សហព័ន្ធស្រូវអង្ករកម្ពុជាបដិសេធកញ្ចប់អង្ករមានរូបភាពស្រដៀងទង់ជាតិថៃ មិនមែនបោះពុម្ពនៅកម្ពុជាឡើយ

តូក្យូ៖ ការស្ទាបស្ទង់មតិឯកជនមួយ បានបង្ហាញកាលពីថ្ងៃទី៣០ ខែមិថុនាថា គ្រប់គ្រួសារជនជាតិជប៉ុន នឹងបន្តជួបបញ្ហាចំណាយច្រើនក្នុងជីវភាពរស់នៅប្រចាំថ្ងៃ ដោយសារអតិផរណាស្បៀងអាហារឡើងថ្លៃចំនួនប្រាំដង នៅក្នុងខែកក្កដា ឆ្នាំ២០២៥នេះ។ លទ្ធផលនៃការរកឃើញនេះ បានគូសបញ្ជាក់ពីអតិផរណានៅក្នុងសេដ្ឋកិច្ចរបស់ប្រទេសជប៉ុន ដែលចាត់ទុកជាសញ្ញាឡើងតម្លៃទំនិញជាលំដាប់ រួមទាំងអត្រាការប្រាក់បន្ថែមផងដែរ។ ការស្ទង់មតិនេះត្រូវបានធ្វើឡើងតាមរយៈព័ត៌មានទទួលបានពីក្រុមហ៊ុនផលិតម្ហូបអាហារធំៗរបស់ជប៉ុនចំនួន១៩៥ក្រុមហ៊ុន ដោយបានបង្ហាញថា ពួកគេនឹងដំឡើងថ្លៃសម្រាប់មុខទំនិញចំនួន២​ ១០៥មុខ នៅក្នុងខែកក្កដានេះ ពោលគឺកើនឡើងប្រាំដង បើធៀបនឹងតម្លៃទំនិញ នៅក្នុងឆ្នាំ២០២៤ ដោយជាមធ្យមត្រូវឡើងថ្លៃ១៥ភាគរយ។ របាយការណ៍បានបង្ហាញថា ក្រៅពីការកើនឡើងតម្លៃរបស់វត្ថុធាតុដើម និងវិក្កយបត្រតម្លៃប្រើប្រាស់តាមផ្ទះ ក្រុមហ៊ុនបានលើកឡើងពីការកើនឡើងនៃថ្លៃការដឹកជញ្ជូន និងថ្លៃពលកម្ម ដែលជាហេតុផលសម្រាប់ការដំឡើងថ្លៃ។ របាយការណ៍នេះបាននិយាយថា «សន្ទុះនៃការដំឡើងថ្លៃលើម្ហូបអាហារ និងភេសជ្ជៈ នៅឆ្នាំ២ឥ២៥នេះ គឺឡើងខ្លាំងណាស់លើសពីឆ្នាំ២០២៤»។ តម្លៃ​ត្រូវ​បាន​កំណត់ឱ្យ​ឡើងថែម មាន​សម្រាប់​មុខ​ទំនិញ​ជា​ច្រើនមុខ​ ដែល​រួម​មានផលិផលធ្វើពី​អង្ករ ព្រម​ទាំង​សូកូឡា ស្ករ​កៅស៊ូ ដំឡូង​បារាំង និង​ទឹកជ្រលក់​ប៉ាស្តា។ នៅក្នុង​ចំណោម​ក្រុមហ៊ុន​ ដែល​បាន​ប្រកាស​ពី​គម្រោង​ដំឡើង​តម្លៃទំនិញ ​ចាប់ពី​ថ្ងៃ​ទី០១ ខែ​កក្កដា មានក្រុមហ៊ុនផលិតប៊ីចេង​ អាជីណូម៉ូតុ ដោយគ្រោង​នឹង​ដំឡើង​តម្លៃ​ផលិតផល​កាហ្វេ ​ប្រហែល២៥ ទៅ៥៥ភាគរយ ចំណែក​ក្រុមហ៊ុនផលិតទឹកដោះគោ ម៉ីជី នឹង​ដំឡើង​តម្លៃ​ឈីស និង​តម្លៃទឹកដោះគោ​រហូត​ដល់១១ភាគរយ។ របាយការណ៍ស្ទង់មតិ បាននិយាយទៀតថា […]

ភ្នំពេញ៖ សម្តេចមហាបវរធិបតី ហ៊ុន ម៉ាណែត  នាយករដ្ឋមន្ត្រីនៃព្រះរាជាណាចក្រកម្ពូជា កាលពីល្ងាចថ្ងៃទី២៧ ខែមិថុនា បានមានប្រសាសន៍ថា វិស័យសហគ្រាសធុនមីក្រូ តូច និងមធ្យម  កពុងតែដើរតួគ្របដណ្តប់លើសកកម្មភាពសេដ្ឋកិច្ចចម្រុះ និងបានបង្កើតការងារ មុខរបរ បង្កើតប្រាក់ចំណូល កាត់បន្ថយការចំណាកស្រុក ជួយប្រជាជនងាយរងគ្រោះឱ្យមានលំនឹងជីវភាព ជំរុញការអភិវឌ្ឍសេដ្ឋកិច្ច ស្ថេរភាពសង្គម រួមចំណែកដល់ការរីកចម្រើននៃវិស័យឯកជន។ សម្តេចធិបតីនាយករដ្ឋមន្ត្រី បានលើកឡើងដូច្នេះ ក្នុងពិពីសំណេះសំណាល និងពិសារអាហារមហាសាមគ្គី គ្រួសារសហគ្រាសធុនតូច និងមធ្យមនៅកម្ពុជា ( SME)ក្នុងឱកាសអបអរសាទរទិវាជាតិសហគ្រាសធុនមីក្រូ តូចនិងមធ្យមលើកទី២ នៅថ្ងៃទី២៧ ខែមិថនា ឆ្នាំ២០២៥។ នៅក្នុងឱកាសនេះដែរ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានចាត់ទុកការរៀបចំព្រឹត្តិការណ៍ប្រចាំឆ្នាំនេះ មានគោលដៅលើកកម្ពស់និងផ្តល់តម្លៃដល់សហគ្រាសធុនមីក្រូ តូចនិងមធ្យមដែលជាមូលដ្ឋានគ្រឹះ និងជាកម្លាំងចលករជំរុញកំណើនសេដ្ឋកិច្ច និងការអភិវឌ្ឍប្រកបដោយភាពធន់ បរិយាបន្ន និងចីរភាព។ សមិទ្ធផល និងវឌ្ឍនភាព ផ្នែកសង្គមសេដ្ឋកិច្ច ដែលកម្ពុជាសម្រេចបានក្នុងរយៈពេលជាងពីរទសវត្សរ៍ បានបង្កើតមោទនភាពជាតិជាថ្មីនេះ គឺការឈានឆ្ពោះទៅការចាកចេញពីក្រុមប្រទេសមានការអភិវឌ្ឍតិចតួចនៅឆ្នាំ២០២៩។ សម្តេចធិបតីលើកឡើងថា សហគ្រាសធុនមីក្រូ តូច និងមធ្យមនៅកម្ពុជាពិតជាបានចូលរួមចំណែកយ៉ាងសំខាន់ ហើយត្រូវមានតួនាទីគន្លឹះក្នុងដំណើរឆ្ពោះទៅគោលដៅនេះ។ […]

បាត់ដំបង៖ រដ្ឋបាលខេត្តបាត់ដំបង នៅថ្ងៃទី២៧ខែមិថុនាថ្មីនេះ បានបើកព្រឹត្តិការណ៍ “ផ្លែឈើបាត់ដំបង២០២៥” ដើម្បីផ្តល់ឱកាសដល់ម្ចាស់ចម្ការបានយកផលិតផលរបស់ខ្លួនមកដាក់តាំងលក់ជូនដល់ប្រជាពលរដ្ឋ ដែលជាអ្នកទទួលទានបានស្គាល់ឱ្យកាន់តែច្បាស់នូវបន្លែ ផ្លែឈើ និងផលិតនៅក្នុងស្រុកផ្សេងៗ ក្រោមការអញ្ចើញចូលជាអធិបតីភាពពីឯកឧត្តម អ៊ុយ រី ប្រធានក្រុមប្រឹក្សាខេត្ត  និងឯកឧត្តម សុខ លូ អភិបាលនៃគណៈអភិបាលខេត្តបាត់ដំបង និងលោកជំទាវ។ ក្នុងឱកាសនេះដែរ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានឱ្យដឹងថា គោលបំណងសំខាន់នៃការរៀបចំព្រឹត្តិការណ៍ផ្លែឈើបាត់ដំបងឆ្នាំ២០២៥នេះ គឺដើម្បីរៀបចំឱ្យបងប្អូនអ្នកដាំបន្លែ ផ្លែឈើ និងកសិផលផ្សេងៗទៀត បានយកមកតាំងបង្ហាញ និងលក់ជូនដល់ទទួលទាននៅក្នុងខេត្ត បានដឹងកាន់តែច្បាស់ ហើយសង្ឃឹមថាព្រឹត្តិការលើកទី១នេះ នឹងនាំមកនូវក្ដីសប្បាយរីករាយជូនដល់ប្រជាពលរដ្ឋ ជាពិសេសម្ចាស់ចម្ការបានលក់ដូរបន្លែ ផ្លែឈើ និងផលិតផលរបស់ខ្លួន។ លោក បិត ហ៊ុន ម្ចាស់ចម្ការទុរេនសំឡូតចាស់ ដែលបាននាំយកផ្លែទុរេនចូលដាក់តាំង និងលក់នៅក្នុងព្រឹត្តិការណ៍ខាងលើបានឱ្យដឹងថា ព្រឹត្តិការណ៍ផ្លែឈើបាត់ដំបង២០២៥នេះ មានអ្នកចូលរួមយ៉ាងច្រើនកុះករ និងបានជួយទិញផ្លែទុរេនខេត្តបាត់ដំបងបានច្រើននៅតាមស្តង់។ ជាក់ស្តែងនៅថ្ងៃទី១ លោកបានលក់អស់ផ្លែទុរេន៦០០គីឡូក្រោម ថ្ងៃទី២លក់បានជាងពីរតោន និងថ្ងៃទី៣ លក់បានជាងមួយតោន។ លោបាននិយាយថា នៅក្នុងព្រឹត្តិការណ៍ផ្លែឈើបាត់ដំបង ចាប់ពីថ្ងៃទី២៧ ដល់ថ្ងៃទី២៩ ខែមិថុនានេះ […]

ហ្សាកាតា៖ ប្រទេសឥណ្ឌូណេស៊ី​ នាពេលថ្មីៗនេះ នាំចេញផលិតផលគ្រឿងសមុទ្រ និងផលិតផលជលផលចំនួន៩៨តោន ពីខេត្តស៊ូឡាវ៉េស៊ី ភាគអាគ្នេយ៍ប្រទេសឥណ្ឌូណេស៊ី ទៅកាន់សហរដ្ឋអាមេរិក និងប្រទេសថៃ ដែលមានតម្លៃជាទឹកប្រាក់ជាង២៨ទ្រីលានរូពី ឬស្មើនឹង១៧២ពាន់លានដុល្លារ។ ទីភ្នាក់ងារ ស៊ីនហួរបស់ចិន បានរាយការណ៍ពីទីក្រុងហ្សាការតា ប្រទេសឥណ្ឌូនេស៊ី នៅថ្ងៃទី២៥ ខែមិថុនា ឆ្នាំ២០២៥នេះថា ប្រធានការិយាល័យត្រួតពិនិត្យគុណភាពជលផល របស់ក្រសួងកិច្ចការសមុទ្រ និងជលផលឥណ្ឌូនេស៊ី បាននិយាយថា ទូកុងតឺន័រចំនួនប្រាំផ្ទុកផលិតផលអាហារសមុទ្រ រួមមានមឹក សាច់ក្តាម និងអាហារសមុទ្របង្កក ត្រូវបានដឹកជញ្ជូនពីស្ថានីយកុងតឺន័រ ទៅកាន់គោលដៅរបស់ពួកខ្លួន។ សាច់ក្តាមចំនួន៤៥តោន គឺជាផលិតផលនាំចេញដ៏ធំបំផុត ដែលមានតម្លៃជាទឹកប្រាក់២១ទ្រីលានរូពី ឬស្មើនឹង១២៩ពាន់លានដុល្លារ។ រដ្ឋាភិបាលឥណ្ឌូនេស៊ីសង្ឃឹមថា ការនាំចេញនេះនឹងជួយជំរុញអាជីវកម្មក្នុងស្រុក និងពង្រឹងស្ថានភាពសេដ្ឋកិច្ចរបស់ខេត្ត ស៊ូឡាវ៉េស៊ី ដែលជាមជ្ឈមណ្ឌលនាំចេញឈានមុខគេសម្រាប់ផលិតផលជលផលនៅក្នុងតំបន់ភាគខាងកើតនៃប្រទេសឥណ្ឌូណេស៊ី។ ក្រៅពីនាំចេញអាហារគ្រឿងសមុទ្រ ដែលជាផលិតផលកសិកម្ម ប្រទេសឥណ្ឌូនេស៊ីក៏មានការនាំចូលមកវិញនូវអំបិល និងអង្ករពីប្រទេសជិតខាងផងដែរ។ គួរបញ្ជាក់ថា ក្រៅពីអាហារគ្រៀងសមុទ្ឬឥណ្ឌូនេស៊ី ដែលជាប្រទេសមានសេដ្ឋកិច្ចធំបំផុតនៅអាស៊ាន និងជាប្រជាជាតិមានប្រជាជនច្រើនជាងគេលំដាប់ទី៤ នៅលើពិភពលោក បានដាក់ផែនការជំរុញផលិតកម្មអំបិល និងអង្ករក្នុងស្រុក ដើម្បីបញ្ឈប់ការនាំចូលផលតិផលទាំងនេះឱ្យបាននៅក្នុងឆ្នាំ២០២៥នេះផងដែរ។ នៅក្នុងមួយឆ្នាំតម្រូវការអំបិលនៅឥណ្ឌូនេស៊ី មានប្រមាណជិតប្រាំលានតោន ក្នុងនោះនាំចូលប្រមាណជា២,៥លានតោន ខណៈអង្ករវិញត្រូវការនាំចូលរហូតដល់ទៅប្រមាណ៣៥ម៉ឺនតោន។ ក្រៅពីអំបិល ប្រទេសដែលមានប្រជាជនប្រមាណ២៧០លាននាក់នេះ […]