ប៉េកាំង៖ អ្នកនាំចេញអាហារសមុទ្រប៉ាគីស្ថាន បានជួបជាមួយរដ្ឋមន្ត្រីសហព័ន្ធសម្រាប់កិច្ចការដែនសមុទ្រ ក្នុងទីក្រុងប៉េកាំង ដោយបញ្ជាក់អំពីលទ្ធផលនៃការពិភាក្សាជាមួយសមភាគីចិន ស្របពេលរដ្ឋាភិបាលប៉ាគីស្ថាន កំពុងតែងបង្កើនកិច្ចខិតខំប្រឹងប្រែងដើម្បីពង្រីកការនាំចេញផលិតផលជលផលរបស់ខ្លួន។
រដ្ឋមន្ត្រីសហព័ន្ធរបស់ប៉ាគីស្ថាន បានសង្កត់ធ្ងន់ថា ការចុះហត្ថលេខាលើអនុស្សរណៈនៃការយោគយល់គ្នា និងជំរុញកិច្ចព្រមព្រៀងពាណិជ្ជកម្ម និងអាជីវកម្ម នឹងដើរតួនាទីយ៉ាងសំខាន់ក្នុងការលើកកម្ពស់ការនាំចេញផលិតផលជលផល ពង្រឹងកិច្ចសហប្រតិបត្តិការវារីវប្បកម្ម និងលើកកម្ពស់ប្រទេសប៉ាគីស្ថាន ជាមជ្ឈមណ្ឌលអាហារសមុទ្រដ៏សំខាន់នៅក្នុងតំបន់។
លោកបានបញ្ជាក់ថា «ប្រទេសប៉ាគីស្ថានមានបំណងនាំចេញគ្រឿងសមុទ្រឱ្យទទួលបានប្រាក់ចំណូលចំនួន៦០០លានដុល្លារ នៅពេលខាងមុខនេះ»។
ក្នុងចំណោមអ្នកនាំចេញផលិតផលគ្រឿងសមុកទ្រប៉ាគីស្ថាន ក៏មានប្រធានផ្នែកលក់អន្តរជាតិនៅផលិតផលសមុទ្រអារ៉ាប់ បានចែករំលែកបទពិសោធថា ក្រុមហ៊ុនរបស់លោកកំពុងបង្កើតប្រព័ន្ធវារីវប្បកម្ម និងប្រព័ន្ធចិញ្ចឹមកម្រិតខ្ពស់ ដើម្បីប្រមូលផល និងអភិរក្សសត្វក្តាមថ្ម និងបង្កងសម្រាប់នាំចេញ។
លោកបាននិយាយថា គំនិតផ្តួចផ្តើមនេះ ក្រោមភាពជាដៃគូជាមួយក្រុមហ៊ុនចិន ដើម្បីរកបច្ចេកទេសជលផលសមុទ្ររស់បានយូររហូតដល់ពីរបីសប្តាហ៍ សម្រាប់នាំចូលទៅកាន់ទីផ្សារឆ្ងាយៗ ដូចជាប្រទេសចិនជាដើម។
លោកបានគូសបញ្ជាក់ទៀតថា ភាពជោគជ័យត្រូវពឹងផ្អែកយ៉ាងខ្លាំងលើការផ្ទេរបច្ចេកវិទ្យា ការវិនិយោគ និងជំនាញផ្នែកវារីវប្បកម្មពីដៃគូចិន។
លោករដ្ឋមន្ត្រីសហព័ន្ធរបស់ប៉ាគីស្ថាន បានកត់សម្គាល់ថា វិស័យនាំចេញអាហារសមុទ្ររបស់ប្រទេសប៉ាគីស្ថាន រួមទាំងក្តាមថ្ម និងបង្កង កំពុងមានការរីកចម្រើនជាវិជ្ជមាន ដោយបានរួមចំណែកជាច្រាក់ចំណូលជាង៤៦៥លានដុល្លារ ដល់ការនាំចេញសរុបក្នុងឆ្នាំ២០២៤-២០២៥។
លោកបានបន្ថែមថា«ប្រទេសប៉ាគីស្ថានជាប់ចំណាត់ថ្នាក់ជាប្រទេសនាំចេញក្តាមថ្មច្រើនជាងគេលំដាប់ទី៣ លើពិភពលោក ដោយដឹកជញ្ជូនក្តាមថ្មរស់ជាង៣ ០០០តោនទៅកាន់ប្រទេសចិន ដែលជាអ្នកនាំចូលដ៏ធំបំផុតរបស់ខ្លួន»។
ចំណែកលោកនាយកប្រតិបត្តិនៃក្រុមហ៊ុននាំចេញផលិតផលជលផល បានស្នើសុំការបណ្តាក់ទុនរួមគ្នាជាមួយក្រុមហ៊ុនមកពីប្រទេសចិន ដោយផ្តោតលើតម្លៃបន្ថែមលើអាហារសមុទ្របង្កក និងផលិតផលបសុបក្សី ដូចជាជើងមាន់ជាដើម។ មានទីតាំងនៅ ការ៉ាជី ក្រុមហ៊ុននេះកំពុងគ្រប់គ្រងរោងចក្រទំហំជិតពីរម៉ឺនម៉ែត្រការ៉េ និងមានសមត្ថភាពកែច្នៃផលិតផលគ្រឿងសមុទ្របាន៤០តោនក្នុងមួយថ្ងៃ ហើយទទួលបានការយល់ព្រមពីរដ្ឋបាលគយរបស់ចិនរួចរាល់អស់ហើយ។
លោកនាយកប្រតបត្តិ បានពន្យល់ថា កិច្ចសហប្រតិបត្តិការនេះនឹងជួយភាគីទាំងពីរកាត់បន្ថយការចំណាយ សម្រេចបាននូវសេដ្ឋកិច្ចក្នុងទំហំធំ និងពង្រីកការនាំចេញទៅកាន់ទីផ្សារសហរដ្ឋអាមេរិក អឺរ៉ុប និងនៅក្នុងតំបន់ បន្ទាប់ពីក្រុមហ៊ុនជាដៃគូមួយ បានចូលរួមពង្រីកការនាំចេញទៅកាន់ប្រទេសចិន និងតំបន់ជិតខាង។
លោកបានលើកឡើងពីសក្តានុពល ដែលមិនអាចកែច្នៃបានសម្រាប់អាហារស្ងួតត្រជាក់ ដែលជាបច្ចេកវិទ្យាអភិរក្សបង្កើតឡើងដំបូងដោយសម្រាប់អវកាសយានិក ប៉ុន្តែឥឡូវនេះត្រូវបានប្រើប្រាស់យ៉ាងទូលំទូលាយនៅទូទាំងអាស៊ីសម្រាប់ផលិតផលចំណីអាហារ។
បានចង្អុលបង្ហាញថា ទោះបីជាប្រទេសមួយចំនួនដូចជាប្រទេសវៀតណាម និងចិនផ្គត់ផ្គង់បន្លែ និងផ្លែឈើស្ងួតក៏ដោយ ក៏ប្រទេសប៉ាគីស្ថាននៅតែខ្វះគ្រឿងបរិក្ខារបែបនេះ បើទោះបីជាមានតម្រូវការអន្តរជាតិច្រើនសម្រាប់ផលិតផលបន្លែផ្លែឈើ រួមមានផ្លែស្វាយ ផ្លែពោតបារាំង ផ្លែម្រះ និងត្របែកក៏ដោយ។
លោកបានសន្មតថា ប្រទេសប៉ាគីស្ថានមិនមានរោងចក្រសម្ងួតផ្លែឈើ ដោយសារតម្លៃឧបករណ៍ខ្ពស់ ពេក និងរយៈពេលដំណើរការប្រើពេលយូរ ប៉ុន្តែលោកបាននិយាយថា អ្នកទិញអន្តរជាតិបានត្រៀមខ្លួនរួចរាល់ហើយក្នុងការចុះកិច្ចសន្យាទិញប្រចាំឆ្នាំ ប្រសិនបើប៉ាគីស្ថានមានសមត្ថភាពផលិត ឱ្យបានច្រើនឡើង ជាពិសេសអាហារស្ងួតសម្រាប់សហគមន៍ជនភៀសខ្លួន និងទីផ្សារអាហារពិសេសនៅបរទេស។
រដ្ឋមន្ត្រីសហព័ន្ធប៉ាគីស្ថាន បានសង្កេតឃើញថា ទីផ្សារអាហារបង្ករបស់ប្រទេសប៉ាគីស្ថានកំពុងរីកចម្រើន បន្ទាប់ពីការវិនិយោគសំខាន់ៗនៅក្នុងហេដ្ឋារចនាសម្ព័ន្ធខ្សែសង្វាក់ត្រជាក់ និងបច្ចេកវិទ្យាត្រជាក់កម្រិតខ្ពស់ ដែលអាចជាមូលដ្ឋានសម្រាប់ការអភិវឌ្ឍន៍រោងចក្រសម្ងួតអាហារសមុទ្រណាមួយ នាពេលអនាគត៕
