គិតត្រឹមសប្តាហ៍ទី២ នៃខែមករា ឆ្នំា២០២៤នេះ គេសង្កេតឃើញប្រជាកសិករនៅតាមតំបន់មួយចំនួនក្នុងខេត្តតាកែវកំពុងមមាញឹកក្នុងការរៀបចំធ្វើស្រូវប្រំាងរបស់ខ្លួន ឱ្យទាន់និងរដូវកាលទឹកសម្រក។ ជាក់ស្តែងប្រជាកសិកររស់នៅ ក្នុងឃុំសំបួរ ស្រុកទំា្រង ខេត្តតាកែវ មួយចំនួនកំពុងសកម្មជាមួយការងារស្រែប្រំាង ហើយមានសេចក្តីរំពឹងថាឆ្នំា២០២៤នេះតម្លៃស្រូវនឹងនៅតែបន្តលក់បានថ្លៃខ្ពស់ ខណៈដែលប្រទេសនៅក្នុងតំបន់មួយចំនួនរងផលប៉ះពាល់ពីការបម្រែបម្រួលអាកាសធាតុ ពុំអាចធ្វើកសិកម្មរបស់ខ្លួនបាន។
ទាក់ទងនឹងការបង្កបង្កើនផលស្រូវរដូវប្រំាងនៅតំបន់ខាងលើ ប្រជាកសិករនិយមធ្វើការដាំដុះប្រភេទពូជស្រូវ OM និង ពូជស្រូវ 85 ផ្តល់នូវទិន្នផលខ្ពស់ និងលក់បានតម្លៃខ្ពស់នៅលើទីផ្សារក្នុងតំបន់។
កសិករ យ៉ាន់ រិទ្ធ រស់នៅភូមិឃុំខាងលើបានឱ្យដឹងថាក្នុងនាមជាកសិករ តែងតែចង់ឱ្យស្រូវរបស់ខ្លួនលក់បានថ្លៃខ្ពស់ ដើម្បីបានប្រាក់ចំណូលខ្លះសម្រាប់ផ្គត់ផ្គង់គ្រួសារ ស្របពេលដែលមុខទំនិញប្រើប្រាស់ចំាបាច់មួយដាក់លក់នៅលើទីផ្សារមានតម្លៃថ្លៃ។
លោកបន្តថា ក្នុងឆ្នំា២០២៣កន្លងមកនេះ កសិករនៅក្នុងតំបន់ លក់ស្រូវបានតម្លៃមួយខ្ពស់ ហើយរំពឹងថានៅឆ្នំា២០២៤នេះតម្លៃស្រូវនឹងនៅតែរក្សាបានថ្លៃដូចនឹងឆ្នំាចាស់ ឬឡើងថ្លៃខ្លះថែមទៀតគឺកាន់តែល្អសម្រាប់កសិករ។
កសិករ សាន សេត បានឱ្យដឹងថា ស្រូវប្រំាងឆ្នំា២០២៤ នេះបើកសិករអាចលក់បានថ្លៃដូចនឹងឆ្នំា២០២៣ នឹងជួយឱ្យជីវភាពរបស់ប្រជាកសិករមានការរីកចម្រើន តែបើតម្លៃស្រូវធ្លាក់ថ្លៃ កសិករធ្វើស្រែនឹងជួបការលំបាកមិនខាន ព្រោះតម្លៃជី និងថ្នាំគីមីវាមានតម្លៃថ្លៃ។ តែទោះជាយ៉ាងនេះក្តី លោក សាន សេត មានក្តីរំពឹងខ្ពស់ថា តម្លៃស្រូវប្រាំងក្នុងឆ្នំា២០២៤នេះ កសិករប្រហែលជានៅតែអាចលក់បានដូចនឹងឆ្នំា២០២៣។
ចំណែក កសិករ ឃុន ខា បានឱ្យដឹងថា កាលឆ្នំា២០២៣កន្លងទៅ លោកអាចលក់ស្រូវបានថ្លៃចន្លោះពី១ ៣០០ ទៅ ១ ៤០០រៀល ក្នុងមួយគីឡូក្រាមហើយតម្លៃនេះបានធ្វើឱ្យកសិករសប្បាយចិត្តនឹងទទួលយកគ្រប់គ្នា ហើយនៅឆ្នំា២០២៤នេះក៏នៅតែរំពឹងថាស្រូវប្រំាងនៅតែអាចលក់បានថ្លៃដូចឆ្នំាកន្លងទៅ។
នៅក្នុងវិស័យកសិកម្មក្នុងឆ្នំា២០២៤នេះ បើយោងតាម ប្រធានក្រុមប្រឹក្សាភិបាលសហព័ន្ធស្រូវអង្ករកម្ពុជា ឧកញ៉ា សុង សារ៉ន ធ្លាប់លើកឡើងថ្មីៗនេះថាជាង១៥ឆ្នំាកន្លងមកនេះមិនដែលឃើញតម្លៃស្រូវឡើងខ្ពស់ដូចសព្វថ្ងៃនេះទេ ហើយកត្តាដែលនាំឱ្យស្រូវឡើងថ្លៃ៖ (ទី១)- ដោយសារការបម្រែបម្រួលអាកាសធាតុបានធ្វើឱ្យប្រទេសមួយចំនួននៅក្នុងតំបន់អាស៊ីខ្វះខាតស្បៀង ដែលតម្រូវឱ្យ ប្រទេសទំាងនោះត្រូវការស្បៀងស្តុកបម្រុងដើម្បីទប់ទល់ទៅនឹងការបម្រែបម្រួលអាកាសធាតុដែលបណ្តាលមកពីការកើនឡើងនូវកំដៅ។ ជាក់ស្តែងប្រទេសឥណ្ឌូនេស៊ី និងប្រទេសហ្វីលីពីនបានទិញអង្ករច្រើនជាងគេនៅក្នុងតំបន់ ដើម្បីស្តុកទុកនៅក្នុងឃ្លំាង សម្រាប់រក្សាស្ថិរភាពស្បៀងនៅក្នុងប្រទេសរបស់ខ្លួន។ (ទី២)-នៅប្រទេសឥណ្ឌា បានបិទខ្ទប់មិនឱ្យមានការនាំចេញអង្ករ ស របស់ខ្លួនទៅទីផ្សារខាងក្រៅ ក៏ដោយសារតែទទួលរងឥទ្ធិពលពីការបម្រែបម្រួល អាសធាតុនេះ ខ្លាចធ្វើឱ្យទិន្នផលស្រូវក្នុងស្រុករបស់ខ្លួនក្នុងប្រទេសថយចុះ។
ឧកញ៉ា សុង សារ៉ន មានប្រសាសន៍ទៀតថា «យើងគិតថាដល់ឆ្នំា២០២៤ តម្លៃស្រូវអង្ករនឹងកើនឡើងថែមទៀត អាចធ្វើឱ្យមានការខ្វះខាតស្រូវនៅក្នុងត្រីមាសទី១ ព្រោះនៅក្នុងត្រីមាសទី១ដំបូងនេះ ការប្រមូលផលស្រូវរបស់ប្រជាកសិករ មិនទាន់មានគ្រប់ដើម្បីឆ្លើយតបទៅនឹងតម្រូវការនាំចេញរបស់ក្រុមហ៊ុនក្នុងស្រុកបាន។ ដូចនេះការនាំចេញអង្ករនៅត្រីមាសទី១អាចនឹងមានកំណើនតិចតួច ប៉ុន្តែនៅត្រីមាសទី២ ដល់រដូវប្រមូលផលស្រូវប្រាំងចូលមកដល់យើងនឹងជំរុញការនាំចេញឡើងវិញ»៕
ដោយ៖ Long Sareth
