កម្ពុជាបានត្រៀមខ្លួនរួចរាល់ក្នុងការចាកចេញពីប្រទេសអភិវឌ្ឍតិចតួច ដើម្បីពង្រឹងឯករាជ្យភាពនិងភាពម្ចាស់ការលើខ្លួនឯង

ទិន្នផលខ្ទឹមសរបស់ប្រទេសប៉េរូ បានកើនឡើងនៅរដូវប្រមូលផលចុងឆ្នាំ២០២៥​នេះ ប៉ុន្តែប្រឈមមុខនឹងសម្ពាធយ៉ាងខ្លាំងចំពោះតម្លៃនៅលើទីផ្សារអន្តរជាតិ​​ ដោយសារខ្ទឹមសរបស់ប្រទេសចិន និងការផ្លាស់ប្តូរច្បាប់ទម្លាប់នៅក្នុងទីផ្សារផងដែរ។ យោងតាមអ្នកគ្រប់គ្រងកសិពាណិជ្ជកម្មក្នុងប្រទេសប៉េរូ​ បានឱ្យដឹងថា ទិន្នផលខ្ទឹមសបានកើនឡើងប្រហែល២៥ភាគរយ បើប្រៀបធៀបទៅនឹងទិន្នផលក្នុងឆ្នាំ២០២៤ ដោយសារអាកាសធាតុត្រជាក់ល្អ​ផ្តល់អំណោយផល។ លោកបានមានប្រសាសន៍ថា «តម្លៃខ្ទឹមសនៅដើមរដូវប្រមូលផលក្នុងខែកញ្ញា និងខែតុលា នៅតែល្អសោះ។ ប៉ុន្តែ ទោះបីជាយ៉ាងណាក៏ដោយ អ្វីៗបានផ្លាស់ប្តូរយ៉ាងឆាប់រហ័ស។ ចាប់ពីចន្លោះខែវិច្ឆិកា និងខែធ្នូ តម្លៃខ្ទឹមសបានធ្លាក់ចុះយ៉ាងខ្លាំងដោយសារតែការផ្គត់ផ្គង់លើសតម្រូវការនៅក្នុងប្រទេសអាហ្សង់ទីន និងប្រទេសឈីលី ដែលប្រទះអាកាសធាតុអំណោយផល និងផ្តល់ទិន្នផលខ្ពស់។ ការកើនឡើងនៃបរិមាណនេះ បានដាក់សម្ពាធលើទីផ្សារក្នុងតំបន់ ខណៈពេលខ្ទឹមសនាំចូលពីប្រទេសចិនកំពុងតែបញ្ចុះតម្លៃឱ្យកាន់តែទាបថែមទៀត»។ កសិពាណិជ្ជករដដែលនេះ បានមានប្រសាសន៍ទៀតថា​ «ខ្ទឹមសរបស់ប្រទេសចិនបានក្លាយជាតួអង្គបង្ខូចតម្លៃទីផ្សារខ្ទឹម។ ខណៈពេលខ្ទឹមសរបស់ប្រទេសប៉េរូ អាហ្សង់ទីន និងប្រទេសឈីលី អាចលក់ខ្ទឹមសមួយកញ្ចប់ទម្ងន់១០គីឡូក្រាម ក្នុងតម្លៃ២៨ដុល្លារ ២៣ដុល្លារ និង២២ដុល្លារ ស្រាប់តែខ្ទឹមសនាំចូលពីប្រទេសចិនបែរជាលក់ក្នុងតម្លៃត្រឹមតែ១១ដុល្លារប៉ុណ្ណោះ។ គម្លាតតម្លៃដ៏ធំនេះ បានជំរុញឱ្យតម្លៃខ្តឹមលើទីផ្សារអន្តរជាតិធ្លាក់ចុះ និងធ្វើឱ្យប៉ះពាល់ដល់ការប្រកួតប្រជែងរបស់ទីផ្សារអាម៉េរិកឡាទីនទាំងមូល។ ប្រទេសប្រេស៊ីល គឺជាទីផ្សារមួយក្នុងចំណោមទីផ្សារ ដែលរងផលប៉ះពាល់ខ្លាំងបំផុតដោយខ្ទឹមសរបស់ចិននេះ។ ប្រទេសអាហ្សង់ទីន ដែលមានផ្ទៃដីដាំខ្ទឹមសប្រហែល១៧ ០០០ហិកតា គឺសម្រាប់លក់ឱ្យទីផ្សារប្រេស៊ីល។ ទោះបីជាយ៉ាងណាក៏ដោយ វិធានការថ្មីមួយ ដែលអនុវត្តដោយរដ្ឋាភិបាលប្រេស៊ីល នៅចុងឆ្នាំ២០២៥នេះ បានអនុគ្រោះដល់ខ្ទឹមសរបស់ចិនតាមរយៈការកាត់បន្ថយពន្ធ និងកំណត់តម្លៃប្រហែល១៧ដុល្លារ ក្នុងមួយកញ្ចប់។ ចំណែកខ្ទឹមសនាំចូលពីប្រទេសចិន […]

ទីក្រុងឈីកាហ្គូ៖​ អនាគតសណ្តែកសៀងរបស់សហរដ្ឋអាម៉េរិក អាចនឹងធ្លាក់ចុះ បន្ទាប់ពីបានកើនឡើងដល់កម្រិតខ្ពស់បំផុត ចាប់តាំងពីខែមិថុនា ឆ្នាំ២០២៤ ដោយពាណិជ្ជករកំពុងមើលថា តើរលកនៃការទិញរបស់ចិននឹងបន្តដែរឬទេ បន្ទាប់ពីមានកិច្ចព្រមព្រៀងពាណិជ្ជកម្មរវាងទីក្រុងប៉េកាំង និងទីក្រុងវ៉ាស៊ីនតោន។ ទីភ្នាក់ងារព័ត៌មាន រ៉យទ័រ​ បានធ្វើសេចក្តីរាយការណ៍ ក្រុមហ៊ុនរដ្ឋចិន COFCO ដែលបានទិញសណ្តែកសៀងអាម៉េរិកប្រហែល ៨៤ម៉ឺនតោន សម្រាប់ការដឹកជញ្ជូននៅក្នុងខែធ្នូ ឆ្នាំ២០២៥ និងខែមករា ឆ្នាំ២០២៦។ នេះគឺជាការទិញដ៏ធំបំផុតរបស់ប្រទេសចិន ចាប់តាំងពីខែមករា និងសំខាន់បំផុតចាប់តាំងពីកិច្ចប្រជុំកំពូលរវាងប្រធានាធិបតីអាម៉េរិក លោក ដូណាល់ ត្រាំ (Donald Trump) និងប្រធានាធិបតីចិន​ លោក ស៊ី ជីនភីង  (Xi Jinping) កាលពីចុងខែតុលា ឆ្នាំ២០២៥ នៅក្នុងប្រទេសកូរ៉េខាងត្បូង។ ក្រសួងកសិកម្មអាម៉េរិក បានបញ្ជាក់ថា ប្រទេសចិនបានទិញសណ្តែកសៀងអាម៉េរិកចំនួនជាង៧៩ម៉ឺនតោន កាលពីថ្ងៃទី២៥ ខែវិច្ឆិកា។ ដោយបានរាយការណ៍ពីការលក់សណ្តែកសៀង អាម៉េរិកចំនួន ៣៣ម៉ឺនតោនផ្សេងទៀត ទៅកាន់ប្រទេសចិន។ កាលពីខែតុលា ឆ្នាំ២០២៥ រដ្ឋាភិបាលទីក្រុងវ៉ាស៊ីនតោន បាននិយាយថា ប្រទេសចិននឹងបញ្ជាទិញសណ្តែកសៀងអាម៉េរិកចំនួន ១២លានតោន នៅចុងឆ្នាំ២០២៥នេះ។ អ្នក​វិភាគ​មួយ​ចំនួន​បាន​សង្ស័យ​ថា ប្រទេស​ចិននឹង​បំពេញ​តាម​កាល​កំណត់តាមកិច្ចព្រមព្រៀងថ្មីៗនេះ ប៉ុន្តែបរិមាណបញ្ជាទិនៅតែទាបជាងមុនដដែល។ កិច្ចព្រមព្រៀងទិញសណ្តែកសៀង នៅលើក្រុមប្រឹក្សាពាណិជ្ជកម្មទីក្រុងឈីកាហ្គោ បានបង្ហាញពីការធ្លាក់ចុះ […]

ដោយ ឡុង សារេត ភ្នំពេញ៖ ទន្ទឹមនិងសេចក្តីព្រៀងគោលនយោបាយជាតិ ស្តីពីម្រេចបានបញ្ចប់ និងត្រៀមដាក់ឱ្យប្រើប្រាស់នៅឆមាសទី២ នៃឆ្នាំ២០២៦ កសិករប្រកបមុខរបរដាំម្រេច ស្ថិតនៅក្នុងសហគមន៍កសិកម្មទំនើបម្រេច មេមត់ត្បូងឃ្មុំបានបង្ហាញពីការត្រៀមខ្លួនរួចរាល់ក្នុងការចាប់យកផលប្រយោជន៍តាមរយៈការដាក់ឱ្យប្រើប្រាស់នូវគោលនយោបាយរបស់រាជរដ្ឋាភិបាល នាពេលខាងមុខ។ កញ្ញា ពេជ្រ ចាន់ធឿន ប្រធានផ្នែកទីផ្សារនៃសហគមន៍កសិកម្មទំនើបម្រេចមេមត់ត្បូងឃ្មុំ បានឱ្យដឹងថា បច្ចុប្បន្នសហគមន៍មានផ្ទៃដីសម្រាប់ដាំម្រេចប្រមាណ១៣៤ហិកតា មានសមាជិកសរុប៨៧នាក់។ ផ្អែកលើផ្ទៃដីកាលឆ្នាំទី១កន្លងទៅប្រមូលផលម្រេចបាន២៦០តោន ប៉ុន្តែនៅក្នុងផលិតកម្មម្រេច នៅឆ្នាំ២០២៥-២០២៦ រំពឹងថា នឹងទទួលបានផលកើនដល់ជាង៤០០តោនដោយសារទទួលបានសមាជិកថ្មីៗចូលរួមជាមួយសហគមន៍ច្រើន។ កញ្ញាបន្តថា កន្លងទៅសហគមន៍កសិកម្មទំនើបម្រេចមេមត់ត្បូងឃ្មុំ មានផលិតផលម្រេចខ្មៅតែមួយមុខសម្រាប់ផ្គត់ផ្គង់ទីផ្សារ ប៉ុន្តែចូលមកដល់បច្ចុប្បន្ននេះ ខាងសហគមន៍បានធ្វើការស្រាវជ្រាវទៅលើតម្រូវការទីផ្សារ ដោយបានកែច្នៃជាចម្រេចជ្រក់  និងមានការវេចខ្ចប់ម្រេចខ្ចីលក់ ដោយព្យាយមធ្វើយ៉ាងណាឱ្យម្រេច ដែលបានផលិតបានអាចប្រើប្រាស់បានច្រើនបែប ដើម្បីឆ្លើយតបទៅនិងតម្រូវការ។ បើតាមប្រធានផ្នែកទីផ្សារខាងលើ, កញ្ញាមានក្តីសង្ឃឹមជឿជាក់ថា នៅពេលប្រជាជនខ្មែរគាំទ្រផលិតផលខ្មែរ ទោះបីផលិតផលរបស់សហគមន៍ ទើបតែកែច្នៃបានជាផលិតផលថ្មី ហើយការវេចខ្ចប់មិនទាន់មានភាពទាក់ទាញក្តី តែកម្លាំងសាមគ្គី នៃក្តីស្រលាញ់របស់ប្រជាជនខ្មែរ សម្រាប់ម្រេចស្រុកមេមត់នឹងក្លាយជាផលិតផលមួយអាចនាំចេញទៅលើទីផ្សារទាំងក្នុង និងក្រៅស្រុក។ ពិសេសសហគមន៍បានត្រៀមខ្លួនរួចរាល់ដើម្បីចាប់យកផលប្រយោជន៍ពីការដាក់ឱ្យប្រើប្រាស់នូវគោលនយោបាយម្រេចរបស់រាជរដ្ឋាភិបាលនាពេលខាងមុខ។ សូមជម្រាបជូនថា កាលពីថ្ងៃទី២៣ ខែតុលាឆ្នាំ២០២៥ លោក អប់ រ៉ាឌី អគ្គនាយករងជំរុញពាណិជ្ជកម្ម នៃក្រសួងពាណិជ្ជកម្ម បានធ្វើបទបង្ហាញ “ដើម្បីរៀបចំគោលនយោបាយម្រេចនេះមានទីប្រឹក្សាជាតិ […]

កំពង់ឆ្នាំង៖ នាព្រឹកថ្ងៃអាទិត្យ ទី៣០ ខែវិច្ឆិកា ឆ្នាំ២០២៥ លោកបណ្ឌិត កៅ ថាចប្រធានសមាគមបណ្តាញកសិករតេជោ ព្រមទាំងសមាជិកគណៈកម្មាធិការប្រតិបត្តិ និងអនុប្រធានសមាគម បានចូលរួមពិធីសំណេះសំណាលជាមួយបងប្អូនប្រជាកសិករជាង៥០០នាក់ នៅស្រុកទឹកផុស ខេត្តកំពង់ឆ្នាំង។ ក្នុងឱកាសសំណេះសំណាលនេះ លោកបណ្ឌិតបានមានប្រសាសន៍ថា គោលបំណងចម្បង និងសារៈសំខាន់បំផុតនៃការបង្កើតសមាគមបណ្តាញកសិករតេជោ ដែលដើរតួនាទីជាសសរស្តម្ភដ៏រឹងមាំក្នុងការលើកកម្ពស់ជីវភាព និងកិត្យានុភាពរបស់កសិករកម្ពុជា។ លើសពីនេះ ចំពោះតួនាទីស្នូលរបស់សមាគមបណ្តាញកសិករតេជោ លោកបណ្ឌិត កៅ ថាច បានលើកឡើងថា សមាគមនេះមានតួនាទីសំខាន់ពីរយ៉ាងគឺទី១ ធ្វើជាស្ពានចម្លងដ៏រឹងមាំ៖ ក-សមាគមនឹងធ្វើជាចំណុចតភ្ជាប់ដ៏សំខាន់សម្រាប់កសិករ ដើម្បីសម្រេចបាននូវការអភិវឌ្ឍប្រកបដោយចីរភាព និងភ្ជាប់ទៅប្រភពហិរញ្ញវត្ថុ (ឥណទាន)។ ធនាគារអភិវឌ្ឍន៍ជនបទ និងកសិកម្ម (ARDB) បានត្រៀមរួចជាស្រេចនូវកញ្ចប់ឥណទានពិសេសៗ ដែលមានអត្រាការប្រាក់ទាប និងលក្ខខណ្ឌអនុគ្រោះបំផុត ដើម្បីបង្កើនទុនបង្វិល និងលើកកម្ពស់សមត្ថភាពវិនិយោគរបស់បងប្អូនកសិករដោយផ្ទាល់។ ខ-ការភ្ជាប់ទៅបច្ចេកវិទ្យា និងអ្នកជំនាញ៖ ជួយកសិករឱ្យទទួលបាននូវបច្ចេកវិទ្យាកសិកម្មទំនើបៗ ព័ត៌មានជាក់លាក់ និងការណែនាំពីអ្នកជំនាញ ដើម្បីបង្កើនទិន្នផល លើកកម្ពស់គុណភាព និងឈានទៅរកការកែច្នៃ ដែលផ្តល់នូវប្រាក់ចំណេញសមស្រប និងប្រសើរជាងមុន។ គ-ការភ្ជាប់ទៅទីផ្សារតម្លៃកសិផល ផ្តល់ព័ត៌មានទីផ្សារច្បាស់លាស់ និងជួយសម្របសម្រួលដល់ការលក់កសិផល ធានាឱ្យកសិករលក់បានក្នុងតម្លៃល្អប្រសើរ និងសមរម្យ ជៀសវាងការកៀបសង្កត់តម្លៃ។ […]