របររកត្រីធម្មជាតិក្លាយជាបង្អែកមួយ ក្នុងការជួយរកចំណូលសម្រាប់គ្រួសារកសិករតាមស្រុកស្រែចម្ការ

IMG_3887

កំពង់ស្ពឺ៖ បើទោះបីជារបរតូចតាច ដែលប្រជាកសិករតាមស្រុកស្រែចម្ការមួយចំនួនបានបំភ្លេចវាទៅហើយនោះ ក៏របររកត្រីតាមទីជនបទ ដែលពុំសម្បូរបឹងបួរនោះ នៅតែបានក្លាយជាប្រភពចំណូលមួយសម្រាប់ប្រជាកសិករខ្មែរ រស់នៅតាមទីជនបទស្រុកស្រែចម្ការរហូតមកដល់ពេលបច្ចុប្បន្ន។

របរនេសាទត្រី មិនថាជារដូវប្រាំង ឬវស្សាទេ ក៏ប្រជាកសិករអាចចេញទៅរកត្រីជារៀងរាល់ថ្ងៃ ដើម្បីរកប្រាក់ចំណូលសម្រាប់គ្រួសារ ឬយ៉ាងហោចណាស់ អាចបានត្រីមកធ្វើម្ហូប គ្រាន់បើជាថទិញគេដែរ។

កំពុងជួសជុលសំណាញ់យ៉ាងយកចិត្តទុកដាក់ ដែលទើបតែមកពីបង់ត្រីតាមស្ទឹង និងត្រពាំង លោក អ៊ុត ម៉ៅ ប្រជាកសិកររស់នៅភូមិ ទំនាប ឃុំអមលាំង ស្រុកថ្ពង ខេត្តកំពង់ស្ពឺ បាននិយាយថា ស្ទើរជារៀងរាល់ថ្ងៃ បន្ទាប់ពីលោកបានផ្លាស់ប្តូរពីរបរចូលព្រៃកាប់ឈើ មកជាអ្នកនេសាទវិញ លោកអាចរកចំណូលសម្រាប់ជួយគ្រួសារបានមួយផ្នែកធំ។

លោកបានរំឭកថា មានថ្ងៃខ្លះលោកអាចចាប់ត្រីបានពី៤ ទៅជាង២០គីឡូក្រាម និងលក់បានប្រាក់ចំណូលពី៣០ ០០០ ដល់ជាង១០០ ០០០រៀល។

ក្នុងវ័យ៤០ឆ្នាំប្លាយ លោក អ៊ុត ម៉ៅ បានរៀបរាប់ប្រាប់ថា ការចេញនេសាទត្រីរបស់លោកច្រើនតែប្រើសំណាញ់បង់ និងប្រើមងខ្លះៗ ហើយអាចចាប់ត្រីបាន​គ្រប់ប្រភេទ ដើម្បីយកមកលក់ក្នុងមួយគីឡូក្រាមតម្លៃ១០០០០រៀល ដោយលក់ឱ្យអ្នកភូមិផងរបងជាមួយ។

លោកបានប្រាប់ទៀតថា ត្រីធម្មជាតិតាមពិតក៏សម្បូរផងដែរ ឱ្យតែយើងមិនប្រើឧបករណ៍ខុសច្បាប់ ដូចជាឆក់ ដែលនាំឱ្យបំផ្លិចបំផ្លាញត្រីធម្មជាតិ។ នៅតំបន់លោករស់នៅ ពេលចេញរកត្រីម្តងៗយ៉ាងហោចណាស់ ក៏អាចបានយកមកធ្វើម្ហូបសម្រាប់ហូបចុកក្នុងគ្រួសារដែរ។

ទោះជាយ៉ាងណាក្តីបុរសរូបនេះ បានត្អូញត្អែរដែរថា ការរកត្រីតាមធម្មជាតិ មានថ្ងៃខ្លះបានច្រើន ឬតិចទៅតាមទីតាំងប៉ុណ្ណោះ ហើយប្រាក់ចំណូលទៀតសោត ក៏មិនទៀតទាត់ឡើយ។

បុរសដែលធ្លាប់តែចូលព្រៃកាប់ឈើអស់រយៈពេលជាង១០ឆ្នាំ ប៉ុន្តែបានងាកមកប្រកបរបររកត្រី និងពេលខ្លះដើរស៊ីឈ្នួលគេ បានរំឭកប្រាប់ថា កាលពីប្រកបរបរចូលព្រៃកាប់ឈើ គឺជួបការលំបាកណាស់ ហើយជាមុខរបរខុសច្បាប់ទៀត។ បច្ចុប្បន្នលោកប្រកបរបររកត្រីក្រៅពីមានចំណូលរកទៀងទាត់ជាងមុន លោកក៏អាចមានពេលនៅផ្ទះ ជួយថែរក្សាកូនចៅបានច្រើនជាងមុន។

ដោយឡែក អ្នកស្រី ឆោម ប៉ែត ជាភរិយាបានប្រាប់ថា មុខរបររកត្រី គឺជាជម្រើសមួយ ដែលគ្រួសារអ្នកស្រីបានប្រកាន់យករយៈពេល២ទៅ៣ឆ្នាំកន្លងមកនេះ ធ្វើឱ្យក្រុមគ្រួសារសប្បាយចិត្តច្រើន មិនដូចកាលពីចូលព្រៃកាប់ឈើ ដែលតែងតែជួបការលំបាកខ្លាំងណាស់ ហើយប្រឈមមុខនិងផ្លូវច្បាប់ទៀតផង។ ចំណែករបររកត្រី ប្រសិនបើរកបានច្រើនលក់មិនអស់ អ្នកស្រីអាចថ្នៃធ្វើប្រហុក ផ្អកត្រីងៀត ត្រីឆ្អើ សម្រាប់លក់នៅថ្ងៃក្រោយ។

ទាក់ទិនក្នុងរឿងនេះ អ្នកស្រី ទឹម ចំណូល ប្រធានសហគមន៍សាមគ្គីអមលាំង ស្ថិតនៅឃុំអមលាំង ស្រុកថ្ពង ខេត្តកំពង់ស្ពឺ បានប្រាប់ឱ្យដឹងថា ប្រជាពលរដ្ឋនៅក្នុងសហគមន៍ ក្រៅពីប្រកបរបរធ្វើស្រែចម្ការ អ្នកខ្លះឆ្លៀតរកត្រីសម្រាប់ផ្គត់ផ្គង់ជីវភាពគ្រួសារ និងលក់ឱ្យអ្នកភូមិផងរបងជាមួយផងដែរ។

ប្រធានសហគមន៍រូបនេះបានឱ្យដឹងដែរថា ក្នុងសហគមន៍អ្នកស្រីមានសមាជិក២៨៨នាក់ ដោយក្នុងនេះក្រុមដាំបន្លែមានចំនួន៥២នាក់។ក្រៅពីនេះក៏មានអ្នកចិញ្ចឹមសត្វ និងរុករកអនុផលព្រៃឈើជាដើម។

លោក រិត សំរ៉េត ប្រធានការិយាល័យកសិកម្ម រុក្ខាប្រមាញ់ និងនេសាទ ស្រុកថ្ពង ខេត្តកំពង់ស្ពឺ បានបញ្ជាក់ប្រាប់ទូរទស្សន៍អនឡាញ ARDBថា ប្រភពត្រីធម្មជាតិនៅស្រុកថ្ពងនោះមានទីតាំងសំខាន់ៗចំនួនបី គឺទំនប់អន្លង់ជ្រៃ ទំនប់៨មុំ និងទំនប់អូរចា។ ទំនប់ទាំងបីនេះបានផ្តល់នូវធនធានធម្មជាតិយ៉ាងសម្បូរបែប ដែលប្រជាកសិករអាចមកនេសាទត្រីសម្រាប់ហូបក្នុងគ្រួសារ និងអាចយកទៅលក់សម្រាប់រកប្រាក់ចំណូលផ្គត់ផ្គង់ជីវភាពគ្រួសារផងដែរ។

​លោកបញ្ជាក់បន្ថែមទៀតថា នៅតំបន់ប្រភពទឹកទាំងនេះ ប្រជាសហគមន៍ និងអាជ្ជាធរមូលដ្ឋានសហការគ្នាបង្ក្រាប និងទប់ស្កាត់បទល្មើសនេសាទខុសច្បាប់ ដូចជាការឆក់ត្រី ឬការប្រើឧបករណ៍ខុសច្បាប់ ទើបធ្វើឱ្យត្រីសម្បូរទាំងរដូវវស្សា និងរដូវប្រាំង បង្កលក្ខណៈងាយស្រួលដល់ប្រជាពលរដ្ឋ អាចនេសាទបានសម្រាប់ធ្វើម្ហូប និងលក់យកប្រាក់ចំណូលគ្រួសារ។

បើយោងតាមរបាយការណ៍ស្ថិតិផលនេសាទរបស់ក្រសួងកសិកម្ម រុក្ខាប្រមាញ់ និងនេសាតទ កន្លងមកបានឱ្យដឹងថា ក្នុងចំណោមអ្នកនេសាទច្រើនបំផុតនៅកម្ពុជា គឺបានទៅបុរសពេញវ័យមានសកម្មភាពនេសាទរហូតដល់៩១,៥ភាគរយ ស្រ្តីពេញវ័យ៩,៣ភាគរយ និងក្រៅពីនេះក្មេងប្រុសចូលរួមនេសាទខ្ពស់ជាងក្មេងស្រីផងដែរ។

ដោយឡែកក្នុងចំណោមត្រី ដែលគេនេសាទបានច្រើនជាងគេមានចំនួន២០ប្រភេទ ក្នុងនោះមានដូចជា ប្រភេទត្រីរ៉ស់ឬផ្ទក់ ត្រីក្រាញ់ និងប្រភេទត្រីរៀលអង្កាមជាដើមម ដែលជាប្រភេទត្រីសម្បូរជាងគេ និងងាយនេសាទ៕


photo_2026-11-13_13-49-41
ស្វាយចន្ទីខ្មែរ កំពុងទាក់ចិត្តក្រុមហ៊ុនជប៉ុនមួយទៀត មកកែច្នៃគ្រាប់ និងចម្រាញ់ប្រេង

ភ្នំពេញ៖ ក្រុមហ៊ុនជប៉ុន ជេ អេហ្វ អ៊ី ស៊ូជី (JFE Shoji) កំពុងស្វែងរកឱកាសវិនិយោគនៅកម្ពុជា លើការបង្កើតរោងចក្រកែច្នៃគ្រាប់ស្វាយចន្ទី និងចម្រាញ់ប្រេងពីសំបកស្វាយចន្ទី ដែលអាចមានសមត្ថភាពកែច្នៃគ្រាប់ស្វាយចន្ទីឆៅ ៣០ ០០០តោន និងផលិតប្រេង CNSL ៥ ០០០តោនក្នុងមួយឆ្នាំ។ គម្រោងនេះគ្រោងចាប់ផ្តើមដំណើរការវិនិយោគ និងសាងសង់នៅឆ្នាំ២០២៧ ប្រសិនបើការសាកល្បងបច្ចេកទេសទទួលបានជោគជ័យ។ ក្រុមហ៊ុន ជេ អេហ្វ អ៊ី ស៊ូជី (JFE Shoji) របស់ជប៉ុន កំពុងស្វែងរកឱកាសវិនិយោគ និងកិច្ចសហការដើម្បីបង្កើតរោងចក្រកែច្នៃគ្រាប់ស្វាយចន្ទី និងរោងចក្រចម្រាញ់ប្រេងពីសំបកស្វាយចន្ទីនៅកម្ពុជា ដែលអាចមានសមត្ថភាពកែច្នៃគ្រាប់ស្វាយចន្ទីឆៅ៣០​ ០០០តោនក្នុងមួយឆ្នាំ។ យោងតាមសមាគមស្វាយចន្ទីកម្ពុជា (CAC) គម្រោងនេះត្រូវបានលើកយកមកពិភាក្សាក្នុងជំនួបរវាងសមាគម និងលោក កិស៊ូកិ សាតូ (Keisuke Satoh) អនុប្រធានក្រុមហ៊ុន ជេ អេហ្វ អ៊ី ស៊ូជី វៀតណាម ដើម្បីស្វែងយល់ពីលទ្ធភាពវិនិយោគលើគម្រោងនេះ។ តាមផែនការ រោងចក្រកែច្នៃគ្រាប់ស្វាយចន្ទីនឹងមានសមត្ថភាពកែច្នៃគ្រាប់ស្វាយចន្ទីឆៅ ៣០.០០០តោនក្នុងមួយឆ្នាំ និងទទួលបានសំបកស្វាយចន្ទីប្រមាណ២០ ០០០តោន ក្នុងមួយឆ្នាំ […]

photo_2026-11-13_10-10-24
ទិន្នន័យកសិកម្មឆ្នាំ២០២៥ ត្រូវបានប្រកាសឱ្យប្រើសម្រាប់គាំទ្រគោលនយោបាយអភិវឌ្ឍសេដ្ឋកិច្ច និងសង្គម

ភ្នំពេញ៖ កម្ពុជាបានប្រកាសដាក់ឱ្យប្រើប្រាស់ជាផ្លូវការរបាយការណ៍អង្កេតកសិកម្មឆ្នាំ២០២៥ ដើម្បីផ្តល់ទិន្នន័យស្ថិតិសំខាន់ៗសម្រាប់គាំទ្រការរៀបចំគោលនយោបាយ និងផែនការអភិវឌ្ឍវិស័យកសិកម្ម ខណៈរបាយការណ៍នេះគ្របដណ្តប់លើការដាំដុះដំណាំ ការចិញ្ចឹមសត្វ វារីវប្បកម្ម និងការនេសាទ។ កម្ពុជាបានប្រកាសដាក់ឱ្យប្រើប្រាស់ជាផ្លូវការនូវរបាយការណ៍អង្កេតកសិកម្មកម្ពុជា ឆ្នាំ២០២៥ ដើម្បីផ្តល់ទិន្នន័យស្ថិតិដល់ក្រសួង ស្ថាប័នពាក់ព័ន្ធ ដៃគូអភិវឌ្ឍន៍ និងអ្នកប្រើប្រាស់ផ្សេងទៀត សម្រាប់គាំទ្រការរៀបចំគោលនយោបាយ ផែនការ និងការសម្រេចចិត្តក្នុងការអភិវឌ្ឍសេដ្ឋកិច្ច និងសង្គមកម្ពុជា។ ពិធីប្រកាសនេះធ្វើឡើងនៅថ្ងៃទី១២ ខែវិច្ឆិកា ឆ្នាំ២០២៦ នៅសណ្ឋាគារភ្នំពេញ ក្រោមកិច្ចសហការរវាងវិទ្យាស្ថានជាតិស្ថិតិ នៃក្រសួងផែនការ ក្រសួងកសិកម្ម រុក្ខាប្រមាញ់ និងនេសាទ និងអង្គការស្បៀង និងកសិកម្មនៃសហប្រជាជាតិ។ ក្នុងឱកាសនោះ លោក ប៊ិន ត្រឈៃ រដ្ឋមន្ត្រីក្រសួងផែនការ បានថ្លែងថា ការប្រកាសដាក់ឱ្យប្រើប្រាស់របាយការណ៍នេះ គឺជាសមិទ្ធផលសំខាន់មួយក្នុងការលើកកម្ពស់ការប្រើប្រាស់ទិន្នន័យស្ថិតិផ្លូវការ ដើម្បីគាំទ្រការរៀបចំផែនការ និងគោលនយោបាយ ការតាមដាន និងវាយតម្លៃសមិទ្ធកម្ម ព្រមទាំងការសម្រេចចិត្តលើការអភិវឌ្ឍវិស័យកសិកម្ម និងសេដ្ឋកិច្ចជាតិ។ លោកបានបញ្ជាក់ថា របាយការណ៍នេះផ្តល់នូវទិន្នន័យសំខាន់ៗពាក់ព័ន្ធនឹងការប្រើប្រាស់ និងការគ្រប់គ្រងដីកសិកម្ម ការដាំដុះដំណាំតាមរដូវ និងដំណាំអចិន្ត្រៃយ៍ ការចិញ្ចឹមសត្វ និងបសុបក្សី វារីវប្បកម្ម និងការនេសាទ កម្លាំងពលកម្ម សកម្មភាពសេដ្ឋកិច្ចរបស់គ្រួសារកសិកម្ម ព្រមទាំងផលប៉ះពាល់ពីគ្រោះធម្មជាតិ […]

image_2026-11-13_13-25-52
ក្រុមហ៊ុនក្នុងស្រុកមួយចុះកុងត្រាជាមួយចិន ដើម្បី​ទិញ​​​ដំឡូងមីស្ងួត២០ម៉ឺនតោន នាំចេញទៅចិន

ដោយ​ ហៃ ស៊ីណា ភ្នំពេញ៖ ក្រុមហ៊ុន ហង់ ហាវ៉េស (Hang Harvest) បានចុះកុងត្រាជាមួយក្រុមហ៊ុនចិន ដើម្បីទិញដំឡូងមីស្ងួត ចំនួន២០ម៉ឺនតោន សម្រាប់នាំចេញទៅកាន់ទីផ្សារប្រទេសចិន។ លោក គឹម លាស់ ប្រធានក្រុមហ៊ុន HANG HARVEST បាន​​ឲ្យដឹងថា ក្រុមហ៊ុនបាន​​ចុះអនុស្សា​រណៈ​នៃ​ការ​យោគ​យល់គ្នា ជាមួយក្រុមហ៊ុន កូហ្វកូ បាយអូ អេនើជី (COFCO BIO-ENERGY CO., LTD) ជាជំហានទី២ នៅកំពង់ផែក្នុងទីក្រុងប៉ីហៃ នៃតំបន់​ស្វយ័​ត​ ជនជាតិជាំងក្វាងស៊ីប្រទេសចិន ដើម្បីទិញដំឡូងមី ចំនួន២០ម៉ឺនតោនពីឆ្នាំ២០២៥ ដល់ ឆ្នាំ២០២៦។​ លោកបាន​​លើកឡើងថា ​​​​កិច្ចព្រមព្រៀងនេះនឹងជួយពង្រឹង និងពង្រីកកិច្ចសហប្រតិបត្ដិការពាណិជ្ជកម្មរវាង​កម្ពុជា និងសាធារណៈរដ្ឋប្រជាមានិតចិន ក៏ដូចជាជួយជំរុញការនាំចេញ​វិស័យដំឡូងមី​របស់កម្ពុជាទៅកាន់ទីផ្សារប្រទេសចិន។ លើសពីនេះ លោកបានពន្យល់ថា ​​ចិនជាទីផ្សារដ៏ធំសម្រាប់​ដំឡូងមីកម្ពុជា ហើយ​​ក្រុមហ៊ុនបាននិងកំពុងប្រមូលទិញដំឡូងមីក្រៀមក្នុងរង្វង់២០ម៉ឺនតោនទៅកាន់ទីផ្សារប្រទេសចិនផងដែរ​​​។ ប្រទេសកម្ពុជាជាប់ចំណាត់ថ្នាក់ជាប្រទេសនាំចេញដំឡូងមីធំជាងគេទី៤ នៅអាស៊ី និងទី១០នៅលើពិភពលោក ជាមួយផ្ទៃដីដាំដុះប្រមាណ៦០ ទៅ៨០ម៉ឺនហិកតា។ ក្នុងរយៈពេល៨ ខែដើមឆ្នាំ២០២៦នេះ កម្ពុជាបាន​​នាំចេញដំឡូងមីក្រៀម និងចំណិតដំឡូងមីទៅកាន់ទីផ្សារចិន […]

photo_2026-11-13_10-35-01 (4)
ក្រុមអ្នកចិញ្ចឹមសត្វ គួរ​​បន្ថែមការកែច្នៃសាច់ – CDC ថានេះជាការ​បោះជំហានឆ្ពោះទៅការនាំចេញ

ដោយ​ នៅ ស៊ីវុត្ថា ភ្នំពេញ៖ មន្ត្រីជាន់ខ្ពស់ នៃក្រុមប្រឹក្សាអភិវឌ្ឍន៍កម្ពុជា បានជំរុញឱ្យអ្នកចិញ្ចឹមសត្វនៅ​កម្ពុជាកែ​ច្នៃផលិតផល ដើម្បីឈានទៅរកការនាំចេញទៅទីផ្សារអន្តរជាតិ។ លោក ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា (CDC) បានមានប្រសាសន៍ថា សមាគមអ្នកចិញ្ចឹមសត្វកម្ពុជា គួរបន្តអភិវឌ្ឍវិស័យចិញ្ចឹមសត្វ ដោយមិនត្រឹមតែបំពេញតម្រូវការទីផ្សារក្នុងស្រុកប៉ុណ្ណោះទេ ប៉ុន្តែត្រូវពង្រឹងការកែច្នៃផលិតផល សម្រាប់ការនាំចេញផងដែរ។ ក្នុងជំនួបជាមួយនឹង​សមាគម​អ្នកចិញ្ចឹមសត្វកម្ពុជា លោក ជា វុទ្ធី បានបញ្ជាក់ថា គណៈកម្មាធិការវិនិយោគកម្ពុជា នឹងជួយ​សម្របសម្រួល និងសហការជាមួយក្រសួង-ស្ថាប័នពាក់ព័ន្ធ ដើម្បីជំរុញការអភិវឌ្ឍវិស័យចិញ្ចឹមសត្វ។ ជាការឆ្លើយតប លោក ស្រ៊ុន ពៅ បានបង្ហាញការគាំទ្រចំពោះការលើកទឹកចិត្តនេះ ហើយថា សមាគមនឹង​ត្រៀមរៀបចំកែច្នៃសាច់ ដើម្បីនាំចេញទៅកាន់ទីផ្សារបរទេស។ ជាមួយគ្នានេះលោក ស្រ៊ុន ពៅ ក៏បានលើកឡើងពីបញ្ហាប្រឈម និងសំណូមពរមួយចំនួន ដើម្បីស្វែងរកដំណោះស្រាយសមស្របសម្រាប់កសិករ​អ្នកចិញ្ចឹមសត្វ ឱ្យមានការរីកចម្រើន និងមានចីរភាព៕

កាលវិភាគផ្សព្វផ្សាយ