សេអ៊ូល៖ ទោះបីជារដ្ឋាភិបាលកូរ៉េខាងត្បូង បានចំណាយលុយដើម្បីទិញអតិរេកស្រូវ ដែលកសិករផលិតបានលើសពីតម្រូវការលើទីផ្សារក៏ដោយ រដ្ឋាភិបាលកូរ៉េខាងត្បូងឥឡូវនេះកំពុងតែប្រឈមមុខនឹងការរិះគន់កាន់តែខ្លាំងឡើង នៅពេលតម្លៃស្រូវឡើងជាបន្តបន្ទាប់។
រដ្ឋាភិបាលបានព្យាយាមរក្សាស្ថិរភាពតម្លៃស្រូវនេះ ដើម្បីទប់ទល់នឹងការធ្លាក់ថ្លៃ ដែលបណ្តាលមកពីការជន់ជោរស្រូវនៅលើទីផ្សារ រដ្ឋាភិបាលបានប្រមូលទិញស្រូវមកស្តុកទុក ប៉ុន្តែការទិញរបស់រដ្ឋាភិបាលក្នុងទ្រង់ទ្រាយធំចាប់តាំងពីពេលនោះមក បាននាំឱ្យមានង្វះខាតស្រូវនៅលើទីផ្សារទៅវិញ ដែលជំរុញឱ្យតម្លៃកើនឡើង។
ខណៈពេលការអន្តរាគមន៍របស់រដ្ឋាភិបាល ដើម្បីជួយរក្សាស្ថិរភាពតម្លៃស្រូវក្នុងរដូវប្រមូលផល បរិមាណទិន្នផលស្រូវលើសពីតម្រូវការ ត្រូវបានរដ្ឋាភិបាលទិញមកស្តុកទុក ដែលផែនការនេះបណ្តាលឱ្យមានការខ្វះស្រូវនៅក្នុងបណ្តាញចែកចាយរបស់ឯកជន។
យោងតាមវិទ្យាស្ថានសេដ្ឋកិច្ចជនបទកូរ៉េ បានឱ្យដឹងថា ស្តុកស្រូវរបស់វិស័យឯកជនមានចំនួន៧១២ ០០០តោន នៅចុងខែមេសា ឆ្នាំ២០២៥ ដោយធ្លាក់ចុះចំនួន២៣០ ០០០តោន ឬស្មើនិង២៣ភាគរយ បើធៀបនឹងឆ្នាំមុន និងមានចំនួនប្រាំបីភាគរយទាបជាងប្រវត្តិមធ្យមភាគកន្លងមក។
ក្រុមហ៊ុនកិនស្រូវឯកជនមួយចំនួនបានដកស្តុកទុកហើយ ហើយឥឡូវនេះកំពុងទិញស្រូវមកវិញពីរោងម៉ាស៊ីនកិនស្រូវធំៗ ដែលដំណើរការដោយសហព័ន្ធសហគមន៍កសិកម្មជាតិ។
នៅពេលដែលតម្រូវការប្រមូលផ្តុំជុំវិញរោងម៉ាស៊ីនកិនស្រូវធំៗទាំងនេះ តម្លៃស្រូវកំពុងឡើងបន្តទៀត ផ្តល់ចំណេញដល់ឈ្នួញប្រមូលទិញស្តុកទុក ប៉ុន្តែកសិករមិនបានចំណេញពី
អគ្គលេខាធិការសហព័ន្ធកសិករដាំស្រូវកូរ៉េ បានកត់សម្គាល់ថា “កសិករបានលក់ស្រូវទើបប្រមូលផលរួចហើយនៅចន្លោះខែតុលា ដល់ខែធ្នូ ដូច្នេះពួកគេមិនទទួលបានផលចំណេញពីការកើនឡើងថ្លៃនាពេលថ្មីៗនេះទេ។ អ្នកបានចំណេញ គឺអ្នកទិញស្រុវស្តុកទុកដូចជារោងម៉ាស៊ីនកិនស្រូវធំៗជាដើម។
ទោះបីជាមានការបញ្ចេញស្តុកស្រូវរបស់រដ្ឋាភិបាល ដើម្បីជួយបន្ធូរបន្ថយសម្ពាធកើនឡើងលើតម្លៃក៏ដោយ រដ្ឋបាលនៅតែប្រុងប្រយ័ត្ន។ រាល់សកម្មភាពបែបនេះ ប្រថុយប្រថាននឹងប្រតិកម្មពីអ្នកលក់រាយ ដែលខ្លាចការធ្លាក់ថ្លៃ និងកសិករ ដែលសង្ឃឹមថា នឹងឡើងថ្លៃក្នុងរដូវប្រមូលផលនាពេលខាងមុខ។
កាលពីខែកញ្ញា ឆ្នាំ២០២៤ មុនការប្រមូលផលចាប់ផ្តើម តម្លៃស្រូវលក់ដុំមានតម្លៃប្រហែល៤៣ ០០០វ៉ុន ឬស្មើនឹង៣៨ដុល្លារ ក្នុងស្រូវទម្ងន់២០គីឡូក្រាម។ ចំណែកក្នុងអំឡុងខែប្រមូលផលវិញ គឺខែតុលា និងវិច្ឆិកា តម្លៃនៅតែត្រឹមពី៤៦ ០០០វ៉ុន ឬស្មើនឹង៤០ដុល្លារ។ ដោយព្រួយបារម្ភពីការធ្លាក់ចុះប្រាក់ចំណូលផ្នែកកសិកម្ម រដ្ឋាភិបាលកូរ៉េខាងត្បូង បានធ្វើអន្តរាគមន៍ ដើម្បីទិញស្រូវលើសពីទីផ្សារមករក្សាទុកក្នុងស្តុក។
យោងតាមស្ថិតិកូរ៉េ កូរ៉េខាងត្បូងផលិតស្រូវបានចំនួន៣,៥៨៥លានតោន ក្នុងឆ្នាំ២០២៤ ហើយស្រូវប្រហែល៥៦ ០០០តោន លើសតម្រូវការ ដែលប៉ាន់ស្មានថាចំនួន៣,៥២៩លានតោន សម្រាប់ឆ្នាំ២០២៥។ ប៉ុន្តែរដ្ឋាភិបាលបានទិញស្រូវប្រមាណ២០០ ០០០តោន នៃអតិរេកស្រូវជាក់ស្តែង។
ខណៈពេលការអន្តរាគមន៏របស់រដ្ឋាភិបាល បានជួយរក្សាស្ថិរភាពតម្លៃស្រូវក្នុងអំឡុងពេលប្រមូលផល បរិមាណស្រូវលើស ដែលត្រូវបានរដ្ឋទិញយកមកស្តុកទុក បែរជាបណ្តាលឱ្យមានការខ្វះខាតនៅក្នុងបណ្តាញចែកចាយឯកជនទៅវិញ។
យោងតាមវិទ្យាស្ថានសេដ្ឋកិច្ចជនបទកូរ៉េ ស្រូវនៅក្នុងស្តុករបស់វិស័យឯកជនមានចំនួន៧១២ ០០០តោន នៅចុងខែមេសា ឆ្នាំ២០២៥ គឹធ្លាក់ចុះចំនួន២៣០ ០០០តោន៕
