ព័ត៌មានពេលព្រឹក

ភ្នំពេញ៖ លោក គង់ គា ប្រធាននាយកដ្ឋានដំណាំស្រូវនៃអគ្គនាយកដ្ឋានកសិកម្មនៃក្រសួងកសិកម្មបានថ្លែងបញ្ជាក់ថា គិតត្រឹមថ្ងៃទី៣ ខែតុលា ឆ្នាំ២០២៤នេះ ស្ថានភាពថ្លៃស្រូវនៅខេត្តបាត់ដំបង និងពោធិ៍សាត់ បានវិលមករកសភាពធម្មតា និងអាចគ្រប់គ្រងបានហើយ។ ទោះយ៉ាងណា ដើម្បីអាចលក់ស្រូវបានក្នុងតម្លៃល្អ លោក គង់ គា បានណែនាំដល់ប្រជាកសិករ អនុវត្តតាមការណែនាំរបស់ជំនាញ ក្នុងនោះរួមមាន៖ ទុកឱ្យស្រូវទុំល្អ កុំឱ្យមានគ្រាប់ស្ពៀតច្រើន ប្រើប្រាស់ពូជសុទ្ធក្នុងការដាំដុះ និងសំខាន់បំផុត កុំផ្សព្វផ្សាយបន្ទាបថ្លៃស្រូវរបស់ខ្លួន។ សម្រាប់ពូជវិញ មន្រ្តីក្រសូងកសិកម្ម ខាងលើលើកឡើងទៀតថា កសិករស្រូវទទួលបានផលល្អហើយ ត្រូវប្រុងប្រយ័ត្ន ករណីពូជស្រូវមិនសុទ្ធ ដែលលាយនិងប្រភេទស្រីផ្សេង នាំឲ្យរោងម៉ាស៊ីនពិបាកឲ្យតម្លៃបានខ្ពស់ល្អ ហើយម្យ៉ាងវិញទៀត ករណីបងប្អូនចែកចាយព័ត៌មានមិនច្បាស់លាស់លើបណ្តាញសង្គម រឿងតម្លៃស្រូវថោកគឺ ធ្វើឲ្យប៉ះពាល់ដល់កសិករយើងតែម្តង តាមពិតមិនដូច្នោះទេ។ ចំពោះ រោងម៉ាស៊ីន ឡាយសែ ក្នុង១ថ្ងៃបានប្រមូលទិញស្រូវពីកសិករចន្លោះពី២ពាន់ទៅ៣ពាន់តោន ក្នុងមួយថ្ងៃ ហើយរោងម៉ាស៊ីនផ្សេងទៀតកំពុងប្រមូលទិញ ពីកសិករឲ្យអស់ផង ដែរ ប៉ុន្តែបើសិនជាឈ្មួញមកឲ្យតម្លៃថោក គឺកសិករផ្អាកការច្រូតមួយរយៈសិន ដើម្បីរង់ចាំមើលតម្លៃល្អប្រសើរទើបលក់ ដោយសារតែរដូវភ្ជុំបិណ្ឌនេះ រោងម៉ាស៊ីនមិនមានកម្លាំងកម្មករ ធ្វើការសង្ងួតនិងប្រមូលទិញនោះទេ។ ចំណែក នៅតាមរោងម៉ាស៊ីនកិនស្រូវធំៗក្នុងខេត្តបាត់ដំបងកំពុងចាល់ស្រូវដឹកចូល ស្របពេលកម្មករសុំច្បាប់ឈប់សម្រាកបុណ្យភ្ជុំបិណ្ឌ។ […]

  សមាគមក្នុងស្រុកចំនួន៣ មានសមាគមសហគ្រិនវ័យក្មេងកម្ពុជា សមាគមធនាគារនៅកម្ពុជា និងសមាគមមីក្រូហិរញ្ញវត្ថុកម្ពុជា បានសហការគ្នាបង្កើតវេទិកាលើកទី៤ ស្តីពី ជំនួបសហគ្រិនជាមួយគ្រឹះស្ថានហិរញ្ញវត្ថុ ដើម្បីបង្កើតជាវេទិកាពិភាក្សារវាងសហគ្រិន និងគ្រឹះស្ថានហិរញ្ញវត្ថុដើម្បីស្វែងរកអនុសាសន៍សម្រាប់លើកកម្ពស់លទ្ធភាពទទួលបានហិរញ្ញប្បទានសម្រាប់អាជីវកម្ម។ វេទិការលើកទី៤នេះបានផ្តោតសំខាន់លើដំណោះស្រាយឌីជីថលផ្នែកហិរញ្ញវត្ថុនិងរបៀបដែលសហគ្រិន ម្ចាស់អាជីវកម្ម ត្រៀមខ្លួនឱ្យបានល្អប្រសើរដើម្បីទទួលបាននូវហិរញ្ញប្បទាន និងគោលនយោបាយគាំទ្រការទទួលបានហិរញ្ញប្បទាន តាមរយៈការផ្តល់បទបង្ហាញ ជាសិក្ខាសាលាតូចៗ និងកិច្ចពិភាក្សាតុមូល ដែលមានការចូលរួមពីវាគ្មិន តំណាងមកពីវិស័យសាធារណៈ អ្នកជំនាញវិស័យហិរញ្ញវត្ថុ និងសហគ្រិនដែលមានបទពិសោធន៍ជាច្រើនឆ្នាំ។ ឯឧកញ៉ា ប៉ិច បូឡែន ប្រធានសមាគមសហគ្រិនវ័យក្មេងកម្ពុជា​មានប្រសាសន៍​លើកឡើង​ថា ដើម្បី​ទទួលបានប្រាក់កម្ចី ពីធនាគារ​និងហិរញ្ញវត្ថុ​​​យើងត្រូវមាន​របាយការណ៍ ឯកសារ​អភិបាលកិច្ចល្អ​ ដូចនេះហើយ​ទើបសមាគមសហគ្រិនវ័យក្មេងកម្ពុជា​បាន​រៀបចំ​វគ្គបណ្តុះបណ្តាល​ជាបន្តបន្ទាប់​ ដើម្បី​ឱ្យម្ចាស់អាជីវកម្ម​មានសមត្ថភាព​ឬមានលក្ខណៈសម្បត្តិគ្រប់គ្រាន់​ ទំាងការរៀបចំ​បញ្ជីស្នាមគណនេយ្យ​ រៀបចំ​របាយការណ៍​រហិញ្ញវត្ថុ ផែនការអាជីវកម្ម​ រៀបចំវគ្គបណ្តុះបណ្តាល​ជំនាញខាងទីផ្សារ​ និងគ្រប់គ្រងធនធានមនុស្ស​ ដើម្បី​ផ្តល់ទំនុកទុកចិត្តដល់គ្រឹះស្ថានហិរញ្ញវត្ថុ​ពេលផ្តល់ប្រាក់កម្ចី​ទៅអាចគ្រប់គ្រង​ឬប្រើប្រាស់ចំទិសដៅ​អាជីវកម្មបាន​​។​ លោក អេង ផុន អនុប្រធាននាយកដ្ឋាន​ឥណទាន​នៃធនាគារអភិវឌ្ឍន៍ជនបទនិងកសិកម្ម (ARDB)បានលើកឡើង​នៅក្នុងបទបង្ហាញថា​ ​ធនាគារ​ ARDB​បាន​ផ្តល់ឥណទាន​ទៅឱ្យ​អតិថិជន មានទំាងរូបវន្តបុគ្គល និងនីតិបុគ្គល មាន​កសិករ អ្នកធ្វើអាជីវកម្មផ្នែកវារីវប្បកម្ម, អ្នកដំាដុះ​បន្លែផ្លែឈើ​, អ្នកដំាដំណាំឧស្សាហកម្ម និងអ្នកទិញលក់​ធាតុចូលក្នុងវិស័យកសិកម្ម​គឺធនាគារ​ផ្តល់ជូន​ទំាងអស់​។​មិនត្រឹមប៉ុណ្ណោះ​សម្រាប់អាជីវកម្មដែលធ្វើការប្រមូលទិញ​ផលិតផលកសិកម្ម​ក៏ខាងធនាគារផ្តល់ជូនផងដែរ​។​ លោកលើកឡើង​ថា លក្ខណៈវិនិច្ឆ័យរបស់​អតិថិជនទំាង​នោះជាបុគ្គលបែបណាខ្លះ? លក្ខណៈផ្លូវច្បាប់​ទំាងរូបវន្តបុគ្គល​និងនីតិបុគ្គល​ត្រូវមានបទពិសោធន៍​ពាក់ព័ន្ធនិងអាជីវកម្ម​​របស់ខ្លួន​រហូតមកដល់បច្ចុប្បន្ន​ ត្រូវមានព័ត៌មានផ្នែកហិរញ្ញវត្ថុ​ បើសិនគាត់ជាម្ចាស់ក្រុមហ៊ុន​ […]

ការកែច្នៃ​ផ្លែម្រេចខ្ចី ផ្សំជាមួយផ្កាអំបិល​ធ្វើជាម្រេចជ្រក់ស្ងួត​ របស់កសិដ្ឋាន​ La Plantation​​មានទីតំងនៅឃុំកូនសត្វ ស្រុកទឹកឈូ ខេត្តកំពត ​ បានក្លាយជាផលិតផល​សំខាន់​មួយ​ កំពុងទទួលបានការគាំទ្រ​ពីភ្ញៀវបរទេសចូលមកទស្សនា​ក្នុងព្រះរាជាណាចក្រកម្ពុជា និងមានការគាំទ្រ​នៅលើទីផ្សារក្នុងប្រទេសបារាំង និងប៊ែលហ្សិក​នាពេលបច្ចុប្បន្ន​។​​ លោក យុត លីណា មគ្គុទេសក៍ ទេសចរណ៍នៅ La Plantation​​ បានឱ្យដឹង​ថា ម្រេចជ្រក់នេះ ​ជាផលិតផលថ្មីមួយ​​ ងាយស្រួលក្នុងការប្រើប្រាស់​  ដោយសារ​​វាផ្សំ​ជាមួយផ្កាអំបិល និងផ្លែម្រេចខ្ចី វាជួយឱ្យម្ហូបមានជាតិប្រៃតិចៗនិងមានរស់ជាតិ ហិរល្មម​​។​ ​លោកបន្តថា ម្រេចជ្រក់នេះ ​​មានភ្ញៀវបរទេសដែលចូលមក​ទីនេះ​ភាគ​​ច្រើន​គំាំទ្រ​​ ដោយសារ​ម្រេច​ជ្រក់​នេះវាមិនសូវមានជាតិហិរ​ខ្លាំ​​ ដូចនេះទើប​ធ្វើឱ្យ​​ភ្ញៀវមកពីខាងអឺរ៉ុប​ចិត្ត​ជាមួយ​រសជាតិម្រេចជ្រក់​នេះច្រើន​។ដោយឡែក​​សម្រាប់​ពលរដ្ឋ​ខ្មែរយើងវិញ​ មានអ្នកចូលចិត្ត​នៅមានចំនួន​តិចតួច ដោយសារម្រេចស្រស់មានលក់​ច្រើន​តាមតំបន់​​ងាយស្រួល​រកទិញ​នៅលើទីផ្សារ​បាន​ បើចង់ធ្វើម្ហូបជាមួយម្រេចស្រស់នេះ​​។ ​បើតាម​លោក យុត លីណា, ​​ម្រេចជ្រក់​ក៏ដូចជាផលិតផល​ផ្សេងទៀត​របស់​ La Plantation​  សម្រាប់ទីផ្សារនៅក្នុងស្រុក ​​ មានលក់​នៅក្រុងកំពត, ក្រុងភ្នំពេញ និងមាននៅខេត្តសៀមរាប​ ហើយ​នៅថ្ងៃអនាគត La Plantation ​​ចង់ពង្រីកបន្ថែមទៅតាមខេត្តផ្សេងទៀត ​។ចំណែក​ទីផ្សារនៅក្រៅប្រទេស​ La Plantation​បាននាំចេញ​ទៅលក់នៅទីតាំងផ្ទាល់របស់ខ្លួន​ក្នុងប្រទេសបារាំង និងប្រទេសប៊ែលហ្សិក​ដែលមានបរិមាណ​១០តោនក្នុងមួយឆ្នាំ​ ស្របពេលបច្ចុប្បន្ន​ La […]

ភ្នំពេញ៖ លោកឧកញ៉ា ចាន់ សុខឃាំង ប្រធាន​សហព័ន្ធស្រូវអង្ករ​កម្ពុជាបានថ្លែងកាលពីថ្ងៃ២៧ ខែកញ្ញានេះ​ថា  ឥឡូវនេះ ​​មានរោងម៉ាស៊ីនកិនស្រូវទាំងតូចនិងមធ្យម​ប្រមាណ ១៣៨ បាននិងកំពុងតែ​​ប្រមូលទិញស្រូវ​ OM 5451 ពីប្រជាកសិករនៅទូទាំងប្រទេស​កំពុងតែ​មមាញឹកយ៉ាងខ្លាំង​​ ដើម្បីស្តុកទុក​​សម្រាប់កែច្នៃនិងនាំចេញ។​​​ លោកឧកញ៉ា​បាន​​​ថ្លែងទៀត​​ថា ​តម្លៃស្រូវកសិករ​យើង​​បាន​លក់ទៅរោងម៉ាស៊ីន​​​​មានតម្លៃល្អនៅឡើយ និងស្រូវខ្លះគឺប្រជាកសិករ​បាន​​​លក់ទៅឲ្យ​ឈ្មួញលក់​បន្តឲ្យ​ទៅ​​ប្រទេសវៀតណាម​​​ខ្លះ​​ ហើយ​​តម្លៃទិញនៅរោងម៉ាស៊ីន OM 5451 តម្លៃចន្លោះ ១១០០រៀលទៅ ១១៥០ រៀលក្នុង១ គីឡូក្រាម ។​​ បន្ថែមពីនេះ ប្រធាន​សហព័ន្ធស្រូវអង្ករ​កម្ពុជា បាន​​​អំពាវនាវដល់ប្រជាកសិករនៅទូទាំងប្រទេសកម្ពុជា ជ្រើសរើសពូជស្រូវជាតិ២ប្រភេទគឺ ផ្ការំដួល និងសែនក្រអូប សម្រាប់ធ្វើការដាំដុះ ដោយសារពូជស្រូវទាំងនេះ មានតម្រូវការទីផ្សារសម្រាប់ការនាំចេញខ្ពស់ ឋិតថេរ និងមានតម្លៃសមរម្យ។ កន្លងទៅថ្មីៗនេះ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាល ទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) បាន​ស្នើសុំឲ្យរោងម៉ាស៊ីនក្នុងស្រុក ជួយបន្ត ប្រមូលទិញស្រូវពីកសិករបន្ថែមទៀត។ បច្ចុប្បន្ននេះ​ រោងម៉ាស៊ីនកិនស្រូវទាំងនោះ កំពុងមមាញឹកទិញស្រូវក្នុងតម្លៃ ប្រមាណ ១០២០រៀលក្នុងមួយគីឡូក្រាម ចំពោះស្រូវ OM […]

ភ្នំពេញ ៖ធនាគារអភិវឌ្ឍន៍អាស៊ី (ADB)នៅថ្ងៃទី២៥ ខែកញ្ញាឆ្នាំ២០២៤នេះបានរក្សាការព្យាករកំណើនសេដ្ឋកិច្ចរបស់ខ្លួនសម្រាប់កម្ពុជាថា នៅកម្រិត ៥,៨% សម្រាប់ឆ្នាំ ២០២៤ និង ៦,០%សម្រាប់ឆ្នាំ ២០២៥។ អ្នកជំនាញធនាគារអភិវឌ្ឍន៍អាស៊ី (ADB)បាន​ចាត់ទុកថា កំណើននេះ វាឆ្លុះបញ្ចាំងពីការកើនឡើងតិចតួចនៃថ្លៃម្ហូបអាហារ និង ការ ធ្លាក់ចុះនៃថ្លៃប្រេងឥន្ធនៈនៅក្នុងឆមាសទី១ ឆ្នាំ ២០២៤ ធនាគារអភិវឌ្ឍន៍អាស៊ី បានបន្ថយការព្យាករ អតិផរណាពីមុនរបស់ខ្លួនពី ២,០% មក ០,៥%សម្រាប់ឆ្នាំ ២០២៤ នេះបើយោងតាម ទស្សនវិស័យ អភិវឌ្ឍន៍អាស៊ី (Asian Development Outlook ឬ ADO) ខែកញ្ញា ឆ្នាំ២០២៤។ លោកស្រី Jyotsana Varma នាយិកា ធនាគារអភិវឌ្ឍន៍អាស៊ីប្រចាំកម្ពុជា មានប្រសាសន៍ថា ការ ស្ទុះងើបឡើងវិញនៃវិស័យវាយនភណ្ឌ ជាពិសេសសម្លៀកបំពាក់ ស្បែកជើង និងទំនិញធ្វើដំណើរកំពុង ជំរុញកំណើ​ន​សេដ្ឋកិច្ចប្រទេសកម្ពុជា។ វិស័យកសិកម្ម និងទេសចរណ៍កំពុងបន្តកើនឡើង ខណៈការបន្ត ហូរចូលនៃការវិនិយោគផ្ទាល់ពីបរទេស កំពុងជួយជំរុញល្បឿនសេដ្ឋកិច្ចកម្ពុជ រៀនសេដ្ឋកិច្ចកម្ពុជា។ […]