ធនាគារ  ARDB ចុះហត្ថលេខាលើអនុស្សរណៈនៃការយោគយល់ជាមួយក្រុមហ៊ុនចិន ដើម្បីកម្ពស់ការអភិវឌ្ឍវិស័យកសិកម្ម និងការគាំទ្រកសិករកម្ពុជា

វៀងច័ន្ទន៍៖ រថភ្លើងដឹកទូកុងតឺន័រមួយខ្សែ ដែលផ្ទុកម្សៅដំឡូងមី ចំនួន១​ ០០០តោន បានចេញដំណើរពីស្ថានីយ៍រថភ្លើង នាទីក្រុងវៀងចន្ទន៍ ប្រទេសឡាវ កាលពីចុងសប្តាហ៍មុន ដែលគេរំពឹងថា នឹងទៅដល់ក្រុង​ឆេងជូ (Zhengzhou) ខេត្ត ហឺណាន (Henan) ប្រទេសចិន ដោយប្រើរយៈពេល៨០ម៉ោង។ សារព័ត៌មាន ក្លូបលថែមៃ៍ របស់ចិនបានចុះផ្សាយ កាលពីថ្ងៃទី៣០ ខែវិច្ឆិកា ឆ្នាំ២០២៥ ដោយបញ្ជាក់ថា ម្សៅដំឡូងមីចំនួនជាង១​ ០០០តោន ផលិតដោយរោងចក្រកែច្នៃម្សៅដំឡូងមី នៅក្នុងប្រទេសឡាវ​ ត្រូវបានដឹកទៅដល់កំពង់ផែ ក្រុងឆេងជូ​ ភាគកណ្តាលប្រទេសចិន។ ការនាំចេញម្សៅដំឡូងមីនេះ ត្រូវបានរៀបចំដោយក្រុមហ៊ុនចិនដឹកជញ្ជូនតាមទូកុងតឺនើរថភ្លើង (China Railway Container Transport) ដែលជាក្រុមហ៊ុនដឹកជញ្ជូនតាមរថភ្លើងផ្ទាល់រវាងចិន និងអឺរ៉ិប (China-Europe Railway Express) ហើយបានផ្តល់ជូនអតិថិជននូវផែនការដឹកជញ្ជូនទូកុងតឺន័រតាមរថភ្លើង។ ក្រុមហ៊ុនផ្លូវដែកឡាវ-ចិន ដែលដំណើរការផ្លូវដែកចិន-ឡាវ បាននិយាយថា ចាប់តាំងពីផ្លូវដែកបើកដំណើរការមក វាបានផ្តល់ជូនអ្នកនាំចេញផលិតផលកសិកម្មឡាវនូវកុងតឺន័រ សម្រាប់ដឹកជញ្ជូនទំនិញទាន់ពេលវេលា ដែលរហូតមកដល់បច្ចុប្បន្ន ក្រុមហ៊ុនបានដឹកជញ្ជូនទំនិញជាង១៦លានតោន រួមទាំងផលិតផលកសិកម្មជាង១,៧លានតោន ដែលនាំចេញទៅកាន់ប្រទេសចិន។ ចាប់ពីពេលនេះតទៅ ក្រុមហ៊ុននឹងបន្តធ្វើការយ៉ាងជិតស្និទ្ធជាមួយអាជ្ញាធរផ្លូវដែកចិន […]

វ៉ាស៊ីនតោន៖ ការផ្លាស់ប្តូរអត្រាពន្ធ ដែលបានចូលជាធរមាននៅសហរដ្ឋអាម៉េរិក កាលថ្ងៃទី១៣ ខែវិច្ឆិកា ឆ្នាំ២០២៥ កំពុងតែកែប្រែតម្លៃដើមនាំចូល និងគំរូប្រភពបន្លែ ដែលត្រូវបានលុបចោលពន្ធលើការនាំចូលផលិតផលជាច្រើនប្រភេទ រួមទាំងម្ទេស ខ្ទឹមបារាំង ខ្ទឹមស បន្លែកែច្នៃ និងទំនិញកក ឬទំនិញកែច្នៃបន្ថែមតម្លៃផ្សេងៗ ពាក់ព័ន្ធនឹងផលិតផលកសិកម្មជាង២០០មុខ។ សេចក្តីសម្រេចនេះ មានសុពលភាពធាក់ថយក្រោយផងដែរ ចំពោះការចូលបន្លែណានៅក្រោយថ្ងៃទី១៣ ខែវិច្ឆិកា ដោយអនុញ្ញាតឱ្យអ្នកនាំចូលអាចទាមទារសងពន្ធ ដែលបានបង់រួចហើយ។ អ្នកទីផ្សារបានបញ្ជាក់ថា ការលើកលែងទាំងនេះត្រូវបានភ្ជាប់ទៅនឹងកិច្ចព្រមព្រៀងក្របខ័ណ្ឌពាណិជ្ជកម្មថ្មី ដែលពាក់ព័ន្ធនឹងអ្នកនាំចូលបន្លែមកពីប្រទេសអេក្វាឌ័រ ហ្គាតេម៉ាឡា អែលសាល់វ៉ាឌ័រ និងប្រទេសអាហ្សង់ទីន។ ប្រទេសទាំងនេះត្រូវគេរំពឹងថា នឹងទទួលបានអត្ថប្រយោជន៍ក្នុងការប្រកួតប្រជែង ដោយសារការនាំចូលបន្លែមិនជាប់ពន្ធ ដូច្នេះវាជួយកាត់បន្ថយថ្លៃដើមនាំចូលបន្លែ។ ចំណែកបន្លែប៉េងប៉ោះនៅតែជាប់ពន្ធដដែល សម្រាប់ពន្ធផ្លែប៉េងប៉ោះនាំចូលពីប្រទេសម៉ិកស៊ិក។ អ្នក ទីផ្សារ បានរាយការណ៍ទៀតថា ពន្ធនេះធ្វើឱ្យតម្លៃផ្លែប៉េងប៉ោះរបស់សហរដ្ឋអាម៉េរិកនៅតែឡើងខ្ពស់ ហើយបង្កការលំបាកលើប្រភពបន្លែ និងយុទ្ធសាស្ត្រកំណត់តម្លៃ។  អ្នកទិញមួយចំនួនកំពុងតែពិចារណាអំពីប្រភពដើមរបស់ផ្លែប៉េងប៉ោះ ហើយចង់នាំចូលផ្លែប៉េងប៉ោះពីតំបន់អាម៉េរិកឡាទីន ដែលស្ថិតនៅក្រោមការលើកលែងពន្ធនាំចូល ប៉ុន្តែបរិមាណផ្លែប៉េងប៉ោះមិនសូវមានច្រើន ហើយលក្ខណៈបច្ចេកទេសរបស់ផលិតផលក៏មិនទាន់កំណត់ឱ្យបានច្បាស់លាស់ដែរុ។ ដោយសារពន្ធត្រូវបានលើកលែងសម្រាបបន្លែផ្សេងទៀត អ្នកនាំចូលកំពុងរៀបចំសម្រាប់ការចំណាយឱ្យធ្លាក់មកទាប ដែលអាចបង្កើនបរិមាណ និងបន្ធូរបន្ថយសម្ពាធពីអតិផរណាមួយចំនួន នៅក្នុងការលក់រាយ។ ក្រុមពាណិជ្ជករ​ បានកត់សម្គាល់ថា អ្នកផ្គត់ផ្គង់ផ្លែប៉េងប៉ោះ ដែលមិនស្ថិតក្រោមកិច្ចព្រមព្រៀងលើកលែងពន្ធថ្មីនេះ អាចប្រឈមមុខនឹងការប្រកួតប្រជែងខ្លាំងជាងគេ […]

ម៉ានីល៖ ដើម្បីទប់ស្កាត់ការកើនឡើងនៃតម្លៃខ្ទឹមបារាំងក្នុងរដូវបុណ្យណូអែល ឆ្នាំ២០២៥នេះ ក្រសួងកសិកម្មហ្វីលីពីន បានចាប់ផ្តើមលក់រាយក្នុងតម្លៃទាបបំផុត ត្រឹម១២០ប៉េសូ ឬស្មើនឹង២ដុល្លារ ​ក្នុងមួយគីឡូក្រាម សម្រាប់ខ្ទឹមបារាំងក្រហម និងខ្ទឹមបារាំងស។ រដ្ឋមន្ត្រីក្រសួងកសិកម្ម លោក ហ្វ្រែនស៊ីស្កូ ធៀវ លួរ៉ែល​​​ (Francisco Tiu Laurel) ក៏បានសង្កត់ធ្ងន់ផងដែរថា ការផ្អាកនាំចូលអង្ករ ដែលដាក់ចេញកាលក្នុងខែកញ្ញា នៅតែមានប្រសិទ្ធភាពរហូតដល់ថ្ងៃទី៣១ ខែធ្នូ ឆ្នាំ ២០២៥។ តម្លៃលក់រាយទាបបំផុតសម្រាប់ខ្ទឹមបារាំង គឺធ្វើឡើងបន្ទាប់ពីទទួលបានរបាយការណ៍អំពីការត្រួតពិនិត្យទីផ្សារ ដែលបង្ហាញថា តម្លៃខ្ទឹមបារាំងលក់រាយ​បានកើនឡើងខ្ពស់រហូតដល់៣០០ប៉េសូ ឬស្មើនឹង៥,១២ដុល្លារ​ ក្នុងមួយគីឡូក្រាម ដោយនៅតាមផ្សារខ្លះ បានឡើងថ្លៃរហូតដល់ជិត៤០០ប៉េសូ ឬស្មើ៦,៨៣ដុល្លារ ​ក្នុងមួយគីឡូក្រាម។ លោករដ្ឋមន្ត្រីបានទទួលស្គាល់ថា ការនាំចូលខ្ទឹមបារាំងយឺតយ៉ាវពេក បានធ្វើឱ្យការផ្គត់ផ្គង់មានការខ្្វះខាត និងបង្កឱ្យតម្លៃខ្ទឹមបារាំងកើនឡើងខ្ពស់។ ខ្ទឹមបារាំងនាំចូលពីបរទេសនាពេលបច្ចុប្បន្ននេះ​ មានតម្លៃប្រហែល៦០ប៉េសូ ឬស្មើនឹង១ដុល្លារ ក្នុងមួយគីឡូក្រាម ដោយធ្វើឱ្យតម្លៃធ្លាក់មកនៅទាបសមរម្យតាមខ្សែសង្វាក់ផ្គត់ផ្គង់​ គឺ១២០ប៉េសូ ឬស្មើនឹង២ដុល្លារ ក្នុងមួយគីឡូក្រាម។ ម៉្យាងវិញទៀត ខណៈពេលផ្អាកការនាំចូលអង្ករពីបរទេសរយៈពេលពីរខែ បានជួយឱ្យតម្លៃស្រូវ ក្នុងរដូវប្រមូលផលកន្លងផុតទៅ អាចរក្សាបានតម្លៃទាប ដូច្នេះក្រសួងកសិកម្មបានសម្រេចចិត្តបន្តហាមឃាត់ការនាំចូលរហូតដល់ចុងឆ្នាំ២០២៥ ស្របតាមការណែនាំរបស់លោកប្រធានាធិបតី ដើម្បីរក្សាស្ថិរភាពតម្លៃស្រូវ-អង្ករ […]

ដោយ ឡុង សារេត​ ភ្នំពេញ៖ ធនាគារអភិវឌ្ឍន៍អាស៊ី (ADB)​បានអនុម័តកម្មវិធីវិនិយោគក្នុងទំហំទឹកប្រាក់ចំនួន៧៦៣លានដុល្លារ ដែលក្នុងនោះរួមមានជំនួយឥតសំណងចំនួន២០លានដុល្លារពីមូលនិធិអភិវឌ្ឍន៍អាស៊ី ដើម្បីគាំទ្រកម្ពុជាពង្រីកលទ្ធភាពទទួលបានការផ្គត់ផ្គង់ទឹកស្អាតនិងអនាម័យ ពង្រឹងសន្តិសុខទឹក និងលើកកម្ពស់ភាពធន់និងភាពសមស្របសម្រាប់រស់នៅនៃទីក្រុងរបស់ប្រទេសកម្ពុជា។ យោងតាមការចេញផ្សាយរបស់ធនាគារអភិវឌ្ឍន៍អាស៊ី នៅថ្ងៃទី​១ ខែធ្នូ​ ឆ្នាំ​២០២៥ បាន​​ឱ្យដឹង​ថា ​កម្មវិធីវិនិយោគដើម្បីទីក្រុងសមស្របសម្រាប់រស់នៅ​ធន់ និងមាន​សុវត្ថិភាពទឹកនេះ ជាការផ្តល់ហិរញ្ញប្បទានតាមដំណាក់កាលៗ សំដៅបង្កើនសេវាកម្មទឹកនៅក្នុងទីក្រុងចំនួន១៤ និងស្រុកចំនួន១២ នៅតាមតំបន់ទន្លេមេគង្គ ទន្លេសាប និងឆ្នេរសមុទ្រ។ កម្មវិធីនេះនឹងផ្តល់អាទិភាពដល់ការគ្របដណ្តប់ប្រកបដោយបរិយាបន្ននៃការទទួលបានទឹក និងសេវាទីក្រុង ដែលប្រមាណ១៥ភាគរយ នៃអ្នកទទួលផលផ្ទាល់សរុបពីកម្មវិធីគឺជាគ្រួសារក្រីក្រ។ លោកស្រី យ៉ាសមីន សីដីគី (Yasmin Siddiqi) នាយិកាធនាគារ​ ADB ប្រចាំប្រទេសកម្ពុជា បានមានប្រសាសន៍ថា ​«កម្មវិធីវិនិយោគនេះ នឹងជួយកម្ពុជាក្នុងការកសាងសេវាកម្មទីក្រុង ដែលធន់នឹងអាកាសធាតុ និងមានបរិយាបន្ន ដែលមិនត្រឹមតែគាំទ្រដល់ភាពសមស្របសម្រាប់រស់នៅប៉ុណ្ណោះទេ ប៉ុន្តែថែមទាំងបង្កើនផលិតភាព និង​សមត្ថភាពប្រកួតប្រជែងផងដែរ។ តាមរយៈការកែលម្អការផ្គត់ផ្គង់ទឹក អនាម័យ និងសេវាទីក្រុងផ្សេងទៀត យើងមានគោលបំណងនាំមកនូវអត្ថប្រយោជន៍ដោយផ្ទាល់ដល់ពលរដ្ឋជាងពីរលាននាក់ ដោយធានាថា សូម្បីតែសហគមន៍ ដែលងាយរងគ្រោះបំផុតក៏មិនត្រូវបានទុកចោលដែរ»។ ខណៈពេលប្រទេសកម្ពុជាមានការរីកចម្រើនគួរឱ្យកត់សម្គាល់ ជាមួយនឹងការទទួលបានការផ្គត់ផ្គង់ទឹក និងអនាម័យជាមូលដ្ឋាន កើនឡើងដល់ជិត៨៣ភាគរយ ក្នុងឆ្នាំ២០២៤ […]