សៅប៉ូឡូ៖ បើតាមការចុះផ្សាយរបស់សារព័ត៌មាន Channel NewsAsia បានឱ្យដឹងថាប្រទេសប្រេស៊ីល ដែលជាប្រទេសនាំចេញសាច់គោដ៏ធំបំផុតរបស់ពិភពលោក បានព្យាយាមអស់រយៈពេលពីរទស្សវត្សរ៍ ដើម្បីបំបែកទីផ្សារជប៉ុន ប៉ុន្តែមិនទទួលបានជោគជ័យឡើយ។ ប៉ុន្តែ តាមរយៈកិច្ចព្រមព្រៀងថ្មីនឹងផ្តល់ឱ្យប្រទេសជប៉ុននូវជម្រើសផ្សេងមួយទៀត ក្រៅពីអ្នកផ្គត់ផ្គង់របស់ខ្លួន សហរដ្ឋអាម៉េរិក និងអូស្ត្រាលី នៅពេលពន្ធគយរបស់សហរដ្ឋអាម៉េរិកកំពុងផ្លាស់ប្តូរពាណិជ្ជកម្មម្ហូបអាហារលើសកលលោក។
ការចរចាទទួលបានលទ្ធផលល្អខ្លះ បន្ទាប់ពីដំណើរទស្សនកិច្ចផ្លូវរដ្ឋរបស់ប្រធានាធិបតីប្រេស៊ីល លោក លូអ៊ីស អ៊ីណាស៊ីយ៉ូ លូឡា ដា ស៊ីលវ៉ា (Luiz Inacio Lula da Silva) កាលពីខែមីនាទៅកាន់ប្រទេសជប៉ុន ដែលជាប្រទេសនាំចូលសាច់គោដ៏ធំបំផុតមួយរបស់ពិភពលោក។ ប៉ុន្តែស្ថានភាពបច្ចុប្បន្ននៃកិច្ចពិភាក្សាដែលផ្តោតលើរដ្ឋតំណាងតិចជាងបួនភាគរយនៃការនាំចេញរបស់ប្រទេសប្រេស៊ីល ហើយព្រួយបារម្ភរបស់អ្នកវេចខ្ចប់សាច់គោកនៅក្នុងរដ្ឋផលិតសាច់គោធំៗដូចជា សៅប៉ូឡូ (Sao Paulo), ម៉ាតូហ្គូ្រសូ (Mato Grosso), ម៉ាតូហ្គូ្រសូ ដូស៊ុល (Mato Grosso do Sul) និងរដ្ឋ ប៉ារ៉ា (Para)។
ស្របជាមួយគ្នានេះដែរ ពួកគេមានចំណែកជិត៦០ភាគរយនៃការនាំចេញសាច់គោសរុបរបស់ប្រទេសប្រេស៊ីល ឬប្រមាណ១,៧២លានតោន កាលពីឆ្នាំ២០២៤។
អនុស្សរណៈរបស់រដ្ឋាភិបាលប្រេស៊ីល ដែលបានចេញផ្សាយបន្ទាប់ពីដំណើរទស្សនកិច្ចរបស់ន្ត្រីជប៉ុនកាលពីខែមិថុនា បានបង្ហាញថា រដ្ឋាភិបាលប្រេស៊ីល បានឯកភាពចំពោះការនាំចូលសាច់គោពីភាគខាងត្បូង ប្រេស៊ីល។ ហើយចំពោះរដ្ឋនាំចេញតូចៗទាំងបីនោះ ត្រូវបានប្រកាសថា មានជំងឺឆ្លង បើទោះបីជាប្រទេសប្រេស៊ីល កាលពីខែឧសភា ឆ្នាំ២០២៥ ទទួលការបញ្ជាក់ថា ជាប្រទេសគ្មានជំងឺឆ្លង។
យោងតាមរដ្ឋាភិបាលប្រេស៊ីល បានឱ្យដឹងថា ការផ្ទុះរីករាលដាលជំងឺចុងក្រោយ គឺនៅឆ្នាំ២០០៦។
ប្រភពរដ្ឋាភិបាលក្នុងតំបន់ដែលសុំមិនបញ្ចេញឈ្មោះបានបញ្ជាក់ថា កិច្ចពិភាក្សាកំពុងធ្វើឡើងតាមតំបន់។ ដំបូងប្រេស៊ីលមិនមានគម្រោងចរចាការអនុញ្ញាតលើសពីរដ្ឋទាំងបីនោះទេ៕ ដោយ ញឹក សំអូន