Home All Program ព័ត៌មានពេលព្រឹក រដ្ឋមន្ត្រីកសិកម្មលើកទឹកចិត្តដល់អ្នកពាក់ព័ន្ធធ្វើការរួបរួមគ្នាដើម្បីរក្សាខ្សែច្រវាក់តម្លៃក្នុងវិស័យចិញ្ចឹមសត្វ

រដ្ឋមន្ត្រីកសិកម្មលើកទឹកចិត្តដល់អ្នកពាក់ព័ន្ធធ្វើការរួបរួមគ្នាដើម្បីរក្សាខ្សែច្រវាក់តម្លៃក្នុងវិស័យចិញ្ចឹមសត្វ

ស្របពេលដែលវិស័យចិញ្ចឹមសត្វក្នុងស្រុកកំពុងជួបប្រឈមនឹងតម្លៃ និងការផ្គត់ផ្គង់នៅលើទីផ្សារ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានជំរុញលើកទឹកចិត្តទៅដល់ភាគី ឬអ្នកពាក់ព័ន្ធដែលបាននឹងកំពុងប្រកបអាជីវកម្មនៅក្នុងវិស័យចិញ្ចឹមសត្វទំាងអស់ មិនថាអ្នកចិញ្ចឹម អ្នកលក់ចំណីសត្វ ឈ្មួញកណ្តាល ទីសត្តឃាតដ្ឋាន និងផលិតចំណីសត្វនោះទេ ងាកមកជជែកពិភាក្សា និងធ្វើការរួមគ្នាដើម្បីបន្តរក្សាខ្សែច្រវាក់តម្លៃឱ្យទទួលបានប្រាក់ចំណេញទំាងអស់គ្នា ជាជាងចង្អុលបញ្ហាដាក់ឱ្យគ្នា។

ថ្លែងនៅក្នុងកិច្ចប្រជុំចំាឆ្នំា និងសិក្ខាសាលាស្តីពីឧត្តមភាពនៃវិស័យចិញ្ចឹមសត្វនៅកម្ពុជាកាលពីថ្ងៃទី២៩ ខែកុម្ភៈ ឆ្នំា២០២៤ ឯកឧត្តម ឌិត ទីណា មានប្រសាសន៍ថាដើម្បីដោះស្រាយបញ្ហាសូមឱ្យតួអង្គពាក់ព័ន្ធនៅក្នុងវិស័យចិញ្ចឹមសត្វពេលបច្ចុប្បន្ន សូមងាកមកជជែកពិភាក្សា និងធ្វើការជាមួយគ្នា ហើយក្រសួងពាក់ព័ន្ធទំាងអស់ត្រៀមរងចំាជួយសម្របសម្រួល ក្នុងនោះសម្រាប់អ្នកធ្វើការ ទិញ-លក់ ស្ថិតនៅក្រោមអាណាព្យាបាលរបស់ក្រសួងពាណិជ្ជកម្ម, ទីសត្តឃាតដ្ឋាន ឬកុងស៊ី និងអ្នកចិញ្ចឹមសត្វ ស្ថិតនៅក្រោមអាណាព្យាបាលក្រសួងកសិកម្មរុក្ខាប្រមាញ់ និងនេសាទ, អ្នកផលិតចំណីសត្វលក្ខណៈឧស្សាហកម្មស្ថិតនៅក្រោមអាណាព្យាបាលក្រសួងឧស្សាហកម្ម ។

យោងតាមរដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ថ្លៃដើមផលិតសត្វខ្ពស់វាអាស្រ័យទៅលើការនាំចូលធាតុចូលមួយចំនួនមានតម្លៃថ្លៃ ដូចនេះសូមភាគីពាក់ព័ន្ធ អង្គុយជជែករកដំណោះស្រាយរួមគ្នាជាជាង កុំចង្អុលដាក់គ្នា។ អ្នកលក់ចំណីសត្វ ពឹងផ្អែកទៅលើអ្នកចិញ្ចឹមសត្វ បើអ្នកចិញ្ចឹមដួលរលំអស់ តើអ្នកលក់ចំណីលក់ទៅឱ្យអ្នកណា?, ចំណែកទីសត្តឃាតដ្ឋាន និងឈ្មួញកណ្តាលដូចគ្នា បើកសិករឈប់ចិញ្ចឹមសត្វ តើឈ្មួញកណ្តាលបានអ្វីទិញ ហើយកន្លែងកុងស៊ីបានសត្វអ្វីកាប់ ទីបំផុតអាជីវកម្មនឹងត្រូវបិទដូចគ្នា។

ឧកញ៉ា ម៉ុង ឬទ្ធី ប្រធានគណៈកម្មាទី៣ ព្រឹទ្ធសភា និងជាប្រធានសមាជិកព្រឹទ្ធសភា នៃភូមិភាគទី៧ មានប្រសាសន៍ថា «អ្នកចិញ្ចឹមសត្វនៅពេលកន្លងមកទោះបីជួបការលំបាកយ៉ាងណាក៏ដោយ យើងនៅតែរួបរួមសាមគ្គីគ្នា ដើម្បីចូលរួមចំណែក កសាង និងអភិវឌ្ឍន៍ព្រះរាជាណាចក្រកម្ពុជា ជាមួយរាជរដ្ឋាភិបាលដែលដឹកនាំដោយសម្តេចធិបតី ហ៊ុន ម៉ាណែត ហើយមកដល់សព្វថ្ងៃនេះ សមាគមអ្នកចិញ្ចឹមសត្វកម្ពុជា នៅក្មេងខ្ចីណាស់ ដូចនេះយើងត្រូវតែបន្តសាមគ្គីគ្នាជាធ្លុងមួយដើម្បីពង្រឹង ពង្រីកវិស័យចិញ្ចឹសត្វរបស់យើងឱ្យកាន់តែរីចម្រើន ជឿនលឿនតទៅមុខទៀត»។

លោក ស្រ៊ុន ពៅ ប្រធានសមាគមអ្នកចិញ្ចឹមសត្វកម្ពុជា បានឱ្យដឹងថាក្នុងឆ្នំា២០២៣ កន្លងមកនេះវិស័យចិញ្ចឹមសត្វនៅក្នុងស្រុកមានការរីកចម្រើនខ្លំាង ហើយសព្វថ្ងៃនេះទីផ្សារសត្វក្នុងស្រុកមានលក្ខណៈចង្អៀត ហើយមកដល់កាលៈទេសៈសព្វថ្ងៃនេះ អ្នកចិញ្ចឹមសត្វក៏ដូចជាផ្នែកពាក់ព័ន្ធផ្សេងទៀតនៅក្នុងវិស័យចិញ្ចឹមសត្វ ធ្វើកិច្ចសហការ រួបរួមគ្នាទំាងអ្នកចិញ្ចឹម អ្នកកាប់ អ្នកផ្គត់ផ្គង់ចំណី និងអ្នកនាំចូល ត្រូវតែកាន់ដៃគ្នាឆ្ពោះទៅមុខ ទើបអាចរកប្រាក់ចំណេញបានទំាងអស់គ្នា។

បើតាម លោកស្រ៊ុន ពៅ កន្លងមកសមាគមធ្លាប់បានជួបជជែកគ្នាម្តងរួចមកហើយជាមួយអ្នកនាំចូល និង ទីសត្តឃាតដ្ឋាន ប៉ុន្តែការអនុវត្តនៅមិនទាន់បានល្អ ដោយសារតែសាច់បង្កកបាននាំចូលមកពីខាងក្រៅវានៅមានចំនួនច្រើននៅក្នុងឃ្លំាង ហើយយើងសង្កេតឃើញសត្វជ្រូករស់ដែលចិញ្ចឹមដោយកសិករ ឬក្រុមហ៊ុនតូច ធំអាចលក់បានថ្លៃជាង ៨ពាន់រៀលក្នុងមួយគីឡូក្រាមកាលចូលឆ្នំាចិន តែមកដល់់សព្វថ្ងៃនេះកសិករអាចលក់បានថ្លៃតែជាង៧ពាន់រៀលក្នុងមួយគីឡូក្រាម ដោយសាររងផលប៉ះពាល់ពីសាច់បង្កកមិនមានមានគុណភាព។

លោក ស៊្រុន ពៅ សង្កត់ធ្ងន់ថា «ចំាមើលដល់ថ្ងៃទី១២ ខែមីនា ឆ្នំា២០២៤ បន្ទាប់ពីផ្អាកបណ្តោះអាសន្នអំពីការនាំចូលចំណែកសាច់បង្កករយៈពេល៦ខែហើយ។ ដូចនេះចាប់ពីខែមីនានេះទៅយើងនឹងទទួលបានសញ្ញាល្អជាបណ្តើរៗ ហើយយើងជឿជាក់ថាយ៉ាងយូរនៅខែមេសាខាងមុខនេះតម្លៃជ្រូករស់នឹងមានតម្លៃសមរម្យដែលឱ្យកសិករអាចទទួលយកបាន»។

បើតាមប្រធានសមាគមអ្នកចិញ្ចឹមសត្វកម្ពុជាបានអំពាវនាវជាថ្មីទៅដល់មន្ត្រីពាក់ព័ន្ធនៅតាមព្រំដែនធ្វើការអនុវត្តទៅតាមអនុសាស្ត្ររបស់សម្តេចធិបតី ហ៊ុន ម៉ាណែត ដែលបានប្រកាសឱ្យមានការរឹតបណ្តឹងលើការត្រួតពិនិត្យមិនឱ្យមានការនាំចូលសាច់បង្កកគ្មានគុណភាព ឬគ្មានលិខិតស្មាមត្រឹមត្រូវពុំអនុញ្ញាតឱ្យនាំចូលមកកាន់កម្ពុជាទេ។ ទន្ទឹមនឹងនេះ សូមអំពាវនាវទៅដល់អ្នកចិញ្ចឹមសត្វក្នុងស្រុកព្យាយាមតស៊ូមួយរយៈពេលទៀតកសិករអាចនឹងមើលឃើញពន្លឺនៅក្នុងវិស័យចិញ្ចឹមសត្វមកវិញ៕
ដោយ៖Long Sareth


វិស័យកសិកម្មទទួលបានឥណទានជាង១ពាន់លានដុល្លារអាម៉េរិក ពីគ្រឹះស្ថានមីក្រូហិរញ្ញវត្ថុ

យោងតាមប្រធាននាយកដ្ឋានទំនាក់ទំនងនសមាគមមីក្រូហិរញ្ញវត្ថុកម្ពុជា បានឱ្យដឹងថា គិតត្រឹមដំណាច់ឆ្នាំ២០២៣ វិស័យមីក្រូហិរញ្ញវត្ថុបានជួយគំាទ្រដល់ប្រជាពលរដ្ឋចំនួនជាង ១,៥៧ លាននាក់ និងបានផ្តល់ឥណទានប្រមាណ ៥,១២ ពាន់លានដុល្លារអាម៉េរិក ខណៈអតិថិជនមានចំនួន២លាននាក់ បានដាក់ប្រាក់បញ្ញើសរុបជាង ២,២ ពាន់លានដុល្លារអាម៉េរិក និងបានផ្តល់ឱកាសការងារជាង ២ម៉ឺនកន្លែង។ លោក កំាង តុងងី ប្រធាននាយកដ្ឋានទំនាក់ទំនងនៃសមាគមមីក្រូហិរញ្ញវត្ថុកម្ពុជាបានឱ្យដឹងថានៅក្នុងឆ្នំា២០២៣ ឥណទានរបស់គ្រឹះស្ថានមីក្រូហិរញ្ញវត្ថុបានផ្តល់ជូន វិស័យកសិកម្មមានជាង ១.០៦៥លានដុល្លារអាម៉េរិក ឬស្មើនឹង ២១,៣%, ពាណិជ្ជកម្មលក់រាយ ១៤,៨% ពាណិជ្ជកម្មបោះដុំ ៤,៤%, សេវាកម្ម ៧,៤%, សំណង់ ៤,២%, សណ្ឋាគារ និងទេសចរណ៍ ៣,១%, ឧស្សាហកម្ម ៣,៨%, ដឹកជញ្ញូន និងឃ្លាំងស្តុក២,៨%, ក្រុមគ្រួសារ ៣១,៣% និងវិស័យផ្សេងៗទៀតប្រមាណ ៧%។ លោកបន្តទៀតថា ឥណទានកសិកម្មក្នុងវិស័យមីក្រូហិរញ្ញវត្ថុ មានកំណើនតិចតួចក្នុងឆ្នាំ២០២៣ បើប្រៀបធៀបនឹងឆ្នាំ២០២២ ខណៈដែលគ្រឹះស្ថានធនាគារមួយចំនួនចាប់ផ្តើមផ្តោតខ្លាំងលើវិស័យនេះ។ យ៉ាងណា កសិកម្មនៅតែជាអាទិភាពសម្រាប់វិស័យមីក្រូហិរញ្ញវត្ថុ ដោយសមាគមបានធ្វើការជំរុញការបង្កើតផលិតផលថ្មីៗ បំពេញតាមតម្រូវការរបស់កសិករ និងអ្នកពាក់ព័ន្ធ រួមទាំងរិះរកមធ្យោបាយដោះស្រាយបញ្ហាប្រឈមនានា។ លោក […]

ក្រុមហ៊ុន Floresta ចាប់ផ្តើមសាកល្បងទិញគ្រាប់ស្វាយចន្ទីស្ងួត១០០តោននៅចុងខែមីនានេះ ដើម្បីនាំចេញទៅជប៉ុន

បើពុំមានការប្រែប្រួលនោះទេ ក្រុមហ៊ុន Floresta របស់ប្រទេសអ៊ីស្រាអែលនឹងចាប់ផ្តើមសាកលល្បងប្រមូលទិញគ្រាប់ស្វាយចន្ទីស្ងួតរបស់កម្ពុជាចំនួន១០០តោន នៅចុងខែមីនា ឬនៅដើមខែមេសាខាងមុន ដើម្បីនាំចេញទៅប្រទេសជប៉ុន ហើយបើគម្រោងទីមួយនេះ ទទួលបានជោគជ័យ ក្រុមហ៊ុននឹងបង្កើនការប្រមូលទិញកើនដល់១ម៉ឺនតោននៅក្នុងឆ្នំា នៅពេលបន្ទាប់។ ឯកឧត្តម ឃឹម ហ្វីណង់ អនុរដ្ឋលេខាធិការ និងជាអ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ មានប្រសាសន៍ ប្រាប់ARDB TV Online ថាគម្រោងប្រមូលទិញស្វាយចន្ទី១០០តោននៅពេលខាងមុខនេះមានឈ្មោះថា CashewNotes សហការជាមួយនឹងក្រសួងកសិកម្ម រុក្ខាប្រមាញ់ និងនេសាទដើម្បីស្វែងរកសហគមន៍កសិកម្មណាមួយផ្គត់ផ្គង់គ្រាប់ស្វាយចន្ទីស្ងួតចំនួន១០០តោនដើម្បីនាំចេញសាកល្បងទៅកាន់ទីផ្សារប្រទេសជប៉ុន ។ ឯកឧត្តម ឃឹម ហ្វីណង់ គូសបញ្ជាក់ថា បើគម្រោងសាកល្បងប្រមូលទិញគ្រាប់ស្វាយចន្ទីស្ងួតចំនួន១០០តោនរបស់ក្រុមហ៊ុនប្រទេសអ៊ីស្រាអែល នាំចេញទទួលបានជោគជ័យ និងមានការទទួលស្គាល់មានលក្ខណៈទូលំទូលាយ ក្រុមហ៊ុនមានគម្រោងពង្រីកការប្រមូលទិញគ្រាប់ស្វាយចន្ទីស្ងួតរហូតដល់១ម៉ឺនក្នុងមួយឆ្នំាំនៅពេលបន្ទាប់។ បើយោងតាមមន្ត្រីនាំពាក្យក្រសួងកសិកម្ម ក្រុមហ៊ុនប្រទេសអ៊ីស្រាអែលដែលត្រៀមប្រមូលទិញគ្រាប់ស្វាយចន្ទីស្ងួត១០០តោន ហ៊ានទិញគ្រាប់ស្វាយចន្ទីរបស់កសិករក្នុងតម្លៃ៦ពាន់រៀលក្នុងមួយគីឡូក្រាម ពោលគឺមានតម្លៃលើសតម្លៃគ្រាប់ស្វាយចន្ទីនៅលើទីផ្សារបច្ចុប្បន្នប្រមាណ២០% តែទាមទាគ្រាប់ស្វាយចន្ទីមានស្តង់ដារ និងមានគុណភាពល្អដូចដែលបានកំណត់នៅក្នុងកិច្ចសន្យារវាងសហគម និងក្រុមហ៊ុន។ ឯកឧត្តម ឃឹម ហ្វីណង់ មានប្រសាសន៍ថា «បច្ចុប្បន្នគម្រោង CashewNotes បានសាកល្បងធ្វើការជាមួយសហគមន៍កសិកម្មសាលាវិស័យស្ថិតនៅក្នុងខេត្តកំពង់ ហើយនេះគឺជាឧទាហរណ៍មួយដ៏ល្អក្នុងការបង្ហាញទៅកសិករក៏ដូចជាវិស័យស្វាយចន្ទីឱ្យឃើញ នៅពេលយើងដំាស្វាយចន្ទីមានគុណភាព មានតម្លៃដើមប្រកួតប្រជែង។ ប៉ុន្តែនៅពេលយើងធ្វើមិនបានតាមស្តង់ដារ ថ្លៃដើមខ្ពស់ […]

ក្រុមហ៊ុនជប៉ុន បង្ហាញបទពិសោធន៍ និងភាពជោគជ័យលើវិស័យកសិកម្មជាង១០ឆ្នំានៅកម្ពុជា

បន្ទាប់ពីបានបណ្តាក់ទុនវិនិយោគអស់រយៈពេលជាង ១០ឆ្នំា នៅក្នុងវិស័យកសិកម្មកម្ពុជា, លោក Nabeshima Katsuhito ប្រធានក្រុមហ៊ុន Yamato Green របស់ប្រទេសជប៉ុនមួយ បានបង្ហាញពីបទពិសោធន៍ បច្ចេកទេស និងភាពជោគជ័យរបស់ខ្លួនដល់ថ្នាក់ដឹកនាំក្រុមប្រឹក្សាអភិវឌ្ឍន៍កម្ពុជា ។ ឯកឧត្តម ហឿន សំនៀង ប្រធានក្រុមអ្នកនាំពាក្យ ក្រុមប្រឹក្សាអភិវឌ្ឍន៍កម្ពុជាមានប្រសាសន៍ថា នៅក្នុងជំនួបពិភាក្សារវាងក្រុមហ៊ុន Yamato Green ជាមួយឯកឧត្តមស៊ុន ចាន់ថុល ឧបនាយករដ្ឋមន្ត្រី អនុប្រធានទី១នៃក្រុមប្រឹក្សាអភិវឌ្ឍន៍កម្ពុជាថ្មីៗនេះ មានគោលបំណង៖ (១) ដើម្បីរាយការអំពីកិច្ចការងារដែលក្រុមហ៊ុន Yamato Green បានវិនិយោគលើវិស័យកសិកម្ម ពិសេសលើការដំាដុះបន្លែទទួលបានផលជាទីពេញចិត្ត, (២) ក្រុមហ៊ុនបង្ហាញពី ភាពជោគជ័យក្នុងនាមជាអ្នកជំនាញ និងជាអ្នកពិសោធន៍លើវិស័យកសិកម្មមកពីប្រទេសជប៉ុន, (៣) ក្រុមហ៊ុនបង្ហាញថាកម្ពុជាមានសក្តានុពលខ្លំាងទៅលើប្រភេទដំណំាអស់នោះ មិនមែននៅតែក្នុងខេត្តមណ្ឌលគិរីនោះទេ នៅខេត្តផ្សេងទៀតក៏មានរសជាតិឆ្ងាញ់ដែរនិង (៤) ដើម្បីជួយឱ្យវិស័យកសិកម្មអាចរីកចម្រើន និងប្រកួតប្រជែងបាន ក្រុមហ៊ុនបានសំណូមពរជាយុទ្ធសាស្ត្រ មកក្រុមប្រឹក្សាអភិវឌ្ឍន៍កម្ពុជា និងស្ថាប័នពាក់ព័ន្ធត្រូវធ្វើអ្វី ដើម្បីទាក់ទាញអ្នកវិនិយោគចូលមកវិស័យកសិកម្មនេះ។ ឯកឧត្តម បញ្ជាក់ថា «ក្រុមហ៊ុនជប៉ុនមួយនេះបានវិនិយោគក្នុងវិស័យកសិកម្មនៅកម្ពុជាយើងមានរយៈពេលជាង១០ឆ្នំា ហើយនៅពេលបច្ចុប្បន្នក្រុមហ៊ុន បានដាំដំណំាជាង៥០មុខនៅក្នុងផ្ទះសំណាញ់ជាង២០ផ្ទះ ហើយផលិតផលរបស់គាត់អាចលក់បានទំាងនៅលើទីផ្សារក្នុងស្រុក និងទីបរទេស […]

ការប្រែប្រួលអាកាសធាតុធ្វើឱ្យប៉ះពាល់ដល់មុខរបរដំាបន្លែរបស់ពលរដ្ឋនៅឃុំអមលំាង ខេត្តកំពង់ស្ពឺ

ប្រធានសហគមន៍កសិកម្ម កសិករសាមគ្គី អមលំាងដែលមានទីតំាងស្ថិតនៅក្នុងភូមិតាកោង ឃុំអមលំាង ស្រុកថ្ពង ខេត្តកំពង់ស្ពឺ បានអំពាវនាវទៅដល់កសិករដែលជាសមាជិករបស់ខ្លួនឱ្យកាត់បន្ថយផ្ទៃដីដំាដុះបន្លែ ហើយងាកមកពង្រឹងការថែទំាបន្លែឱ្យបានដិតដល់ទំាងអស់គ្នា ស្របពេលអាកាសធាតុមានការប្រែប្រួល ធ្វើឱ្យប៉ះពាល់ទៅដល់ការប្រកបមុខរបរដំាបន្លែរបស់ខ្លួននៅគ្រាបន្ទាប់។ បើយោងតាម ប្រធានសហគមន៍កសិកម្ម កសិករសាមគ្គីអមលំាង បានឱ្យដឹងថា បច្ចុប្បន្នសហគមន៍មានសមាជិកសរុប៦០គ្រួសារ ហើយបើដំាបន្លែទំាងអស់គ្នានៅក្នុងរដូវកាលអំណោយផល គឺអាចផ្គត់ផ្កង់បន្លែទៅលើទីផ្សារបាន១តោន ៥០០គីឡូក្រាម។ ប៉ុន្តែសព្វថ្ងៃ កសិករអាចដំាបន្លែបានវិលជុំសម្រាប់ផ្គត់ផ្គង់ទៅលើទីផ្សារ មានចំនួន២៩គ្រួសារ។អ្នកស្រី ទឹម សំណូល បានឱ្យដឹងថា សមាជិកសហគមន៍ដំាបន្លែសកម្មទំាង២៩គ្រួសារ គឺអាចផ្គត់ផ្គង់បន្លែសរីរាង្គទៅលើទីផ្សារក្នុងថ្ងៃមានចន្លោះពី៥០០ ទៅ៨០០គីឡូក្រាម ហើយការប្រែប្រួលបរិមាណបនៃការផ្គត់ផ្គង់ ដោយសារតែអាកាសធាតុក្តៅពេក ធ្វើឱ្យកសិករដំាបន្លែមិនសូវទទួលបានផល ជាក់ស្តែងការផ្គត់ផ្គង់ផ្លែត្រសក់នៅលើទីផ្សារក្នុងពេលសព្វថ្ងៃមានតិចតួច។ អ្នកស្រីបន្តថា សព្វថ្ងៃសមាជិកសហគមមានដំាបន្លែជាចែកជាពីរប្រភេទ គឺមានបន្លែស្លឹក និងបន្លែផ្លែ។ សម្រាប់បន្លែស្លឹកអាចលក់ចេញទៅទីផ្សារមានតម្លៃប្រមាណ២៥០០រៀល និងបន្លែផ្លែលក់បានថ្លៃប្រមាណ១៨០០រៀល ក្នុងមួយគីឡូក្រាម។ ស្របពេលអាកាសធាតុមានការប្រែប្រួល, បើតាមប្រធានសហគមន៍ខាងលើបានឱ្យដឹងថា កសិករ រកបានប្រាក់ចំណូលបានមិនច្រើនដូចឆ្នំាកន្លងទៅនោះទេ ដោយសារកសិករចំណាយផ្លែដើមផលិតបន្លែខ្ពស់ តែនៅពេលប្រមូលផលមកវិញគឺបានបរិមាណតិច។ អ្នកស្រី ទឹម សំណូល គូសបញ្ជាក់ថា «ពាក់ព័ន្ធនឹងការប្រែប្រួលនៃអាកាសធាតុនាពេលបច្ចុប្បន្ននេះធ្វើឱ្យប៉ះពាល់ទៅលើការដាំដុះរបស់កសិករនៅក្នុងតំបន់ ហើយក្នុងនាមជាប្រធានសហគមន៍ ខ្ញុំបានអំពាវនាវឱ្យកសិករកាត់បន្ថយផ្ទៃដីដំាដុះ ឱ្យគាត់ងាកមកពង្រឹងការថែទំាដំណំាទំាងអស់គ្នាវិញ។ បើកសិករនៅតែពង្រីកផ្ទៃដីដំាដុះ តែការមើលថែមិនបានដិតដល់, ប្រភពទឹកស្រោចស្រពមិនគ្រប់គ្រាន់ […]

កាលវិភាគផ្សព្វផ្សាយ