ប្រហុកសៀមរាបត្រូវបានចុះបញ្ជីជាម៉ាកសម្គាល់ភូមិសាស្ត្រទំនិញ ដើម្បីជំរុញញកំណើនសេដ្ឋកិច្ច

ភ្នំពេញ៖ ដើម្បីអបអរសាទរទិវាកម្មសិទ្ធិបញ្ញាពិភពលោក ឆ្នាំ២០២៥ នៅថ្ងៃទី៥ ខែឧសភា ឆ្នាំ២០២៥នេះ កម្ពុជាបានសម្ពោធប្រហុកសៀមរាប ជាម៉ាកសម្គាល់ភូមិសាស្ត្រទំនិញ។

នេះជាជំហានដ៏សំខាន់មួយក្នុងការអភិរក្សការអនុវត្តបែបប្រពៃណី និងលើកកម្ពស់សហគមន៍មូលដ្ឋាន ដែលគាំទ្រដល់កំណើនសេដ្ឋកិច្ចជាតិ។

សមិទ្ធផលនេះកើកចេញលទ្ធផលនៃកិច្ចសហការយ៉ាងជិតស្និទ្ធពីក្រសួង ស្ថាប័នទទួលបន្ទុក តាមរយៈគម្រោងអភិវឌ្ឍន៍ក្រោយប្រមូលផលជលផល (CAPFISH-Capture) ដែលគាំទ្រថវិការដោយសហភាពអឺរ៉ុប និងអនុវត្តដោយអង្គការអភិវឌ្ឍឧស្សាហកម្មសហប្រជាជាតិ (UNIDO) សហការជាមួយរដ្ឋបាលផលផល និងក្រសួងពាណិជ្ជកម្ម។

ទិវាកម្មសិទ្ធិបញ្ញា ត្រូវបានចូលរួមជាអធិបតីដោយលោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម និងជា ប្រធានគណៈកម្មាធិការជាតិគ្រប់គ្រងកម្មសិទ្ធិបញ្ញា (NCIP) ឯកឧត្តម ហែម វណ្ណឌី រដ្ឋមន្ត្រីក្រសួងឧស្សា​ហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ឯកឧត្តម អ៊ីគ័រ ទ្រីសមែន( Igor Driesmans ) ឯកអគ្គរដ្ឋទូតសហភាពអឺរ៉ុបប្រចាំព្រះរាជាណាចក្រកម្ពុជា និងមានការចូលរួមពីតំណាងដៃគូអភិវឌ្ឍន៍អន្តរជាតិ វិស័យឯកជន អ្នកសិក្សាស្រាវជ្រាវ សង្គមស៊ីវិល និងសិស្សនិស្សិត។ កាន់តែពិសេសថែមទៀតនោះ គឺមានការអានសារលិខិតរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដើម្បីអបអរសាទរទិវាកម្មសិទ្ធិបញ្ញាពិភពលោក​ ឆ្នាំ២០២៥ ។

លោកជំទាវ ចម និម្មល បានគូសបញ្ជាក់ពីតួនាទីយ៉ាងសំខាន់របស់ក្រសួងពាណិជ្ជកម្មក្នុងការលើកកម្ពស់ប្រព័ន្ធម៉ាកសម្គាល់ភូមិសាស្ត្រទំនិញ នៅកម្ពុជា ដែលជាឧបករណ៍សម្រាប់ជំរុញពាណិជ្ជកម្មឱ្យមាននិរន្តរភាព និងការ អភិវឌ្ឍជនបទ។

លោកជំទាវរដ្ឋមន្ត្រី បានមានប្រសាសន៍ថា ការទទួលស្គាល់ជាផ្លូវការនូវប្រហុកសៀមរាបជាផលិតផលម៉ាកសម្គាល់ភូមិសាស្ត្រទំនិញ បានឆ្លុះបញ្ចាំងពីការបន្តខិតខំប្រឹងប្រែងក្នុងការការពារ និងលើកកម្ពស់ទ្រព្យសម្បត្តិ វប្បធម៌ដ៏ពិសេសរបស់កម្ពុជា តាមរយៈក្របខ័ណ្ឌកម្មសិទ្ធិបញ្ញាដ៏រឹងមាំ។ សមិទ្ធផលដ៏សំខាន់នេះ មិនត្រឹមតែជាការការពារចំណេះដឹងប្រពៃណីប៉ុណ្ណោះទេ ថែមទាំងអាចពង្រឹងបាននូវទីផ្សារ និងភាពប្រកួតប្រជែងនៃផលិតផលក្នុងស្រុក ទាំងក្នុង និងក្រៅប្រទេស។

ក្រសួងពាណិជ្ជកម្មប្តេជ្ញាបន្តពង្រឹងប្រព័ន្ធម៉ាកសម្គាល់ភូមិសាស្ត្រទំនិញឱ្យក្លាយជាឧបករណ៍យុទ្ធសាស្ត្រ សម្រាប់កំណើនសេដ្ឋកិច្ចប្រកបដោយបរិយាប័ន និងការបន្ថែមតម្លៃលើពាណិជ្ជកម្ម។

សហភាពអឺរ៉ុបក៏បានគូសបញ្ជាក់ពីសារៈសំខាន់នៃម៉ាកសម្គាល់ភូមិសាស្ត្រទំនិញ សម្រាប់ការអភិវឌ្ឍជនបទ និងលើកកម្ពស់សេដ្ឋកិច្ច។ ឯកឧត្តម អ៊ីគ័រ ទ្រីសមែន បានលើកឡើងថា ម៉ាកសម្គាល់ភូមិសាស្ត្រទំនិញ  គឺជា ឧបករណ៍ដ៏មានឥទ្ធិពលសម្រាប់ផ្តល់អំណាចដល់ផលិតករខ្នាតតូចក្នុងការអភិរក្សប្រពៃណី និងលើកកម្ពស់ការគ្រប់គ្រងធនធានប្រកបដោយទំនួលខុសត្រូវ ដែលចូលរួមចំណែកដល់ការអភិវឌ្ឍប្រកបដោយចីរភាព។

ឯកឧត្តមបានបន្ថែម ទៀតថា ម៉ាកសម្គាល់ភូមិសាស្ត្រទំនិញ មានតួនាទីយ៉ាងសំខាន់នៅអឺរ៉ុប ដែលមានការចុះបញ្ជីម៉ាកសម្គាល់ភូមិសាស្ត្រទំនិញជាង៣៥០០មុខ ហើយសហភាពអឺរ៉ុបបានគាំទ្រការអភិវឌ្ឍម៉ាកសម្គាល់ភូមិសាស្ត្រទំនិញកម្ពុជា ជាងមួយទសវត្សន៍មកហើយតាម រយៈការបណ្តុះបណ្តាល និងជំនួយបច្ចេកទេស។ កិច្ចខិតខំប្រឹងប្រែងរបស់សហភាពអឺរ៉ុបផ្តោតទៅលើច្រវាក់តម្លៃជលផលប្រកបដោយនិរន្តរភាព និងស្តង់ដារគុណភាព ដើម្បីលើកកម្ពស់នវានុវត្តន៍ក្នុងការបង្កើនតម្លៃសេដ្ឋកិច្ច និងវប្បធម៌របស់ផលិតផលក្នុងស្រុក។

ប្រហុកសៀមរាប គឺជាផលិតផលមានលក្ខណៈពិសេសដាច់ដោយឡែករបស់កម្ពុជា ដែលមានលក្ខណៈ ពិសេសដូចទៅនឹងម្រេចកំពត ស្ករត្នោតកំពង់ស្ពឺ និងទឹកឃ្មុំព្រៃមណ្ឌលគិរីផងដែរ។ ការលើកកម្ពស់ម៉ាកសម្គាល់ភូមិសាស្ត្រ ទំនិញ គឺជាការប្តេជ្ញារបស់កម្ពុជាក្នុងការលើកកម្ពស់អត្តសញ្ញាណផលិតផលនិងគាំទ្រដល់ការប្រកបរបរចិញ្ចឹមជីវិតនៅតាមជនបទ។

ប្រហុកសៀមរាប គឺជាតំណាងនៃការផ្សារភ្ជាប់គ្នារវាងប្រពៃណី និងការអភិវឌ្ឍប្រកបដោយចីរភាព ធានាគុណភាពសម្រាប់អ្នកបរិភោគ និងជំរុញភាពប្រកួតប្រជែងក្នុងវិស័យកសិកម្មនៅកម្ពុជា។ បន្ទាប់ពីត្រូវបានចុះបញ្ជីជាម៉ាកសម្គាល់ភូមិសាស្ត្រទំនិញថ្មី ប្រហុកសៀមរាប មិនត្រឹមតែអាចរួមចំណែកជួយជំរុញកំណើនសេដ្ឋកិច្ចប៉ុណ្ណោះទេ ថែមទាំងជួយការពារទំនៀមទម្លាប់ប្រពៃណី និងបរិស្ថានផងដែរ។

ក្រសួងកសិកម្មកម្ពុជាបានប្តេជ្ញាពង្រឹងវិស័យនេះ តាមរយៈការកែលម្អខ្សែច្រវាក់តម្លៃ លើកកម្ពស់ការអនុវត្តប្រកបដោយនិរន្តរភាព និងភាពធន់ ស្របតាមយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាល និងគោលនយោបាយជាតិអភិវឌ្ឍន៍វិស័យកសិកម្ម ឆ្នាំ២០២២-២០៣០។ ការប្តេជ្ញាចិត្តនេះ នឹងជួយបង្កើនឱកាសទីផ្សារសម្រាប់អ្នកផលិត និងផ្តល់ជូនអ្នកបរិភោគនូវផលិតផល ដែលគុណភាព និងមានរសជាតិដើមពិតប្រាកដរបស់ខ្មែរ។

ប្រហុកសៀមរាប គឺជាការអបអរសាទរដ៏សំខាន់នៃប្រពៃណីម្ហូបអាហារជាតិកម្ពុជា ដែលមានប្រភពដើមពីសម័យអាណាចក្រអង្គរ ដែលពោរពេញទៅដោយគ្រឿងផ្សំក្នុងស្រុកប្រកបដោយឱជារស។ ជាម៉ាកសម្គាល់ភូមិសាស្ត្រទំនិញ ប្រហុកសៀមរាប នឹងជួយលើកកម្ពស់ជីវភាពរស់នៅរបស់ផលិតករក្នុងស្រុក ដែលអាចជួយលើកស្ទួយកេរ្តិ៍ឈ្មោះរបស់កម្ពុជា នៅលើទីផ្សារពិភពលោក និងជួយឱ្យពិភពលោកទទួលស្គាល់នូវមរតកម្ហូបអាហារដ៏សម្បូរបែបរបស់ខ្មែរ៕

   


Selected 2
ធនាគារ  ADB អនុម័តថវិកាប្រាក់គម្រោង៥២លានដុល្លារសម្រាប់ពង្រីកបណ្តាញអគ្គិសនីនៅកម្ពុជា

ដោយ៖ឡុង សារេត ភ្នំពេញ៖ ធនាគារអភិវឌ្ឍន៍អាស៊ី (ADB)បានអនុម័តប្រាក់កម្ចីចំនួន៥២,៧២លានដុល្លារសម្រាប់គម្រោងពង្រីកបណ្តាញអគ្គិសនីនៅកម្ពុជា ដើម្បីធ្វើសមាហរណកម្មថាមពលកកើតឡើងវិញបន្ថែមទៀតទៅក្នុងបណ្តាញអគ្គិសនីជាតិ និងជួយបំពេញតម្រូវការអគ្គិសនី ដែលកំពុងកើនឡើងជាមួយនឹងថាមពលស្អាត និងផលិតក្នុងស្រុក។ យោងតាមការចេញផ្សាយរបស់ធនាគារ  ADB នៅថ្ងៃទី១៨ ខែកញ្ញានេះ បានឱ្យដឹងប្រទេសកម្ពុជាបានបង្កើនការផលិតថាមពលអគ្គិសនីក្នុងស្រុករបស់ខ្លួន យ៉ាងឆាប់រហ័ស ដោយបន្ថែមបរិមាណផលិតទ្វេដងពី៨,៦៨ តេរ៉ាវ៉ាត់ម៉ោង ក្នុងឆ្នាំ២០២០ ដល់ ១៧,៨៥ តេរ៉ាវ៉ាត់ម៉ោង ក្នុងឆ្នាំ២០២៤។ វឌ្ឍនភាពនេះឆ្លុះបញ្ចាំងពីការកើនឡើងនៃការពឹងផ្អែកលើខ្លួនឯងផ្នែកថាមពល និងសក្តានុពលនៃប្រភពថាមពលកកើតឡើងវិញរបស់កម្ពុជា ដើម្បីគាំទ្រគោលដៅអភិវឌ្ឍន៍របស់ខ្លួន។ លោកស្រី យូតសាណា វ៉ារម៉ា (Jyotsana Varma) នាយិកាធនាគារ ADB ប្រចាំប្រទេសកម្ពុជា បានថ្លែងថា «សេវាអគ្គិសនីដែលអាចទុកចិត្តបាន និងមានតម្លៃសមរម្យ គឺជាឆ្អឹងខ្នងនៃការរីកចម្រើនរបស់ប្រទេសកម្ពុជា។ គម្រោងថ្មីនេះមិនមែនគ្រាន់តែជាការកសាងខ្សែបញ្ជូនអគ្គិសនីនោះទេ វាគឺជាការតភ្ជាប់ប្រជាសហគមន៍ សាលារៀន មន្ទីរពេទ្យ និងអាជីវកម្ម ទៅនឹងអនាគតថាមពលស្អាត និងធន់ជាងមុន។ តាមរយៈការបញ្ចូលថាមពលកកើតឡើងវិញកាន់តែច្រើនទៅក្នុងបណ្តាញអគ្គិសនី កម្ពុជាអាចផ្គត់ផ្គង់ថាមពលដល់ប្រជាពលរដ្ឋរបស់ខ្លួន ព្រមទាំងការពារបរិស្ថានសម្រាប់មនុស្សជំនាន់ក្រោយ»។ បណ្តាញអគ្គិសនីរបស់កម្ពុជាត្រូវបានសាងសង់ឡើងសម្រាប់ថាមពលធម្មតា ដូច្នេះឥឡូវនេះវាត្រូវពង្រីកដើម្បីបន្ថែមបញ្ចូលថាមពលព្រះអាទិត្យ និងខ្យល់ដែលកំពុងកើនឡើង។ គម្រោងនេះនឹងសាងសង់ខ្សែបញ្ជូនថាមពលអគ្គិសនី២៣០គីឡូវ៉ុលប្រវែង៥៥ គីឡូម៉ែត្រ រវាងខេត្តពោធិ៍សាត់ និងខេត្តកំពង់ឆ្នាំង និងកែលម្អស្ថានីយរងចំនួនប្រាំបួននៅទូទាំងប្រទេស។ […]

IMG_9651
ឯកឧត្តមបណ្ឌិត កៅ ថាច និងលោកជំទាវ សួរ សុខគីម មានសទ្ធាជ្រះថ្លាប្រគេននូវសម្ភារៈជាទេយ្យទាន និងបច្ច័យដល់ ព្រះសង្ឃក្នុងពិធីបុណ្យកាន់បិណ្ឌ-ភ្ជុំបិណ្ឌ ឆ្នាំ២០២៥

ភ្នំពេញ៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម​ (ARDB) និងលោកជំទាវ សួរ សុខគីម នៅព្រឹកថ្ងៃទី១៨ ខែកញ្ញាឆ្នាំ២០២៥នេះ បានចាត់តំណាងនាំយកសម្ភារៈជាទេយ្យទាន និងបច្ច័យទៅប្រគេនព្រះសង្ឃនាពិធីបុណ្យកាន់បិណ្ឌ-ភ្ជុំបិណ្ឌ ដែលស្ថិតនៅក្នុងវត្តបទុមវត្តី រាជធានីភ្នំពេញ។ នៅក្នុងការនាំយកនូវសម្ភារៈជាទេយ្យទាន និងបច្ច័យខាងលើនេះ គឺដឹកនាំដោយ ឯកឧត្តម ប៉ិច សានី អគ្គនាយករងធនាគារ ARDB តំណាងដ៏ខ្ពង់ខ្ពស់ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម, ឧកញ៉ា ឡាយ ឈុនហួ ប្រធានសហព័ន្ធស្រូវអង្ករកម្ពុជា និងលោកជំទាវ ព្រមទាំងថ្នាក់ដឹកនាំ បុគ្គលិកនៃធនាគារ ARDB ។ ចំពោះ ទេយ្យទាននិងបច្ច័យ ដែលឯកឧត្តមបណ្ឌិត កៅ ថាច និងលោកជំទាវ សួរ សុខគីម មានសទ្ទាជ្រះថ្លាប្រគេនព្រះសង្ឃ ក្នុងពិធីបុណ្យកាន់បិណ្ឌ-ភ្ជុំបិណ្ឌ រួមមាន៖ ទី១-មីចំនួន ២០កេស ទី២-ត្រីខចំនួន២កេស ទី៣-ប្រេងឆាចំនួន២កេស ទី៤-ទឹកត្រីចំនួន ១០យួរ […]

images (1)
អង្គការឧតុនិយមពិភពលោក៖ បាតុភូត ឡានីណា នឹងត្រឡប់មកវិញនៅខែកញ្ញានេះ ប៉ុន្តែមិនបានជួយឱ្យអាកាសធាតុត្រជាក់ទេ

ទីក្រុងហ្សឺណែវ៖ អង្គការឧតុនិយមពិភពលោក (WMO) នៃអង្គការសហប្រជាជាតិ បានព្យាករណ៍ថា បាតុភូតធម្មជាតិ ឡានីណា (La Niña) ដែលនាំមកនូវអាកាសធាតុត្រជាក់អាចវិលត្រឡប់មកវិញនៅចន្លោះខែកញ្ញា និងវិច្ឆិកា ឆ្នាំ២០២៥នេះ ប៉ុន្តែសីតុណ្ហភាពនឹងនៅតែខ្ពស់ជាងមធ្យមភាគ។ ទីភ្នាក់ងារព័ត៌មានបារាំង AFP រាយការណ៍ពីទីក្រុងហ្សឺណែវ ប្រទេសស្វីស បានឱ្យដឹងថា បាតុភូតឡានីណា គឺជាបាតុភូតអាកាសធាតុ ដែលកើតឡើងដោយធម្មជាតិធ្វើឱ្យសីតុណ្ហភាពនៅខាងកើតខ្សែអេក្វាទ័រ នៃ មហាសមុទ្រប៉ាស៊ីហ្វិកនឹងចុះត្រជាក់។ ជាមួយគ្នានេះដែរ បាតុភូតក៏ជំរុញដល់ការប្រែប្រួលសម្ពាធខ្យល់ រួមទាំងមានភ្លៀងធ្លាក់ផងដែរ។ ក្នុងការធ្វើបច្ច្ុប្បន្នប្រចាំត្រីមាសរបស់ខ្លួន អង្គការឧតុនិយមពិភពលោក បានឱ្យដឹងទៀតថា បាតុភូត ឡានីណា ក៏មានឱកាស៥៥ភាគរយ ដែលសីតុណ្ហភាពលើផ្ទៃសមុទ្រនៅក្នុងមហាសមុទ្រប៉ាស៊ីហ្វិកនឹងចុះត្រជាក់ដល់កម្រិត ឡានីណា ក្នុងអំឡុងខែកញ្ញា ដល់ខែវិច្ឆិកា ខណៈពេលនៅក្នុងខែតុលា ដល់ខែធ្នូ លទ្ធភាពនៃឡានីណា កើនឡើងបន្តិចទៅប្រហែល៦០ភាគរយ ខណៈពេល អែល នីណូ (El Niño) ដែលជាបាតុភូតអាកាសធាតុឡើងកម្តៅនោះទំនងជាមិនកើតឡើងក្នុងអំឡុងពេលនោះទេ។ ទោះបីជា ឡានីណា បាននាំឱ្យមានអាកាសធាតុត្រជាក់ជាងនេះក៏ដោយ ក៏វាមិនបានកាត់បន្ថយកម្តៅក្នុងអំឡុងពេលរលកកម្តៅដ៏ខ្លាំងនោះទេ។ ក្នុងរយៈពេល១០ឆ្នាំចុងក្រោយនេះ គេបានរកឃើញថា កម្តៅពិភពលោកបានក្តៅបំផុតក្នុងកំណត់ត្រា ដោយសីតុណ្ហភាពនៅតែបន្តឡើងដល់កម្រិតខ្ពស់បំផុត ឬជិតកំណត់ត្រាខ្ពស់បំផុត។ […]

images
ហ្វីលីពីន​កំពុង​ពង្រីក​ការ​នាំ​ចេញ​កសិផល​ទៅកោះ​តៃវ៉ាន់ ដើម្បីពង្រឹងដៃពាណិជ្ជកម្ម

ម៉ានីល៖ ប្រទេសហ្វីលីពីនកំពុងងាកទៅរកកោះតៃវ៉ាន់ ដែលជាទីផ្សារកំពុងតែរីកធំសម្រាប់ការនាំចេញកសិផលហ្វីលីពីនក្នុងគោលបំណងដើម្បីធ្វើពិពិធកម្មដៃគូពាណិជ្ជកម្ម និងបន្ធូរបន្ថយសម្ពាធពីភាពតានតឹងពិភពលោក។ នៅក្នុងសេចក្តីថ្លែងការណ៍មួយកាលពីថ្ងៃទី៩ ខែកញ្ញា​ ឆ្នាំ២០២៥ ក្រសួងកសិកម្ម បាននិយាយថា ប្រទេសហ្វីលីពីន បានចូលរួមក្នុងកម្មវិធី «សប្តាហ៍កសិកម្មឆ្លាតរបស់តៃវ៉ាន់ (Taiwan Smart Agri-Week 2025) ដើម្បីបង្ហាញបន្ថែមនូងផលិតផលកសិកម្មរបស់ហ្វីលីពីន និងចាប់យកឱកាសនាំចេញកាន់តែទូលំទូលាយ។ ជំនួយការរដ្ឋមន្ត្រីក្រសួងកសិកម្មហ្វីលីពីន បាននិយាយថា ការចូលរួមក្នុងព្រឹត្តិការណ៍នេះ គឺឆ្លុះបញ្ចាំងពីចក្ខុវិស័យរបស់ប្រធានាធិបតីហ្វីលីពីន លោក ហ្វឺឌីណេនដ៍ ម៉ាកូស (Ferdinand Marcos Jr.) ដែលបានគូសបញ្ជាក់នៅក្នុងសេចក្តីថ្លែងការណ៍ ឆ្នាំ២០២៥ ដើម្បីពង្រីកឧស្សាហកម្មសំខាន់ៗរបស់ខ្លួន មានដូចជាវិស័យកសិកម្ម និងកសិពាណិជ្ជកម្មជាដើម។ ពិព័រណ៍ពាណិជ្ជកម្ម ដែលធ្វើឡើងចាប់ពីថ្ងៃទី៣ ដល់ថ្ងៃទី៥ ខែកញ្ញា ឆ្នាំ២០២៥ នៅទីក្រុងតៃប៉ិ បានដាក់តាំងបង្ហាញផលិតផលបង្កើតឡើយដោយកសិករវ័យក្មេង សហគ្រាសខ្នាតតូច និងអ្នកនាំចេញ។ ការដាក់តាំងបង្ហាញនៅក្នុងពន្លារបស់ប្រទេសហ្វីលីពីន រួមមានទំនិញដែលមានប្រភពចេញពីផ្លែវ៉ានីឡា កាហ្វេផ្សំ ផ្លែចេក និងផលិតផលធ្វើពីដូង ចំណិតស្វាយ សូកូឡា ត្រីសាឌីនដប និងតែរមៀត។ ក្រុមហ៊ុនដឹកជញ្ជូនក៏បានបង្ហាញពីតួនាទីរបស់ខ្លួនក្នុងការធានារាល់ការដឹកជញ្ជូនទំនិញទៅកាន់កោះតៃវ៉ាន់ប្រកបដោយប្រសិទ្ធភាពផងដែរ។ លោកស្រីប្រធានការិយាល័យសេដ្ឋកិច្ច និងវប្បធម៌ប្រចាំទីក្រុងម៉ានីល បានពណ៌នាកោះតៃវ៉ាន់ […]

កាលវិភាគផ្សព្វផ្សាយ