ព័ត៌មានពេលព្រឹក

នៅពេលដែលប្រជាពលរដ្ឋក្នុងស្រុកងាកមកចាប់អារម្មណ៍ និង គិតគូរអំពីសុខភាពតាមរយៈការបរិភោគម្ហូបអាហារប្រចំាថ្ងៃ គេសង្កេតឃើញមានអាជីវកម្មដំាបន្ថែនៅក្នុងផ្ទះសំណាញ់ចាប់ផ្តើមមានការកើនឡើងនៅតាមតំបន់មួយចំនួនក្រោយពីប្រជាពលរដ្ឋ ងាកមកគំាំទ្របន្ថែសុវត្ថិភាព និង បន្លែសរីរាង្គដែលបានដាក់លក់នៅលើទីផ្សារ។ លោក ហ៊ី ផេងឡា ម្ចាស់កសិដ្ឋាន ឌីភីខេ ភ្នំប្រសិតដែលមានទីតំាងនៅសង្កាត់ពញាពន់ ខណ្ឌព្រែកព្នៅ រាជធានីភ្នំពេញ ដែលបាននឹងកំពុងធ្វើការដាំបន្ថែសុវត្ថិភាពនៅក្នុងផ្ទះសំណាញ់មាន ម្ទេសហាវៃ ប៉េងបោះឈឺរី ខាត់ណាផ្កា ស្ពៃក្រញាញ់ ស្ពៃចង្កឹះ ស្ពៃតឿ ស្ពៃខ្មៅ និង ស្ពៃពួយឡេង បានឱ្យដឹងថាការដំាបន្លែនៅក្នុងផ្ទះសំណាញ់នៅពេលបច្ចុប្បន្ន ខ្ញុំសង្កេតឃើញថាមានការរីកចម្រើន ខុសពីពេលមុនៗ។ កន្លងមកប្រជាពលរដ្ឋគាត់យល់ថាបន្លែដែលដំាតាមលក្ខណៈទូទៅមានតម្លៃថោក ប៉ុន្តែនៅពេលគាត់ចាប់ផ្តើមគិតដល់សុខភាព ពួកគាត់បានងាកមកបរិភោគបន្លែសុវត្ថិភាពច្រើន ដោយសារបន្ថែសុវត្ថិភាពប្រើប្រាស់ថ្នាំគីមីតិចតួច មិនធ្វើឱ្យប៉ះពាល់ដល់សុខភាពអ្នកបរិភោគ។ លោកបញ្ចាក់ថា “ប្រជាពលរដ្ឋក្នុងស្រុកសព្វថ្ងៃ មានការពេញនិយមបរិភោគបន្លែដំានៅតាមកសិដ្ឋានច្រើន ក្នុងនោះសម្រាប់បន្លែស្លឹកមានដូចជា ស្ពៃពួយឡេង ស្ពៃក្រញាញ់ ស្ពៃតឿ។ លើសពីនេះ ម្ទេសហាវៃ និង ខាត់ណាផ្កា បើយើងដំាបាន មិនសូវប៉ះពាល់ជាមួយទីផ្សារខាងក្រៅទេពោលតម្លៃរបស់ស្ពៃទាំងនេះនៅតែរក្សាបានតម្លៃខ្ពស់ និង មានការគំាំទ្រច្រើនជាងបន្លែផ្សេងៗ”។ សព្វថ្ងៃនេះ លោកបញ្ចេញលក់នូវម្ទេសហាវៃ ពី៧០ទៅ៨០គីឡូក្រាម ជារៀងរាល់ថ្ងៃហើយម្ទេសហាវ៉ៃពណ៌ខៀវ យើងអាចលក់ចេញបានថ្លៃ៨ពាន់រៀល និង ម្ទេសហាវ៉ៃទុំលក់បានថ្លៃ១ម៉ឺនរៀល […]

បើទោះបីម្ចាស់កសិដ្ឋានចិញ្ចឹមមាន់នៅក្នុងស្រុកភាគច្រើនអះអាងថា បានចាក់វ៉ាក់សំាងការពារជំងឺផ្តាសាយបក្សី ប្រភេទ H5N1 ទៅលើសត្វមាន់របស់ខ្លួនរួចរាល់ហើយយ៉ាងណាក៏ដោយ សម្រាប់សមាគមន៍អ្នកចិញ្ចឹមសត្វកម្ពុជានៅតែព្រួយបារម្ភទៅលើប្រភេទជំងឺមួយនេះ។ ផ្អែកលើការព្រួយបារម្ភមួយនេះ សមាគមអ្នកចិញ្ចឹមសត្វកម្ពុជា គ្រោងចុះត្រួតពិនិត្យ និង នាំយកថ្នំាសម្លាប់មេរោគមួយចំនួនចែកជូនដល់ម្ចាស់កសិដ្ឋានចិញ្ចឹមមាន់នៅតាមតំបន់មួយចំនួននាពេលខាងមុខផងដែរ។ លោក ស្រ៊ុន ពៅ ប្រធានសមាគមន៍អ្នកចិញ្ចឹមសត្វកម្ពុជាមានប្រសាសន៍ថា “ទោះបីម្ចាស់កសិដ្ឋានអះអាងថាសត្វមាន់របស់ខ្លួនបានចាក់វ៉ាក់សំាងការពារជំងឺផ្តាសាយបក្សីទៅលើសត្វមាន់របស់ខ្លួនរួចរាល់ហើយក៏ដោយ ខាង សមាគមនៅតែចុះទៅត្រួតពិនិត្យនៅកន្លែងកសិដ្ឋានចិញ្ចឹមមាន់ ហើយលោកនឹងយកថ្នំាសម្លាប់មេរោគមួយចំនួនទៅចែកចាយជូនដល់ម្ចាស់កសិដ្ឋានចិញ្ចឹមមាន់មួយចំនួនផ្អែកទៅលើទីតំាងជាក់ស្តែងមួយចំនួន ”។ លោក ស៊្រុន ពៅ សង្កត់ធ្ងន់ថា “បើទោះបីជំងឺផ្តាសាយបក្សីនេះមិនទាន់មានការរីករាលដាលនៅក្នុងស្រុកក៏ដោយ ប៉ុន្តែលោកមានការព្រួយបារម្ភខ្លំាង និងផ្តោតការយកចិត្តទុកដាក់ជាចម្បងទៅលើជំងឺផ្តាសាយបក្សីនេះមួយនេះព្រោះវាពាក់ព័ន្ធនឹងជីវិតមនុស្ស និង សត្វ ។ តួយ៉ាងជំងឺផ្តាសាយបក្សី H5N1 នេះកាលពីឆ្នំាមុនៗបានធ្វើឱ្យម្ចាស់កសិដ្ឋានជួបការខាតបង់សត្វមាន់រាប់សែនក្បាល”។ លោក សុក សីហា ម្ចាស់កសិដ្ឋានចិញ្ចឹមមាន់ខ្នាតធំមួយកន្លែងនៅខាងខេត្តកំពង់ស្ពឺ បានយល់ឃើញាថា ម្ចាស់កសិដ្ឋានចិញ្ចឹមមាន់ត្រូវបង្កើនវិធានជីវៈសុវត្ថិភាព ឱ្យបានតឹងរឹងជាងមុន ត្រូវបាញ់ថ្នាំសម្លាប់មេរោគនៅក្នុងកសិដ្ឋាន ត្រូវត្រួតពិនិត្យសុខភាពមាន់ជាប្រចាំ ត្រូវចាក់វ៉ាក់សាំងការពារជំងឺផ្តាសាយបក្សី កុំមិនឱ្យមានការទិញសាច់មាន់មកបរិភោគក្នុងកសិដ្ឋាន និង ត្រូវឧស្សាហ៏យកឈាមមាន់ពិនិត្យមើលអង់ទីគ័រការពារមេរោគ ។ លោកបានបន្តឱ្យដឹងទៀតថា សម្រាប់កសិដ្ឋានរបស់លោកមានថ្នាំការពារមេរោគជាប់ជាប្រចាំ ប្រើសំលាប់មេរោគតាមរដូវកាល និង មានការចាក់វ៉ាក់សំាងការពារសត្វមាន់ចំនួន១-២ដង ជាប្រចាំទៅតាមកាលកំណត់។ ប៉ុន្តែសម្រាប់កសិករ និង […]

និស្សិតរួមនិងអ្នកពាក់ព័ន្ធនៅក្នុងវិស័យចិញ្ចឹមសត្វនៅក្នុងស្រុកជាង៣០០នាក់បានទៅទស្សនកិច្ចនៅក្នុងការពិព័រណ៍អន្តរជាតិស្ដីពីវេទិកាធុរកិច្ចលើវិស័យចិញ្ចឹមសត្វ និង វារីវប្បកម្ម នៅទីក្រុងហូជីមិញ ប្រទេសវៀតណាមដែលបានចាប់ផ្តើមកាលថ្ងៃទី ១១-១២ ខែតុលា ឆ្នំា២០២៣កន្លងមកនេះ បានផ្តល់នូវចំណេះដឹងក៏ដូចជាបទពិសោធន៍យកមកចែករំលែកបន្តជូនដល់អ្នកនៅក្នុងស្រុក។ លោក ស្រ៊ុន ពៅ ប្រធានសមាគមអ្នកចិញ្ចឹមសត្វកម្ពុជាដែលបានចូលរួមទស្សនៈកិច្ចក្នុងកម្មវិធីខាងលើ បានឱ្ “ការចូលរួមនៅក្នុងកម្មវិធីតំាងព័រណ៍អន្តរជាតិស្តីពីវេទិកាធុរកិច្ចលើវិស័យចិញ្ចឹមសត្វ និង វារីវប្បកម្ម នៅទីក្រុងហូជីមិញ យើងទទួលបានចំណេះដឹងច្រើន ហើយចំណេះដឹងដែលលោកទទួលពីការចូលរួមនេះ លោកតែងតែធ្វើការផ្សព្វផ្សាយបន្តទៅអ្នកនៅក្នុងស្រុកអោយបានដឹងថា នៅក្នុងប្រទេសវៀតណាមមានការដាក់តំាងដែលមានផលិតផលអ្វីខ្លះ យើងគួរមានចំណាប់អារម្មណ៍អ្វីទៅលើផលិតផលអ្វីខ្លះ”។ កញ្ញា នូ ស្រីតូច បានឱ្យដឹងថា “ក្នុងនាមជានិស្សិតផ្នែកកសិកម្ម នៃមហាវិទ្យាល័យវិទ្យាសាស្រ្តសត្វ កញ្ញាពិតជាមានក្ដីរំភើបជាខ្លាំងដែលបានចូលរួមការតាំងពិពរណ៍នៅប្រទេសវៀតណាមកាលពីថ្មីៗនេះ ដោយកញ្ញាមានការចាប់អារម្មណ៍ជាច្រើនទៅលើសម្ភារទំនើបដែលបានដាក់តាំងបង្ហាញរួមមាន ទ្រុងសម្រាប់ចិញ្ចឹមមាន់ ទូភ្ញាស់ស៊ុត ធុង និង សម្ភារៈស្តុកចំណី ឧបករណ៍សម្រាប់ដាក់ចំណីដល់សត្វ ម៉ូទ័រ ស្តុកទឹក រហាត់ទឹក ឬ ផ្លិត សម្រាប់ដាក់នៅក្នុងកសិដ្ធាន រួមនឹងធាតុផ្សំនាៗសម្រាប់ចំណីសត្វជាដើម។ ការតាំងពិពរណ៍នេះបានបើកឪកាសឱ្យកញ្ញា បានឃើញភាពទាន់សម័យនៃវិស័យនេះដោយផ្ទាល់ភ្នែក ដែលជាចក្ខុវិស័យសម្រាប់ឱ្យកញ្ញាកាន់តែស្រលាញ់ និង ជម្រុញទឹកចិត្តពង្រីកចំណេះដឹងបន្ថែមក្នុងវិស័យចិញ្ចឹមសត្វ។

មន្ត្រីជំនាញវារីប្បកម្មនៃរដ្ឋបាលជលផល ក្រសួងកសិកម្ម រុក្ខាប្រមាញ់ និង នេសាទបានចាត់ទុកខេត្តចំនួន៣នៅតាមដីសណ្តទន្លេមេគង្គដូចជា ខេត្តតាកែវ  ខេត្តកណ្តាល និង ខេត្តព្រៃវែងមានសក្តានុពលល្អក្នុងការចិញ្ចឹមបង្កងទឹកសាបឬបង្កងដៃវែង នៅពេលបច្ចុប្បន្ននិងអនាគត។ លោក ថាយ សុមុនី ប្រធាននាយកដ្ឋានវារីវប្បកម្ម រដ្ឋបាលជលផល នៃក្រសួងកសិកម្ម រុក្ខាប្រមាញ់ និង នេសាទមានប្រសាសន៍ថា “យើងឃើញថាខេត្តនៅតាមដីសណ្តទន្លេមេគង្គកម្ពុជា ពិសេសនៅខាងខេត្តតាកែវ ដូចជានៅក្នុងស្រុកបូរីជលសារ កោះអណ្តែត និងអង្គរបូរី សុទ្ធតែជាស្ រុកមានសក្តានុពលល្អសម្រាប់ការចិញ្ចឹមបង្កងទឹកសាបឬបង្កងដៃវែង ។ ការចិញ្ចឹមបង្កងទឹកសាបសាកល្បងរយៈពេល៣ឆ្នំាមកនេះ យើងទទួលបានលទ្ធផលគួរជាទីពេញចិត្ត ហើយយើងឃើញប្រជាកសិករក្នុងតំបន់មានការពង្រីកការងារចិញ្ចឹមបង្កងរបស់ខ្លួនច្រើន”។ លោក សាប់ សារុន កសិករចិញ្ចឹមបង្កងទឹកសាបនៅឃុំសំបួរ ស្រុកទ្រំាង ខេត្តតាកែវ បានឱ្យដឹងថា នៅក្នុងរដូវបុណ្យភ្ជុំបិណ្ឌឆ្នំានេះ បើរាប់ចាប់ពីថ្ងៃកាន់បិណ្ឌទី១ និង ទី២ ការលក់បង្កងបានត្រឹមពី៥ទៅជាង១០គីឡូក្រាមក្នុងមួយថ្ងៃ។ តែចាប់ពីបិណ្ឌទី៣ឡើងទៅថ្ងៃខ្លះ លក់បានដល់ទៅ ២០គីឡូ ពិសេសចូលដល់ថ្ងៃបិណ្ឌទី១៤ និង ទី១៥ មានរហូតដល់ ៦០គីឡូ ក្នុងមួយថ្ងៃ។ លោកបន្តថា ការលក់បង្កងនៅក្នុងរដូវបុណ្យភ្ជុំបិណ្ឌ អ្នកដែលមកទិញផ្ទាល់នៅនឹងកន្លែងចិញ្ចឹមមានច្រើនប្រហាក់ប្រហែលទៅនឹងអ្នកទិញតាមទូរស័ព្ទមានប្រហាក់ប្រហែលគ្នា ហើយចំពោះតម្លៃសម្រាប់បង្កងលេខ២ […]

ដើម្បីប្រកួតប្រជែងជាមួយនឹងបន្លែ ផ្លែឈើការនាំចូលមកពីខាងក្រៅអ្នកជំនាញលើកទឹកចិត្តឱ្យកសិករនៅក្នុងស្រុក គួរជ្រើសរើសយកការដាំដុះបន្លែ ផ្លែឈើតាមបែប “ការអនុវត្តកសិកម្មល្អ” ហើយការលើកឡើងនេះត្រូវបានកសិដ្ឋានដែលបាននិងកំពុងអនុវត្តការដាំដុះបន្លែតាមបែបសរីរាង្គនៅក្នុងផ្ទះសំណាញ់សម្តែងការគំាំទ្រផងដែរ។ លោក ជូ សេដាវុធ ម្ចាស់កសិដ្ឋានម៉ៅស្ហេងដាំដុះបន្លែសុវត្ថិភាពក្នុងផ្ទះសំណាញ់ មានទីតំាងនៅខាង ខេត្តកំពង់ស្ពឺ មានប្រសាសន៍ “ដើម្បីប្រកួតប្រជែងជាមួយបន្លែនាំចូលពីខាងក្រៅ យើងមិនមែនយកត្រឹមតែបរិមាណទេ យើងត្រូវផលិតឱ្យមានទាំងគុណភាព ។តែបើយើងផលិតក្នុងបរិមាណតិចហើយមានគុណភាពក៏មិនអាចផ្គត់ផ្គង់ទីផ្សារបាន។ ខ្ញុំគំាំទ្រការដាំដុះបន្លែ ផ្លែឈើតាមបែប “ការអនុវត្តកសិកម្មល្អ” ដើម្បីយើងធ្វើការទប់ស្កាត់ការនំាចូលបន្លែពីខាងក្រៅបានខ្លះ កុំឱ្យយើងនាំចូលអ្វីដែលយើងអាចផលិតបាន។ យើងនាំគ្នាងាកមកប្រើប្រាស់ផលិតផលនៅក្នុងស្រុកល្អជាង ព្រោះតំាងពីដើមមកកម្ពុជាជាប្រទេសកសិកម្ម យើងពឹងលើការធ្វើកសិកម្មជាង៩០%ហើយ”។ លោក ហ៊ី ផេងឡា ម្ចាស់កសិដ្ឋាន ឌីភីខេ ភ្នំប្រសិតដែលមានទីតំាងនៅសង្កាត់ពញាពន់ ខណ្ឌព្រែកព្នៅ រាជធានីភ្នំពេញមានប្រសាសន៍ថា ប្រជាពលរដ្ឋក្នុងស្រុកសព្វថ្ងៃ មានការពេញនិយមបរិភោគបន្លែដំានៅតាមកសិដ្ឋានច្រើន ក្នុងនោះសម្រាប់បន្លែស្លឹកមានដូចជា ស្ពៃពួយលេង ស្ពៃក្រញាញ់ ស្ពៃតឿ ។លើសពីនេះម្ទេសហាវៃ និងខាត់ណាផ្កា បើយើងដំាបានមិនសូវប៉ះពាល់ជាមួយទីផ្សារខាងក្រៅទេ ពោលតម្លៃរបស់វានៅរក្សាបានតម្លៃខ្ពស់និងមានការគំាំទ្រច្រើនជាងបន្លែផ្សេងៗ ។ ពាក់ព័ន្ធនិងតម្រូវការនៅលីទីផ្សារក្នុងស្រុគ លោក ហ៊ី ផេងឡា បញ្ជាក់ថា “សព្វថ្ងៃនេះ ខ្ញុំបញ្ចេញលក់នៅម្ទេសហាវៃពី៧០ទៅ៨០គីឡូក្រាមជារៀងរាល់ថ្ងៃហើយម្ទេសហាវ៉ៃពណ៌ខៀវ យើងអាចលក់ចេញបានថ្លៃ៨ពាន់រៀល និងម្ទេសហាវ៉ៃទុំលក់បានថ្លៃ១ម៉ឺនរៀលនៅក្នុង១គីឡូក្រាម ។ផ្អែកលើតម្រូវការនិងតម្លៃម្ទេសហាវ៉ៃនេះ ខ្ញុំមានគម្រោងពង្រីកការដំាម្ទេសហាវៃនៅក្នុងផ្ទះសំណាញ់៤ខ្នងបន្ថែមទៅលើផ្ទះសំណាញ់កំពុងដំាបន្ថែសព្វថ្ងៃ២១ខ្នងទៀត […]

បន្ទាប់ពីបានបណ្តុះបណ្តាលបំណិនដល់សិស្សទៅលើការដំាបន្លែក្នុងផ្ទះសំណាញ់ ជាមួយនិងការចិញ្ចឹមត្រី និងកង្កែបនៅក្នុងទីតំាងសាលាវិទ្យាល័យ ហ៊ុន សែន វាលរេញ បាន៣វគ្គកន្លងរួចមក ក្រៅពីគោលបំណងចង់ឱ្យសិស្សមានប្រាក់ចំណូលសម្រាប់បន្តការសិក្សា គឺនាយកសាលាមានគោលបំណងចង់ឃើញ ឬចង់កែប្រែភូមិនៅក្នុងតំបន់ក្លាយទៅជាភូមិមួយដែលពេញពេញទៅដោយបន្លែបៃតងសម្រាប់ផ្គត់ផ្គង់នៅលើទីផ្សារនៅថ្ងៃខាងមុខ។ លោក ងៀម ស៊ីដារា នាយកវិទ្យាល័យ ហ៊ុនសែន វាលរេញមានប្រសាសន៍ថា មកដល់ម៉ោងនេះយើងបានដំាបន្លែ ចិញ្ចឹមត្រីនិងកង្កែបបាន៣វគ្គរួចមកហើយ។សម្រាប់បន្លែនៅទី៤នេះ យើងកំពុងតែរៀបចំដំណើរការ ហើយក្រោយដំាបានផលហើយ សិស្សអាចដកយកទៅលក់នៅមុខសាលា ក្នុងគោលបំណងចង់ឱ្យសិស្សមានប្រាក់ចំណូលបន្តការសិក្សា កាត់បន្ថយការចំណាយនៅតាមក្រុមគ្រួសាររបស់ពួកគាត់។ យោងតាមលោកនាយកសាលា នៅក្នុងរយៈពេលនៃការអនុវត្តដំាបន្លែក្នុងផ្ទះសំណាញ់ និងការចិញ្ចឹមត្រី កង្កែបបាន៣វគ្គកន្លងមកនេះ មានសិស្សប្រមាណ២០នាក់ចែកជា៣ក្រុម បានអនុវត្តផ្ទាល់នៅនឹងកន្លែង និង១ក្រុមផ្សេងទៀតជាក្រុមគំាំទ្រក៏មានការបណ្តុះបណ្តាលឱ្យយល់ដឹងពីការដាំដុះនិងតម្លៃ ហើយសាលានឹងឱ្យពួកគាត់ចូលអនុវត្តផ្ទាល់ ដើម្បីសិស្សយកទៅអនុវត្តដំាបន្លែនៅតាមផ្ទះនីមួយៗ។ លោកសង្កត់ធ្ងន់ថា ដើម្បីឱ្យឪពុកម្តាយ និងសិស្ស បានយល់អំពីផលប្រយោជន៍ ពីសារៈប្រយោជន៍និងការដំាបន្ថែទទួលបាននូវអត្ថប្រយោជន៍ទំាងអស់គ្នា យើងនឹងធ្វើកិច្ចសហការជាមួយខាងមន្ទីរកសិកម្ម រុក្ខាប្រមាញ់និងនេសាទខេត្តព្រះសីហនុ ដើម្បីជំរុញការងារនេះ។ ខ្ញុំគិតថានៅពេលឪពុកម្តាយរបស់សិស្សមួយចំនួន បានឃើញកូនរបស់គាត់អនុវត្តនៅសលារៀន ប្រហែលគាត់មានការប្រែប្រួលអារម្មណ៍ថានឹងកូនគាត់អនុវត្តការដំាបន្ថែក្នុងផ្ទះសំណាញ់នេះ។ លោក ងៀម ស៊ីដារា នាយកវិទ្យាល័យ ហ៊ុនសែន វាលរេញមានប្រសាសន៍ថា “ក្នុងគោលបំណងរបស់យើង យើងនឹងខិតខំធ្វើយ៉ាងម៉េចនៅក្នុងភូមិរបស់យើងក្លាយជាភូមិបៃតងមានបន្ថែនិងអាចផ្គត់ផ្គង់ទៅលើទីផ្សារបាននៅថ្ងៃអនាគត ហើយបាន ចូលរួមកាត់បន្ថយការនាំចូលបន្លែពីខាងក្រៅ ទោះបីជាធម្មតាទីផ្សារសេរីវាអ្នកណានាំចូលបន្លែក៏បាន ប៉ុន្តែខ្ញុំជឿថាបើយើងមានការដំាបន្ថែនៅក្នុងតំបន់ […]

អង្គភាព កម្មសិទ្ធិបញ្ញាកូរ៉េ (KIPO) និង KIPA បានកំណត់យកទំនិញសម្គាល់ភូមិសាស្រ្តចំនួន ២ រួមមាន “ម្រេចកំពត” និង “ទឹកឃ្មុំព្រៃមណ្ឌលគិរី” ដើម្បីសិក្សា និងប្រមូលព័ត៌មានលម្អិត ដើម្បីជំរុញការប្រើប្រាស់បច្ចេកវិទ្យាទំនើប និងជំរុញការកសាងកេរ្ត៍ឈ្មោះម៉ាកសម្គាល់ភូមិសាស្រ្តនេះឱ្យមានភាពល្បីល្បាញបន្ថែមទៀត។នេះបើយោងតាមក្រសួងពាណិជ្ជកម្ម កាលពីថ្ងៃទី៩ខែតុលាឆ្នំា២០២៣នេះ។ បើយោងតាមក្រសួងពាណិជកម្ម ទន្ទឹមនិងម្រេចកំពតនិងទឹកឃ្មុំព្រៃមណ្ឌលគីរី កំណត់ដើម្បីជំរុញការប្រើប្រាស់បច្ចេកវិទ្យាទំនើប ឯកឧត្តម សួន វិជ្ជា ទីប្រឹក្សាក្រសួងពាណិជ្ជកម្ម ប្រធានលេខាធិការដ្ឋាននៃគណៈកម្មាធិការជាតិគ្រប់គ្រងកម្មសិទ្ធិបញ្ញា និងជាប្រធាននាយកដ្ឋានកម្មសិទ្ធិបញ្ញាក៏បានស្នើសុំ Ms. Yoon Ha Young អ្នកគ្រប់គ្រង នៃនាយកដ្ឋានកិច្ចសហប្រតិបត្តិការ អន្តរជាតិ របស់សមាគមលើកកម្ពស់ការច្នៃប្រឌិតកូរ៉េ (KIPA)ពិនិត្យ និងសិក្សាលម្អិតលើទំនិញសម្គាល់ភូមិសាស្រ្ត “ស្ករត្នោតកំពង់ស្ពឺ” មួយបន្ថែមទៀត ចំពោះការកែច្នៃទឹកត្នោតទៅជានំស្រួយ ភេសជ្ជៈ និងស្ករគ្រាប់ ដើម្បីលើកកម្ពស់ជីវភាព គុណភាព និងកេរ្តិ៍ឈ្មោះរបស់ប្រទេសកម្ពុជា ដែលដើមត្នោតគឺជានិមិត្តរូបនៃប្រទេសកម្ពុជា។ ជាលទ្ធផល តំណាង KIPO នឹងចុះទៅសិក្សា និងវាយតម្លៃលម្អិតលើទំនិញសម្គាល់ភូមិសាស្រ្តចំនួន ៣ រួមមាន “ម្រេចកំពត” “ទឹកឃ្មុំព្រៃមណ្ឌលគិរី” និង “ស្ករត្នោតកំពង់ស្ពឺ” […]

រដូវនេសាទនៅឆ្នំា២០២៣នេះ បានចាប់ផ្តើមបើកជាផ្លូវការចាប់ពីថ្ងៃទី០១ ខែតុលា ឆ្នាំ២០២៣ ដល់ថ្ងៃទី៣១ ខែឧសភា ឆ្នាំ២០២៤ ខាងជើងខ្សែស្របទន្ល ចតុមុខ និង នៅខាងត្បូងខ្សែស្របទន្លេចតុមុខ ចាប់ពីថ្ងៃទី០១ ខែវិច្ឆិកា ឆ្នាំ២០២៣ ដល់ថ្ងៃទី៣០ ខែមិថុនា ឆ្នាំ២០២៤។នេះបើយោងតាមសេចក្តីប្រកាសព័ត៌មានរបស់ក្រសួងកសិកម្មកម្ពុជា ដកស្រង់ដោយសារព័ត៌មានcc-Time ។ យោងតាមប្រភពខាងលើគូសបញ្ជាក់ថា រដូវបើកនេសាទសម្រាប់ការនេសាទនៅក្នុងដែននេសាទទឹកសាប នៅខាងជើងខ្សែស្របទន្ល ចតុមុខ បើកចាប់ពីថ្ងៃទី០១ ខែតុលា ដល់ថ្ងៃទី៣១ ខែឧសភា ចំពោះដែននេសាទទឹកសាបនៅ ខេត្តកំពង់ឆ្នាំង ពោធិ៍សាត់ បាត់ដំបង ប៉ៃលិន បន្ទាយមានជ័យ សៀមរាប ឧត្ដរមានជ័យ ព្រះវិហារ រតនគិរី មណ្ឌលគិរី ក្រចេះ ត្បូងឃ្មុំ កំពង់ចាម កំពង់ធំ និងមួយផ្នែកនៃរាជធានីភ្នំពេញ និងខេត្តកណ្តា។ ដោយឡែក ខេត្តស្ទឹងត្រែង បើកចាប់ពីថ្ងៃទី០១ ខែតុលា រហូតដល់ថ្ងៃទី៣០ ខែមេសា។ ចំណែក ដែននេសាទទឹកសាប ដែលស្ថិតនៅខាងត្បូងខ្សែស្របទន្លេចតុមុខ នឹងបើកចាប់ពីថ្ងៃទី០១ ខែវិច្ឆិកា […]

នៅក្នុងរយៈពេល៩ខែឆ្នំា២០២៣កន្លងមកនេះប្រទេសកម្ពុជា បាននាំចេញអង្ករទៅទីផ្សារខាងក្រៅប្រទេសបានជាង៤៥ម៉ឺនតោន បើគិតជាទឹកប្រាក់មានជិត៤០០លានដុល្លារអាមេរិក។ នេះបើយោងតាមរបាយការណ៍របស់អគ្គនាយកដ្ឋានកសិកម្ម នៃក្រសួងកសិកម្ម រុក្ខាប្រមាញ់និងនេសាទបានឱ្យដឹងថ្មីៗនេះ។ ស្របពេលកម្ពុជាទទួលបានប្រាក់ចំណូលពីការនាំចេញអង្ករជិត៤០០លានដុល្លារអាមេរិក, អ្នកឧកញ៉ា ហ៊ុន ឡាក់ ប្រធានក្រុមប្រឹក្សាភិបាលសហព័ន្ធស្រូវ-អង្ករកម្ពុជា បានសង្កេតឃើញថា និន្នាការនៅពេលបច្ចុប្បន្ននេះវិស័យកសិម្ម ដើរស្របតាមវិបត្តិសេដ្ឋកិច្ចសកល ហើយវិស័យមួយនេះមានជន្ទុលរឹងមំាសម្រាប់សម្រាប់កម្ពុជា ខណៈវិស័យមួយផ្សេងទៀតបានជាប់គំាំងមិនថាកម្ពុជាន នៅលើពិភពលោកដូចគ្នា។ អ្នកឧកញ៉ា ហ៊ុន ឡាក់ មានប្រសាសន៍ថា ដោយឡែកសម្រាប់រាជរដ្ឋាភិបាលអាណត្តិទី៧នេះគឺគាត់បានដាក់ចេញនូវយុទ្ធសាស្ត្របញ្ចកោណ នៅក្នុងនោះបានផ្សារភ្ជាប់ជាមួយនឹងការលើកកម្ពស់វិស័យឯកជន ដើម្បីជំរុញឱ្យមានការស្វែងរកទីផ្សារ ក៏ដូចជាលទ្ធភាពឱ្យត្រូវទៅនិងតម្រូវការទីផ្សារនិងការនាំចេញ។សម្តេចធិបតីនាយករដ្ឋមន្ត្រីគាត់បានចេញដំណើរបេសកកម្មទៅបរទេសមួយរយៈមកនេះមានទៅទីផ្សារដែលស្រូបយកផលិតផលកសិកម្មកម្ពុជា ក្នុងនោះក៏បានស្នើសុំទៅប្រមុខរាជរដ្ឋាភិបាលបណ្តាប្រទេសដែលសម្តេចបានទៅទស្សនៈកិច្ច។ អ្នកឧកញ៉ា លើកឡើងថា យើងឃើញហើយថានៅពេលសម្តេចធិបតី ហ៊ុនម៉ាណែតបានទៅដល់ប្រទេសឥណ្ឌូណេស៊ីបានជជែកចរចារសុំបរិមាណអង្ករចំនួន២៥ម៉ឺនតោនសម្រាប់នាំចេញទៅទីផ្សារឥណ្ឌូណេស៊ី ។ តែកិច្ចការនេះត្រូវការពេលវេលាដើម្បីរៀបចំក្របខណ្ឌបច្ចេកទេស ដោយធ្វើយ៉ាងណាអាចយើងឆ្លើយតបបានទំាងបរិមាណ តម្លៃនិងការប្រកួតប្រជែង និងថាតើពេលវេលាណាប្រគល់និងទទួលនូវអង្ករបាន។ដោយឡែកមួយទៀត សម្តេចធិបតី នាយករដ្ឋមន្ត្រីបានដឹកនាំប្រតិភូអមដំណើរដោយវិស័យឯកជនទៅប្រទេសចិន ក៏បានជជែកគ្នាផងដែរនៅបរិមាណនៃការនាំចេញអង្ករ រួមនិងកសិផលដទៃទៀតរបស់កម្ពុជាផលិតបាន ជាការឆ្លើយតបរដ្ឋាភិបាលប្រទេសចិនបានគំាំទ្រ ហើយបើតាមព័ត៌មានក្រៅផ្លូវការចិនមានបំណងថានិងបន្ថែមបរិមាណនាំចូលអង្ករពីកម្ពុជារហូតដល់៥០ម៉ឺនតោននៅពេលខាងមុខ”។‍ អ្នកឧកញ៉ា ហ៊ុន ឡាក់ ប្រធានក្រុមប្រឹក្សាភិបាលនៃសហព័ន្ធស្រូវ អង្ករកម្ពុជា មានប្រសាសន៍សង្កត់ធ្ងន់ថា ‍បើយើងមើលទៅលើបរិបទនាពេលបច្ចុប្បន តម្រូវការអង្ករកម្ពុជានៅលើទីផ្សារនៅពេលខាងមុខគឺត្រូវតែកើនឡើង ដោយសារវិស័យកសិកម្មខ្លំាង ស្របទៅតាមតម្រូវការសេដ្ឋកិច្ចពិភពលោកកំពុងជួបបញ្ហា គឺមានតែវិស័យកម្ម កសិផលិតកម្មនិងការនាំចេញរបស់កម្ពុជានេះទេ អាចជួយទៅដល់សេដ្ឋកិច្ចកម្ពុជាយើង ពិសេសជួយទៅដល់អ្នកពាក់ព័ន្ធនៅក្នុងវិស័យកសិកម្ម៕

គិតត្រឹមរយៈពេល៩ខែឆ្នំា២០២៣ កសិផលរបស់កម្ពុជាបាននាំចេញទៅក្រៅប្រទេស មានបរិមាណសរុប៥,៥លានតោន ក្នុងនោះអង្ករចំនួន៤៥ម៉ឺនតោន ស្រូវមានចំនួន១,៨លានតោន និងកសិផលក្រៅពីស្រូវអង្ករចំនួនជាង៣,៣លានតោនទៅកាន់ទិសដៅ៧១ប្រទេស ។ យោងតាមរបាយការណ៍របស់អគ្គនាយកដ្ឋានកសិកម្ម នៃក្រសួងកសិកម្ម រុក្ខាប្រមាញ់និងនេសាទ បានបញ្ជាក់ថា គិតត្រឹម រយៈពេល៩ខែឆ្នាំ២០២៣នេះតាមការប៉ាន់ស្មានតម្លៃគិតជាទឹកប្រាក់ ដែលទទួលបានពីការនាំចេញកសិផល មានចំនួន ជាង៣ ២១៣ លានដុល្លាអាមេរិក ដែលក្នុងនោះតម្លៃពីការនាំចេញអង្ករមានជាង ៣៩៤លានដុល្លារអាមេរិក តម្លៃពីការនាំចេញស្រូវមានជាង៦៥៨លានដុល្លារអាមេរិក និងតម្លៃពីការនំាចេញកសិផលក្រៅពីស្រូវ អង្ករមានជាង ២ ១៥៩លានដុលា្លរអាមេរិក ។ របាយការណ៍របស់អគ្គនាយកដ្ឋានកសិកម្ម គូសបញ្ជាក់ថា ការនាំចេញកសិផលក្នុងរយៈពេល៩ខែឆ្នំា២០២៣នេះ នៅតែបន្តថយចុះចំនួន១៣% បើប្រៀបធៀបនឹងរយៈពេលដូចគ្នាឆ្នំា២០២២ ដោយសារ៖ ១)- វិបត្តិសេដ្ឋកិច្ចសកល និងវិបត្តិនៃការឡើងថ្លៃទំនិញជាទូទៅ ឬវិបត្តិអតិផរណា បានបន្តអូសបន្លាយធ្វើឱ្យតម្លៃស្បៀងអាហារកើនឡើងកាន់តែខ្ពស់នៅក្នុងទីផ្សារ ដែលបង្កផលប៉ះពាល់យ៉ាងខ្លំាងដល់ប្រជាជននៅក្នុងបណ្តាប្រទេសដែលមានចំណូលទាប ហើយមានកម្រិតបំណុលសាធារណៈខ្ពស់ជាហេតុបណ្តាលឱ្យប្រទេសទំាងនោះមានបញ្ហាខ្វះថវិកា ដោយបញ្ជាការទិញស្បៀងអាហារចំាបាច់តែប៉ុណ្ណោះ។ ២)-ការនាំចេញដោយមិនប្រើវិញ្ញាបនបត្រភូតគាមអនាម័យមានបរិមាណច្រើន ដែលជាបញ្ហាក្នុងការកត់ត្រាទិន្នន័យនាំចេញឱ្យបានច្បាស់លាស់ផងដែរ។ ៣)-ការរឹតត្បិតលើការនាំចេញស្បៀងអាហាររបស់ប្រទេសមួយចំនួន បណ្តាលឱ្យតម្លៃស្រូវនៅកម្ពុជា ហក់ឡើងខ្ពស់ ជាហេតុនាំឱ្យរោងម៉ាស៊ីនកិនស្រូវមួយចំនួនធំប្រមូលទិញស្រូវបានបរិមាណតិច ដោយសារតម្លៃថ្លៃមិនហ៊ានប្រថុយក្នុងការទិញស្រូវស្តុកទុក សម្រាប់កិនអង្ករនាំចេញ ទន្ទឹមនឹងតម្លៃទីផ្សារអង្ករនៅលើពិភពលោកមានកំណើនតីចតួចតែប៉ុណ្ណោះ។ ប៉ុន្តែយើងសង្កេតឃើញមានការនាំចេញស្រូវចេញដោយមិនមានវិញ្ញាបនបត្រភូតគាមអនាម័យទៅប្រទេសវៀតណាមមានច្រើន និង ៤)-ចំពោះទីផ្សារអង្ករនាំចេញទៅប្រទេសឥណ្ឌូណេស៊ី ក្រុមហ៊ុនហ្គ្រីនត្រេដ បានសហការជាមួយសហព័ន្ធស្រូវអង្ករកម្ពុជា កំពុងចរចារដើម្បីលក់អង្ករចំនួន […]

ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មាធិការ ដឹកនាំការងារកែទម្រង់ការគ្រប់គ្រង ហិរញ្ញវត្ថុសាធារណៈ កាលពីព្រឹកថ្ងៃទី ២៥ ខែកញ្ញា ឆ្នាំ ២០២៣ បានដឹកនាំកិច្ចប្រជុំគណៈកម្មាធិការកែទម្រង់ការគ្រប់គ្រងហិរញ្ញវត្ថុសាធារណៈ ជាមួយដៃគូអភិវឌ្ឍន៍ ដើម្បីពិភាក្សាលើ ការត្រួតពិនិត្យវឌ្ឍនភាព នៃការអនុវត្តកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ដំណាក់កាលទី ៤ ប្រចាំឆមាសទី ១ ឆ្នាំ ២០២៣» ។ យោងតាមសារព័ត៌មានFRESH NEWS ផ្អែកតាមរបាយការណ៍វឌ្ឍនភាពនៃកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ដំណាក់កាលទី ៤ ប្រចាំឆមាសទី ១ ឆ្នាំ ២០២៣, ការអនុវត្តការងារកែទម្រង់ហិរញ្ញវត្ថុសាធារណៈ បានសម្រេចនូវសមិទ្ធកម្មគន្លឹះជាបណ្តើរៗ, ក្នុងនោះរួមមាន ៖ ភាពជឿទុកចិត្តបាននៃថវិកា ដែលជាកាតាលីករដ៏សំខាន់ក្នុងការរក្សាបាននូវស្ថិរភាពសេដ្ឋកិច្ច ក៏ដូចជា កំណើនម៉ាក្រូសេដ្ឋកិច្ច ទោះបីកម្ពុជាបានជួបប្រទះនូវវិបត្តិជាសកលនានាក្នុងពេលកន្លងមកក៏ដោយ ។ ជាក់ស្តែង, ទោះបីជាការប្រមូលចំណូលថវិកាជាតិក្នុងរយៈពេល ៦ ខែ ដើមឆ្នាំ ២០២៣ នេះ មានភាពថមថយបន្តិច បើធៀបនឹងរយៈពេលដូចគ្នា នៃឆ្នាំ […]

គម្រោងពិពិធកម្មកសិកម្មកម្ពុជានៃក្រសួងកសិកម្មរុក្ខាប្រមាញ់ និងនេសាទហៅកាត់ថា CASDP បានផ្តល់ហិរញ្ញប្បទានឥតសំណងបំពេញបន្ថែមទុនវិនិយោគដល់សហគមន៍កសិកម្មម្រេចសរីរាង្គនៅខេត្តមណ្ឌលគិរី ចំនួន៤០% ដើម្បីពង្រីកខ្សែច្រវាក់ផលិតកម្មម្រេចសរីរាង្គ កាលពីថ្ងៃទី២ខែ តុលា ឆ្នំា២០២៣កន្លងមកនេះ។ លោក គ្រី សុង ប្រធានសហគមន៍កសិកម្មម្រេចសរីរាង្គមណ្ឌលគីរី បានឱ្យដឹងថាទឹកប្រាក់ដែលសហគមន៍ទទួលបានពីគម្រោងខាងលើនេះសមាជិកនឹងយកទៅទិញសម្ភារដែលបម្រើទៅដល់ការដំាដុះម្រេចដូចជា ជន្លង សូឡា ម៉ាស៊ីនមូបទឹក និងទិញត្រាក់ទរ័ជាដើម។ លោក គ្រី សុង មានប្រសាសន៍ថា ហិរញ្ញប្បទានដែលផ្តល់ដោយគម្រោង CASDP បានផ្តល់ជូនសហគមន៍ក្នុងពេលនេះបានជួយសម្រួលការងាររបស់កសិករបានច្រើន ព្រោះសព្វថ្ងៃនេះសមាជិកសហគមន៍ត្រូវការថវិកាសម្រាប់បង្វិលក្នុងការដំាដុះម្រេចសរីរាង្គ។ បច្ចុប្បន្ននេះសមាគមមានសមាជិកចំនួន២១គ្រួសារដែលបាន ផលិតម្រេចសរីរាង្គ នៅលើផ្ទៃដី៥៥ហិកតា ហើយនៅក្នុងមួយឆ្នំាៗសហគមន៍ប្រមូលផលម្រេចសរីរាង្គសរុបជាង១០០តោន និងនៅក្នុងមួយឆ្នំាកសិករអាចលក់បានតម្លៃជាង៤០០០ដុល្លារអាមេរិក។ លោក គ្រី សុង លើកឡើងថា នៅពេលកន្លងមកក៏ដូចបច្ចុប្បន្ននេះកសិករដំាម្រេចសរីរាង្គ នៅពេលប្រមូលផលបានហើយត្រូវរងចំាអស់រយ:ពេលច្រើនខែទម្រាំបានលក់ចេញទៅឱ្យក្រុមហ៊ុន ហើយចំណុចនេះបានធ្វើឱ្យកសិករមួយចំនួនក៏បានបោះបង់ឈប់ដំាម្រេចសរីរាង្គខ្លះផងដែរ។ បើយោងតាមរបាយការណ៍របស់អគ្គនាយកដ្ឋានកសិកម្មនៃក្រសួងកសិកម្ម គិតត្រឹមរយៈពេលពេល៨ខែចុងក្រោយនេះដែរ ម្រេចរបស់កម្ពុជាបាននាំចេញបានប្រមាណ ៥០៩៤តោន ធ្លាក់ចុះប្រមាណ៣០% បើប្រៀបធៀបពេលដូចគ្នាឆ្នំា២០២២៕