ខូឡូរ៉ាដូ៖ កសិករដាំស្រូវសាលីនៅរដ្ឋខូឡូរ៉ាដូ (Colorado) សហរដ្ឋអាម៉េរិក អាចបោះបង់ចោលស្រូវសាលីច្រើនបំផុត នៅឆ្នាំ២០២៦នេះ បន្ទាប់ពីគ្រោះរាំងស្ងួតធ្ងន់ធ្ងរ ចំណែករដូវរងារប្រែជាក្តៅ និងធ្លាក់ទឹកកកខុសរដូវដ៏អាក្រក់ បានបំផ្លាញទិន្នផលស្រូវសាលីជិតពាក់កណ្តាលនៃដំណាំរបស់រដ្ឋ។
ទោះបីជាវាលស្រូវសាលីជិតដល់ពេលប្រមូលផលក៏ដោយ ក៏ផ្ទៃដីដាំដំណាំស្រូវសាលីជាច្រើនត្រូវស្កកស្ទើរទាំងអស់ ដោយសារធ្លាក់ព្រឹលទឹកកកនៅដំណាក់កាលដំណាំកំពុងតែលូតលាស់ ដែលនាំឱ្យមាកសិករសម្រេចចិត្តបោះបង់ចោលប្រមាណពី៤០ ទៅ៥០ភាគរយ ដែលបានព្យាករណ៍ថា ទិន្នផលស្រូវសាលីនៅក្នុងរដ្ឋទាំងមូល មានត្រឹមតែ ប្រមាណ៩១៣ ៨៤៥តោនប៉ុណ្ណោះ បើប្រៀបធៀបទៅនឹង១,៨លានតោន នៅឆ្នាំ២០២៥។
វាលស្រូវសាលី ដែលទទួលរងការបំផ្លិចបំផ្លាញដោយសារព្រឹលទឹកកក បានបង្ខំឱ្យកសិករងារទៅការធានារ៉ាប់រងដំណាំ និងតម្រូវការពូជសម្រាប់ការដាំដុះ និងផ្លាស់ប្តូរពេលវេលាសម្រាប់ដាំដុះឡើងវិញ ដើម្បីកាត់បន្ថយហានិភ័យពីបរិស្ថាននាពេលអនាគត។
នៅឆ្នាំ២០២៦នេះ កសិករនៅភាគខាងកើតរដ្ឋខូឡូរ៉ាដូ ដែលជាធម្មតាដាំស្រូវសាលីជិតពីរលានហិកតា បានតស៊ូនឹងគ្រោះរាំងស្ងួត សម្ពាធសត្វល្អិត និងព្រឹកទឹកកករយៈពេលយូរ ប៉ុន្តែមើលទៅស្រូវសាលីដូចគ្មានគ្រាប់ឡើយ។
នាយកប្រតិបត្តិនៃក្រុមប្រឹក្សារដ្ឋបាលស្រូវសាលីនៃរដ្ឋខូឡូរ៉ាដូ បាននិយាយថា “យើងបានដឹងថា ដំណាំនេះបានជួបប្រទះរដូវរងាស្ងួតខ្លាំង និងរដូវរងាក្តៅខ្លាំង លើសពីការស្ងួត ដែលបានពន្លឿនការអភិវឌ្ឍដំណាំ ដូច្នេះ វាខ្លី និងមិនមានគ្រប់ និងរាំងស្ងួត”។
លោកបាននិយាយថា គ្រោះរាំងស្ងួត ដែលជារដូវរងាដ៏ក្តៅ និងជារដូវធ្លាក់ព្រឹកទឹកកកនៅខែមេសា និងឧសភា បានបំផ្លាញដំណាំស្រូវសាលីនៅទូទាំងរដ្ឋខូឡូរ៉ាដូ ដោយបង្ខំឱ្យកសិករបោះបង់ចោលស្រូវសាលីរហូតដល់៥០ភាគរយ។
គ្រោះរាំងស្ងួត និងរដូវរងាក្តៅខុសពីធម្មតា រួមជាមួយនឹងព្រឹត្តិការណ៍ព្រឹលទឹកកកធ្លាក់ខ្លាំងនៅសប្តាហ៍ទីបីនៃខែមេសា បានធ្វើឱ្យស្រូវសាលីងាយរងគ្រោះចំពោះអាកាសធាតុត្រជាក់។
ដោយសារតែកង្វះខាតស្រូវសាលី ដែលអាចប្រមូលផលបាន រដ្ឋខូឡូរ៉ាដូ ត្រូវបានគេព្យាករណ៍ថា នឹងផលិតបានប្រហែល៥០ភាគរយ នៃផលិតកម្មស្រូវសាលី ដែលក្កនុងរយៈពេល១០ឆ្នាំកន្លងមក តែងតែផលិតបានប្រមាណ៩១៣ ៨៤៥តោនប៉ុណ្ណោះ បើប្រៀបធៀបទៅនឹង១,៨លានតោន នៅឆ្នាំ២០២៥ ដូច្នេះកសិករជាច្រើននឹងត្រូវបង្ខំឱ្យបោះបង់ចោលដំណាំរបស់ខ្លួន ព្រោះមិនមានទិន្នផល។
លោកនាយកប្រតិបត្តិនៃក្រុមប្រឹក្សារដ្ឋបាលស្រូវសាលីនៃរដ្ឋខូឡូរ៉ាដូ បាននិយាយថា ក្រសួងកសិកម្មសហរដ្ឋអាម៉េរិក បានព្យាករណ៍ត្រឹមតែ១,២៨លានហិកតា ដែលអាចប្រមូលផលបាន ប៉ុន្តែបែរជាកសិករបោះបង់ចោលប្រហែល រហូតដល់៤០ ឬ៥០ភាគរយ ដោយសារស្រូវសាលីភាគច្រើនត្រូវកកដោយសារធ្លាក់ព្រឹលត្រជាក់ខ្លាំង៕
