News

ភ្នំពេញ៖ ផ្សារផលិតផលខ្មែរនៅតាមបណ្តាលខេត្តចំនួនបួន បាននិងកំពុងដំណើរការលក់កសិផល ផលិតផលខ្មែរ ដែលត្រូវបានដាំដុះ និងកែឆ្នៃដោយកសិករ និងផលិតករក្នុងស្រុក​​ ដោយដាក់តាំងបង្ហាញនៅរៀងរាល់ថ្ងៃសៅរ៍-អាទិត្យ ចាប់ពីម៉ោង៧ព្រឹក ដល់ ១២ថ្ងៃត្រង់ រៀងរាល់ចុងសប្តាហ៍ សម្រាប់លក់ជូនដល់ប្រជាជន​កម្ពុជាអ្នកភរិភោគ ដើម្បីពង្រីកទីផ្សារ និងបង្កើនការគាំទ្រក្នុងស្រុក​​បន្ថែមទៀត។​ ផ្សារផលិតផលខ្មែរទី១ នៅខេត្តសៀមរាប មានទីតាំងនៅភូមិមណ្ឌល២ សង្កាត់ស្វាយដង្គំ ក្រុងសៀមរាប នៅសួនច្បារហាត់ប្រាណ ជិតមាត់ស្ទឹងសៀមរាប ក្បែរសួនព្រះរាជដំណាក់។ ទី២ នៅខេត្តកំពង់ធំ ក៏មានផ្សារផលិតផលខ្មែរដែរ ដែលបាននឹងកំពុងដំណើរលក់កសិផល និងផលិតផលខ្មែរ ដែលត្រូវបានដាំដុះ និងកែច្នៃដោយកសិករខ្មែរ នៅក្នុងខេត្តកំពង់ធំ ដោយបើដំណើរការរៀងរាល់ថ្ងៃសុក្រ-សៅរ៍ និងថ្ងៃអាទិត្យ ចាប់ពីម៉ោង៦ព្រឹក ដល់ម៉ោង៦ល្ងាច។​ ដោយឡែកផ្សារផលិតផលខ្មែរទី៣ នៅខេត្តកណ្តាល បាននិងកំពុងដំណើរលក់កសិផល និងផលិតផលខ្មែរ ដែលត្រូវបានដាំដុះ និងកែច្នៃដោយកសិករ ផលិតករ និងសិប្បករខ្មែរ ដោយបើកដំណើរការរៀងរាល់ថ្ងៃសៅរ៍ និងថ្ងៃអាទិត្យ ចាប់ពីម៉ោង៧ព្រឹក ដល់ម៉ោង១រសៀល ស្ថិតនៅសួនច្បារមាត់ទន្លេ ក្រុងតាខ្មៅ។ ផ្សារផលិតផលខ្មែរទី៤ នៅខេត្តព្រៃវែង បាននឹងកំពុងដំណើរការលក់កសិផល និងផលិតផលខ្មែរ ដែលត្រូវបានដាំដុះ និងកែច្នៃដោយកសិករ […]

កូឡុំបូ៖ ប្រទេសស្រីលង្កាកំពុងរៀបចំពង្រឹងការដាំដុះបន្លែ និងផ្លែឈើសរីរាង្គ ដើម្បីឆ្លើយតបទៅនឹងបទប្បញ្ញត្តិស្តីពីនិរន្តរភាព នាពេលខាងមុខរបស់សហភាពអឺរ៉ុបសម្រាប់ការនាំចូលផលិតផលកសិកម្មពីប្រទេសស្រីលង្កា។ សហភាពអឺរ៉ុបកំពុងតែបង្កើតច្បាប់ថ្មី ដែលនឹងតម្រូវឱ្យអ្នកនាំចេញបន្លែផ្លែឈើ ត្រូវបំពេញតាមស្តង់ដារប្រកបដោយនិរន្តរភាពកាន់តែតឹងរ៉ឹង ដើម្បីរក្សាលទ្ធភាពនាំចូលទៅកាន់ទីផ្សារអឺរ៉ុប នៅប៉ុន្មានឆ្នាំខាងមុខទៀតនេះ។ ប្រធានក្រុមប្រឹក្សាអភិវឌ្ឍន៍ការនាំចេញស្រីលង្កា បានមានប្រសាសន៍ថា ប្រទេសស្រីលង្កាកំពុងតែផ្តល់អាទិភាពដល់ផលិតកម្មសរីរាង្គ ដែលជាផ្នែកមួយនៃយុទ្ធសាស្ត្រនាំចេញរបស់ខ្លួន។ លោកបានមាប្រសាសន៍ថា «ទីផ្សារពិភពលោកបច្ចុប្បន្នសម្រាប់ផលិតផលកសិកម្មសរីរាង្គមានតម្លៃប្រហែល១៥០ពាន់លានដុល្លារ ហើយត្រូវបានគេព្យាករណ៍ថា នឹងកើនឡើងរហូតដល់៦៥០ពាន់លានដុល្លារនៅឆ្នាំ២០៣៤។ ដូច្នេះ​ ប្រសិនបើប្រទេសស្រីលង្កាចង់ចាប់យកចំណែកទីផ្សារបានខ្លះ យើងត្រូវអភិវឌ្ឍវិស័យកសិកម្មសរីរាង្គរបស់យើង។ ក្រុមប្រឹក្សាអភិវឌ្ឍការនាំចេញបានធ្វើអន្តរាគមន៍ក្នុងបញ្ហានេះរួចហើយ»។ លោកប្រធានក្រុមប្រឹក្សាអភិវឌ្ឍន៍ បានកត់សម្គាល់ថា ប្រហែលពាក់កណ្តាលនៃតម្រូវការជាសកលសម្រាប់ផលិតផលសរីរាង្គនឹងមកពីរដ្ឋជាសមាជិកសហភាពអឺរ៉ុប និងចក្រភពអង់គ្លេស។ លោក​បាន​បន្ត​ថា បច្ចុប្បន្ន​ប្រទេស​ស្រីលង្កា​មាន​កសិករ​ប្រមាណពីរម៉ឺន​នាក់​កំពុងតែ​ដាំបន្លែផ្លែឈើនៅ​លើ​ផ្ទៃដីទំហំ២៨ ៣០០ហិកតា ​ជា​លក្ខណៈ​សរីរាង្គទាំងអស់​សម្រាប់​ផ្គត់ផ្គងការ​នាំ​ចេញទៅកាន់ទីផ្សារក្រៅប្រទេស ជាពិសេសសម្រាប់ទីផ្សារសហភាពអឺរ៉ុប។ ក្រុមប្រឹក្សាអភិវឌ្ឍការនាំចេញស្រីលង្កាមានគោលបំណងបង្កើនតំបន់ដាំដុះបែបសរីរាង្គ ក្រោមផែនការសកម្មភាពអភិវឌ្ឍន៍ការនាំចេញ ដើម្បីឱ្យស្របតាមតម្រូវការរបស់សហភាពអឺរ៉ុប នាពេលអនាគត និងនិន្នាការទីផ្សារអន្តរជាតិផងដែរ។ គំនិតផ្តួចផ្តើមនេះ គឺជាផ្នែកមួយនៃការកែទម្រង់រដ៏ធំដើម្បីសម្របខ្លួនទៅនឹងគោលនយោបាយនិរន្តរភាពជាសកល និងលើកកម្ពស់កសិកម្មប្រកបដោយការទទួលខុសត្រូវចំពោះបរិស្ថាន។  កសិកម្មសរីរាង្គត្រូវបានកំណត់ថា ជាវិធីសាស្រ្តកសិកម្ម ដែលជៀសវាងធាតុចូលសំយោគ និងពឹងផ្អែកលើសារធាតុ និងដំណើរការបែបធម្មជាតិ។ ចំណែកគណៈកម្មការអឺរ៉ុប បានកំណត់គោលដៅនៃការបំប្លែង២៥ភាគរយនៃដីកសិកម្មរបស់សហភាពអឺរ៉ុប ឱ្យក្លាយទៅជាផលិតកម្មសរីរាង្គនៅឆ្នាំ២០៣០ ដែលជាគោលនយោបាយត្រូវគេរំពឹងថា នឹងមានឥទ្ធិពលលើខ្សែសង្វាក់ផ្គត់ផ្គង់នៅតាមបណ្តាប្រទេសនាំចេញ។  ដូច្នេះផែនការរបស់ប្រទេសស្រីលង្កាក្នុងការពង្រីកមូលដ្ឋានកសិកម្មសរីរាង្គរបស់ខ្លួន ដោយអនុលោមតាមស្តង់ដារនាំចូលទាំងនេះ ដើម្បីផ្តល់ឱកាសដល់ប្រទេសនាំចេញទទួលបានអត្ថប្រយោជន៍ពីកំណើនជាអន្តរជាតិសម្រាប់ផលិតផលសរីរាង្គ៕

ដោយ ឡុង សារេត ខេត្តកណ្តាល៖ ឧទ្យាន​វប្បធម៌តេជោ ​​​ដែល​រៀបចំ​លើផ្ទៃដី​ប្រមាណ​ប្រាំពីរហិកតា ​ស្ថិតនៅក្នុង​ទីតាំង​អាកាសយានដ្ឋាន​អន្តរជាតិ​តេជោ​​ ​​បាននិង​កំពុង​ដើរតួកាន់តែសំខាន់​ក្នុងការចូលរួមផ្សព្វផ្សាយ​អំពីវប្បធម៌ និងមុខម្ហូបអាហារ​​​ខ្មែរឱ្យកាន់តែទូលំទូលាយ នៅលើពិភពលោក ​តាមរយៈ​ភ្ញៀវទេសចរណ៍​​អន្តរជាតិ​​។ យោងតាម​ប្រធានប្រតិបត្តិ​នៃឧទ្យានវប្បធម៌តេជោ បានឱ្យដឹង​ថា​ នៅក្នុងគម្រោងផែនការអភិវឌ្ឍន៍​​ឧទ្យានវប្បធម៌តេជោ​ នៅលើផ្ទៃ​​ប្រាំពីរហិកតា ​សម្រេច​បានលទ្ធផល​ប្រមាណ​​​១០ភាគរយ​ហើយ នៅលើទំហំផ្ទៃដីសរុប​​ ដោយ​បែងចែកជាបីទីតាំង​ធំ​ៗ ក្នុងនោះមានទីតាំង​​រូបសំណាក​ព្រះវិស្ណុ , ទីតាំង​ផ្សារបៃតង និងទីតាំងបង្ហាញ​វត្ថុអនុស្សាវរីយ៍​យ៉ាងសំបូរបែប ​ដែលជាផលិតផល​ក្នុងស្រុក​។​ ​ អ្នកស្រី ម៉ៃ សុខច័ន្ទ​មរកត ប្រធានប្រតិបត្តិ​នៃឧទ្យាន​វប្បធម៌តេជោ បានឱ្យដឹង​ថា ​គំនិតផ្តួចផ្តើម​បង្កើត​ឱ្យមាន​​ឧទ្យានវប្បធម៌តេជោនេះឡើង គឺ​​ចង់បង្ហាញពីឱ្យឃើញនូវវប្បធម៌ខ្មែរ​ទៅកាន់ភ្ញៀវ​ទេសចជាតិ និងអន្តរជាតិ​ អាចមកទស្សនានៅ​​ទីនេះ​ ​បាន​ទាំងវប្បធម៌​បែបបុរាណ និងបែបសម័យ​ទំនើប​ ដោយគ្រាន់តែ​ភ្ញៀវជាតិ និងអន្តរជាតិ​ដើរចេញពីព្រលាន​ ឬនៅមុនពេលមួយម៉ោង​នៃ​ការចេញដំណើរហោះហើរ ពួកគាត់អាចស្វែងយល់ពីវប្បធម៌ខ្មែរនៅទីនេះបាន​។ អ្នកស្រី​បានបន្ថែម​ថា ក្រៅពីផ្សព្វផ្សាយ​អំពីវប្បធម៌​ខ្មែរទៅដល់​ភ្ញៀវទេសចរបរទេស។ នៅក្នុងបរិវេណ​ឧទ្យាន​វប្បធម៌តេជោ​ ក៏មាន​ការបង្ហាញ​ពីមុខម្ហូប​ខ្មែរ​ប្រចាំនៅតាមតំបន់ដល់​ភ្ញៀវជាតិនិងអន្តរជាតិ​​ដល់ផងដែរ។ ដូច្នេះ​អ្វីដែល​បានរៀបចំនៅទីនេះ​វាអាចជួយបង្ហាញទៅកាន់ពិភពលោក ​ឬពលរដ្ឋខ្មែរ​ ដែលបានរស់នៅ​​ក្រៅប្រទេសឱ្យបាន​​ដឹងកាន់តែ​​ទូលំទូលាយ​ និងចង់មកទស្សនា​នៅទីនេះ​កាន់តែច្រើន​​។ ជាក់ស្តែង​ នៅក្នុងមួយរយៈពេល​ដែល​ឧទ្យានវប្បធម៌តេជោបើកផ្តល់សេវា​ ​សម្រាប់​ពលរដ្ឋរស់នៅបរទេស​ ពេល​បានមកដល់ គឺ​មានការសប្បាយជាមួយទេសភាព ​វប្បធម៌ ​និងការបរិភោគ​នូវ​ម្ហូបខ្មែរ​។ អ្នកស្រី […]

ក្រុងដាកា៖ ការនាំចេញត្រីរបស់ប្រទេសបង់ក្លាដែស ទៅកាន់ប្រទេសឥណ្ឌា បានកើនឡើងយ៉ាងខ្លាំងព្រោះមានតម្រូវការកាន់តែខ្ពស់ ដោយអាចរកប្រាក់ចំណូលពីការនាំចេញកើនឡើងរហូតដល់១២,៨៨លានដុល្លារ ខណៈការនាំចូលត្រីពីប្រទេសឥណ្ឌាបានធ្លាក់ចុះចំនួន៩,៦៨លានដុល្លារ រវាងឆ្នាំឆ្នាំ២០២៤-២០២៥។ យោងតាមទិន្នន័យផ្លូវការណ៍ បានឱ្យដឹងថា ប្រទេសបង់ក្លាដែស បាននាំចេញត្រីចំនួន១៤ ០០០តោន ទៅកាន់ប្រទេសឥណ្ឌារវាងឆ្នាំ២០២៤​-២០២៥ ដែលមានតម្លៃជាទឹកប្រាក់ចំនួន៣៨,៣៥លានដុល្លារ គឺប្រហែល៨៨ភាគរយ​ ជាប្រភេទត្រីត្រឱន ខណៈប្រភេទត្រី​ចង្វាមានបរិមាណប្រហែលបួនភាគរយប៉ុណ្ណោះ។ ផ្ទុយទៅវិញ ការនាំចូលប្រភេទត្រីគល់រាំង និងប្រភេទត្រីសមុទ្រពីប្រទេសឥណ្ឌា បានធ្លាក់ចុះយ៉ាងខ្លាំង។  ក្រុមមន្ត្រីជលផលសន្មត់ថា ការកើនឡើងនៃការនាំចេញរបស់ប្រទេសបង់ក្លាដែស ដោយសារតម្រូវការកំពុងតែកើនឡើងសម្រាប់បុណ្យសាសនានៅក្នុងប្រទេសឥណ្ឌា ជាពិសេសប្រភេទត្រីត្រឱនតែម្តង។ រវាងឆ្នាំ២០២៣-២០២៤ ប្រទេសបង់ក្លាដែស បាននាំចេញត្រីទៅកាន់ប្រទេសឥណ្ឌា ក្នុងបរិមាណចំនួន៨,២៩តោន ដោយគិតជាទឹកប្រាក់មានចំនួន២៥,៤៦លានដុល្លារ ហើយភាគច្រើន គឺជាប្រភេទត្រីត្រឱន។ ទន្ទឹមនឹងនេះដែរ ការនាំចូលត្រីពីប្រទេសឥណ្ឌា បានធ្លាក់ចុះយ៉ាងខ្លាំង ដែលក្នុងអំឡុងឆ្នាំ២០២៤-២០២៥ បង់ក្លាដែសបាននាំចូលត្រីចំនួន១៧ ០០០តោន គិតជាទឹកប្រាក់ចំនួន៧,៦៦លានដុល្លារ បើធៀបនឹងឆ្នាំ២០២៣-២០២៤ មានបរិមាណ៣៥ ០០០តោន គិតជាទឹកប្រាក់ចំនួន១៧,៣៤លានដុល្លារ។ ទោះបីការនាំចេញត្រីទៅកាន់ប្រទេសឥណ្ឌាមានការកើនឡើង និងមានប្រាក់ចំណូលខ្ពស់ក៏ដោយ ម្ចាស់កសិដ្ឋានចិញ្ចឹមត្រីមួយចំនួននៅក្នុងប្រទេសបង់ក្លាដែស បាននិយាយត្អូញត្អែរអំពីការកើនថ្លៃដើមផលិត​ ដែលធ្វើឱ្យកសិករពិបាករកប្រាក់ចំណេញ។ ម្ចាស់កសិដ្ឋានរូបនេះ បាននិយាយថា «​តម្លៃ​ផលិតកម្ម​បាន​កើនឡើង​ខ្លាំង​ដោយសារ​តម្លៃ​ចំណី ថាមពលអគ្គិសនី និង​កម្លាំង​ពលកម្ម​កាន់តែ​ខ្ពស់​»​។ យោងតាមមន្ត្រីជលផល និងកសិករក្នុងប្រភេទបង់ក្លាដែស […]

ភ្នំពេញ៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកនៃធនាគារអភិវឌ្ឍន៍ជនបទ និងកសិកម្ម (ARDB) និងប្រធានសមាគមគ្រឹះស្ថានហិរញ្ញវត្ថុអភិវឌ្ឍន៍ក្នុងតំបន់អាស៊ី និងប៉ាស៊ីហ្វិក (ADFIAP​) បានដឹកនាំប្រតិភូតំណាងធនាគារ ARDB ចេញដំណើរទៅទីក្រុងម៉ាកាវនៃប្រទេសចិន ដើម្បីដឹកនាំកិច្ចប្រជុំក្រុមប្រឹក្សាភិបាលសមាគម ADFIAP លើកទី៩៩ និងចូលរួមជាអធិបតីក្នុងវេទិកា ADFIAP-AADFI Joint International CEO Forum 2025 និងកិច្ចប្រជុំពាក់ព័ន្ធនានា ដែលនឹងប្រព្រឹត្តទៅចាប់ពីថ្ងៃទី១៩ ដល់ថ្ងៃទី២៤ ខែតុលា ឆ្នាំ២០២៥។ ឆ្លៀតក្នុងឱកាសនេះ, ឯកឧត្តមបណ្ឌិត កៅ ថាច នឹងចូលរួមក្នុងកម្មវិធី ADFIAP Development Finance Fellowship Program ចាប់ពីថ្ងៃទី២០ ដល់ថ្ងៃទី២១ ខែតុលា ឆ្នាំ២០២៥ ដែលផ្តល់ឱកាសដល់ថ្នាក់ដឹកនាំ និងគណៈគ្រប់គ្រងជាន់ខ្ពស់នៃគ្រឹះស្ថានហិរញ្ញវត្ថុអភិវឌ្ឍន៍ក្នុងតំបន់ ចែករំលែកចំណេះដឹង និងបទពិសោធ ពាក់ព័ន្ធនឹងការដឹកនាំ ព្រមទាំងនវានុវត្តន៍នានាក្នុងការផ្តល់ហិរញ្ញប្បទានអភិវឌ្ឍន៍។ កិច្ចប្រជុំក្រុមប្រឹក្សាភិបាលនៃសមាគម ADFIAP លើកទី៩៩ នឹងផ្តល់នូវវេទិកាដ៏សំខាន់មួយដល់សមាជិក ក្រុមប្រឹក្សាភិបាលរបស់សមាគមក្នុងការត្រួតពិនិត្យទៅលើវឌ្ឍនភាពការងារ និងការផ្តួចផ្តើមនានា, ពិភាក្សា […]

ណៃពិដោរ៖ ប្រទេសភូមា គ្រោងបង្កើតសមាគមអ្នកដាំ និងអ្នកនាំចេញផ្លែទុរេន ដើម្បីបង្រួបបង្រួមអ្នកផលិតក្នុងតំបន់ និងពង្រឹងតួនាទីរបស់ប្រទេសក្នុងពាណិជ្ជកម្មផ្លែទុរេននៅលើពិភពលោក។ គំនិតផ្តួចផ្តើមនេះនឹងច្របាច់បញ្ចូលគ្នានូវក្រុមអ្នកដាំទុរេនមកពីតំប់សំខាន់ៗមួយចំនួន ដែលសព្វថ្ងៃនេះស្ថិតនៅក្រោមការគ្រប់គ្រងរបស់សមាគមអ្នកផលិត និងនាំចេញបន្លែផ្លែឈើ ភូមា។ នៅពេលបានចុះបញ្ជីជាផ្លូវការជាមួយអគ្គនាយកដ្ឋានចុះបញ្ជីក្រុមហ៊ុន និងវិនិយោគ សមាគមថ្មីនេះនឹងសម្របសម្រួលសកម្មភាពនាំចេញផ្លែទុរេន​ ដែលមានគុណភាពស្តង់ដារ និងគាំទ្រដល់ការនាំចូលចេញប្រកួតប្រជែងលើទីផ្សារសម្រាប់អ្នកដាំទុរេនទូទាំងប្រទេសភូមា។ យោងតាមប្រធានសមាគមអ្នកផលិត និងនាំចេញបន្លែផ្លែឈើ ភូមា បានឱ្យដឹងថា សមាគមអ្នកដាំ និងអ្នកនាំចេញផ្លែទុរេន នឹងពង្រឹកសមត្ថភាពអ្នកដាំ និងអ្នកនាំចេញនូវស្តង់ដារច្បាស់លាស់ និងលើកកម្ពស់ការប្រកួតប្រជែងរបស់ប្រទេសផ្លែទុរេនភូមានៅក្នុងទីផ្សារអន្តរជាតិ។ សមាគមអ្នកដាំ និងអ្នកនាំចេញផ្លែទុរេន ភូមា​​ នឹងចូលរួមចំណែកជាមួយសមាគមអ្នកផលិត និងអ្នកនាំចេញបន្លែផ្លែឈើភូមា ដែលនាពេលកន្លងមកធ្លាប់សហការគ្នាក្នុងការត្រួតពិនិត្យមើលមេរោគ ឬសំណល់ថ្នាំពុលនៅបន្លែផ្លែឈើឱ្យបានត្រឹមត្រូវសម្រាប់នាំចេញទៅកាន់ទីផ្សារប្រទេសចិន។ កាលពីថ្ងៃទី១៩ ខែកក្កដា ឆ្នាំ២០២៥ នាយកដ្ឋានកសិកម្មនៅភាគខាងត្បូងរដ្ឋសាន បានបើកសិក្ខាសាលាមួយ ដើម្បីស្វែងយល់ពីតម្រូវការត្រួតពិនិត្យ និងបទដ្ឋានសុវត្ថិភាពរបស់អគ្គនាយកដ្ឋានគយចិន។  ដូច្នេះ ការងារនេះត្រូវតែសហការគ្នារវាងសមាគមអ្នកផលិត និងអ្នកនាំចេញបន្លែផ្លែឈើ ដើម្បីពង្រឹងស្តង់ដាររបស់ខ្លួនឱ្យស្របនឹងស្តង់ដារនាំចេញរបស់បរទេស។ ប្រធានសមាគមអ្នកផលិត និងអ្នកនាំចេញបន្លែផ្លែឈើភូមា បានបង្កើតក្រុមហ៊ុនសាធារណៈសម្រាប់កសិករមួយ ដែលមានទិសដៅសម្រាប់នាំចេញផលិតផលកសិកម្មទៅកាន់ប្រទេសសិង្ហបុរី ម៉ាឡេស៊ី និងប្រទេសថៃ នៅក្នុងពេលខាងមុខនេះ  ដោយខិតខំគាំទ្រឱ្យមានការនាំចូលជីកសិកម្ម និងថ្នាំសម្លាប់សត្វល្អិតផងដែរ ដើម្បីផ្គត់ផ្គង់ដល់អ្នកដាំដុះ។ ចំណែកស្ថានទូត​ចិន​ប្រចាំ​ប្រទេសភូមា ​បាន​និយាយ​ថា កន្លងមកថ្មីៗនេះ […]

ភ្នំពេញ៖ អាកាសយានដ្ឋានអន្ដរជាតិ “តេជោ” ត្រូវសម្ពោធដាក់ឲ្យប្រើប្រាស់ជាផ្លូវការ ក្រោមអធិបតីភាពដ៏ខ្ពង់ខ្ពស់បំផុត សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា និងលោកជំទាវពេជ ចន្ទមុន្នី ហ៊ុនម៉ាណែត នៅថ្ងៃទី២០ តុលា ឆ្នាំ២០២៥នេះ។ អាកាសយានដ្ឋានអន្ដរជាតិតេជោ ត្រូវបានសាងសង់លើផ្ទៃដីទំហំ២,៦០០ហិកតា ក្រោមទុនវិនិយោគប្រមាណ ១,៥០០លានដុល្លារអាមរិក គឺមានវិសាលភាពដ៏ធំមហិមាយ៉ាងទំនើបល្អប្រណិត និងជាប់ចំណាត់ថ្នាក់ទី៩ ក្នុងចំណោមព្រលានយន្ដហោះអន្ដរជាតិធំៗមហិមាលើពិភពលោក ដែលស្ថិតនៅក្រុងតាខ្មៅ ខេត្ដកណ្ដាល ក្រោមអំណរសាទរពីភ្ញៀវជាតិ និងអន្ដរជាតិយ៉ាងប្រពៃថ្លៃថ្លា។ ចំពោះការប្រសិទ្ធនាមឈ្មោះអាកាសយានដ្ឋានអន្ដរជាតិ “តេជោ” ដោយភ្ជាប់ “គោរមងារ” នេះ គឺពិតជាឆ្លុះបញ្ចាំងអំពីប្រពៃណីដ៏ល្អផូរផង់របស់ខ្មែរយើងតាំងពីបុរាណ ពិសេសសម័យចក្រភពអង្គរដ៏រុងរឿងនៃយើង។ ព្រោះបើយើងមើលប្រវត្តិអាណាចក្រខ្មែរ កាលពីសម័យបុរាណយើងឃើញថា នាសម័យចេនឡាក្នុងរាជ្យព្រះបាទឦសានវម៌ទី១ ព្រះអង្គបានកសាងក្រុមប្រាសាទសំបូរព្រៃគុក ដើមស.វ.ទី៧ រាជធានីមានឈ្មោះថា​ “ឦសានបុរៈ” គឺជាព្រះនាមរបស់ព្រះអង្គផ្ទាល់។ ហេតុនេះចំពោះប្រពៃណីភ្ជាប់ព្រះបរមនាម ទុកជានិមិត្ដរូបសមិទ្ធផលធំៗប្រចាំអាណាចក្រដ៏ប្រពៃថ្លៃថ្លានេះ បានបន្ដមកដល់កូនចៅជំនាន់ក្រោយៗ មកដល់សម័យចក្រភពអង្គរដ៏រុងរឿងនៃយើងយ៉ាងរស់រវើក ដូចជាក្នុងរាជព្រះបាទយសោវរ្ម័នទី១ ទ្បើងគ្រងរាជ្យឆ្នាំ៨៨៩ ចុងស.វ.ទី៩ ព្រះអង្គបានកសាងប្រាសាទភ្នំបាខែង នៅលើភ្នំកណ្ដាលនៃចក្រភពអង្គរ, រាជធានីនាសម័យនោះមានឈ្មោះថា យសោធរបុរ  គឺជាព្រះនាមរបស់ព្រះអង្គផ្ទាល់ , បន្ទាប់មកទៀតព្រះអង្គបានជីកបារាយណ៍ […]

ការសិក្សាថ្មីមួយរបស់មជ្ឈមណ្ឌលស្រាវជ្រាវ នៅក្រុងបាសេឡូណា ប្រទេសអេស្ប៉ាញ បាន​បង្ហាញចំណុចសំខាន់ៗមួយចំនួន គឺអាហារឡើងថ្លៃក្នុងរយៈពេលខ្លី នៅជុំវិញពិភពលោក និងផលប៉ះពាល់ជាបន្តបន្ទាប់លើអតិផរណា ដោយសារការប្រែប្រួលអាកាសធាតុ ហើយបានព្រមានថា បញ្ហានេះអាចនឹងមានបញ្ហាដល់សុខភាព និងអាចបង្កបញ្ហាចលាចលក្នុងសង្គមថែមទៀតផង។ ការស្រាវជ្រាវនេះបានចេញផ្សាយលទ្ធផលមុនសន្និសីទកំពូលស្តីពីប្រព័ន្ធស្បៀងអាហាររបស់អង្គការសហប្រជាជាតិ ដែលមេដឹកនាំនៅជុំវិញពិភពលោកនឹងប្រមូលផ្តុំគ្នានៅក្នុងប្រទេសអេត្យូពី ដើម្បីពិភាក្សាពីការគំរាមកំហែងដល់ការផ្គត់ផ្គង់ស្បៀងអាហារជាសកល។ ការសិក្សារនេះបានលើកយកឧទាហរណ៍ជាក់ស្តែងជាក់ស្តែងអំពីផលប៉ះពាល់ដោយការប្រែប្រួលអាកាសធាតុ នៅទូទាំងពិភពលោក ដែលភាគច្រើនប៉ះពាល់ដល់ស្បៀងអាហារ។ ការសិក្សាពីមុនបានពិនិត្យមើលផលប៉ះពាល់រយៈពេលវែង ប៉ុន្តែការសិក្សាថ្មីបំផុតនេះផ្តោតលើផលប៉ះពាល់ភ្លាមៗ។ នៅប្រទេសហ្គាណា និងប្រទេសកូតឌីវ័រ ដែលជាអ្នកដាំដំណាំកាកាវធំជាងគេបំផុតរបស់ពិភពលោក បានជួបប្រទះគ្រោះរាំងស្ងួត រួមជាមួយនឹងសីតុណ្ហភាពក្តៅខ្លាំងផង កាលពីឆ្នាំ២០២៣-២០២៤ បានធ្វើឱ្យតម្លៃកាកាវលើពិភពលោក កើនឡើងរហូតដល់៣០០ភាគរយ។ ចំណែកនៅទ្វីបអាស៊ីវិញ ការសិក្សាបានកត់សម្គាល់ពីរលកកម្តៅនៅក្នុងប្រទេសឥណ្ឌា បានធ្វើឱ្យតម្លៃខ្ទឹមបារាំងកើនឡើង៨៩ភាគរយ ខណៈការឡើងកម្តៅនៅក្នុងប្រទេសកូរ៉េខាងត្បូង បានធ្វើឱ្យតម្លៃស្ពៃក្តោបកើនឡើង៧០ភាគរយ។ ទោះបីមានការកើនឡើងតិចតួចជាងគេក៏ដោយ ប៉ុន្តែវាជារឿងគួរឱ្យកត់សម្គាល់ផងដែរអំពីការឡើងថ្លៃម្ហូបអាហារនៅក្នុងប្រទេសជប៉ុន និងប្រទេសចិន។ ចំណែកគ្រោះរាំងស្ងួតអស់រយៈពេលជាច្រើនឆ្នាំ នៅភាគខាងត្បូងប្រទេសអេស្ប៉ាញ បានធ្វើឱ្យតម្លៃប្រេងអូលីវ កើនឡើង៥០ភាគរយ កាលពីឆ្នាំ២០២៤។ ប្រទេសអង់គ្លេសបាននាំចូលម្ហូបអាហារយ៉ាងច្រើន ទោះបីជាតម្លៃទំនិញមួយចំនួនបានធ្លាក់ចុះក៏ដោយ ក៏អត្រាទាំងមូលត្រូវបានបន្តការកើនឡើងតម្លៃម្ហូបអាហារប្រចាំខែ ជាលើកទីបីជាប់ៗគ្នា ដែលជាតួលេខខ្ពស់បំផុតក្នុងរយៈពេលជាងមួយឆ្នាំ។ អ្នកជំនាញប្រចាំសមាគមពាណិជ្ជកម្មអ្នកលក់រាយរបស់អង់គ្លេស បានគូសបញ្ជាក់ថា ការប្រែប្រួលអាកាសធាតុ គឺជាកត្តាចម្បងបង្កផលប៉ះពាល់ជាបន្តបន្ទាប់ធ្វើឱ្យការប្រមូលផលមិនបានទិន្នផលខ្ពស់ ដែលបណ្តាលមកពីអាកាសធាតុក្តៅខ្លាំងពេក បានបណ្តាលឱ្យតម្លៃអ្នកប្រើប្រាស់កើនឡើង។ លោកបាននិយាយថា «ដរាបណាយើងមិនបញ្ឈប់ការបំភាយឧស្ម័នទេ នោះអាកាសធាតុប្រែប្រួលកាន់តែខ្លាំង ហើយបានបំផ្លាញផលដំណាំ […]

ខេត្តកណ្តាល៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍ ន៍ជនបទនិងកសិកម្ម ព្រមទាំងសហការី កាលពីរសៀលថ្ងៃសៅរ៍ ទី១៨ ខែតុលា ឆ្នាំ២០២៥នេះ បានអញ្ជើញជាអធិបតីក្នុងពិធីសំណេះសំណាល និងសួរសុខទុក្ខប្រជាកសិករនៅស្រុកពញាឮ ខេត្តកណ្តាល។ នៅក្នុងកម្មវិធីសំណេះសំណាលនេះ​ ក៏មានការអញ្ជើញចូលរួមពីលោក ថន សុវណ្ណា អភិបាលនៃគណៈអភិបាលស្រុកពញាឮ អាជ្ញាធរមូលដ្ឋានក្នុងស្រុកពញាឮ ដែលមានអ្នកចូលរួមសរុបប្រមាណ៥៩៤នាក់។ ក្នុងឱកាសនេះ ឯកឧត្តមបណ្ឌិត កៅ ថាច ក៏បានគូសរំលេចអំពីទុក្ខលំបាករបស់បងប្អូនប្រជាកសិករយើង​ ដែលកន្លងមកតែងតែជួបប្រទះពីមួយឆ្នាំទៅមួយឆ្នាំទាក់ទងនឹងបញ្ហាតម្លៃកសិផល ខណៈពេលការព្រួយបារម្ភដូចៗគ្នា (១)​ លើការប្រែប្រួលអាកាសធាតុ (២) បញ្ហាតម្លៃ និងគុណភាពនៃធាតុចូលកសិកម្មជីថ្នាំ (៣) ផលិតផលគ្មានទីផ្សារ (៤) កម្ចីដែលមានអត្រាការប្រាក់ខ្ពស់​និង(៥)តម្លៃកសិផលមិនមានស្ថិរភាព ។ ឯកឧត្តមបណ្ឌិត កៅ ថាច បានចង្អុលបង្ហាញពីរបៀបនៃការកាត់បន្ថយថ្លៃដើម ដែលមានភាពងាយស្រួល និងមានប្រសិទ្ធភាពនោះ គឺការបង្កើនទិន្នផល តាមរយៈការប្រេីប្រាស់ពូជមានទិន្នផលខ្ពស់​ និងកសិករត្រូវយកចិត្តទុកដាក់ថែទាំដំណាំ​ដូចថែទាំមនុស្ស​ និងត្រូវយល់ដឹងថា ពេលវេលា ឬម៉ោងណាដំណាំត្រូវការទឹកឬជី​ និងប្រេីប្រាស់ថ្នាំកម្ចាត់សត្វល្អិតឱ្យចំពេលវេលា​ ជាដេីម។ ឯកឧត្តមបណ្ឌិតប្រតិភូបានពន្យល់ បង្ហាញពីបញ្ហាតម្លៃស្រូវធ្លាក់ថ្លៃ ដោយបញ្ហានេះមិនមែនជាបញ្ហាក្នុងស្រុកទេ […]

ប៉េកាំង​៖ រដ្ឋាភិបាលសហរដ្ឋអាម៉េរិកត្រូវបានគេរាយការណ៍ថា កំពុងគិតឈប់ធ្វើអាជីវកម្មជាមួយប្រទេសចិន ទាក់ទងនឹងប្រេងឆា នៅក្នុងការសងសឹកចំពោះសកម្មភាពរបស់ចិន ដែលមិនទិញសណ្តែកសៀងពីសហរដ្ឋអាម៉េរិក។ សារព័ត៌មាន ក្លូបល ថែមស៍​ របស់ចិន​ បានចេញផ្សាយដកស្រង់សម្តីអ្នកជំនាញចិនម្នាក់ បាននិយាយថា គួរតែបន្ទោសពន្ធដ៏ច្រើនរបស់សហរដ្ឋអាម៉េរិក ចំពោះស្ថានភាពនៃទំនាក់ទំនងទ្វេភាគីនាពេលបច្ចុប្បន្ន ហើយការរឹតបន្តឹង និងការគំរាមកំហែងមិនសមហេតុផលរបស់ទីក្រុងវ៉ាស៊ីនតោនចំពោះក្រុងប៉េកាំង នឹងមិនអាចដោះស្រាយបញ្ហាបានទេ ប៉ុន្តែនឹងធ្វើឱ្យប៉ះពាល់ដល់កសិករអាម៉េរិកតែប៉ុណ្ណោះ។ ប្រធានាធិបតីអាម៉េរិក លោក ដូណាល់​ ត្រាំ បានសរសេរនៅលើបណ្តាញសង្គមថាប្រទេសចិនកំពុងប្រព្រឹត្ត “អំពើអរិភាពសេដ្ឋកិច្ច” ដោយ “មានចេតនាមិនទិញសណ្តែកសៀងរបស់យើង ហើយបង្កការលំបាកដល់កសិករសណ្តែកសៀងរបស់យើង”។ ការបញ្ចប់អាជីវកម្មរកស៊ីលក់ដូរប្រេងឆាជាមួយប្រទេសចិន និង “ធាតុផ្សេងទៀតនៃពាណិជ្ជកម្ម គឺជាទម្រង់នៃការសងសឹក” ដែលរដ្ឋាភិបាលសហរដ្ឋអាម៉េរិកអាចនឹងថ្លឹងថ្លែង ដោយកត់សម្គាល់ថា  យើងអាចផលិតប្រេងឆាបានយ៉ាងងាយស្រួលដោយខ្លួនឯង យើងមិនចាំបាច់ទិញពីប្រទេសចិនទេ”។ អ្នកស្រាវជ្រាវជាន់ខ្ពស់នៅសមាគមពាណិជ្ជកម្មអន្តរជាតិចិន បាននិយាយថា “ចំពេលមានសម្ពាធក្នុងស្រុកកើនឡើង រដ្ឋាភិបាលអាម៉េរិក នៅតែបន្តការគំរាមកំហែងដោយការរឹតបន្តឹងពាណិជ្ជកម្មប្រឆាំងនឹងប្រទេសចិន។ ចំពោះការទិញសណ្តែកសៀង ឬមិនទិញ ក៏ជាកត្តាទីផ្សារដែរ ព្រោះសណ្តែកសៀងពីប្រទេសផ្សេង ដូចជាប្រេស៊ីលមានតម្លៃថោកជាង និងមានគុណភាពល្អ ដូច្នេះហើយអ្នកនាំចូលសណ្តែកសៀងមួយចំនួនមានទំនោរចង់ផ្លាស់ប្តូរប្រភពនាំចូល។ កាលពីខែសីហា សមាគមសណ្តែកសៀងអាម៉េរិក បានជំរុញឱ្យរដ្ឋាភិបាលសហរដ្ឋអាម៉េរិកទទួលបានកិច្ចព្រមព្រៀងជាមួយប្រទេសចិន ដើម្បីបើកទីផ្សារដ៏សំខាន់នេះឡើងវិញសម្រាប់សណ្តែកសៀងអាម៉េរិក ដោយសង្កត់ធ្ងន់ថា កសិករសណ្តែកសៀងអាម៉េរិកមិនអាចរស់បានទេ ក្នុងជម្លោះពាណិជ្ជកម្មដ៏យូរជាមួយប្រទេសចិន​ ដែលជាអតិថិជនធំបំផុតរបស់ខ្លួន។ […]

 ភ្នំពេញ៖​ នាព្រឹកថ្ងៃទី១៨ ខែតុលា ឆ្នាំ២០២៥ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម បានអញ្ជើញផ្តល់កិត្តិយសចូលរួមថ្លែងសុន្ទរកថាគន្លឹះ និងចែករំលែកនូវចក្ខុវិស័យ​ អំពីការវិនយោគសម្រាប់អនាគត ក្នុងមហាសន្និបាតថ្នាក់ជាតិ BNI កម្ពុជា ឆ្នាំ២០២៥ ក្រោមប្រធានបទ៖ UNITED for a THRIVING FUTURE​ ដែលបានរៀបចំឡើងដោយ BNI Cambodia និងសមាជិក BNI ផ្សេងទៀត។ ក្នុងមហាសន្និបាតថ្នាក់ជាតិ ដ៏មានសារៈសំខាន់នេះ, ឯកឧត្តមបណ្ឌិត កៅ ថាច បានសង្កត់ធ្ងន់ទៅលើទិដ្ឋភាពចម្បងៗចំនួនពីរ រួមមាន៖  (១) ដំណើរវិវត្តនៃម៉ូឌែលអាជីវកម្មខ្មែរពីសម័យអាណាចក្រអង្គររហូតដល់បច្ចុប្បន្ន និងទំនោរសម្រាប់អនាគត ដោយបានបញ្ជាក់ថានាសម័យអាណាចក្រខ្មែរ ខ្មែរមានរបបសេដ្ឋកិច្ចបែបអាណាចក្រកសិកម្ម (Temple-State Agrarian Economy), សម័យក្រោយអង្គរ ខ្មែរមានរបបសេដ្ឋកិច្ចបែបកុលសម្ព័ន្ធ និងពាណិជ្ជករ (Tributary & Merchant Trade), សម័យអាណានិគមបារាំង សេដ្ឋកិច្ចបែប ដំណាំឧស្សាហកម្ម និងសម្បទាន (Concession […]

ហាណូយ៖ អាជ្ញាធរវៀតណាម បានបង្ក្រាបបណ្តាញផលិត​ និងលក់ចែកចាយប្រេងឆាក្លែងក្លាយដ៏ធំមួយ ចំណែកអាជ្ញាធរសុវត្ថិភាពចំណីអាហារវៀតណាម កាលពីថ្ងៃទី១៥ ខែតុលា ឆ្នាំ២០២៥នេះ បានចេញសេចក្តី ព្រមាននៅទូទាំងប្រទេសវៀតណាម ឱ្យប្រុងប្រយ័ត្នដល់សុខភាព។ នគរបាលវៀតណាម នៅក្នុងខេត្ត ហុង យ៉េន (Hung Yen) ស្ថិតនៅភាគខាងត្បូងក្រុងហាណូយ បានបំបែកសំណុំរឿងព្រហ្មទណ្ឌបង្ក្រាបរោងចក្រកែច្នៃម្ហូបអាហាររបស់ជនជាតិវៀតណាមមួយ ឈ្មោះ ជីអេហ្វ វៀតណាម ហ្វូដ (GF Vietnam Food) ដែលបានផលិតប្រេងឆាក្លែងក្លាយ និងលកចែកចាយនៅទូទាំងប្រទេសវៀតណាម។ ក្រុមនគរបាលស៊ើបអង្កេត បាននិយាយថា ប្រេងឆាផលិតដោយរោងចក្រ ជីអេហ្វ វៀតណាម ហ្វូដ ពិតជាមិនបានបំពេញតាមស្តង់ដារសុវត្ថិភាពចំណីអាហារ ហើយបានផលិតចែកចាយផលិតផលចំណីអាហារក្លែងក្លាយ ដែលបង្កគ្រោះថ្នាក់ធ្ងន់ធ្ងរដល់សុខភាពអ្នកបរិភោគ។ ប្រេងឆាក្លែងក្លាយរបស់ក្រុមហ៊ុននេះ ត្រូវបានលក់ចែកចាយជាបណ្តាញទៅដល់បណ្តាខេត្ត និងទីក្រុងនានា នៅទូទាំងប្រទេសវៀតណាម ក្រោមម៉ាកយីហោជាច្រើន រួមមាន ឈីកា តាមីនហ្គោល ហ្គោលម៉ាក តុត និង​មេហ្គាហ្វូដ (Chica, Tamin Gold, Goldmax, Tot​, Megafood)។ ពេលនេះអាជ្ញាធរវៀតណាម […]