ភ្នំពេញ៖ ប្រទេសចិននៅតែជាប្រទេសធំជាងគេ ក្នុងការនាំចូលអង្ករ និងកសិផលកែច្នៃ មានដូចជាផ្លែស្វាយស្ងួត ទុរេនស្ងួត ដែលផលិផលទាំងនេះបង្ហាញពីវឌ្ឍនភាពថ្មីទទួលបានពីកិច្ចសហប្រតិបត្តិការក្នុងវិស័យកសិកម្មនិងពាណិជ្ជកម្មរវាងប្រទេសទាំងពីរ។
យោងតាមតួលេខសហព័ន្ធស្រូវអង្ករកម្ពុជា ក្នុងរយៈពេលប្រាំខែដំបូងនៃឆ្នាំ ២០២៥នេះបានបង្ហាញថា ការនាំចេញអង្កររបស់កម្ពុជាបានកើនឡើង១៣.៧% បើធៀបនឹងរយ:ពេលដូចគ្នាកាលពីឆ្នាំមុន ចំនួនដល់៣៤ម៉ឺន ៤១៩៩ តោន តម្លៃនាំចេញ ២៥២.៣ លានដុល្លារ។
ក្នុងនោះ ប្រទេសចិននៅតែជាប្រទេសធំជាងគេ ក្នុងការនាំចូលអង្ករកម្ពុជា មានចំនួន ៩០៦៦៥ តោន ដែលមានតម្លៃ ៥៣.២៥ លានដុល្លារ។
កាលពីថ្ងៃទី៧ ខែមិថុនាកន្លងទៅនេះ សហគ្រាសអាហារក្វាងស៊ី ប្រទេសចិន និងសហគ្រាសអាហារនៅកម្ពុជា បានចុះហត្ថលេខាលើកិច្ចព្រមព្រៀងសហប្រតិបត្តិការយុទ្ធសាស្ត្រដើម្បីនាំចេញផ្លែស្វាយស្ងួតកម្ពុជាចំនួនពីរម៉ឺន តោន (២០២៥-២០២៧) និងទុរេនស្ងួតកម្ពុជាចំនួន១,៥ម៉ឺន តោន (២០២៥-២០២៦) ទៅកាន់ប្រទេសចិនដែលក្នុងទឹកប្រាក់ចំនួន ១,៦ ពាន់លានយ័នចិន។
នៅរយៈពេលប្រាំឆ្នាំចុងក្រោយនេះ ប្រទេសចិនបាននាំមុខគេ ក្នុងការបញ្ជាទិញអង្ករពីកម្ពុជាច្រើនជាងគេ វ៉ាដាច់សហគមន៍អឺរ៉ុប ដែលធ្លាប់តែឈរនៅលេខ១ សម្រាប់អ្នកទិញអង្ករពីកម្ពុជាកាលពីពេលកន្លងមក។ ប្រទេសចិនបានក្លាយជាទីផ្សារដ៏សំខាន់ សម្រាប់ការនាំចេញអង្កររបស់កម្ពុជា ។
យោងតាមសហព័ន្ធស្រូវអង្ករកម្ពុជា បានបង្ហាញទៀតថា ចិននៅតែជាទីផ្សារនាំមុនគេដដែល ហើយជាពិសេសនោះនឹងជំរុញដល់ការនាំចេញអង្ករឱ្យបានមួយលានតោនក្នុងមួយឆ្នាំ តាមផែនការរបស់រាជរដ្ឋាភិបាល។ ប្រទេសចិនបានឈរនៅលំដាប់ទី១ ដែលនាំចូលអង្ករកម្ពុជាច្រើនជាងគេ បន្ទាប់ពីសហគមន៍អឺរ៉ុបបានកំណត់យកពន្ធលើការនាំចូលអង្ករពីកម្ពុជារយៈពេលបីឆ្នាំ ពោលគឺពីឆ្នាំ២០១៩ ដល់ឆ្នាំ២០២១។
សម្រាប់ឧកញ៉ា សុង សារ៉ន អគ្គនាយកក្រុមហ៊ុន Amru Rice បានចាត់ទុកថា ការនាំចេញអង្ករទៅប្រទេសចិនបានកើនឡើងបន្តបន្ទាប់ ក្រោយពីកម្ពុជា និងចិនបានប្តេជ្ញាជាមួយគ្នាក្នុងការបង្កើនការធ្វើពាណិជ្ជកម្ម និងការឈានទៅដល់ការចុះអនុស្សារណៈយោគយល់គ្នា លើការផ្តល់កិច្ចសហប្រតិបត្តិការជួយទិញអង្ករពីកម្ពុជាទៅចិន ដែលមានប្រាំមួយលើកមកហើយ។
សម្រាប់ពេលបច្ចុប្បន្ន និងអនាគតមិនអាចមានទីផ្សារណា ដែលអាចស្រូបយកអង្កររបស់កម្ពុជាក្នុងបរិមាណច្រើន ក្រៅពីចិននោះទេ។ ប្រាំឆ្នាំទៅមុខទៀត ចិននៅតែបន្តនាំមុខគេក្នុងការទិញអង្ករពីកម្ពុជាដដែល បើទោះបីជាអឺរ៉ុប បញ្ឈប់ការយកពន្ធលើការនាំចូលអង្ករពីកម្ពុជា ចាប់ពីឆ្នាំ២០២២នេះ ក៏ដោយ។
សមិទ្ធផលនេះបានបញ្ជាក់ពីភាពលេចធ្លោឥតខ្ចោះ និងការបន្តប្រកួតប្រជែងរបស់អង្ករកម្ពុជានៅក្នុងទីផ្សារប្រទេសចិន និងពិភពលោក ព្រមទាំងបង្ហាញពីការទទួលស្គាល់ជាអន្តរជាតិនៃផលិតផលអង្ករកម្ពុជា។
ក្នុងរយៈពេលបួនខែដំបូងនៃឆ្នាំ២០២៥ ទំហំនាំចូល និងនាំចេញសរុបរវាងខេត្តក្វាងស៊ី និងកម្ពុជាឈានដល់ ២.១៦ ពាន់លានយ័នចិន កើនឡើង ៧.៩% បើធៀបនឹងរយ:ពេលដូចគ្នាកាលពីឆ្នាំ២០២៤ ដែលភាគច្រើនបានរួមចំណែកដោយផលិតផលកសិកម្ម។ តាមរយៈនៃការចុះហត្ថលេខាលើកិច្ចព្រមព្រៀងថ្មីនឹងជួយបន្តសន្ទុះនៃកំណើនកាន់តែល្អប្រសើរ៕
យោងតាមតួលេខសហព័ន្ធស្រូវអង្ករកម្ពុជា ក្នុងរយៈពេលប្រាំខែដំបូងនៃឆ្នាំ ២០២៥ ការនាំចេញអង្កររបស់កម្ពុជាបានកើនឡើង ១៣.៧% បើធៀបនឹងរយ:ពេលដូចគ្នាកាលពីឆ្នាំមុន ចំនួនដល់ ៣៤៤១៩៩ តោន តម្លៃនាំចេញ ២៥២.៣ លានដុល្លារអាមេរិក។
ចំណែកលោក វ៉ាង វិនពីន ឯកអគ្គរដ្ឋចិនប្រចាំកម្ពុជា កាលពីថ្ងទី១១ ខែមិថុនា ឆ្នាំ២០២៥ បានសម្តែងសេចក្តីសាទរដល់ភាពកលេខធ្លោ និងការប្រកួតប្រជែងរបស់មានកំណើននាំចូលទៅក្នុងទីផ្សាររបស់ចិន ជាបន្តបន្ទាប់។
លោកឯកអគ្គរដ្ឋទូត មានសរសេរសារនៅគណនីហ្វេសប៊ុករបស់លោកដូច្នេះថា «ប្រទេសចិននៅតែជាប្រទេសធំជាងគេ ក្នុងការនាំចូលអង្ករ មានចំនួន ៩០៦៦៥ តោន ដែលមានតម្លៃ ៥៣.២៥ លានដុល្លារអាមេរិក។ សមិទ្ធផលនេះបានបញ្ជាក់ពីភាពលេចធ្លោឥតខ្ចោះ និងការបន្តប្រកួតប្រជែងរបស់អង្ករកម្ពុជានៅក្នុងទីផ្សារប្រទេសចិន និងពិភពលោក ព្រមទាំងបង្ហាញពីការទទួលស្គាល់ជាអន្តរជាតិនៃផលិតផលអង្ករកម្ពុជា៕
