទេសវៀតណាម ​និងបញ្ចុះបញ្ចូលឲ្យ​កសិករបន្តហាលទុក។ ប្រធានសមាគម​ខាងលើ​បាន​លើកឡើងថា ខាងសមាគម​ស្វាយចន្ទីកម្ពុជា​​កំពងតែស្នើឲ្យក្រុមហ៊ុន ​និងសហគ្រាសកែច្នៃមួយចំនួន ដែលសង្ងំមិន​ព្រមទិញ ត្រូវតែបញ្ចេញទុនសម្រាប់ទិញ ពោលគឺទី១ បើសិនកសិករមានលទ្ធភាពត្រូវហាលទុកសិន ដោយឡែកខាងឈ្មួញវិញស្នើសុំថា ឲ្យបន្តហាលថែមទៀតនាំចេញទៅនាំឲ្យកកនៅតាមព្រំដែន។​​​ សម្រាប់មន្រ្តីជាន់ខ្ពស់​ក្រសួងកសិកម្ម រុក្ខាប្រមាញ់ និងនេសាទ បានបញ្ជាក់ថា កម្ពុជាមិនមានបញ្ហាក្នុងការផ្គត់ផ្គង់គ្រាប់ស្វាយចន្ទីកែច្នៃទំហំ ៣០០០តោន/ឆ្នាំនោះទេ។ ក្នុងឆ្នាំ២០២៤ កម្ពុជាផលិតបានគ្រាប់ស្វាយចន្ទីស្រស់ជិត៩០ម៉ឺនតោន និងបាននាំចេញគ្រាប់ស្វាយចន្ទីកែច្នៃរួចជាង៣ម៉ឺនតោន។ មន្រ្តីខាងលើបន្ថែមថា កម្ពុជានៅសល់សមត្ថភាពកែច្នៃគ្រាប់ស្វាយចន្ទីយ៉ាងហោចណាស់៥ម៉ឺនតោនទៀត ដែលនៅមិនទាន់ប្រើប្រាស់ឱ្យអស់លទ្ធភាពនៅឡើយ។ ការប្រជែងគ្នាទិញគ្រាប់ស្វាយចន្ទីកម្ពុជាពីឈ្មួញអន្តរជាតិមិនបណ្តាលឱ្យទិន្នផលនៃគ្រាប់ស្វាយចន្ទីធ្លាក់ចុះឡើយ៕  

អន្តរជាតិ៖ កាលពីថ្ងៃទី៣១​ ខែមីនា​ ឆ្នាំ២០២៥ ក្រុមហ៊ុនកែច្នៃ និងវេចខ្ចប់ផលិតផលចំណីអាហារដ៏ធំរបស់ប្រទេសប្រេស៊ីល បានប្រកាសពីផែនការវិនិយោគក្នុងទំហំទឹកប្រាក់ចំនួន១០០លានដុល្លារ ដើម្បីសាងសង់រោងចក្រចំនួនពីរកន្លែងនៅក្នុងប្រទេសវៀតណាម ក្នុងគោលបំណងពង្រីកវត្តមានរបស់ខ្លួននៅក្នុងតំបន់ និងពង្រឹងជំហររបស់ខ្លួននៅក្នុងទីផ្សារពិភពលោក។ ក្រុមហ៊ុន ចេប៊ីអេស (JBS) មានប្រតិបត្តិការជាង៦០០ នៅក្នុងទ្វីបអាមេរិក អាស៊ី អឺរ៉ុប អាហ្វ្រិក និងទ្វីបអូសេអានី។  នៅសហរដ្ឋអាមេរិកក្រុមហ៊ុននេះមានបុគ្គលិកជាង៧០ ០០០នាក់។  រោងចក្រសាងសង់ថ្មីនៅក្នុងប្រទេសវៀតណាមនឹងផលិតសាច់គោ សាច់ជ្រូក ដែលភាគច្រើនជាសត្វនៅរស់នាំចូលពីប្រទេសប្រេស៊ីល ដើម្បីផ្គត់ផ្គង់ទីផ្សារវៀតណាម និងនៅទីផ្សារបណ្តាប្រទេសអាស៊ីអាគ្នេយ៍ផ្សេងទៀត។ គម្រោងនេះត្រូវបានបង្កើតឡើងជាផ្លូវការតាមរយៈអនុស្សរណៈនៃការយោគយល់គ្នាជាមួយរដ្ឋាភិបាលវៀតណាម ដែលតំណាងដោយមជ្ឈមណ្ឌលជំរុញការវិនិយោគ ព័ត៌មាន ដែលជាអ្នកគ្រប់គ្រងតំបន់ឧស្សាហកម្មពិសេស នៅក្នុងខេត្តហៃហ្វុងរបស់វៀតណាម ។  គំនិតផ្តួចផ្តើមដាក់ទុនវិនិយោគនេះ ធ្វើឡើងស្របតាមគោលដៅអភិវឌ្ឍន៍សេដ្ឋកិច្ចសង្គមរបស់ប្រទេសវៀតណាម ដើម្បីបង្កើនផលិតកម្មក្នុងស្រុក និងពង្រីកតួនាទីរបស់ខ្លួន ក្នុងពាណិជ្ជកម្មសាច់នៅលើឆាកអន្តរជាតិ។ ប្រធានក្រុមហ៊ុនបុត្រសម្ព័ន្ធរបស់​ ចេប៊ីអស​ បានកត់សម្គាល់ពីការប្តេជ្ញាចិត្តរបស់ក្រុមហ៊ុនចំពោះកំណើនប្រកបដោយនិរន្តរភាពនៅក្នុងតំបន់។  លោកបានមានប្រសាសន៍ថា “រោងចក្រថ្មីនៅក្នុងប្រទេសវៀតណាមនឹងមិនត្រឹមតែពង្រីកសមត្ថភាពផលិតកម្មរបស់យើងប៉ុណ្ណោះទេ ប៉ុន្តែតំណាងឱ្យការវិនិយោគមួយ ដែលមានគោលបំណង៖ បង្កើតតម្លៃសម្រាប់សេដ្ឋកិច្ចក្នុងស្រុក បង្កើតការងារជំនាញ និងរួមចំណែកដល់សន្តិសុខស្បៀងនៅទូទាំងអាស៊ីអាគ្នេយ៍។ យើងកំពុងវិនិយោគនាពេលអនាគត ដោយផ្តោតលើការច្នៃប្រឌិត និរន្តរភាព និងការអភិវឌ្ឍន៍”។ ដំណាក់កាលដំបូងរបស់គម្រោងវិនិយោគនេះ នឹងចាប់ផ្តើមដំណាក់កាលទី១ នៅសួនឧស្សាហកម្ម ណាមឌិញវូ​ […]

អាម៉េរិក៖ កសិកម្ម នៅតែជាឧស្សាហកម្មឈានមុខគេមួយនៅក្នុងសហរដ្ឋអាមេរិក ដោយបានផ្តល់ចំណីអាហារដល់ពលរដ្ឋរបស់ខ្លួនអស់ជាច្រើនសតវត្សមកហើយ និងបានក្លាយជាកន្លែងសាកល្បងសម្រាប់ការច្នៃប្រឌិតផ្នែកបច្ចេកវិទ្យាផ្សេងៗ​ នាពេលបច្ចុប្បន្ននេះ។ សព្វ​ថ្ងៃនេះ​ វិស័យ​កសិកម្ម​របស់​សហរដ្ឋ​អាមេរិក​កំពុងតែ​អភិវឌ្ឍ​យ៉ាង​សកម្ម និងគួរឱ្យកត់សម្គាល់ ។ បច្ចេកវិទ្យានេះបានជះឥទ្ធិពលជាវិជ្ជមានយ៉ាងខ្លាំងដល់ឧស្សាហកម្មទាំងមូល ដោយបានប្រែក្លាយទៅជាធាតុផ្សំសម្រាប់បង្កើតប្រព័ន្ធសេដ្ឋកិច្ចរបស់ប្រទេសអាម៉េរិក។ ការអភិវឌ្ឍឧស្សាហកម្មកសិកម្មរបស់សហរដ្ឋអាម៉េរិក មានកម្រិតខ្ពស់ណាស់ ដូចជាការអភិវឌ្ឍហេដ្ឋារចនាសម្ព័ន្ធផ្លូវថ្នល់កសិកម្មដល់ទីកន្លែងតែម្តង។ នៅគ្រប់រដ្ឋទាំងអស់ មានផ្លូវហាយវេខ្វាត់ខ្វែងជាច្រើនត្រូវបានសាងសង់សម្រាប់ឧស្សាហកម្មនេះ ដោយតភ្ជាប់កសិដ្ឋានជាមួយទីក្រុងក្បែរៗ ឃ្លាំងសម្រាប់រក្សាទុកគ្រាប់ធញ្ញជាតិ បន្លែ ផ្លែឈើ និងផលិតផលបសុសត្វ ប្រព័ន្ធផ្គត់ផ្គង់ទឹក មានដូចជា​អាងស្តុកទឹក អណ្តូង ស្ថានីយ៍បូមទឹកសម្រាប់ស្រោចដំណាំ។ ចំណែកហេដ្ឋារចនាសម្ព័ន្ធថាមពលសម្រាប់វិស័យកសិកម្មក៏មានគ្រប់គ្រាន់ដែរ​​ ដូចជាបំពង់បង្ហូរឧស្ម័ន បណ្តាញថាមពល និងថាមពលដើរដោយព្រះអាទិត្យ​ និងកម្លាំងខ្យល់។  ចំណែករោងចក្រសម្រាប់កែច្នៃផលិតផលសម្រេច កន្លែងលក់ទំនិញ មានដូចជារផ្សារលក់ដុំ លក់រាយ និងមន្ទីរពិសោធន៍សម្រាប់ការត្រួតពិនិត្យគុណភាពចំណីអាហារក៏មានគ្រប់គ្រាន់ដែរ។ តាមរយៈបច្ចេកវិទ្យា ស្ទើរគ្រាប់ដំណើរការផលិត​ កែច្នៃ វេចខ្ចប់ រក្សាតទុក និងចែកចាយ ស្ទើរតែដំណើរការដោយស្វ័យប្រវត្តិ និងមានសារៈសំខាន់ណាស់ក្នុងការអភិវឌ្ឍវិស័យកសិកម្ម និងឧស្សាហកម្មផ្សេងទៀតនៅក្នុងសហរដ្ឋអាមេរិក។ បច្ចេកវិទ្យាអាចជួយកាត់បន្ថយកត្តាប្រើមនុស្ស ដែលសព្វថ្ងៃនេះ ឧបករណ៍ទំនើបៗជាច្រើនត្រូវបានយកទៅប្រើនៅក្នុងគ្រប់វិស័យកសិកម្ម ដូចជាឧបករណ៍ចាប់សញ្ញាផ្សេងៗ ដែលប្រមូលព័ត៌មានចាំបាច់ និងអាចដ់រដោយស្វ័យប្រវត្តិនូវដំណើរការនៃការសាបព្រួស ការស្រោចទឹក ការប្រមូលផល ការគ្រប់គ្រងសត្វល្អិត ការត្រួតពិនិត្យគុណភាពដី […]

ភ្នំពេញ៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកនៃធនាគារអភិវឌ្ឍន៍ជនបទ និងកសិកម្ម នាព្រឹកថ្ងៃទី២៨ ខែមីនា ​ឆ្នាំ២០២៥​​ បានអំពាវនាវឱ្យប្រជាកសិករខ្មែរត្រៀមចំខ្លួនទប់ទល់នឹងការប្រែប្រួលអាកាសធាតុ និងខិតខំអភិវឌ្ឍវិស័យកសិកម្មដោយប្រុងប្រយ័ត្ន ដើម្បីបន្តនិរន្តភាពនៃដំណើរការផលិតស្បៀងអាហារ​ ខណៈការប្រៃប្រួលអាកាសធាតុបានក្លាយប្រធានបទពិបាករបស់កសិករទូទៅ។ ឯកឧត្តមបណ្ឌិតប្រតិភូ បានអំពាវនាវបែបនេះ នៅក្នុងសុន្ទរកថានាសន្និសីទលើកទី៥​ ស្តីពីកសិចំណីអាហារប្រកបដោយនិរន្តភាព​ ដើម្បីការអភិវឌ្ឍប្រទេសកម្ពុជាឱ្យកាន់តែល្អប្រសើរ​៖​ នវានុវត្តន៍​ និងបរិវត្តកម្មអាហារប្រកបដោយបរិយាបន្ន នៅសណ្ឋាគារកាំបូឌីាយ៉ា រាជធានីភ្នំពេញ។ ឯកឧត្តមបណ្ឌិតប្រតិភូ​ បានជម្រាបជូនអង្គសន្និសីទ​​ ដែលមានតំណាងសហគមន៍កសិករមកពីទូទាំងប្រទេសកម្ពុជា ជាង១០០នាក់ថា​ ធនាគារអភិវឌ្ឍន៍ជនបទ​​ និងកសិកម្ម​​ ដែលជាធនាគារអនុវត្តគោលនយោបាយរបស់រាជរដ្ឋាភិបាល បានដើរតួយ៉ាងសំខាន់ក្នុងការជួយទ្រទ្រង់​ និងលើកកម្ពស់ដំណើរផលិតចំណីអាហាររបស់កសិករកម្ពុជា​ តាមរយៈការផ្តល់ឥណទានពិសេស ដែលមានទឹកប្រាក់សរុបជិត៥០០លានដុល្លារ​ ក្នុងនោះ​​មានឥណទានប្រមាណ២៤០លានដុល្លារដល់វិស័យស្រូវអង្ករ​ សម្រាប់កសិករយកទៅប្រើប្រាស់ជាទុនបង្វិល និងជាទុនវិនិយោគ។ ឯកឧត្តមបណ្ឌិតប្រតិភូ កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកនៃធនាគារអភិវឌ្ឍន៍ជនបទ និងកសិកម្ម បានប្រសាសន៍ទៀតថា​ ការប្រែប្រួលអាកាសធាតុអាចធ្វើឱ្យធនធានកម្ររបស់កម្ពុជារឹងរិតតែកម្រថែមទៀត ដោយធ្វើឲ្យប្រជាកសិករមិនអាចផលិតបាលនូវទិន្នកផលកសិក្មឱ្យបានខ្ពស់​ ដូចទម្លាប់ពួកគាត់ធ្លាប់ទទួលបាននាពេលកន្លងមក។ ឯកឧត្តមបណ្ឌិតប្រតិភូ បានលើកឡើងដោយរំលេចពំអីដំណើរការផលិតស្បៀងអាហារថា​​ ជា «ធនធានកម្រ» ព្រោះការប្រែប្រួលអាកាសធាតុកំពុងតែបង្កផលប៉ះពាល់ផលអាក្រក់មកលើវិស័យកសិកម្ម​​ ដោយធ្វើឱ្យកសិករពិបាកក្នុងការផលិតកសិផលនានា​ ដូចជាវិបាកមកលើដំណើរការចិញ្ចឹមសត្វ​ និងដាំដំណាំផ្សេងៗ ដែលជាតម្រូវការចាំបាច់របស់មនុស្សទូទៅ។ ឯកឧត្តមបណ្ឌិតប្រតិភូ […]

បាត់ដំបង៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកនៃធនាគារអភិវឌ្ឍន៍ជនបទ និងកសិកម្ម ព្រមទាំងសហការី នៅថ្ងៃទី២៧ ខែមីនា ឆ្នាំ២០២៥នេះ បានអញ្ជើញពិនិត្យមើលកសិដ្ឋានផលិតកូនត្រីពូជ សុភមង្គល ដើម្បីលក់ទៅអ្នកចិញ្ចឹម ដែលមានទីតាំងស្ថិតនៅសង្កាត់អូរម៉ាល់ ក្រុងបាត់ដំបង ខេត្តបាត់ដំបង។ នៅក្នុងឱកាសនោះ ឯកឧត្តមបណ្ឌិត កៅ ថាច ពិនិត្យមើលទីតាំង ផលិតកូនត្រី ភ្ញាស់ និងបង្កាត់ពូជត្រីជាច្រើនប្រភេទ ដើម្បីលក់ទៅឲ្យអ្នកចិញ្ចឹម ដែលក្នុងនោះ មាន ពូជត្រីប្រា  កូនត្រីឆ្ពិន ត្រីរ៉ស់ និងត្រីអណ្ដែងកូនកាត់ ដែលមានស្រះប្រមាណ៣៩ ស្រះផងដែរ សម្រាប់ផ្គត់ផ្គង់ និងចែកចាយបន្តទៅតាមបណ្តាខេត្ត។ យោងតាមម្ចាស់កសិដ្ឋានផលិតកូនត្រីខាងលើបង្ហាញថា កសិដ្ឋាននេះ កាលពីឆ្នាំ២០២៤ បានផលិតកូនត្រីពូជ លក់កូនត្រីបានជាងមួយលានកូន លើទីផ្សារក្នុងស្រុកហើយឆ្នាំ២០២៥នេះ គ្រោងនឹងផលិតបន្ថែមទៀតជាមួយនឹងការរៀបចំផ្សារត្រីបោះដុំដ៏ធំមួយដើម្បីរៀបចំកន្លែងលក់ និងចែកចាយបន្តលើទីផ្សារដែលកំពុងតែមានតម្រូវការខ្ពស់ផងដែរ។ ស្របពេលជាមួយគ្នានេះ ឯកឧត្តមបណ្ឌិតប្រតិភូក៏បានអញ្ជើញឆ្លៀតពេលចុះពិនិត្យមើលកន្លែងចិញ្ចឹមគោបំប៉នយកសាច់មួយកន្លែងទៀត ស្ថិតនៅឃុំគន្ទឺ ស្រុកបាណន់ ខេត្តបាត់ដំបង របស់លោក ប៉ិច សុខមេត ដែលកំពុងចិញ្ចឹមគោចំនួនជាង៧០ក្បាលសម្រាប់បំប៉នយកសាច់ផងដែរ។ សូមជម្រាបថា កសិដ្ឋានចិញ្ចឹមគោរបស់លោក ប៉ិច […]

អន្តរជាតិ៖ ការនាំចេញផលិផលកសិកម្មរបស់អូស្ត្រាលីទៅកាន់ទីផ្សារសហរដ្ឋអាម៉េរិក​ អាចកាត់បន្ថយដោយសារការដំឡើងពន្ធ​ខ្ពស់ពេក ហើយងាកមកបង្កើនការនាំចេញទៅកាន់ទីផ្សារ នៅភូមិភាគអាស៊ីអាគ្នេយ៍វិញម្តង ដែលអាចជួយពង្រឹងសន្តិសុខសេដ្ឋកិច្ច និងភាពធន់ ព្រមទាំងពង្រឹងទំនាក់ទំនងក្នុងតំបន់ផងដែរ។ យោងតាមការចេញផ្សាយរបស់វិទ្យាស្ថានយុទ្ធសាស្ត្រនយោបាយអូស្ត្រាលី (Australian Strategic Policy Institute) បានឱ្យដឹងថា​ ការសម្រេចចិត្តរបស់រដ្ឋបាលលោក ដូណាល់ ត្រាំ ក្នុងការដំឡើងពន្ធលើការនាំចូលដែកថែប និងអាលុយមីញ៉ូមរបស់អូស្ត្រាលី កំពុងតែបង្ហាញឱ្យពីភាពរឹងមាំនៃទំនាក់ទំនងរវាងអូស្ត្រាលី និងសហរដ្ឋអាម៉េរិក  ខណៈពេលសហរដ្ឋអាម៉េរិកមិនទាន់ដាក់ពន្ធបន្ថែមលើការនាំចូលផលិតផលសាច់គោអូស្ត្រាលី និងផលិតផលកសិកម្មផ្សេងទៀត។​ ផ្ទុយទៅវិញ​​ ទំនាក់ទំនងរវាងប្រទេសទាំងពីរនេះ​នឹងមានការប្រែប្រួល​ ដោយសារសង្គ្រាមពាណិជ្ជកម្ម។ ស្ថានការណ៍មិនអាចទាយទុកមុនចំពោះគោលនយោបាយពាណិជ្ជកម្មរបស់សហរដ្ឋអាម៉េរិកមានន័យថា ឧស្សាហកម្មទាំងនេះ ដែលប្រឈមមុខនិងការកាត់ផ្តាច់ក្នុងពេលឆាប់ៗនេះ អាចធ្វើឱ្យប៉ះពាល់ដល់អ្នកផលិតធំៗរបស់អូស្ត្រាលី និងជះឥទ្ធិពលយ៉ាងខ្លាំងដល់សហគមន៍នៅតាមជនបទ ជាពិសេសសហគមន៍កសិករនៅភាគខាងជើងប្រទេសអូស្ត្រាលី​ ដែលមានផ្ទៃដីកសិកម្មធំជាងគេ។ ក្រោយការបិទបញ្ចប់សង្រ្គាមត្រជាក់ គេមិនអាចមើលរំលងចំពោះការប្រែប្រួលរបៀបរបបពិភពលោកបានទេ ដែលសហរដ្ឋអាម៉េរិក បានដើរតួជាជើងឯកខាងប្រជាធិបតេយ្យ​ និងក្រឡុកពិភពលោកតាមអំពើចិត្ត​។ ការរង្គោះរង្គើនៃប្រព័ន្ធពាណិជ្ជកម្មលើសកលលោក អាចតម្រូវឱ្យអូស្ត្រាលីវាយតម្លៃឡើងវិញនូវទម្លាប់នាំចេញផលិតផលរបស់ខ្លួន ជាពិសេសចំពោះការ​នាំ​ចេញ​ផលិតផល​កសិកម្ម ដែលសហរដ្ឋអាម៉េរិក គឺជាទីផ្សារធំទីពីរ កាលពីឆ្នាំ២០២៣-២០២៤ ផ្តល់ប្រាក់ចំណូលចំនួន៦,៨ពាន់លានដុល្លារ ពីការនាំចេញសាច់គោ សាច់ចៀម ទឹកដោះគោ និងស្រា។  ការបាត់បង់ទីផ្សារនេះនឹងផ្តល់ផលប៉ះពាល់យ៉ាងខ្លាំងដល់អាជីវកម្មកសិកម្ម និងសហគមន៍ជាច្រើននៅទូទាំងប្រទេសអូស្ត្រាលី។ ការបាត់បង់ទីផ្សារដ៏ធំមួយនេះ នឹងបង្កផលប៉ះពាល់យ៉ាងខ្លាំងដល់វិស័យកសិកម្ម និងសហគមន៍កសិកររបស់ប្រទេសអូស្ត្រាលី​ និងនាំទៅរកការមិនសប្បាយចិត្ត […]

ព្រះវិហារ៖ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទនិងកសិកម្ម ក្រុមការងារបច្ចេកទេសកសិកម្មនៃធនាគារ ARDB នៅថ្ងៃទី២៥ ខែមីនា ឆ្នាំ២០២៥ បានចុះផ្តល់ការបណ្តុះបណ្តាលរយៈពេលពីរថ្ងៃ​ ដើម្បីបំប៉នបន្ថែមលើបច្ចេកទេសដាំដំឡូងមី​ និងដាំដំណាំម្រេច ដល់សហគមន៍កសិករ​ នៅក្នុងខេត្តព្រះវិហារ។ វគ្គបណ្តុះបណ្តាល ថ្ងៃទី១​ ផ្តោតលើបច្ចេកទេសដាំដុះដំឡូងមីដល់សមាជិកសហគមន៍កសិកម្មលើកកម្ពស់កសិករ ស្ថិតនៅភូមិគូលែនជើង ឃុំគូលែនជើង ស្រុកគូលែន ខេត្តព្រះវិហារ ដោយមានការចូលរួមពីថ្នាក់ដឹកនាំ និងសមាជិកសហគមន៍ជាច្រើននាក់។ ចំណែកវគ្គទី២​​ នៅថ្ងៃទី២៦ ខែមីនា ឆ្នាំ២០២៥ ក្រុមការងាររបស់ធនាគារអភិវឌ្ឍន៍ជនបទ​ និងកសិកម្ម បានបន្តចុះបណ្តុះបណ្តាលលើផ្នែកបច្ចេកទេសដំាដុះដំណាំម្រេច ដល់សមាជិកសហគមន៍កសិកម្មម្រេចស្រយ៉ង់កោះកេរ្តិ៍ព្រះវិហារ ស្ថិតនៅភូមិស្រយ៉ង់ត្បូង ឃុំស្រយ៉ង់ ស្រុកគូលែន ខេត្តព្រះវិហារ ផងដែរ៕

បន្ទាយមានជ័យ៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកនៃធនាគារអភិវឌ្ឍន៍ជនបទ និងកសិកម្ម នៅថ្ងៃទី២៦ ខែមីនាឆ្នាំ២០២៥នេះ បានស្នើឲ្យម្ចាស់កសិដ្ឋានចិញ្ចឹមទាមួយកន្លែង ស្ថិតនៅសង្កាត់កោះពងសត្វ ក្រុងសិរីសោភ័ណ ខេត្តបន្ទាយមានជ័យ ត្រូវរួមគ្នាចងក្រងជាសហគមន៍ ដើម្បីផ្តល់ភាពងាយស្រួលក្នុងការស្វែងរកទីផ្សារ និងចែកចាយស៊ុតទាឲ្យអតិថិជនរបស់ខ្លួន។ ការស្នើសុំឲ្យមានការចងក្រងជាបណ្តុំសហគមន៍ និងបណ្តាញកសិករអ្នកចិញ្ចឹមទា គឺក្នុងឱកាសឯកឧត្តមបណ្ឌិត​ កៅ ថាច អញ្ជើញចុះពិនិត្យមើលទីតាំងផ្ទាល់នៅកសិដ្ឋានចិញ្ចឹមទា កែវ ពុន ស្ថិតក្នុងក្រុងសិរីសោភ័ណ ដែលបច្ចុប្បន្ននេះកំពុងតែចិញ្ចឹមទាយកស៊ុតសរុបជាងបីម៉ឺនក្បាលសម្រាប់ផ្គត់ផ្គង់ទៅតាមបណ្តាខេត្តក្រុង។ បន្ទាប់មកទៀតនៅរសៀលនេះ ឯកឧត្តមបណ្ឌិតប្រតិភូក៏បានឆ្លៀតអញ្ជើញពិនិត្យមើលទីតាំងកសិដ្ឋានចិញ្ចឹមគោ ភ្នំព្រះមានជ័យ ដែលមានចិញ្ចឹមគោយកសាច់មានចំនួនបួនពូជ ប្រមាណ១០០ក្បាល និងកន្លែងចិញ្ចឹមជ្រូកកណ្តុរផងដែរ។ ទន្ទឹមនឹងនោះ បន្ទាប់ពីបានស្តាប់ការលើកឡើងរបស់កសិករពីទីផ្សារលក់របស់អ្នកចិញ្ចឹមទាយកស៊ុតខាងលើ ដែលកំពុងជួបបញ្ហាធ្លាក់ចុះតម្លៃស៊ុតរួចមក ឯកឧត្តមបណ្ឌិតប្រតិភូក៏បានផ្តល់អនុសាសន៍ និងលើកទឹកចិត្តឲ្យពួកគាត់ចង់ក្រងអ្នកចិញ្ចឹមទាឡើងវិញ ដោយរើសប្រធានសហគមន៍ដឹកនាំ ដើម្បីផ្តល់ភាពងាយស្រួលក្នុងការចរចារទីផ្សារ និងបង្កើនការផ្គត់ផ្គង់ក្នុងស្រុកបន្ថែមទៀត។ ព្រមជាមួយគ្នានេះដែរ ក្នុងនាមធនាគាររបស់រដ្ឋ ARDB នៅតែផ្តល់ឱកាសដល់បងប្អូនទូទៅ ដែលត្រូវការទុនយកទៅពង្រីកកសិដ្ឋានចិញ្ចឹមទា ចិញ្ចឹមមាន់ ចិញ្ចឹមសត្វគ្រប់ប្រភេទ ដែលមានផែនការពិតប្រាកដក និងច្បាប់លាស់ នឹងទទួលបានប្រាក់កម្ចីក្នុងអត្រាការប្រាក់អនុគ្រោះផងដែរ៕  

បន្ទាយមានជ័យ៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកនៃធនាគារអភិវឌ្ឍន៍ជនបទ និងកសិកម្ម ព្រមទាំងសហការី នារសៀលថ្ងៃទី២៦ ខែមីនា ឆ្នាំ២០២៥នេះ បានអញ្ជើញចុះពិនិត្យមើលកសិដ្ឋានចិញ្ចឹមត្រីមួយកន្លែងមានទីតាំងស្ថិតនៅក្នុងស្រុកថ្មពូក ខេត្តបន្ទាយមានជ័យ។ ក្នុងឱកាសការអញ្ជើញចុះពិនិត្យផ្ទាល់នៅកសិដ្ឋានចិញ្ចឹមត្រីរបស់លោក ជា សុភិន ឯកឧត្តមបណ្ឌិតប្រតិភូ បានសម្តែងការកោតសរសើរលើការខិតខំប្រឹងប្រែងក្នុងការចិញ្ចឹមត្រី និងបង្កាត់ពូជ ភ្ញាស់កូនត្រីធម្មជាតិជាច្រើនប្រភេទ សម្រាប់យកទៅចែកចាយ និងផ្គត់ផ្គង់ទីផ្សារ ដែលកំពុងមានតម្រូវការខ្ពស់។ កសិដ្ឋានចិញ្ចឹមត្រីរបស់លោក ជា សុភិន ត្រូវបានបង្កើតឡើងតាំងពីឆ្នាំ១៩៩៥ ជាលក្ខណៈគ្រួសារខ្នាតតូច ប៉ុន្តែក្រោយមកបានពង្រីកជាបន្តបន្ទាប់រហូតដល់៥០ស្រះតូចៗ និងស្រះធំចំនួន៤ ដែលកំពុងតែចិញ្ចឹមត្រី និងភ្ញាស់កូនស្រីជាច្រើនប្រភេទ ដូចជាត្រីដង្អោន ត្រីឆ្នាំង ត្រីកេស ត្រីរ៉ស់ និងត្រីអណ្ដែងជាដើម។ យោងតាមម្ចាស់កសិដ្ឋានខាង បានឱ្យដឹងថា​ បន្ទាប់ពីទទួលបានការគាំទ្រពីអតិថិជន កសិដ្ឋានមចិញ្ចឹមត្រីរបស់លោកបានពង្រីកជាបន្តបន្ទាប់ ដើម្បីផ្គត់ផ្គង់ទៅតាមតម្រូវការទីផ្សារ៕

សៀមរាប៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកនៃធនាគារអភិវឌ្ឍន៍ជនបទ និងកសិកម្ម នាព្រឹកថ្ងៃ ទី២៦ ខែមីនា ឆ្នាំ២០២៥នេះ បានបង្ហាញការគាំទ្រ និងចង់ឃើញស្នាដៃសិប្បកម្មកែច្នៃ ក្នុងស្រុកមានការអភិវឌ្ឍន៍យ៉ាងលឿន ផ្នែកសមត្ថភាពកែច្នៃកសិផលខ្មែរ និងត្រីសាច់ មានផលិតភាពខ្ពស់អាចផ្គត់ផ្គង់លើទីផ្សារប្រកបដោយនិរន្តភាព។ មានប្រសាសន៍បែបនេះ គឺក្នុងឱកាសឯកឧត្តមបណ្ឌិត និងសហការី បានអញ្ជើញចុះពិនិត្យមើលផ្ទាល់ ផលិតកម្មចំនួនពីរកន្លែង ក្នុងក្រុងសៀមរាប គឺទី១ សិប្បកម្ម HT FOOD ដែលមានបង្កើតផ្សារកសិករ និងទី២ សហគ្រាសកែច្នៃត្រី សំណាងសុធា ស្ថិតនៅសង្កាត់សៀមរាប ក្រុងសៀមរាប ខេត្តសៀមរាប។ បន្ទាប់ពីបានអញ្ជើញពិនិត្យមើលទីតាំងផលិតកម្មកែច្នៃត្រី ការចែកចាយកសិផល សាច់ និងផ្សារកសិករសៀមរាបលក់ផលិតផលខ្មែរ ដែលផលិតដោយកសិកររួចមក ឯកឧត្តមបណ្ឌិត កៅ ថាច បានវាយតម្លៃខ្ពស់ដល់ការខិតខំប្រឹងប្រែងកែច្នៃផលិត និងអាចរកទីផ្សារ ដោយខ្លួនឯងបានថែមទៀតនោះ គួរតែរកវិធីសាស្ត្របន្ថែម ដើម្បីពង្រីកផលិតកម្មឲ្យដំណើរការជាប់សម្រាប់ផ្គត់ផ្គង់លើទីផ្សារ និងចែកចាយកុំឲ្យដាច់លើទីផ្សារ។ សម្រាប់ធនាគារអភិវឌ្ឍន៍ជនបទ និងកសិកម្មវិញ ឯកឧត្តមបណ្ឌិតប្រតិភូបានផ្តល់អនុសាសន៍ដល់បងប្អូនជាម្ចាស់សិប្បកម្ម និងប្រជាពលរដ្ឋទូទៅក្នុងករណី  ដែលបងប្អូនចង់បានទុនបន្ថែមទៀត ដើម្បីយកទៅពង្រីកក្នុងសង្វាក់ផលិតកម្មនោះ គឺអាចទាក់ទងមកធនាគារ ARDB […]